ضيفتنا على كرسي الاعتراف Bubblegum (1 زائر)

[RO-CHAN]

1- هذا الموضوع مُخصص للأسئلة فقط
2-أي ردود دردشة أو عدم وجود أسئلة بها للضيف ستُحذف
3- عدم التدخل في الأمور الشخصية للضيف إلا إذا سمح بذلك
4- التحلى بالأخلاق والاسلوب اللطيف فهي مجرد لعبة للتسلية
5- حاولوا قدر الإمكان عدم تكرار الأسئلة حتى لا يشعر الضيف بالملل
6- مدة استضافة الضيف أسبوع فقط من تاريخ فتح الموضوع وجلوسه على الكرسي
الالتزآم بالقوآنين اجبآري

السلام عليكم ورحمة الله وبركاته
كيفكم ؟ ان شاء الله بخير يآرب
ضيفنا لهذا الأسبوع ببرنامج كرسي الإعتراف :
@Bubblegum

​

 

[SKY NET]

يا اهلا وسهلا بضيفتنا

• إن كنت شخص آخر، فمن تتمنى أن تكون؟
• ما هو أكثر موقف أثر على تكوين شخصيتك؟
• اذكر لنا موقف سواء كان جيد أم سئ لا تستطيع نسيانه أبداً؟
• متى شعرت باليأس، وعدم الرغبة في مواصلة الحياة؟
• ما هو أكثر موقف شعرت فيه بإحراج شديد؟
• ما هي السعاده في رأيك ؟
• الى أي درجه تشعر بالرضا عن نفسك ؟
• صفه تتمنى لو لم تكن لديك ما هي ؟
• اذا تم تعيينك رئيسه لدوله ما هي اولى خطواتك فيها ؟

 

[Dewdrop]

هلا والله بيبي

1- تتغير نظرتك للشخص اذا عرفتي ماضيه ؟
2- كلمة انقالت لكِ وما نسيتيها ؟
3- شي يسيطر على تفكيرج هالفترة ؟
4- صفات بنفسك ما تحبيها وودك تغيريها ؟
5- أكثر 3 اشياء مهمة بحياتك ؟
6- تعاملين بالمثل ؟
7- ماهي مُحسنات مزاجك ؟
8- شيء حاولتي تغييره ولم تنجحي ؟
9- مهارة تتمني ان تتعلميها ؟
10- أكبر مخاوفك ؟

-

 

[خَوْد]

@SKY NET

يا اهلا وسهلا بضيفتنا
يا اهلاً فيك ?، بصراحة اسألتك صعبة والجواب عليها
رح يخليني ادخل على حياتي الشخصية بس انشالله ماجيب العيد ??

• إن كنت شخص آخر، فمن تتمنى أن تكون؟

امي وبس ?

• ما هو أكثر موقف أثر على تكوين شخصيتك؟

شخصيتي طلعت هيك بدون اي مواقف

اذكر لنا موقف سواء كان جيد أم سئ لا تستطيع نسيانه أبداً؟

كان عندي صديق يعتبر توأم روحي على اد ماكنا قراب من بعض كنا نفهم بعض من نظرة ??. واحلى شي لما كان يقدمني لرفقاتو ويحكيلن هي ماي بيست بيست فريند واخر فترة صار يقدمني ويحكي ماي سول ميت. عنجد احلا المواقف هي وخاصتا لما يقدمني لبنات هن معجبين فيه وبغاروا وبفكرونا مرتبطين ???? بحس اني سبيشل ايديشن وعندي جناح خاص بقلبو اما الباقي لا ?

• متى شعرت باليأس، وعدم الرغبة في مواصلة الحياة؟

قبل ما اجي المانيا بكم اسبوع. حسيت العيشة بالجحيم ارحم
من العيشة الي كنت عايشتها هداك الوقت. بس الحمدلله الله فتحها
بوجهي و عطاني حياة جديدة لحتى بلشها ?

• ما هو أكثر موقف شعرت فيه بإحراج شديد؟

بصراحة مافي شي ببالي وانا من النوع الي نادر مايصير معها مواقف محرجة او مواقف بشكل عام ?

ما هي السعاده في رأيك ؟
كون عايشة ببلد او منطقة كل الي بحبن جمبي. في بحر جمبي
واقدر اركض ع البحر. و العب سكيت. وروح ع الجم اهلي جمبي وفرحانين
كون ناجحة بحياتي و بجامعتي. هي السعادة المعنوية طبعا

الى أي درجه تشعر بالرضا عن نفسك ؟

١٠/٨

صفه تتمنى لو لم تكن لديك ما هي ؟

اكتر من صفة. العصبية والنرفزة السريعة واتخاذ قرارات السريعة

• اذا تم تعيينك رئيسه لدوله ما هي اولى خطواتك فيها ؟

انا مابحب لا القيادة ولا الرئاسة ولاني مابحبا ف مابعرف شو الاحسن للدولة ??. بس برأي افتح فيها محلات كتير للحلويات
والاكل ???

[/QUOTE]

 

[خَوْد]

@A n n e ✦

هلا والله بيبي
اهلا فيكي ياحلوة ??

1- تتغير نظرتك للشخص اذا عرفتي ماضيه ؟

اذا تغير في الوقت الحاضر مابهمني. بس كالعادة الحياة فيها حالات شاذة وفي اشياء لا يغتفر لها حتى لو كانت بالماضي. بتجي متل لعنة على حياة هالشخص.

2- كلمة انقالت لكِ وما نسيتيها ؟

لما مرة حبيت من كل قلبي وبالمقابل اجاني هالرد:
انا ما حبيتك

3- شي يسيطر على تفكيرج هالفترة ؟

شخص وليسَ شيء

4- صفات بنفسك ما تحبيها وودك تغيريها ؟

العصبية و النرفزة و القرارات السريعة. واني بتعلق بالاشخاص بسرعة و نيتي دايما بتكون طيبة . نكتفي بهل قدر من الفضايح ??

5- أكثر 3 اشياء مهمة بحياتك ؟

الاكل. النوم. النت
وفي ترتيب تاني
البحر. السكيت. الجم

6- تعاملين بالمثل ؟

مرات لا. الناس متل بصمة اليد. مابتزبط نفس القاعدة على اكتر من شخص

7- ماهي مُحسنات مزاجك ؟

الموسيقى المفضلة عندي ، وهيك قعدة تكون بعد شاور
لاني اكتر محسنات مزاجي هية الريحة الطيبة والفرش ??
وجو هادي لاني مابحب الضجة. ف كتير مرات بحب اسهر لما اهلي يناموا . والقعدة ع الشط خاصتا بليل لا شوف حدا ولا حدا يشوفني. اتمشى بالسيارة بليل لما مايكون في حدا بالشارع. اتزلج و خلي الهوا يجي ع وشي ???

8- شيء حاولتي تغييره ولم تنجحي ؟

صفة الطيبة الي فيني. حاولت كون قاسية ولو شوي على الي حولي وبالاخص الي رح يتعرفوا علي جديد بس ماقدرت. بحس هي الصفة غالبة علي حتى كتير ناس قالوا قبل مايتعرفوا علي انو مبين من وجهي اني ع نياتي وطيبة ? < طبعا شايسة ??

9- مهارة تتمني ان تتعلميها ؟

مممممم التزلج على الجليد. صح انو الي بيعرف يتزلج ع الشارع بيسهل عليه التزلج ع الجليد بسبب خفة الوزن. بس في حركات رشيقة حابة اتعلمها وطبعا مافي امل بنوب من هالناحية لانو ابسط حركة بوجهي ع المستشفى قسم العظام ??

10- أكبر مخاوفك ؟

اني اكبر وضل لحالي. الوحدة شيء فظيع ?.
??

 

[Yarrow]

1- إنطيني كلمة بالألمانية و ترجمتها ؟
2- مغنيكِ المٌفضل ؟ وليش ؟
3- أكثر شي مُمتع صار لكِ بالمانيا ؟
4- بالأعمال الجماعية ، غالبًا تكونين القائد او لا ؟
5- إنطباعك الأول عني
6- لو كانت شخصيتكِ وعاء ، بأي صفات راح تمليها ؟
7- لهجة تحبيها ؟
8- برأيك .. متى لازم نتكلم عن الماضي ؟ < يارب سؤالي مفهوم
وبس والله ​

 

[خَوْد]

1- إنطيني كلمة بالألمانية و ترجمتها ؟

sweetheart - schatz
شاتس - حبيبتي

2- مغنيكِ المٌفضل ؟ وليش ؟

هية فرقة ميتل اسمها Avenged Sevenfold
واختصارها A7x ومغينها الرئيسي اسمو M Shadows
لاني هالفرفة اغانيها لامست قلبي وكانت تشرح
معاناتي لما كنت صغيرة وكانت تفرغ غضبي فيها
+ اغانيهم الها معاني عميقة. و ام شادوز صوتو بيوصل
لقلبك ب اول ١٠ ثواني خاصتا ب اغنية so far away
لما غناها لصديقه الي توفي. رح تحسي الحزن بصوتو ?

3- أكثر شي مُمتع صار لكِ بالمانيا ؟

اعيادهم وخاصتاً راس السنة و احتفالاتهم متل في عندهم احتفال مشهور بسموه ( اكتوبر فيست ) ويعني بالعربي مهرجان اكتوبر. بيلبسوا فيه تياب غريبة وبكون في مليان اكل عن نفسي كنت روح عليه مشان اكل بس ? وعيد الهالوين الي حسيت عنجد ممكن تشوفي مناظر غريبة ومخيفة هون خاصتا من الولاد الصغار. و كذا مرة ولاد دقوا باب البيت مشان اعطيهم سكاكر ????. وهاد غير حفلاتهم المفتوحة بالصيف ?


4- بالأعمال الجماعية ، غالبًا تكونين القائد او لا ؟

الاعمال الجماعية قصدك بالمنتدى؟ اذا بالمنتدى مابعرف بس بشكل عام
بحاول اني تابع الاعضاء الي بيشتغلوا معي ف هالشي مابعرف لو معناه اني قائد

5- إنطباعك الأول عني

كب كيكة صغنونة ومليانة سويتنس ????

6- لو كانت شخصيتكِ وعاء ، بأي صفات راح تمليها ؟

اعرف ساير الناس وكون سياسية حتى لو الشخص الي قدامي
عكس تفكيري. اني اقدر اتعامل مع الاشخاص الي انا بكرهن
لانو هالشي ببين ع وشي دايركت وهي نقطة ضعفي??.

7- لهجة تحبيها ؟

كنت حب الاماراتية بس بعد ماطلعت هلأ بطلت حب ولا لهجة
حتى السورية مدري صارت كل اللهجات نفسها بالنسبة الي

8- برأيك .. متى لازم نتكلم عن الماضي ؟ < يارب سؤالي مفهوم


لما نفضفض. وللعلم هاد سلاح ممكن يقتل اذا كان المستمع غير جدير بالثقة ??

وبس والله
​

 

[الزمـردة]

هلا هلا هلا باللي متربعين على الكرسي
كيفك ؟ ان شاء الله امورك تمام وما تشكين من شي

عندي اسئلة عشوائية ويمكن ما عندها علاقة ببعض

1- لو تجيك فرصة السفر لبلد ، ايش هو البلد اللي بتسافرين له
2- اعطيني 3 اطباق تحبينها ، و 3 انواع حلى تفضلينها ، و 3 انواع حلويات او شقاليط عالمية تفضلينها ورتبيعم حسب مكانتهم ف قلبك ، او معدتك مدري عاد XD
3- ايش هي اكبر مخاوفك ؟
4- لو تتخيلين نفسك منا ل 5 سنين قدام ، كيف تتخيلين حياتك بتكون ؟
5- ستايلك فاللبس كيف ؟
6- تفضلين احذية رياضية خفيفة ولا احذية كلاسيك بكعب وكذا
7- ايش هو السكين روتين حقتك ؟ سواء قبل النوم او بعده
8- مين هو يوتوبرك الاجنبي المفضل ؟
9- مين هو يوتوبرك العربي المفضل ؟
10- ايش هو اكثر شي تتفرجينه باليوتوب ، diy , survival videos ، موكبانغز ، asmr ..... الخ
11- هل انت اوتاكو ؟ او انسان يتفرج انميات بشكل عام ؟
12- كيف حتى قررتي تتفرجين بليتش ؟ حدا نصحك فيه ولا خر على بالك فجأة
13- لو تجيك فرصة انك تصيرين ادرية ، تقبلينها او ترفضينها ، السبب ؟
14- ايش اكثر شي يعجبك في انمي تون ؟
15- شي ودك تغيرينه في انمي تون ، يعني شي مش عاجبك ، احكي بكل روح رياضية << لو تقولين نطرد ستيلا انتف حواجبك
16- لما تقررين اكل سيريال ، ايش تسكبين اول فالصحن ، السيريال او الحليب
17- هل سبق وجربتي نكهة الشوكولا مع الموز وزبدة الفول السوداني ؟ اذا ما جربتي اقول لك راحت عليك ، جيبي بنانا خطسيها ف شقليطة ذايبة وحطي عليها دريزلز من البينات باتر ثنك مي لايتر ، بس لا تدعي علي لو زاد وزنك بسببها
18- تفضلين اكثر مالح ولا حلو ؟
19- اعطيني اغنية تذكرك فيني اختاري وحدة ،
20- بيبيه سنجلة ولا مربوطة ، قصدي مرتبطة
21- ايش هو اختيارك للافلام ، التصنيف يعني .
22- لعبة مدمنة عليها ؟
23- ايش هي نقطة ضعفك ؟
24- ايش هي نقطة قوتك ؟
25- شخصية ديزني المفضلة عندك ؟
26- سوبر هيرو مفضل عندك ؟
27- ايش مبدئك فالحياة ذي ؟

هنا ونوقف صح ؟
يثمكن ارجع بغيرهم ، هو نوز

 

[Y u к i «]

" السلآم عليكْم ق8 "

أهلآ ( Bubblegum ) ؟! كْيفكْ ؟! إن شآء الله تمْآمْ . . "
مَنوورةة آلكْرسي . . ق8 "

يَ آلله نبُــــدًأً . . "

1 - سبب اختيآرك لأسمم ( Bubblegum ) ؟؟
2- صــفي نفســـك بكلمتيـــن فقـــط ؟؟
3- مآهي حكمتك بالحيآة ؟؟
4 - مآهو لونك آلمفضل ؟؟
5- حلمك في الحيآة ؟؟
6- من هو توأم روحكِ؟؟
7- مآهي الأشياء التي تسبب لكِ حالة من السعآدة ؟؟
8- مآ هو أكثر شيء تنفقين عليه أموآلك ؟؟
9- مآ هو تآريخ اليوم الذي لا يمكنك نسيآنه أبدًا ؟؟
10- مآ آسم الأغنية آلتي تصف مشآعرك هذه الفترة ؟؟


وبًـسُ كافي أسئلةة ^^. . . !!
أنْ شآء الله كْآنت ممتعه =$" . . "


​

 

[خَوْد]

@S T E L L A

1- لو تجيك فرصة السفر لبلد ، ايش هو البلد اللي بتسافرين له

البرازيل ?❤❤❤❤❤❤

2- اعطيني 3 اطباق تحبينها ، و 3 انواع حلى تفضلينها ، و 3 انواع حلويات او شقاليط عالمية تفضلينها ورتبيعم حسب مكانتهم ف قلبك ، او معدتك مدري عاد XD

بحب اكلة اسيوية مابعرف اسما بكون فيها شرحات لحم مع صوص لونو اسود وجمبا نودلز??? و بحب الملوخية و الاكل البحري

بحب الكب كيك وخاصتا الي بكون محشي من جوا و الكيكة تكون طرية مو قاسية. بحب البوشار بالكراميل طبعا مو اي بشار ، انا قصدي عن البوشار الي بتسويه السنما وبكون ساخن وفرش. بحب صينية المارشميلو بكون تحتا طبقة نوتيلا وبتنحط بالفرن وبتتاكل مع بسكوت ????

بحب شوكولا ميلكا milka هي المانية يمكن بس ماشفت منا بالامارات طعمة الشوكولا فيها بتجنن. و بحب كيندر و ام اند امز وخاصتا الحجم الكبير الي مابيخلص?????

3- ايش هي اكبر مخاوفك ؟

انترك لحالي والي بضحك انو اغلب الوقت لحالي ?

4- لو تتخيلين نفسك منا ل 5 سنين قدام ، كيف تتخيلين حياتك بتكون ؟

ناجحة مليون بالمية وبراهن على هالشي. يعني ان شاء الله رح كون عم اشتغل وساكنة لحالي يعني مستقلة ماديا. و عندي حب حياتي يعني مو ناقصني شي.

5- ستايلك فاللبس كيف ؟

ماعندي شي معين يوم بكون كلاسيك ويوم سبورتية ويوم كأني طالعة من حرب ايلول ?????? بس اكتر شي سبورتية لاني اغلب الحياة ب المانيا مشي ومواصلات

6- تفضلين احذية رياضية خفيفة ولا احذية كلاسيك بكعب وكذا

من وانا صغيرة كان ميولي للأحذية السبورتية ومو اي احذية. الاحذية الي بتكون ليميتد ايديشن او شكلا غريب وجمعت لحد الان ٦ احذية من هالنوع ? بس هاد مابيعني اني مابحب الكعوب بلى بعشقها والها ستايلها بس المانيا مابتشجع انو الواحد يلبس كعب?

7- ايش هو السكين روتين حقتك ؟ سواء قبل النوم او بعده

ماعندي هههههههه بس من شهر لشهر بسوي تنضيف كامل فيشل و ماسك عدا عن هيك مابسوي ماعندي هالفوبيا لانو طبيعة بشرتي مابطلع حبوب او بكون فيها تشأبات و تعودت اتشمس والشمس كانت تحل ٩٩٪؜ من مشاكل البشرة

8- مين هو يوتوبرك الاجنبي المفضل ؟
9- مين هو يوتوبرك العربي المفضل ؟

انا مابتابع مشاهير لا ع اليوتيوب ولا ع الانستا ولا على اي مكان تاني

10- ايش هو اكثر شي تتفرجينه باليوتوب ، diy , survival videos ، موكبانغز ، asmr ..... الخ

بتفرج على فديوات الاغاني او اذا بدي شوف كلمات غنية. مرات طريقة رسم شي معين. مرات درس بالفوتو وهيك بس بشكل عام مافي شي معين

11- هل انت اوتاكو ؟ او انسان يتفرج انميات بشكل عام ؟

انا بحضر انمي صح بس مابعتبر اوتاكو يعني صح بعرف كم من انمي وهاد ما بأهلني انو تسموني متابعة الهم ??

12- كيف حتى قررتي تتفرجين بليتش ؟ حدا نصحك فيه ولا خر على بالك فجأة

والله سمعت فيه من زماااااااان وماخطر ببالي احضرو لحد اليوم الي شاركت فيه مع فريق التصميم بمشروع الفريق تبع be proud و ماكان عندي خيارات بالانمي كتيرة لاني ماعندي خبرة بالانمي فقامت كارمي رئيسة الفريق ب اختيار الانمي والمانجا الي رح اشتغل عليه وكان بليتش. وشي طبيعي لما بدي اشتغل ع انمي وخاصتا ك رمزيات لازم كون عارفة الشخصيات ف اضطريت اني احضر كم من حلقة من الانمي مشان اعرف شو الشخصيات ووقعت بحب الانمي. وكنت رح اسحب ع المشروع بسبب انو الانمي اخد كل وقتي ههههههههههههههههههههههههههههههههههہَ هُ وكنت مخلصة ٥٠ حلقة قبل ما بلش بتصاميم الموضوع ?????

13- لو تجيك فرصة انك تصيرين ادرية ، تقبلينها او ترفضينها ، السبب ؟

برفضها. لاني حكيت قبل اني مابحب دير شي ولا كون رئيسة لشي
هو مو مجرد لون باخدو وخلص. كل لون الو هيبة وكل درجة هيبة الها مسؤوليات. وانا هلأ مشرفة عامة لاني متسلاية وماعندي لا شغلة ولا عملة ومابحب هالشي يصير اجباري ك مسؤولية. وقريباً رح اترك الرقابة لانو دراستي قربت

14- ايش اكثر شي يعجبك في انمي تون ؟

الاداريين سكرة بينحطوا ع الجرح بطيبوه واهم شي ب اي منتدى تكون واجهتها حلوة والي هم الادارة

15- شي ودك تغيرينه في انمي تون ، يعني شي مش عاجبك ، احكي بكل روح رياضية << لو تقولين نطرد ستيلا انتف حواجبك (:

المنتدى بشكل عام مية مية ماعليه اي كلام والله يكتر خير كل الي الهن بصمة بهل المنتدى والموقع الجميل ? بس في شغلة صغيرة انتبهتلها هون من اول ما سجلت انو في بعض الاعضاء بياخدوا الكلام بحساسية زايدة ف كنت بتمنى لو حسهم الزايد هاد يتركوه ع جنب لانو نحن سجلنا بهل منتدى مشان نتسلى و نتعرف ع صحبة حلوة و نكون عالم تاني مو مشان نحكي مع فلان وعلان مشان نوضح قصدنا الي هو بالاساس نيتنا فيه صافيةة . في اعضاء اخدين جو لحالهم ؟ و جنب خاص فيهم . . اذا انتوا هيك من الاساس ليه سجلتوا ب انمي تون اذا انتوا حساسين بزيادة ؟

الزبدة انو انا و غيري ماننا متفيقين نشرح لفلان و علان نيتنا ( الصافيةة ) اذا هو او هي عندهم سوسة بنواياهم . .

+ بالاساس المنتدى بدونك مو حلو

16- لما تقررين اكل سيريال ، ايش تسكبين اول فالصحن ، السيريال او الحليب

الحليب بعدين السيريال ولا تساليني ليه?????

17- هل سبق وجربتي نكهة الشوكولا مع الموز وزبدة الفول السوداني ؟ اذا ما جربتي اقول لك راحت عليك ، جيبي بنانا خطسيها ف شقليطة ذايبة وحطي عليها دريزلز من البينات باتر ثنك مي لايتر ، بس لا تدعي علي لو زاد وزنك بسببها

ماجربتا بس شكلي رح جربها ??

18- تفضلين اكثر مالح ولا حلو ؟

حلو

19- اعطيني اغنية تذكرك فيني اختاري وحدة ،

هي و مافي غيرها ولاتنسي تهزي راسك

20- بيبيه سنجلة ولا مربوطة ، قصدي مرتبطة

مربوطة ???

21- ايش هو اختيارك للافلام ، التصنيف يعني .

اول شي الخيال العلمي. اكشن. كوميدي. تاريخي. حرب.

22- لعبة مدمنة عليها ؟

كنت مدمنة كلاش اوف كلانز هلا ( انا كبرت على هالشغلات ) طبعا no offense ???????????

23- ايش هي نقطة ضعفك ؟

اني بتعلق بسرعةة < هو اكيد انا ماني قرد

24- ايش هي نقطة قوتك ؟

لما حط شي براسي بسويه بأي طريقة كانت

25- شخصية ديزني المفضلة عندك ؟

اريل اكيد بسبب انها حورية و لون شعرها الاحمر و قصتها بالبحر و هيك و انا عشقي البحر و جوهم

26- سوبر هيرو مفضل عندك ؟

اكيد سوبرمان و مافي غيرو بضل الاصل

27- ايش مبدئك فالحياة ذي ؟

العالم لا يتسع للضعفاء, لذا كن قوياَ
+
انهض بعد السقوط
+
الحياة لا تقف على احد

هنا ونوقف صح ؟
يثمكن ارجع بغيرهم ، هو نوز

تسلميلي يا عسل على هالاسئلة عنجد استمتعت فيهم كتير
​