4AM (1 زائر)

[Cyber ✧ A C E]

السلام عليكم ،
قررت ابدا اتدرب ع الرسم بجديه من اليوم
عشان اطور نفسي ، حالياً ابي اركز ع الوجه رسم الوجوه و الوربتريت لانها
اكثر شي احب ارسمه و تعبت من اكثر ما ارسم وجوه مشوهه هههههه ،،،
كتبت لسته النقاط الي بركز على كل عنصر واحد واحد من الاساسيات
و بعد كتبت مواضيع عشوائيه للرسم عشان ارجع لها كل مره اقول لنفسي " ما اعرف شنو ارسم " ?
المهم ، ، هذا تحدي كتبته لنفسي و بشارك هنا سكتشاتي في المدونه ، ، ،
اي شخص يفكر يشارك معاي او يستعمل هاللسته سوو let me know
على فكره مو شرط اني امشي عليها بالترتيب او اني ارسم كل شي اهم شي اني ارسم اكثر

​

✏ الاساسيات :

Eyes Study ?
Portrait +

Nose and lips ?
Portrait + ?

Hair and Face?

Front View/Side View/ 3/4 View

Full Portrait Study?

Male Faces Studies?

Female Faces Studies?

Plants And Flowers?



✏ مواضيع للرسم :

Female Game Character ?

Male Game Character ?

Scene or Landscape ?

Screenshot redraw from a MV ?

Screenshot redraw from a Game ?

Screenshot redraw from an Anime ?

Animal Sketches ?

Female Disney Character ?

Male Disney Character ?

Female Anime Character ?

Male Anime Character ?

Pokemon Trainer ?

Pokemon ?

Female Kpop Idol ?

Male Kpop Idol ?

Female Celebrity ?

Male Celebrity ?


​

​

 

[Cyber ✧ A C E]

Eyes Study ?
Portrait +

اليوم بديت اتدرب على رسم العين اول شي طبقت على هالفيديو
وكان جداً ممتاز ، بس يا حسيته شوي يمشي بسرعه

بعدها حاولت ارسم مع هالفيديو بس النتيجه ما عجبتني لان احسه
ستايل الرسامه اكثر من ما يكون واقعي . . . و حركه الاشكال و الدوائر ما فهمت لها
غير جي انها ترسم بقلم و حبر بدون تظليل

المهم ، هذا الي طلع معاي اليوم ، شفت اكثر من صوره و حاولت ادرس شكل العين
كان المفروض ارسم شخصيه بعد اليوم بس ما كان لي مزاج .




،،،​

 

[Cyber ✧ A C E]

Drawing Updates

من يومين كنت احاول ارسم شخصيه لنك من لعبه
Zelda BOTW
دخلت ارسم مع حد، رسمتي الي ع اليمين ،، مهما كنت احاول كان ما يشبه لنك ابداً

بعد ما تعلمت رسم العين قررت امس اتدرب و ارسم وجهه
و خليته ابيض و اسود عشان ما افكر في التلوين و اركز ع الشكل بس
امس ما كنت في مود الرسم ف كنت ارسم بالغصب ، not my best
بس ع الاقل حاولت . . . و النتيجه اشوفها مقبوله .




. . .​

 

[Cyber ✧ A C E]

توي كتبت عن المنتديات الي كنت فيها سابقاً . . .
و قعدت ابحث عنهم لا ربما اجد احد اصدقائي يبحث مثلي ...
للاسف لم اجد اي شيييييء شي حزين . . في يوم من الايام
في موقع من الموقع مجتمعات من الناس كرست وقت و جهد في المواضيع
و تبادل الاراء و كان في تواصل مستمر بيننا كلنا ، فجآه كل شي يختفي
و يتلاشى في لحظه . . . و بعد 10 سنين ما احصل لي دليل على الذكريات الي كنت اعيشها
في هالمنديات و الموقع ؟ ؟ ؟ ؟ . . . جربت موقع تايم مشين عشان اشوف اذا في ارشيف
او اي سكرين شوت مخزن . . . . و حصلت هالصوره :




خنقتني العبره و انا انقرا اسماء المواضيع و اسماء الاعضاء، للاسف ما قدر افتحهم
لان مافي ولا صوره تحملت . . . بس لسبب من الاسباب اقدر تخيل شوي شكل الموضوع من داخل
. . . اتذكر قسم دروس الفوتوشوب هو كان قسمي المفضل و من هنا بدت مسيرتي في تعلم الفوتوشوب
و كان اكبر من هوايه بالنسبه لي ، كنت احلم اني اشتغل ك مصمم ، ، ، ، ،
بعدها تخصصت ك قرافيك دزاينر و الحمد الله تخرجت ، ، فعلاً شي يخنق العبره لما كنت اتذكر نفسي
و انا اطبق دروس الفوتوشوب في منتدى ملكه الانمي ، ما كنت بتصور اني بحقق هالشيء الي اعيشه اليوم
Im so proud of myself and my hard work و ان شاء الله احقق احلام اخرى قد نسيتها

بس الحين بعد ما قريت اسماء الاعضاء قاعد افكر هذول الناس وينهم الحين و شخبارهم
هل هم نفسهم ام تغيرو ؟ هل عندهم نفس الاهتمامات ام تغيرت . . . ؟ اتمنى يوم اني اجد
احد الي صادقت و اتواصل معاهم مثل قبل . . . والله وحشتني هالايام

، ، ،​

 

[Cyber ✧ A C E]

دايماً لما احاول اقرأ كلام انا كتبته احصل اخطاء املائيه ص0
او اني الخبط بين الحروف ، ، ، و ما الاحظ الا عقب . . .
I guess I might have dyslexia or something

:dyslexia​

1. a general term for disorders that involve difficulty in learning to read or interpret words, letters, and other symbols, but that do not affect general intelligence.​

 

[Cyber ✧ A C E]

 

[Cyber ✧ A C E]

Nose and lips?
Portrait +

السلام عليكم اليوم جربت اتعلم رسم الانف و الشفاه
تابعت فيديون من نفس الرسام الي علمني ع رسم العين
بصراحه هو زين بس نفس ما قلت سريع و ياريت لو يتعمق في الشرح اكثر
لانه ما يتكلم وايد بس يرسم و انا احاول اقلد . . . المهم هذي هي الفيديوات

وهذا الي طلع معي :



و بعدين قررت اني اجرب ارسم بورتريه و استخدم الاشياء الي تعلمتها
هذي الي صوره الي تدربت عليها ،

محتوى مخفي: Reference

رسمت بس الملامح لاني لحد الحين ما تعلمت رسم الشعر او الاذن
احسه انها تفي بالغرض نوعا ما ، ، ، بس واضح ان في شي غلط
في تقسيم الوجه . . .



حاولت اعدل ع الملامح باداتي المفضله في الفوتوشوب الي هي ليكويفاي تول
و غيرت شوي اماكن الملامح ، حطيت كمن تآثير. . .




هذي شكلها مع الادت و في الحقيقه ،،، عشان تشوفون الفرق
بما اني ما تعلمت رسم الوجه ككل توقعت اني ما اضبطه
لكن من ناحيه الملامح عين/فم/انف شكله تمام . . .





نراكم في ابديت آخر »​

 

[Cyber ✧ A C E]

​

اكره فكره الهدايا في المناسبات لاني ولا مره جتني هديه واسعدتني
لما يكون عيد ميلاد احد اعرفه اتردد بعدين اقول في نفسي، خل احط نفسي مكانهم
اكيد بيفرحون وكذا و انهم يستاهلون و بشتري لهم . . و اغلب الاوقات اصرف على هذي الهدايا
صاري لي موقفين هم الي فعلاً كرهوني في فكره الهدايا هذي

مره صديقي الي اعرفه من 6 سنوات كان يوم ميلاده و صرفت مبلغ كبير ع هدايا سويت له
علبه و فيها اكثر من شىء عطر و ملابس و chocolate غالي . . . و بعدها بكم سنه صادف انه
يوم ميلادي و طلعنا و عطاني علبه انا فرحت و توقعاتي كانت عاليه خصوصاً بعد الي عطيته من قبل
فتحت العلبه قبل ما انام و فعلاً انصدمت . . . . كل الاشياء الي داخل كانت مستعمله ص0
و فوق كذا هالشخص مو من النوع الي تقولون يمكن ما يقدر يشتري ،، بالعكس دايماً يطلع و يكشخ
كان فيه قميص و من كثر الغسيل صار يابس و الوانه راحت . . .
هذا اكثر شي صدمني و بعدها تغيرت وجهه نظري له. ، من الآخر يعني that was disgusting
and i was so disappointed that he had the audacity to give me his trash as a gift
من بعدها قطعت علاقتي معاه لاني عرفت ان من الواضح اني ما اعني له الكثير . . . .

ثاني قصه كانت شخص قريب لي من عائلتي ، ، ، نفس الشي صرفت مبلغ على الهديه و فوق هذا
كان وقت فاينالز في الجامعه و مع ذالك فكرت و قلت خلني اسعده فيوم ميلاده يمكن محد يعطيه وجه غيري اصلاً . . .
و فعلاً فرح وشكرني عليها ، ، ، ، و نفس السنه يوم ميلادي عطاني كرت بس بدون فلوس بس ورقه مكتوب عليها "كل عام وانت بخير"
ص0ص0ص0 يعني الواحد لما يحاول يصير طيب الناس ابداً ما تساعد ولا تقدر ، ، I really hate myself for being nice
وبس من بعدها تعلمت ان من الواضح اني مولود في المكان الغلط في الوقت الغلط
cause apparently no one appreciates my existence

 

[Cyber ✧ A C E]

السلام عليكم

امس تابعت فلم محبه فنست ، الفلم عن قصه موت الفنان فنست فان جوه
الي من اشهر اعماله لوحه starry night ، الفلم يتكلم عن قصه شخص
بيوصل رساله في نفس المدينه الي مات فيها الفنان ، و يتكلم مع اناس الي
الي عايشين فيها و يعرفون عنه و يقعد يحلل موته اذا كان انتحار ام قتل
القصه مو ذاك الزود بس خفيفه يعني ، و اهم شي في الفلم الVisuals
الفلم عباره عن انميشن و احتاجوا 100 رسام يرسم كل فريم من الفلم عشان يكون
بستايل الفنان فان جوه ، ، حرفياً كل فريم من الفلم كأنه لوحه يعني فعلاً ابدعوا فيه
الفلم visually entertaining هو فعلاً ممتع للعين الخطوط شلون تتحرك و الالوان ، فعلاً فلم جميل
هذي بعض اللقطات من الفلم

هذي الطريقه الي سوو فيها الفلم , صوروه مع ممثلين و كل شي و بعدها ارسموا و فوق التصوير

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ثاني فلم الي تابعته اليوم كان هو Mutafukaz

يوم شفت الموضوع في المنتدى قلت why not شكله غريب و ستايله جديد
( Mutafukaz [Bluray] || فيلم موتافكاز ) هنا الموضوع
الانميشن عباره عن خليط من الانميشن الياباني والفرنسي ، انا تابعت من قبل
انميشن فرنسي و واحد منهم انمي Wakfu و بصراحه بعض الايام اشوف الانميشن
الفرنسي يتفوق بمراحل على الياباني من ناحيه الافكار الجديده و الرسم و الاضاءه و الخامات
هالشي نادر في الانميات اليابانيه . . . المهم .....
من اكثر الاشياء الي اعجبتني في هذا الفلم هو الدبلجه موؤديين الاصوات مناسبين للشخصيات
و اعكسوا كل المشاعر الموجوده فيهم بطريقه ممتازه .
حبيت اكثر شي شخصيه الجمجمه كله يفزع بس يجيب العيد ههههههه

قصه الفلم غريبه و ما فهمتها كلياً و احس في اشياء فجآه تصير بدون سبب
و ما يشرحون لنا ليش و يخلونا ع الاقل نستنتج السبب . . . مثلاً

محتوى مخفي: حرق

المقطع يوم كانو يهربون من السجن و شخصيات المصارعه جايين يحررونهم و معاهم
عالم او دكتور و بعدين راحوا الصحراء يسوون صاروخ و بعدين الصاروخ نزل ثلج ..
يعني اوكي فهمت يوم الدكتور يشرح عن الاحتباس الحراري بس حسيت شدخل
و بعدين شدخل هذول المصارعين في القصه ما فهمت شنو هو هدفهم اصلاً
هاي اكثر بارت ضيعت فيه و شوي فقدت الاهتمام لاني صج ضعت في القصه

محتوى مخفي: حرق

وشخصيه البنت الش شعرها اسود المفروض انها تحس انا تنتمي للشخصيه الرئيسيه لنها
بعد نصف بشر نصف ماتشو ،، بس احس ان وجودها و عدمه واحد مجرد love intrest

بس يمكن هذا هو الهدف الي كان يبيه الكاتب منا .. اننا ما نفهم و بس نشوف
بعد ما ندري . . .

هو تجربه جديده اكيد بس انصح في لهم فان جوه اكثر لاي شخص يبي توصيه بين هالفلمين

 

[Cyber ✧ A C E]

https://soundcloud.com/rexorangecounty%2Fsunflower ​