الختم الذهبي [ تابع للمسابقة ] الدرس الثاني من اللغة الالمانية - الأفعال (1 زائر)


B E B E

Second Heartbeat | النَبْضَة الثَانية

إنضم
12 مايو 2019
رقم العضوية
9970
المشاركات
5,138
الحلول
11
مستوى التفاعل
26,455
النقاط
1,335
أوسمتــي
42
العمر
27
الإقامة
Deutschland
توناتي
4,790
الجنس
أنثى
LV
10
 
ي هلا والله باللي رجله خضره ع القسم ض2
أطلققق من يشاركك ، موضوعع رهيبب كالعاده ب1
نورتي ي قلبي ق1

ترانيم - يوليو و3



مرحبا يا حلوين ق1 . . رح كمل سلسلة الدروس عن اللغة الالمانيةة
بهل الدرس رح احكيلكم عن الأفعال . . يعني بتقدروا تحكوا انو اكتر شي مثير بهل اللغة
هو افعالها لانو جد جد انصدمت لما بلشت اتعلمها ه1 . . عمركم سمعتوا بلغة بتزت الفعل

لآخر الجملة ؟ او بتقسم الفعل نص بأول الجملة و النص التاني بآخر الجملة ؟ او فعل
انعكاسي بكون الو ضمير و تصريف خاص فيه و اذا الضمير ما كان معو الفعل ما بيكتمل ؟

بالضبط هي هية اللغة الالمانيةة ه1 . . اهلا و سهلا بكم بأول درس ( فعلي ) عن
اللغة . . ف لو عندكم فضول او حابين تزيد معرفتكم باللغات فكملوا معي ش2ق1 . .




بهل الدرس رح نحكي فيه عن انواع الافعال بشكل عام باللغة الالمانية و من هالافعال :

1. الافعال النظامية
2. الأفعال الشاذة
3. الأفعال المركبة
4. الأفعال المتصلة
5. الأفعال الإنعكاسية




عنا فعل Schreiben - يكتب

تصريفه :

Ich - انا : Schreibe
du - انتَ : Schreibst
er/sie/es - هو/هي/للجماد : Schreibt
wir - نحن : Schreiben
ihr - هم : Schreibt
Sie - للإحترام : Schreiben


الافعال النظامية دائما التصريف تبعها بكون موحد من ناحية القاعدة العامة للتصريف
الي هي :

ich = دائما بنضيف e اخر شي

du = دائما بنضيف st بآخر الفعل
er/sie/es = دائما بنضيف t
wir & Sie = هدول احفظوهم ع الغايب دائما بكون نفس الفعل الاصلي بدون تغيير يعني Screiben
ihr = منضيف t و مرات et

اذا الفعل كان نظامي ف دائما بيتصرف تحت هالقاعدة بدون اي تحريف

عنا فعل lernen - يتعلم

تصريفه :

Ich - انا : lerne
du - انتَ : lernst
er/sie/es - هو/هي/للجماد : lernt
wir - نحن : lernen
ihr - هم : lernt
Sie - للإحترام : lernen

# هالفعل كمان فعل نظامي لأنو انطبق على القاعدة الرئيسية للتصريف




و هون عاد الصعوبة . . لان هالافعال لازم تنحفظ حفظ او لازم تكون مارة عليك من قبل
مشان تعرف كيف بتتصرف مثل :

عنا فعل reden - يتكلم

تصريفه :

Ich - انا : rede
du - انتَ : redest
er/sie/es - هو/هي/للجماد : redet
wir - نحن : reden
ihr - هم : redet
Sie - للإحترام : reden

# في احرف زادت


عنا فعل laden - يٌحَمِل

تصريفه :

Ich - انا : lade
du - انتَ : lädst
er/sie/es - هو/هي/للجماد : lädt
wir - نحن : laden
ihr - هم : ladet
Sie - للإحترام : laden

# في حرف كامل تغير لحرف صوتي . . و حطوا ببالكم انو الاحرف الصوتية
بتتغير بحالة المفرد فقط و لو انتبهتوا فقط الضمائر المفردة الي تغير حرفها لحرف
صوتي هي معلومة مهمة لا تنسوها


ما حبيت كتر امثلة المهم تكون وصلت الفكرة لأن الافعال لا تعد و لا تحصى ق1



عنا افعال بتتكون من جزئين : جزء بتكون بأول الجملة و الجزء الاخر بينتقل لآخر الجملة
و الفعل الي بأول الجملة بيتصرف عادي بس الي بآخر الجملة ينقل كما هو

مثال:

عنا الفعل المشهور einkaufen - يشتري

الفعل مكون من ein و kaufen
ein بتروح لآخر الجملة و kaufen منخليها باول الجملة

و بيتصرف بشكل طبيعي . . طبعا مدام kaufen هو الفعل الاصلي ف هو الي بيتصرف
و ein بتنتقل لاخر الجملة بدون اي تغيير


تصريفه :

Ich - انا : kaufe ein
du - انتَ : kaufst ein
er/sie/es - هو/هي/للجماد : kauft ein
wir - نحن : kaufen ein
ihr - هم : kauft ein
Sie - للإحترام : kaufen ein

ليش حطيت ein بعد الفعل ؟ لان بالجملة بينحط الفعل اول بعدين ein
و لما يجي الضمير بيجي بعدو الفعل و بعدو ال ein مثال:

Ich kaufe einen Stuhl ein -
اشتريت كرسي

هاد بسموه الفعل المركب لانه متكون من جزئين و بينفصلوا بالجملة



في لواحق بتكون مع الفعل الاصلي :

( تختلف عن الافعال المركبة بحيث الفعل المركب ينفصل بالجملة
اما الافعال المتصلة لا تنفصل بالجملة و يكون من الفعل الاساسي )

1. تدخل على اول الفعل اياَ كان تصريفه و تتصل به
2. تأتي بمعنى جديد للفعل
3. تنطق هذه اللواحق بصوت منخفض قليلاَ عن الفعل الاصلي
4. تدخل على اي فعل
5. يتم تصريف الفعل المتصل كتصريف الفعل العادي

أمثلة على اللواحق:

[ ge, vor, hinter, miss, ieren, be, emp, ent, er, zer ]

عنا لاحقة ( Be ) من الأفعال التي تحتوي على هذه اللاحقة:

1. Bestellen = ان يطلب
2. Behalten = الاحتفاظ بـ
3. Beschreiben = يصف
4. Bekommen = الاستلام

و الخ الافعال لا تنتهي . . و مثال على تصريفها :


عنا فعل Bekommen = الاستلام

تصريفه :

Ich - انا : bekomme
du - انتَ : bekommst
er/sie/es - هو/هي/للجماد : bekommt
wir - نحن : bekommen
ihr - هم : bekommt
Sie - للإحترام : bekommen


^ بيتصرف كما يصرف الفعل العادي و اذا كان شاذ يصرف نفس تصريف الفعل
الشاذ الاصلي مع اضافة اللاحقة


لاحقة ( emp ) من الأفعال التي تحتوي على هذه اللاحقة:

empfangen - الاستقبال
empfinden - ان يشعر

لاحقة ( ent ) من الأفعال التي تحتوي على هذه اللاحقة:

entscheiden - ان يقرر
enthalten - يحتوي على
entnehmen - يأخذ

لاحقة ( er ) من الأفعال التي تحتوي على هذه
اللاحقة:

ergeben - ينتج
erfahren - يأخذ خبرة بالعمل
ersuchen - يرجو

لاحقة ( ge ) من الأفعال التي تحتوي على هذه اللاحقة:

gehören - يخص
gefallen - يعجب
gebrauchen - يستخدم

لاحقة ( vor ) من الأفعال التي تحتوي على هذه اللاحقة:

vergeben - يمنح
verdroppeln - يضاعف
verstehen - يفهم

لاحقة ( hinter ) من الأفعال التي تحتوي على هذه اللاحقة:

hinterlassen - يترك خلف

لاحقة ( miss ) من الأفعال التي تحتوي على هذه اللاحقة:

missverstehen - يسيء الفهم
missverbrauchen - يسيء الاستخدام

لاحقة ( ieren ) من الأفعال التي تحتوي على هذه اللاحقة:

telefonieren - يتصل

و حابة انوه كمان انو بكل هالافعال في منها الشاذ الي بتجي من تصريف الفعل الاصلي

و بتتصرف نفس ما بيتصرف الفعل الاصلي بس مع اضافة اللاحقة

يعني الزبدة من كل هالكلام
الاهم انكم تعرفوا تصرفوا الافعال الاصلية الشاذة لان الافعال المتصلة
و المركبة الشاذة هي نفس تصريف الافعال الاصلية الشاذة مع اضافة اللاحقة الها . .


هي هية ثغرة اللغة الالمانية انو من الفعل الواحد بتلاقي احيانا 4 او 5 افعال مشتقة منها و هل شي

الي بسهل حفظها و رح اعطيكم مثال :

عنا الفعل المشهور kommen - ياتي = مشتقاته :

مشتقاته :


ankommen = يصل
aufkommen = يتظاهر
auskommen = يتدبر/ينسجم
abhandenkommen = يفقد
beikommen = يحل مشكلة
davonkommen = يهرب
durchkommen = يتجاوز
entgegenkommen = يتساهل
entkommen = يفر
fortkommen = ينصرف يبتعد
gleichkommen = يتساوى/يعادل
hinkommen = ياتي الى
herkommen = يقترب يأتي
herauskommen = ياتي للخارج/يصدر
heimkommen = يعود الى الوطن
hochkommen = ياتي للأعلى
herumkommen = يتهرب من/يدور حَول
herunterkommen = يتدنى
loskommen = ينفصل/يتحرر
mitkommen = يرافق/يأتي مع ( فعل مركب )
mitbekommen = يدرك شيء عن غير قصد/يستوعب
nachkommen = ياتي لاحقاَ

تخيلوا كمية الافعال المشتقة من فعل واحد ؟ ف هل شي الي بسهل
اللغة يعني مو نفس مثلا اللغة الانجليزية الي الواحد بيحفظ افعال
فعلاَ بتكون مختلفةة يعني بتكون اسهل بالحفظ بكتير بس زيدوا
لاحقة وبيتغير المعنى كله . . و هالشي بينظبق على باقي الافعال ايضاَ




هالنوع من الافعال نوعا ما صعب و مرات الواحد بيتلخبط فيه و محتاج حفظ حفظ حفظ

اول شي لازم نعرف انو في نوعين من الافعال الانعكاسية :


1. النوع الاول يسمى الافعال الانعكاسية الغير الحقيقية

الأفعال الانعكاسية هي أفعال ذات ضمائر إضافية تحيل الى الفاعل. تٌسمى هذه الضمائر بالضمائر الانعكاسية
يكون الضمير الانعكاسي في الكثير من الأفعال الاِنعكاسية الغير الحقيقية هو مفعولها المنصوب. في هذه
الحالة بإمكان استبدال الضمير بمفعول منصوب. تسمى هذه الأفعال بالأفعال الانعكاسية غير الحقيقية كذلك.

^ الزبدة من هالكلام انو الضمير الانعكاسي ما بيجي اجباري مع الفعل ! مشان هيك يسمى بالفعال الانعكاسي
الغير الحقيقي !

مثال :

Die Frau schminkt ihre Mutter - المرأة تجمل امها
شخص (فاعل بحالة الرفع) يُجمّل شخصاً آخر (مفعولاً به في حالة النصب).

Die Frau schminkt sich - المرآة تجمل نفسها

شخص (فاعل بحالة الرفع) يُجمّل نفسه (الضمير الانعكاسي في حالة النصب).

- والفعل schminken من الاساس مانو فعل انعكاسي sich انحطت ضمن الجملة ! مشان
تبين ان المرآة عم تجمل نفسها, اما الفعل الانعكاسي الحقيقي ف الفعل ما بيكمل الا لما
يكون ضميرو موجود ! -

2. النوع الثاني يسمى الافعال الانعكاسية الحقيقية

هنالك أفعالاً ملازمة للضمائر الانعكاسية. تُعرف هذه الأفعال بالأفعال الانعكاسية الحقيقية.
تتميز الأفعال الانعكاسية الحقيقية بأن الضمير الانعكاسي ملازم لها ولا يمكن حذفه ٍأو استبداله باسم أو ضمير آخر
.

مثال :

sich
ausruhen - يريح نفسه ( فعل انعكاسي )
الضمير المنعكس - الفعل المركب

Nach der Arbeit ruhe ich mich aus - أرتاح بعد العمل

- الحقو التلوين -

تمام .. هلأ محتاجين تركيز . . بالسطر الاول ( الفعل الانعكاسي )
السطر التاني حطينا هالفعل بجملة . . ف بما انو يعتبر فعل انعكاسي مركب ف رح يكون فيه 3 اجزاء
مهمين :


1. الضمير الانعكاسي الخاص فيه
2. الفعل الاول
3. لاحقة الفعل

1. الضمير الانعكاسي الخاص فيه رح حطلكم جدول و هاد لازم ينحفظ صم و عبارة عن تصريف الضمائر
بحالة النصب و الجر و لحتى نحط الضمير الانعكاسي لازم يتحول لصيغة النصب او الجر ع حسب المعطيات
الجملة


نفس - ich انا - بحالة النصب بصير - mich
du انت - بحالة النصب بصير - dich


بس المشكلة انو في عنا شغلتين :

1. لازم نحفظ جدول الضمائر الانعكاسية بالنصب و الجر
2. انو جدول الضمائر الانعكاسية بالنصب و الجر مختلف عن جدول الضمائر العادية بالنصب و الجر


- فلازم ننتبه هون منيح ايمت نستخدم الضمائر الانعكاسية و العادية لانو هاد اكتر شي بلخبط -


جدول الضمائر الانعكاسية :

- الاكوزاتيف - النصب -

ich = mich - انا
du = dich - انت
er.sie.es.man = sich - هو.هي.هذا.الرجل
wir = uns - نحن
ihr = euch - هم
Sie.sie = sich - للاحترام - للجمع


التحويل الي ع اليمين و الاصل باللون الذهبي

- الداتيف - الجر -

ich = mir
du = dir
er.sie.es.man = sich
wir = uns
ihr = euch
Sie.sie = sich


التحويل الى ع اليمين و الاصل باللون الذهبي

- متل ما انتبهتوا في تحويلات متشابهة بين الجدولين هالشي الي رح يسهل حفظها ور3-


جدول الضمائر :

اما هون رح اكتبلكن جدول الضمائر العادية الي منستعملها بالحالة العادية
لما يكون عنا افعال بتقلب الجملة للداتيف او اكوزاتيف . . هالضمائر مختلفة على
الانعكاسية و لازم تنتبهوا لهل الشي كتير منيح :


- الاكوزاتيف - النصب-

ich - mich
du - dich
er - ihn
sie - sie
es - es
wir - uns
ihr - euch
Sie - Sie
sie - sie


التحويل الي ع اليمين و الاصل باللون الذهبي

- الداتيف - الجر -

ich - mir
du - dir
er - ihm
sie - ihr
es - ihm
wir - uns
ihr - euch
Sie - Ihnen
sie - ihnen


التحويل الي ع اليمين و الاصل باللون الذهبي

- هلأ الفرق صار واضح بين جدول الضمائر الانعكاسية و جدول
الضمائر العادية -

2&3. بعد ما عرفنا كيف نحول الضمير الانعكاسي رح نروح للفعل الي مع الضمير
في افعال بتكون مركبة و افعال من كلمة وحدة بس هالفعل يعتبر مركب لأن فيه aus
ف نفس ما علمتكم بالدرس السابق عن الافعال المركبة و طريقة تصريفها و كيف نحطها بالجملة

و اللاحقة بتنتقل لاخر الجملة و الفعل منصرفو تصريف عادي . .

هو هالدرس شوي صعب و بلخبط و مربوط ببعضو بس مع التدريب كل شي بيسهل ق1

ونفس ما عنا افعال خاصة بالداتيف و الاكوزاتيف ( رح حط الدرس قريبا ) و كمان في افعال
خاصة بالضمائر الانعكاسية و هية كتيرة بس رح حط بعض منها و هالافعال بتنفحظ بحيث
اذا شفنا الفعل منعرف دايركت انو لازم نعكس الضمير الخاص فيه اعتمادا على الحالة الي هو فيها
اذا كان داتيف او اكوزاتيف . .


- الافعال المنعكسة الحقيقة في حالة الاكوزاتيف - النصب -

- ملاحظة 1 : AKK = Akkusativ

- ملاحظة 2 : هذه الاحرف : über, um, für, nach, vor, in, auf
احرف جر الي بتجي مع افعال محددة , و هاد كمان درس تاني رح اشرحو قريبا
انو في افعال ما بتمشي الا بأحرف جر معينة و لازم تنحفظ و كتيييييييييييييييير مهمة

- ملاحظة 3 : Infinitiv يعني انو الفعل بضل نفس ماهو بدون تغيير - يعني ما منصرفو

- sich auf|regen über + Akk انزعج من شيء
- sich aus|kennen عرف طريق وجهته
- sich aus|ruhen أخذ قسط من الراحة
- sich bedanken für + Akk تشكَر
- sich beeilen + Finalsatz استعجل
- sich beschweren über + AKK اشتكى
- sich bewerben um + Akk قدَم طلب
- sich entschließen + Infinitivsatz عزم على
- sich entschuldigen für + Akk اعتذر
- sich erholen استراح
- sich erkälten أصيب بالزكام
- sich erkundigen nach + Akk استفسر
- sich freuen auf / über + Akk ابتهج بـ
- sich fürchten vor + Dat خاف
- sich interessieren für +Akk يهتم بــ
- sich irren أخطأ
- sich konzentrieren auf + Akk ركَز فكره في
- sich kümmern um + Akk يعتني بـ
- sich schämen für + Akk شعر بالخجل
- sich sehnen nach + Dat هفا قلبه إلى
- sich um|sehen in + Dat نظر حوله
- sich verbeugen vor + Dat انحنى
- sich verirren ضلَ
- sich weigern + Infinitiv امتنع عن
- sich wundern über + Akk استغرب


- انتبهتوا انو مع كل فعل حاطين sich يعني هو انعكاسي
هدول بينحفظوا حفظ
و في غيرهم كتار و بتجي مع كترة الممارسة ش1ق1 -

- الافعال المنعكسة الحقيقية في حالة الاداتيف - الجر -

- sich etwas denken فكر في شيء
- sich Mühe geben + Infinitivsatz بذل الجهد
- sich Sorgen machen قلق
- sich etwas merken تذكر شيئا
- sich vor|stellen + Infinitivsatz قدم نفسه



- دائما نحن منحفظ افعال الداتيف و الجينيتيف ( المضاف اليه ) لان الباقي
رح يكون اكوزاتيف منصوب . -

و يمكن التعرف على الأفعال المُنعكسة الحقيقية من خلال هذه النقاط الثلاثة التالية:

1. لا نستطيع إبْعاد الضمير المنعكس عن الفعل. مثال:
- هو يفرح (Er freut sich) فلا نستطيع أن نقل (.....Er freut ).

2. لا نستطيع السؤال عن الضمير المنعكس.
- فمن الخطأ أن نسأل (?wen freust du)

3. لا نستطيع تبديل الضمير المُنعكس بشخص آخر.
- هذا يعني من الخطأ أن تقول في اللغة الالمانية
(Er freut dich)



ان شاء الله يكون الشرح واضح ق1 طبعا نصيحة مني الي بحب يتعلم الالمانية
لا يدخل ع الصعب قبل ما يكون فهم السهل منيح . . الافعال الانعكاسية جد صعبة
و لا حدا يستخدم افعالها قبل ما تكونوا فاهمين الافعال المركبة و المتصلة و الباقين

و يعني هالملاحظة تنبطق ع الدروس القادمة في اشياء بعطيها متقدمة شوي . .

انتظروني بالدرس القادم ش1ق1







 
التعديل الأخير بواسطة المشرف:

B E B E

Second Heartbeat | النَبْضَة الثَانية

إنضم
12 مايو 2019
رقم العضوية
9970
المشاركات
5,138
الحلول
11
مستوى التفاعل
26,455
النقاط
1,335
أوسمتــي
42
العمر
27
الإقامة
Deutschland
توناتي
4,790
الجنس
أنثى
LV
10
 

تَرَّنومَهه هاگ

هل ينتظر الكون ملايين السنين لكي تتكون نجمه ؟ 🌟🎐

إنضم
16 أغسطس 2013
رقم العضوية
948
المشاركات
7,187
مستوى التفاعل
25,341
النقاط
1,340
أوسمتــي
23
العمر
21
الإقامة
Mesopotamia
توناتي
2,811
الجنس
أنثى
LV
5
 
at159403942793731.png

ترانيم - أغسطس و3


السلام عليكم ورحمةة الله وبركاتهه
بيبي تشان الحب شلونج ؟ ي رب كل امورج تمام التمام ش2
اطلقق من ينورر قسم اللغات زبونتنا الأولى و ي رب الدائمه ندى1
شكرا لأنج نشطتي القسم وخليتينا نسوي مسابقه ، وألف مبروك ع المركز 1
بجد تستاهلينه ش2 اللغه الألمانيه لغه مميزه قليلين منا يمكن يعرفوها ، وشرحج للموضوع
جميل ومميز ، سو شكرا ع هالدروس الجميله ق1
طبعا أنا للان ماحفظت الدرس الأول بس يعني كاعده امشي معاج حتى مااضيع
واخذ فكره عامه ، عسى شي يوم اقرر ابدي اتعلم ش2
لأني أحب آخذ فكره عامه عن
الموضوع غالبا وبعدين ابعدي أفصل فيه حتى اعرف شنو منتظرني
بالأيام الجايه وماادوخ ببداية الموضوع xD

هالدرس شكله مميز وغريب ، طبعا كل لغه ولها
قواعدها من ناحية الأفعال والضمائر ومزعج تعلمهن غالبا xD
رح أقرا و أعلق ع كل فقره شوي شوي حتى مااضيع ض2

أول شي الأفعال النظاميه والشاذه ، طبعا أنا مفهيه الحين خليني أفهم
بصوره العامه الفعل فيه en بنهايته ؟ ولما نجي نصرفه نشيلهن ونكعد نحط هالاضافات صح ؟
والأفعال الشاذه لاحظت التغيير مو كبير ، بس يحتاجون حفظ
باللغه الانكليزيه انا كنت احفظ الجداول الشاذه ودائما يتكرروا ، سو زينه حفظت
أغلبهم وتعودنا عليهم ق1
بالنسبه للأحرف الصوتيه فاحس يخربطوني هذول لما أشوفهم
بأي لغه لأني متعوده ع حروف الانكلش البسيطه ض2

الأفعال المركبه ، أعتقد حتى بالانكليزيه موجوده مثل هالأفعال
اللي هم put on و turn on مكونين من فعل وحرف جر وهالسوالف ولهم قواعد غريبه
بالنسبه للضمائر تنحط بنصهم أو بعدهم
أما الاسماء فتجي بنصهم دائما ع مااعتقد أو بالعكس xD
المهم فهمت هالفقره اذا شفتها بالالماني راح اتذكر هالشي ض2

اللواحق حسيت هالفقره صعبه وتحتاج حفظ
يعني مافهمت هي اللاحقه هذي لها معنى ولا معناها مختلف بكل فعل ؟
وكيف يعني تدخل ع أي فعل ع كيفها ، وتغير الافعال لافعال جديده
ومختلفه من فعل لاخر بعد ؟
احس مااستوعبت السالفه صعبه ،

الأفعال الانعكاسيه خليني ألحق فقره فقره حتى أستوعب xD
الغير حقيقيه بيكون فيها ضمير قابل للاستبدال باسم هاي فهمتها ضض2

الحقيقيه صار في دوخه xD يعني للحين مامستوعبه
كيف فعل لازم يكون مفعوله لاصق فيه يعود ع المبتدأ "الفاعل" .. خليني أستوعب
اوه ! مثلا يفرح اللي حطيتيها .. مابنقدر نكول محمد يفرح علي ؟
نسيت هالأفعال اللي تاخذ بس فاعل
بدون مفعول شيسمونها بالعربيه ! اوه رحتت بحثت طلع اسمها الأفعال اللازمه
وعكسها المتعديه ، أحس هالموضوع زمان ماسامعه عنه
نسيت ان عندنا بالعربيه هيج أشياء ض00
طيب طيب فهمنا معاها ضمير لازم يجي .. ممكن نستخدم كل الضمائر حسب نوع الفاعل صح ؟
وهذي سالفة النصب والجر أحسها شي متقدم لسه بكير ع التفكير بيها xD
وبعد لاحظت تركيب الجمله ان الفاعل جاي اول شي مثل
الانكليزيه اما بالعربي فنعربه مبتدأ xD

صراحه دخت بهالدرس بس خذيت فكره عامه ،
استنتجت ان الافعال لازم تحفظ يعني بس مجرد نكدر نحفظ تقسيماتها
والافعال المتشابهه كتسهيل -تشعر بالتعب-
شرايج تعطينا ريست وتحطيلنا درس حفظ مو شرح أسماء حيوانات
وأشياءات وكذا حتى نحفظها ه2 ^تحس حالها بمدرسه

بس ع العموم عاشت ايدج واضح الدرس متعوب عليه
تسلمي ع هالجهد الجميل والدروس المميزه ، استمري بعملج اللطيف
الا ماتفيدين ناس بهالعمل حتى لو شخص أو شخصين ش2
منتظره جديدج بشوق ، ودمتِ بخير و3



 
التعديل الأخير:

B E B E

Second Heartbeat | النَبْضَة الثَانية

إنضم
12 مايو 2019
رقم العضوية
9970
المشاركات
5,138
الحلول
11
مستوى التفاعل
26,455
النقاط
1,335
أوسمتــي
42
العمر
27
الإقامة
Deutschland
توناتي
4,790
الجنس
أنثى
LV
10
 


أول شي الأفعال النظاميه والشاذه ، طبعا أنا مفهيه الحين خليني أفهم
بصوره العامه الفعل فيه en بنهايته ؟ ولما نجي نصرفه نشيلهن ونكعد نحط هالاضافات صح ؟


بالضبط

والأفعال الشاذه لاحظت التغيير مو كبير ، بس يحتاجون حفظ
باللغه الانكليزيه انا كنت احفظ الجداول الشاذه ودائما يتكرروا ، سو زينه حفظت
أغلبهم وتعودنا عليهم ق1


بالضبط الافعال الالمانية اخرتها en و نهاية الفعل تتغير ع حسب الضمير و الفرق بين الافعال النظامية و الشاذة
هي الي ما تنطبق عليها قاعدة التصريف الطبيعية الي هي :

ich = دائما بنضيف e اخر شي
du = دائما بنضيف st بآخر الفعل
er/sie/es = دائما بنضيف t
wir & Sie = هدول احفظوهم ع الغايب دائما بكون نفس الفعل الاصلي بدون تغيير يعني Screiben

ihr = منضيف t و مرات et

الافعال الي ما بتكون نهايتها بهل الشكل او في تغيير عن الفعل الاصلي حتى لو شوي تعتبر افعال شاذة

و في افعال شاذة بالماضي يختلف تصريفها بالحالة العادية . . الفعل gehen بالحاضر يعتبر فعل نظامي
ich = gehe
du gehst
er/sie/es = geht
wir/Sie = gehen
ihr = geht
بس لما تحوليه للماضي بصير فعل شاذ لأن بالماضي بصير = gegangen كمان خدي هي بعين الاعتبار
انك مو بس تحفظي الفعل بالحالة العادية اذا شاذ او نظامي بدك تشوفي بالماضي اذا هو شاذ او لا
لان مرات كنا نتلخبط بأول ايامنا بالافعال الماضية كانت جدا مختلفة عن الحالة العادية

بالنسبه للأحرف الصوتيه فاحس يخربطوني هذول لما أشوفهم
بأي لغه لأني متعوده ع حروف الانكلش البسيطه ض2


انا كمان كنت اتلخبط بأول ايامي . . بس استاذتي علمتنا طريقة سهلة نقدر نكتشف ايا هو الحرف الصوتي
و ايا هو الحرف الاصلي . . مطة الحرف . . رح تبين . . و لحتى تلاحظيها بشكل اوضح . . دربي سمعك
في باليوتيوب كلمات فيها احرف صوتية و لفظها و بحطوا تحت احرف اصلية و لفظها و رح يبين الفرق
و مع التدريب رح تفرقيهم ق6ق6

بالنسبه للضمائر تنحط بنصهم أو بعدهم
أما الاسماء فتجي بنصهم دائما ع مااعتقد أو بالعكس xD


^ ما فهمت هالنقطة ؟

اللواحق حسيت هالفقره صعبه وتحتاج حفظ
يعني مافهمت هي اللاحقه هذي لها معنى ولا معناها مختلف بكل فعل ؟
وكيف يعني تدخل ع أي فعل ع كيفها ، وتغير الافعال لافعال جديده
ومختلفه من فعل لاخر بعد ؟
احس مااستوعبت السالفه صعبه ،


في نوعين للواحق : لواحق حروف الجر أو لها معنى بعيد عن الفعل و هالنوع
من اللواحق ينفصل عن الفعل بالجملة

مثلا: عنا ankommen
an هو حرف جر و معناها على

و هالفعل ينفصل بالجملة . . مثلا:

Wann kommt der Zug an?
متى يصل القطار ؟


النوع التاني لواحق مالها معنى لوحدها و ما بتنفصل عن الفعل بالجملة
و تسمى بهل الحالة بالافعال المتصلة

مثلا فعل يحصل على - bekommen

متى أحصل على المال؟
?Wann bekomme ich das Geld


^ ما انفصل الفعل
و حرفي be مالهم معنى لو كانوا لحالهم

+ خديها قاعدة . . احرف الجر لما تدخل على الفعل ف تأكدي ان بهل الحالة
الفعل رح ينفصل بالجملة ف احفظي احرف الجر ماعدا هدول hinter, über
هن حرفين الجر الوحيدين الي ما بينفصلوا

و عندك احرف تانية بنفصل غير احرف الجر بس ك تسهيل للحفظ حطي باللستة
احرف الجر . . و اي لاحقة لها معنى لوحدها هي كمان بتنفصل مثلا لاحقة

los , hin, weg, zurück

هدول مانهم حروف جر بس الهم معنى لوحدهم كمان بينفصلوا

و الباقي اذا ما كانوا من احرف الجر ف تأكدي انو هاد فعل متصل مانو منفصل
و بالجملة بضل مع الفعل . او اذا اللاحقة مالها معنى باللغة الالمانية

+ اللواحق بتغير معنى الفعل كلو لما تدخله مافي قاعدة معينة لمعنى معين
من لاحقة معينة , بس مثلا عندك لاحقة Be بفعلين bekommen و benommen

فالأول بيكومين معناه انك تأخذي شيء و الثاني بينومين معناه تنذهلي من شيء

نفس اللاحقة بس الفعل اختلف مشان هيك مافي قاعدة معينة للمعنى
بس الشي الاساسي انو هاللواحق اذا دخلت ع الفعل بتغير معناه كلياَ

+ دورت ع افعال باللغة الالمانية مافيها لواحق مالقيت . . ف اتضح انو اللغة الالمانية
افعالها قليلة بس مشتقات افعالها كتيرة ض0ق1 + بدك تنتبهي انو في لواحق ما بتدخل
ع كل الافعال يعني مو تعملي ضربة حظ و تحطي لاحقة بفعل انتي ما بتعرفيه و تحكي هيو هاد فعل ه1
كمان حسب دراستي انو في افعال مو موجودة فيها بعض اللواحق مثلا عندك فعل trinken يشرب
مافي لاحقة nach بهل الفعل ف هون لا تجيبي العيد ه1 لواحق الافعال بتنحفظ و مع الممارسة بتصير سهلة

الأفعال الانعكاسيه خليني ألحق فقره فقره حتى أستوعب xD
الغير حقيقيه بيكون فيها ضمير قابل للاستبدال باسم هاي فهمتها ضض2


صح بس مشان وضحلك ياها اكتر

الغير حقيقة الضمير الانعكاسي مانوا اجباري بالجملة
الضمير الانعكاسي بينحط لما بدنا نحكي انو بدنا نسوي شي عن نفسنا
مثلا انا بدي اغسل حالي
^ الريدي انا كتبتها بالعربي - بدي اغسل نفسي

يعني الفعل انعكس علي
او فينا نحكي انو بدي غسل شيء
^ هون صار مانو انعكاسي
ich wasche mich
^ هون فعل انعكاسي بس مانو حقيقي لأن فعل wasche بالاساس مانو فعل انعكاسي
انا حطيت الضمير الانعكاسي بشكل يدوي مشان بين بالجملة اني قاعدة اغسل نفسي
ich wasche mein Bruder
^ هون صار الفعل مانو انعكاسي و هاد دليل على انو لو كان فعل wasche انعكاسي حقيقي
كان اجباري مني اني ضيف الضمير الانعكاسي

الحقيقيه صار في دوخه xD يعني للحين مامستوعبه
كيف فعل لازم يكون مفعوله لاصق فيه يعود ع المبتدأ "الفاعل"


هي هيك اللغة الالمانية . . الفعل الانعكاسي sich لازم لازم يكون مع الفعل التابع له
مافيكي تحذفي sich لان sich تعتبر جزء من الفعل الاصلي ولو انحذف يبطل الفعل
و الجملة بتصير كلها خطأ ه1

طيب طيب فهمنا معاها ضمير لازم يجي .. ممكن نستخدم كل الضمائر حسب نوع الفاعل صح ؟

صح

وهذي سالفة النصب والجر أحسها شي متقدم لسه بكير ع التفكير بيها xD

سهلة كتير سالفة النصب و الجر و حتى الضاف اليه ش1ق1

لأن اللغة الالمانية صنفت افعال للنصب و للجر و للمضاف اليه و في افعال محايدة
و الحلو انك بس تحفظيها رح تعرفي انو هون جر او نصب او مضاف اليه بناءا على الفعل

و انا تكلمت عن الحالات الاعرابية الاربعة باللغة الالمانية بمدونتي لسا ما سويتها درس بالقسم ض0ق1


+ في حروف جر خاصة للداتيف و الاكوزاتيف كمان بتتغير فيها الحالة الاعرابية لازم تحفظيهم
ان شاء الله بنزل درس عنهم قريبا . .

بس بشكل عام هالحالات الاعرابية بالنسبة الي مجرد حفظ افعال و حروف الجر التابعة لهل الحالات ش1ق1

وبعد لاحظت تركيب الجمله ان الفاعل جاي اول شي مثل
الانكليزيه اما بالعربي فنعربه مبتدأ xD


انا ما بقارن لغة بلغة تانية لأني بتلخبط اكتر ه1ه2

صراحه دخت بهالدرس بس خذيت فكره عامه ،

هو جد بدوخ حتى انا استعنت بكتبي لحتى كمل الدرس ه2ه1

استنتجت ان الافعال لازم تحفظ يعني بس مجرد نكدر نحفظ تقسيماتها
والافعال المتشابهه كتسهيل -تشعر بالتعب-


هلأ في ناس بدن يفهموا البيضة مين باضها بدن يتعلموا من الالف للياء
^ و بصراحة انا مو متفيقة ه1

اما في ناس بيحفظوا حفظ و خلص و بالنسبة الي هالطريقة اسهل ه1
لان في اشياء كتيرة لتنفهم خاصتا سالفة اللواحق يعني اذا بدي كون فهمانة صح
لازم احفظ كل اللواحق و كل لاحقة لشو تابعة و هالشي بكلف جهد ووقت كتير
ف بالنسبة الي اسهلي احفظ الافعال الي ما بتنفصل فيها منسدح1

و بالاخر كل شخص و طريقته بالدراسة ض0ق1

الحلو بهل الخاصية انك تمسكي فعل واحد كل اسبوع مثلا
و تحفظي كل مشتقائته . . انتي بهل الحالة من فعل واحد حفظتي منو
ما يقارب 10 افعال مختلفة هون تكمن السهولة بس اللخبطة باللواحق
عاد هون المصيبة ههههههههههههههههههه ه1ه1ه1ه1
عاد ما بتعرفي هالمعنى للاحقة nach ولا vor :)ه2ه1

شرايج تعطينا ريست وتحطيلنا درس حفظ مو شرح أسماء حيوانات
وأشياءات وكذا حتى نحفظها ه2 ^تحس حالها بمدرسه


اذا بتحبي بسوي درس على الكلمات لان حتى للكلمات لواحق ههههههههههههههههههههههههه ه1ه2ه2ه1
^ بنضرب هههههههههههههههههههههههههههه ه1ه1ه1ه1

بس ع العموم عاشت ايدج واضح الدرس متعوب عليه
تسلمي ع هالجهد الجميل والدروس المميزه ، استمري بعملج اللطيف
الا ماتفيدين ناس بهالعمل حتى لو شخص أو شخصين ش2
منتظره جديدج بشوق ، ودمتِ بخير و3


اسعدتيني كتير بهل الرد الاكتر من رائع . . بنبسط لما حدا يقرأ موضوعي بتمعن بعد ما كون تعبانة فيه ش1ق1


 

المتواجدون في هذا الموضوع

المواضيع المتشابهة
كاتب الموضوع العنوان المنتدى الردود التاريخ
Sherlock الختم الذهبي تابع للمسابقة ::وليس بينه وبين تركه الا رياضة امرئ بفكه () شرح مخارج الحرروف وصفاتها ( الدرس الاول ) تعلم اللغات و الثقافه العامه 5
Lyssa الختم الذهبي [تابع للمسابقة] بعض أساسيات التواصل في اللغة الإنجليزية - الجزء الأول - تعلم اللغات و الثقافه العامه 7
ROI الختم الذهبي [تابع للمسابقة] - شرح أفعال الكون Verb to be تعلم اللغات و الثقافه العامه 4
Roro sama الختم الذهبي وتربعت الهمزة على عرش الحروف || الهمزة في اللغة العربية || تابع للمسابقه ~ تعلم اللغات و الثقافه العامه 3
A N U B I S الختم الذهبي I don't speak croissant ?? / لا أتحدث لغة الكرواسون ? XD •||• تابع لمسابقة أنطق جميلا ? تعلم اللغات و الثقافه العامه 13
B E B E الختم الذهبي الدرس الثالث من اللغة الالمانية - الأفعال الماضية تعلم اللغات و الثقافه العامه 3
Sherlock الختم الذهبي وليس بينه وبين تركه الا رياضة امرئ بفكه () شرح مخارج الحرروف وصفاتها ( الدرس الثاني ) تعلم اللغات و الثقافه العامه 3
B E B E الختم الذهبي الدرس الاول من اللغة الالمانية - نظرة عامة + الأحرف و الأرقام تعلم اللغات و الثقافه العامه 4
◃ P A U L A ✿ [ ひらがな | 10 ] -•- الدرس العاشر والاخير | WA - WO - N |わ - を - ん + مراجعة -•- تعلم اللغات و الثقافه العامه 4
◃ P A U L A ✿ [ ひらがな | 09 ] -•- الدرس التاسع | RA - RI - RU - RE - RO |ら - り - る - れ - ろ -•- تعلم اللغات و الثقافه العامه 5

المواضيع المتشابهة

أعلى أسفل