الختم الذهبي الدرس الثالث من اللغة الالمانية - الأفعال الماضية (1 زائر)

[خَوْد]

مرحبا يا حلوين رجعتلكم بدرس جديد عن اللغة الالمانية الي بحب يتابع سلسلة الدروس من الاول
يتفضل هنا ( الدرس الاول نظرة عامة عن اللغة + الأحرف و الأرقام . الدرس الثاني الأفعال )
بهل الدرس رح عرفكم على الأفعال الماضية .

الأفعال الماضية باللغة الالمانية افعال جدا غريبةة حتى لما بلشت اتعلمها استغربت طريقة كتابتها
او طريقة تحويلها بس منضيف حرفي ge و بهيك بكون تحول الفعل للماضي . . طبعا هي بالحالات العادية

لازم ناخد بعين الإعتبار فعل Sein - الكون و فعل Haben - الملكية, لأنهم يعتبروا الأفعال الرئيسية بتحويل الجملة للماضي !

تصريف فعل Sein - اكون :

Ich - انا : bin
du - انتَ : bist
er/sie/es - هو/هي/للجماد : ist
wir - نحن : sind
ihr - هم : seid
Sie - للإحترام/الجمع : sind

تصريف فعل Haben - يمتلك :

Ich - انا : habe
du - انتَ : hast
er/sie/es - هو/هي/للجماد : hat
wir - نحن : haben
ihr - هم : habt
Sie - للإحترام/الجمع : haben

بعد ما تعرفنا على الفعلين و طريقة تصريفهم ( مهم جدا جدا حفظهم لأنهم من الافعال الرئيسية والأساسية باللغة )
هلأ رح احكيلكم عن علاقة هالفعلين بالأفعال الماضية :

الأفعال الحركية :

1. نستخدم فعل Sein اذا كان الفعل متحرك : اي عندما يتحرك من نقطة لنقطة . .
مثال: لما روح من البيت ع المدرسة . . هي بتكون من نقطة لنقطة تانية
اي انا قبل شوي كنت بالبيت و صرت بالمدرسة هون الفعل بكون متحرك ..

- عندنا فعل Fahren - يسوق , هالفعل يطبق نظرية من نقطة
لنقطة .. مثال: Ich bin nach Berlin gefahren اي انا كنت بنقطة A و صرت
بنقطة B و هية برلين . . و لو انتبهتوا صرفت الفعل لتصريف ( انا - ich ) + استخدمت
فعل الكون لأن الفعل يعتبر متحرك .

الموضوع سهل بس بدو ممارسة . .

و عنا ايضاَ افعال: gehen - يذهب, fahren - يسوق, fliegen - يطير, schwimmen - يسبح
تأخذ ايضاَ فعل sein

2. نستخدم فعل sein عندما تتغير الحالة : اي على سبيل المثال عندما كنت نائما
ففعل ينام schlafen يأخذ فعل haben اما عندما ( نغفى ) اي فعل einschlafen
فيأخذ فعل sein لأن هنا حالة الجسم قد تغيرت .

و عنا فعل aufwachen - يستيقظ الماضي منه aufgewacht ( يعتبر تغيير الحالة من نائم الى مستيقظ )

^ طبعا هالنوعية من الافعال كتيرة نادرة و ترا انا حافظة هل المعلومة لليوم لانها كانت غريبة

3. هنالك افعال التي لا ينطبق عليها هذه القواعد و تأخذ فعل sein فهذه الافعال الشاذة و تحفظ حفظ
مثال : عنا فعل bleiben يبقى و الماضي منه geblieben * انتبهوا على اماكن الحرفين *
عنا فعل sterben يموت الماضي منه gestorben فعل شاذ لانه تغير بعد التحويل
عنا فعل wachsen يتزايد او ينمو الماضي منه gewachsen هاد فعل نظامي لانه ماتغير بعد التحويل


4. اما فعل haben فيأخذ باقي الافعال و التي تكون ثابتة ( اي لا يجود بها حركة ) كفعل trinken - يشرب
يشتري essen - يأكل kaufen والخ . .

انا بعطيكم trick بتسهل الحفظ . . دائما نحن منحفظ افعال الحركية لأنها قليلة و الباقي ( الأغلبية )
رح يكونوا تحت فعل Haben

الافعال الماضية بهل البساطةة . . ( اذا انفهمت صح ) عطيتكم قاعدة الأفعال الماضية
و هلأ نجي للأفعال الماضيةة العادية و الشاذة و كيف فينا نغير الفعل العادي لفعل ماضي ؟

- الأفعال العادية الغير شاذة نفس fahren - يسوق . . الماضي منها بكون نفس ماهو بس منضيف ge
عنا فعل kommen و الماضي منه gekommen ( نفس الفعل الاصلي مع اضافة ge في اول الفعل )

- الأفعال العادية الشاذة نفس فعل trinken - يشرب . . الماضي منها بكون getrunken
* الفعل كله تغير و هالافعال تنحفظ حفظ لأنها مالها قاعدة *

- و عنا كمان فعل essen - يأكل . . و الماضي منه gegessen
* الفعل كله تغير *

- و عنا فعل finden و الفعل الماضي منه gefunden كمان تغير
و مافي قاعدة لهل الأفعال الأفضل تنحفظ حفظ . .

هلأ نجي للأفعال المركبة و كيف رح تتحول للماضي . . هون في لخبطة شوي لان
الواحد مابيعرف وين يحط ال ge لما يكون الفعل مركب . .


- عنا فعل einschlafen - يغفو ( الي اخدناه قبل شوي ) هاد الفعل هيك بيتحول للماضي
eingeschlafen بعد اللاحقة بيجوا الحرفين ge ف هون لازم تحفظوا اللواحق
لأن مرات بتصادفكم لواحق غريبة . .

* الفعل هاد فعل مركب عادي اي بيتحول للماضي بدون تغيير . . و في كمان
افعال مركبة شاذة و نفس ماحكيت بدرسي السابق انو مشان يسهل الموضوع عليكم
ف احفظوا الافعال العادية الشاذة و تصريفها لانو هي هي نفسها ف الاصل بروح
للفعل العادي . .

عنا فعل mitnhemen - ياخذ مع . . هالفعل هيك بصير لما يصير بالماضي
mitgenommen - تغير الفعل كمان . . و في عنا كتير افعال شاذة وللأسف
لا تطبق اي قاعدة معينة لهل التغيير ف دائما بيحكولنا نحفظها حفظ . .

و ملاحظة تانية انو الافعال المركبة لما تتحول للفعل الماضي ما بتنفصل بالجملة
نفس الحالة العادية . . هون رح يكون في فعل مساعد Haben/Sein رح يكون
ب اول الجملة و الفعل المركب كامل رح يكون بآخر الجملة ف هون الوضع مختلف

الأفعال الماضية المتصلة

و هنالك ايضا افعال لا تحتاج الى ge , الافعال الي بتتعلق باللواحق تحت مسمى
( الافعال المتصلة ) عنا لاحقة be مثل: bekommen فبالماضي ما بتتغير
بتضل نفسها حتى بدون ge و كمان هي لا تطبق على قاعدة معينةة ولازم نحفظا حفظ

و عنا لاحقة er نفس erklären لا تحتاج الى ge و انما تتحول الى هكذا: erklärt

اما الافعال الي بكون فيها لاحقة ieren متل telefonieren فبالماضي بس منضيف حرف ال t :
هكذا : telefoniert

و لما بدنا نسوي جملة بالماضي لازم ناخد بعين الاعتبار قاعدة الافعال الماضية ال haben & sein
و تصريف الافعال للماضي . . مثال:

Ich habe ein Auto gekauft = اشتريت سيارة

* فعل نظامي و تصريف نظامي مع اضافة الفعل المساعد haben لأن الفعل غير متحرك

Ich bin nach Irak geflogen = طرتَ الى العراق

* فعل شاذ مع استخدام الفعل المساعد sein لأن الفعل متحرك

ich habe mein schlüssel mitgenommen = أخذت مفتاحي معي

* فعل مركب شاذ مع استخدام الفعل المساعد haben

ich bin mit meiner schwester in die party mitgekommen = جئت الى الحفلة مع اختي

* فعل مركب نظامي مع استخدام الفعل المساعد sein

و هكذا . . طبعا متل ما انتوا شايفين بالجملة الاخيرة . . مو مهم اديش الجملة طويلة
الفعل بكون ااااخر شي و الفعل المساعد اول شي بعد الضمير . .

بالتدوينة القادمة رح احكي عن الأرتيكلز ( ال التعريف ) الي هن Die, Der, Das

واجب الدرس : اكتب جملة بالماضي و اختار بين haben/sein

1. نختار فعل من هالفعلين Haben/sein
2. بعد الاختيار نبحث عن الافعال التي تخص هذا الفعل
3. نختار اي فعل و نصرفه و نبحث عنه ان كان شاذ او نظامي من ناحية التصريف
4. نكتب جملة بالحاضر ( ليس الماضي ) ليكون الامر أسهل عليكم
5. نركب الجملة مع جميع المعطيات و نحولها للماضي

مثال :

Ich gehe ins kino - اذهب الى السينما ( حاضر )

التحويل :

ich bin ins kino gegangen - ذهبتٌ الى السينما ( ماضي )

​

 

[أبريل - كُن]

.السلام عليكم ورحمة الله وبركاته
كيفك بيبي مبدعه التون بدون اي منازع
لن شاء تكوني بخير
عكسي انا جاتني دوخة من الافعال
وخصوصا الافعال
الماضية المتصلة وبرضو الافعال الحركية
لكن من ناحية الواجب فـ ما اعرف
كلمات المانية للأسف
كل اللي اقدر اكتبه
Ich hepen see sonnenschein
ما ادري حتى تركيبه الجملة صح او لا
بس هذا اللي عندي
وفي النهاية احب اثبتلك انك ابدعتي
وفي امان الله​

 

[خَوْد]

.السلام عليكم ورحمة الله وبركاته
كيفك بيبي مبدعه التون بدون اي منازع
لن شاء تكوني بخير
عكسي انا جاتني دوخة من الافعال
وخصوصا الافعال
الماضية المتصلة وبرضو الافعال الحركية
لكن من ناحية الواجب فـ ما اعرف
كلمات المانية للأسف
كل اللي اقدر اكتبه
Ich hepen see sonnenschein
ما ادري حتى تركيبه الجملة صح او لا
بس هذا اللي عندي
وفي النهاية احب اثبتلك انك ابدعتي
وفي امان الله​

هلأ الكلمات الالمانية عادي لو ما بتعرف مترجم قوقل موجود
الاهم انك تكون مستوعب القواعد ولا كم الكلمات بيجي لحالو
مع الممارسة

الجملة الي كتبتها صدقا ما فهمت منها شي هههههههههههه
شو يعني hepen ؟

نورت

 

[أبريل - كُن]

الجملة الي كتبتها صدقا ما فهمت منها شي هههههههههههه

شو يعني hepen ؟

كنت اقصد haben بس جبت العيد

الجملة الها اكثر من ١٨٧٣٧٣٨٣ تفسير انااللي كان جاي في بالي اكتبه

ولا اقول من النهاية خلني اكنسل الواجب من الاساس