Thundersim (2 زائر)

[T H U N D E R ~]

مدونةة تخرج اليوم من شرنقتهآ مُعلنة ولادة جديدة
هنُا الكثير سأبوح عنه من ذُكريات و مواقف قد مرت
وآيضاً اشياء اخُرى قد أبوح بها اذا اقتضى الحآل ، سَأكتب عن اشياء تروق لي
و لربما لا تروق لك ك قارئ . .
لا اعلم لماذا قلبي يلح طوال هاذه الفتره الماضيه بالرجوع الى عالم المنتديات هاذا
وف فتح مدونه كالبدأ بحياه جديده كليآ عن السابقه اللي كُنت ولا ازال املكها
ولكن اريد ان اغير هذه الحياه بطريقة ما . . كالتجديد او تغيير هاذا الروتين المرعب
الذي املكه كمثال ، روتين حيآتي القاتل يستهدف عقلي كثيرآ وهو شى مرهق جدآ للروح و الجسد
لهذا السبب اعتقد اني قررت فتح هاذا المدونه لتصبح مرجعآ لي بالمستقبل
لكي ارى مدى التطور الذاتي والنُضج العقلي الذي سأمر به . . مدوتني لن تكون مثاليةة دائمآ ولكن حتمآ ستكون عفويه جدآ . .
​

 

[Athe]

نسيت اني حجزت يلعن جد ذاكره الاسماك ذي.
المهم ماعلينا. بربريتا تعرفت عليها مع ريم.
وطبعًا من تعرفت على بربريتا نتهاوش او نتسدح بملفات بعض.
تكلمنا ع التلقرام بعد وتحلطمنا بسبب طلبياتنا العالقه في السماء.
بس حرفيًا ابرار اثبتت لي انها مفهيه
طالبه طلبيه بدون رقم صندوق بريد وبدون رقم جوالها!
يعني حرفيًا وش العباطه ذي الي تخليك تطلبين بدون هالاثنين؟
جلست افكر معها بحل وانا مصدومه اني لقيت احد مفهي اكثر مني!!
رغم انها مفهيه الا اني اشوف فيها ذكاء كبير مره ماشاء الله
شكلها ماخذه وضعيه الطاقه الكامنه.
المهم تراك شخص لطيف جدًا بربريتا ودمك خفيف
واحب اتكلم معك واحب سدحاتي بملفك رغم انه مليان مويه (مطر) ودايم تجيني صواعق بملفك (ذبه نايمه )
بس برضو سدحه مُريحه. كأنك تنسدح بالسطح وهي تمطر.
كيف انهي كلامي؟
-تشرد-

 

[T H U N D E R ~]

مشاهدة المرفق 4881

one by one my leaves fall"
" one by one my tales are told ​

أحيانا الوحده علاج لكل المشاكل اللي قاعدين نمر فيها او الاشخاص اللي بحياتنا ، ع نفسي افضل الوحده ع قعده مع بعض الناس اللي متوقعه منهم نفاق و لهم وجهين ! الفئة هاذي مادري شنو تبي بالضبط . . بس تسبب ضغط نفسي وتمشي ولا كأنهم يعرفونك ؟! ولو طحت لا سمح الله مستقبلا اكثر فئه بيستانسون هم .
انا حاليا قاعده امر بضغط نفسي كبير هالفترةة بسبب الدراسه والعائله و هالفئه تحديدآ الله يستر على نفسيتي منهم لا انفجر او يحوشني اكتئاب زي قبل ، انا شخص غير محظوظ بالصدقات للأسف كل اللي تعرفت عليهم حقين " مصالح " او " لتضييع وقت " مافي احد منهم للأن معاي . . لكن اكثر شى سويته يطيب الخاطر هو اني بلكت كل شخص منافق وطلعته من حياتي للأبد صحيح حاليا ما عندي اصحاب بالحياه الواقعيه لكني افضل هالشى بمليون مره بدال اني اقعد مع هالاشكال ، الله عوضني بناس هنا اتمنى انهم يبقون بحياتي للأبد اشخاص اطيب من قلبهم مافي والله و اصفى من نياتهم مافي و اتمنى لهم كل الخير بهالدنيا كسبيل المثال سمآح : سماح لها مكانه بقلبي والله يشهد عليها شخص لو تعرفونه بالحقيقه مافي اطيب منه وانظف منه صحيح انها مزاجيه بس تنحب وانا احبك ياسماح والله يشهد بهاذا .
وريم : لو اقولكم انو ريم سارقه قلبي كله فهي سارقه قلبي كله وربي شقد احبك و انا اسعد شخص اني تعرفت عليك و افتخر اني اكون صديقه لك وربي .
الحب فاطمه : فاطمه اطيب قلب و اكثر شخص يحب يضحك وانا ما اسعد الا لما اشوفها تضحك و اذا اختفت افقدها كثيييررر وسعيده جدا اني تقربت من كثير وعرفت شخصيتك أكثر ، هالثلاثه صحيح اني اكلمهم داخل وخارج المنتدى الا اني ما اطفش منهم ابد والله يديمكم لي ولا يغيرنا .
في شخص بتكلم عنو بعد مريم : أعز شخص ع قلبي مريم واول وحده تعرفت عليها هنا هي كانت مريم كنت ادخل المنتدى عشان اشوف راسله لي حاجة ولا لا احبك سحابةة ق8 ق8 .
مدري ليش كتبت هالكلام بس حسيته مثقل علي اليومم وقلت اكتبه وارتاح منو
وبس والله لايك، دمتم بخير ق8


مشاهدة المرفق 4882

 

[T H U N D E R ~]

مشاهدة المرفق 5083​

like a high-born maiden"
in a palace tower,
soothing her love-laden
soul in secret hour
"with music sweet as love ,which overflows her bower​

من الاشياء اللي انجزتها ب ٢٠٢٠ وأفتخر فيها أنو توقفت عن أشياء كثيرهه
​

- توقفت عن التبرير بكل موقف وبكل مُحادثه وبكل شئ و توقفت عن الطلبات من أشخاص انا عندهم ما يعتبروني شى !
زي مثلآ اني اعزمهم و ابي اطلع معاهم بموعد بمقهى صغير وهم مايبوني او مايحبوني ودائما ما يطلعون اعذار عشان مايطلعون ، وتوفقت عن السؤال سوا عنهم او عن احوالهم هاذا الشى بحد ذاته ارهاق نفسي و عقلي .
كسبت ذاتي في سلم حياتي ( لا مزيد من الاسئله عن احوالهم ولا مزيد من التبريرات لهم عشان ما يزعلوني علي ولا مزيد من العتاب عشانهم مايبوني او ما يسئلون عني ! من يبيني ويحبني اهلا به وسهلا ومن لا يرغب الله معه )
بالنهاية اشتريت راحة بالي وترفعت عن توافه الأمور ، وخليت فكره ان بعض الاشياء لا يجيب ان نغيرها لانها ماراح تتغير
يجب علينا ان نخليها زي ماهي بالنهاية ولسنا مجبرين ع تغييرها ولازم نحب ماحدث لنا والي حنا فيه حاليآ لايك. .
مشغوله دائمآ حتى بوقت فراغي مشغوله باللي يسعدني واحب اسويه و مشغوله بتطوير نفسي ومسراتي الصغيره و الصباحات الملئية بأكواب القهوه والليالي الهادئه ، ومشغولةة بما اريد ان انجزه واحققه وبالمضي قدمآ لا للرجوع للماضي وكلي أمل ان اصل لطموحي العاليه وتحقيقها بأقرب وقت
في نهايةة هاذا الكلام احيانا الشخص مستحيل يتقبل فكره أنو شخص يعرفه خصيصا وأنو هالشخص ما يحبه او مايبيه بحياته خصوصآ لما تكونو معاهم لمده ٨ ساعات يوميا فهاذا يكون صعب ع العقل تقبله و دائما مايحاول العقل استنكاره لكن بنهاية المطاف الشخص ماله الا نفسه ونفسه تستحق كل هالحب والاهتمام بدال هالاشخاص . .

 

[T H U N D E R ~]

مشاهدة المرفق 5247
^لا تركزون ع الصوره في كوب مفقود

#خرابيط مع أبرار و #تدوينة مالها معنى
انا من مدمنين يوتيوب مدري متى بدأ هالادمان معاي بس اذكر انه من زمان يمكن بدأ ٢٠٠٩ او شي المهم اقدر اقول لكم اني انام باليوتيوب وكل يومي يروح فيه اذا كنت فاضيه طبعا اتابع يوتيوبرز كثيررر وللأمانه مقدر اعيش بدونه ، قبل كنت اقول عن اليوتيوب انه برنامج سخيف واللي يتابع فيه اسخف وسبحان خالقنا صرت السخيفيين للي يتابعونه ولا ما يمر يوم الا اتابع لي كذا مقطع * اضحك تُبلى *
بس والله احس هو الوحيد اللي يونسني !! لو يختفي انتحر *همزح* ، ماخليت احد ماتابعته باليوتيوب بس العرب ما تابعتهم امزح امزح .
المهم حبيت اتكلم لكم وانشر "سخافتي " و قنواتي اللي مقدر اتخيل حياتي بدونها و اعشقها كثير ولو هي مو موجوده بالاساس مدري كيف بمضي بحياتي البائسةة *درامات* ، احب اشتغل او ادرس وفي خلفيه اصوات تشتغل سوا فلوق او قيمنق اي شى اهم شي انه شي يتكلم غير الموسيقي * لا تضحكون علي *

اول شي هالقناة طحنت فيها طيحه لي كم سنه ، اول شي صج احمد ربي ع النعمة الكبيره اللي حنا فيها
اللي مو فاهمين سالفة هالقناه انها محكمةة للي جايبين عيال بالحرام ولا يدرون من الاب او الام كذا ويقولون سالفتهم و ينشرون شراعات وفضايح بعض .
انا مادري ليش اتابعها لكن فيني شي داخلي متعلق فيها ويخليني اتحمس اشوف سالفتهم او يجني فضول كبير للسالفه وكل ما اتابع حلقه تبين لي شغلات احمد ربي عليها دائما و ابدآ .

اكثر اثنين احبهم واحب هالقناه كثييييررر شكد ضحكوني بردودهم و ردات فعلهم سوالفهم تخلي يومي احلى
طبعا قناتهم متنوعه وحلوه وممتعه للامانه جد جد اول ما ينزل فيديو منهم لازم اتابعه ع طوووول ما اطوف لهم شى ابدا

اقدر اقول الحب حقتتي ولا ؟! اكثر فلوقر تعجبني واحس جوها زي جوي واحب اتابع يومياتها للامانه واتذكر اول فيديو لها ورحلتها للامريكا عشان تحقق حلمها وفعلا راحت و نجحت وسوت الاشغال الي هي كانت تحلم فيها لايك! وهاذا الشي يحمس وحلو انك تتابع شخص يحقق طموحه ، يوميات حلوه وتصوير بطل وروح تفتح النفس و شنو اكثر من كذا ؟ هي الوحيده اللي احس اني ماراح اطفش منها وراح اتابعها لين يوصل عمري ٤٠ يمكن اذا الله اعطاني عمر

+

من عشاق قصص الجريمه واحب اتابعها او اقرا احيانا عنها اكثر قناتين تتكلم عن قصص الجريمه و المجرمين او حتى عن الاشباح والجن احب طريقة سردهم بالقصه وكيف يقولونها ، مره يحمسون للأمانه .
تبون احط لكم قنوات طبخ بعد ؟ < كف ،
المهم وانتمم ياللي داخلتو وقريتو التدوينه شنو هي قنواتكم اللي تحبونها اذا تتابعون ؟ ارسلولي او اكتبو بمدوناتكم خلوني اشوف شى جديد .
وبالتدوينات الجايه بتكلم عن ادماناتي الغريبه الثانيه اكيد

​

 

[T H U N D E R ~]

مشاهدة المرفق 5255
مرت سنة والعين يعشقها السهر ومرت سنة والشوق باقي ما انمحى * امزح ماله دخل *
ما اصدق ابدا انو مرت سنه على تسجيلي هنا شي ما ينصدق احس السنه مرت بسرررعهه بشكل جنوني !!!
اتمنى انو سنيني تكون حلوه بوجودكم و نصنع ذكريات جميله مع بعض ونكون مع بعض العمر كله ان شاء الله
اقدر اقول ان فكره اني ارجع للمنتديات وخصوصا هالمنتدى تحديدآ كان احلى فكره جت ع بالي ولا ندمت عليها ابدآ
وبلعكس تعرفتت ع ناس مافي زيهم ابد واتمنى لهم كل خير ق8،
احبكم والله ق8

.

محد : ..
أبرار :

انا اذا اكتئبت احس كل اللي حولي مكتئبين مثلي لايك
الاسبوع الثلاث الجايه اكثر اسابيع ضغط بتمر علي بتصير كلها تجهيز برزنديشنات و شرح ومذاكره للاختبارات النهائيه
طبعا جامعتنا الحلوه المتقدمه بالتكنلوجيا اللي ماقد شفتو زيها ولا حتى عند اكسفورد قررت انو الاختبارات حضوريا ولو تنطبق السماء ع الارض ماراح يخلونه عن بعد " كلامهم " ، طبعا جونا الحين برد ولما يجي وقت الاختبارات بيكون خلاص حنا منتصفين شوي بالشتاء وبتكثر الامطار ان شاء الله واذا كثرت الامطار وبرد الجو بتكثر الامراض لا سمح الله .
ماقول الا ذهب الكثير ومابقى الا القليل وان شاء الله هالترم بحاول كثير يكون معدلي ممتاز واجيب A+ بكل موادي، * طبعا انا اكتب هالمدونه وانا حاضره محاضره *

المهم قلت اسوي تحدي تولاي اللي كتبت عنه بمدونتها قبل انام نومت الدهر

التحدي اسمه #جوانب_مشتركة
فكرته : تهجمون على مدونات الأعضاء -لكم حرية الاختيار- وتقتبسون من عندهم جوانب
مشتركة بينكم وبينهم من خلال تدويناتهم السابقة

معااااك حبة بُن على هيئة إنسان ههههههه حرفيًا انا من عشاق القهوة
وأحب اجرب كل أنواعها وبعد أحب كل أنواع الحلويات اللي بنكهة القهوة

+ اعرررف اسوي قهوة اطلق من قهوة المقاهي

انا من مهووسين وعشاق القهوه بعد يعني جد جد احس الحياه بدونها ولا شي ولو خيروني بين الشاي او القهوه بختار القهوه لعمري كله ، هوسي بدا بعمر صغير و كنت دام اروح مقاهي زي كرسبي كريم و د.كيف ، الشى الوحيد اللي ما انساه ابدا ريحة القهوه اول مره جربتها وشميتها بس ب د.كيف الى الان ما انسى ذاك اليوم ابدا مع اني كنت صغيره وقتها بس الريحة لللأن عالقه و من كثري حبي لها اهلي يسموني مس قهوه

باختصار الفَقد...

انا اقدر اتخيل اني افقد ناس كثير ويمكن اني ما اهتم لهم لانهم مايهتمون لي بس لما اتخيل الفقد اتخيله با اخواني او امي وابوي هنا انا انهار لاني حيل مرتبطه فيهم بشكل كبير و اتوقع اني بوصل لمرحله م مراحل الجنون لا سمح الله والله يطول با اعمارهم واعمار جميع الابهات ، انا اذا شفت مقطع عن شخص فاقد ابوه او امه أنهار واقعد جد ابكي اليوم كله ماقول الا الله يرحم جميع موتى المسلمين ويغفرلهم

احب العاب السوني

السوني السوننني ياربي عشق الطفوله بس الان ما العب انقطعت انقطاع قوي بسبب دراستي و دوامي اللي بنفس الوقت
مخططاتي اشتري البلايستيشن ٥ ان شاء الله عاد لو شريته اول جمله بيقولونها لي اهلي ( هاذا كبرك وتلعبين بلايستيشن لو نزوجك جبتي عيال ) لازم التحطيم بس عادي الحياه حلوه من كثر حبي للسوني وللالعاب عندي مجموعه جوارب للالعاب

1- احيانًا أكون شخص غَريب الأطوار ، بالواقع عندي هوووووووااايي تصرفات غريبة xD

انا زي مريم عندي تصررفات غريبه لما اقابل شخص لاول مره وتكون بيننا محادثه لاول مره ، بالواقع انا شخص حيوي شوي
ولما امون عليك اطلع ع حقيقتي كثير ناس من اللي اعرفه دايم يقولون لي ان شخصيتي غريبه
عندي اقتباسات كثيره بس هذول اكثر شي لفتو انتباهي

 

[T H U N D E R ~]

السمستر هاذا من اضغط السمسترات اللي مرت علي ضغط ضغط مو طبيعي بشكل وغير كذا هالأيام صايره تطير كأني اغمض وافتح الا الويكند جاء ! بس الزبده انه بشكل مُخيف ، المهم الاسبوع هاذا غير لان دكتورتنا بالجامعه غيرت خطة مشروعنا اللي هو كان نمثل مسريحه من مسرحيات الادب الانجليزي وبسبب ظروف كورونا فقررت انو بدال المسريحه اللي نمثلها نتابع فلم من اختيارها عن ونتناقشه طريق زووم و تبي تشوف كيف نحكم و نفكر بعمق بالقصه والأحداث و طريقةة تفكيرنا العميق وتحليل كل وحده فينا بشكل ادبي عن القصه ، للامانه الفكره مره حلوه منها كتغيير روتين ولكن بسبب ظروفي الحاليه ماقدرت احضر السينما واتابعه فقررت اشوفه اون لاين ، انا من عشاق الدكتوره هاذي احب طريقتها بالشرح و الاهم طريقةة تفكيرها جدا جدا جميل واحب هاذا الشى فيها كثيررر انها تتقبل اختلاف الاراء انا ما اتردد اقول رأيي عندها لاني ادري انها ما تحكم علي بسبب هالرأي . او انها تسقطني مثلا لاني اختلفت معاها برأي * قد صارت * عندنا في طالبات كثير عادو ماده لانهم قالو اراءهم . الفلم المُختار كان فلم انجلينا جولي الجديد !

ماتدرون قد ايش اعششقق انجلينا احبها واحب افلامها وادوارها !!! احب اي شي منها سوا فلم او فيديو قيم وهي خلتني مهووسه ب تومب رايدر من صغري . الفلم يتكلم عن اليس في بلاد العجائب وهو كان محور الماده قرأت الروايه جد حلوه للامانه و ممتعه جدا وهي اقدر اقول من افضل الروايات اللي قريتها ممتعه بشكل صحيح انها تدوخ و تلحس المخ بس انها كانت تنحب . صحيح انها بالبدايه كنت بالغصب أقراها واي شى يكون بالغصب يطلع مو حلو و مُمل سبحان الله بس اقدر اقول اني استمعت فيها ححيييللل جد جد خياليه وحبيت الفلم وحبكته صح فيه شغلات قليله من الروايه ولكن حبيت فكرة دمج الليس مع بيتر بان وبَ نهاية كانت حلوه والفلم احسه يعلم الكبار قبل الصغار فيه نصايح جدجد بطلةةة من الأخر والله استمتعت حححييل فيه واحس انه اول فلم اتابعه بعد فتره من الانقطاع عن الافلام حتى ما اذكر شنو كان اخر فلم تابعته تابعت الفلم و كتبت الاسايمنت وسلمته اليوم وان شاء الله اخذ الدرجه كآملةة بالمناقشه

 

[T H U N D E R ~]

مشاهدة المرفق 5420

مشاهدة المرفق 5421​

مرحبا

اليوم حضرت دورات البعثه اللي ترشحت لها قبل فترة ص0، انا من خططي وامنياتي هي الابتعاث الخارجي من الصغر للامانه
ودي اروح واعيش برا ما يهم المكان ابي اشوف الفصول الاربعه الغربه متعبه ادري بس فيني شي داخلي يبي يعيشها لفتره زمينه معينه لكن عندي اشياء كثير تردني اولا فكرة الابعاد عن امي وابوي بالنسبه لي هاذا شي جنوني لاني متعلقه فيهم بشكل كبير صحيح اني بعد شهرين بصير ٢٧ بس مقدر اتخيل اني ابعد عنهم هالبعد كله ! راح انكسر داخليا يعني لو في احد اصغر مني ممكن هالشى يخفف عني بشكل من الاشكال مثلا يهتم فيهم ويقعد معاهم . ثانيا انا اكثر وحده خوافه يعني اخاف من افكار اعيش لوحدي فرضا انخطفت او شي وماعرف اتصرف لا سمح الله .. حاليا متبقي لي اختبار القدرات الجامعيه عشان اقدرر اقدم عليه رسمي فلازم ادرس لهالاختبار وغيره اذكر فيه اختبار المقابله الشخصيه او شي هاذا خالصين منه من كثر المقابلات الشخصيه اللي سويتها لوظايفي السابقه احس خلاص تعودت عليها ماعاد صرت اتوتر لما اسوي مقابله شخصيه . .
انا حاليا مجهزه كل شى تقريبا ماعدى اختبارالقدرات الجامعيه اللي قبل التخرج و الأيتلس الللي هو مهم جدا للابتعاث ومخططه عليه من اخلص الترم الجاي عطول اختبره عشان اخلص منه صحيح انه أصعب امتحان ويبيله مذاكره طويله وعميقه مره بس أعرف ككيف احمس نفسي عشان اختبره واجيب الدرجه الحلوه اللي اطمح لها واذا خلصت منه يكون كل شى كامل واقدمه و تجيني البعثه باذن الله لكن اللي مخوفني حاليا ابوي الله يطولي بعمره يارب اخاف يغير رايه ع اخر لحظه ويروح كل شي سوويته ! مع اني متفقه وياه بشأن البعثه بس اعرف في ناس حقيره راح يخربون اللي سويته ويغيرون رايه او انو نروح انا وياه ونقعد شهر برا ويغير رايه وويبي يرجع للوطن لانه " مو متأقلم "

عندي شغلات كثيره ودي أسويها قبل سن الثلاثين والابتعاث اولها واتمنى اتمنى يعني من كل قلبي اني اروح واحقق طموحي بدون مايطلع شى يخرب علي لان اعرف قوتي واعرف اني قدها واقدر لها باذن الله بالنهاية المووضوع باقي لي ترم وطريق طويل اقطعه واللي كاتبه ربي لي راضيه فيه الحمدلله .

 

[T H U N D E R ~]

من طموحي اللي حابه احققها في حياتي بعد الوظيفه طبعا هي اني افتح مقهى خاص فيني الفكره براسي لها ٤ سنوات الحين بس تعرفون الاهل اي شي جديد عليهم يحطمونه ويرفضونه وياخذونه يقطونه بالبحر عشان يصعب علينا الوصول له ببدايه السالفه اهلي حطموني ع فكره المقهى وانو اني انا كبنت اشتغل بالمقهى الخاص فيني شي كبير عليهم للامانه وهو شي اتفهمه انا بس بالنهايه راح يتأقلمون ع المشروع انا من النوع اذا حطيت الشي براسي اسويه يعني اسويه لو يوصل عمري ٦٠ سنه .
المهم امس طلعت انا واختي الكبيره اخذتها لمقهى جديد فاتح ف لما قعدنا مع بعض جتها الفكره الخونفشاريه اللي انا فكرت فيها من اربع سنين واللي هي افتح مقهاي الخاص ! قعدت اضحك والله اختي اقنعت الشى الاصعب واللي هوو كان امي الله يطول بعمرها فهالشى زين لان لو امي اقتنعت اقدر اسويها بنسبه ٩٠٪ ومع اخوي اللي بيصير شريك معاي فهاذا شى مُمتاز و فكرتي كانت اكثر اثنين احبهم بمكان واحد واللي هو الورد و القهوه فراح يكون مقهى ومشتل ورد بنفس الوقت لايك انا لا حبيت ششي احب اسوي من قلبي و أبدع فيه فَ لو فتحت المقهى راح ابدع فيه وانا اعرف هالشى.
المشكله مو هنا المشكله اني ما ادري اركز ع المشروع او عالبعثه فصعبه اني مثلا افتحه واروح ابتعاث منو راح يهتم في المكان ؟ بتقولون الموظفين بيهتمو اذا مافي مدير ماراح احد يتهم صدقوني مريت بالهنقطه تحديدآ !
فأجلت فكره هالفكرةة لبعدين لين ما استقر بأموري ، ،
غير كذا جتني عروض وظيفيه بطله بكذا مقهى بس للأن متردده ادخل معاهم واكسب خبرات منهم او لا اطنش مع انوو ودي اتوظف طفش البيت الصراحةة وانا ماعندي مشكله اتوظف بمكان مختلط
احس كثير اشياء قاعده تصير حاليا وبشكل سريع يعني ياله عقلي قاعد يستوعب اللي قاعد يصير هالفتره ح

بعد هالقرقره قررت اسوي تدوينة الاسبوع اللي صارها اسبوعين اتوقع اني اخر شخص يسويها

حدثونا عن الدول التي ترغبون في زيارتها وعن الأسباب التي دفعتكم لاختيار هذه الدول بالضبط.

يوو ياكثر الدول للي ودي اجيها و اسكن فيها بعد بس اتوقع انها بالأحلام خل ابدا اعدد لكم دول اللي ودي اجيها
اول شى سويسرا !! جنة الله بارضه قمه الطبيعه والجمال الخلاب ودي اروح هناك شهر بالريف حتى مدينه مابي اشوف واقعد بالريف واصور واسوي قهوه دريب بالراس ولا اشوف اي بني ادم قدامي ابي اشوف بقر بس

كوريا بلد المراهقه اسميه حبيت كوريا وانا عمري ١٤ سنه متخيلين ؟ اتوقع كنت من اوائل اللي طاحو بالموجه الهاليو الكوريه قبل كان الكيبوب حلو وكان جديد علينا و منبهرين فيه بس الحين احس الفاندومات نفسها خربت سمعته بأسلوبهم ودي اروح عشان احضر حفل سون دام بي و لي هيوري اكثر مغنيتين احبهم للأنق8ق8
كوريا بلد جميل واذكر صديقه لي راحت لكوريا قعدت تقريبا شهرين عام ٢٠١٢ فكان الصور اللي تصورهم شي جنوني وكانت الفتره بين الخريف والشتاء فكانت قمه بالجمال فكيف بتكون في فصل الربيع ؟

أمريكا اكيد عندي خطط كثير اذا رحت بسويها واول شي اسكن بكوخ بوسط الغابات بس اخاف من القتل و المجرمين المتسلسلين اعرف حظي مايحتاج يعني ع قولة عمي امريكا جامعه لكم كل شي تبون صحرا موجود تبون غابه موجود متنوعه وحلوه

ودي اكتب اكثر بس احس زودتها حبتين
#فعالية_الأسبوع

 

[T H U N D E R ~]

#فعاليةــ ألاسبوع

أيام معدودة وتنتهي هذه السنة الحافلة؛ شاركونا أفضل الصور التي التقطتها عدساتكم في سنة 2020،
مع ذِكر السبب الذي يجعلها الأفضل في نظركم

2020 من أغرب السنوات للي مرت علينا كلنا حسينا فيها بالخوف و والرعب بسبب المرض والقرارات اللي صارت اكيد بس برضو صارت لنا اشياء جميلة و خلت ايامنا احلى وانا احب هالسنه ع غرابتها والله .
و احلى شى صار اني تعرفت ع هالرباعي وتقربو مني وصار شي أساسي اني اكلمهم كل يوم 1، * مهدي احسه مششغول لفاضي كيف ؟ مدي لاتسئلوني كيف *
RELENA , Mahdicchi , R E E M , F A N C Y
ترا احبكم ولله
يلا ببدأ اسولف لكم عن الاشياء الحلوه اللي صارت لي بـ٢٠٢٠


مشاهدة المرفق 5807
^اول شي من آحلى الهدايا اللي جتني و الاعز على قلبي وكانت مفاجئةة لي من أمي الله يحفظها ويطول بعمرها ، امي شافتني متضايقه وقتهآ وقررت تسعدني بهالسلسال و الفرحةة مطيرتني فوق وصار شي مني وفيني والله

مشاهدة المرفق 5806

^ومن اجمل انجازاتي من ٢٠١٩ قررت انو كل ترم احاول اجيب بكل موادي يا A+ او B وفعلا صدقت مقولة لما تحطون شي براسكم تسوونه بالنهاية وتصير حاله جذب للشى اللي تبونه ويصير بالمستقبل وهاذي كانت من الترم هاذاوعقبال اجلد الترم الثاني والميداني ادعولي بلييززز

ذكريات الحجر ! يوووو ياذكريياتهه الحلوه فعلا كانت ايام جميله وودي ترجع *كف* كشخص بيتوتي أحس اني اكثر وحده استانست بالقرار وقتها و لا غير من نفسيتي وتعبت من الحبسه بلعكس حسيت اني تقربت من اهلي و قربنا مع بعض أكثر وبالنهايه أيقنت ان الاهل وجمعتهم اكثر شي يهم بهالدنيا وانهم بأمن وامان وصحه وكيكة الليمون لذيذه وهوشاتنا لما نلعب كيرم و الشوي والشغلات الحلوه

مشاهدة المرفق 5805
^ حصيلتي من الأكواب هاذي السنه وكان عددهم ١٢ وقبل كم يوم صارو ١٣ كانو من اصعب الاكواب اللي كنت ادور عليهم خصوصا طوال القامه اللي ورا لي اكثر من سنتين ادور عليهم والحمدلله لقيتهم وهاذا الهووس عندي بزدياد وأعاني منه كثير لكن هو متنفسي واحبهه وعندي مجموعه كبيره منهم واذا انكسر واحد احس قلبي هو اللي انكسر
بنهاية السنه هاذي عرفت اني نضجت كشخص وتغيرت طريقة تفكيري و طلعو ناس كثير ع حقيقتهم وانا سعيده بالهشي و اني أقدر اقول كبرت ع حركات المراهقين اللي " ليش يطلعون وماياخذوني معاهم او ليش ما يسئلون عني " بالنهايه اللي يبيك يبيك وللي مايبيك لا تهتم له الناس تروح وتجي واذا راح احد الله معاه وين مايكون ومانزعل ابدا ان علاقتنا وصداقتنا ما نجحت لان الناس مختلفين وراح نلقى اصحابنا اللي نفس تفكيرنا مستقبلا ان شاء الله .
السنه هاذي علمتني اشياء كثيره اولها الصبر بالتغيرات الي قاعده تصير حوالينا والشخص مايدري وين الخيره اللي اختارها الله له وننا نرضى باللي معنا اللي قاعدين نمر فيه ، الشغف اني اسوي الشى بحب ولنفسي وللي حولي عشان يطلع بأحلى صوره ممكنه وبدون شغف محد يقدر يستمر باللي يسويه ! . عاد انا شخص دقيق بأصغر الاشياء لدرجه ممكن تعكر يومي واقعد طول اليوم زعلانه ومتعكر مزاجي بشبب ان هالشغله الصغيره ما جازت لي ف صرت احاول اتغاضى و اسوي نفسي بارده شوي واتمنى هالسنه تعد على خير و نبدا سنتنا الجديده بأمن و أمان و نحقق كل طموحنا وأمنينا وتكون سنه حافله علينا باذن الله لايك أشوفكم السنه الجايه * ههههههههههههههه ودي اقولها من زمان *

​