Thundersim (1 زائر)

[T H U N D E R ~]

اول شي كم لبثننا ؟ اشتقتتت ورربيييييي مو للمدونه لكم
ولله ما كان عندي شي اكتب عنه او احداث دراميه صارت تستاهل اني اكتبها ، بس الشئ الحلو انو هالترم اخر ترم لي
وبقى لي تطبيق واحد وخلاص اكون متخرجه رسميآ !!!! بس برضو عندي مادتين بس سهلات ان شاء الله خطتي هالترم ضروري ضروووري اجيب بالمادتين اي عالاقل و اي بلس بالميداني اللي هو التطبيق .. مع انو دكتورتي معجبها طريقه شرحي وكذا بس اخاف انصدم من الدرجه بالنهايه ما تعطيني الاي بلس < ترا صارت مع بنات
وخطتي للبثعه مو قاعده تمشي اساساً !!! اول شي عندي تخوف من الموت مدري ليش يعني ، ثاني شي لازم اخذ اختبار الأيلتس ولكن قيمة الاختبار جلطه و غالي وانا ماعندي وظيفه حاليا وسعره نص الراتب وانا من النوع اللي مايحب ياخذ من اهله لو يموت ف مدري متى راح اختبره هو كان المفروض يكون قبل رمضان بس لما جاء قرار الثلاث الأترام هاذا اختلف الوضع راح ارجع اختبر بعد رمضان ب ١٠ شوال يعني مُشكل كثير والله .... الحسنه الوحيده اني اخذت توصيات من الدكاتره شكلي بحطها بمويه واشربها ثانيآ صرت ٢٧ عامآ من التعاسه والكئابه محد سئل بس كذا بقول كيفي
وأخر شي تابعت ذا فيمباير دايريز وش اقول وش اخلي يعني هالمسلسل اذكر كان له ضجة كبيررره هنا بالمنتدى اول مانزل وكل الناس تتابعه و اذكر تابعته بس ناسيه الاحداث حقته ورجعت تابعته واقدر اقول انو I'M OBSESSED أحس رجعت لي الذكريات المراهقه الحلوه والله اللي ماتابعه اققول له ضيعت نص عمرك وبسسس

 

[T H U N D E R ~]

هاي
اشتقت لمدونتي وررربيي ما تدرون كميه الفقد اللي حسيت فيه هالفتره ، هالشهرين او اكثر والله مدري المهم اللي راحو صارو لي مصايب كثيره واكثرها فقداناً لقلبي هو الاب توب حقي شكد فرق معاي وحزنت عليه واحس ماقدر اعيش بدونه عشان كذا اختفيت فجئه ولا في احد يترك مناقرة و تنمر احمد ويروح ما يصير هالحكي والله لدرجة قلت انو حظي اعوذبالله او انو في احد داعي علي من مصيبه لمصيبه اكبر لكن الحمدلله عديت سالمه مُعافيه الحمدلله كص1 ، بس دخلت عشان اقول لكم اني تخرجت مع مرتبة الشرف الثانيه ياربي الحمدلله انتهى هالمشوار كان غريب نوعا ما لايك باركو لي رجاءا نسيت اسدح صوره الميداني مع الاي بلس هنا 11بسدحه قريبا ..اكثر شي تحمست له عبايه التخرج ابيها باي شكل من الاشكال لو تكون اقبح شي سووه لنا الجامعه عادي ماعندي مشكله ابيييهااا لما تجي بصور ان شاء الله احطها ذكرى هنا ،، احسها هي الوحيده اللي تبي تبدر قلبي وتحسسني اني تخرجت صحيح * بتلبسها وتنام فيها * اذا طلع الخط كبير وحركات غريبه اعرفو اني كتبت بالجوال مو لاب عشان اضبطه وبس سلامتكم

 

[T H U N D E R ~]

أبتدت سنه جديده من حياتي وكل يوم أكبر وتكبر معايا مخاويفي وأدخل بدوامة التساؤلات يومياً ،
هل حياتي راح تضل زي ما هي بدون ما تتغير ؟ وتمر هالرتابة والفراغ و الكآبه ؟ وهل سأضل قليلة حيلة وأمري مو بيدي ؟
وهل سأكمل مشواري و احقق طموحي اللي بنيتاها بأحلامي واكسر الحاجز والباب اللي واقف بطريقي ؟ وهل الحب والسعاده والصداقه الحقيقيه بعيشها يوم من الايام ؟ هل بيجي هاليوم ولا لا واقدر استشعره ؟؟ …. صار لي شهر بعمر ٢٨ ولكن احس يوميا انو الايام تسرع ولا شي بيدي اسويه ولاني قادره اسوي اللي ابيه