-
هو مايحتاج تعبير ووصف ، هو عبارة عن أسئلة مُحددة تاخذيها وتبدأي تجاوبي على الأسئلة بطريقة موضوعية ..
مثلا:
معلوماتك الشخصية ..
اسمك / عمرك ، تاريخ ميلادك / حالتك الإجتماعية / المدينة + اسم المنطقة الي ساكنة فيها
( بس إذا كانت الوظيفة عن بُعد إكتفي بذكر اسم المدينة فقط ... )
وسائل الإتصال بك ...
رقمك وإيميلك ... موقع خاص فيك ( إذا كان عندك موقع وإذا كانت الوظيفة لها إرتباط بالمواقع والتصميم والخ )
التعليم والمؤهلات :
أكتبي مستواكي التعليمي
اسم الجامعة - اسم الكلية - تخصصك ...
الدورات التدريبية :
حطي اسماء دورات التدريبية الي حضرتيها سواء دورات حضورية أو أونلاين ..
وأكتبي اسم الجهة الي حصلتي على دورة منها ( إسم المعهد - إسم المركز - المؤسسة - إلخ .. )
وإذا عندك شهادات إجتياز لهذي الدورات إرفقي نسخة منها مع الـ c.v
الإنجازات والخبرات ...
اذا ماعندك خبرات نهائيا ولا إنجازات
سوي سكيب على هذي الفقرة ولا تكتبيها في سيرتك الذاتية ولا تجيب طاريها
-والإنجازات كـ طالبة جامعية ممكن تكون كالتالي :
اذا سبق لك وشاركتي في مسابقة بالجامعة والمسابقة هذي كانت على مستوى الدولة أو المحافظة
وفزتي فيها وحصلتي على المركز الأول او الثاني أكتبي هالشيء
أوسويتي مشروع بالجامعة وحصلتي على درجة عالية جدا أكتبييها ...
أو كنتي الأولى على الدفعة بالسنة الي فاتت أكتبيي ...
المهارات :
1/ اللغات
العربية ، الإنجليزية ( وحددي مستواك بالإنجليزي ممتازة أو جيدة وإنتبهي تبالغي لانه ممكن يختبرونك في الإنترفيو )
ولو عندك لغات ثانية إسدحيها ...
2/مهاراتك في استخدام الحاسب ( من ادخال بيانات اكسل وورد ، وإلخ إلخ ... )
3/المهارات الشخصية أو المُميزات :
في كثيير كثير مهارات ... إنتي إكتبي 3 أو 4 أو أكثر وخليك صادقة
في مهارات أساسية يحتاجوها بأي وظيفة .. وفي مهارات خاصة بمجالات مُعينة ..
ركزي على المهارات الأساسية وإذا عندك مهارة تخدم الوظيفة الي قاعده تقدمين عليها أضيفيها
.png "At (131) غزا6")
عندك مهارات الاتصال والتواصل ... أكتبي
اذا ماعندك سوي سكيييب ..... ولا تجيبي سيرة الموضوع
.gif "At (138) ه1")
عندك مهارات العمل الجماعي ... أكتبي
*متعاونة وقادرة على العمل بروح الفريق الواحد ...
عندك حسّ المسؤولية ... إكتبي
*أمتلك حس بالمسؤولية إتجاه الوقت والعمل ... >> وهذي مهارة أساسية
عندك تحمل ضغط العمل أو المرونة ... أكتبي
* قادرة على تحمل ضغط العمل
أو *قادرة على العمل تحت الضغط >> هذي كلهم يكتبونها
اذا عندك مهارات في الإدارة والتنظيم ومهاراتك كانت عالية في هالمجال أكتبيها ...
إذا عندك مهارات ابداعية فنية أو أفكارك مبتكرة
... اكتبي
*ذات أفكار إبداعية
مهارات حل المشكلات
إذا عندك سرعة بديهة ودائما عندك حلول للمشاكل بطرق فعالة اكتبي
وفي كثيرر مهارات ثانية وبعضها بتخص مجالات محددة مثل (مهارات التسويق والإقناع والتصميم والمهارات الكتابية ، برمجة وإلخ إلخ ... )
وزي ماقلت لك فوق اذا عندك مهارة مناسبة للمجال الي قاعدة تقدمي فيه أكتبيهااا
وأخر شي ...
الإهتمامات :
إكتبي إهتماماتك أو هواياتك بكل بساطة ...
مثلا : القراءة - التصميم وهكذاا ...
وفي نقطة أخيرة ...
في شي اسمه
الهدف الوظيفي وفي
المُسمى الوظيفي وهذي يكتبوها في
بداية c.v
شوفي
الهدف الوظيفي إذا إنتي شخص توه بادئ مسيرته المهنية ومايفرق معاه المجال الي راح يتوظف فيه ... في هالحالة لا تكتبي هدفك الوظيفي
لأنه اذا هدفك الوظيفي مش مرتبط بالوظيفة الحالية الي قاعده تقدمي فيها ومش مرتبط بمجالها ..
ماراح يهتموا فيكي !! ف سوي سكيب على هالشيء إذا مافي ارتباط بين هدفك الوظيفي والمجال الي مقدمة عليه ...
لككن غالبًا راح يسألونك في المقابلة الشخصية عن هدفك ايش راح تجاوبي وقتها !!
اذا مافي أرتباط بين هالإثنين لازم تجهزي جواب دبلوماسي للمقابلة الشخصية
.gif "At (208) ض0")
بس
اذا كان هدفك الوظيفي مُرتبط بنفس المجال الي قدمتي فيه أكتبي هدفك هالشيء بالعكس وقتها راح يساعدك كثير كثيرر ...
بالنسبة
للمُسمى الوظيفي ....
نفس شيء الي فوق إذا كنتي مُبتدئة و تبغي تقدمي على أي فُرصة عمل متوفرة
وماتفرق معك ايش حتشتغلي كاشير ، ريسبشن ، تنظيم ، سكرتيرة ، بروموتر ، إلخ ...
في هذي الحالة لاتكتبي المُسمى الوظيفي .... اعملي سكيب
لأن وقت التقديم على حسب الوظيفة راح تكتبي بالإيميل المُسمى الي جالسة تقدمي عليه ... هذا اذا ماعندك وظيفة مُحددة في بالك ...
لكن إذا إنتي عندك في بالك وظيفة مُحددة وحابة تقدمين عليها وبتخص مجال دراستك أو مجال مهاراتك وإهتماماتك ومُرتبطة مع هدفك الوظيفي .. وقتها yup أكتبي المُسمى الوظيفي
أعطيكي مثال سريع : وحده خريجة تربية .. وبتبحث على وظيفة مُحددة ألا وهي معلمة .... وأهدافها مرتبطة بالتعليم ...
في هذي الحالة تكتب المسمى الوظيفي : مُعلمة ...
وأخييراا حاولي تكون السيرة الذاتية مكتوبة في قالب مرتب ومُنمق وشوفي أشكال قوالب بالنت حتى تاخذي أفكار
و إذا حسيتي إن خبراتك ومهاراتك بسيطة ركزي على المقابلة إنو تكوني واثقة فيها وهادئة وحكيمة بالطبع
.gif "At (448) ض2")
لانه الإعتماد الكلي في التوظيف يعتمد على المقابلة الشخصية
..
بس إن شاء الله أكون أفدتك وبالتوفيق ي بطة
.png "At (154) ق6")
.gif "at1 ق1")
.gif "At (131) قك2")
.gif "At (136) ه2")
.png "ne (1) هه4")