الختم الذهبي الشغل عيب ولا مو عيب ؟ نقاش ~ (1 زائر)

[بِهْنَام]

ترانيم - يوليو

السلام عليكم و رحمة الله تعالى و بركاته يا قمر ق8
موضوع مثير و مثري للطرح ، بوركتِ ...
بالنسبة لرأيي ؛ العمل مب عيب طبعًا ، و لكن بسبب
شراسة الرأسمالية - كما نرى في العالم الحديث - و تقديس
البشر للمدرسة و العمل المدني ، و النموذج الغربي للحضارة ؛ صُنّفت الأعمال لديهم
بمستويات على حسب المرتب ، و يحاولون يجملون كل عمل
علشان المظهر ، و ذهبت قيمة العمل و سببه مع انغماس
الإنسان في المادة ، و تحوله لترس لاقتصاد الرأسمالية
المتهالك .
و لكن لو تمردنا على خُطا هذا العالم ، و قررنا تحويل
البوصلة تجاه قافلة من الناس اللذين يسيرون نحو طريق
يطلبون فيه رضى خالق السموات و الأرض ، اللذين يصدقون
إذا حدثوا ، و يفون بعهودهم ، و يحافظون على الأمانة
و كثيري التبسّم ، و ينتفعون بالمادة نفعًا يرضي عظمته سبحانه ؛
لرأيتهم يحترمون الصغير و الكبير ، العامل و العاطل ؛
بل و يفرحون لفرحهم و يحزنون لحزنهم ، و يعطون أحبّ
ما لديهم لغيرهم ، و لنجت
البشرية من التسليع ، و لكونهم سائلًا
يتناسب مع كل قالب ، و لأصبحت لغالبيتهم
مبادئًا ، و نظرة واضحة لما تعنيه كلمة "إنسان"
و "الغاية" ... بل و حتى "العلم".
هذا ما لدي ، و هذا ما عصرت دماغي لأُبديه للنقاش ...
حفظك الله و رعاكِ .​

 

[Nobara Kugisaki]

ترانيم - اكتوبر

​

مرحباا موون
كيفكك ي جميلةة ؟ ي رب تكووني بخيرر
حبيت طرحكك جدا اتفق معكك بكلشي كتبتيه هوون
كلامكك يدل ع وعي ورقي فكرري بالنسبةة لي ابدااا ما اعتبر
الشغل عيب انما العيب لماا حدا يحتااج ويروح يسرق او يقتل لحتى
يسد حاجته للمال او يمد ايده للاخرين وهوو يقدر يشتغل يعني مش عااجز
النبي ص كان يشتغل ويحث ع الشغل بشكل كبيرر وكذلكك كل الانبياء كانوا
يشتغلوا ويكسبوا رزقهم م عرق جبينهمم وهالشي مدعااة فخرر لكل انسان نفسه عزيزة
اما جزئيةة التوظيف ف اكيد بما انوو المجتمع جااهل رح يركز ع الفلووس
وينسى انوو الانسان مش بماله ولا بجاهه ولا بأي شي م هالاشياء اللي انا شخصياا
مابعطيهاا ايي قيمةة .. قيمة الانساان تكمن بجوهره بانسانيته بنبله باخلاقه ومبادئه وقيمه
+ حبيت اضيف لمشاركتي انوو في كتير نااس ماحاصلةة ع شهادة بس تسوى الف شخص
تاافه عندوو شهادة مبيحترمهاا الكثير م اصحاب الشهادات اشوفهمم همج بتعاملهم المخزي
مع الاخرين او تكبرهم اللي ماله داعي الانسان الحقيقي برأيي كل مايزداد علم وتزداد مكانته
رفعةة ف المجتمع المفروض يزداد تواضع وخدمةة لابناء جنسه
حبيت الموضوع كتيرر كلشي فيه عجبني كماان التصميم والتنسيق مرة روعةة
اتمنى اكون وفقت بمشاركتي هناا دمت بكل ود واكثرر

 

[Dr.Saki~☆]

@Scaramouche
31/5/2024

السلام عليكم ورحمة الله وبركاته
كيف حالك مون
أتمنى أن تكون بخير دائما

طبعا الشغل مو عيب واساسا مافي شي اسمه عيب هو اما حلال او حرام طالما الشغل حلال خلص

وشباب المستقبل سواء صارو اطباء او مهندسين او كتابا او تجار او او او المهن لا حصر لها المهم انهم كبروا و عم يتحملوا مسؤوليات و عم يسعوا بالحياة و يدوروا لقمة العيش بالحلال

البنت يلي ردت ان ببيعوا شاي بوقت الفرغ واضح انها من مو عايشة معنا بنفس المجتمع وما لها خبر ان الشباب صارو يشتغلوا بدوامين و تلاتة ليلحقوا بالحياة

الشهادة بالمعنى الحرفي اكيد لا تحدد قيمة الانسان يلي بحدد قيمته اخلاقه وتعامله و دينه و انجازاته مو شهادته بس نجي للمجتمع صار الناس بهالوقت تهتم بالمظاهر و الشهادة بتحدد قيمة الانسان ان فلان جامعي مثقف و فلانة دارسة جامعة و معها ماستر و فلان معه دكتوراه و وهاد دكتور و هداك مهندس صارت كلها شغل فشخرة بعرف شبين صيادلة درسوا صيدلة بس مشان ينقال عنهم دكاترة بس الشبين ما عم يشتغلوا بالصيدلة واحد بيشتغل بالذهب و التاني محل أجهزة كهربائية والشهادة للفشخرة و رفيق بابا تاجر و درس محاماة على كبر بس هيك انه هو جامعي صار

الشهادة والدراسة اكيد مهمة بس كمان الاعمال الحرة يلي بدون شهادة مهمة تخيلي بلد كامل مافيه حداد او نجار او سمكري او عامل بناء او او او المجتمع بحاجة كل المهن لتبنيه

اذا احسن الخلق صلى الله عليه وسلم كان آمي لا يقرأ ولا يكتب و اشتغل راعي
​

أحيانًا يكون الإنسان غير متعلم وعاطل لأنه واجه بحياته ظروف أصعب​

مافي داعي نبرر ليش الانسان ما تعلم لأن ما عمل شي غلط يبرره ممكن ظروفه ممتازة بس هاد قراره وعنده خطة معينة يتبعها بحياته وهيك رغبته ويلي تعلم كمان هاد قراره و هيك رغبته
بتمنى تفكير المجتمع يتغير ويتصلح ونبطل نقسم المجتمع لفئات و طبقات و شي قمة وشي قليل قيمة

يعطيك العافية على الموضوع الجميل والواقعي ​

 

[YAFA]

MR.HERO : 05 - 06 - 2024

شكراً لردك المميز | 2024 - 5 - 31 | S A K Y
السلام عليكم ورحمة الله
كيف الحال عساكِ بخير مون
لفتني عنوان الموضوع وحبيت اجي اتكلم عنه
بخصوص موضوع الشغل عيب ولا مو عيب؟
اكيد انه لا مهما كان نوعه وطبيعته المهم تكون الوظيفة حلال
لو نجي للواقع ، الدراسة الجامعيّة ما تنفع تكون شي يحدد قيمة
البني آدم ، ممكن يكون بحالة ماديّة ما تسمح له يتحمل التكاليف
في دول الدراسة فيها مجانيّة او رخيصة بالمقابل في دول مثلنا
ما شاء الله مبالغ خياليّة تلزمك مشان الجامعة بالذات التخصصات
يلي يتكلموا فيها "الهندسة والطب" ، غير هيك ممكن الشخص
عقله ما يكون مهتم بالدراسة ويحب الاعمال يلي مثل النجارة والحدادة او الزراعة وبارع فيهم اكثر ، واعرف ناس من هذا النوع
في النهاية الحاجة الاولى للشغل هو الفلوس ف اذا حصلت
شغل يعجبك شخصياً وترتاح فيه ويكفيك راتبه ف هذا كافي وما تحتاج تحصل موافقة او تحاول اقناع يلي حواليك باللي تسويه
اكره بأمانة تدخل الاهل في دراسات اولادهم وانه يطلبوا منهم
يدخلوا تخصصات معينة بس مشان يتباهوا فيهم بالاخر بعد التخرج
ولانهم من الاول ما يكونوا مقتنعين فيها ف ما يحبوا يدخلوا وظيفة
بالتخصص يلي تخرجوا منه ، انا من هالنوع كمان درست تخصص ما عجبني وما احب الشغل المتعلق بهذا التخصص ولما اتوظف رح اشوف وظيفة بمجال مختلف ، لسا موضوع الشغل للبنات
يطول الكلام فيه بين عيب ومش عيب ، بالنهاية كل شخص يهتم بحياته وما يتدخل بغيره وشو يسوي وطبعاً ما في مانع من وظيفة
البنت ان كانت ملتزمة بالضوابط الشرعية ، في منهم يشتغلوا
لانهم يكونوا بحاجة وفي منهم يشتغلوا لانهم يكونوا حابين بطبيعتهم
يكونوا موظفين ويحبوا هاي الاجواء ، يعني مو كل البنات
حياتهم متوقفة عالبيت واعمال البيت ، طبعاً في حال كانت البنت
متزوجة وعندها اولاد تحتاج توازن بين الشغل والبيت ولو كان الموضوع صعب عليها لو تتركه وتهتم بتربية الاولاد لوقت يكبروا عالاقل
يعطيك العافية على هذا الموضوع الجميل
بانتظار جديدك
في امان الله.
​

 

[MEG]

اهلا و سهلا مون كيف اخبارك عسى كل امورك تمام
سعيدة انو جتني فرصة أرد على هاد الموضوع رغم اني عارفة مارح أوفي الموضوع حقو
بداية ضروري نفرق بين العيب و الحرام
و في اللي يتجنب العيب لكن مايتجنب الحرام و في العكس فشو الفايدة نخاف من العيب و مانخاف من العالي الذي لا يعلوه شيء فدي نقطة مهمة لازم نركز عليها
ثاني شي انا مقتنعة تماما انو مش كلنا نجيب درجات زي بعض
و في انواع للذكاء و قيمتك في المجتمع لا ترتبط بالمسمى الاكاديمي فعلا زي ماقلتي اللي حاصل شهادات و دكتوراه و هيي الاشياء رح نحترمو لانو تعب و شقا مشان هيي النتيجة
لكن مايمنع الغير خريج انو ينال الاحترام
بالعكس نشوف عينات كثيرة عايشة حياتها زين و ماعندها شهادة
انا اساسا حكيت لعائلتي اني و لو جبت 20 معدل (مستحيل حدا يجيب هيي العلامة النادر منا يجيب 19) حكيت لها مش بروح طبيبة و مش مستعدة لفكرة ادرس 7 سنين مشان اتخرج طب عام و اضطر ادرس 4 سنوات اخرى مشان اتخصص ،و ادرس كمان اكتر و اكتر اذا حبيت تعلو رتبتي ناهيك عن اني مضطرة اشتغل بالمستشفيات عمر طويل مشان ابني راس مال و تنكتب لي افتح عيادة بعدها انتظر سنين مشان اشتهر و ابني لي ثقة بين العملاء فراحتي راح اكسبها بعد 40 فمافوق و اشوفني ماعندي القوة و الشجاعة اعيش هيي الرحلة الصعبة و أهني كل طبيب صبور و مش مستعدة كمان اعيش حياة بحيث مااستقل و ابقا طول عمري طبيبة في مستشفى و في اللي يعاكسوني الرآي احنا ليش بنفكر اذا مافي مجال تتنوع الاراء
و لاني مارح اروح طبيبة مو معناه ماعندي صوت و دور و قيمة بالمجتمع
المدرس له دور ، اللي يصلح الكهرباء و السيارات لهم دور و دور كبير ، الصيدلاني له دور و مصففة الشعر لها دور و الخياطة لها دور و التاجر له دور و طيار له الدور
و الام لها دور و الماكثة في البيت لها دور
قمة الجهل اني اصنف الناس حسب شغلهم و طالما مانأذي اي حدا بالقصد فكل شي زين و نستاهل كل الود و الاحترام
أصلا ماعندك اي حق تنتقد انسان و تصنفه على كيفك اذا ماعشت حياته