Illumination Madness - Designer's Reference (1 زائر)

[Selene]

الدرس الأول : soft avatar lesson - AT - تحميل - مركز تحميل انمي تون
الدرس الثاني : color madness avatar lesson - AT - تحميل - مركز تحميل انمي تون
​

 

[Selene]

السلام عليكم و رحمة الله وبركاته
كيفكم يا حلوين ؟ ان شاء الله تكونوا بخير و سلامة

بصراحة نفسي احكي كم شغلة انا مبسوطة منها و حابة شاركها معكم اول شي قبل ما بلش
بأي شي انا حابة اشكر مبدعتنا @Ladybird لأنها شجعتني
بشكل غير مباشر اني اطلع برا دائرة الراحة عندي رح احكيلكم كيف . لو ما تصاميمها
الي عطتني الهام ما كنت ابدعت بتصاميم اليوم و خاصتا انو اليوم اول مرة بدمج الخط بالتصميم
و بإستخدام خاصيات الدمج فيه خاصتا هي خاصيات ال Multiply , color , saturation
و الخ من هالخواص الي بتخلي الالوان بشكل غريب متناسقين مع التصميم و بتعطيهم حركة احترافية
هي اول مصممة شفتها بتستخدم هالخاصية و هي الي خلتني اني جربها اليوم مع تصاميمي
بشكرك من كل قلبي للمساتك الرائعة و ابداعك الي بيدخل قلبي و بيعطيني الهام

تاني شغلة اني بشكر الجميلة @Minory لانها سوت هيك مسابقة
و ( خاصة ) بقسمي المفضل قسم الملحقات و الدروس , ف بما انو القسم تعبى من مواضيع
الملحقات فقلت اطلع برا دائرة الراحة عندي و روح على الدروس مع اني ( صدقا ) الدروس بتشيب
راسي و بدها كتير وقت وصبر و تنسيق و اخراج مناسب لحتى باقي الاعضاء يفهموها خاصتا
لما ادخل بتفاصيل معقدة بالفوتوشوب يمكن غيري ما يعرفها فلازم انها تنشرح بالتفصيل وهالشي
الي بشيب راسي

ف لولا هالمسابقة ماكنت ابدا طلعت برا دائرة الراحلة عندي خاصتا اني كنت محصورة بملف واحد
خامات و ( صدقا ) اغلب الخامات او الاشياء المرفقة ما كانت ستايلي بالتصميم و مابكذب لاقيت
صعوبة بالتصميم و اني ابتكر افكار بعدد معين من الخامات و حتى السكرابز حسيت فيهم تناقض
يعني محطوط سكرابز فينتيج و سكرابز موديرن و سكرابز aesthetics ف حسيت بصعوبة بإستخدامهم
او تنسيقهم مع بعض و هالشي الي حببني بالمسابقة انا بعشق المسابقات الي بواجه صعوبة فيها مشان
تضغط علي و تخليني اني طلع احسن ماعندي وابتكر بأقل المصادر الموجودة و للعلم اني صممت هالدروس
بإستخدام عدد معين من الخامات ما استخدمت كل الموجود بالملف ف اكتشفت من هالمسابقة انو المصمم
المبدع بيقدر انو يبتكر اكتر من 5 تصاميم من نفس المستلزمات
ف هالشي كتير حبيتو

انا حبيت بهل الموضوع اني ابعد عن التصاميم المتحركة اولاَ لان الدروس عرضت بصورة حجما كبير
حتى مركز المنتدى مارضي يرفعها ف رح يثقل الموضوع و تاني سبب حبيت اني اتعب ع التصاميم
اكتر و خليهم حلوين لدرجة انهم مو محتاجين خامة متحركة او صورة متحركة لحتى تغطي عن عيب
معين ف اعرفوا اني حطيت كل تعبي بالتصاميم المعروضة

و حاولت اني ابعد كمان عن تصاميم الانمي لاني مليت من كتر ما بشوفها لدرجة التصاميم
بالموديلز الحقيقين انقرضوا ف حبيت ضيف لمسة جديدة للدروس او نتائجها

و شي اغلبكم رح يضحك عليه انو الهيدر اخد مني شي 4 ساعات لحتى خلصو ما بعرف وين
المشكلة ما كانت الفكرة تجيني و خاصتا اني كنت محصورة بعدد قليل من المستلزمات
و الله العظيم الهيدر شيب راسي لحتى طلعت بهل النتيجة خاصتا انو اول هيدر استخدمت فيه
دمج الوان الخطوط مع الوان التصميم . الحمد الله انو مينوري سمحت نستخدم الموديل من عنا
ولا كنت ضعت رسمي

صدقا كل شي بالموضوع من ملف الملحقات الي عطوني ياه متخيلين ؟ انا رح حنط هالموضوع
عندي من كتر ماهو عاجبني

و هيك بكون انتهيت و انا صدقا ما تعبت كتير بالموضوع في مواضيع تعبتني اكتر بكتيييير
اخد مني فعلياَ 3 ايام مع انو اغلب الوقت كان يروح و انا عم دورس على فكرة
للتصميم - بس بتعرفوا اول تصميم اكتر شي تعبت فيه لان مخي كان بارد ومو مجمع
افكار بس مع تالت و رابع تصميم صارت الفكرة تجي لحالها بسبب اني حميت ع التصميم
و مخي صار يشتغل منيح

ان شاء الله تكونوا استمتعوا معي بهل الموضوع ان شاء الله الي مواضيع تانية تخص
دروس الفوتوشوب < كذبة ابريل > و ان شاء الله تكونوا استفدتوا لان بهمني هالشي
لا تحرموني من الردود الحلوة نشوفكم ع خير



​