𝄞 Healer Night (1 زائر)

[Sano]

متحفي للهدايا و التطقيمات
*متجدد*













​

 

[Sano]

حابه اتكلم عن المسلسل الكوري اللي اثار جلبة كبيرة في محركات البحث و كل مكان لدرجة ان اخوي الصغير اجته اعلانات عن لعبة تبع المسلسل و كان يقول انه يعرف المسلسل!
بالنسبة لي ما احب المشاهد اللي فيها ظلم زي كذا و احس الموضوع كله عن سايكوباث مع اني ما تابعت غير حلقة و نص تقريباً
بس فيه شيء لاحظته و نرفزني قبل ما ادخل بالحلقات الباقية
هو انا غالباً ألاحظ ادق التفاصيل
الحين في الحلقة اللي اخذوا الناس - اللاعبين - و دخلوهم للسيارة و رشوا غاز عشان الناس تنام و ياخذونهم لمكان بعيد عشان الألعاب المريضة تبعهم
الشيء اللي لاحظته هو انه لما دخل البطل شاف الناس اللي معه بالسيارة مغمى عليهم و بعد ثواني اطلقوا الغاز بالسيارة عشان ينام البطل
طيب وين المشكلة ؟
المشكلة ان الناس اللي وراء و نايمين استنشقوا الغاز مرة ثانية و هم اصلاً مغمى عليهم !
يعني تخيلوا كل ما جاء شخص جديد يدخل السيارة ينعاد نفس السيناريو !!
هو شكله خطأ بتحليل الموقف من جتهم و ما انتبهوا لهيك شيء
لأن على كذا الناس اللي بالسيارة احتمال كبير يموتوا و تتوقف عندهم اعضائهم عن العمل !
و فيه شيء ثاني نرفزني وهو البطل و الناس اللي معاه راحوا لشيء مشبوه جداً جداً
حسيت كمية من الغباء اجتهم
يعني الموضوع مثير للشك من البداية ! شخص جاي يعطيك أموال طائله بس عشان لعبة ؟
و بالأخير يدعوك للتسجيل في مجموعة من الألعاب و لسه مو حاس ان الموضوع بيه شيء غريب؟؟
مهما كانوا محتاجين للمال كان لازم ينتبهوا و يحللوا الموقف شوي
يعني انا حرفياً لو كنت مكانهم كان ما عطيته وجه حتى لو محتاجه المال بشدة
هو الرجال مكتوب على وجهه suspicious بالخط الطويل و العريض و بلون احمر كمان
و بسسس حبيت اكتب عن رأيي هنا + راح اكمل المسلسل و اشوف شنو نهايته بالضبط مع ان اغلب المسلسل انحرق علي بسبب النت ص0


​

 

[Sano]

أنا انسانة جايبه العيد في نفسي خصوصاً هالفترة
وضعي كلش مكركب و امر بأشياء و مدري كيف اتواكب مع الوضع اللي حاطه نفسي فيه
كل شيء جديد و يعجبني لازم اجربه لاااازم لأني احب التجارب و خصوصاً اللي راح يكون تحدي للنفس
هالشهرين تقريباً جلست اشوف بوست في الانستا عن فريق ترجمة خاص بترجمة البثوث او البرامج الوقعية تبع فرقة كورية و اللي انا فان لها
بصراحة ما احب اتابع بترجمة عربي بس من فترة لفترة إذا ما لقيت احد منزل الحلقة بالإنجليزي اشوف العربي تحديداً هالفريق
المهم هالبوست كاتبين فيه انها بحاجة لمدققين و مترجمين و منتجين و جذبني هالشيء
بس طنشت لأن كنت مضغوط هذيك الفترة
الحين قبل امس تقريباً تذكرت البوست و دخلت على حسابهم مرة ثانية و تواصلت مع احد المسؤولين
و شتتوقعون
هالفالحة رغم الكرف اللي هي عايشته هاللحظة راحت تقول و بكل جراءة انها تبي تقدم لفريق الترجمة
تقدمت للفريق و كان اسلوب المسؤولة اللي كلمتني جداً لطييف خلتني اتشجع فعلاً اني اقدر على هالشيء
قلت لها ان ما عندي اي خبرة ابداً بالمجال بس لغتي الإنجليزية كويسة فقالت عادي مو مشكلة انا بدأت مثلك و اي شيء راح اشرح لك و اعلمك كيف الأمور RESPECT LEVEL 99999
قلت لها تمام و بلشنا نتناقش عن اختبار التقديم و قالت لي انزل برنامج خاص بالترجمة بس البرنامج اللي جابته لي كان خاص بال IOS و بعدين لما قلت لها اني اندرويد قالت فيه برنامج للاندرويد بس ما عندها اي خبرة فيه و قالت اجربه
فرحت نزلته و كان رهييب مع ان كل شيء جديد علي بس كل شيء واضح بالبرنامج و اسمه Easy subtitles
المهم طلبت الإيميل تبعي و اعطيتها و ارسلت لي ملف الأختبار و بدأت اشتغل عليه و كان عندي مدة يوم
كملته بسرعة من الحماس و ارسلته لها و كانت تجربه رهيبه لأن عمري ما ارسلت لحد كذا بالجيميل
اليوم الثاني ارسلت لي بالأنستا انه تم قبولي و طلبت مني انزل برنامج تواصل فيه قروب للفريق
و نزلته و الحين كلش سعيدة اني سويت هالشيء على الرغم من انه الوقت غلط بس شسوي
عندي طبيعة اني ارمي نفسي بكل شيء يعجبني و ما انتبه للعواقب و @V E R N O N طلع عندها هالشيء نفسي
سعيدة بهالتجربة و تعلمت اشياء كثيرة و الفريق مرة رهيب ما شااء الله عليهم
سعييدة اني اقدر اساعد الفان العرب
​

 

[Sano]

​

I know how hard it was for you
I know how painful it was for you
The day your heart crumbles down and your heart breaks down
I will be on your side
I will listen to what you can't tell
The heart that you couldn't open to anyone
When you feel that there is no one by your side
I will be with you
if you feel the fear that comes like a wave
I will hold your hand
Even though you can't fall asleep after a tiring day
I will love you
I will be standing at your lowest point
During your lonely time like hidden in a wave of darkness
On a particularly uneasy night, When you feel alone
You can lean on me and cry
You have been wondering for countless years
it is okay to let go of the deep darkness now

​

 

[Sano]

ويي زمان عن مدونتي على الرغم من حُبي لها و عندي كثييير اشياء راح اكتبها هنا إن شااء الله..
هالفترة اقضيها دوام و تعلم طبخ و رسم و متبعة دراما و دراسة و تصميم و ترجمة .. لحد يسأل شلون ارتب وقتي لأن ماكو ترتيب للأسف و هالشيء خانقني

حبيت ابدأ صفحة جديدة مع نفسي و اعدل من اموري كلها بدايةً بوقتي و ذاتي
كُره شديد اوجهه لنفسي خلال هالشهرين بالذات بدون اي سبب قوي .. مجرد اشياء بسيطة اعملها و ما تضبط معي و ازعل شخص بسببها تأثر فيني و اصير اضغط على نفسي و اكرهها اكثر و اقول انو ما مني فايدة و كل اللي اسويه غلط في غلط .. ليش؟
دايم اسأل نفسي " أنتِ تكرهي نفسك بس ليش؟ شسويتي؟ غلط عادي خليها على ربك محد بيرفكت "
بس يمكن متأزمه من هالشيء لأن اللي حولي يقولون انو ما مني فائدة و اني شخص اناني على الرغم من ان نيتي جداً صافية و بالعكس احب اساعد و افيد بكل شيء عندي

ليش ننتبه لنظرات الناس السلبية اللي ما منها فائدة مجرد وجع راس ؟ لو كان نقدهم و كلامهم كويس و بطريقة كويسه هادفه و لكن الأغلبية يحب يستنقص الآخرين و للأسف هالعينات موجعه اكثر لما تكون من الأهل

كانت تمر فيني أيام اظل ابكي بحرقة بدون سبب و اكره نفسي فيها بشكل لا يُطاق بس الحمدلله اتخطاها و لاسيما عن قراءة القرآن و ذكر ربي كلما اجتني فرصة

صرت انام و اصحى الفجر للصلاة بس ما انام على طول بعدها، اجلس على السجادة اقرأ ادعية رهيبه حافظتهم عندي في جوالي و اقرأ على الأقل الأقل صفحتين من القرآن لو النوم راح يفتك بي

فيه ناس كان الكلام معهم جداً لطيف و يطبطبون على الواحد بكل حنيه، جداً احب اتكلم معهم او افتح سالفة حتى لو سخيفة و نتشارك همومنا و نشجع بعضنا .. نحتاج ناس اكثر مثلهم بهالدنيا (تعرفون أنفسكم ما يحتاج منشن )

اعرف أشخاص ما كنت أتوقع عندهم هالآحزان كلها رغم طباعهم المرحة و الودية و اتمنى لهم كل خير و سعادة ياا رب

الشهر الجاي يمكن يصير فيه شيء ما كنت اتمناه .. يمكن لأني خايفة و مو حابه هالشيء؟ و يمكن انو هالسبب اللي خلاني اتأثر و اكره نفسي خلال هالفترة ..
يا رب لو كان هالشيء فيه خير و العلم عندك يصير ولكن لو كان راح يوجعني و فيه بلاء تدفعه عني لأن مقدر اسوي شيء بهالشأن ..

كلما حزنت تذكرت هالآية
‏‏{‏فَنَادَاهَا مِن تَحْتِهَا أَلَّا تَحْزَنِي قَدْ جَعَلَ رَبُّكِ تَحْتَكِ سَرِيًّا، وَهُزِّي إِلَيْكِ بِجِذْعِ النَّخْلَةِ تُسَاقِطْ عَلَيْكِ رُطَبًا جَنِيًّا‏}‏ ‏[‏سورة مريم‏:‏ الآيتين 24، 25‏]‏
شلون اخاف من المستقبل و أحزن و عندي رب عظيم، رحيم و لطيف ؟

مدري شسالفة المدونة ملخبطة كل شوي سالفة داخلة بالثانية واضح لسه عملية الترتيب في بدايتها
.Let's change to the better, gradually

ربي يسعدكم ياا رب و يزيل همومكم و يصلح لكم شأنكم، التون يعني لي الكثييير لعدة أسباب

​

 

[Sano]

صعب لما تشرح موقفك لشخص و تبكي عنده و تحسه تفهمك و يجيك ثاني يوم يعكس شرحك عليك و انو انت الغلطان و يزيد الطينه بله و يعاملك بأن كل شيء تسويه ما منه فايدة..
الأسوء لما يكون شخص قريب منك بشكل لا يوصف
تبدأ تحس ان العلاقة صايرة مسمومه تدريجياً
انا غلطانه اني رحت افضفض

الشكوى لغير الله مذله

مريت بأشياء ما كنت اطيقها حرفياً و كرهت نفسي و انا صغيرة وللآن اكرهها
لدرجة تمنيت انو صوتي يختفي لأن احس حالي مزعجة و ما مني فائدة و كلامي دون معنى او هالشيء اللي قالوه لي عائلتي ..
فصرت يومياً ادعي ربي انو يختفي صوتي و صار هالشيء
صرت معرف اتكلم لمدة شهر تقريباً
احس بألم لو تكلمت و شكل صار عندي ألتهاب بالحبال الصوتية
و كنت اتبهدل من عائلتي لأن معرف اتكلم، يعني خربانه خربانه بكل الحالات سواء تكلمت او لا
و كانوا يقولون ارغمي نفسك على الكلام و لما اتكلم و ما يكون واضح انجلد برضو
بس يلا معلش مب اول مرة

لما اشوف احد قريب لي يضحك بسببي و اكون فرحانة اتذكر انو ممكن هالشخص يقلب علي بعد كم ساعة و هالشيء اللي صار لي اليوم..

مهما عملت و حاولت ما اعمل شيء غلط ما ينفع و لازم تصير غلطة حتى لو ضغنونة و ينقلب الوضع علي
ولو عملت شيء كويس و فرحانة بيه و وريته لهم ما يعطوني وجه
بس لما يعمله احد غيري و يوريهم يصير المدح واصل للسحاب و الفخر كبير و يقولون ليش ما تعملي مثل فلان او فلانه ؟
طيب اللي عملته انا نفس اللي عملته ؟ ولا انتوا بس حابين تعملون هالحركات و تغيضون الشخص ؟ و تخلوه يكره حاله اكثر

كل ما حاولت أحب نفسي و اعطيها وقت و اطبطب عليها ألاقي شيء يخليني اكره حالي اكثر..

شايفه حالي لوحة سوداء كل ما اجيت ألونها يتحول اللون تدريجياً للأسود و ترجع سوداء

حصل خير هالشيء ما راح يمنعني انو احاول​

 

[Sano]

ويي المدونة صارت بؤرة سلبيات هشش هش

خلوني اذكر سالفة تنعنش المدونة ولو شوي

كل شوي اتذكر موقف حصل لي مع امي العزيزة قبل يومين تقريباً
السالفة انو عندنا الكهرباء بعد منتصف الليل تطفئ لفترة تقريباً 5 دقائق و مرات تطول ل 10 دقائق لأن الكهرباء الحكومي تحول المواطير تبعها
المهم كنت اغسل المواعين لما طفت و كنت متأكدة انو ما فيه احد عندي بالمطبخ
و قلت " مو لازم تجيبي كشاف مو قلتي انك راح تصيري قوية و تتغلبي على خوفك؟ "
المهم قاعدة صامدة اغسل الصحن بظلام دامس و سمعت وراي صوت قربعة صحون بالدولاب اللي وراي
و الدولاب ارضي يعني على مستوى الأرض لازم الواحد يجلس عشان ياخذ منه شيء
فقلت ي ربي مين عندي و طبعاً المسافة بيني و بين الدولاب صغيييرة جداً بما انو المطبخ مو كبير كثير
و اللي خوفني انو اول ما انطفت الكهرباء اجت الأصوات و حسيت انو فيه احد وراي
يعني ما يمدي انسان يدخل للمطبخ بهالفترة
ف أنا كنت أقرأ المعوذات و قلبي ببطني
قعدت اتشاور مع نفسي اطالع وراي و الا لا ؟ خصوصاً ان اللي بأفلام الرعب قتلهم الفضول
فتخيلوا طالعت وراي بشويش مع اني ما اشوف شيء من الظلام و الصحن لسه بإيدي
رجعت الكهرباء و ألتفتت امي و ضحكت و انا اطالع فيها بصمت و نظرة رعب
قالت انو كانت متأكدة انو راح يكون حالي هيك لأني خوافة و لأن وقفت الغسيل و صرت جامدة لما دخلت
و انا الصحن كنت شوي و اخبط مهما كان اللي وراي
الشيء اللي مستغربة منه انو ما شاء الله شلون امداها تجي المطبخ بفترة قصيرة جداً و في الظلام و هي كانت بالجهه الثانية من البيت
تأكدت انو عندها رؤية ليلية ما شاء الله و انو حضرتي كانت راح تجيها سكته قلبية من غير شر​

 

[Sano]

كشخص يعاني مع علامات الترقيم بالإنجليزي او بالعربي لما اكتب مقالات للمعهد او قصص
كنت اقول اصلاً ما تهم او كسل و بعدين طلعت بوجهي كلمتين

.Let's eat grandma
.Let's eat, Grandma

...
علامات الترقيم قد تنقذ حياة ​

 

[Sano]

The sound of a human heart breaking is too quite
In the quiet night, Whispers of lost dreams linger, Tears carve rivers deep.
Tears, the poets' ink, Words born from sorrow's embrace, Each drop a story.

If you pass over your space and enter in my time
honestly you would come to know that I am hurting as much as you
please stop your talking , open your ears try to understand
even if it is only for once
if you become me
do you think you'd be different?..
If you were me?..

Could they sneak a peak in my heart?
Would they find the remains?
Would they still blame me?
Can they be mindful of their words?
Harness your words before they pierce the heart..
Be more considerate
They are dealing with enough already don't add to it..


Oneself journey to healing takes a lot of sleepless nights full of sorrows and tears and a broken voice between them and their creator

اللهم اجبر قلوبنا جبرًا يتعجب منه اهل السماوات و الأرض​

 

[Sano]

حصل معي موقف لطييف بالأمس
هالفترة قاعدة اتدرب نظريًا مع دكتورة في مركز عيادات اسنان
كان أحد المرضى طفلة صغنونه عمرها تقريبا 6 سنوات و كنا مضطرين نعمل لها حشوة
عشان الخلع في هذاك العمر لساته بدري و لازم نحاول نحافظ على السن قدر الإستطاعة عشان ما تحصل مشاكل بعدين
المهم
هالبنوتة كاانت خاااايفة مرة و اول ما جلست على كرسي الأسنان بدأت تبكي و تنادي امها
بعد فترة من الإقناع من الدكتورة و مني و من المُساعدة بدأنا نشتغل لها و حاولنا نكسب ثقتها
الدكتورة شافت حالتها انو ما راح تحتاج تخدير للسن و هالشيء طمن البنوته لأنها كانت متخوفه اكثر شيء من الابرة تبع التخدير
كانت تبكي و ترضى ثم تبكي و هكذا بس خلصنا الشغل الحمدلله و كانت حشوة مؤقته
لما خلصنا الدكتورة دائما تعطي الأطفال بالونات كثيرة و مرات تنفخها لهم لو يحبوا
بس الأم كان عندها 3 أطفال و اثنين صغار وحده منهم اللي اشتغلنا لها و الثاني ولد صغنون أصغر منها
و كان كل شوي تطير منهم البالون و يلحقون وراها هنا انا خفت تطير عليهم و يلحقونها بالشارع فكنت انصح البنت الكبير انها تنتبه للشيء ذا
فجأة حسيت بأحد مسك يدي و قبلها
تخيلوا طلعت البنت الصغيرة اجت و راح تبوس ايد الدكتورة و بعدين لعندي و بعدين لعند المُساعدة
و قالت انا احبكم كلكم و راح اجيب لكم كيك و ورد انتِ و انتِ و انتِ قالتها و هي تأشر على كل وحده منا!

حرفيا انا حسيت بشعور مرة لطيييف حسيت كأن كل الأشياء اللي مضايقتني تبخرت
كل الكركبه اللي كانت في رأسي تبخرت
وقتها انا صرت زُبدة سايحة
ما شاء الله تبارك الله، ما تدري انه هالحركة تركت اثر كبيير في كل واحدة منا الله يحفظها لأهلها

الحركة ما كنا متوقعينها حتى الأم و اختها الكبيرة انصدموا و انا كنت شوي و اناقز من الفرح 🥹