نظام مستويات التصميم (2 زائر)

[خَوْد]

السلام عليكم و رحمة الله و بركاته

كيفكم يا حلوين ؟ ان شاء الله الكل يكون بخير و سلامة

من بعد غيابي بسبب الدراسة , اجلت طرح الفكرة لبعد الامتحان لحتى افضالها

و لأني بحب دائما الأفضل للتون ضليت فكر فكر فكر كيف ممكن كل المصممين

بالتون يتعاونوا و يبدعوا معنا من الي عم بشق طريقو بالتصميم للي احترف التصميم

و لأني شفت كتير و لاحظت انو بعض المصممين الي بعدهم مبلشين بالتصميم

صعب عليهم يثبتوا نفسهم معنا , او يصمموا أطقم مواضيع او حتى يشاركوا بالفرق

ابتكرت فكرة تعطي لكل مصمم حقه و الكل رح يصير يصمم و يبدع و يطور مستواه للأفضل

و بإذن الله هدفي من هالفكرة هي تطوير مهارات المصممين بالدرجة الاولى و تفاعل اكبر

قدر من المصممين معنا بالتون بالدرجة التانية .

انا مؤمنة انو كلكم رح تبدعوا و تطلعوا افضل ما عندكم



الفكرة هي عبارة عن مستويات للتصميم , اي انو كل مصمم ان كان مبتدىء او متوسط او محترف

رح يدخل التقييم , و التقييم رح يكون عبارة عن طرح مواضيع ذات محتوى إبداعي خاص بالتصميم

و رح يتم تقييم مهارات المصمم بناءاَ على إبداعهم بمواضيعهم .



رح يتم تصنيف مصممين المنتدى الى مستويات

و المستويات رح تكون بهذا الشكل :





1- المستوى المتقدم : المصمم الي عم بشق طريقو بالتصميم , ممكن يعرف أساسيات الفوتوشوب .

2- المستوى الخبير : مصمم الي بادي بالتصميم فترة و عارف الاساسيات و بلش يكتشف اسلوبه بالتصميم او مصمم عندو اسلوب واحد بالتصميم .

3- المستوى المحترف : مصمم الي عندو اسلوبه الخاص و بيقدر يصمم بأي اسلوب كان يعني نفس الحرباء وين ما بتحطها بتاخد لون .

بناءاَ على هالمستويات رح يتم تصنيف المصممين عليها .



اي مصمم اخد مستوى هالشيء بأهله انو يدخل فريق التصميم و الوكلاء بدون امتحان قبول !

ولكن !

لكل مستوى كما قلت سابقاَ مميزات , يعني كلما طلعت مستوى كلما انفتحتلك مميزات جديدة نفس ما تقولوا UPGRADE للعضوية !

1. المستوى المتقدم : بأهل صاحب المستوى انو يصمم رمزيات و تواقيع و أغلفة الخاصة بالاعضاء + السيلفيات .
2. المستوى الخبير : باهل صاحب المستوى انو يصمم كل ما ذكر قبل + اطقم المواضيع الخاصة بالمسابقات و الأعضاء + الأوسمة .
3. المستوى المحترف : باهل صاحب المستوى انو يصمم كل ما ذكر قبل + التلبيات الخاصة بطلبات الادارة .

يعني كلما طلع المصمم لمستوى اعلى انفتحتلو مميزات جديدة بالتصميم بالمنتدى بدون تقديم طلب للفرق او للوكلاء لايكق4 .
و هالشي رح يكون تسهيل لكم للي بحبوا يشاركوا بالفرق و الوكلاء حتى لو عملوا اختبار تقديم و انرفضوا
هالطريقة رح تضمن لك طريقك نحو التميز .

- | طبعاَ الي انذكر قبل شوي بينطبق على فريق التصميم و قسم الوكلاء بدون اختبار
اما الي تقدم لفريق التصميم بإختبار منفصل او للوكلاء ف هالشي رح يكون منفصل عن هالنظام | -


​

 

[خَوْد]

عاد هون احلى نقطة بكل الفكرة و الي رح يصير فيها تحدي و حماس بين المصممين

كل مصمم بنزل مواضيع منوعة بأنحاء المنتدى , مو مهم بأيا قسم او شو المحتوى

المهم و هو الأهم هو التصميم الي بداخل الموضوع يكون من تصميم المصمم نفسه

ان كان طقم الموضوع او رمزيات , اغلفة , تواقيع الخ . .

و اللجنة الخاصة بالتقييم رح تلف على هالمواضيع و نشوف اذا لاحظنا في تطور

او في مجهود ملحوظ بالتصميم رح نعدل ع الموضوع و نحط ( ) بجانب العنوان لايكق4 .



هون بالضبط النقطة المحورية لهل الفكرة ! و هي طريقة التقييم !

نحن ما بدنا تصاميم احترافية للمصممين المتقدمين كونه اول مستوى !

نحن عم ندور على افضل ما يستطيع المصمم يصممه بنفس المستوى الي هو فيه

اي مثلا اجا مصمم من مبتدىء صمم تصميم متوسط و اجا مصمم

من مستواه متوسط و صمم تصميم احترافي , هاد مو يعني انو تصميم الخاص

بالمصمم المبتدىء ما رح ينختم ! و التاني الي رح ينختم ! لا اكيد !

احتمال المصمم الي صمم تصميم احترافي ما ينختم اذا ما لاحظنا تطور بطريقة التصميم

ف رح نقيم التصاميم بناءاَ على مستوى المصمم نفسه و كيف بيتحدى نفسه

انو يطلع افضل ما عنده بالتصميم و كيف ممكن يتطور خطوة خطوة من اول موضوع

وصولاَ لآخر موضوع ! حتى هو بنفسه رح يلاحظ التغيير بمستواه بالتصميم و هالشي

الي عم دور عليه بهل الفكرة كل التركيز على التطوير




التصاميم التابعة للفرق كمان محسوبة , اي لما مصمم يتطوع ليصمم

الطقم الخاص بالفرق نفس مواضيع المشاريع او مواضيع جانبية .

و التصاميم التابعة للوكلاء محسوبة ايضاَ و ستٌحتسب النجمة لصاحب التصميم .
ولكن لازم يطلع الموضوع للنور من طرف الي طلب التصميم .



ليسَ بالضرورة كل موضوع طرحه المصمم ينحط عليه نجمة

اذا كان مافيه فكرة جديدة او جهد ملحوظ او تطور بالتصميم مارح ينحط عليه نجمة

اي لما تشوف نجمة بموضوع اعرف انك تعديت المستوى المطلوب منك

أبدعت و استحققت هذه النجمة .



الي كسب لون من الوان عضوية المصممين الثلاثة يحق له ان يدخل فريق التصميم و الوكلاء بدون اختبار حسب المتاح له من المهام

اما المصممين الذين تقدموا بإختبارات جانبية و منفصلة خاصة بالوكلاء و فريق التصميم يستثنون من هذا النظام .




اذا غاب المصمم 6 اشهر متتالية عن المنتدى يٌسحب منه مستوى التصميم الذي حصل عليه
و عند عودته يجب عليه عمل اختبار للتصميم لإثبات جدارته للون الي كسبه .



المواضيع المٌشتركة محسوبة ايضاَ ولكن ستٌعطى النجمة للمصمم البارز في الموضوع

و ممكن ان تٌعطى نجمتين ان كان مثلاَ مصمم صمم الطقم و ابداع و الآخر لديه لمسة

استثنائية بالمحتوى و ابدع ( لازم تكون لمسة بالتصميم و ليس بالكتابة ) .





1- يُسمح لكل الاعضاء بالمشاركة بما فيهم الأعضاء الجُدد .

2- التقيد بقوانين المنتدى العامة هنا .

3- عدم سرقة تصاميم الغير و نسبها اليك .

4- يٌسمح بأخذ افكار من التصاميم الاحترافية او اي تصميم عجبك
بشرط ان لا يكون هنالك تشابه كبير بين التصميم الاصلي و تصميمك .

5- الابتعاد عن التصاميم المخلة بالادب .

6- يٌسمح بإستخدام برامج أٌخرى للتصميم نفس الاليستريتور .

7- يٌسمح بالمواضيع ذات المحتوى البسيط - التركيز سيكون على التصميم نفسه .


* اذا انتبهت اللجنة ان هنالك مصمم يسرق تصاميم لمصممين اخرين و ينسبها لنفسه *
تٌخصم منه 5 نجوم مع سحب 300 تون .


القوانين قابلة للتغيير أو للتعديل بالمستقبل .


​

 

[خَوْد]

كل مصمم جمع عدد 20 من النجوم اي 20 موضوع مختلف رح يتأهل معنا للمستوى المتقدم

150 تون + + 15 نقاط جائزة + لون خاص بالمستوى + تخفيض على عضوية التون
30% لمدة شهرين متتاليين + بطاقة مالية لأول 3 مصممين يتمموا هذا المستوى - سيتم عرضها لاحقاَ -



مستوى المتقدم : كل مصمم جمع عدد 20 من النجوم اي 20 موضوع مختلف رح يتأهل معنا للمستوى الخبير

200 تون + + 20 نقاط جائزة + لون خاص بالمستوى + عضوية التون لشهر+ تدبيل مواضيع
اي قسم يختاره المصمم لمدة 3 اشهر متتالية + بطاقة مالية لأول 2 مصممين يتمموا هذا المستوى - سيتم عرضها لاحقاَ -



مستوى الخبير : كل مصمم جمع عدد 20 من النجوم اي 20 موضوع مختلف رح يتأهل معنا للمستوى المحترف

250 تون + + 25 نقاط جائزة + لون خاص بالمستوى + عضوية التون لشهرين + تدبيل مواضيع و ردود
( لقسم واحد ) لمدة 3 اشهر متتالية + بطاقة تغيير اسم + بطاقة مالية لأول مصمم يتمم هذا المستوى - سيتم عرضها لاحقاَ -



مستوى المحترف : كل مصمم جمع عدد 25 من النجوم اي 25 موضوع مختلف خلال 6 اشهر رح يتثبت اللون عليه

300 تون + رح يتثبت الوسام + 30 نقاط جائزة + عضوية التون ل 3 اشهر + تخفيض بنسبة 50% على طلبات الوكلاء لمدة
6 اشهر متتالية + بطاقة تغيير اسم متاحة لمرتين + بطاقة مالية مٌغرية لأول مصمم يتمم هذا المستوى - سيتم عرضها لاحقاَ -

* اي اذا ما كمل ال 25 نجمة خلال 6 اشهر رح ينشال اللون عنه و يرجع لمستوى الخبير .

اخر مستوى حساس و اي مصمم بدو يثبت نفسه انه فعلاَ مصمم محترف يثبت نفسه بتحدي الوقت



- بالنسبة لجوائز تدبيل نقاط المواضيع و الردود و تخفيض طلبات الوكلاء و عضوية التون الرجاء فتح موضوع
بهذا القسم هنا : عقاقير أنمي تون ووضع روابط مواضيعكم و ردودكم في حال اتممتم اول مرحلة بنجاح




رح تكون لجنة محترفة و انا شخصياَ مختارتها بعناية

رح يكون بينهم , الخبير و المتخصص و المحلل بالتصميم

بحيث كل تصميم بينزل بيتقيم بالشكل الصحيح و بدون اي ظلم بإذن الله

للأسف رح تكون اللجنة سرية للآن لحتى ما يكون في واسطات او فلان صديقي تساهل معي الخ

رح يتم تقييم المواضيع بجدية تامة و بدون اي تلاعب بالتقييم



هالفكرة مانها مسابقة ولا فعالية رح تكون دائمة يعني خدوا راحتكم بالمواضيع , عم ندور على ابداع



بتمنى اني لاقي تفاعل من مصممينا بهل الفكرة

تعبت جدا جدا جدا فيها , من ناحية التخطيط و من ناحية

الافكار الجانبية فيها . بتمنى بالمقابل لاقي مجهود منكم ولو بسيط



كل الشَكر الي ساعدوني بالفكرة و شجعوني عليها وهم @DoLoR
و @SKY NET شكراَ لكم

و باقة ورد للجميلة @Bella Manaka لتصميمها الطقم , لمستك رائعة


- اذا في اي شيء مو مفهوم او استفسار اكتبوه بهل الموضوع
لحتى الكل يستفيد -

لقب الاحتراف في انتظاركم

دٌمتم بخير .

​

 

[moody]

متى الأختبار ؟

 

[خَوْد]

متى الأختبار ؟

ايمت مابدك بتقدري تقدمي عليه
راسليني اذا بدك