مدونة مميزة أيام ملؤها اليقين ~ (2 زائر)

[M O O N]

-


‏" ليس الدعاء سلاح العاجز،
وإنما العاجز من عجز عن الدعاء،
قال ﷺ: "أعجزُ الناسِ من عجز عن الدعاءِ ".

 

[M O O N]

-


سعيدة بوصولي هنا أخيرًا
سوالف كثير مدري من وين ابدأ بس بـ أرمي اللي يجي عبالي بدون تفكير او ترتيب

قبل كم يوم كلمني شخص بلينكد ان عرض علي وظيفة بمجال مررررة أحبه واختصاصي اكثر شيء
بس رفضت لارتباطي بعمل حالي، وقدمت له مرشحين بدالي . . والآن تووووي لقيت أحد المرشحين معلن حصوله عالوظيفة!
فرحت فرحت فرحت مرة اموت على لينكد ان والتكنولوجيا وكل شيء نقدر نساعد غيرنا فيه ونساعد أنفسنا كذلك ~

+++ هالأيام مررررة مرهقة مرهقة وأحتاج إجازة بكل ما فيا ، مرهقة لدرجة احس هالشيء مأثر على كفاءة كل شيء قاعدة اسويه
لكن للأسف ما فيه مجال للإجازات ، وفوق كذا صار عندنا تكليف نداوم حتى الويكند
< شيء يشبه "ضربتين عالراس توجع" خخخخ ، المحزن أني طول الأسبوع أسلي نفسي بالويكند و واعدتها برااااحة شديدة ودلع وحركات
ثم اليوم يجي التوجيه بشكل مفاجئ، صمت . المفترض اني نايمة للدوام بكرا بس الله المستعان .

العزاء الوحيد أن كل شغلي لخدمة الحجاج وهالشيء نلمس أثره مباشرة ونشوفه بشوفتنا للحجاج

+++ اليوم كان العمل مكثف جدًا وفوقها تعبانة وقعدت بالدوام حوالي 12 ساعة ،
وأنا طالعة ما اشوف قدامي من التعب وحاسة مختنقة خلاص . قلت للمشرفة: دقائق ويوصلك التقرير عالايميل.
وخلاص ماشية بطلع، الا وقفني صوتها وهي تقول: يا عساك بالجنة قولي آمين .
وقفت أطالعها كذا :
كأن التعب تبخر وقتها و طااار ، كأني وردة تفتحت بلحظتها كلللللله من الكلمة الطيبة سبحان من جعلها صدقة بس

اتوقع هذا سبب اني للحين صاحية الله يسعدها ويشرح صدرها
مع اني كنت ناقدة عليها ببعض الأمور ولا احس لها قبول بقلبي -لأسباب ومواقف سابقة- بس بعد هالكلمتين الصغيرة.. ودي احطها على راسي
مدري هي حلاوة الكلمة ولا توقيتها ؟
بس شيء عظيم ، الله يوفقنا لأحسن القول في أحسن توقيت بعد

+++ اليوم كان عندنا ورشتين .. بنفس المكان -مبنى غير مبنى مكاتبنا- ورشة بالصباح بدررررري
و ورشة بنهاية الدوام في المساء ، وفيه موظف وموظفة واقفين بالاستقبال يسجلون الحضور من غير الموظفين فقط
فـ لما جيت الصباح -كان موجود الموظف بس- ، وسلمت على مديرتنا مباشرةً فـ عرف اني موظفة ولا سألني أو طلب مني التحضير ..
بعدها لما جيت المساء ، وقفتني الموظفة تسألني مين انا ومن وين جاية ؟
ولما جيت بـ ارد عليها ، قاطعنا الموظف وقال: اتركيها هذي معنا .

دخلت وأنا مصدومة . وشلون عرفني ؟ ما عندي اي علامة مميزة وشنطتي مو معاي
والصدمة الأكبر ان هالموظفة قابلتها حول 6 مرات و اعرفها .. وشلون ما تعرفت علي ؟
بينما تعرف علي الشخص اللي لمحني الصباح مرة وحدة ؟
< علمًا بأني منقبة وعبايتي سااادة مقفلة ولا فيها شيء مميز
مدري هذي صفة كويسة بالرجال ولا صفة تستحق الذم ؟ بس اعتقد ان عندهم قوة ملاحظة تفوق قدراتنا بكثييير


_______ متحمسة لبكرا -أول مرة اداوم يوم الجمعة - ومتحمسة للأيام الجاية كثير
وأدري انها بتصنع فرق كبير في مسيرتي المهنية عامة xD يا رب تعدي بأفضضضضل شيء ممكن يا رب مرة أحتاااااج أنجح فيها


________________ متحمسة ومتشوقة وملهوفة وكللل ما شابه من شعور لـ يوم عرفة
أبا أبدأ تجهيز الدعوات وكلي يقيييين
الله يبلغنا إياه على خير وفي خير وكل مسلم في الأرض بخير يا رب


اذكروا الله؛ سبحان الله والحمد لله ولا إله إلا الله والله أكبر
ولا تنسون موتى المسلمين ومرضاهم والمستضعفين في الأرض من دعواتكم ~

 

[M O O N]

-

ما توقعت ارجع بهالسرعة..
شكلي أدمنت التدوين XD

مليانة افكار ومشاعر لهاليوم .. لدرجة مو مصدقة انه بس 24 ساعة ؟
قد ايش هالساعات قادرة تملأ الانسان، بس مو قادرة تساعده خخخ

تقييمي للدوام يوم الجمعة 7/10 مب سيء ، بس وحشة ، قليييل اللي مداومين

+ اليوم وحدة من الزميلات نست كوبها بقاعة الاجتماعات ومشت بيتها
ومكتبها مب يم مكتبي ، ما عرفت وش اسوي بالكوب ، مدري ليه حسيت بالمسؤولية تجاهه
< بشكل عام عندي احساس بالمسؤولية تجاه اي شيء قدامي وهذه احد مشاكلي بالحياة . .
المهم ان قلبي ما طاوعني اتركه ، بعدين اذا جت تاخذه بكرا تصير ريحته معفنة من القهوة اذا طولت فيه ><
قررت اخذه معاي واغسله واجيب لها فيه قهوة بكرا وفعلا اخذته وغسلته والان كل دعواتي اني ما انسى اخذه الصباح ان شاء الله
متحممممسة اني اعطيها اياه يا رب يكون لهالشيء تأثير حلو على يومها


+++ اليوم في بيتنا مناسبة سعيدة ، وانا والله سعيدة بهالمناسبة
بس مو سعيدة بالشكل الكافي ! او مو بالشكل الطبيعي والمعتاد .. وهذا الأمر مزعلني من نفسي مرة
يعني ليه عندي اسباب للسعادة بس لسا قلبي زعلان ؟ وش هالجحود والنكران لنعم الله عليك !!
وبنفس الوقت حاولت افكر مع نفسي ، و افهمها ، وافهم اسباب ضيقة الصدر ..
احس ان فيه اسباب ومؤثرات كثيرة بس انا متجاهلتها وقاعدة ألوم نفسي بإنها سلبية و بس .
وهذي مشكلة رقم 2 : كثرة إلقائي اللوم على نفسي. اللي غالبًا تكون مسكينة وما لها ذنب وفيه مذنبين آخرين يلهوون ويمرحون محد ألقى عليهم اللوم :/

أبرز أسباب تعاستي او تعكر سعاداتي: مخاوف من أمور تهدد يومي الحالي وحاضري وغدي ومستقبلي بكبره .
وأنا أكره اخاف يا رب ):
بس اتذكر حديث: لو ان الامة اجتمعت على ان يضروك بشيء، لم يضروك إلا بشيء قد كتبه الله لك .
ويهدأ قلبي ، يا رب يخسي كل أحد قدام رحمتك وحمايتك وعنايتك . يا رب

أيضًا من أسباب تعاستي اللي اعتقدها .. هو إحساسي بالتقصير مع الله ):
وعلى قد ما انتبه لهالتقصير وأحاول أعالجه .. الا انه ما فيه حاجة قاعدة تتغير والتقصير مستمر
وهذا يذكرني ان كل فعل خير وكل طاعة وكل عبادة وكل كلمة حسنة حتى يقولها الانسان: ما هي الا توفيق واصطفاء .
يعني تقصيري : باذكار الصباح والمساء/ بصلوات السنن/ بالذكر طوال اليوم/ بمراجعة حفظي
أمور بسييييطة يسيرة! وأيسرها الذكر والأذكار. لكني تاركتها هالفترة تمامًا !! وش يمنعني الا عدم التوفيق ؟
لا حول ولا قوة الا بالله .
الله يعيننا على ذكره وشكره وحسن عبادته .

+++ اليوم دخلت المكتب وشفت وحدة من البنات منظرها يحززززززززززن ، تقطع القلب من التعب
يا ناس مريضة مرة مرة مرة ! بالقوة قاعدة بالمكتب ، قلت سلامات ليه مداومة ؟
قالت انها طلبت تغيب من شخص -مب مديرها الرسمي- ويوم درت المديرة الرسمية .. قالت: ليه ما تكلميني مباشرة؟ عقابًا لك ما فيه إجازة.

مستوعبين الحقارة البشرية ؟ عناد ما له أي مبرر .
يعني ايش جنون العظمة هذا يا مديرة العالم انتِ (:

الله يعين وبس .

بكرا عندي موعد قبل الدوام/ بدري مرة. وخايفة تروح علي نومة ويفوتني الموعد
لكن يا رب يتيسر الأمر وأصحى بدري وألحق على كل اللي وراي .
ويا رب بكرا يكون يوم ميسر لأن فيه أحداث بتكون مميزة بإذن الله


اللي وصلوا لـ هنا ، خذوا :

لا إله إلا أنت سبحانك إني كنت من الظالمين
+ لا تنسوا تلعنوا اليهود

 

[M O O N]

-


تو راجعة من اختبار رسبت فيه . لي 3 ساعات ابكي
وكل ما تذكرت بكيت . . مقهووووووورة لان هالرسوب ما كان عادل
ولان الرسوب بشكل عام يقهر


+++ قبل امس وحدة من اعز صديقاتي .. كبت كوب شاي على لاب توبي
- علمًا بأن لابي ما كمل 5 شهور -
عورني قلبي عليه مرة ، بس بنفس الوقت يفداها .. ما اباها تحس بالفشلة او التأنيب ):

قبل أمس كان شغال عادي وهذا اللي طمني وطمنها ..
بس امس هي غابت ، وانا جيت الدوام احاول اشغله.. مب راضي

وديته الصيانة وقالوا يحتاج 20 يوم .
ويتطلب مبلغ وقدره للصيانة .

اليوم هي حتداوم، وشايلة هم شلون ما اخليها تلاحظ غياب لاب توبي وحضور لاب جديد ؟

ضربتين على الراس توجع فعلًا والله
احتاجه هالايام مرررررة لاعمال شخصية ! اما اعمال الدوام فهما الريدي قالوا حيعطوني اليوم جهاز
بس الله ييسر ويرجعه على خير

++++ فيه ناس مضايقيني بالدوام مدري ايش اسوي فيهم
ولا اقدر احكي احد عنهم واحس اني مكتومة

مرة مو حابة شخصيتي ولا نفسيتي الحين . . ضييييقة مرة ): استغفر الله
ابي التدوينة الجاية تكون عبارة عن رقص من قوة الفرح ، يا رب

+++++ بالأخير تذكرت شيء حلو صار الصباح
يوم علمت صديقتي اني رسبت بالاختبار وانا ابكي، بنفس الدقيقة حولت لي قيمة الاختبار عشان احجز واحد ثاني
طبعا انا بعد رجعت حولت لها قيمته فورًا ، بس فرحت .. مب لأني مب قادرة ادفع قيمته .. بس لأنه شيء مرة رائع وعظيم وكبير ولذيذ أن فيه أحد مهتم بصدق انه يشوفك مبسوط

الحمد لله ، والله يجعل الجاي افضل وارتب واروع .. يا رب

 

[M O O N]

-

فيه شعور غريب محتلني من رمضان .. وهو اني مشتاقة ليا ):
شيء في نفسي مفقود ، مدري وشلون انفقد ومين السبب .. بس يزعل
مو عارفة ارجعه


المهم . . برمضان تقريبًا توظفت وظيفة بعقد مشروع ، يعني الوظيفة مستمرة طالما المشروع مستمر
بعدها ينتهي العقد ، والمشروع باقي له الحين 3 او 4 شهور .. وانا كان طموحي طبعا وظيفة مستقرة وعقد سنوي على الاقل
بس قلت هذي حلوة كبداية، والوظيفة الاولى تفتح باب 20 وظيفة زي ما يقولون -ومقتنعة قوة بهالشيء-
ومن لما بدأت شغل.. قاعدة احرص على اني اسوي كل شيء بأفضل شكل وبنفس الوقت ابني علاقات حلوة مع الجميع وكل هذا ان شاء الله ينعكس علي بالفائدة -أيًا كانت-

والحمد لله علاقاتي بالعمل نااااااار ، لأن نفس مهمتي تتطلب التواصل مع جميع المشاركين بالمشروع
وصرت مؤخرًا ادير اجتماعات المشروع اليومية واللي يحضرها فوق 100 شخص ، فصار الجميع يعرف اسمي تقريبًا xD

امس لما رحت قسم الصيانة استلم الجهاز -بدلًا عن حقي اللي خرب-
قال لي المدير/ اخيرًا شفنا اللي دايم نسمع صوتها
ولو ان عندي ملاحظات على جملته .. بس فرحت انه مفتكر اسمي وعارفني بصوتي

++ الاسبوع الماضي حضرت اجتماع مهم مهم وكله شخصيات كبيرة ..
فقالت لي موظفة: انا لي 9 سنوات اشتغل هنا ولا عمري شفت هذول اللي قابلتيهم
حسيت بشعور حلو قووة

صدق الحمد لله وضعي الحالي مرة ممتاز . .
الشيء الوحيد اللي يضايق.. شعور عدم الاستقرار وانه بأي لحظة ينتهي المشروع وينتهي كل شيء :/

فيه جوانب ايجابية شوي.. مديرين ادارتين مختلفة كلموني انه هل حابة تشتغلين معنا ؟ واحنا حابين شغلك و نبيك معنا اذا موافقة نرفع لك خطاب للموارد
< و وافقت عليهم الاثنين طبعااا ورفعوا خطابات ، بس ما اتوقع تنقبل
لأن اشوف المؤهلات هنا كلللللللللهم ماستر تبارك الله ، أنا الوحيدة البكالوريوس
فمو متطمنة ):
وبنفس الوقت أحس ربي قااادر اصير اول وحدة متوظفة بالبكالوريا ، ليش لا ؟

وبعد بنفس الوقت اقول يمكن اصلا هذي مب افضل جهة عمل بالكون!
يمكن الاقي وحدة ازيييييييييين مرة ! ليه مقررة ان هذي الافضل واذا راحت علي فخلاص خسرت فرصة عمري ؟ سلامات يعني


++ امس صار موقف كسر قلبي فوق ما هو مكسور الريدي خخخ
رحت لواحد من اللي يبوني اشتغل معهم، قال لي انتظري دقيقة بكلم فلانة و اجيك ( فلانة هذي يبدو انها اعلى منصب منه )
وطبعا ما كنت اسمع اصواتهم ، بس فجأة ارتفع صوته وسمعته يقول شيء زي انه : ليه تطلبينهم موظفة جديدة ما تعرفين كيف تكون وانت عندك هذي ؟
فـ احس انه كان الكلام عني ، ويبدو انها مب مقتنعة فيا ! وهالشيء اللي جلطني
يعني وش ما تبيني ؟؟ كيف ؟ مين انت يا قمر ؟ خخخ
حسيت بإنهيار .. مب مدح بنفسي صدق و لا غرور بس انا شااااااطرة مررررة بشغلي !
حسيت بشيء مدري وشلون اشرحه .. يمكن شيء زي ان تعبي غير مرئي او جهودي مب كفاية ؟
بس بعدين استوعبت انها مب شغالة معنا بالمشروع فاصلا هي ما تعرفني ، واللي ما يعرفك ما يثمنك (:

بس ستل لا يمكن اتخطى فكرة ان احد يحاول يقنع احد فيا والثاني يرفض
حسيت نفسي مسسسسكينة ، صعبت على نفسي مرة .

وحسيت اني متعلقة مرة بهالمكان وبالعمل فيه بقوة ، و "من تعلق بشيء... عذب به "
فآخر قراراتي، اني ما اتعلق بشيء، ان تيسرت فرصة فيه.. يا مرحبًا
وان ما تيسرت فـ عادي، كسبت خبرة حتفتح لي أبواب كثيرة بحول الله

وابا اركز على نفسي والماستر بأسرع وقت وشهادات مهنية واوصل لمرحلة الناس تطلبني اشتغل معها وانا اللي افكر اقبل ولا لا خخخ

( على طاري الشخص اللي تكلمت عنه فوق ، مرة مرة مرة رائع . .
وجوده ينقذني دائمًا ، احس كل نجاح احققه له نصيب فيه على قد ما انه داعمني ومتقبلني بسعة صدر في اي وقت
رغم اني لو مكانه كان ضربتني على راسي من زمان بس الله يسعده ويسخر له لطيبين كلللهم
حتى فكرة انه قاعد يسعى لي بالتثبيت هنا ، مرة شيء كبير ومفرحني .. )

بشكل عام كللل الفريق اللي مقابلته هنا .. رائعين
خبرات قوية ، الكلام معاهم يوسع مدراكك قوة ، ومتواضعين رغم علو مناصبهم وشهاداتهم
لحظات احس ودي اقولهم : انتو ليه طيبين كذا ؟
احس فيه فخ بالموضوع
او انا متعودة عالقلق ؟

الله العالم خخ

 

[M O O N]

-

من أكثر الأشياء اللي تضايقني و اكرهها وتجعل مني شخص سيء خخ : اني احاول اثبات "اني شخص رائع" للآخرين
حتى اكتشفت ان سعيي في محاولة الاثبات هذي. . تفقدني شيء من روعتي !
و وصلت لقناعة ان الانسان الرائع.. هو رائع بطبيعته، بدون اجتهادات خارجية او اضافية،
واذا ما كانت روعته متجلية واضحة فهنا فيه خلل في عين اللي يناظره .
واللي عينه تعبانة .. ما لنا و ما له؟

++ الاهتمام لرأي أي انسان فيك.. هلاك لنفسك وصحتك و روعتك !
< طبعا هذا اذا كنت رائع، بدون أذية لأحد ولا تجاوز لا يرضاه الله منك .



+++ فيه كم أمر محتارة فيهم من فترة.. في فعلهم جلب لمصالح ابيها بس بنفس الوقت شاكة في صحة هالفعل (:
ولعل الله ألهمني احكم نفسي واحكم الموقف كامل بـ / ومن يتق الله يجعل له مخرجًا .
والمصالح اللي بتفوت بالدنيا مقابل رضا الله عنها .. وين الخسارة فيها علموووني وينها ؟

وتكملة الآية: ويرزقه من حيث لا يحتسب!
بس خلاص وش عاد باقي تبي يا إنسان؟ الجنة بس وبهالطريق ان شاء الله تجييييك


++++ خلو على بالكم قوله -صلى الله عليه وسلم- :

- من كانت الدُّنيا همَّه ، فرَّق اللهُ عليه أمرَه ، وجعل فقرَه بين عينَيْه ، ولم يأْتِه من الدُّنيا إلَّا ما كُتِب له ، ومن كانت الآخرةُ نيَّتَه ، جمع اللهُ له أمرَه ، وجعل غناه في قلبِه ، وأتته الدُّنيا وهي راغمةٌ .​

اعتقد اضح جدًا وشلووون تجيكم الدنيا راااااااغمة!
والمؤمن كيسٌ فطن


____
لا إله إلا أنت سبحانك اني كنت من الظالمين ~

 

[M O O N]

-

مب قادرة افتح عيني/اوقف على رجولي.. من قو التعب
احس اني لست بخير بس ما اقدر اقول هالشيء بصوت عالي لأسباب عديدة
< تعب ، إرهاق من ضغط الدوام . .
مب مهون علي بكل هذا الا انه لخدمة الحجاج عسى الله يتقبله
ويا رب يمد بطاقاتنا وقوانا عشان نقدر نكمل الأيام الجاية بدون ما ننهار .

انا دوامي يوصل 10 او 12 ساعة اقصى شيء واحس اني مو قادرة اتنفس
بالمقابل فيه ناس من 8 الصباح لين 1 الليل جالسين يشتغلون
وهالشيء يخليني احزن على نفسي ثم اتذكرهم واحزن عليهم قوووة و والله قلبي حينفطر يا جماعة وانا شايلة كل الموظفين وافكر بعائلاتهم
دراما درامااا الله يرحمني!

++ للأسف صاير عندي اجهاد بعضلات العين وهالشيء يسبب لي صداع مو طبيعي
ويخسف الإنتاجية لأسوأ شيء >< وما فيه مجال اريح عيوني ، و نومي مرة سيء و قليل
عندي فضول اشوف نفسي بعد الحج -بحول الله- بشوف كيف قدرت اتخطى

___________

تذكرون لاب توبي اللي انكب عليه شاي قبل يومين؟
وديته للصيانة وقالوا بخسر كل الملفات اللي فيه . .
زعلت يا جماعة زعل كبييييير ، بكيت بمحل الصيانة قدام الموظف
ما تحملت !! ملفاتي واشياء كثير مهمة مهمة مهمة.. وشلون تروح ؟
ثم صرت اتجنب التفكير في الموضوع عشان لا انهار مرة ثانية . .

واخذت جهاز جديد وبديت اشتغل عليه عادي ،
ثم المدير شاركني ملفات عالـ one drive وانا مو محملته بالجهاز الجديد
فحملته ودخلت ايميلي .. ولقيت ملفات غريبة مرة :/ !!!
يوم فتحتها .. لقيتها ملفاتي اللي بجهازي الخربان
تخيييلوا كل الاشياء اللي بكيت على خسارتها.. لقيتها محفوظة بالمجلد قدامي !!
فرحت فرحت لا يوصف ، كل الدنيا ما توسعه . . حتى مب قادرة اشرحه لكم
شيء احتاجه ويهمني و ابيه مرة ، لقيته فجأة !

طيب وش صار و وشلون جاء؟ جلست افكر ..
ثم تذكرت اني قبل اسبوع يمكن صار مشكلة بجهازي و عطيته واحد يصلحه
وهالواحد شافني مو محملة الـ one drive وقرر يحمله لي بدون اي سبب !
وقال لي يلا اكتبي الباسوورد .. وانا اسمع كلامه برضو بدون سبب

يعني المشكلة وقتها ما كانت تحتاج نشوف الون درايف بس مع ذلك هو فعله لي
حتى هو ما يدري ليش فعله وانا مدري ليش قلت له طيب وكلنا نسينا الموضوع
بس اثاريه سوا نسخ لجهازي كله ورفعه عالكلاود

قسم بالله جلست كلللل الليلة امس ادعععي له
سبحان الله كيف ربي يسخر الانسان للانسان ، و يجري النفع لخلقه عن طريق خلقه نفسهم!

وسبحان الله كيف الفرج ممكن يجيك من حيث لا تحتسب !
انا اللي عممررري بحياتي ما رفعت ملفاتي عالكلاود .. كيف كان ممكن اتخيل ان ملفاتي بالحفظ والصون ومرفوعة من شخص ما اعرفه بعد !

هذا موقف من المواقف الي تخليني استتتحييييي اني اقنط من رحمة ربي
واستحي ازعل على اي شيء يكتبه ربي، ربي اللي مدبر كل شيء بأحسن تدبير
ومنتبه على كل التفاصيل، عليم، حفيظ، رحمن رحيم! له الحمد لا نحصي ثناءً عليه


_____________________

اليوم كان يوم حااااافل ومن اشد الايام ضغط ، ولعل كل الايام الجاية بتكون زيه و اكثر بعد
لأن خلاص بدأ موسم الحج .. فالله يعين ويبارك

كان فيه اجتماع حضوري مع مدراء اول مرة اقابلهم -بس بيننا اجتماعات اونلاين-
وانا ووحدة من البنات اول ناس حاضرين بالقاعة .. دخل احد المدراء وسألته صديقتي عن شيء
جاوبها ثم سألها: انتِ يارا ؟
مبسوطة من الشهرة بالعمل وان الناس تعرفني بصوتي و ايميلاتي وعندهم فضول يشوفوني
الحمد لله ، احس اني حطيت اهداف ونجحت بتحقيقها للان بشكل كبير ولسا الجاي اكبر يا رب

______________

قبل فترة سجلت بمعسكر بيانات مهم ، وقالوا من شروطه التفرغ التام
بس انا كتبت لهم اني موظفة بدون تفكير ! ثم ندمت وشلت هم ما يقبلوني لهالسبب
وخلاص غسلت يدي منه ): ثم اليوم بالميتنق جات رسالة قبول مبدئية بالمعسكر! هل يوجد اسعد مني؟؟ قططعااا لا
وبنفس الوقت صار فيني تخوووف كبييير . . هالمعسكر ثقيل وطويل ويبي له اجتهاد ودراسة واختبارات و و و
طيب هل بنجح؟ بقدر عليها؟
صراحة ما عندي رفاهية اني ما اقدر (: لازم اقدر .. لااااااازم بس شوي تعبانة الحين خخخ

___________


بكرا اول يوم بالعشر افضل ايام العاام كله .. انتبه تعدي عليك مرور الكرام يا مسلم
هالعشر قادرة تقلب حياتك فوق تحت للازين والافضل ، هالعشر فرصة مثالية لـ لم الشتات وترتيب فوضى قلبك وروحك فاغتنم

 

[M O O N]

-


أهلًااااا ..
اشتقت لنفسي بالمدونة، بصراحة أموت علي وأموت على سوالفي لي ساعة أقرأ
ومن جهة أخرى، الشعور عجيب وأنا أتأمل وين كنت ووين صرت ..الحمد لله أن الأيام تمشي
والأحوال تتبدل، وكل شيء قابل للتغير.. والله يجعلنا من الزين للأزين ~ آمين ~



بما اني بآخر تغريدة كنت اتكلم عن التعب وضغط العمل،، بعطيكم ابديت
الحمد لله بعد موسم الحج مرينا بفترة هدوء ، هدوء صغير.. تقريبًا شهر بس ..
ومن بعد الحج للآن كلللللللللل الموظفين اخذوا اجازة بفترات مختلفة طبعًا ، بس انا وأحد المدراء اللي ما اخذنا
2 فقط من أصل 80 شخص تقريبًا ، أحس اني استاهل تكريم ، جائزة ، درع ، تقدير ، وينادوني "الملكة"
< إنجاز غير معترف فيه ، بس يا ناااس انا فخورة مرة !

المهم، الوضع الآن لنا اسبوعين تقريبًا بدينا بالركض ، ورجع ضغط العمل وريحة الاحتراق الوظيفي بدأت تظهر
مو عارفة كيف اوصف شعوري، رعب وخوف على شعور ان نفسي أهرب لأن مو مستعدة لتكرار الضغط السابق..
مدري بس احس اني مرة صغيرة على هالتعب

طيب تقولون ليش ما تهربين طالما مرعوبة وتعبانة هالقد ؟ بقولكم اني مرة مبسوطة ، شكلي حمارة مكدة او شيء
بس جدًااا أحب عملي حب شدييييد ، ولولا هذا الحب كان مداني من أول يوم مقدمة استقالة

حاليًا قاعدة اصبر نفسي بأني باخذ اجازة قريب -يا رب- ، من اسبوع لاسبوعين ..
متأملة مررررة ان الأمور تتصلح بعد الإجازة ، لأن اعتقد سبب الانهيار من التعب هو اني لفترة طويييلة أعمل حتى بالويكند
فـ طاقتي فعلًا انتهت ، وأحتاج أجددها وأرجع أقوى من أول يا رب ~

_____

هاجسي الفترة الأخيرة: كيف أصير ثرية لغويًا ،
كيف يكون عندي مفردات كثييييرة اتكلم بها بشكل أدق ..
ابي اسولف وصوتي الداخلي يقول: الله الله
صدق "إن من البيان لسحرًا" وأنا احب هالسحر وابي املكه !
*طبعًا كـ لفتة أو إفادة: القرآن الكريم أكبر سبب وأقوى مصدر للدعم هنا* وجالسة أحاول..
برضو قراءة الكتب والدواوين اللي تكون لغتها أصلًا سليمة ومميزة .. لكن ما عندي وقت أقرأ ><
فقلت معليش اجرب اسمع بودكاست أو كتب صوتية .. طلع ما لي خلق اسمع
يعني جد ما ادري ايش اسوي قلة حياء ! أرمي على نفسي أهداف وأمنيات ابلش بتحقيقها


____

بنهاية التدوينة جالسة أقرأها ، ما اعرف وش الهدف منها وليش جاتني رغبة اكتبها
بس العجيب اني مبسوطة ، استغرب من الانسان ولا من أثر التدوين عليه ؟ ما اعرف
بس قولوا " لا حول ولا قوة إلا بالله "
تدرون أنها كنز من كنوز الجنة ؟
طيب تدرون أن معناها تفصيلًا : أنه لا تحول ولا تغير يحصل إلا بالله ، تسليم واستسلام لملك الملك!
لا تحول من غضب الله لرضاه إلا به ، لا تحول من معصية الله إلى طاعته إلا بتوفيقه ، لا تحول من الغفلة لذكر الله إلا بعون الله ..
من حال الجهل لحال العلم، من حال الفقر لحال الغناء، من حال الشقاء لحال الرخاء، من حال الحزن لحال السعادة ..
والعاقل من يتفكر، يتأمل ويطيل النظر ! ويعمل