الختم الذهبي I'm number ? | ESPADA (1 زائر)

[خَوْد]

2022\07\16 || MaRceLin~

Carrying a weapon on your shoulder is. threatening behaviour​

If you truly wish to appear strong, hide your weapon as you walk​

​

- Nelliel Tu Oderschvank​

زمان عن هالقسم الجميل , اليوم رح احكي فيه عن الإسبادا من انمي بليتش . طبعاَ الموضوع مليان
حرق ف الي مو حاضر بليتش لا يدخل و يقرا

طبعاَ انا من فانز بليتش و حبيت كتير تصميم شخصياتهم . كل شخصية افخم من التانية طبعاَ في كم شخصية غثيثة
كتير بس هدول يعني يعتبروا 1% من شخصيات الانمي ككٌل !

فكرت كتير شو خلي فكرة الموضوع ؟ قلت ليه دايماَ منحكي عن الجانب الطيب من أي انمي او البطل بشكل عام
و مننسى الجانب الشرير و الي يعتبر جزء من اي جانب خير ؟

و لأن كل عضو من الإسبادا عندو ماضي و لقب بيطلق عليه و هاللقب بكون شكل من اشكال موتهم . طبعاَ لما حضرت
بليتش اول مرة ما انتبهت على هالشي بس لما عدتو انتبهت انو كل اسبادا عندهم صفة نفس الوحدة و الفراغ و الغضب الخ

و بهل الموضوع ان شاء الله رح نتعرف على كل اعضاء الإسبادا , قوتهم , مميزاتهم و اذا بيستاهلو ترتيبهم او لا

بس قبل ما ابدا رح عرفكم شو معنى الاسبادا . هالاسبادا الهم اسم و هو الأرانكار و الأرانكار عبارة عن شينيغامي
أخد قوة الهولو و الشينيغامي مع بعض و بكون عليهم قناع الهولو ( نفس ايتشيغو لما يدخل بطور الهولو ) بس الفرق
بينهم انو ايتشيقو ما اختار بنفسو انو يخون الشينيغامي بل كان مغصوب و متل ما منتذكر بأول حلقات الانمي انو
ايتشيقو كان عم يعاني من هالقوة و كان ضدها و بدو يتخلص منها لحتى تصالح مع الموضوع و عرف كيف يتحكم فيها !
اما هدول الاسبادا او الارانكار هن قرروا يخونوا الشينيغامي لحتى يصير عندهم قوة كبيرة و طبعاَ الخيانة عقابها الموت !




​

 

[خَوْد]

رقم 0/10 - يامي - شكل الموت : الغضب . بيقدر يغير قوتو من 10 ل 0 بأنو يطلق الزانباكتو تبعو و بيطلع بالهيئة الكاملة
تبعيتو . طبعاَ بعد الإطلاق الثاني بالنسبة للقوة فهو يعتبر اقوى اسبادا ولكن يامي قوي فقط اما باقي الخواص بالنسبة الو بالسالب
السرعة عندو معدومة و لا وجود للذكاء ولا للتقنيات و هالشي بيعني انو القوة وحدها غير كافية لحتى تنتصر بأي معركة !
و هالشخصية كتيييييييييير غثيثة و غبية بالنسبة الي ! يعني ضخم ع الفاضي و مخو فاضي ! قوي بشكل غبي و ما بفكر
قبل ما يهجم و بحسو كتير همجي و فعلاَ لابقتلو صفة الغضب ! و اديش شفى غليلي ايتشيقو لما قطع ايدو بأول لقاء
لاني هو استهان بقوتو و بيستاهل الي صرلو .











رقم 9 - ارونيرو - شكل الموت : الجشع . هالاسبادا اديش استحقرتو انو ياخي اعمل شو ما بدك اقتل , اعمل أفخاخ استخدم
اي اسلوب بس انك تستخدم ذكريات خصمك ضدو ؟ اديشك وسخ ياخي . . !! ما تتخيلوا اديش كرهتو يعني فوق شكلو البشع
و كمان اسلوبو كتير كتير بشع ! و صحيح انو بالحرب مسموح كل شي بس معقول توصل لهل الدرجة ؟ بس بدكم الصراحة انا
كتير حبيت موقف شيرايوكي ( الزانباكتو الخاص بروكيا ) بالرغم من انو روكيا كانت شبه مٌغمى عليها و السيف تبعها كان مكسور
الا انو شيرايوكي وقفت مع روكيا و اتحدت مع السيف ( رجع كامل ) و قتلت الوسخ ابو الوسخ ارونيرو !!!

هاد اكتر موقف حبيتو من شيرايوكي حتى مرة ذكرتو بموضوعي عن روكيا هنا طبعاَ بصراحة ارونيرو ما بيستاهل يكون
ايسبادا ما حسيت ابدا فيو قوة يعني تخيلوا ما بيقدر يتعرض لأشعة الشمس ؟ يعني كتير نقطة ضعفو واضحة !
و آخر شي اكتشفنا انو هو قتل ما يقارب مدري 33 الف هولو و على اساس انو بآخر تحول الو كل الي اكلهم اخد قوتهم
يعني هو صار بقوة العدد الي كتبتو فوق . بس للأسف الكاتب ما عطانا فرصة انو نشوف قوة هالملاين الهولو الي اكلهم
مات فوراَ !

المهم انو هالاسبادا اقوى اسبادا من بين كل الاسبادا العشرة بعد الإطلاق الثاني لأنو هو الوحيد من بينهم الي قابل للتطور
قوته بلا حدود لأنو بيتغذى على الهولو الي بيقتلهم يعني تخيلوا انو لما قاتل روكيا قاتلها بقوة 33 الف هولو ؟ و هاد غير
انو كل هولو بيقتله بياخد صفاته و ميزاته بس للأسف نقطة ضعفة واضحة جداَ غير انو هو حساس لأشعة الشمس
بكفي انو الشينيغامي يستهدف منطقة الرأس لحتى بيقضي عليه .











رقم 8 - زايلو - شكل الموت : الجنون . هالاسبادا فعلاَ فعلاَ فاق توقعاتي يعني ( بصير الواحد يحكي ما شاء الله على
شخصية انمي من الحسد هههههههههههههههههههه ) بس انو يخربيتو شو قوي و فوق هاد يعني هو الي فهمتو
بالضبط انو هو خالد صحيح اني ما حبيت الشخصية حسيتها شايفة حالها يعني اكتر من بياكويا متخيلين ؟ !
بس بصراحة قوتو الواحد بيوقف عليها احتراماَ الها !! و اكتر شي اثار اعجابي زيادة انو دائماَ عندو طريقة بحيث
يٌشفى من كل جراح المعركة عن طريق امتصاص الفراشين الخاصين به او اتباعه ! و ايضاَ عندو خاصية الإستنساخ
عن طريق نشر مادة بنفسجية اللون اذا لامستك استنتسخت منك نسخة طبق الاصل و عندها جميع قدراتك و تقنياتك !
و تخيلوا انو هالنسخة تتكرر 5 مرات ؟ كيف بيقدر الواحد يقاتل نفسه بنفس القدرات و المهارات ! و آخر خاصية و
الأقوى و هي تعتبر الاطلاق الثاني للزانباكتو هي عن طريق تحويلك لدٌمية ! و هي عن طريق لمسك لأجنحة زايلو
الي ممكن هو يمددها لمدى بعيدو اذا تحولت لدٌمية بين ايديه حرفياَ حياتك رح تكون بين ايديه ! لأن اي شي بسويه
للدٌمية رح رح يصير فيك شخصياَ و ايضاَ عندو علبة فيها أقراص مكتوب عليها وظائف جسمك نفس الكلية الكبد
الأضلاع الخ فإذا كسر اي قرص من هالأقراص ف رح يدمر جزء من جسدك !


و الشي الي عجبني كمان لما طلع مايوري البانكاي تبعو و اكل زايلو و الصدمة انو زايلو استخدم نائبة القائد مايوري
لحتى يعيد احياءه عن طريق امتصاص الرياتسو الخاص فيها و اسم هالتقنية جابرييل و ربي انا هون انصدمت و ما توقعت
ابدا هالخاصية ! يخربيتو شو رهيب و حتى كمان مدري ك حلقة احتاجوا لحتى قضوا عليه يمكن 3 او 4 حلقات ! طبعا مايوري
هون أبدع حرفيااا َ!! و وقفتلو وقفة احترام من بعد ما كنت اكرهو . كنت اكرهو لانو كان شخص غريب , بتحسوه شخص طيب
بطريقة شريرة ما بعرف كيف بس اذهلني بالكلمات الي حكاها اخر شي

قال الحقيقة !!

و الطريقة الي قتل فيها الاسبادا ابداااااااااااااااااااع !! و كتير قاسية بنفس الوقت من بعد هالقتال انا انعجب
بالقائدة مايوري و الاكتر متحمسة لشكلو الجديد بالموسم الجديد

المهم انو زايلو شخصية جداَ قوية و الكاتب ظلمه لما اعطاه هالرقم !












رقم 7 - زوماري - شكل الموت : التسمم . هاد الاسبادا حبيت خاصيتو , غريبة علي بس للأسف وقع مع الشخص الخطأ و مين رح
يكون غير بياكويا ؟ بصراحة حبيت كتير طريقة بياكويا بالقتال انو كيف بالرغم من انو الاسبادا ( ما حكيت اسمو لأنو صعب
) تحكم بإيدو الا انو بياكويا قطع العصب مشان ما يقدر يتحكم فيها ! انو اديش قراراتو سريعة و صحيحة و بمكانها ! حتى
الاسبادا انصدم من ردة الفعل السريعة و انو ما تردد ثانية قبل ما يقطع عصب ايدو ! و فوق هاد لما الاسبادا تحكم بعقل
روكيا مشان تقتل حالا و بياكويا رهييب بإستعمال الكيدو قام رمى عليها كيدو محكم مشان ما يعود الاسبادا يتحكم فيها و طبعا
الاسبادا نال شرف الموت بالبانكاي تبع بياكويا و الي ضحكني اكتر انو حاول انو يسيطر على كل انصال الزانباكتو تبعو بإستخدام
عيونو قام حكالو بياكويا انصال الزانباكتو فيها الملايين من الانصال يعني مع كل عيونك ما رح
تعمل ولا شي

كان قتال جميل و مليء بالذكاء و كيف لا و بياكويا موجود ؟

و هالاسبادا يعتبر الأسرع من بين الاسبادا فقبل الاطلاق الثاني كان يمتاز بحركات السونيدو السريعة و من سرعتو بيقدر انو
يعمل نسخة تانية منو لدرجة انك بتقاتل شخصين بنفس الوقت ! بصراحة مظلوم بهل الرقم لأنو يعتبر شخصية قوية مقارنة
بباقي الاسبادا فلو زوماري واجه نويترا ف رح يهزمه بسهولة .











رقم 6 - قوريميجو - شك الموت : التدمير . طبعاَ من رقم 6 و بعد رح تستمتعوا . في حدا هون ما بحب قوريميجو ؟
يطلع برا الموضوع بسرعة يعني اعذروني بس انا من معجبين هالشخصية بغض النظر عن غطرستها الزايدة بقوتها ( و طبيعي
هالشي لأنو فعلاَ قوي ) كوبو ابداع بتصميمها فعلاَ !! طبعا ناهيكم انو كوبو ابداع بتصميم الشخصيات ذو الشعر الطويل بشكل
عام و هاد غير لون الشخصية ( حسيت رح يكونوا كبل كتير كيوت لو كان مع نيل و جابوا بنوتة نفس شكلهم ! )
بس يعني ما بدي عيش بأحلام اليقظة المهم انو من هالشخصية عرفت الفرق بين أنواع الهولو و انو هو يعتبر من الأجوكس
و رح اشرحلكم الفرق بين انواع الهولو و شو هو الأجوكس ؟

متل ما بتعرفوا في هولو عاديين الي منشوفهم كتير بأول الانمي هدول الهولو العاديين في منهم بياكلوا بعض و الهولو الي بياكل
هولو تاني بيتحول لمينوس و المينوس هن اقوى من الهولو العاديين و نادر ما نشوفهم بالعالم الواقعي أما المينوس و اذا صدف
و مينوس اكل 100 هولو و اندمجت ارواحهم بداخل بعض ف بيتحول للمرحلة التانية و اسمها الجيليان او مينوس قراند أما الأجوكس
هو الطور التاني من المينوس وهم يختلفون عن الجيليان بالكثير من الامور منها احجامهم تشابه احجام البشر تقريبا ويتفوقون على
الجيليان من ناحية القوة بكثير جدا ويمتازون بذكاءهم وتخطيطهم بعكس الجيليان اغبياء وايضا الاجوكس يقودون جماعات من الجيليان
وايضا تكون اشكالهم مختلفة , و أيضا على الآجوكس أن يستمروا في أكل الهولو الآخرين لأنهم اذا توقفوا عن أكل الهولو الأخرين
سوف يعودون الى جيليان وأن عادوا ألى جيليان لن يتمكنوا من العودة الى آجوكس مرة أخرى . ( و جريميجو يعتبر من الأجوكس )
يعني يفصله طور واحد فقط ليوصل للفاستولورد الي يعتبر اقوى تحول للهولو ( الي ايتشيغو وصله لما قاتل اليوكورا )
وهو اقوى من الطورين السابقين بكثير و يقال لو أن 10 منهم فقط تحت قيادة آزين سوسكي لأستطاعوا تدمير مجتمع الأرواح
وهم أقرب المينوس شكلا الى الجسد البشري .

طبعاَ ما رح اشطح كتير بموضوع الفاستولورد لأني رح احكي فيه بفقرته المناسبة بس حبيت اشرحلكم عن الفرق بين قوى الهولو
و كيف كان تصنيف جريميجو من بين الهولو كان قوي فعلاَ ! و حتى لما طلع تحوله الكامل بانترا صار اقوى و اقوى ! بس سوى حركة
غبية بصراحة لما خطف اوريهيمي مشان تعالج ايتشيقو لحتى يقاتله و يفوز بالقتال ! انا فعلاَ كنت ضد هالشي مع اني دايماَ انا
مع الجانب الخير بس في حدا عاقل بيعمل هيك ؟ و بالأخير ايتشيقو جلدو جلد !











رقم 5 - نويترا - شكل الموت : اليأس . هالشخصية فعلاَ فاقت توقعاتي ! تخيلوا انو قاتل ايتشيقو و نيل و بالآخر زاراكي و لساتو
مقاوم ! و كل هاد كان بالشكل الاول , لما بدا يقاتل زاراكي اطلق الاطلاق الثاني للزانباكتو تبعو يعني هالشخصية فعلاَ قوية
بس الي سواه مع نيل لانو كان غيران من قوتها انا كرهتو كتير و شفتو انو هو كتير اناني و ما بحب غير حالو حتى مع مساعدو
معامتلو مع مساعدو جداَ سيئة ! مثلاَ اذا بدي قارنو مع نيل الي حتى بعد ما رجعت طفلة ضلت مخلصة لتابعيها هالشي حببني
فيها زيادة ! و طبعاَ شكل الموت الخاص فيه هو اليأس و هو فعلاَ الي كان ظاهر على نويترا ! لأنو كان بدو يكون الاقوى
و ما بدو يشوف حدا اقوى منو ! و طبعاَ هالشي مستحيل ! و هالشي بسبب اليأس لنويترا ! طبعاَ قبل الاطلاق الثاني بيمتاز بصلابة
جسده و صلابه جسده تعتبر الاقوى من بين الاسبادا العشرة !











رقم 4 - ايلكيورا - شكل الموت : الفراغ . هالشخصية من اكتر الشخصيات الي احترمها لسبب واحد بعيد عن شهرتها من بين
الفانز الي حبيتو فيه صدقاَ انو كان دايماَ غير مؤمن انو في عاطفة و كان دايماَ ينتبه لاوريهيمي انها مؤمنة بقوة الصداقة
و انهم اجوا للهيوكوميندو لينقذوها لانهم بحبوها و قبل ما يموت بلحظات مد يده لحتى يلمس ايد اوريهيمي بس للأسف
مات ! هون انا فعلاَ حبيتو لأنو هو الاسبادا الوحيد الي حسيتو اقتنع بالجانب الخير ! و هاد غير انو هالاسبادا عندو تقدير
ممتاز لقوة الخصم ( مو نفس شخصية يامي على سبيل المثال لما استهان بقوة ايتشيقو بأول ظهور ) و هالشي الي
حببني فيه بزيادة شخصية ذكية جداَ . قوته الجسدية جدا هائلة بالرغم من صغر حجمه ! صد ضربة اوراهارا بيده فقط
بدون ما يستخدم اي نوع من انواع القوة ! تخيلوا بدون اطلاقه يعتبر شخصية جدا قوية اما بعد إطلاقه فبخليه اقوى و اقوى !

و اليكيورا هو الوحيد من بين الاسبادا العشرة الي عندو اطلاق ثالث غير عن الاطلاق الثاني ! و هالاطلاق محدا بيعرف
فيه حتى ايزن ! و لو ايزن عرف بهل الاطلاق لكان حطو بمرتبة اعلى من رقم 4 ! طبعاَ هون من بعد الاطلاق الثالث
ما عاد زوماري اسرع اسبادا ! لأن اليكيورا صار اسرع بمئات المرات من بعد هالإطلاق ! و صدقاَ لو ما ايتشبجو تحول
للفاستولورد بوقتها لكان الأنمي انتهى حرفياَ ! لأن قوة الفاستولورد فاقت قوة اليكيورا كتير من ناحية السرعة و القوة
و حتى انصدم اليكيورا انو ايتشيجو استطاع إطلاق السيرو ! و قدر انو يوقف سهم السيرو الخاص بإليكورا بيديه العاريتين !











رقم 3 - هاليبيل - شكل الموت : التضحية . هالشخصية من الشخصيات الي حبيتهم من الاسبادا , انعجبت بماضيها و كيف
حمت جنسها و عرفت ليه فراشينها ( بتقدروا تحكوا نفس مساعدين للشخصية ) كتير وفيين الها لدرجة ضحوا بحياتهم لألها
و ركزوا بكلامي ( ضحوا بحياتهم ) و بسبب تضحيتهم زاد قوتها لما تضحياتهم اندمجت بالزانباكتو الخاص فيها و هي بشكل
عام بتزداد قوة بالتضحية . شخصية قوية و ذكية كمان و هي قبل الاطلاق الثاني قوتها عادية نوعاَ ما بس بعد الاطلاق التاني
بصير عندها القدرة انو تسيطر على عنصر من عناصر الطبيعة و الي هو الماء و فعلاَ كان هالإطلاق قوي !!











رقم 2 - باراقان - شكل الموت : الشيخوخة . طبعاَ كتير من فانز الأنمي اشتكو كيف باراقان مو أقوى اسبادا ؟ و انو ستارك
ما بيستاهل يكون الاسبادا رقم 1 . من هذا المنبر بحكيلكن انو باراقان عندو نقطة ضعف قوية صحيح انو قوته هائلة و مميتة
الا انو مفعولها معدوم بالقتال بعيد المدى ! يعني تخيلوا انو يصادف شينيجامي بقاتل بأسلوب القتال بعيد المدى باراقان
ما رح يقدر يستخدم قوته ! و نفس ما شفنا بالانمي انو لما سويفون اطلقت البانكاي الخاص فيها على شكل مدفع كبير
تقريباَ تدمر باراقان لو ما تدخل فونافايز Wonderweiss و اطلق الصرخة تبعيتو ! بشكل عام كانت خطة ذكية انو باراقان
يموت بقوته ! كانت هالطريقة منطقياَ افضل طريقة لموته !











رقم 1 - ستارك - شكل الموت : الوحدة . هالشخصية جدا جدا جدا جدا معجبة فيها مع انو الكاتب بصراحة ما اعطاه حقو
بالانمي ابداَ ! و لو اعطاه حقو كان و بحكيها بصراحة كان رح يغطي على اليكيورا ! ستارك شخصية جدا هادئة ما بحب القتال
من انو كتير قوي و ذكي ! لأنو ما بحب القتالات ! شكل الموت الخاص به هو الوحدة و هالشي بسبب لماضيه ! لأنو ما كان
عندو اصدقاء ! و ما كان بيعرف انو هو السبب ! ما كان حدا بيقدر يستحمل قوته الروحية كلما يمر بأي مكان الكل بموت من
كتر الضغط الروحي الخاص فيه ! و ستارك وصل للفاستولورد بدون ما يساعدو ايزن و بدون ما يبحث عن القوة اي بدون
اي مجهود ! و كل هاد و نحن ما حكينا لا بقدراته ولا تقنياته . قبل الاطلاق قوته كانت نوعاَ عادية . سرعة فائقة و اطلاق سيرو
سريع . اما بعد الإطلاق الثاني الي هو لوس لوبوس ف هون رفعتله القبعة ! من بعد ما فهمت كيف كان الاطلاق الثاني !
اتحد مع صديقه و صار ع شكل مسدس و طبعاَ اعطوه لقب و الي هو ملك السيرو و الي تعتبر اقوى ضربة عند الاسبادا
كلهم ! و كان كيوراك بدو يطلق البانكاي لو ما تدخل القائد اوكيتاكي ! متخيلين مدى قوته !! و من خواص ستارك ايضاَ
هو تحويل روحه على هيئة ذئاب عن طريق الرياتسو و بمجرد ما لامستك هالذئاب رح تنفجر و تسببلك اصابات بليغة
اصابات اكتر من اصابات السيرو لما تصيب العدو ! ف ستارك عندو تقنيات بعيدة المدى و اقواها كانت الأخيرة ! و اخر
ميزة بستارك انو بيقدر يصنع سيفين بإستخدام روحه ف رح يقدر يقاتلك من مدى قريب و بيقدر يقاتلك من مدى بعيد
عن طريق الذئاب في نفس الوقت ! شخصية فعلاَ قوية من ناحية طريقة التكيف في القتال بحيث انها عندها كذا نوع
من القتال عكس باقي الاسبادا ! لهل السبب ستارك يستاهل المركز الأول و بجدارة ! ستارك واجه 4 شخصيات من مستوى
القائد و مع ذلك لم يستقبل ضربة قاتلة الا عن طريق الغدر !









​

 

[خَوْد]

و هيك بكون انتهيت من المراجعة و ان شاء الله يكون عجبكم الموضوع
و انا حابة يكون عندي مواضيع اكتر بهل القسم ف تشجيعكم رح يزيدني
حماس اني كمل

لا تحرموني من ردودكم الجميلة

دمتم بخير

​

​

If it is because of what you call a heart​

then it is the heart that causes you humans pain​

It is because of your heart that you will die​

- Ulquiorra Cifer​

​

 

[Hana Retsuko]

ترانيم - أغسطس ​

​

2022\07\18 || MaRceLin~

يافرحتي
طاري بليتش رجع للحياه وصرنا نشوف مواضيع له

دايم العصابات (ومايشابهها) رهيبة بالانميات
لاتحقدين علي بس أكثر واحد أكرهه فيهم هو قريمجو
​

( حسيت رح يكونوا كبل كتير كيوت لو كان مع نيل و جابوا بنوتة نفس شكلهم ! )​

صدمة
تشبيكة فريدة من نوعها لا أدعم

الكيورا طلع عنده فانز كثير؟ لم أكن أعلم
انا وقعت في حبه قبل اتابع الانمي
وفعلًا انطباعي الأول كان بمحله وحبيته أكثر لما شفت شخصيته
فيستاهل الفانز صراحة
أحب شخصيته الرزينة ومظهره المميز بالنسبة لي

وثاني أرهب واحد هو ستارك فخمم

واذا نيل تنحسب كنت أحبها بعد
تمنيت تكون بالموضوع

البنت الشقراء يبدو أني كنت أحبها قليلًا، تبدو شخصية رائعة
أبو شعر وردي وسيم لكن بما أنك ذكرتِ أنه متكبر فاستحالة اني كنت معجبة به بأي شكل


الموضوع يجنن
وحبيت فقرة الرمزيات لكل عضو جدًا
على الرغم من أن بعض الشخصيات "الغثيثة" كما تصفينها لاتستحق الرمزيات
لكن من يعلم ربما هناك معجبين لهم

وأيضًا أحببت طقم الموضوع بسيط ومناسب للموضوع
> الكيورا منور الهيدر طالع يجنن فيه

واكتشفت اني ناسية أغلب الاسبادا وتقريبًا ناسية كل شي ببليتش
> مدري كيف بتابع الجديد وطبعًا مستحيل أعيد مدري كم حلقة


أتمنى أشوف مواضيع أكثر لبليتش هالفترة
شكرًا جزيلًا على مجهودك

في أمانِ الله ​

 

[خَوْد]

لاتحقدين علي بس أكثر واحد أكرهه فيهم هو قريمجو ​

انا حبيت رسم شخصيته اكتر من الشخصية نفسها ( كسلوك )
بشكل عام انا من محبين الشخصيات ذو الشعر الأزرق
​

صدمة
تشبيكة فريدة من نوعها لا أدعم​

ههههههههههههههههههههههههههههههههههههههههههههههههههههههه
​

الكيورا طلع عنده فانز كثير؟ لم أكن أعلم ​

اذا مو مشاركة بقروبات بليتش بالفيسبوك ف اي يمكن ههههههههههههههههههههههههههه
​

انا وقعت في حبه قبل اتابع الانمي
وفعلًا انطباعي الأول كان بمحله وحبيته أكثر لما شفت شخصيته
فيستاهل الفانز صراحة
أحب شخصيته الرزينة ومظهره المميز بالنسبة لي ​

ريتوييييت !
​

وثاني أرهب واحد هو ستارك فخمم ​

انا كمان حسيتو فخم كتير بس للأسف الكاتب ما اعطاه حقه لدرجة لو تشوفي اغلب فانز بليتش بيحكوا انو باراقان المفروض رقم 1 مو هو

شخصية مظلومة !
​

واذا نيل تنحسب كنت أحبها بعد
تمنيت تكون بالموضوع ​

والله كنت ناوية دخلها بس الموضوع كان عن الاسبادا الأصليين
و لو دخلتها في شخصيات تانية المفروض تدخل كانت اسبادا و انقتلت
بس قلت ما بدي فرعو

اساساَ لو بدي احكي عنها ما بخلص
حتى مرة سويت موضوع عنها هي بس

الختم الفضي - Nelliel Tu Odelschwanck - AVATARS & SIGNATURES

www.anime-tooon.com

كتيير بحبها لهل الشخصية

​

أبو شعر وردي وسيم لكن بما أنك ذكرتِ أنه متكبر فاستحالة اني كنت معجبة به بأي شكل​

هو صح شايف حالو بس يخربيتو شو قوي انا تعبت عنهم و هن عم بقاتلوه
​

على الرغم من أن بعض الشخصيات "الغثيثة" كما تصفينها لاتستحق الرمزيات
لكن من يعلم ربما هناك معجبين لهم ​

متت هههههههههههههههههههههههههههههههههههههههههههههههههههههههههههههههههه
و الله و انا عم جمع الصور حكيت نفس الشي ببالي بس قلت يعني اعمل رمزيات لشخصيات و شخصيات لا ؟
شو هالعنصرية
​

وأيضًا أحببت طقم الموضوع بسيط ومناسب للموضوع ​

الهيدر اي كلام ما توقعت تعلقي عليه
​

> الكيورا منور الهيدر طالع يجنن فيه ​

حبيبنا اللزم هههههههههههههههههههههههههه

​

واكتشفت اني ناسية أغلب الاسبادا وتقريبًا ناسية كل شي ببليتش
> مدري كيف بتابع الجديد وطبعًا مستحيل أعيد مدري كم حلقة ​

بتصدقي عدتو مرة تانية - بس بدون الفلرات -
ما توقعت عيدو لا و الي ضحكني اني ناسية اغلب الاحداث
اكتشفت انو معي زهايمر مٌبكر

و اكتشفت اشياء جديدة ما كنت مركزة عليها بأول مشاهدة
متل ما بيحكوا بالإعادة إفادة
​

أتمنى أشوف مواضيع أكثر لبليتش هالفترة
​

اوووه من هالناحية لا توصي حريص
لأني فان الأول و الأخير لهل الانمي
ف اي موضوع ( تحليل او مراجعة ) رح يكون ع الأغلب بليتش


شكراَ لردك الاكتر من رائع , استمتعت فيه ​

 

[السيـر ليــلاً]

ترانيم - أغسطس ​

2022\07\18 || MaRceLin~

السلام عليكم و رحمة الله تعالى و بركاته
اهلين سيلين هلا و الله منورة احد من اقسامي
سعيدة جدا لأنك تحبين القسم .. اي اي نورينا مرة ثانية بموضوع جبار مثل هذا!
كيفك ؟ ان شاء الله تمام التمام و الحمد لله ما ناقصك شي
هييييه و الله شو اقول الصراحة موضوع كامل متكامل من كل الجهات !
الطقم رووووووووعة ! جميل جدا جمعتي كل الايسبادا في طاولة
الكتابة عليه حبيتها جدا توي اكتشفها على فوتوشوبي مثل ما تخلينها كده مائلة
و زيه زي عند الجميع .. الاسود سيد الالوان و الجميع يحبه و انتِ تراكي نسقتي موضوعك باللون المفضل عند الجميع ق8
الصراحة انا لسه ما شفت بليتش و مو ناوية اشوفه مع انه اسطوري
و تصنيفاته من النوع اللي احبه و اللي يحبه الجميع بس للأسف فيه حلقات كثيرة فما بالك بالمانجا
اهاا اذا الايسبادا هم هاذو ! لي فترة اتصادف بالكلمة بس اجهل معناها
حبيت انك غيرتي و حكيتي عن الجانب الشرير من الانمي
فعلا اغلب الناس يحكون عن الجانب الخير حاجة جديدة
الصراحة كل الايسبادا حسيتهم فخامة و يليق بيهم الشر و الله وجوههم ما تبشر بالخير
ضحكني اللي في راسه زجاجة عليها جمجمة او سمكة مدري و الله غريب
و رمزياتهم يا دوب تحرك عيونك منها كلش تججننننننن
حبيتها انها بالابيض و الاسود فقط جميلة جدا !
شكرا لأنك نورتينا بموضوع عظيم مثل هذا زورينا مرة ثانية في انتضارك دائما
باي باي ​

 

[S A Y O R I]

ترانيم - أغسطس ​

2022\07\24 || MaRceLin~

السلام عليكم ورحمة الله وبركاته
أهلا سيلين..كيف الحال؟
ماشاء الله منورة القسم بذي الفخامة

حبيت انك اخترتي التحدث عن جانب الشر يعني أغلب المتابعين –يمكن بشكل تلقائي– في الغالب دايما ينحازون للأبطال ولجانب الخير
يعني احيانا والله تكون في شخصيات فخمة تمثل الشر او يمكن بسبب ماضيهم وكذا
والناس تبقى تذمهم
والله تعلقت بشخصيات الايسبادا وانا اتابع الانمي
اولهم هو الكيورا اكثر شخصية فخمة سواءا من الرسم رهييب الى طبيعته يعني طريقة كلامه وبرودته وكذا
بعد ستارك ماضيه مرة يحزن كان دايما وحيد وبعدها راح يخدم عند آيزين ع اساس انه يصير عنده اصدقاء وبقى وفي حتى آخر لحظة
بس آيزين تخلى عنهم
بصراحة قوريميجو كنت أعتقد انه حيصير بجانب ايتشيغو والباقين وبيساعدهم وكا بس كان توقعي خطأ
بالتفكير بالأمر من أول ظهور لقوريميجو وانا اشوف أنو في شبه بينه وبين. كيكيو من انمي ريبورن او يمكن انا الوحيدة يلي تحس هالشيء
في المقابل أكثر شخصيتين غثيثتين بين الايسباد هوما الرقم 0 الرقم 5
حتى اسماءهم ماحبيتها
الموضوع رهيب ومفصل.. حطيتي مواصفات كل شخصية بشكل دقيق
التصميم جميل جدا
حبيت اضافة رمزيات لكل شخصية

اتمنى ماننحرم من هالطلات وهالمواضيع الرهيبة
وفي انتظار جديدك بالقسم وبأنحاء التون
دمتي بود
​