الختم الاداري Minimalist . Less is More | PS TOOLS (1 زائر)

[Selene]

السلام عليكم و رحمة الله و بركاته

كيفكم يا حلوين ؟ ان شاء الله الكل يكون بخير و سلامة رجعتلكم بموضوع عن فن مختلف اسمو Minimalist Art/Design

هالفن كتير حلو و صاير منتشر بهل الفترة الحلو فيه و الي جذبني اكتر شي انو بتشوفوا التصميم البسيط انو هو بسيط و المصمم ما تعب فيه

او بالاحرى ما استخدم ادوات صعبة او معقدة بتصميمه فبيتهيأ للمشاهد انو سواه ع السريع بس بالحقيقة التصميم البسيط طريقة تصميمه بنفس

تعقيد التصميم المعقد و أساسياته جداَ حساسة بحيث اذا المصمم طلع شوي عن الأساسيات او زادها زيادة عن اللزوم ف بيتحول التصميم لنوع

تاني .

-

الشي التاني الي حبيتو فيه انو التصاميم البسيطة كتير مريحة للعين , يعني لما شوف تصميم بسيط بحس بالراحة عكس باقي التصاميم الي

فيها تفاصيل كتيرة و لازم فكر فيها لأعرف شو الفكرة الي بدو يوصلها المصمم من هالتفاصيل ؟ الألوان المستخدمة بالتصميم البسيط جداَ

بسيطة و هادية بنفس الوقت يا دوب بتتكون من 3/4 الوان أساسية .

-

شيء آخر حبيتو بالتصميم البسيط او الفن البسيط هو تطبيقه بعفش البيت , يعني اديه رح يكون حلو و مريح وخرج الواحد يقعد

بالغرفة وما يطلع منها من كتر ما هي مريحة ديكورات البسيطة و حتى الوانها المحايدة و ما مننسى لما المصمم يدخل النباتات فيها

رح تكون اضافة جداَ انيقة , بسيطة و مريحة .

-

اما من ناحية تانية , التصاميم البسيطة كتير مهم المصمم يتعلمها خاصتاَ اذا بدو يصمم موقع أو بروشور او بطاقة عمل لأنها بتركز

على المضمون اكتر من التصميم نفسو , فبيحتاج انو يستخدم التصميم البسيط لبرز المعلومات بشكل اكتر .

-

اكتر مقولة عجبني و الي لفتني فعلاَ :

كما نعيش وكما نحن ، البساطة - يصعب فهمها في الوقت الحاضر . لم نعد حقا بسيطين . لم نعد نعيش في مصطلحات أو أماكن بسيطة .
الحياة أصبحت أكثر تعقيدًا الآن . من الشجاعة الآن أن تكون بسيطًا : إنه لشيء شجاع حتى تريد أن تكون بسيطًا . إنه لشيء روحي
أن نفهم ما تعنيه البساطة .

إختصر كتير كلمات ممكن احكيها عن الي عم نعيشو هلأ لهل السبب كتير جميل مننا انو نعرف على الاقل ما معنى البساطة وكيف ندخلها

لحياتنا اليومية فالبساطة مو بس متعلقة بالتصميم بل بأسلوب حياتنا و تفكيرنا كمان .

-

إن شاء الله يكون عجبكم الموضوع و إستفدتوا منو بالمرتبة الأولى ^^ إن شاء الله الي مواضيع قادمة نفس ستايل هالموضوع حبيت

فكرة شرح لنوع فن بطريقة مٌبسطة دٌمتم بخير

-

التحميل :

خامات : mini textures - AT
سكرابز : mini png - AT
خطوط : mini fonts - AT
فرش : mini Brushes - AT
صور : mini pictures - AT
تأثيرات : mini psd - AT​

 

[SKY NET]

-
السلام عليكم ورحمة الله وبركاته
شلونج ؟ يا رب تكوني بخير
ما شاء الله عليج دوم ترجعي لنا بابداعات جديده وكشخه
اكثر شي احتاجه هالفتره هو السكرابس والخامات والصور
الصور عندي نقص ما اعرف شحمل زين انتي مجهزه ملفات
عاشت ايديج على هالنماذج الي تفتح النفس
موضوع كشخه وابداعي بانتظار المزيد والمزيد من هالابداعات
تم التقييم اكيد
كل الود ~
-