كيفية الدراسة بفعالية ( أدرس بذكاء و ليس بجهد). (1 زائر)

[kawaii]

كيف الحال كاواي انشالله تمام..

طبعاً انا تخرجت من زمان ولكن يلاا ممكن تفيدني هاي الطرق لما أبدأ الماسترز بازن الله ..
حسب ذاكرتي كنت -ولازلت- أعاني من أحلام اليقظة بشكل كبير ..
فكان صعب علي التركيز ببعض الاحيان الا اذا راكمت لآخر لحظة وبدأت بالتوتر..

بجميع الأحوال انشالله الطلاب يستفيدو

ويعطيكي العافية​

هلا روعة المتألقة الرسامة المبدعة
أنا الحمد لله أموري تمام التمام
شكرا على الرد والمرور اللطيف تبعك جبلي طاقة إيجابيةوردك ألهمني بموضوع جديد
وعلى فكرة شاهدت مقابلتك على اليوتيوب كانت كلش حلوة ​

 

[Dr.Saki~☆]

MR.HERO - 26/03/2024​

​

السلام عليكم ورحمة الله وبركاته
كيف حالك اتمنى ان تكون بخير دائما

الطريقة الاولى مستحيل تظبط معي انا بقعد قعدة وحدة وما بتحرك لخلص المحاضرة يلي عم ادرسها احيانا بيجهز الاكل بستنوني سنة لخلص و جيهم
بس بدي حاول جربها مشان اتنشط لأن كتير احيان بغفى وانا عم ادرس

كنت استخدم الطريقة الثانية التكرار المتباعد ايام المدرسة بحفظ التعاريف كتير كويسة ولهلق في تعاريف بتذكرها وحافظتها

الخرائط الذهنية و الجداول كتيير ممتازة بستخدمها لما يكون في افكار متشابهة بدي فرق بينها او اذا كان في تسلسلات وخطوات

طريقتي بالدراسة اجمالا بضيع وقتي طول السنة و بنزنق بإسبوع المادة و بعتمد على الذاكرة القصيرة و بحاول اعيد المحاضرات عشان تركز بعتمد على التكرار كون نظام أسئلتنا بالجامعة اتمتة او اختيار من متعدد بس محد يقلدني ادرسوا أول بأول احسن والله
في طريقة كتيير حلوة رفيقتي بتستخدمها للفقرات يلي فيها تعدادات كتير او وصف لشي انها تعمل عليها قصة بتجمع كل الكلمات يلي بالتعداد او الوصف و بتربطها بالعنوان و بس هيك بترسخ بعقلها و بتشارك معنا القصص و عنجد لما منشوف السؤال بالامتحان فورا منتذكر الجواب من القصة

و في كمان عالم بتعتمد على الرسم يعني بترسم شي سريع مو احترافي بس من الرسمة بكونوا عبروا عن كل الفقرة بتكون رسمة وحدة بتختصر صفحة كاملة 🫡

بالأخير كل واحد له طريقة و بيعتمد عليها

الموضوع كتير حلو واكيد مفيد يعطيك العافية يسلم ايدك