الختم الذهبي في حيز الدنيا الفياض ، كيف ألقاك ؟ ¦| نقاشات (1 زائر)

[ＬＥＶＩ]

السلام عليكم ..
شحالج حبيبتي ؟
بصراحه اهنيج على اختيار الموضوع لان احب الصداقة بشكل كبير و التصاميم و شغل مالج ما شاء الله مبدع ننتقل لموضوعنا و بقولج رايي ..

و من مثل صديقتي هي مثل الاخت و الحبيبة تشارك يومياتي و اجمل لحظاتي و عندما يضيق حالي صديقتي معي تشاركني الضراء و السراء و تكون معي في ضحكاتي مثلها مثل الاخت نتشارك الاسرار و تترك في حياتي بصمة و عندما تكون لدي مناسبات تهادو و تحابو في الهدايا ..

و مثل ما قال النبي محمد [ صل الله عليه و سلم ] : ولو كنت متخذاً خليلاً من أمتي لاتخذت أبا بكر” لان الرسول صديقه و اخاه في الطريق ابو بكر في شدته و مصائبه في الحرب و كيف حزن على فراقه و لقب بالصديق من شدة حبه لنبينا محمد [ صل الله عليه و سلم ]

الصداقة من أجمل العلاقات وأصدقها إن بنيت على أسس نقية وصحيحة، وتعتبر مصدراً للسعادة و انا حقا احب الصداقة التي تكون من مختلف العالم و احب حقا ان اتعرف على اناس و تكون الصداقات من مختلف العالم ..

موضوع جميل عزيزتي عن الصداقة و ان شاء الله يا رب لا تحرمينا من مواضيع الجميلة جدا

 

[A S T E R]

السلام عليكم ورحمة الله وبركاته

كيف حالها الغالية امبر ؟
ان شاالله بخير ؟

فتحت بعد مدة وصرلي زماااان ما شفت مواضيع قسمي المفضل
شفت موضوعين وهاي موضوعك الثالث
تعبت وانا اكتب في الموضوعين السابقات وشكلي رح اتعب اكثر عندك هون كمان
لانه الموضوع راااائع والواحد بيحكي فيه كثير

حبيت فكرك الموضوع كثير والله
وطريقة طرحك للآراء وتعليقك عليها كان بجنن ومرتب وكلامك كله في الصميم
واراء الجميع حبيتها

الصداقة بختلف مفهومها من شخص لاخر ، فاحنا بالنهاية بشر ومختلفين في كل شيء
وفي نظرتنا لكل الامور والمفاهيم والصداقة احد هاي المفاهيم الي نختلف فيها

بهالحياة بنعرف ناس كثير ، ناس بنسميهم معارف
وهدول الناس اي حد بتلتقي فيه بحياتك وبتضلي تشوفيه لانكم تتشاركو نفس موقع العمل او صلة قرابة
او اي امر يجمع بينكم
والمعارف الواحد يتعامل معهم بالقدر القليل وحسب الامر الي جامعهم

وناس ثانيين بكونو اصدقاء
يعني بتحكو مع بعض ، مش شرط يوميا ، بس بتعرفو عن بعض كثير شغلات بتهتمو تعرفو اخبار بعض
لو صار ظرف بتبادري تسألي وكذلك هو نفس الشيء
وكل شخص فينا عندو كثيييير اصدقاء بس مش كلهم بوصلو مرحلة - الصاحب -

وهون باجي للقسم الثالث وهم الاصحاب
بحس الاصحاب اقرب من كلمة صديق
الصاحب هو الي بصحبك معاه لكل شي حلو
وخاصة لو كانت هالصحبة لله وجمعتكم كانت مثلا بسبب درس ديني ، فمثل هذا الصاحب مش بس بصحبك لفعل الخير والطاعات ، بصحبك للجنة معاه
بصحبك انك تكون شخص افضل

وحابة احكي شي وهو انه ، بالنسبة الي سواء الصاحب او الصديق
غلط تتأثر هاي الصحبة او الصداقة بالبعد
او بقلة الكلام او بقلة اللقاء
زمان ما كنت فكر هيك ، بس صراحة من بعد ما تزوجت وعيلتي بتكبر يوم عن يوم ورح تكبر اكثر
ورح يزيد تركيزي على تربيتي لبناتي
فعلا الانسان ما بيقدر انه يضل عتواصل مع كل الاصدقاء حتى وان كانوا مقربين ، يعني مش بشكل يومي

سبحان الله اجا الموضوع هالوجع
اليوم لسا رحت عند صاحبتي ، هي صاحبتي من واحنا عمرنا ١٠ سنين وحاليا عمرنا ٣٠
انتو متخيلين قديش احنا قراب ؟
وقديش بنحب بعض ؟
وقديش نهتم ببعض ؟
بس ما نلتقي كثير ولا حتى نحكي كثير
يعني مثلا كل شهر نحكي مرة او كل شهرين وبنكون كثير مشتاقات ونحكي لبعض كل شي صار معنا بهالفترة
وهي من الصاحبات المقربات مني حدا وبحكيلها اسراري بس شوفها
بس مستحيل علاقتنا تتأثر بسبب قلة كلامنا او قلة لقاءنا ، احنا الثنتين متزوجات وورانا مسؤوليات ، ومش شرط اكون مشغولة لحتى ما نحكي
احنا الوحدة فينا بس تصير ام عادي انه تكون قاعدة ما تعمل شي او تتصفح تلفون بس مو عبالها تحكي حد حتى مع اقرب المقربين !

وعندي صديقة ثانية برضو نفس الشي كثير قراب من بعض ، من عشر سنين صحبة ، جمعتنا صحبتنا درس ديني🥹 وما اجملها وما اروعها من صحبة يا جماعة
قد ما احكيلكم عنها ما بوفيها حقها ، ومع هيك ما بنحكي سوا يوميا ، برضو يمكن بالشهر مرة
وهي تعرف كل شي عني وانا نفس الشي
وبس وحدة فينا تكون مخنوقة تبعت للثانية بدي افضفض مباشرة تفضي حالها عشاني وتضل تطمن عني 🥹
وانا نفس الشي خلص بفضي حالي عالسريع اول ما شوف كلمة اسما مخنوقة بدي فضفض
كثير نحترم بعض ونهون على بعض ايامنا
ونشجع بعض ونضحك مع بعض
ونعين بعض على العبادات وفعل الطاعات
ودايما نتذكر بعض بالدعاء
ما في احلى انه يكونلك ناس يدعولك بظهر الغيب وعن حب
الله يخليلي هالصحبة الصالحة

وفيه صاحبة الكترونية عرفتها هون 🥹
@RO-CHAN
شوش من اكثر الاشخاص الالكترونيين عرفتهم وحبيتها من قلبي وكثير
ومعتبرتها صاحبة مش بس صديقة او معرفة 🥹
والله قد ما احكي ما يوفيك حقك ، كثير بحبك وبحترمك وبتمنى يكون النا لقاء
وبرضو شوش مو باستمرار نحكي بس لما نحتاج بعض بنكون موجودات
وبكفي ضحكنا ومسخرتنا على بعض وتحملنا لبعض وقت ما نكون مش رايقين ، اسفة اذا بيوم زعلتك

واهم صاحب بدي اذكرو هون هو زوجي
صراحة من اكبر النعم الي ممكن الشب او الصبية يلاقيها هو انه يكون زوجها او زوجته بمثابة صاحب قبل ليكون زوج
ويكون اي واخ وسند ، هون الواحد بحس انه ملك الدنيا
فالله يحفظه يارب ويوفقه ويوفقنا لما يحب ويرضى


فسواء بالواقع او الكترونيا ممكن تلاقي صاحب وتكون قريب منك وانت قريب منه وتتشاركو الحلوة والمرة

واي جملة بتشوفوها من مثل انه الي بتحجج بالظروف هاد مو صديق
ما تسمعو منه ، العلاقات عمرها ما كانت بكثرة التواصل
ارجعوا لاهل زمان ، هل كان في تواصل هيك مثلنا ؟
لا
هل ما كان في صداقات قوية بينهم ؟
اكيد فيه وبتوقع اكثر خاصة انه هالايام الامراض البشرية منتشرة بكثرة بين الناس

فكثرة التواصل والحديث المستمر مش دليل على قوة او ضعف الصداقة
زي ما تفضلتو الجميع
حد يفهمك وتفهمو
يوقف معك بفرحك بحزنك
يتقبلك بكل مميزات شخصيتك او عيوبها
ينصحك بس يشوفك تعمل غلط
يتقبل اعتذارك بس تعتذر
ويوخذك للجنة معاه بس يعينك عالطاعات
فالرسول عليه الصلاة والسلام قال في حديثه عن السبعة الي يظلهم الله في ظله يوم لا ظل الا ظله
" ورجلان تحابا في الله اجتمعا عليه وتفرقا عليه "

فالله يرزقنا الصحبة والصداقة الحلوة والصالحة والي تنفعنا في الدنيا والاخرة

وانتو هون اصدقاء التون
صراحة من احلى واحسن الناس الي عرفتهم
وبالرغم اني على مدار السنين ما بفوت باستمرار
بس عرفت ناس بعتبرهم اصدقاء وبحب اعرف اخبارهم واطمن عليهم لو كنا نتواصل برا
او بس فوت أسأل عنهم
لانه الي جمعنا شي حلو وهو المنتدى لانه لولاه ما عرفت هالوجوه الطيبة

وقد ما احكي صراحة ما رح اوفي هالموضوع حقه
سبق وحكيت عنه في احد مواضيعي هون بالعام
بعتذر عالاطالة في كلامي

بس فعلا موضوعك رائع وبشد
واسلوبك في الطرح جميل
وتنسيقك والتصميم بجننو
سيلين من يومها مبدعة والله

الله يعطيك العافية ويقويك يارب ويجزيك الخير ويبارك فيك
ننتظر جديدك
في امان الله يا غلا ​

 

[Dr.Saki~☆]

N E O N | 13.07.2023​

السلام عليكم ورحمة الله وبركاته
كيفك عزيزتي امبر

موضوعك حلو وفكرته حلو تاخدي آراء الأعضاء بالموضوع

أنا رح قلك رأيي بالصداقة وكيف اختار اصدقائي

أكيد مو أي حدا بيعرف اسمي هو صديقي لو كان هيك كنا نحنا أصدقاء مع العلماء والرؤوساء كوننا منعرف اسمائهم

وفعلا متل ما قالت استر العالم يلي منعرفهم هنن ثلاث انواع

1- أول شي الناس يلي منعرفهم بحكم المكان يعني منشاركهم مكان العمل او مكان الدراسة ومنسميهم زملاء منعرف عن بعض معلومات سطحية اسمائنا جنسياتنا أكلنا و لوننا المفضل يعني معلومات اساسية فقط
2- الناس يلي منعرفهم من مدة ومنتشارك الأحاديث و منعرف معلومات كتير عن بعضنا بس ما فيها معلومات خاصة وحكينا لبعض عبارة عن أمور عادية شو اكلنا وين رحنا كيف عم يتصرفوا ولادنا وممكن نتشارك خبراتنا بمواضيع معينة و منطمن على بعض ومنتشارك اوقاتنا بالسراء والضراء وبقلهم رفقة وممكن يصير كتير مواقف حلوة بينكم بس ما يعتبر صاحب

3- الناس يلي ما منحبهم وبحبونا عنجد ومافي بيننا مجاملات و بيننا مواقف كتيير حلوة ووقفنا مع بعض بالضراء قبل السراء و لما بتحكيلها شي صار معك ما بتفكري اذا رح تنقل الحكي او تستعمله ضدك مع الوقت بالعكس بتفضفضيلها وانتي مرتاحة و متأكدة انها بتتمنالك الخير و اذا غلطتي رح تنصحك مو تجاملك وتوقف معك على الغلط هون لما تلاقي حدا فيه كل هالصفات بصير اسمه صديق او صاحب يلي شوي ورح نضيفه على دفتر العائلة وأكيد مافينا نكتشف كل هالصفات بوقت قصير غالبا الصديق لا يعتبر صديق قبل ما نكون منعرف بعض من مدة طويلة ومو ضروري يكون الصديق شخص غريب ممكن يكون أخ او ابن عم

وفي كمان أقربائنا بالدم يلي هنن العائلة منعرف عن بعض كتير اشياء بس ما منعرف المعلومات الخاصة عن بعض يعني ممكن اعرف بيت عمي شو عاملين و طابخين ورايحين و اخبارهم واذا جابو كنبة جديدة بس ما رح اعرف مثلا انهم مخططين يسافروا السنة الجاية سياحة وانا دريت قبل سفرهم بشهر بس صديقة بنت عمي بتعرف هالمعلومة من 6شهور من خططوا وبهالحالة بعتبر العائلة رفقة والجيران يلي كتير اخدين وجه عبعض رفقة

أغلب الناس المحيطة فينا هنن رفقة

بحب الرفقة الألكترونية وممكن يكسبوا ثقتي بسرعة وحتى ممكن احكيلهم سر خاص عني واستشيرهم بدون ما فكر مو لإنو قلبي ابيض وبثق بالناس بسرعة بس لأنن غرباء كتير بالزمان والمكان يعني مثلا لو قلتلكم شي خطير عني مارح فكر اذا رح تفشوا سر لأن حتى لو فشيتوه ما رح يأثر علي كوننا من بلدان مختلفة و اسماء وهمية

أنا للصراحة عندي 3 صديقات 2 منن بكونوا اخواتي
وصديقتي 3 هي أختي يلي ما ولدتها أمي صح في بيننا مسافات و سافرنا و بعدنا عن بعض بس كل فترة منحكي و منطمن على بعض و مافي بيننا اسرار ومنحكي مع بعض براحة

تنويه مهم / مو كلشي منتشاركو مع صحابنا او اصدقائنا في شي اسمو سر البيت ما بيطلع من البيت
حبيت الموضوع واسترسلت بالحكي كتيير
يعطيكي العافية وبتمنى شوف كتير مواضيع نقاش متل هيك

وشكراً ❤