مدونة راقية دائمًا أبهرٌ نفسي إنه الشيء الذي يجعل الحياة تستحق العيش❥ (1 زائر)

[هدى.]

في زمنا ذا سهل الأدعاء تلاحظ مكتسحين الساحة مدعين الثقافة ومدعين الدين ومدعين السعادة ومدعين الوعي
ومدعين السلام ومدعين الأنسانية ...الخ ويوم
تجي تبغى تشوف ثمار او افعال في الحياة او
في المجتمع ماتلاقي فراغ ما أسهل الكلام بدون افعال
...
​

 

[هدى.]

​

ابتداء من اليوم راح يتم منح العضو الي يجي يوم مولده هدية من المنتدى
نسولف عن يوم مولدك مو يوم تسجيلك بالتون لان يوم تسجيلك جاي تكسبون منه 100 نقطة جائزة
فلازم تعدلون التواريخ لمواليدكم للصح لو تريدون تكسبون الهدايا والدخول للقرعة
الهدية راح تكون بالقرعة وهي واحده من الخيارات التالية :

× لون خاص لشهر
× عضوية تون لشهر
× بطاقة تغيير اسم
× 200 تونه
× 20 نقاط جائزة
القرعة راح تكون عن طريق تطبيق Spin The Wheel App

القرعة والجوائز تستلمونها من خلال مراسلتي وفي حال غيابي يستلم الموضوع احد المؤسسين الموجودين بالتون

لا تحاول تتحايل بموضوع مواليدك وتاريخك لان هالشي راح يخسرك تونات ويكسبك مخالفة

الفكرة منسوبة للجلبة الساحبة سيلينا كوميز الي تعطي ربع فكره وتشرد بدون تطبيق
المهم تم تطبيقها وتحويرها بشكل ثاني من سكاي ​

حبيت الفكرة خطيرة من حسن الحظ اني مولودة باخر السنة وبلحق على الهدايا احب الهدايا ​

 

[هدى.]

هالفترة تذكرت جدتي الله يرحمها انا عادة احلم بالاموات واشوفهم واكلمهم بس لي
يمكن كم شهر ماشفت احلامي الخارقة

اخر مرة علمتني عن مكان دفنت فيه فلوس كثيرة
وعرفت المكان بس المشكلة مايمدي احفر فيه
لانو مبني عليه بيت هي ماكانت امرأة فقيرة
كانت غنية وتركت فلوس وتبرعنا فيها بأكثر من مكان
بس برضو قالت عن ذيك الفلوس اللي تحت الارض
وماسويت بذا الموضوع شيء للان

بس احيانا بيني وبين نفسي اطالع
في المكان واقول معقول صدق السالفة
بس انا فعليا اعرف ان احلامي موعادية
ودايم تدل على شيء

مدري ايش الهدف من التدوينة بس كذا فضفضة
هالحلم مايروح عن بالي دايم اتذكره هو والمكان واليوم بعد جاء ببالي مرة ثانية ​

 

[هدى.]

هالانمي جميل مهما تمر السنوات احبه والمانجا بعد مررة من اجمل الاشياء اللي صارت
بحياتي برجع اشوفه للمرة مدري كم
بس عظيم بالنسبة لي وفيه مشاعر جميلة​

 

[هدى.]

تو انهيت اللعبة )'؛ واحس وااااه كمية المشاعر
اللي حسيتها واخييييرا هاه

اللعبة كانت عظظظظظظيمة عظظظظظيمة بشكككككل
كان فيها ألم كبير اعتقد هالنوع من الالعاب ماينفع لي
لان كثير عشت المشاعر فيها بعمق ! بس كانت مختلفة

كان فيه مواقف أثرت فيني كثير مثلا

زواج ديكن وسارا وحضور صديقهم او بالاحرى
صديق ديكن محظوظ ببوزر هو هذا الصديق العظيم

يوم فقد بوزر صديق ديكن يده
واضطرت الطبيبة تقطعها كان موقف مؤلم
بس بعدين ديكن اعطى بوزر سبب للعيش وكان شيء
مرره رهيب هالموقف اعطاه كلب

يوم فقد ديكن سارا واعتقد انها ماتت والكل حوله
أكد على هالشيء بس هو كان حاس انها عايشة واتبع
احساسه ودورها وطلع فعلا صح
وقابلها وكانت الاجواء فراشات
حبيييت ذيك اللحظة

يوم سارا حاولت تصنع ترياق للمسوخ وطلبت
ديكن يجيب لها نسخة طفلة عشان تجربه عليها
وفشلت تجربتها وماتت الطفلة وهي حزنت كثير
وديكن قدر انسانيتها في ذاك الموقف كثير
كان مؤثر ذاك الموقف حزنت فيه

يوم مات ايرون مايك ): كان مشهد مؤلم كثير
وديكن حزن كثير بس هذاك الموقف كان بطولي
لان ديكن بعدها تحول لشخص اخر وطلع القائد
الصلب اللي بداخله كانت نقلة عظيمة

يوم اخر شيء مات قائد الجيش بالسم
كان شيء رهييب واظنه انجاز سارا
لانها حاولت تنقذ ديكن بس هو كان اكثر
شخصية نرجسية شفتها باللعبة كرييه

وكمان فرحت يوم ديكن قتل سكيزو الخاين
اللي غدر فيه ! متلاعب جبان يستاهل

موقف يوم كوري ذا قائد يشتغل
بالجيش عند ذاك القائد النرجسي
وعرف ان ديكن فقد زوجته ويوم
بعدين لقاها و انقبض على ديكن وحاول القائد
يقتله هو خان القائد وانقذ ديكن
كان عمل عظيم منه وخبره يساعد زوجته

اللعبة فيها مواقف كثير جميلة

النهاية كانت رهيبة وعم السلام
وفعلا الناس ماتقدر السلام الا لمن تجرب الحرب وتنهكها جد انبسطت وعشت
معاها مشاعر كثير انا معرف ليه ادخل مشاعري
بعمق في الشيء اللي العبه بس هي كذا

ديكن رجل عظظظظظيم بكل ماله من معنى في زمن
تطرف الذكورة انصنعت هاللعبة بس بيوم لو انسألت
مين رموز الرجال العظماء بعالم الالعاب
اللي كانوا بذيك الحقبة
وماستغلوا التطرف عشان مصلحتهم الخاصة راح اقول
ان هالشخصية منهم وسارا محظوظة فيه

لنتأمل ان يكون عندي حظ جيد زيها او افضل

معرف متى بتخطى هالمشاعر بس انا ممتنة
شكرا لكل اللي ابدعوا في اللعبة وشكرا لله
اللي خلاني اعيش هالتجربة معاها ​

 

[هدى.]

احس ابغى اشتري هالكورس مع اللي قلتهم قبل بس انا من قبل اشتريت مجموعة كورسات وحسيت تجمعت علي ومدريت ايش ألحق هو هالكورس يخليك تعرف هويتك المشاعرية
شوف المحتوى من بينهم هويتك المشاعرية

احس عندي فضول اعرف هويتي ولو اني اظن مشاعري
متلخبطة ماظن بتكون هويتي ايجابية غالبا بيكون عندي
خوف كثير وعار اعتقد هالخليط بيكون اعمق من غيره
لان تربيت عليها بس بصرف النظر ابغى ارضي فضولي
واجيبهم تهمني المشاعر كثير بس بيكون حلو اعرف
وين وصلت بتطوير المشاعر ووش الشعور اللي راح
ووش الشعور اللي محتاج تطوير او تنظيف

بس بنفس الوقت احتاج اقوي
جانب المال عندي لان حالته عندي متذبذبة احتاج اصنع
اساس قوي له مثلا، بخريطتي الفلكية بيت المال عندي

جوزاء وذا يجيب لي الفلوس بسرعة وبنفس

الوقت الجانب المظلم يخليها تطير بسرعة
فلازم اطور هالجانب عندي وابني اساس قوي له يثبته


وفيه امور ثانية مابتكلم عنها
لان احس ماني جاهزه لها حاليا

مين قال حياة البالغين سهلة على كل حال ؟
٢٠+٣٠ فيها الكثير من الكرف ​

 

[هدى.]

جماعة خل نتفق ان هوس النرجسي ذا صارت منتشرة ودايم
يسمون الشخص نرجسي على اي شيء واحس من كثر ماطلعوا
لنا ناس يحذرون بشدة من النرجسيين صارت فوبيا تحسبهم وحوش ضارية

واي احد عنده صفة او شيء من القائمة الموضوعة اللي قالها
شخصا ما على طول يقولون نرجسي يعني ترا النرجسي مايخوف هو شخص عنده اعتلالات يعني فيشوفك حشرة
اما يدعس عليك اويحاول يتلاعب فيك وكل ماتصلت بنفسك وحطيت حدودك مايجونك

النرجسيين لان يحبون الضعاف مشاعريا يعني اللي مايدافعون عن نفسهم او اللي يتلاعبون بمشاعرهم بكم كلمة يعني يايخوفونهم او يأنبونهم وكذا يعني، فخففوا من حدة الحرب عليهم يعني وحدة كانت مسميه نفسها ' محاربة النرجسيين ' مايستاهل كل ذا بس انتبهي لنفسك ومشاعرك
ومابيجيك ان شاء الله ​

 

[هدى.]

اللي صاير بلبنان كارثة موطبيعي كمية الطغيان اللي وصلوا لها الصهاينة المجانين الله يهون على فلسطين ولبنان وكل مكان ينزف​