دائمًا أبهرٌ نفسي إنه الشيء الذي يجعل الحياة تستحق العيش❥ (2 زائر)

[هدى.]

#نعمة_الافوكاتو
يمثلني رد البنت ذي على المسلسل
واووو يازوجها ثعبببببان اول مرة احس ان صدق
فيه ناس الفقر خيرلهم! يوم سألته لو صار معاك فلوس
كثير اكثر من اللي عندك وش تسوي بها طلع كل السواد
اللي بقلبه على العالم ووش يخطط ووش يسوي كمية الشر!!!

وهي نعمة قالت هنا انا ' خوفت منك ' !
ومع الحلقات بتغلط اكثر شكلها وبيطلع الوحش اللي داخله


اخخ احس تعاطفت معاها )؛ انا جربت الاستغلال صراحة
في حياتي وخاصة من الذكور بس ماكان المادي
صار معي اللي الأكبر منه وكان شيء بشع والحمدلله

المهم ترا القصة اعمق من كذا يعني يمكن تشوفونها ظالم ومظلوم بس لا هو بالنسبة لطبيعة الرجل مايحب يظهر بمظهر الفاشل او القليل وهو ارتباطه بذي المحامية كان محسسه
بالنقص والكل يشوفه بنظرة زوج المحامية الخطيرة
وهي اللي صنعته وهو ولاشيء
طبعا بالنسبة لرجل بيطلع انيابه
مابيقبل وهي كانت مغفلة كانت ماخذه دور الذكورة
وتحاول ترعاه مع انها هي اللي تحتاج للرعاية كأنثى

الرجل هو اللي يرعى هو اللي يقدم كيف تقلبين الادوار
وترعينه وتعطينه وتخلينه يستقبل منك
اكبر مصيبة ولخبطة في الحياة
يعني حرفيا المساعدة مو كذا

المرأة هي اللي تستقبل العطاء والرعاية
المفترض القصة الطبيعية كذا بس تعرفون
انها الحياة وتشوف فيها عجايب


والملفت في القصة انه زوجها عرف وحدها عليها
بس شخصيتها مو نفس شخصية نعمة الطبيعي
برضوبيدور وحده يرعاها ويمارس ذكورته معاها
صح انه حقير وخاين بس للاسف هذي النظرة الطبيعية
من رجل

ونرجع نلف وندور ونقول هذي ازمة اللخبطة بين طاقة
الأنوثة والذكورة

لكن انا جدا تعاطفت مع نعمة تعرفون عاد بالمنظور البسيط
لمن الانثى تحب تحاول تساعد اللي تحبه
بس نعمة جابت العيد بزيادة لمن تعطين رجل فلوس بدون اي مناسبات على الرايح والجاي انتي تدمرينه ماتساعدينه


طبعا كلامي ذا للحالات الطبيعية اما لو وحدة زوجها مريض او شيء الوضع صعب ومعقد مايشملها تسنده في ازمته
لين يعديها يعني اكيد ذا شيء معروف عشان ماحد يفهم غلط ​

 

[هدى.]

ياقلبي لطيفة شكرا لنواياها الطيبة
رغم ان جابوا علينا كلام سلبي كثير وبالغوا
بالدراما بس مردود عليهم ​

 

[هدى.]

تعرفون ذا الشعور اللي يجيكم بدون سبب ؟
عندي واحد وصراحة كان من زمان موجود بس كنت اطنش
بس هالفترة حاضر كثير، احسني بسافر من هنا
لدولة مختلفة بس مدري ايش الطاري وليش واين وكيف

عاد ولامرة قد سافرت في حياتي برا
وماكنت احس عندي شغف السفر يعني
ماكان مهم هالموضوع كثير عندي بس معرف
ايش مكتوب في الحياة رغم انه كثير فارق
السفر لي كبنت لان اللي حولي باقي متورطين
بقصة ان النساء عار وكذا

ايايكن اشتغلت كثير على شعور العار
انا موعار واللي يشوفني عار مشكلته

شعور العار كثير منخفض بسلم المشاعر
العيش فيه كابوس اسود بس كثير خطير
لوعشت مع شخص يحمل هالشعور
وخالفت كلامه راح يقتلك او
يحاول يطمسك عن العالم لانه متفشل منك !

وطبعا بيحاول يسوي انه شخص فاضل
ونبيل برضو الاشرار دايم يدعون انهم
اصحاب فضيلة عشان يكملون في الحياة.

​

 

[هدى.]

احنا جينا لهذي الحياة عشان كل فرد فينا يعيش
قصة معينة نعبد الله ونعمر الارض
ولمن تنتهي هذي القصة او يخلص دورنا
بنموت فكرة مرعبة جدا قصة الفناء بالنسبة لعقلنا
المحدود بس يمكن لازم نبطل نشوف كل شيء بعقلنا
وكل ماقتربت من نفسك واتصلت بقلبك ادركت ان
لابأس ان يفنى جسدك المادي احنا اكبر منه
كانوا مجموعة اشخاص خائفين
يخوفونا من الموت كأنهم ماتوا ورجعوا للحياة
عشان يرون لنا القصة، محد يملك الحقيقة بس فيه
مجموعة اشخاص ضآلين يوهومنا انهم يعرفونها
وهم بشر زينا حافظ على شعورك الجيد وعلى صفاء قلبك
اتصل بروحك وخفف من احكام عقلك المحدود على
الحياة اللامحدودة وبترتاح في حياتك

,(شعور الخوف موصوف في هذي العبارات),

تذكر ياصديقي ان الانسان يتحدث معك بحسب مايشعر
وربما يكون مضطرب نفسيا لكن ربما يمتهن مهنة شيخ صالح
وان سلمته عقلك وصدقت كل مايقول فأنت الملام لا احد آخر!

لاتنسى ان تشكك في البشر من الحين للاخر ​

 

[هدى.]

تقييمات :,​

@Rin Matsuoka
قريت مرة معلومة و الحقيقة صدقتها و تقول انه الانسان دايما يجذب اشخاص يمثلون افكاره يعني بحس انت لما تلحقي للعمر اللي فعلا تشوفين نفسك جاهزة للزواج فعلا بتجذبي رجال اكثر من الحين حتى ، و برضو ان كل شيء خلقناه بقدر فاا اتركيها على الله​

يب اكييد بس تعرفين انا احب اقول افكاري واحاسيسي بصوت عالي ​

@Y A F A
الله يرزقك احلى سيارة ​

آمين تسلمين على دعوتك الحلوة

ابغى اشتريلي سيارة ويكون لونها شبيه بهذي ​

 

[هدى.]

قبل شويا طلعلي حساب بنت سعودية هاربة بأكس
ولاحظت شيء وذا هو محور كلامي كمية الغضب والألم
اللي فيها ورغم انه طلعت الا ان للان تحارب
الاهل وكل ماتسبب بآلمها جالسة تكتبها وكل يوم
تتبع اخبار البلد والشعب وتسبهم
وتقول اصلا انا سعيدة ومرتاحة بأكثر من تغريدة
افضل منكم،
وهنا تعرف ان القرار كان غلط فعلا وماتخطت
ويارب انها ماتدمر نفسها

تعرفون فيه مقولة بعلم النفس تقول

' ماتحاول اثباته انت لاتستحقه '
اذا دايم تحاول تثبت شيء بأستماته للعالم
طوال الوقت غالبا انت ماتعيشه بس انت تحاول يعني
لعل وعسى بيوم تعيشه .

يعني اعطيكم مثال على نفسي انا
كنت دايم اتحسس من نقد الناس لي والى الان

وكنت ادعي العكس ولمن احد ينقدني
اسوي الحركة المضادة انا اصلا ماهتم لكلام الناس
كلام الناس ولاشيء انا اكبر منه وكنت اكتب تدوينات
والقاب في التون وتويتر سابقا وكم انا منفتحة
ومتقبلة للاراء واختلافها واني واثقة
بنفسي وماتهزني ارائكم وكل ماحد شكك فيني
وقال احس تحسستي ؟ اثبت بكل قوتي العكس
فهمتوا ؟كذا قصدي في المقولة


ايايكن اللي يبغى يهرب يهرب اللي بيجلس يجلس
كل واحد يسوي راحته واكيد كل انسان حر بخياراته
وكل انسان له قصته وتجاربه انا بس اشرح الوضع
عشان محد يتحمس ويحس الهاربين رهيبين
ويسوي زيهم

الهاربين
هم بالأصل في الصورة الكبيرة هاربين من نفسهم
ومع الوقت والتجارب بيكتشفون هالشيء

بس فعليا انت لمن تكون ببيئة سببتلك آلم معين
مهما هربت منهم مابتتشافى من آلمك
لان الهدف من الألم اللي عشته تتعلم شيء ما مو تهرب منه
واللي يتعلم من آلمه مابيكون غاضب وساخط وطوال الوقت
يتكلم عن جروحه، خلاص قصة صعبة مريت
فيها وعدت مومضطرة اذكرها بكل مجلس واقول تخطيت!
لا انت ماتخطيت موهوم بس،
بقولكم نموذج من الجروح اللي ماتخطت
تعرفون لمن اثنين يتطلقون بعد مشاكل وحياة صعبة
وبكل مجلس
المرأة اووالرجل يتكلمون عن سوايا فلان
ووش احط ووش سوا لي من ألم ؟
واصلا فكه منه تطلقت ومرتاح واخيرا
وفيه منهم يتزوجون حتى
بس لازم نفس السالفة تنعاد ويسولفون باللي صار
واحيان يضحكون ويقولك ماضي
وكذا وشركائهم مصدقين، بس لا
ترا ذي ورطة المفروض تخطيت لاتذكره بالخير ولا الشر
وتكمل بزواجتك الجديدة هذي علامة أمان

انشغالك بسالفة آلمك في الماضي
وانت بادي حياة جديدة علامة على
انه مازال موجود .

عموما
انت انخلقت بمكان وانت مهيء لمواجهة
مشاكله يعني طاقتك تناسب المكان وللاسف
انت لمن تكون مع مجموعة تصفهم بوصف
التخلف او شيء كذا فأنت جزء منهم
وشكلت معهم نسيج التخلف او الوصف اللي تدعيه
عشان كذا انت معاهم انت مو افضل منهم
لو افضل منهم مابتعيش معاهم حقيقة موجعة

بس صعب نوجه التهم لأنفسنا وسهل نلقي اللوم
على غيرنا

احيانا الهروب لمكان ثاني بشعور
بسيء اختبار قاسي يسببلك
صدمات وازمات نفسية زيادة لانك
موقادر تتحمله انت متعود على مكانك
الأول، دايم دايم انصح الناس انها ماتسافر او تهاجر
الا وهي مستعدة نفسيا وطاقتها اعلى وتصالحت
مع مكانها اللي تعيش فيه على الاقل بتطلع
بشعور افضل


اتمنى لكل الاشخاص الهاربين السلام وراحة البال
يارب يدركون نفسهم بدري ويعالجون
آلمهم ويعيشون بعدها زي مايحبون

تنويه الناس اللي عندها حروب
وظروف قاهرة ماتكلم عنكم
لحد يتحسس ربي يفرج عن الجميع
​

 

[هدى.]

خلونا من فلسفتي المشاعرية، تدرون من بعد مافتحت السناب جتني اضافات حلوة وسويت فلاتر صور حسيت ان عندي ابداع
بهالجانب وجابت مشاهدات فوق العشر الآف احسني مبسوطة
ان الناس يستخدمونها ويستفيدون منها بتصويرهم
ماتوقعت عالم السناب حلو وممتع كذا تجربة جميلة مبسوطة
اني اكتشفتها ​

 

[هدى.]

سيكونُ في أُمتي اختلافٌ وفرقةٌ، قومٌ يُحسنون القيلَ ويُسيئونَ الفعلَ، يقرأونَ القرآنَ لا يجاوزُ تراقِيهم، يمرُقون من الدينِ مروقَ السهمِ منَ الرَّميَّةِ، لا يرجعونَ حتى يرتدَّ على فُوقِهِ، هم شرُّ الخلقِ والخليقةِ، طوبى لمنْ قتلهمْ وقتلوهُ، يدعونَ إلى كتابِ اللهِ وليسوا منه في شيءٍ، مَن قاتلهمْ كان أولى باللهِ منهمْ . قالوا : يارسولَ اللهِ، ما سيماهُم ؟ قال : التحليقُ
الراوي : أبو سعيد الخدري | المحدث : الألباني | المصدر : صحيح أبي داود
الصفحة أو الرقم: 4765 | خلاصة حكم المحدث : صحيح

-
لحظة ادراك ان صرنا في ذا الزمن اللي بالحديث
النفااااق
​

 

[هدى.]

اليوم بثيت بث خطييييييير حرفيا
لعبت فورتنايت طور ليجو اقسم بالله فنننن
صح مو بالبداية لعبت بس بعدين لعبته

Twitch

Twitch is the world's leading video platform and community for gamers.

www.twitch.tv

فظظظظظيع الطور ماتوقعت استمتع فيه اكثر من الباتال رويال
لاحظت استمتع بالجو اللطيف ذا عاد لولا ان كان فيه
تحديث الساعة ١١ كان ماطفيت جلست٤ ساعات وعليها

وعاد اكشن صار نزل مطر والنت كان يستهبل بس مكملة ولاعلي من احد ههههههههههههههههههه
بس جديا المطر كان بدون صواعق والله لو يجي زي مطرنا
الاعتيادي اروح اندس الصواعق تخوف هنا
بس كان لطيف

المهم اذا انت تحب فورتنايت جرب طور الليجو بططططل بططططل
بشككككل ويستاهل التجربة

اكثر شيء ضحكني واحد قال واضح من النت
انك من الجنوب ياربي ههههههههههههه
نت العالم الموازي بس شيء احسن من لاشيء

على قد ماكنت متضايقة بعد التدوينة اللي فوق واللي شفتو بتويتر الا ان بث اليوم روقققني كان طبطبة
شكرا لله ولاصدقائي التوتشيين الرهيبين ​

 

[هدى.]

بين الحين والآخر اسأل نفسك هل انت تعيش الحياة اللي تبغاها من كل قلبك فعلا ولا جالس تعيش الحياة كردة فعل على الألم اللي حصل لك ؟

راح يختصرلك الجواب كثثثثثير اشياء وبتعدل امور كثثثثير بوعيك فيها

سألت نفسي في وقت ما وكان الجواب اني اعيش حياتي كردة فعل على كل اللي حصلي مؤسف حسيت بالاحباط وقتها

لكن الحمدلله على نعمة الادراك دايم بعد الادراك فيه فرصة، عالج جروحك وآلمك اللي يخليك تعيش حياتك كردة فعل لان طالما وصلت لهذي المرحلة معناها آلمك كبير ​