الختم الذهبي الفراولة | Strawberries (3 زائر)

[S a n d r a]

​

​

13/4/2014 ~ ​

-


هاي كيفكن ؟ شو أخباركن ؟ ان شاء الله طيبين ؟
اهم شي تكونوا مناح ما بنعيش بلاكن لإنه

المهم جاييتكن اليوم بموضوع خطير تعبت نفسيا و انا عم صمم
الطقم تبعه بتمنى انكن تمدحوه منيح حتى لو مجاملة

زيما شايفين الموضوع عن الفراولة ( الفريز )
رح نتطرق لمواضيع بسيطة ما حنطول كتير ~

-


الفهرس :

- عن الفراولة
- طريقة عمل مربى الفراولة



-

و يلا خلونا نبدا ! ~

​

 

[S a n d r a]

-
خلونا نبلش بمعلومات عامة و علمية شوي عن الفراولة ~

أولًا : الفراولة بشكل عام

-
شجيرة الفراولة هي شجيرة معمرة , و معنى معمرة : يعني نبتة بتعيش أكثر من عامين .
و ثمرة الفراولة هي ثمرة بتتلون أثناء عملية نضجها , يعني بنلاحظ انها بتكون باللون الأخضر بالأول
بعدين بصير لونها أبيض بعدين وردي فاتح و آخر شي بيبلش الأحمر يغزو الثمرة شوي شوي حتى تستوي بالكامل .

برضه الفراولة هي فاكهة صيفية و بيختلف موسمها بناء على الصنف و المنطقة .
و لكن المتعارف عليه بان موسمها بيبدا من أواسط فصل الربيع في شهر أيار حتى أواخر أيلول أي سبتمبر .

-

ثانيًا : فوائد الفراولة

-

للفراولة فوائد عديدة منها :
-

1- زيادة قوة الجهاز المناعي

-
الفراولة بتحتوي على كميات عالية من فيتامين ج , و هالفيتامين قادر على تعزيز و تقوية الجهاز المناعي
كما إنه بيزيد من قدرة الجهاز الهضمي على امتصاص الحديد و هالشي بيحد أكثر من فقر الدم اللي بينتج عن نقص الحديد .
-


2- دعم عمل الجهاز الهضمي

-
الفوسفور اللي بيتواجد في الفراولة بيساهم بشكل كبير في تحسين عملية الهضم، كما أنه بمد الجسم بالطاقة.
-


3 -تنظيم مستويات السكر في الدم

-
من أبرز فوائد الفراولة أنها ممكن تساهم في تنظيم مستويات السكر في الجسم، و هاد بيرجع لاحتوائها على الألياف الغذائية اللي بتساهم في الحد من الشعور بالجوع، وبالتالي تناول كميات طعام أقل، وهذا ما يُساهم في تنظيم السكر في الدم.
-

- هيك بيحكوا -

-

4 -تعزيز صحة القلب والأوعية الدموية

-

من فوائد الفراولة تعزيز وتحسين صحة القلب والشرايين عمومًا، و هاد الشي غالبا بيعود لاحتواء الفراولة على الآتي :

# لألياف اللي قد تساعد على خفض مستويات الكولسترول السيئ في الجسم.

# البوتاسيوم و اللي بيعمل على تعزيز صحة الأوعية الدموية , بمنع ارتفاع ضغط الدم .

# نسب معتدلة من حمض الفوليك.
[ حمض الفوليك : هو فيتامين بيتواجد عادة في الأطعمة كبعض البقوليات و الخضار الورقية
و بعض الفواكه منها الفراولة و من فوائد هذا الحمض : الوقاية من أمراض القلب
و يساهم في إنتاج بروتينات معينة ]

# تحتوي على مضادات الأكسدة .



--


سيبكم من كل هاد ,أهم شي انه الفراولة زاكية و مرتبة الحمد لله ما عند حساسية منها , و آسفة لأي حد عنده حساسية منها
لأنه أحسن شي ممكن نعمله وقت الرواق ناكل الفراولة طازة , نغسلها و نمسك الصحن الكبير المليان فراولة
و نقعد ناكل فيه لحتى نرضى
بحب الفراولة لذيذة و نكهتها فريدة خصيصا لما تكون مستوية عالآخر و حلاوتها عالية


و نروح عالفقرة الأحلى

بداية أعزائي حبايبي بهالفقرة بتركزوا معي كتير منيح ها
أو بتروحوا تشوفوا فيديو الشيف عمر بحطلكن رابط الفيديو آخر الفقرة

المهم , بداية ناخد نفس , أيوا هيك تؤبروني ان شاء الله
و بعدين بتروحوا سوء الخضرة ( سوق الخضرة ) بتجيبولكن شي كيلو ولا كيلتين فريز ازا حابين تكتروا
او في حال ها حابين تعملوا تجربة بس , بتجيبولكن شي نص كيلو او تلت ترباعه .

بالنسبة للمربى , ما كتير بيفرق ازا الفريز كتير مستوي او نازع لأنه احنا بنقدر نلعب
على جانب السكر من طرفنا , بس ازا كتير مهتمين خلوني خبركن بالآتي ..

لما يكون الفريز كتير مستوي او نازع طبعا ما يكون مفعس و كتير مضروب
يعني شي و منو , المهم ارجعو ركزوا معي ، لما يكون الفريز مستوي كتير بكون سكره كتير فمن طرفنا منقلل سكر
أما ازا جبتوه عادي مانو نازع او كتير كتير مستوي يعني الفريز لسا على طلعتو و فيو حموضة
بنقدر نضبط الوضع من طرفنا .. يعني الخلاصة لا تركزوا كتير على موضوع السِّوا المهم
تكون الفراولة منيحة و فيا سكر منيح و لونا أحمر مو أخضر ولا وردي .. هيني خبرتكن .

و هلأ تعو ...

بعد ما يا تؤبروني بتجيبوا هالفريز بتفرشولنا اياه ئصدي بتحطوه بجاط كبير و بتغسلوه منيح

و بعدين بتشيلولنا هالورقات الخضر و بتكبوهن بالزبالة ( شوفو التفصيل )
و بعدين بنجيب السكر , هلأ بالنسبة للسكر بدنا نتفاهم انا و اياكن ..
ازا جبتوا كيلتين فريز بتضيفوا عليهن كيلو او تلترباع الكيلو سكر
طبعا بعد ما تفحصولي هالحبات ازا حلاوتن منيحة او لا يعني بحاجة لكتير سكر او لا
فإزا شفتوهن كتير حلوين فيكن تقللوا سكر اما ازا لسا فيهن حموضة بتحطوا زيما قلتلكن
كل كيلتين فريز بيقابلهن كيلو سكر او اقل بشوي .
قسمتوهن النص بتقللوا سكر النص , يعني نسبة و تناسب لا تخلونا نفوت بالرياضيات .

بس دخيلكن تركزوا عالسكر عشان ازا طلع المربى كتير كتير حلو بتنزعوه ها بس يعني لازم يضلوا مربى
عشان هيك السكر مهم , فااا خليكن منتبهين انه السكر يكون منيح لطعمة المربى
ما يكون سكره قليل او يكون قطر برو ماكس , فهمتوني ؟ اتمنى .. ( ماني متطمنة )

طيب , هلأ كيف بدنا نضيف السكر ؟
بنجيب القدر اللي بدنا نعمل فيو المربى و بنحط فيو مجموعة من الفريز
و بعدين بنحط عليه كمشة سكر , و مرة تانية منحط كمان طبقة فريز و عليهن كمشة سكر و هكزا

هلأ بعد ما بنحط عليهن السكر قدامنا خيارين , يا إما :
1- بنحطن على نار هادئة .
2- بنترك الفريزات لحد ما يطلعوا ميتهن مع السكر .

بس الأفضل نحطن على نار هادية ,
أصلًا أصلًا حتى بعد ما نتركن يطلعوا مياتهن على بعض آخرتنا نحطن عالغاز
فليه ما نحطن من الأول ؟
المهم زيما حكينا بنجيبن و بنحطن على الغاز لحد ما تطلع المي و تختلط بالسكر
و تغلي معنا هالخلطة هي و يصيروا مع بعض كثيفين زي القطر ...
هلأ بالنسبة للوقت تقريبا ممكن تقعد معنا شي ساعة و اكتر كمان حسب قوة النار تبعكن
لانه بدنا نوصل لقوام معين نحنا ... و هلأ في ملاحظة حكاها الشيف عمر
انه موضوع النار الهادية او القوية بيرجعلكم انتو لانه اهم شي يختلط السكر بالفريز
و تطلع ميتهم و يدوبوا مع بعض و نوصل للقوام اللي نحنا بدنا اياه

و اتركوهن على راحتهن لا تغطو عليهن ولا تضلوا تحركوا فيهن , هنه بيشتغلوا ببعض .
المهم .. هلا حنلاحظ بس تبدا تغلي معنا الخلطة هي انه رح تصير تطلع معنا رغوة
هالرغوة بنشيلها بمعلقة و بنحطها بصحن ما الها فايدة و هي زيما نحكي زفرة
متل زفرة الخضر و اللحمة بنشيلها .

هلأ بالنسبة للقوام , لازم يكون تقيل , كيف قوام الكراميل ؟
شبهه , و بنصحكن صراحة تسحبوا علي و تروحوا للفيد تبع الشيف بتستفيدوا اكتر

هلأ لما نوصل للقوام تبعنا بنوطي للغاز أكتر او بننقل الطنجرة على عين صغيرة
و بنضيف على الخليط راس المعلقة ملح الليمون .
و بنحرك الخليط بناخد من الاطراف لجوا عشان يتخلط الفريز
و بعدين بنتركهن يغلو غلوة غلوتين و بعدين بنطفي النار .
و بعدين بناخد الطنجرة على جنب بنترك الخليط يبرد شوي .
و صحة و عافية صار عندكن مربى فريز


الفيد :

 

[S a n d r a]

و هيك بنكون وصلنا لنهاية الموضوع تبعنا ! ~
بتمنى انه عجبكن و انه كان مفيد و لطيف بالنسبة لإلكن ، هاد أول موضوع لإلي بعد العودة للإشراف بتمنى إنه قدراتي لسا نفسها و ما تراجعت

المهم كانت معكن ساندرا حامية حِمى البشرية


دمتم في أمان الله ~


​

 

[S a n d r a]

و أخيرًا تم ​

 

[أجنحَة الحريّة]

شكرًا لك سلوشاتي ~
15/4/2024 - Sandra

-​

هلا والله برجعة ماشا، والله ما ذكرتيني إلا فيها وهي بتطبخ
من الحلقة هديك ع قد ما شفتها ما عاد اشتهيت المربى واكتفيت منه
لان الماما الله يخليها عملت فينا نفس الحركة، انا اعشق الفراولة
ونجيبها ألاقيها يلا ع المربى، سبحان الله الفريز ما احبه إلا اكل مثلما هو
وبالأخص اذا كان فيه حموضة وحلاااووة اخ اشتهيييت
لا بشربه عصير ولا باخذ بسكويت نكهاته ولا بطبخه، حلاوة مذاقه بطبيعته وانت تتأمل الحبات اللي فيه وتقول سبحان الخالق!
ما كنت بعرف انه له كل هالقد فوائد! معلومات افدتينا فيها والله
حسيت الشيف عمر هو اللي بيشرحلنا، عرفتي تقلدي اسلوبه ومصطلحاته برافو عليكي والله ❤
ما توقعت انك بتتابعيه، اختيارك رائع واثرك بالموضوع سحري جداً ما شاءلله
اسلوبك الممتع اللي جذبني وعلمني مساواتها! امي رح تدعيلك انشريلنا لأتعلم اكثر منك
الصور ووالرسومات، تصميمك كتير ممتع وحسسننس بمتعة مدهشة والله!
غير عن كل مواضيع التون دائماً ساندرا مميزة بإسلوبها
الطقم اعطيكي عليه عشرة من عشرة، لطيييف جداً يدخل القلب والله

يعطيكي الف عافية يا قمر وما ننحرم من إبداعاتك ​

 

[s h a d օ w]

شكرًا لك شادو ~
15/4/2024 - Sandra

-​

السلام عليكم و رحمة الله و بركاته
كيفك اختي آمبر ان شاء الله تكوني بخير و امورك تمام
يعطيك العافية على الموضوع اللطيف اول شيء حبيت هيدر الفروالة
تسلمي على توفير كل هالمعلومات فعلا الفراولة الها فايدة كبيرة و غنية
بفيتامين سي و الالياف و لذيذة بنفس الوقت مع انو الفراولة الي عندنا بالجزائر
كلها حامضة خلتني اكرهها ما اعرف من وين يجيبوها

المربى ما عجبتني فكرته اضافة السكر رح يقضي على كل الفوائد لكن معلش
اذا كان الهدف من تناول الفراولة هو التحلية و المتعة فقط مو لفوائدها >> النوتيلا افضل من الفراولة صدقني
حبيت شرحك لطريقة اعداد المربى مفصل و واضح و حتى بالفيديو
نورت القسم بكل هذا الابداع لا تحرمينا من هيك مواضيع و على طلتك المميزة
في امان الله

 

[YAFA]

شكرًا لك فاتِي ~
15/4/2024 - Sandra

-
السلام عليكم ورحمة الله
كيف الحال آمبر النسخة المحدّثة
الهيدر فعلاً لطيف مش مجاملة اطمني كلشي ولا نفسيتك
ذكرني بالكرتون اللي كنت اشوفه ع سبيس تون هذيك البنت اللي كلها فراولة ولابسة طاقية فراولة نسيت اسمها
الفراولة من الفواكه المفضلة عندي حتى اني في محاولات لاقناع امي بإننا نزرع كوّار صغير ولو ما يطلع الا حبة بالسنة بس الريحة ولا العدم ، ازكى بتكون وهي مستوية وفيها طعم حلاوة
بس متأكدة انها صيفية مش شتوية؟
ما بنبدا نسمع فيها الا بشهر ١١ او ١٠​

- هيك بيحكوا -​

وبحكوا انها كويسة للبشرة لان فيها تبع الاكسدة هذاك
صح اني بحبها بس ما بحب طعمتها بأي اشي الا أكل طبيعي
مش بس ما بحبه يعني ابدا ما بحبه فهمتي كيف
لا عصير ولا مع زبادي ولا ايسكريم ولا اشي
هيك هي والموز ما بحبهم الا لحالهم
^ كأنها علاقة حب توكسيك
بس باكل مربى التوت لما يكون في حشوة المبروشة
هاي هي هنا ومش دايماً برضو
المهم انها ك فاكهة لحالها زاكية وبنت عالم وناس
يعطيك العافية عالموضوع الكتكوت هذا
وننتظر نشوف لك تصاميم ومواضيع ثانية
في امان الله ​

 

[Flora~✿]

s h a ɗ o w
15-04-2024​

أهلين ساندرا تشان
كيف حالكِ ؟ يارب تكوني بخير

فراولة ياي كم أحبها برغم من طعمها الحامض ولكن يوما ما اكيد سوف اجد فراولة حلوة وكثيرة وكبيرة وااااو ياهوووووووووووووو

خليني ابدا اول مع تصميم الموضوع يختي ايش الحلاوة هذي بيجنن من دون مجاملة ناعم كتير و مناسب مرة للموضوع و ألوانه جميلة و حركة الفراولة بالطقم كتير حبيتها



ندخل على الموضوع
الفراولة برغم كثرة انواعها ولكن توفرها يكون بموسم الشتاء يعني يعتبر فترة الشتاء عندها او الربيع مع تحسن الأجواء تصير كثيرة بسوق الخضار و رخيصة لكن للاسف كما أخبرتك سابقا لا تتوفر إلى المصرية الحامضة
الى جربتها وكانت حلوة سعرها كان شوي غالي وقليلة يمكن ٧ حبات يعني بعددنا كل واحد حبة وخلصت

نروح لفؤاد الفراولة

الفراولة حقًا مليئة بالفوائد الصحية و الجمالية زي عليها

. تحارب السرطان لاحتوائها على فيتامين سي

و مضادات اكسدة

تساعد على تبيض الأسنان و تقوية اللثة

. تنظم ضغط الدم وتساعد على الحفاظ

على صحة الدم مقاومة التجاعيد وتحسين صحة البشرة

. لاحتوائها على فيتامين سي والكولاجين

. الحماية من الإصابة بالتهاب المفاصل

نروح لطريقة عمل المربى اللذيذة

الشرح واضح عزيزتي ومفهوم وراح اشوف الفديو كمان يعطيك العافية يارب على الخطوات المرتبة وشرحكِ و نصائحكِ

بس تعالي هون ليه نضيف ملح الليمون ؟!
​

و بنضيف على الخليط راس المعلقة ملح الليمون .
و بنحرك الخليط بناخد من الاطراف لجوا عشان يتخلط الفريز​

ايش الفايدة من اضافته ؟ هل يوازي الطعم ؟ ولا القوام ؟

تقريبًا كنت بعمل المربيات بنفس الطريقة لكن ماكنت اضع طبقات من السكر مع الفراولة او الفاكهة اللي بعملها مربى بحكم اني اريدها بسكر وحلى أقل ماتكون مليانه سكر يكون الحلاوة معقولة
وجربت اضيف العسل مع المربى على اساس احصل على فائدة اكثر من السكر بس هو اساسي بالبداية عشان عملية نضج المربى والحصول على القوام المطلوب بس كنت اضيف ملعقة طعام كبيرة سكر وبس

تجربة عمل المربى بالبيت جدًا جميلة وممتعة جربت عمل مربى التفاح من الفواكة اللي بحبها كمان أصلًا بحب كل أنواع الفواكة

وجربت مع مربى التفاح اضافة بعض السينامون او الدارسين يعطيها طعم دافئ ولذيذ و غالبا نصنعها من أجل صنع فطائر التفاح لهذا إضافةً الدارسين و بعض الجوز للحشوة

شو كمان ايوه جربت عمل مربى الكمثرى واتمنى مستقبلا عمل مربى المشمش بحبها و للاسف مافي انواع من دون سكر يعني بيكون سكر الفاكهة بس من دون إضافةً سكر زيادة

ببالي كمان تجربة مربى البرتقال بحب طعمها الحامض والحلو و بيكون عملها اتوقع اسهل من مربى الاناناس بس أتوقع الطرية هون يمكن تختلف مابعرف الموضوع يحتاج بحث

المربى احب تناولها بالصباح مع وجبة الفطور بجانب زبدة اللوز
احب اضافة شيء حلو بفطوري اذا ما كان هيا يكون مربى

تذكرت الان ماما زمان كانت بتعمل مربى التوت مو هذا التوت لا التوت الأسود الشامي وتخيلي لما كنا بنسافر لمنطقة المصيف عندنا وننزل بمزرعة صاحب المزرعة يسمح لنا نأخذ من التوت فكنا نفرح كتير ونعمل فيها مربى متخيله معي ما كان في اطيب منها مربى التوت بالسوق مو مرة تعجبني بس هذي كانت طيبة كتير وكنت بحبها جدًا

كانت ايام في إجازتنا الصيفية ايام الطفولة..


الموضوع فعلًا عجبني وكان لطيف و مفيد لا تحرمينا من جديد مواضيعكِ الجميلة

كل التوفيق لكِ و دمتِ بود
​

 

[whitney]

s h a ɗ o w
15-04-2024
السلام عليكم ورحمة الله وبركاتة
هلا ساندرا الغالية ​

هاي كيفكن​

مناح و مشتاقيين لك ​

شو أخباركن​

اخر اخباري اني جايه ازورك بموضوعك الجميل و ارد عليه رغم اني ما احب كوني نشيطة تعبببب ​

اهم شي تكونوا مناح ما بنعيش بلاكن لإنه ​

مناح طبعاً حد بكون عنده ساندرا الرهيبة الي تبدع ابداع رهيب و ما بكون منيح
​

المهم جاييتكن اليوم بموضوع خطير تعبت نفسيا و انا عم صمم​

لما اقلك النشاط تعب صدقيني يبقى
المهم يعطيك الف الف عافية ​

زيما شايفين الموضوع عن الفراولة ( الفريز )​

اطيب فاكهه عندي شكله الموضوع بجنن من بدايته ما دامه عن الفراولة ​

شجيرة الفراولة هي شجيرة معمرة , و معنى معمرة : يعني نبتة بتعيش أكثر من عامين . ​

ما كنت اعرف ذي المعلومة من قبل
انا بس اعرف اروح اشتريها و اكلها بعدها
بس منيح أنها بتعيش كثير ما احب النباتات الي تموت بسرعة ​

برضه الفراولة هي فاكهة صيفية و بيختلف موسمها بناء على الصنف و المنطقة ​

اطيب شي بتكون بالصيف حصرااا عشان تبورد القلب بالعصير أو بالايس كريم و حتى بدون عصير طيبة بعدد

الصورة كتير حلوة جدا و بتشهي ع اكل الفراولة و تصميمك لها عاطيها فخامة أكثر ​

ثانيًا : فوائد الفراولة​

و طلع لها فوائد بعد
صرت احبها أكثر تدري صرتي سبب بفتح شهيتنا ع الأكل ​

- زيادة قوة الجهاز ​

هي أهم فاىدة بعد ما صار في كورونا بهل زمن صارت المناعة ضرورية ​

- دعم عمل الجهاز الهضمي

-
الفوسفور اللي بيتواجد في الفراولة بيساهم بشكل كبير في تحسين عملية الهضم، كما أنه بمد الجسم بالطاقة ​

حلو طلع فيها فوائد أكثر مما كنت اتوقع
خاصة انها تمد بالطاقة تفيد الكسلانين متلي الي ما يحبوا ينشطوا ​

-تنظيم مستويات السكر في الدم

-
من أبرز فوائد الفراولة أنها ممكن تساهم في تنظيم مستويات السكر في الجسم، و هاد بيرجع لاحتوائها على الألياف الغذائية اللي بتساهم في الحد من الشعور بالجوع، وبالتالي تناول كميات طعام أقل، وهذا ما يُساهم في تنظيم السكر في ​

هي الفائدة تفيد كبار السن الي معهم مرض السكري و الضغط يقدروا ياكلوا فراولة براحتهم عشانها تفيدهم ​

سيبكم من كل هاد ,أهم شي انه الفراولة زاكية و مرتبة الحمد لله ما عند حساسية منها​

اتفق اطيب فاكهه صيفية تستحق تكون ملكة الفواكه الصيفية بعد
+ بالنسبة لموضوع الحساسية عندي حساسية من البطيخ مش من الفراولة بس الحمد لله ​

لأنه أحسن شي ممكن نعمله وقت الرواق ناكل الفراولة طازة , نغسلها و نمسك الصحن الكبير المليان فراولة
و نقعد ناكل فيه لحتى نرضى ​

لحتى نرضى و نشبع الكرشه و يصير عنا شوي نشاط ​

و نروح عالفقرة الأحلى ​

فقرة المربى ​

بداية أعزائي حبايبي بهالفقرة بتركزوا معي كتير منيح ها ​

بحاول مع أن مالي ب أمور المطبخ الي ما ادخله الا نادراً ​

أيوا هيك تؤبروني ان شاء الله​

لا بعيد الشر عنك + خشمك انت و المصطلحات الشامية​

بالنسبة للمربى , ما كتير بيفرق ازا الفريز كتير مستوي او نازع لأنه احنا بنقدر نلعب
على جانب السكر من طرفنا , بس ازا كتير مهتمين خلوني خبركن بالآتي .. ​

بالنسبة لي ما اشتريه الا الحبة و اختها هي بالشامي ع قولتك
بس للصراحة ما احب اشتريه مستوي كتير ​

و بعدين بتشيلولنا هالورقات الخضر و بتكبوهن بالزبالة ( شوفو التفصيل ) ​

متتتت ع التفاصيل ​

و بعدين بنجيب السكر , هلأ بالنسبة للسكر بدنا نتفاهم انا و اياكن ..
ازا جبتوا كيلتين فريز بتضيفوا عليهن كيلو او تلترباع الكيلو سكر​

طبعاً ذي اهم خطوة لأنها الي بتحدد إذا المربى بيطلع صالح للأكل البشري أو بصير بالزبالة بعد ما نكون تعبنا فيه ليوم التعب ​

طبعا بعد ما تفحصولي هالحبات ازا حلاوتن منيحة او لا يعني بحاجة لكتير سكر او لا​

خلص من كل حبة خذوا قضمة قضمة عقولت ساندرا
امزح ترى ​

كل كيلتين فريز بيقابلهن كيلو سكر او اقل بشوي .
قسمتوهن النص بتقللوا سكر النص , يعني نسبة و تناسب لا تخلونا نفوت بالرياضيات . ​

خلص تمام فهمنا عليك ما شاء الله شرحك بسيط و سهل الفهم
بس خلينا بعيد عن الرياضيات كافينا كل نهاية شهر نقعد نجمع و نطرح حتى نسوي التكريم ​

بس دخيلكن تركزوا عالسكر عشان ازا طلع المربى كتير كتير حلو بتنزعوه ها بس يعني لازم يضلوا مربى
عشان هيك السكر مهم , فااا خليكن منتبهين انه السكر يكون منيح لطعمة المربى ​

اوك اوعدك اذا صارت معجزة و صرت من الطباخين و قررت اسوي مربى اني انتبه ع السكر و اسمع نصيحتك ​

بعدين بنحط عليه كمشة سكر , و مرة تانية منحط كمان طبقة فريز و عليهن كمشة سكر و هكزا​

كمشه وراء كمشه بكل هدوء و تروي
تمااااممموو ​

هلأ بالنسبة للقوام , لازم يكون تقيل , كيف قوام الكراميل ؟
شبهه , و بنصحكن صراحة تسحبوا علي و تروحوا للفيد تبع الشيف بتستفيدوا اكتر ​

خلص تمام بكون القوام ثقيل متل مو مطلوب
+ ما بدنا نسحب عليك انت الشيف تبعنا
و يعطيك العافية ام السوس على مجهودك المميز و الجميل
عملتي احلى موضوع بكل التون و عن اطيب فاكهه بعد
عاشت الايادي على الطرح و الاختيار الرائع و المميز جداااااااا
يارب نبقى عم نشوف نشاطك الجميل دوماً بالتون
دمت بخير كل الود و المحبة ​

 

[خَوْد]

s h a ɗ o w
16-04-2024
-





نحن مناااااااح انتِ كيفك يا حلوة ؟
ان شاء الله تكوني بخير و سلامة

مبدئياَ حبيت بساطة الطرح انا عنجد لازم لازم اتعلم كيف اعمل مواضيع
بسيطة و حلوة متل هاد ! صار الموضوع صعب علي لأن لما عم سوي
موضوع ما عدت اعرف وين و ايمت وقف و بحس دايماَ اني بحب اعطي
كتير و بحكي هي المعلومة مهمة مافيني سكبها و هي المعلومة ممتعة و هيك
لحتى يصير الموضوع طويل لا و بحكي ببالي ايمت صار كل هاد

و خايفة كمان اذا دخلت بمود المواضيع القصيرة ماعود اعرف ارجع لنفس
مزاج المواضيع الطويلة و تعي حليها اذا بتحليها

بس جذبني كتير طول الموضوع و خلاني اقرأو بمتعة

الي شدني بصراحة اكتر شي هي نشرك لصورة مزارع الفراولة
هالصورة ذكرتني بمرة من المرات الحب اخدني لمزرعة فراولة كنوع من التغيير
انو شي جديد علي , و انا جد قلت شو مزرعة فراولة و انو جد فينا ناكل ؟
والله لما رحت كانت كبيييييييرة و مليانة فراولة الحلو بالموضوع انو عند الرسبشن
بتاخدي متل سلة صغيرة مشان تحطي الفراولة فيها و لما تطلعي من المزرعة بتدفعي
بالكيلو , بس الاحلى كان انو و انتي بالمزرعة فيكي تاكلي قد ما بدك بس ما فيكي تاخديهم
معك ع البيت ببلاش , عاد هنيك حوالي تمي صار لونو احمر من كتر ما اكلت
لا و طيبييييييين و ساخنين كانوا كونهم كانوا تحت الشمس و الاطيب انك بتقطفيهم
و بتاكليهم فريش بدون اي تدخل خارجي او نقل او تجميد الخ

و اخدت وقتها نص كيلو لماما لانها بتحب تعمل مربى فراولة و والله الصدمة انو كان
سعرهم رخيص كتير مقارنة بالماركت , يعني دفعت ع نص كيلو 4 يورو و ال 200 غرام ب 3 و نص
يورو متخيلة الفرق ؟ انو يا بلااااااااش لا و كمان بالمزرغة فرش و طعمهم عسسسل من كتر ماهم حلوين


عنجد كانت تجربة حلوة و مميزة بالنسبة الي , و قال انو في جمب هالمزرعة مزرعة توت عاد خلص
هاد صار اختصاصي , رح جوع حالي يومين و روح لهنيك

بالنسبة للمربى , انا من عشاق المربى بس للأسف امتنعت عنو لكذا سبب اولاَ انو لازم اكل معو زبدة
و الزبدة يعني انتي بتعرفي البير و غطاه مليانة كالوريز و الغريب فيني اني بحب تكون الزبدة اكتر
من المربى و تاني سبب لما شفت كمية السكر الي بتنحط بالمربى ليصير مربى وقف شعر راسي
قلت معقول هالكمية بتدخل جسمي ؟ بس ما بخفي عليكي , المربى شي فخم فخم فخم اختراع رائع
بس ياريت لو كنت نحيفة متل اختي كنت قعدت قدامو و ماقمت

بشكل عام و رح تضحكي علي والله من بعد كل الي حكيتو عن الفراولة و الاكل الي كنت اكلو بالمزرعة
اني مو من محبين هالفاكهة , يعني لو انفقدت من بين جاط فواكه ما بسأل عنها هيك يعني ( بس بسأل
عن البطيخ الاحمر مثلاَ ههههههههه ) الحوامض مو من عشاقها الا اذا كانت الفراولة حلوة
بحبها اكتر شي لما اعمل حليب و موز بحطها معهم مشان تعطي طعمة حلوة

بس بالنسبة للايسكريم لا ابدا مستحيل فكر اخد نكهة الفراولة ما بعرف ليه , انا ميالة للحلو مثلاَ
سولتد كاراميل او فانيلا بس للحوامض بنوب , حتى الجانرلك و العقابية مابعرف لو سمعتي بهل
المصطلحات هدول كمان ما بحبن لانن حامممممممممضيييين

يعطيكِ الف عافيةة على هالطرح الرائع متميزة دوماَ
دمتِ بخير ​