الختم الذهبي برنامج زرعاتنا و شتلاتنا - 1 - نبتة الكركديه (2 زائر)

[S a n d r a]

نورت القسم يا مبدعة ~
إيفا 22/07/2024

مرحبا يا ايها السيدات و السادة !!
اهلا و سهلا فيكم بهالمسا الحلو المنور بعبق طلتكم الحلوة علينا و بجلوسكم قدام الشاشة لتتابعونا !!
, بنتشرف بهاد اليوم انه نعرضلكم إنطلاقة اولى برامج قناتنا الفضائية " قعداتنا "
و هو برناااممج " زرعاتنا و شتلاتنا "
و هاد البرنامج حيتناول مواضيع كثيرة متعلقة بالنباتات اللي بنزرعهم عادة ببيوتنا و بحدائقنا
و برضه بنتعرف على انواع نباتات غريبة و عجيبة من حول العالم !
رح تقدملكم هاد البرنامج المذيعة فادية - أنا -
و رح كون كثيير مبسوطة اني استضيف في كل حلقة ان شاء الله اخصائي أعشاب او مختص بالشؤون النباتية !
اللي ممكن نستفيد منهم خلال برنامجنا هاد !

و عشان ما نطول عليكم ! بسم الله و على بركة الله نبدأ اول حلقة من البرنامج بعنواااااان

" نبتة الكركديه "

أولًا و قبل شي بدنا نشكر راعي هالحلقة و اللي هي شركة LORIZINA للشوكولاة و الحلاوة
و اللي قدمتلنا اليوم تشكيلة كثثثييير لطيفة من الشوكولا و الحلويات .

و أكيد أكييييد بنتشرف بهاللحظة بإننا نستقبل السيدة صبحية أم صبحي
مختصة بنبتة الكركديه و عندها مزرعة منزلية زارعة فيها أنواااع كتير من الكركديه
بتحب هاي النبتة كثير و بتعمل منها كثير شغلات زي العصائر و مسحوق الكركديه اللي بيستخدموه للحنا برضه !

فادية : مسا الخير ست صبحية , كثير مبسوطة بشوفتك اليوم و بقبولك لهاي الاستضافة
صبحية : أهلًا
تعرقت - شبكت ايديها - احم, بالحقيقة كنت متحمسة كثير اني ادخل معاكي بمواضيع كثيرة بخصوص نبتة الكركديه
زي فوائدها و اضرارها و استخداماتها ..
- طيب
- رمشة - رمشة -
فادية : اوكيه عشان ندخل بالحلقة بسرعة
, نبدأ بأول فقرة لليوم ! و هي فقرة التعريف بالنبتة مع المذيعة لؤلؤ

- ايش استنوا الكاميرا علي مباشرة ؟؟ لسا مزبطتش المكياج !
همس - الكاميرا شغالة -

اححممم ,,, أهلييييييين متابعينا الكرام ! بشكر فادية على تحويل الشاشة - الله يخزي عدوينك يا فادية -
و هلأ رح نبدا معكم بالتعريف عن نبتة الكركديه :

طيب هلأ نبتة الكركديه هي نبتة مزهرة ثنائية الفلقة من جنس الخطمي بتنتمي للنباتات الخبازية و هي نباتات وعائية حقيقية النوى
- مش هييييكككك احكي شوي شوي , لا فهمنا ولا حرف -
ماشي ماشي ! يا الله ! ما انكدكم خليني اكمل طيب !

هلأ بفهمكم كلشي اصبروا علي , ..
شو يعني نبتة مزهرة ؟
النبتة المزهرة هي : هي نباتات يطلق عليها ايضًا اسم كاسيات البذور
و تعني كاسيات البذور هاي انهم نباتات بذورها مغطاية , يعني اما بكونوا جوا الفاكهة
زي : الدراق و المشمش و التفاح
و كلهم نباتات زهرية يعني قبل الثمرة بتطلعلنا زهرة حلوة هيك بتفرق من ثمرة لغيرها.
أو بكونوا جوا المبيض تبع الزهرة زي اللقاح يعني .

و برضه هالنبتات الزهرية - معهم الكركديه اللي حنشرح عن شكلها كمان شوي - بتنتمي للنباتات الوعائية , و ايش يعني وعائية اكييييد هلأ رح احكيلكم ولو !
النبتات الوعائية هي نباتات بيتشبه نظامها بالنظام الدموي تبع الانسان و الحيوان , ليه يا ترى ؟
لانها انظمة زي الانابيب اللي بتربط اجزاء النبات ببعضها
فبتنقل هالنبتة غذاءها و مياتها و حبشتكناتها عبر انظمة معينة
لتوصل للساق و الورق و الجذور و إلى آخره .
و هاي الانظمة بتنقسم ل :
- خشب
- لحاء

و هاي معلومات بسيطة بدكم زيادة بحلقة تانية

هلأ نرجع لتعريف النباتات الزهرية : هالفئة من النباتات بتشكل غالبية النباتات اللي بتوجد على هالكرة الأرضية ...
بتتكون اجزاءها كأي نبتة طبيعية من جذر , ساق , أوراق و بالإضافة هالمرة للزهور .

تعو معي لنعرف هاي المرة ثنائية الفلقة , ايش يعني ثنائبة الفلقة ؟؟
جوابنا : انه النباتات ذات الفلقتين هي النباتات اللي بذورها بتكون من نصين بتنبت النبتة منهم و بكون الها مميزات ,
-
زي : { شكل الورقة بكون مبسوط و عريض ,
و عروقها بكونوا زي الشبكة متفرعين مش زي وراق الذرة مثلا بتكون الورقة طويلة و نحيفة و عروقها متوازية ,
برضه الاوعية جوا السواق تبع نبات الفلقتين
بتكون مرتبة و حلقية يعني صفوف قدام بعض و على شكل حلقة ,
و زيما حكينا بذرتها نصين زي التفاح و البرتقال و الحمص و الفاصولية ,
و آخر شي زهور نبات الفلقتين بكون عدد بتلاته من مضاعفات الأربعة }

هلا بدنا نعرفلكم شو هو جنس الخطمي : هو نوع من أنواع النباتات ,
بينمو لارتفاعات طويلة , شي مثلا متر متر نص مترين , بيتفتح هالنبات عادة بفصل الصيف ,
و بكون لهالنبات ألوان مختلفة زي الابيض و الوردي و الاصفر و الاحمر .

أما فصيلة النباتات الخبازية , بالمختصر هي احدى فصائل النباتات
و فيها 200 جنس و اكثر من 2300 نوع , من هالانواع القطن , الخبيزة , البامية , و الكركديه .

باقي بس نحكيلكم شو يعني حقيقية نوى : هي انوية تحتوي على حمض نووي داخلها و محاطة بغلاف نووي ,
اذا بدنا نفصّل أكثر فهي بتحتوي على عضيات الخلية المعروفة زي : الميتوكندريا , جهاز غولجي , البلاستيدات الخضراء , الشبكة الاندبولازمية ..

نرجع هلا للكركديه - و أخييييرًا -
فهو نبات اله زهرة كبيرة شبه البوق , و بتلاتها لونها هيك بدرجات الأحمر بس باين لونا احمر
و ممكن تروح للون الوردي الاحمر يعني لون مختلط , اله كتيييير استخدامات طبية بالعلاج الطبيعي .

نرجع لفادية ...

شكرًا الك لؤلؤ استمتعنا كثييير بالفقرة , هسا بدنا نرجع نحوّل الكاميرا على السيدة صبحية أم صبحي عشان نكمل موضوعنا عن فوائد و أضرار الكركديه
... بصير نبدا يا خالتو ؟
- أكبد
-
- طيب ممكن تحكيلنا عن فوائد نبتة الكركديه لو سمحتي ؟ و بتمنى انك تاخدي راحتك بالكلام .
- تضبط الورقة و القلم -

- كح كح - بالحقيقة يعني يبنيتي , الكركديه اله أظرار تشثيرة زي ما اله فوايد تشثيرة ,
تشنت حابة ابدى بالأظرار عشان لما انطيكوا الفوايد تركزوا فيها .. بس معليش ببدا هسا بالفوايد , اول اول اشي.. و بما اني قبل التقاعد تشنت اساعد دكتور في التغذية الله يسهل أمره , فعندي معلومات بتفيدكم.

اولًا : انه بحافظ على صحة الكبد , يعني بيشيل السموم بالكبد
و بقلل من مخاطر الاصابة بتليف الكبد و مرظ الكبد الدهني .

ثانيًا يبنيتي : بيخفظ ظغط الدم , و بما انه بيخفظ الظغُط
فهو رح يساعد على تقليل الاصابة بالجلطات و السكتات الدماغية .

ثالثًا : سمعت مرة من ابني اللي كان يقرا بمجلة علمية
انه الكركديه يعتبر مصدر من مصادر ايش بقولوا عنها خليني اتذكر
, اللهم صلِّ على سيدنا محمد آه , هو مصدر من مصادر مظادات الأكسدة ..
قرالي انه بقوّي المناعة , بيحمي من التهاب المفاصل و العظام , و انكتب كمان انه ممكن
يساعد في الوقاية من السرطانات , و كان في مرض بالعقل برضه الختايرة مثلنا بينصابوا فيه , ايش كان اسمه ؟
- زهايمر؟
- عين الله عليج , زهايمر , و أمراظ القلب كمان .
- حلو و ايش فيه كمان فوائد خالتو ؟
- غني بفيتامينات , أكثرها فيتامين ج , يعني C .. فهو قريب من الليمون و البرتقال
يعتبر مظاد طبيعي للانفلونزا و الرشح و غيره .. في برضه من يحتشي انه يقلل من الوزن
قيل انها دراسة يعني , بس مالي في الموظوع تشثير , يعني اقصُد تخفيف الوزن .
- طيب حلو كثير خالتو , شكرًا الك عالمعلومات الوفيرة هاي , ممكن تحكيلنا هسا عن الأضرار ؟
- طبعًا

- أكيد مهما كان الاشي له فوايد الا انه يكون فيه اظرار ,
و لما نحتشي و نسولف عن الكركديه فهو زي أي شراب اذا كثرنا منه راح يظرنا اكثر من ما راح يفيدنا ..
فزيما بنعرف الاشي اذا زاد عن حده , بينقلب ظده .. هسع نرجع لموظوع الاظرار و على الرغم من انها مش شايعة انها تصير .. فالكركديه ممكن يسبب التهاب بالجلد ,
الصداع , غثيان , ممكن يسبب اظطراب بالمعدة , غازات في القولون , إمساك لا سمح الله
الم اثناء التبول .. و هي مثل ما قلتلك مش تشثيرة و مش شايعة .

- ممتاز , شكرًا خالتو فدتينا كثيييير بهالفقرة , استمتعنا بسماع كل هالفوائد
و بتعرفنا على الاضرار كمان .
- اهلين .

--

 

[S a n d r a]

-

و هييييكككك انتهت حلقتنا لليوم , معلش كانت صغيرة و خفيفة المرات الجاية بنعطيكم معلومات ادسم !
كانت معكم فادية و المذيعة لؤلؤ !
نرااااكككممم في حلقات قادمةة !!




---

كان في عندي فقرة عصير بمطبخ البرنامج بس مزبطتش اسويلكم اليوم و اصور التحضير فخليها لمرة جاية و بعمللكم تحديث في الموضوع نفسه
شكرًا على حسن قراءتكم ! كانت معكم ساندرا حامية حمى البشرية !
دمتم في آمان الله !! ​

 

[S a n d r a]

- نسيت أشكر المصممة المبدعة @A I D A N اللي صممتلي هالطقم الرهيب !!
الله يعطيكي الف عافية حبيبتي -​

 

[Evaℓɪиє Nєss]

@Emilyko ᰔ
29/7/2024

السلام عليكم و رحمة الله و بركاته
شخبارك سان ؟ إن شاء الله بعافية و كل شي طيب بإذن المولى
منورة القسم بهالموضوع الجميل و الله
جدا استمتعت بالقراءة و بالطرح خصوصا كان خارج عن المألوف
حسيت نفسي صح بتابع برنامج
من وين جايبة اسم الشوكولا
شخصيا أحب الكركدية و معتادة أستخدمها في عصير صيفي بارد
لكنه أبدا مو صحي
أسوي مغلي الكركدية و أخليه يبرد بعدين أخلطها مع عصير ليمون
بطلع الششكل جدا جميل و المذاق حامض زيادة لأن أساسا الكركدية حامضة نوعا ما > كثير
مع مكعبات ثلج في نص الصيف متعة لا تقاوم
بس أبدا ما شفت شكلها كوردة من قبل ما توقعتها بهالجمال
بالعادة أشتريها مجففة و أتوقع أساسا كذا يبيعونها و ما شفت شكل آخر لها
بس حبيت انك عرفتينا على النبات بشكل كامل خصوصا شرحك التام لنوعه
بس ترا الحجة صفية رفعت ضغطي بسبب الضاد و الضاء
جلست أقرأ حكيها بالتشديد حتى تطلع معي الضاد ضاء
ما كنت أعرف أيضا ان لها كل هالفوائد من غير خفض ضغط الدم
شفت بالصين مسويين منها كيكة مشهورة بس للآن مما لقيت الوصفة
ودي أجربها لونها و شكلها يفتح النفس ما شاء الله
مدري اذا سهلة في الزراعة و ممكن زرعها بالبيت في اصيص
و صراحة تحمست أكثر شي للموضوع لأني توقعت فيه فقرة للزراعة
ما أظن تباع في اصيص لربما لازم الواحد يشتري بذورها إذا ناوي يزرعها
أتمنى بالحلقة الجاية من البرنامج نشوف أيضا معلومات عن الزراعة
خصوصا في المساحات الضيقة لأن أغلبنا ما يمديه فرغ مساحات كبيرة

استمتعت بموضوعك يا غالية و أتمنى تشاركينا معلومات أكثر
و نشوف إبداعاتك في مزيد من الأقسام بإذن الله

دمت في رعاية الرحمن و حفظه ​

 

[s h a d օ w]

إيفا - 26/07/2024

السلام عليكم و رحمة الله و بركاته

كيفك اختي ساندرا ان شاء الله تكون امورك تمام

منورة القسم بموضوعك الفخم الصراحة هالنبتة سمعت عنها لانو متأكد اسم الكرديه مر علي

لكن اول مرة اشوف معلومات مفصلة عنها و عن فوائدها ما توقعت تكون مشهورة

حبيت لونها الاحمر الجميل و شكلها الي يشبه الورد ما توقعت انو يمكن نعملوها كشاي

صار عندي فضول اجرب طعمها لكن ما اعرف اذا رح تكون متوفرة عندنا بالجزائر

ما توقعت تكون للنبتة كل هاي الفوائد كونها تحتوي مضادات اكسدة و التهابات فرح تفيد كثير

يعطيك العافية على الطرح المميز بانتظار جديد ابداعاتك

في امان الله








​

 

[RO-CHAN]

@Emilyko ᰔ
29/7/2024
السلام عليكم ورحمه الله وبركاته
كيفك ساندرا
شو اخبارك ان شاء الله تكوني بخير

شو هالعوده القويه و المميزة
نورت بقوة

بصراحه بس بشت اقرأ الموضوع بعد ما تجاوزت صدمة العنوان اللي ما كنت فاهمته ووصلت انا فادية
وصبحيه ام صبحي وراعي شوكولاته
بلشت استوعب الوضع و الفكرة
يعني عايشه الاجراء عالاخر

بس عن جد حبيت الطريقه المبتكره اللي استخدمتيها في عرض الموضوع

تعريفك عن نبته الكركديه بصراحه فيه معلومات اول مره اسمعها زي الجنس اللي تتبعله اللي اول مرة اعرفهم

انا بعرف انه الكركديه نبته مفيده جداً
وخاصه اكثر شيء معروف عنها فوائدها بموضوع ضغط الدم بس ما كنت أعرف انه عندها كل هالفوائد اللي اول مره اسمع فيها مثل انه لها دور بتخفيف الاصابه بالزهايمر و اللي صار عندي فضول اعرف المادة اللي بتركيبتها بتساهم بهالشي لانه هالايام المرض هذا صاير عم يزداد بالانتشار فالوقاية دايما خير لانه علاجاته والتعامل معه صعب جداً حسب ما سمعت من ناس تعاملوا مع مصابين فيه

بس بتعرفي رغم انه كلامك منطقي وما في شي مفيد بالمطلق لكن ما سبق كنت اعرف عن هاي الاضرار اللي ممكن تكون مزعجة و الأصعب انه غالبا ما راح يخطرلك انه يكون سببها الكركديه مثل الصداع مثلاً
بس كونها غير شائعه يمكن لهيك ما عنا علم فيها
لانه غالبا الناس تستعملها من غير حساب




بتعرفي اني كانت بستنى بفقرة طريقة اعداده

وكانت بتكون فقره حلوة يا ريتك ضفتيها



بس يلا يلا المره الجاي بتجيب لنا صبحيه تعمل لنا عصير واشلات زاشيه على قولتك ​

فعلاً ابدعت بالطرح
وابدعت ايدين بالطقم
ما ننحرم من مواهبكم الحلوة

وبانتظارك بلقاءات اخرى ست فادية

في أمان الله ​

​

 

[Flora~✿]

@Emilyko ᰔ
29/7/2024

السلام عليكم ورحمة الله وبركاته
كيف حالكِ ساندرا تشان ؟ يارب بخير

تدرين اني بحب كتير الاعشاب واحب دائما ابحث عنها وعن فوائدها و استخداماتها و العلاج بالطب البديل طيب الأعشاب و الحاجات الطبيعية اتذكر من ايام المتوسط و أنا بحب اقرأ كتب الاعشاب و الطب البديل اللي كانت عند ماما رغم كان فيها حاجات صعبة و امراض وكل مرض او مشكلة جمالية لها وصفة و عشبة .. أحب اتصفح مواضيع الأعشاب و اتعرف عليها واستخدما حسب احتياجي لها
طيب لا نحكي كتير و نرجع للموضوع ~
​

مرحبا يا ايها السيدات و السادة !!
اهلا و سهلا فيكم بهالمسا الحلو المنور بعبق طلتكم الحلوة علينا و بجلوسكم قدام الشاشة لتتابعونا !!
, بنتشرف بهاد اليوم انه نعرضلكم إنطلاقة اولى برامج قناتنا الفضائية " قعداتنا "
و هو برناااممج " زرعاتنا و شتلاتنا "​

مرحبًا و اهلا وسهلا فيكِ

الله 🥹 كتير حلو يعني راح يكون في مواضيع ثانية عن النباتات و الأعشاب أحب هذا فعلًا ..
​

و هاد البرنامج حيتناول مواضيع كثيرة متعلقة بالنباتات اللي بنزرعهم عادة ببيوتنا و بحدائقنا
و برضه بنتعرف على انواع نباتات غريبة و عجيبة من حول العالم !​

يااااااه يالسعادة اليس هذا لطيفًا حقًا !!
لا شيء اجمل من النباتات و الزهور إنها مبهجة ومفيدة ايضا
​

رح تقدملكم هاد البرنامج المذيعة فادية - أنا -
و رح كون كثيير مبسوطة اني استضيف في كل حلقة ان شاء الله اخصائي أعشاب او مختص بالشؤون النباتية !
اللي ممكن نستفيد منهم خلال برنامجنا هاد !​

اهلين فيكِ مذيعة فادية أنا متحمسه حقا لهذه الحلقة و ما سوف تقدمينه لنا ..
​

" نبتة الكركديه "

أولًا و قبل شي بدنا نشكر راعي هالحلقة و اللي هي شركة LORIZINA للشوكولاة و الحلاوة
و اللي قدمتلنا اليوم تشكيلة كثثثييير لطيفة من الشوكولا و الحلويات .​

الكركدية يااااااه بحبها كتير

يمي يمي
​

و أكيد أكييييد بنتشرف بهاللحظة بإننا نستقبل السيدة صبحية أم صبحي
مختصة بنبتة الكركديه و عندها مزرعة منزلية زارعة فيها أنواااع كتير من الكركديه
بتحب هاي النبتة كثير و بتعمل منها كثير شغلات زي العصائر و مسحوق الكركديه اللي بيستخدموه للحنا برضه !​

اهلين

اوو متحمسة اتعرف على انواع الكركدية

يااااه فعلا الكركدية لها استخدامات كثيرة فهي تشرب كمشروب عشبي دافئ او بارد و عصير و تستخدم ايضا مع الحنا صحيح و اقنعة للبشرة و خلطات الجسم تعالج الحبوب و اثارها و تورد الوجة ..
​

ايش استنوا الكاميرا علي مباشرة ؟؟ لسا مزبطتش المكياج !
همس - الكاميرا شغالة -

اححممم ,,, أهلييييييين متابعينا الكرام ! بشكر فادية على تحويل الشاشة - الله يخزي عدوينك يا فادية -​

يالهي موقف لا تحسد عليه محرج ..
​

طيب هلأ نبتة الكركديه هي نبتة مزهرة ثنائية الفلقة من جنس الخطمي بتنتمي للنباتات الخبازية و هي نباتات وعائية حقيقية النوى​

​

النبتة المزهرة هي : هي نباتات يطلق عليها ايضًا اسم كاسيات البذور
و تعني كاسيات البذور هاي انهم نباتات بذورها مغطاية , يعني اما بكونوا جوا الفاكهة
زي : الدراق و المشمش و التفاح
و كلهم نباتات زهرية يعني قبل الثمرة بتطلعلنا زهرة حلوة هيك بتفرق من ثمرة لغيرها.​

ياله من تعرف لطيف عن نبتته الكركدية
بالمناسبة سيكون واضح ان اضفتِ صورة لزهرة الكركدية
هذي صورة لها من منزلي هنا
​

هلأ نرجع لتعريف النباتات الزهرية : هالفئة من النباتات بتشكل غالبية النباتات اللي بتوجد على هالكرة الأرضية ...
بتتكون اجزاءها كأي نبتة طبيعية من جذر , ساق , أوراق و بالإضافة هالمرة للزهور .​

فعلًا هناك الكثير من هذه النباتات الزهرية الجميلة
​

فهو نبات اله زهرة كبيرة شبه البوق , و بتلاتها لونها هيك بدرجات الأحمر بس باين لونا احمر
و ممكن تروح للون الوردي الاحمر يعني لون مختلط​

اللي عندنا لونها وردي لطيف و تذكرني بزهور تشبة كتير هذا الرمز بس ناسيه اسمها ..

جميلة جدا.. احببت التصميم لطيف وناعم
​

اولًا : انه بحافظ على صحة الكبد , يعني بيشيل السموم بالكبد
و بقلل من مخاطر الاصابة بتليف الكبد و مرظ الكبد الدهني .

ثانيًا يبنيتي : بيخفظ ظغط الدم , و بما انه بيخفظ الظغُط
فهو رح يساعد على تقليل الاصابة بالجلطات و السكتات الدماغية .​

جميل يعني هو ببنقي السموم و يحافظ على صحة الكبد
هذي فائدة كبيرة حقًا ..

انتشر كثير هالمعلومة عن الكركدية انه بيخفظ ضغط الدم رائع يالها من نبته رائعة الاصابات بالجلطات و السكتات شيء منتشر عافانا الله وياكم ..
​

اللهم صلِّ على سيدنا محمد آه , هو مصدر من مصادر مظادات الأكسدة ..
قرالي انه بقوّي المناعة , بيحمي من التهاب المفاصل و العظام , و انكتب كمان انه ممكن
يساعد في الوقاية من السرطانات , و كان في مرض بالعقل برضه الختايرة مثلنا بينصابوا فيه , ايش كان اسمه ؟
- زهايمر؟
- عين الله عليج , زهايمر , و أمراظ القلب كمان ​

اللهم صل وسلم على نبينا محمد
مضادات الاكسدة يعني مهم جدا للبشرة و جمالها

وااااو هذا يعني انه يحتوي على فيتامين سي
ياسلام للزهايمر كمان النبته دي بتعالج حاجات مهمة جدا ..
​

غني بفيتامينات , أكثرها فيتامين ج , يعني C .. فهو قريب من الليمون و البرتقال ​

هذا مايجعله يقوى المناعة جميل جدا أعتقد انه فعلا كل شيء احمر هو غني بمضادات الاكسدة و فيتامين سي
🌶
​

أكيد مهما كان الاشي له فوايد الا انه يكون فيه اظرار​

فعلًا للاسف كل شيء زاد عن حده انقلب ضده الانسان يكون متوازن في استهلاكه للغذاء و بحسب حاجاته ..
​

فالكركديه ممكن يسبب التهاب بالجلد ,
الصداع , غثيان , ممكن يسبب اظطراب بالمعدة , غازات في القولون​

‍ اوه بس هو زي ماقلنا الأنسان يستهلك حسب حاجته ولا يكثر عشان لا يعاني من الاضرار و الاثار الجانبية
وايضا هناك اعشاب معينة لا يتم تناولها بمفردها لابد من اضافة اعشاب اخرى معها و تكون نسبة هذه العشبة قليلة جدا ولا يتم الاكثار منها ايضا حتى لا تسبب اضرار ومخاطر لا سمح الله
وهذا يذكرني بما حصل معي ذات مرة مع زهرة الآلام على اساس انها تعالج الأرق واستخدمتها بشكل خاطىء وكثرت منها فأصابني تعب شديد والم في المعدة تقلصات و دوخه وتعب و الحمدلله بعدها تعلمت حقًا ان طريقتي كانت خاطئة واني استخدمتها كثير بس ما عاد رجعت لها ثاني عموما واستبدلتها بأعشاب اخرى زي البابونج و اليانسون و الخزامي
وايضا ما اكثر منها ولا اشربها كل يوم ..
​

كان في عندي فقرة عصير بمطبخ البرنامج بس مزبطتش اسويلكم اليوم و اصور التحضير فخليها لمرة جاية و بعمللكم تحديث في الموضوع نفسه
شكرًا على حسن قراءتكم ! كانت معكم ساندرا حامية حمى البشرية !
دمتم في آمان الله !!​

خسارة مرة ثانية إن شاء الله متحمسة لتحديث الموضوع خليني اشوف طريقة العصير كيف ممكن اعتمدها
نحن نعمل الكركدية ونضيف اهم مركز عصير التوت يعطيه حلاوة وطعم لذيذ ..


يعطيكِ العافية يارب على الموضوع الجميل و المفيد جدًا وعلى كمية المعلومات التي طرحتها كتير كانت ممتعه المقدمة و طريقة طرحك لطيفة جدا
اتمنى ان نرى المزيد من الابداعات
كل التوفيق لكِ ودمتِ بود ​

​

​

 

[زهراء ʚ]

@Emilyko ᰔ
30/7/2024

وعليكم السلام ورحمة الله وبركاته ​

صباح / مساء الخير ساندي الجميلة
يمكن أول مرة ارد على موضوع الك
قبل لا أبدأ ؛ بسبب ان ما اقدر اشرب قهوة بكميّات كبيرة صايرة اشرب كركديه أكثر مع أن عارفة ان بعد ما يصلح زيادته عن اللازم
اوه ~ ما كنت عارفة ان داخلين برنامج مقابلات
حبيت فقرة تعريفك بالزهور ذكريّات مواد النبات عندنا بالتخصص ​

و هاي معلومات بسيطة بدكم زيادة بحلقة تانية ​

ما تعرفي كم محاضرة ناخذ عن هالأشياء ​

يساعد في الوقاية من السرطانات , و كان في مرض بالعقل برضه الختايرة مثلنا بينصابوا فيه , ايش كان اسمه ؟
- زهايمر؟​

سبب مهم عشان استمر أشربه ؛؛ كثير من مشروبات الزهور والنباتات فعلًا لها فائدة كبيرة انها مضادات اكسدة
وحالهم من حال الشَاي الي يسوي الشِي نفسه ؛​

قيل انها دراسة يعني , بس مالي في الموظوع تشثير , يعني اقصُد تخفيف الوزن .​

استانست لين تذكرت ان ما اشربه الا بتوت ومحلّي فما اظن ان نستفيد منه بهالشَكل للأسف
فيه ضرر ثَاني ما ذكرتيه وكنت انتظر أشوفه حتّى أتكلم عنه الي هو لأن من فوائده أصلًا ينزل الضغط فهذا ممكن يسوي هبوط له مع الزيادة
طبعًا الكركديه ما بدأت أشربه الا بعد ما صار واجب علي أقلل من الكافيين وانا لازم أشرب لي شِي مو شاي بس حاجة أي حاجة أقنّد فيها راسي
السنة الماضية فِي زيارة شربت الكركديه ساخن وخلّاني أهدي شوي وأرتاح
هالسَنة صَار فِيه مكان أقدر أخذ منه كركديه بشَكل شِبه يومي غير أن الكافيهات صارت توفّره بسعر خلو
تختلف نكهاته عحسب الإضافات و ولا مرة حسيت وعرفت إيش طعم الكركديه الا لما عمّتي سوته ساااادددةة وفعلًا يحتاج المحلّي بس ما ينقص من طعمه شِي
واحين خصوصًا مع الصيف وصاير ترند فهو منتشر بشكل ؛ أفكر الأيام الجاية أخذ لِي أظرف وأسويه لنفسي متى ما حبّيت على أمل يكون لذيذ أصلًا
حبيّتت فكرة الحديقة بالمُناسبة ننتظر نباتات أكثر ونتعرف على المزيد~~
شكرًا على طرحك ساندي وإستمتعت واجد وأنا أقرأ موضوعك
طريقة طرحك رهيبة وممتعة ان مقابلة وشخصيات المُقدمين والكاميرا وكل شِي
لا تحرمينا من ابداعاتك! فِي أمان الله

× جويلان ​

​

 

[YAFA]

@Emilyko ᰔ
30/7/2024

السلام عليكم ورحمة الله
كيفك سندورة الأمورة عساكِ بخير
صدمتك اني جيت ارد بجد صح؟ حاولت ما اعلق ما قدرت لازم أعلق
الهيدر جميل وانيق وكل حاجة بس ليه في تاء مربوطة بالآخر؟
عمومًا ان اجواء الموضوع جميلة والتنسيق لطيف رغم استخدامك كثير ألوان
إلا انه مريح للعين ومتناسق يعجبني ذوقك بالألوان عطول
فكرة البرنامج خطيرة بالمناسبة! حبيت الاشي وان شاء الله نتابع معك فيه
المرة الجاية نزلي عن نبتة المنسف لا أوصيك ، وبخصوص اني صدقت الوضع
وانتِ تشكري راعي الحلقة والشوكلاتة تبعهxdd ، اما الست صبحية بعرفها
كانت جارتنا بعدين قالت هي مطولة معكم هان؟ وهجت لأربد الله وكيلك،
شرحك للنبتة رجعني لأيام حصة الأحياء والمعلمة يلي نسيت اسمها بس كانت كويسة
بس شرحك خطير هو أنا قلت قبل يليق لك تكوني معلمة صح؟، بس معلومة ان الكركديه
ينتمي لنفس فصيلة الخبيزة والقطن كانت جديدة علي واستغربتها!، شكلها ك وردة جميل
جدًا بالمناسبة تبارك الله، بس في فقرة الفوائد زعلت منك ترا..ليه ما قلتي انه الناس
تجيبه لتخلطه مع الحنا؟ هاي اكبر فائدة نسويّة اله، ولهجتك وانتِ تشرحي يخي فصلتني
عودة للكركديه مثل ما قلت لك عن تدخيله ل الحنا فهو السبب انه موجود عنا منه بالبيت
بعدها عرفت انه ممكن ينشرب وامي حذرتني بإنه مر قلت لأي درجة ممكن يكون مر يعني؟
شكله ولطيف وريحته لطيفة، يختي طلع مر اكثر من الشوكلاته الدارك اللي نسبتها 100%
المهم بعدها التوبة اجربه بس أمي بعدها صادفت مقطع ل أبو جوليا يسوي منه مربى وأنا اقولها
يما احذري هذا فخ! ما ردت عليّ وسوته مربى رغم انه كان متعب واخذ قرن وهو عالغاز لحتى
صار طري، الصدمة وين؟ إنه كان زاكي! لا وطعمه نفس طعم مربى التوت البري
من منبري هذا انصح بالمربى واحذر وأعلّم بخط اخضر تحت التحذير انه محد يجرب المشروب
في النهاية استمتعت بقراءة موضوعك بجد يا بنت ابدعتِ ويعطيك العافية، بدنا نشوف لك
الحلقات الجاية فقرات اطول وتسيطري عالعالم أنت وفادية وصبحية، جاري التقييم
في أمان الله.​

​