ضيفتنا على كرسي الاعتراف Selene (3 زائر)

[خَوْد]

السلام عليكم
غاليتنا عالكرسي
كيف حالك ؟
ان شاء الله تمام ؟​

الحمدلله وانتِ كيفك

1- هل سبق وشعرت انك مقصر تجاه الله ؟ وشو بتعملي لما تحس حالك هيك؟

-

2- لما تعرفي انه الناس ماخذة عنك فكرة غلط ..
او بحكمو على تصرفاتك وافعالك واقوالك بطريقة مغايرة لقصدك مع انك تتصرفي بشكل طبيعي ..
هل هالشي بضايقك ؟ وبتشرحي موقفك او كلامك ؟ ولا عادي ما تهتمي ؟​

ماعدت اهتم

3- عمرك تعرضت لانتكاسة مرضية وأدت انها غيرت فيك ؟
​

اي وذكرتهم بمدونتي القديمة.

4- كيف متخيلة نفسك بعد عشرين سنة ؟​

​

ماعندي فكرة . لان قبل ٥ سنين ماتوقعت ولا بأي شكل من الاشكال كون بالمانيا وتتغير حياتي ١٨٠ درجة.

5- لو خيروك تخوض مغامرة يا بالجبال يا بالغابات شو بتختاري؟ مع ذكر السبب

التنين مو مفضلين بالنسبة الي ، عندي تجربتين بخوفوا مع الجبال والغابات

6- كيف علاقتك مع امك وابوك ؟
​

بتجنن

7- سبق وتقدمت بالنصح لأشخاص بحياتك الواقعية قصدي ،، وقوبلت بالرفض والأسلوب الفظ منهم ؟
ولا نوعك انه ما بتحب تقدم النصح للناس حتى وان كانو بقومو بالفعل الغلط والحرام​

مابحب انصح الا اذا انطلب مني هالشي
مثلا يا زينة انصحيني بهل شغلة او هل هالشي صح او لا ؟

​

8- بتحبي الطبخ ؟ او هل عمرك جربتي تطبخ ؟
​

بحبو لما اطبخ لشخص بحبو و هو نوع من انواع الحب
جربت كتير وكانت تجارب ناجحة بس مع هيك ماعندي ميول الو

9- اقرب شخص لك من يكون ؟
​

اختي الصغيرة

10- كلمة على لسانك ودايما تحكيها ؟
​

مافهمت

11- دولة اجنبية حابة تروحي عليها وتستكشفيها ؟ وليش؟ -بعرف رحتِ اكثر من دولة بس لو في شي دولة حابة تزوريها غيرهم -​

البرازيل , امريكا و بالأخص : ميامي , هاواي
فرنسا : جزيرة بورا بورا , اليونان عشق

12- بتمر عليك فترات تحسي بخنقة واكتئاب وقرف من كل اشي؟ وشو بتعملي لتطلعي من هيك حالة ؟
​

يمكن تضحكي علي ، بس بغصب حالي اني ابكي متل ماتحكي هرمونات محبوسة من فترة مسببة كبت لازم تطلع
قبل هالطريقة مافي شي ماجربتو كلو ع الفاضي. هاد اسمو حزن مؤجل. ممكن اني اكل او العب رياضة بس ع الفاضي.

افضل حل شفتو اني اغصب حالي اني ابكي وطلع كل الي بقلبي. هيك برأي افضل شي هاد غير انو اثبت علمياً انو البكاء بريح

13- هل انتِ اجتماعية وبتحبي تحكي مع الحواليك ؟ ولا نوعك منطوية وقليلة كلام ؟
- طبعا سؤالي عن حياتك الواقعية -
​

اجتماعية مع الي برتحلو وانطوائية مع الي مابرتحلو

14- كلمة شكر وامتنان لمين بتوجهيها بحياتك ؟
​

اهلي كلهم

15- اسم ولد تحبه واسم بنت بتحبيه ؟
​

اسم ولد ادم
وبنت سيلين

16- حكمة تفضليها؟
​

What goes around comes around
الدنيا دوارة - الي بتزرعو رح تحصدو

17- اكثر اشي بسعدك واكثر اشي بخليك حزينة ؟
​

الاكل
الكذب/ خيبة الامل من شخص عزيز

18- موقف محرج صار معك ؟
​

مابتذكر

19- هل انت عصبية؟ شو اكثر اشي بخليك تطلعي عن مزاجك وتعصبي كثير؟ وهل تظهر عليك عصبيتك ؟
​

كتير عصبية ، مافي شي معين حرفياً اي شي ممكن يخليني اتنرفز

اي واضحة و مشعلة نار وشرار

^ هلأ هي قبل بس مع النضوج الي صار صرت عصب بطريقة اقدر اعمل كنترول من جوا كتير معصبة بس في كنترول ماببين لبرا

20- فقدتِ انسان عزيز عليكِ ؟
​

لا

21- احلى موقف بحياتك ايش هو ؟
​

مابتذكر بس اكيد في مواقف

22- كلمة منك لي أو نصيحة متل ما بدك
​

شكراً لوقتك واسئلتك اللطيفة

في امان الله ​

 

[Miss Marple]

السلام عليكم ورحمة الله وبركاته
كيف الحال نيون؟ معلش تعودت عليك نيون لانه فخم وعنده هيبة
ما شاء الله @Chisato طرحت كل الاسئلة يلي تخطر ع البال وماخلات لنا شيء
هي طرحت 22 سؤال وانا رح اتحداها واتحدى نفسي واطرح 30 سؤال *الموضوع قلب مسابقة عندي مش مجرد رد *
الله يعينك بالاجابة

...

1/ ما جنسيتك؟
2/ هل تشتاقين لبلدك الأم؟
3/ هل ترين أنه هنالك امكانية في ان تعودي لبلدك الأم بالمستقبل البعيد؟
4/ هل تجيدين الطبخ؟
5/ ماهو أكثر طبق غربي تجيدين طبخه؟
6/ ما هو أكثر طبق عربي تجيدين طبخه؟
7/ هل تحبين الطعام المنزلي أكثر أم الاكل السريع واكل المطاعم؟ لماذا؟
8/ ما هو أكثر عمل منزلي تستمتعين بالقيام به؟
9/ ما هو أكثر عمل منزلي ممل ومزعج لكنك مضطرة للقيام به؟
10/ هل عندك حيوان أليف؟ اذا نعم ماذا يكون؟
11/ ما هو أكثر شيء مجنون قمتِ به بحياتك؟
12/ متى آخر مرة قرأتِ فيها كتاب ما؟
13/ من هو أكثر كاتب تقرأين له؟
14/ ماهو أكثر موقف طريف حدث لك بأيامك الأولى بألمانيا؟
15/ هل حدث وأن تعرضتِ للعنصرية من طرف الألمانيين؟
16/ كيف كانت نيون بالمدرسة الثانوية؟ طالبة متفوقة؟ لطيفة؟ جانحة؟ متنمرة؟
17/ ما هو أكثر شيء ابداعي تجيدينه بخلاف التصميم؟
18/ كيف تتجاوزين فترات الحزن والاكتئاب؟
19/ ما هو أكثر موقف محرج تعرضت له وتمنيت ان تبتلعك الأرض بسببه؟
20/ متى كان آخر شجار لك استعملتِ فيه التقنية الحربية الجد خطيرة: شد الشعر؟
21/ ما هي اكثر 3 صفات تحبينها بشخصيتك؟
22/ ماهي أكثر 3 صفات تكرهينها بشخصيتك؟
23/ هل هنالك امر تطمحين لتغييره او تحسينه بشخصيتك؟
24/ هل تحبين الأطفال؟ لماذا؟
25/ هل أنت من محبي القطط؟ لماذ؟

الان نأتي للجزء المتعلق بالجانب الشخصي ​

عدم التدخل في الأمور الشخصية للضيف إلا إذا سمح بذلك​

بطبيعة الحال في حال سمحتِ لي اني احشر انفي بحياتك أجيبي على الاسئلة التالية وفي حال ما سمحتِ عادي اروح احشر انفي بحياة شخص ثاني بسيطة

26/ ما اسمك الحقيقي؟
27/ حالتك الاجتماعية؟
28/ كم مرة وقعتِ فيها بالحب؟ او الاعجاب؟ *مش بالضرورة تعداد اشخاص حقيقيين لانه يحتسب في ذلك أيضا الممثلين وشخصيات الافلام والدرامات والانمي والكتب...الخ*
29/ ماهي مواصفات فارس احلامك في حال لم تلتقِ به بعد؟ وفي حال التقيت به بالفعل ما هي مواصفته؟ *يعني رح تجاوبي ع السؤال بكل الحالات هيهيهي*
30/ مالمواصفات التي لا ترغبين ان تكون موجودة بشريك حياتك؟

وفقط :')​

 

[خَوْد]

السلام عليكم ورحمة الله وبركاته
كيف الحال نيون؟ معلش تعودت عليك نيون لانه فخم وعنده هيبة
ما شاء الله @Chisato طرحت كل الاسئلة يلي تخطر ع البال وماخلات لنا شيء
هي طرحت 22 سؤال وانا رح اتحداها واتحدى نفسي واطرح 30 سؤال *الموضوع قلب مسابقة عندي مش مجرد رد *
الله يعينك بالاجابة ​

خدوا راحتكن
انا الحمد الله , انتِ كيفك ؟

1/ ما جنسيتك؟​

سورية

2/ هل تشتاقين لبلدك الأم؟​

لأ , لاني ماعندي ذكريات فيها

3/ هل ترين أنه هنالك امكانية في ان تعودي لبلدك الأم بالمستقبل البعيد؟​

مستحيل , لكذا سبب ما بقدر اكتبهم

4/ هل تجيدين الطبخ؟​

اكتشفت انو عندي نَفَس بالطبخ بس مو دائماَ عندي خلق اني اطبخ

5/ ماهو أكثر طبق غربي تجيدين طبخه؟​

الباستا , و صرت خبيرة فيها , طبختها لكذا شخص و كلهم أعجبتهم

+ بعرف اطبخ آسيوي كمان صرت متقدمة فيه

6/ ما هو أكثر طبق عربي تجيدين طبخه؟​

يعني اغلبهم اذا اخدت توجيهات امي

جربت اطبخ :

المقلوبة كانت نتيجتو جيدة
منزلة باذنجان - كانت ممتازة
زر و فاصوليا خضرة - كانت ممتازة
صينية بطاطا بالفرن - كانت ممتازة
صينية باميا - كانت ممتازة
صحن حمص شغل بيت - كانت ممتازة
مندي دجاج - فوق الممتازة

ماعندي طبق معين اجيد طبخه , اي طبق بدي اطبخو بروح لعند ماما و هي بتعطيني ارشادات
هدول الاطباق الي فوق يمكن سويتهم مرة ولا مرتين , اتضح عندي نَفَس بالطبخ بس للأسف
بعيدة عن الطبخ

7/ هل تحبين الطعام المنزلي أكثر أم الاكل السريع واكل المطاعم؟ لماذا؟​

المنزلي بكل تأكيد
لأن اول شي نضيف و بعرف شو فيه الاكل
سعراته الحرارية بالنسبة للطبخ المنزل بتكون اقل لأني انا بحددها من خلال المعايير الي بحطها
أرخص نسبياَ بالنسبة للأكل الي برا
و لأني تعودت ع اكل البيت , نادر جداَ ما اكل برا لأن بحب الطبخ اكتر من الأكل السريع

8/ ما هو أكثر عمل منزلي تستمتعين بالقيام به؟​

سؤال فيه فخ لاني مابحب اعمال المنزل
مممممم بحب مسح الأرض مع انو بيكسر ضهري صراحةَ
بس لانو بكون في معطر بالمي و بستمتع بالريحة كتير

9/ ما هو أكثر عمل منزلي ممل ومزعج لكنك مضطرة للقيام به؟​

الجلي , ولان مطبخي صغير الملعقة الصغيرة اذا كانت بالمجلة بتحسي في جلي كتير
ف لازم اجلي اول بأول حتى لو كان في ملعقة صغيرة بس

بس بصراحة بحس لما يكون المطبخ نضيف و مضبوب هي اكتر سعادة ممكن اشعر فيها
و متل ما امهاتنا بتحكي , بس انضب المطبخ انضب كل البيت و عنجد طلع كلامهم صحيح

10/ هل عندك حيوان أليف؟ اذا نعم ماذا يكون؟​

لا بس بتمنى يكون عندي قطة أو كلب

11/ ما هو أكثر شيء مجنون قمتِ به بحياتك؟​

حلقت شعري

12/ متى آخر مرة قرأتِ فيها كتاب ما؟​

زمان , بس بحب اقرأ مقالات علمية تكون قصيرة

13/ من هو أكثر كاتب تقرأين له؟​

بعشق كتابات دوستويفسكي , كنت اقرألو كتاب الجريمة والعقاب وصلت لصفحة 220 ووقفت

14/ ماهو أكثر موقف طريف حدث لك بأيامك الأولى بألمانيا؟​

و انا عم اتعلم كلمة صباح الخير مو بس بالالماني لا و كمان باللهجة المحلية للمنطقة الي انا فيها
و مشان ما بين اني غريبة ع المنطقة كنت احكي اول شي كلمة Morgen و يستغربوا لأنها بتطلع
من الناس الجداد ف لما تعلمتها صرت اضحك ع حالي لما كنت احكي مورغن اول شي و هن بيحكوها
موين - Moin تخيلي ههههههههههههههههههههههههههههه

-

تاني موقف طريف اني كنت رد ع كل حدا يحكيني الماني ب Ja يعني نعم و نادر ما كنت احكي Nein يعني لا
و كان شكلي كتير غبي لأن مرات مثلاَ ما يكون الحديث صيغة سؤال و عنجد بين شكلي اني غبية بس شو اعمل
اذا ماكنت بعرف اللغة

15/ هل حدث وأن تعرضتِ للعنصرية من طرف الألمانيين؟​

ابداّ , شعب خلوق و مٌحب للمساعدة
حتى قابلنا شخص نازي و كانت كتير لطيف معنا مع انو النازية هون كتير كتير بيكرهوا الناس الغريبة عليهم

16/ كيف كانت نيون بالمدرسة الثانوية؟ طالبة متفوقة؟ لطيفة؟ جانحة؟ متنمرة؟​

كنت وسط مو متفوقة ومو كسلانة
لطيفة و هادئة جدا جدا جدا و كنت ما بحب اعمل شغب او ضجة بالصف
و كنت احترم المعلمات بشكل لا يوصف

17/ ما هو أكثر شيء ابداعي تجيدينه بخلاف التصميم؟​

فن ال Nail art كتير ادبعت فيه و سويت ستايلات صعبة بس ما بعرف كي فزبطت معي
و اهم شي انو هو بدو مراق فظيييع

و الرسم بفن ال Graffiti

18/ كيف تتجاوزين فترات الحزن والاكتئاب؟​

يمكن على اد ما ببكي عليها بوصل لمرحلة اني ما عادت تفرق معي هيك بتجاوزها
بحس انو كل مرحلة لازم نعطيها حقها متل ما لما ننبسط مننبسط لآخر نفس
نفس الشي بالنسبة للحزن لازم نعيش لحظتو نعطيها حقها لنقدر نجاوزها

19/ ما هو أكثر موقف محرج تعرضت له وتمنيت ان تبتلعك الأرض بسببه؟​

للأمانة ما بتذكر

20/ متى كان آخر شجار لك استعملتِ فيه التقنية الحربية الجد خطيرة: شد الشعر؟ ​

مابتذكر لان من زماااااااااااااااان يعني ما بتتخيلي اديش من زمان ما مديت ايدي ع حدا
و هالحدا اكيد رح تكون اختي مو حدا غريب

يمكن من 8 سنوات

21/ ما هي اكثر 3 صفات تحبينها بشخصيتك؟​

قوة الشخصية
الثقة بالنفس
الفكاهة و خفة الدم
اسلوبي لين و قريب للقلب

22/ ماهي أكثر 3 صفات تكرهينها بشخصيتك؟​

العصبية
مرات ببين علي متكبرة او مغرورة
الاهمال

23/ هل هنالك امر تطمحين لتغييره او تحسينه بشخصيتك؟​

اجل , طبعاَ العصبية فقدت الأمل منها اني غيرها خلص كونت شخصيتي
بس نفسي غير طريقة تفكيري و نظرتي للأمور لأني دائماَ بفكر بأسوء الاحتمالات قبل ما فكر بالناحية المشرقة من اي شيء

24/ هل تحبين الأطفال؟ لماذا؟​

لأ , لأنو خلقي ضيق و ما بحب الصريخ
اصغر اخت الي عمرها 28 ف كبرت بعيلة ما تعاملت مع ولاد صغار

25/ هل أنت من محبي القطط؟ لماذ؟​

اي , بجيبوا السعادة بشكل لا يوصف

26/ ما اسمك الحقيقي؟​

اسمي الحقيقي زينب بس من وانا صغيرة كنت دائما احكي لرفقاتي اسمي زينب
و كانوا من العجلة ينادوني دائماَ زينة , و ارجع صححلهم و يرجعوا يحكوا زينة
ف اعتمدت اسمي زينة و بالوثائق الرسمية نفس الجواز و الهوية اسم زينب

27/ حالتك الاجتماعية؟​

عزباء

28/ كم مرة وقعتِ فيها بالحب؟ او الاعجاب؟ *مش بالضرورة تعداد اشخاص حقيقيين لانه يحتسب في ذلك أيضا الممثلين وشخصيات الافلام والدرامات والانمي والكتب...الخ*​

جميع اعضاء فرقة Avenged sevenfold بالأخص M Shadows هالفرقة بعشقها عشق مو طبيعي
و لو التاتو حلال لوشمت شعارهم علي ههههههههههههههههههههههههههههههه

عازف اسمو سلاش Slash هاد عنجد يعتبر اسطورة من اساطير عازفين الجيتار الكهربائي و الي لحن
و عزف موسيقى the godfather المشهورة

^ شوفي هون كيف كان صغير لما عزفها , دااااههههييييةةةة

بحب كتير ممثل هنري كافيل بطل فلم سوبر مان شخصية عنجد جذابة

و بحب كمان ممثل روبرت داوني جونيور و من كتر ما كنت معجبة بفلم ايرون مان
كان لقبي ع برنامج ask me هو Miss stark كون هو كان ينادولو Mr. Stark
بحب شخصيتو كتير , بحسو كتير فكاهي و قريب للقلب , و كاريزمة مو طبيعية

وممثل كايلان مورفي اكيد لانو شخصية و كاريزما خاصة بمسلسلة بيكي بلايندرز

29/ ماهي مواصفات فارس احلامك في حال لم تلتقِ به بعد؟ وفي حال التقيت به بالفعل ما هي مواصفته؟ *يعني رح تجاوبي ع السؤال بكل الحالات هيهيهي*​

حنون عليي
واضح و ماعندو لف و دوران
بحبني كتير متل ما انا بحبو كتير
بيتنازل عن بعض الاشياء متل ما انا بتنازل
بالتوافق الديني هو متلي
اهلو نوعاَ ما بيشبهوا اهلي
و كريم كتييييييييير

ادعي نصير من نصيب بعض

30/ مالمواصفات التي لا ترغبين ان تكون موجودة بشريك حياتك؟ ​

الكذب و النفاق
انو ما يكون واضح هاد اكبر مصيبة
بخيل

في كتير غيرهم بس هدول الاساسيات

وفقط :')​

شكراَ لوقتك و اسئلتك اللطيفة

 

[Dr.Saki~☆]

مساء الخير
كيفك سيلين
رح ابدأ بالأسئلة

1- كتاب غيّرك بعد ما قرأتيه

2-أكثر اغنية عم تسمعيها حالياً

3-أكثر اكلة شاطرة فيها

4-فلم مهما تكرر بتحبيه

5-كلمة على لسانك دائما بتقوليها؟

6-لو صرتي رئيسة دولة ليوم كامل شو رح تعملي ؟

7-لو كنت فصل شو رح تكوني و ليش؟

8-لو في آلة التنقل بالزمن رح ترجعي للماضي ولا تسافري للمستقبل او رح تكسريها و تضلي بالحاضر؟

 

[خَوْد]

مساء الخير
كيفك سيلين
رح ابدأ بالأسئلة

الحمدلله وانتِ كيفك؟

1- كتاب غيّرك بعد ما قرأتيه

مابقرا كتب

2-أكثر اغنية عم تسمعيها حالياً

3-أكثر اكلة شاطرة فيها

بيض مقلي
بمزح ، رز وسبانخ

4-فلم مهما تكرر بتحبيه

Divergent
Tron legacy
Mad max fury

5-كلمة على لسانك دائما بتقوليها؟

Wth
sh*t
مافهمت

6-لو صرتي رئيسة دولة ليوم كامل شو رح تعملي ؟

نشرب النبيذ ونرقص مع الجاريات ههههههههههههههههههههههههههههههههه

رح خفف الضريبة كسرت ضهرنا

7-لو كنت فصل شو رح تكوني و ليش؟

الصيف ، مليان حيوية ، الوانو براقة ، فواكه عشقي خاصةً البطيخ الاحمر

8-لو في آلة التنقل بالزمن رح ترجعي للماضي ولا تسافري للمستقبل او رح تكسريها و تضلي بالحاضر؟

رح ضل بالحاضر ، لان التجارب الي مريت فيها سابقاً خلتني كون الانسانة الي انا هلأ حتى لو كانت فاشلة ، العبرة بأنو نتعلم من الاخطاء. والمستقبل مانو مبشر بالخير ومنيح انو نحن مامنعلم بالغيب كنا نجنينا رسمي

شكراً لوقتك واسئلتك اللطيفة

 

[Marshmallowღ]

انتهت فترة استضافتنا ل @Selene, وشكرا لكل من شارك ​