مدونة راقية Noor dairy ♡ (2 زائر)

[Ethan]

-
قد ايه الواحد تعبان ومعنوياته منهارة ؟
يشوف الحرب مستمرة وما في أي نقطة تقدم ومع ذلك الأمل لسا فينا موجود وربنا قادر على كل شي
بس بتمنى من كل قلبي اللي عاشوه أخوانا خصوصي وأحنا ، يصير بالحكام العرب لأنهم متخاذلين ومطبعين لدرجة ممكن يطلعوا كل اللي يملكوه عشان دولتهم وغزة ما يتحركوا خطوة عشانهم
قد ايه في نفوس خبيثة انكشفت ؟ وكل اللي يصير ولسا في ناس تمدح بهاد الملك ومش عارفة ايش
حسوا على خيبتكم وكسفتكم قدام أهل غزة
يارب انصرنا وهون علينا مصابنا ولو كان مصابهم فهو مصابنا نحنَ واحد
الرحمة للشهداء الأبرار والشفاء للمرضى ​

 

[A S T E R]

السلام عليكم ورحمة الله وبركاته

نور الحلوة وبنت البلد

نور اول ما عرفتك زمان تعرفي والله كنت اشوفك غريبة ما اخفيك ،
بس بنفس الوقت عنجد كنت ولهسا بحبك ، يمكن تقولي انه ما بتحبي تتذكري حالك وانت اول ما جيتي

بس بحب اقولك انه عادي كلنا اول ما سجلنا بالمنتدى بقينا طايشين وعاهات رسمي

انا الحمد لله راح كل هبلي وما حد رح يشوفو لأنه لما اول ما سجلت كان بالتون القديم والتون القديم طار

وتتصوريش شو كنت هبلة وكلامي كثير بضحك ولما جينا وسجلت هون ما طولت وخطبت وتزوجت وخلص بعدت،، ولما رجعت بهالعضوية ،،
الواحد رجع شوي ها متغير قال يعني وراكز

بس الي بدي اوصلك اياه انه البني ادم كل ما كبر وتطلع عالنسخة السابقة منه سواء قبل سنة او سنتين او عشر سنين ،
رح يستغرب قديش هو تغير ويستغرب كيف الحياة غيرت من اسلوبه ووجهة نظره تجاه كثير امور

لحد هسا بقيسها عنفسي ،
لما اقرا تدويناتي الاولى بضحك عحالي مع انها مش زمان ، وبقول عن حالي هبلة برضو مع انه وقتها بقيت اكتب وعادي

وكمان 5 سنين بتوقع رح اصير اقرا تدويناتي الحالية وبرضو استغرب من التغيير الي فيي ،
فالتغيير فينا بضل لاخر يوم ، بس المهم يكون التغيير ايجابي مش سلبي وانه الواحد يستفيد من الشغلات الي بتصير بحياتو

فإنت انسانة طيبة ، واضحة طيبتك ، ما عندك خبث نهائياً

بتحبي تتعلمي وتطوري من حالك وتتعلمي من الي اكبر منك ،
مو شايفة حالك او انه شايفة الي اكبر منك لا يستحقوا انه تاخذي منهم ،
بالعكس بتحبي تتعلمي من الي اكبر منك وهاد شي رائع فيك

عندك فضول بس بنفس الوقت ما تفرضي نفسك على الغير

مرحة واجتماعية ، حتى بالواقع بتوقع بتكوني تحكي وتمزحي كثير مع الناس

وشكلك برضو حساسة كثير ، هيك لاحظت ما بعرف صح او لا

تعرفي تناقشي وتبدي رأيك باحترام

ولو حسيت النقاش رح ياخد منحى اخر ما بتحبي ، لانه المهم عندك انه ما حدا يزعل منك ،
وهاد شي حلو بس بنفس الوقت لا تخليه يمنعك تحكي كلمة الحق حتى لو مين ما كان يكون الطرف الاخر وعادي لو زعل

محترمة كثير واخلاقك عالية وبتحترمي الجميع ، ما بتوقع في حد ما بحترمك لانك محترمة الجميع

وعنجد انت بنت كثير كويسة وما تستاهلي الا كل خير ، الله يوفقك ويهدي بالك ويسعدك دنيا واخرة يارب



​

 

[Dr.Saki~☆]

السلام عليكم ورحمة الله وبركاته
نوارة صديقتي الأولى بالتون من 2019

لما رجعت السنة الماضية ما توقعت لاقيكي موجودة توقعتك سحبتي عن التون والتهيتي بحياتك بس فرحت كتير لما شفتك كان اسمك بوقتها ابريل وضليت حافظة اسمك لحتى رجعت

نور شخصية هادية ولطيفة وهاد الحلو بشخصيتها بحسها من البنات الرقيقات الكيوت ومن الاعضاء الغالين علي كتير

بتحب التصوير الواقعي وكل شي بتصوره بيطلع حلو بتحب تصور مدينتها طولكرم و تورجينا جمالها و بتحب الورد والقطط كتير

مرحة لما تكون مروقة دمها خفيف بس بالفترة الأخيرة حاسستها متغيرة و عم يغلب عليها الحزن بسبب طيبة قلبها وانها بتتعرض للخذلان وما عندها خبث

كتير حساسة و ما بتحب تزعل حدا ابدا مراعية جدا و طموحة بتسعى لتحقق حلمها التمريض وهي مجتهدة بدراستها

بتحكي الحق بدون كذب و مجاملة و بتاخدي موقف معه وخاصة لو الموضوع بخص بلدها الله ينصرهم عن قريب

كتير لطيفة و بتحب تساعد الكل وما بتبخل عن مساعدات حدا بكل شي بتقدر عليه وبتغير اسمها كتير مع هيك ما منضيعها و سهل نعرفها من اسلوبها ولطافتها

بتحب جونكوك ومتابعة شديدة للكيدراما وهاد باين من مواضيعها والقسم يلي مستلمته وفيها طبع مسؤولية

آخر شي بقلك الله يهدي بالك و يوفقك لتحقيق حلمك يارب ويبعد عنك الناس يلي ما بتستاهلك و كل عام وانتي بخير وان شاء الله السنة الجاية منكون على جبل عرفات ​

 

[Ethan]

_
بحس شعوري هاد العيد مثل اللي قبلو
العيد اللي مضى عيطت لما سمعت التكبيرات وبرضو هاد العيد عيطتت
مش متعودة ولا خطر ببالي يجي علينا عيد يكون فيه شعبنا مكسور لهيي الدرجة ، بس الحمد لله على كل حال
هي كانت فيه أشياء تمنع فرحتنا بس السنة الحمد لله على ما قدر الله اجت الحرب ونزعت منها هالفرحة بس بنحاول نفرح قد ما كان
بحب أحكي عيدنا الحقيقي لما غزة تنعم بحريتها، مع انها هي حرة بمقاومتها وصمودها لحد الآن
ولما نتحرر هيبقى أحلى عيد
فرق بين عيد السنة اللي مضت وهيي بس نقولها كمان مرة ما في اعتراض على قدر الله ويارب السنوات الجاية نكون متحررين ، ونعّيد بأكثر فرحة
وبالنهاية العيد من شعائر الله ولازم نعظمها ، كل عام وانتوا بخير ويارب ينعاد عليكم بالصحة والعافية
حبيت أحكي كم كلمة من القلب ، وبما انه اليوم عرفة هو يوم مميز ومبارك فلا تنسوا صلواتكم وأذكاركم والأهم دعائكم لأهل غزة وأنفسكم برضو
دمتم بخير ​

 

[Ethan]

كان يوم حلو والحمد لله
شُكر كبير للناس الحلوة بحياتنا 🫶🥹

​

 

[Ethan]

-
ضروري حدا يلغي فقرة الأكل بالعيد

اللي ساكنين بفلسطين جيبوا منها بالذات الشوكولاتة
وأحلى شي أنا قال باكل بسكوت صحي ووراه شوكولاتة بس كثير زاكيين ​

 

[Ethan]

محد
أنا و @M A R L E N E بكل زمان ومكان :

​

 

[Ethan]

ألطف الكائِنات 🥹🩷

​

 

[Ethan]

_
أحياناً الإنسان يندم على اختياراته مثلاً لأشخاص أو كونه موجود ما بالمكان صح
ويندم ليه ضيع وقته على هذا الشخص ويحاول ، وأساساً الشخص ذاك ما شايله من أرضه
المَقصد هُنا انه الإنسان ما يندم عشان أعطى حدا مكانة أو اهتمام ممكن كان أكبر من حجمو بالعكس هيك تصرف بحسن نية وطيّب كونه توهم أنه هذا الإنسان منيح بالنسبة الو
ما الإنسان يندم على أي لحظة قضاها وهو يحاول أو كان طيب بالعكس يفتخر بنفسه أنه كان شخص محترم وطيب مع ناس ما بتستاهله ، يفتخر أنو كانت نفسو بتجنن
والمحاولة بتعلم الشخص والغلط برضو ، حتى ولو تكررت هيي الغلطة شي يوم بتصحى على حالك ويطفي شغفك تجاه هالشخص مو لأنك مش كويس
بس لأنك تعبت من انك تفسر وتعاتب هالشخص
ومهما قدر محبتك الو وتعلقك أبعد لأنو وقت صحتك النفسية والجسدية تتدمر ما بوقفوا معاك
وبالنهاية الله ببعد عنك اللي ما بحبك ويأذيك، وتغلط عشان تتعلم من هيي الغلطة لأنها الحياة تجارب والحلو فينا أنه نصحى على حالنا ولو متأخر
كلام من القلب بس خطر ببالي ​

 

[Ethan]

_
حبيت أحطهم هون

​