الختم الماسي من روائع أدب الطفل، رواية هايدي، يوهانا شبيري (3 زائر)

[Austina]

MR.HERO - 19 - 05 - 2024

السلام عليكم ورحمة الله وبركاتة
كيفك اخي عبد الله
اخبارك ؟ يارب تكون بخير​

أُسعدتم صباحاً ومساءً يا خير الأصدقاء: أعضاء وعضوات منتدى انمي تون الكرام​

تسلم اخي و أسعد الله ايامك كلها بالخير و الرضى
بالبداية بدي قول ان طقم الموضوع
جميل و رهيب لفت نظري من اول ما دخلت الموضوع و طبعاً كل الشكر ل P!NK المبدعة الي صممت هل طقم الرهيب و الفخم ​

اليوم وفي هذا الموضوع أحب التكلم عن رواية من أهم روايات أدب الطفل، رواية هايدي.​

روايات ادب الطفل لاشك أنها تبقى حلوة
بس للصراحة انا ما سبق و قرأت هيك نوع من الروايات
اما عن هايدي ف انا بتذكر اني تابعتها من زمان كتير كتير "" يعني وقت كنت طفلة فصعونة "" شفتها ك كرتون كان يطلع ع التلفزيون و كان كرتون رهيب و حلو
و من يطلع الكرتون ع التلفزيون يصير ممنوع الكلام عنا بالبيت ما اخلي حد يحكي كلمة عشان ابقى مركزة ع كرتون هايدي منيح ​

أتعرفون كم كان عمر الكاتبة يوهانا شبيري عندما كتبت رواية هايدي؟ أكثر أعمالها شهرة وروعة​

توقعت يكون حوالي الثلاثين بس نصدمت لما عرفت انو كان عمرها 53 سنة لما كتبت الرواية
انا اعرف الواحد بهيك عمر يصير ينسى كتير و مزاجه طالع نازل يبقى ف كيف كان الها ذاكرة و مزاج لتكتب رواية بهل عمر انا ما ادري ​

وهذه رسالة لكل كاتب وكاتبة: لا تستعجل على كتابك.. العمر كله أمامك إن شاء الله​

انا ما بوافقك على رأيك هذا لأن الإنسان هو بطبعه عنده خصلة كسل و خمول ف كيف إذا صار يأجل كل أعماله و أشغاله ل سبب ان بكرة بيطلع معي كلام أو افكار أحلى
و بكرة و الي بعده و الي بعده
الوقت نهدر و مر بكون ع الفاضي
و هو ما حقق شي غير انو أعماله و أشغاله تراكمت عليه كلها و وقته طار من ايده
"" الوقت لا يباع و لا يشترى ف ان لم يسغله الواحد ف راحت عليه خلاص "" ​

بالنسبة للفرق بين الرواية والإنمي. الرواية تعطيك شعوراً مختلفاً عن مسلسل الرسوم المتحركة وإن كانت الأحداث نفسها في الإنمي هي نفسها في الرواية​

حلو أحداث الكرتون و الرواية طلعوا نفس بعض بدون اختلاف
هيك ما بصير ضياع بالأحداث عند المشاهد أو القارئ
اما عن كلامك على ان الرواية بتعطي شعور مختلف عن الكرتون بالرغم من تواجد نفس الأحداث بالرواية و الكرتون
ف يب بقول كلامك صح لأن الكتب و الروايات ع طول تبقى دافية و تعطينا شعور بالدفء و الحنين الها لنرجع و نكمل قراءة الصفحة التالية و التالية و التالية وصولاً للختام ​

هايدي، والجد (في الرواية ينادونه الخال ألم)​

احلى شخصيتين بالكرتون كله ع بعضه
للأن بتذكر وقت راحت هايدي ع المدينة و تركت الجد لوحده شقد زعلت عليه
+ حبيت اسم الجد الجديد
الخال ألم اسم بحق يليق بشخصية الجد و اسم لتيييف و جميل ​

11 شخصية فقط في كتاب قوامه أكثر من 300 صفحة صنعت ثلاثة وعشرين فصلاً​

من قبل ما كانوا يحطوا كتير شخصيات بالكرتون أو الروايات عشان هيك كنا نبقى مركزين ع الشخصيات و الأحداث بكل سهولة
اما الآن بحطوا بالأنمي مليار شخصية لدرجة صارت أغلب قصص الأنمي و شخصياته متشابهه ​

فنحن نتحدث عن مُضِيّ 143 سنة على نشر الرواية وما زالت حية حتى الآن.​

لأنها عمل اسطوري طبيعي تبقى عايشة بالنور و بالرغم من تواجد غبار السنين عليها إلا انو قيمتها ما خفت أو راحت
لأن بعدني للأن بتذكر ذكرياتي مع كل كرتون شفته بطفولتي و كيف كانت احداثه و نهايته و بدايته كمان
ذكريات الطفولة عند الإنسان تبقى ثمينة و غالية كتير ف مستحيل تنمحى لو مهما مر عليها من زمن ​

وعن مُضِيّ 122 سنة على وفاة أسطورة نسائية في ساحة الأدب العالمي وأدب الطفل، وما زال يُشار إلى اسمها بالبَنَانِ في الجامعات​

توفت بعد كم سنة بس من نشرها لروايتها
بس شو نقول الله يرحمها ل الكاتبة العظيمة يوهانا شبيري
اما عن حياة الكاتبة يوهانا
ف كان ترتيبها الطفلة الرابعة بين اخواتها
و بصراحة رقم 4 دوماً احسه رقم مميز
و هي صدق احساسي و طلعت الطفلة الرابعة يوهانا مميزة و اروع كاتبة
و أعمالها تحفة فنية بحق ​

لم تكن يوهانا سعيدة تمامًا في المدينة؛ لأنها كانت تحب الطبيعة.​

شخصية الكاتبة يوهانا تشبه شخصية هايدي بعض الشيء ف هايدي كمان ما كانت تحب المدينة إطلاقاً ولا قدرت تتعود عليها و كانت دوماً تبقى مشتاقة للطبيعية و الجبال
عدم الاستسلام الي عند الكاتبة يوهانا رهيب جدا و ياريت لو كل الناس متلها
ف بالرغم من موت زوجها و ابنها الوحيد و تراكم المرض عليها ما تركت الكتابة
و استسلمت لضعفها اطلاقا لا بقت عم تكتب و تكتب و تمارس هوايتها الي حبتها و لقت نفسها فيها للأخير
قوة الإرادة الي عندها أكثر من رائعة

و يعطيك العافية اخي الكريم على الموضوع الجميل و المميز
و يارب نشوف لك المزيد و المزيد من النشاط و المواضيع الفخمة بالقسم و بباقي اقسام التون كمان
و دمت بخير ​