كل يوم معلومة التقنية (1 زائر)

[خَوْد]

-










السلام عليكم و رحمة الله و بركاته

كيفكم يا حلوين ؟ ان شاء الله الكل يكون بخير و سلامة

فكرت كتير بإنو ليه ما نخصص موضوع خاص بمعلومات خاصة بالتقنية

اذكر كان قبل في موضوع عن موسوعة معلومات منوعة بقسم فضاء التون

ف اجا ببالي اني خصص هالموضوع فقط للمعلومات التقنية مشان نساعد بعضنا

و كمان يمكن شي عضو قرا معلومة من هون او من هون و ما لقالها مكان

يجي يحطها هون

القوانين :

مافي قوانين , القانون الوحيد هو هالموضوع مخصص فقط لأي معلومة تخص التقنية

أمثلة للمعلومات الي ممكن تنعرض ( طبعاَ مالها حصر هي مجرد أمثلة ) :

1- ادوات الذكاء الاصئناعي
2- مقالات علمية بتخص التقنية
3- معلومات عن عالم التكويد Coding
4- اي شي بخص مشاكل الموبايل/الكمبيوترات و حلولها

و غيرها الكثير

عالم التقنية غير محدود و الموضوع مفتوح الكم لتفيدوا و تستفيدوا

​

 

[خَوْد]

-



-

رح أعرض عليكم 21 أداة ذكاء اصطناعي تغير حياتنا بشكل كبير

1. التصميم:
- Canva: لتصميم الجرافيكس والملصقات
- Flexclip :لتحرير الفيديوهات
- Microsoft Designer:لتصميم الجرافيكس
.
2. الصور:
- Midjourney :لتوليد الصور الإبداعية
- Dall-E :لتوليد الصور واللوحات الفنية
- Leonardo :لتلوين الصور بأسلوب فني
.
3. البحث:
- Bard :مساعد ذكي للبحث
- ChatGPT :للإجابة عن الأسئلة
- Bing Chat :للبحث الذكي
.
4. الشات بوت:
- Cortex :لخدمة العملاء
- Voiceflow :لبناء الشات بوتس
- Chatsimple :لتطوير الشات بوتس
.
5. الفيديو:
- Pictory :لتحويل النص إلى فيديو
- Heygen :لإنتاج الفيديوهات القصيرة
- Invideo :لتحرير وإنتاج الفيديوهات
.
6. الكتابة:
- Notion :لتنظيم المحتوى النصي
- Grammarly :لتصحيح الأخطاء الإملائية
- Quillbot :لإعادة صياغة النصوص
.
7. الشعار:
- Looka :لتصميم الشعارات
- Logomaster :لإنشاء الشعارات بسرعة
- LogoAI :لتوليد الشعارات بذكاء اصطناعي

 

[خَوْد]

-



الشحن المتواصل بضر البطارية ؟

بفرض عندي كهربا 24 ساعة ونسيت لابتوبي او موبايلي موصول ع الشحن ونمت ..
هاد الشي ممكن يأذي البطارية ويسببلها ضرر؟

بالبداية عنا نوعين من البطاريات :

- نوع مصنوع من النيكل.
- نوع مصنوع من الليثيوم.

خلونا نعرف الأحسن :

# النوع المصنوع من النيكل الشركات حالياً ما بقا عم تستخدمو لانو في مشكلة ويلي هي '' Memory Effect '' و هالمشكلة بتسبب مشاكل وتلف بالبطارية اذا خليت هاتفك لوقت طويل بالشحن .

# النوع التاني ويلي هو مصنوع من الليثيوم حالياً اغلب الاجهزة الحديثة سواء هاتف او لابتوب طبعاً فيك تتأكد من النت حسب مواصفات جهازك بس من عندي بقلك ياها ليثيوم لا تتعذب المهم الليثيوم بس وصلت ع ال 100٪ فيها تقنية بتقطع مرور التيار الكهربائي .

 

[خَوْد]

-


الفرق بين '' HTTP و HTTPS '' :

طبعاً هدول عبارة عن البروتوكولات المسؤولة عن ارسال المعلومات والبيانات واستقبالا ع شبكة الإنترنت.

# طيب شو الفرق بينهن ؟

1- بروتوكول ال HTTP بيرسل البيانات وبيستقبلها بدون أي تشفير يعني البيانات متل كلمات السر بتنقرا بشكل واضح ع شكل نص متل هاد وبكل سهولة ، لهيك المواقع مو كتير بتستخدمو ولا بتعتمد عليه ع الانترنت.

2- بروتوكول ال HTTPS هو صاير عبارة عن دمج بين بروتوكول HTTP وبروتوكول TLS (SSL) وبشفر البيانات المنقولة عبر الشبكة.

# ملاحظة :
اذا كنت فايت ع رابط وشفت بدايتو http هاد الشي ما بيعني انو انا رح يتم اختراقي وخالصين انتهت الحياة .. لا هالحكي مو صحيح .. بس بفرض كان عنا طرف تالت متصل ع نفس الشبكة وعم يراقب الاجهزة المتصلة فيها وانت سجلت بياناتك بموقع http رح يشوف شو سجلت بكل سهولة.. كمان شغلة حتى لو كان الموقع https هاد الشي ما بيعني انك محمي 100٪ يلي عم يراقب الشبكة رح توصلو بياناتك بس بشكل مشفر يعني قادر يشوفن بس القصة بدها شوي خبرة زيادة .

معلومة :

HTTP = Hyper text transfer protocol

HTTPs = Hyper text transfer protocol secure
.
منستنتج انو ال S بكلمة https جاي من كلمة secure يعني أمان .

 

[خَوْد]

-



شو الفرق بين أنواع تشفير الحماية ل WI-FI ؟

بالبداية عنا تقنيات للتشفير ويلي هيي :

WEP

WPA

WPA2

WPA3

هي التقنيات موجودة بالشبكة لتحميها من الاختراق طبعاً وكل تقنية بتختلف عن التانية بمستوى الأمان والتكوين وهالقصص .

خلوني احكيلكن عنهن شوي :

1- ال WEP : هي تعتبر أقدم تقنيات التشفير وهلا تقريبا ما حدا عم يستعملها لأنو ضعيفة كتير وسهل اختراقها عن طريق التخمين وفي طرق تانية لهيك ما حدا بقا بينصح فيها للحماية .

2- ال WPA : طبعاً تعتبر هالتقنية تطوير لتقنية WEP يعني بالمختصر جابو تقنية WEP وضافولها شوية ميزات متل تشفير TKIP .

3- ال WPA2 : أحدث تقنية تشفير موجودة حالياً وحاليا اكتر شي إنتشارا بين الناس واكتر شي مستخدمة حالياً وبتعتمد ع تقنية AES يلي هيي عمليا أقوى من TKIP المستخدمة ب WPA .

4- ال WPA3 : تطوير ل WPA2 وافضل منها من ناحية الأمان بمراحل ويفضل استخدامخا اذا كانت موجوده

# لزيادة الحماية لازم نلغي تفعيل WPS.

 

[خَوْد]

-




شو بتعمل إذا وقع هاتفك بالمي؟ وكيف بتنشفو؟

طبعاً هاد المنشور للناس يلي هواتفها ضد المي كمان لأنو ممكن يكون في عطل بالتصنيع او في كسر خفيف بالشاشة او ممكن اي شي ما حدا بيعرف ساعة النحس !

خلوني قلكن شو الإجراءات في حال وقع هاتفك بالمي :

- بالبداية فوراً بتطفي الهاتف مشان لا يصير اي قصر بالدارة يلي جوا وينضرب البورد او شي قطعة .
- ‏ما بتوصل هاتفك بالشحن ولا بأي مصدر طاقة .
- ‏بتشيل كلشي بينشال عن الهاتف يعني البطارية والكـ.ـفر والسيمات وكرت الذاكرة وكلشي فيك تشيلو مشان بالبداية لا تعطل هالقطع وتاني شي مشان سهولة التنشيف
- ‏بتبلش تنشف الهاتف من برا ومن كل الاتجاهات ولا تترك مي أبدا واستخدم المحارم احسن ما تستخدم قطعة قماش .
- ‏بتنشف كلشي في ثقوب بالهاتف مثلآ منفذ السماعات وال Type-C .
- ‏لا تستعمل السشوار أو أي أداة تجفيف بتعطي سخونة لأنو هالشي رح يأثر عالقطع الداخلية .
- حط هاتفك بمحل جاف او في هوا بارد متل قدام المروحة مثلآ و انتبه تحطو بالرز لانو الرطوبة يلي بيعملها الرز بتعمل اكسدة بتضر قطع الجهاز

أو فيك من البداية تطفي الهاتف وتاخدو لعند مصلح فهمان يفكو وينشفو عمهلو .

 

[خَوْد]

-



أشهر لغات البرمجة ولشو منستخدمها؟

أشهر لغات البرمجة :
.
# لغة python :
- تحليل البيانات.
- تعلم الآلة.
- أمن المعلومات.
- الذكاء الاصطناعي.
- برمجة المواقع الالكترونية.
- التشفير و الحماية.
- الشبكات والسيرفرات.
.
# لغة C# :
- برمجة تطبيقات الموبايل.
- برمجة المواقع الإلكترونية.
.
# لغة ++C :
- برمجة الألعاب
- ‏برمجة تطبيقات سطح المكتب.
.
# لغة PHP :
- برمجة المواقع الإلكترونية.
- برمجة بوتات التلغرام.
.
# لغة Java Script :
- برمجة وتصميم المواقع الإلكترونية.
- ‏تصميم تطبيقات الموبايل
- ‏تصميم تطبيقات سطح المكتب.
.
# لغة Java :
- برمجة تطبيقات سطح المكتب.
- برمجة المواقع الالكترونية.
- برمجة الالعاب.
- برمجة تطبيقات الموبايل.

 

[BLAVUS]

DNS و DoT (DNS over TLS) و DoH (DNS over HTTPS)؟
أغلبية الناس تستخدم DNS وهي الطريقة التقليدية لجلب عناوين المواقع وهي غير مشفرة أي أن أي أحد معك في الشبكة ممكن يعرف المواقع التي تزورها كما يمكن لأي أحد معك في الشبكة إعادة توجيهك إلى موقع وهمي تُدخل عليه بياناتك ويأخذها..

الفرق بين DoT و DoH هو أن DoH تقنية جديدة وتستخدم البروتكول HTTPS وتعمل على المنفذ 443 الذي يصعب عمل بلوك له (ببساطة المواقع لن تعمل إذا تم عمل بلوك للمنفذ) عكس DoT التي تعمل على المنفذ 853..

وحاليا أغلب المتصفحات في نسخها الأخيرة تُدعم DoH وجب تفعيلها من خلال الإعدادات..
وبالنسبة للجوال هناك خاصية Private DNS التي تتيح DoT إذا فعلتها، ويمكنك كتابة في
Private DNS provider hostname: one.one.one.one

 

[BLAVUS]

Secure SNI​

الاختصار ECH يعني "Encrypted Client Hello" وهو امتداد لبروتوكول مصافحة النقل الآمن (TLS) يهدف إلى منع تسريب بعض المعلومات الحساسة للمصافحة أثناء الاتصال بينك وبين خدمة Cloudflare (أو أي خدمة DNS إذا كانت أيضا تستخدم هذه التقنية). وتمتد هذه الحماية إلى مؤشر اسم الخادم (SNI)، الذي بدوره يمكن أن يكشف عن اسم الموقع الذي ترغب في الاتصال به عندما تقوم باتصال TLS.

الــECH ليست متاحة بعد في جميع المتصفحات وحتى وإن وجدت غالبا ستكون في المرحلة أو الحالة التجريبة ومع ذلك يمكنكم تفعيلها (يمكنكم البحث في google عن كيفية تفعيلها بالنسبة للمتصفح الذي تستخدمونه)

إذا كنت تستخدم DNS الخاص بــCloudflare يمكنك التحقق ما إذا كان تصفحك للانترنت محمي عن طريق الرابط التالي:
Cloudflare Browser Check

وهذه نتيجتي:

 

[BLAVUS]

TinyWall
TinyWall هو برنامج جدار ناري مجاني وخفيف لنظام التشغيل Windows. يأتي مع مجموعة من المميزات التي تساعدك على إدارة الاتصالات الصادرة والواردة لجهاز الكمبيوتر الخاص بك. إليك بعض المميزات:
1. الحماية الأساسية: يساعد TinyWall في حماية جهاز الكمبيوتر الخاص بك من هجمات الشبكة والبرامج الضارة من خلال تقييد الاتصالات الصادرة والواردة.
2. وضع الكتم: يتيح لك TinyWall إعداد وضع الكتم الذي يقوم بمنع جميع الاتصالات الصادرة من التطبيقات الجديدة تلقائيًا، ويسمح لك بالتحكم في الاتصالات يدويًا.
3. قائمة بيضاء وقائمة سوداء: يمكنك تخصيص قائمة بيضاء وقائمة سوداء للتحكم في البرامج والخدمات التي يُسمح لها بالاتصال بالإنترنت والتي يُمنع منها ذلك.
4. إشعارات ذكية: تقوم TinyWall بعرض إشعارات ذكية تُطلب منك الموافقة عندما تحاول التطبيقات الجديدة الاتصال بالإنترنت، مما يمنحك تحكمًا دقيقًا في الاتصالات.
5. حماية ضد العمليات الضارة: يساعد TinyWall في منع البرامج الضارة من الوصول إلى الإنترنت والقيام بأنشطة ضارة.
6. سهولة الاستخدام: يتميز بواجهة بسيطة وسهلة الاستخدام تجعل من السهل تكوين الإعدادات وإدارة الحماية.
7. دعم للتحديث التلقائي: يُحدث TinyWall تلقائيًا لضمان استفادتك من أحدث التحسينات وتحديثات الأمان.
8. مجاني ومفتوح المصدر: TinyWall متاح مجانًا ومفتوح المصدر، مما يعني أنه يمكن للمطورين المهتمين بتحسينه وتطويره وتخصيصه حسب احتياجاتهم.

الموقع الرسمي:
TinyWall - A free, lightweight and non-intrusive firewall

رأي شخصي:
لن تتخيلوا أن File Explorer الخاص بالويندوز حتى هو يقوم باستخدام الانترنيت وماهي البيانات المُرسلة؟ الله أعلم .. المهم أظن أن تنصيب البرنامج والسماح فقط للبرامج التي تستخدمها لولوج الانترنيت ومنع البرامج الأخرى وهذا سيخفف الانترنيت الخاص بك..

بالنسبة للجوال هناك تطبيق بنفس الوظيفة:
NoRoot Firewall - Apps on Google Play
أفضل برنامج مجاني، وأستخدمه شخصيا.. وأنصح به..