كل يوم معلومة التقنية (1 زائر)

[Tsukishima Kei]

اذا كنت فايت ع رابط وشفت بدايتو http هاد الشي ما بيعني انو انا رح يتم اختراقي وخالصين انتهت الحياة .. لا هالحكي مو صحيح .. بس بفرض كان عنا طرف تالت متصل ع نفس الشبكة وعم يراقب الاجهزة المتصلة فيها وانت سجلت بياناتك بموقع http رح يشوف شو سجلت بكل سهولة.. كمان شغلة حتى لو كان الموقع https هاد الشي ما بيعني انك محمي 100٪ يلي عم يراقب الشبكة رح توصلو بياناتك بس بشكل مشفر يعني قادر يشوفن بس القصة بدها شوي خبرة زيادة .

يعني لا ينصح بتاتا بالاتصالات ذو الطرف الثالث؟
وهل الاتصالات من خلال شركات الاتصالات يعتير طرف ثالث والشركات قادرة على رؤية السجلات والبيانات؟

 

[خَوْد]

@Tsukishima Kei,

اذا مهتم بالخصوصية ف النت كلو مابيضمن هالشي
مشان هيك اغلب الي بيدرسوا IT و بيتعمقوا فيه
مابكون عندهم سوشل ميديا او اي حساب بموقع و بتكون حساباتهم محدودة جداَ
بسبب انتهاك المواقع لل Datenschutz تبع المستخدم ان كان من قبل الموقع
او من قبل احتمالية وجود طرف ثالث

 

[خَوْد]

-

الفرق بين الـ الميجابايت و الـ الميجابت :

الـ '' ميجابت (Megabit) '' تستخدم لقياس السرعات متل " سرعة الإنترنت وسرعة النقل " .

الـ '' ميجابايت (Megabyte) '' تستخدم لقياس حجم الملفات متل " مساحة التخزين " .

طبعاً كل 1 ميجابايت = 8 ميجابت ولهاد السبب بيستخدمو الميجابايت لقياس حجم الملفات.

 

[خَوْد]

-

مُصطلحات تقنية

#WiFi : Wireless Fidelity.

#GBRS: General Packet Radio Service.

#HSPA : High Speed Packet Access.

#GPS : Global Positioning System.

#PDF : Portable Document Format.

#WLAN: Wireless Local Area Network.

#O.S : Operating System.

#ATM : Automated Teller Machine.

#DVD : Digital Versatile Disc.

#USP : Uninterruptile Power Supply.

#FIR : First Information Report.

#USB : Universal Serial Bus.

#CD : Compact Disc.

#GB : Gigabytes.

#SIM : Subscriber Idently Mobile.

#DP : Display Picture.

#LCD : Liquid Crystal Display.

#LED : Light Emmiting Diode.

#DLL : Dynamic-Link Library.

#GSM: Global System for Mobile Communications.

#ENGE : Enhanced Data Rates for GSM Evolution.

#HDMI : High-Definition Multimedia Interface.​

 

[خَوْد]

-

الرفع الزائد لمستوى الصوت :

الكل ينتبه من البرامج يلي بتزيد صوت الهاتف او اللابتوب لأنو مع الوقت رح تأثر عموارد الجهاز وبالأخص ع البفلة تبع الجهاز سواء كان موبايل أو لابتوب.. هالحكي مو بس للبرامج تبع زيادة الصوت هالحكي كمان لبرنامج :

Vlc.

Mx player.

والمشغلات يلي بيرفعو مستوى الصوت فوق 100.

- طبعاً مع الاستخدام الزائد لرفع الصوت بهي الطريقة رح يصير في عندك خشة بالبفلة ويضعف صوتها ويغير مع الوقت.

- كمان يلي ما بيعرف وبيفهم ب '' معادل الصوت '' لا يخبص فيها كيف ما كان لأنو كمان الها تأثير كبير ع موارد الجهاز
- يفضل اذا حابب تستخدم هي البرامج انو تستخدمها بشكل قليل ولا ترفع مستوى الصوت كتير يعني خليه زيادة لحد (20-25)٪ مو أكتر .

 

[خَوْد]

-

شو أضرار ارتفاع درجة حرارة الهاتف وشو الحل؟؟؟

بطاريات الهاتف من نوع ليثيوم وهاد النوع من البطاريات هو عبارة عن خلايا وهالخلايا قابلة للانفجار إذا ارتفعت حرارتها بشكل كبير.
غير هيك ممكن تتأثر البطارية وتصير تفرغ الشحن بسرعة كبيرة.

شو منعمل لنتفادى ارتفاع درجة الحرارة؟

لا تستخدم هاتفك وهو ع الشحن وهي أهم شغلة.

اعمل إيقاف اجباري لكل التطبيقات والخدمات يلي ما تستخدمها بشكل متواصل او دائم

اذا طلعت بسيارة لا تحط هاتفك عالتابلو ولا تتركو بجيبتك.

حاول تشيل الهاتف من البيت تبعو وقت تكون عم تستخدمو ووقت تنام.

وقت تنام لا تحط الهاتف تحت المخدة وحاول تحطو ع الأرض او ع الطاولة جمب التخت اذا موجودة.

بس شفت الحرارة ارتفعت كتير خفف استخدام الجهاز أو بالأحرى طفيه شوي واوعا تحطو بالتلاجة

 

[خَوْد]

-

كتير عالم بتسأل أنو أنا اذا ضغطت ع رابط حدا باعتلي ياه رح يخترقوني؟

طيب خلوني فهمكن كيف بتمشي الأمور بقصة الروابط وبشكل مبسط :

بالبداية خدها قاعدة اختراق الجهاز والوصول للملفات عن طريق رابط هاد شي مستحيل

طيب كيف ممكن حدا يخترق جهازي عن طريق رابط وليش بقلولنا ننتبه من الروابط ؟

# إذا كان المخترق يلي بدو يخترق جهازك فهمان بالبرمجة والهكر .. أكيد رح يكون بيعرف أنو لحتى يخترق الجهاز ويوصل للملفات لازم يخليك تثبت ملف '' Trojan '' او '' malware '' طبعاً هدول عبارة عن سيرفر بيوصل بينك وبين المخترق وبيعطيه صلاحية التحكم بجهازك بشكل كامل ..

# طبعاً المخترق رح يضيف كود جافا سكربت للرابط يلي رافع عليه ملف ال '' malware '' هاد الكود اول ما بتفوت ع الرابط مباشرة ببلش تحميل ال '' malware '' وبس نزل عندك احتمال كبير إنك تثبتو وبس ثبتو اعتبر صار جهازك ب ايد المخترق .. وإذا ما ثبتو امورك بتكون ممتازة وما حدا فيه يقربك .

# طبعاً عن طريق رابط فيه يخترق المتصفح تبعك ويوصل لكل كلمات السر يلي مسجلها فيه وبياخد صلاحيات كتيرة ومنها انو بفوتك ع رابط لتنزل التطبيق الخبيث '' malware '
'

يعني بالمختصر إذا ما ثبتت تطبيق مستحيل فيه يوصل ع بيانات هاتفك '' لا تخاف ''

طبعاً ال '' malware '' ممكن ينحقن جوا تطبيق واتس اب او اي تطبيق تاني وممكن ضمن PDF

التطبيقات المعدلة وبالأخص الواتس اب المعدل 90٪ بكون محقون بهيك تطبيق والمطور تبعو قادر يوصل لجهازك.

لهيك انتبه من التطبيقات المعدلة وبالأخص شلة تطبيقات الواتس اب المعدلة زهري واحمر وبنفسحي.

ممكن الرابط ياخدك ع صفحة تسجيل دخول فيسبوك او إنستغرام انتبه واتفقد الرابط قبل ما تسجل.

اذا فتت ع رابط وطلب منك صلاحيات مايك وكاميرا لا تضغط سماح لانو بس ضغطتها بتعطي المخترق صلاحية الوصول للكاميرا والمايك تبعك.

 

[SKY NET]

كثيرا ما نرى ذواكر بألوان مختلفة مع اختلاف اسعارها ايضا. تعرف على مواصفات وألوان وأسعار الذواكر:
والسؤال الاهم الذي يراودنا هو ما الفرق بين الوان الهاردات ؟

الأزرق:
- يوفر سرعة مناسبة واستهلاك متوسط للطاقة.
- الاكثر هدوءاً .
- مناسب للاستخدام العادى أو المتوسط لجهاز الكمبيوتر.
- سعره حوالي 40$ لحجم 1TB.

الأخضر:
- الاقل في استهلاك الطاقة بنسبة تصل الى %40.
- الاقل حرارة لكن هذا يؤدي ايضا الى انخفاض اداءه وسرعهته بشكل كبير.
- يصلح للاستخدام كهارد خارجي.
سعره حوالي 40$ لحجم 1TB.

الأحمر:
- يستهلك كمية قليلة من الطاقة.
- يتوفر بسعات كبيرة جدا.
- يستطيع العمل لفترات طويلة (قادر على العمل طوال الأسبوع دون أي توقف).
- مناسب للاستعمال في السيرفرات ومراكز البينات.
- سعره حوالي 60$ لحجم 1TB.

الأسود:
- يمتاز باحتوائه على معالج مزدوج لتوفير أكبر سرعة في نقل الملفات.
- يحتوي على ميزة Dynamic Cache التي تعمل على توزيع ذاكرة الكاش بين عمليتي القراءة والكتابة على القرص بشكل تلقائي.
- يعتبر الأنسب لمحبي الألعاب والمصممين.
- سعره حوالي 60$ لحجم 1TB.

البنفسجي:
- يحتوي هذا القرص على تقنية AllFrame والتي تعد مفيدة للغاية مع الأنظمة الأمنية داخل المنازل والشركات.
- يمتلك خاصية IntelliSeek والتي توفر استهلاك الطاقة والضجيج.
- مصمم من أجل الأنظمة الأمنية للمراقبة ذات الدقة العالية والدائمة، حيث يمكنه تحمل ما يصل إلى 32 كاميرا مراقبة عالية الجودة.
- سعره حوالي 60$ لحجم 1TB.

*ملاحظة: جميع الأسعار المذكورة موجهة للسوق الامريكي في موقع Amazon.