الختم الفضي أوربا! وما أدراك ما أوربا (3 زائر)

[عبدالله 3]

سلمت يداك | 2024-04-1| S A K Y

أوربا..
لماذا نتأمل خريطة قارة أوربا ونترك باقي الدول من القارات الأخرى؟
لماذا نحب قراءة التاريخ عن أوربا والعصور الوسطى التي تلهب الخيال؟ حيث الحكايات والأساطير
لماذا نحلم بالهجرة إلى قارة أوربا؟ لبناء مستقبل آمن
لماذا اللغات الأوربية جميلٌ وقعها على الأذن أكثر من باقي لغات الأرض؟.. فهذا يتعلم الإنجليزية وذاك الألمانية.. وآخر يجيد الفرنسية
لماذا نحب مشاهدة مباريات المنتخبات الأوربية ونتعصب لها أكثر من المواطنين الأوربيين أنفسهم؟ لماذا نشاهد الأندية الأوربية.. ونتحسر على الفارق المهول بين أوربا والعالم كله ليس العرب وحدهم
لماذا نحب قراءة الروايات الأوربية القديمة والحديثة.. ونبجل الكُتاب الانجليز والألمان والفرنسيين؟ بينما نتكبر على المؤلفات العربية والمؤلفيين العرب وغيرهم
لماذا يحب الشاب مواصفات الفتاة الأوربية الشقراء.. وتحب الفتاة مواصفات الشاب الأوربي الأشقر
لماذا يأخذ الطباخيين وصفات من أطباق أوربية عريقة.. حتى غزل البنات المصنوع من السكر، فقد صنعه الأوربيين!
لماذا يبدو الأوربيين أكثر حضارة منا؟
لماذا نتمنى الدراسة الجامعية في إحدى دول أوربا؟
لماذا معظم المخترعين من قارة أوربا؟
لماذا نتخيل الأساطير آتية من أوربا
وأخيرا حتى المناظر الخلابة والخضرة وجبال الألب تتمتع بها قارة أوربا.. كم هي محضوضة هذه القارة ^-^

سأطرح سؤالان إن أحببت المشاركة برأيك:
1- ما رأيك بقارة أوربا؟
2- لماذا هي القارة الحلم للعيش فيها؟
تحياتي للجميع.

 

[خَوْد]

MR.HERO - 26/03/2024

شكراً لردك المميز | 2024- 03- 25 | S A K Y​

لفتني موضوعك انو عن قارة انا ساكنة فيها

مبدئياً بدي ابدي كلامي انو اوروبا مو اكتر تطوراً مننا
بدبي في تكنلوجيا سابقة المانيا سفر سنة. المانيا لسا ماعندها الرقمنة او عندها بس لسا مو متقدمين فيها و مو بكل المؤسسات بيتعاملوا فيها ولساتن عم يستخدموا الرسائل الورقية لما بدن يبعتوا لحدا شي.

بس الجدير بالذكر انو المانيا سابقة دبي و الدول العربية وحتى باقي الدول الغربية سفر سنة بنظامها الاجتماعي و الصحي
و هالشي بينرفعلو القبعة , لأن هون بيحترموا الفقير و بيدعموه و مستحيل تلاقي حدا متوجع ومابيقدر يعمل عملية لأنو مامعو مصاري ليعملها ؟
او يستنى شي شيخ يقرر انو يتكفل بتكاليف العملية , او نعمل جمعية بين الناس و نلم درهم درهم لنكمل تكاليف العملية ( طبعاَ هالشي منيح اذا بصير
و بتكمل تكاليفها و طبعاَ انا بقدر الناس الي بتساعد بهيك شي ) بس متخيل لما يكون في حالة حياة او موت وما بتستحمل انتظار هو عم ينتظر للمبلغ
ليكمل ؟ هون كل واحد حرفياَ بعيش بكرامتو , صح بعيش بمبلغ قليل نوعاَ ما , بس مو ناقصو شي , صحيا و تعليمياَ متكفل تماماَ من الدولة اساسيات المعيشة
نفس التسوق و اكل البيت كمان متكفل و متل ما بيحكوا كل واحد يمد لحافو ع قد رجليه و هي بلد بتساعد و بتدعم اكتر و اكتر الشخص الي بتشوفو بدو يطور من نفسو و بيوقفوا جمبو

طبيعي لما يكون في نظام اجتماعي/صحي قوي رح يكون الو ثمن والثمن عم يدفعو الموظف ان كان موظف بشركة او عندو شغلو الخاص

لحتى يمشي هالنظام لازم الكل يدفع بهل النظام " مجبور " والدفع هو ع شكل ضريبة والضريبة الها مستويات اعلاها لما تكون عزابي وساكن لحالك بتكون تقريباً 40% من راتبك وبتقل تدريجياً لما تتزوج و بتقل لما يصير عندك ولد وتقل اكتر لما يصير عندك ولد تاني بس يعني بتقل شوي

طبعا نسيت احكي انو الكل كمان فقير او غني عندو معاش تقاعدي بس المبلغ بيفرق بينهم بحيث الغني بيقدر يدفع اكتر للمعاش التقاعدي و هيك بالنهاية رح يطلعلو معاش اعلى من الفقير بس بالنهاية الكل بيطلعلو

لان عنا اقوى نظام اجتماعي ف نسبة الضريبة عنا عالية ، عالية لدرجة انو عاملينها بطريقة انو الكل مهما كان راتبك عالي او منخفض اخر شي الكل رح ياخد " تقريباً " نفس الشي . يعني هون مستحيل واحد يبني ثروة او بتقدر تحكي كتيييييييييييير صعب وهون قصدي من الصفر الا اذا كان الحظ معو او لف حول القوانين او اشتغل اسود وكل هالشغلات صعبة اساساً وعليها مليون علامة استفهام قدام الدولة. ( من اين لك هذا ؟ )
بس مستحيل حدا يعمل ثروة . وهاد اول سبب سلبي و اول سبب ليه اغلب الموظفين حتى الالمان نفسهم بيتركوها و بروحوا امريكا ( مو لأنها افضل )
امريكا منفوخة اعلامياَ , امريكا جداَ سيئة من حيث النظام الصحي و الاجتماعي , امريكا صايرة متل دبي رأس مالية , بتشجع الناس الي معهم رأس مال و حابين يفتحوا مشاريع خاصة فيهم , و لأن امريكا مافيها هالضريبة القوية ( لان بالاساس ماعندهم شي يقدم للمواطنين ) ف بروحوا لهنيك لحتى ياخدوا راتب عالي و هن بكونوا المان او اوروبيين يعني بياخدوا مميزات بلدهم و راتب عالي بامريكا ( والله حبيت الفكرة )

اضافة مني , انو بيقدر المواطن الالماني يشتغل بدولة خارج الاتحاد الاوروبي و يدفع للمعاش التقاعدي و هيك حرفياَ بياخد مميزات البلدين الي عم يشتغل فيها

حتى كمان بتلاقي كتير اوروبيين بيشتغلوا بدول الخليج لنفس السبب لأن دول الخليج صايرة اغلبها دول رأس مالية

اوروبا مرغوبة للسكن فيها وبالاخص المانيا لان التعليم فيها مجاني وهون قصدي التعليم الاساسي من الروضة للتوجيهي اما الجامعة ف شبه مجانية بس بدو الواحد مستوى لغة عالي. و الغريب بالموضوع انو هون الجامعات الحكومية افضل من الخاصة , ***** بالاساس مافي مقارنة بينهم و مافينا نقارن , و هون الي بروح للجامعات الخاصة بتطلع عليه سمعة انو اشترى شهادتو مشترى ( بمعنى بدون ما يفهم شو درس ) لأنو الجامعات الخاصة مكلفة جدا جدا و بيتغاضوا عن مستوى اللغة و كتير شغلات تانية و بتكون اسهل من الحكومية , الجامعة الخاصة بتكلف 600 يورو بالشهر مو السمستر متخيل ؟ و هي ارخص جامعة و في جامعات بتكلف فوق ال 1000 يورو اذا كانت واو بس بالاخير السمعة طالعة عليك طالعة عليك ***** , في جامعات حكومية بتطلب 75 يورو كل سمستر يعني 6 اشهر و جامعات 250 يورو ( والي بكون السعر شامل سعر المواصلات يعني بعتبرا اني عم ادفع حق المواصلات مو الجامعة )

شو هالدولة القوية الي التعليم الحكومي فيها اقوى من الخاص ؟ دولة بتعتز بتعليمها , حتى الاغنياء بودوا اولادهم لمدارس حكومية لأنها الاقوى !

و كل شي الباقي مجاني حرفياَ مجاني و هاد غير انو هون بيدعموا الطلاب بشكل مو طبيعي من تخفيضات خاصة للطلاب بكل مكان حتى في مطاعم بتقدم تخفيض للطلاب , انت بس اسأل عندك تخفيض للطلاب ؟

هون محدا بينكب بالشارع وانا بخص المانيا بالحكي. لما نشوف متسول او واحد نايم بالشارع بعرف انو هو الي اختار هالشي ! اذا ماعندك شغل او طلعت من الشغل او افلست شركتك او او . . . مابتنكب بالشارع في منظمة بتوقف وراك خاصة للي بيشتغلوا لا وكمان بتعطيك مساعدة شهرية لتسلك امورك لحتى تلاقي شغل تاني . و كمان نحن هون عنا اقوى قوانين بتحمي الموظف و لو الناس الي برا المانيا تعرف بهل القوانين و الحقوق للكل تعلم اللغة واجا لهون و اشتغل , حرفياَ هون الحق معك اكتر من ما يكون مع صاحب العمل , و محدا بيقدر يفصلك من الشغل الا تحت بنود جدا صارمة متل انك تسرق , او تتحرش بحدا , او تزت كلام عنصري الخ و هاد الشي الي بتفتقدوا اغلب دول العالم

هي مثلاً الكل بدور عليها لان بدبي اذا صار ماصار مو بس بتنكب بالشارع ، لازم تطلع من الدولة كلها لان اقامتك مارح تقدر تجددها لحتى تلاقي
شغل تاني و سمعت بقانون جديد و الي حرفياَ صدمني , على ايامي كان بيقدر الموظف يحصل على عقد دائم بمعنى انو مستحيل ينفصل و انو هيك ضمن حالو و بيتو وولادو , هلأ نزل قانون انو بحق لصاحب العمل بعد سنتين ينهي العقد حتى لو كان عقد دائم ؟ طيب و لو كان عندو عيلة وولاد وين يروح فيهم ؟

فجأة بدك تعمل عملية لا سمح الله ؟ التأمين بيتكفل بكل تكاليف العملية حرفياً مابتدفع الا جزء بسيط ( وهو فترة اقامتك بالمستشفى ) وهي كمان بيدفع اغلبها التأمين بتدفع 10€ عن كل يوم

متخيلين ؟ الطب هون شبه مجاني. الادوية كمان بيدفع اغلب حقها التأمين , مثلاَ دوا بكلف 200 يورو , بتدفع بس 5 يورو ؟
اوروبا شبه بعضها بس المانيا اقواها لأنها الاغنى , الكل بيجي لهون لأنو الاستقرار موجود و مستقبل موجود , محدا بينكب , حقك محفوظ , معاملتك من ناحية القانون متلك متل المواطن مافي تفريق , مستقبل لولادك موجود مانك مجبور تشتغل دوامين لحتى تقدر تدفع مدارس اولادك و تقطع عن حالك لقمة الخبز , الدولة بتحكيلك نحن لها انت بس اشتغل لتعيش حالك

هون حتى في قوانين للمدارس بحيث اذا عندك ولد بالمدرسة و بدك مثلاَ بتاريخ معين تسافر سياحة و تاخد ابنك معك مابتقدر تغيبو عن المدرسة و اساساَ بالمطار مارح يخلوك تطلع رح يسألوك وين اذن المدرسة ؟ لازم قبل ما تسافر تاخد اذن خطي من المدرسة , و اذا ابنك طلع من المدرسة بوقت الدوام و كان عم يمشي بالشارع وشافتو الشرطة بتتغرم , هون قوانين صارمة للمدارس , المدرسة مدرسة و الها احترامها !

هون حتى في قوانين خاصة للأمومة , للأم الي بتشتغل و حملت و جابت ولد , اول شي صاحب العمل ما بيقدر يفصلها ( ممنوع ) و اول سنة بحقلها تضل بالبيت لأنو ابنها صغير و راتبها بيجي لعندها , تاني سنة بينزلها جزء من الراتب و تالت سنة اقل بكتير

حتى هون في قوانين للعوائل الي عندهم اولاد صغار اقل من 12 سنة و بيشتغلوا , ممنوع تشتغل الام اذا كانت لحالها بدون اب و عندها ولد تحت 12 سنة لازم تكون معو او اي حدا من عيلتها , امها خالتها الخ , اذا حدا اكتشف هالشي انو الولد لحالو بتتغرم , و اذا كانت مع اب ف لازم يتقاسموا وقت الشغل بحيث واحد منهم يكون متواجد وواحد بيشتغل و العكس او متل ما حكيت يكون حدا كبير معو متل جدته ؟ و التنين بيشتغلوا

في قوانين كتيرة والله انصدمت لما عرفتها و درستها

هو بصراحة مو كل القارة حلم العيش فيها اغلبها فقيرة مثلاً اليونان فقيرة بس احلاهم للامانة و اسبانيا كمان بتشوف معالم الفقر و ايطاليا كمان ، بريطانيا السكن فيها جداً مُكلف والكل بيعرف هالشي " بس ما منختلف على جمالها "

انا رحت على اسبانيا و ايطاليا و اليونان , فرنسا , تشيك , بولندا
و بصراحة لو ما طلعت عليهم ما كنت رضيت بالمانيا ! يا زلمة بتروح عليهم بتستغرب انو هي اوروبا ! فرق بين السما و الارض , لك شكل الارضية بتختلف لما تدخل المانيا , مابقول مافي معالم فقر هون مبلا في بس لما تجي تقارن بينها و بين الدول المجاورة مافي مقارنة ابدا , يعني معالم الفقر هون هن معالم السياحة بالدولة المجاورة
بالنسبة الي هي قارة الحلم للعيش فيها لأنها متحدة مع بعضها ما بتحتاج طلبات معقدة ؟ فيزة , شنغن , رجليك التنين يمين , مشاركة بالحرب العالمية 4 مرات , حررت القسطنطينية
خود هويتك و روح على اي دولة ضمن الاتحاد الاوروبي
تاني شي سلاسة العمل ضمن بلدان الاوروبية كتير سهل , اذا عندك اقامة المانية مثلاَ و حابب تشتغل ب ايطاليا بتقدر مانك محتاج تنقل اوراقك لهنيك و ما لازم يكون عندك اقامة فيها و العكس صحيح , او مثلاَ بيتك قريب من حدود دولة مجاورة بتقدر تشتغل فيها لأن هن بشوفوا انو اي ساكن بأي دولة اوروبية هو مننا وفينا
و شهادة السواقة اذا اخدتا بالتشيك و نقلت على المانيا مانك محتاج تعدلها , شهادتك اعتبرها كأنها شهادة المانية , عكس الدول خارج الاتحاد الاوروبي محتاج يعدلها حتى لو كان عم يسوق من لما كان بالروضة و يعدلها يعني بدو يدفع مصاري اولاَ و يعمل امتحان نظري و عملي بتكون ارخص من واحد عم يبدا شهادة سواقة من جديد بس بالاخير نفس الاجراءات
يعني الزبدة من هالحكي انو لما الواحد يسكن بدولة بالاتحاد الاوروبي هو ما سكن بدولة و مابيقدر يطلع منها , بل هو كأنو سكن ب 27 دولة
و هاد الشي الي حبيتو , بصير موضوع السياحة اسلس , و هون ما بتحس حالك مخنوق , و برأيي هو اسلس شي بالقارة الاوروبية لأن عدد الدول الي بتقدر تدخلها كتار مقارنة بباقي الاتحادات او المجموعات https://ar.wikipedia.org/wiki/قائمة_المجموعات_الدولية_في_العالم
والي بالاساس ما بحقق ربع مميزات الاتحاد الاوروبي , هن بكل بساطة طبقوا معنى كلمة ( اتحاد ) بمعناها الحرفي
لما كنت بالامارات كنت مخنوقة ما بقدر روح ع اي دولة لأني تكاليف السفر مرتفعة اما هون بتقدر حرفياَ تعمل سياحة ب 500 يورو بجيبتك بس
و اذا كنت مع حدا مو لحالك لسا ارخص لان بتتشارك تكاليف السفر

ف بعد كل هاد الحكي , الي اغلب الي برا الاتحاد مو سامع بهل القوانين و الحقوق لأنها خاصة بهل الدول , اكيد رح تكون مرغوبة للسكن فيها
و حابة نوه كمان , انو هالدول مانهم جنة , اغلب الناس الي بتجي بتفكر انو دخلوا الجنة ومافي تعب و صاروا اغنياء و هالحكي 100% خطأ
اوروبا مانها جنة خاصة بالنسبة النا كعرب لانو عاداتهم مختلفة عننا تماماَ و ماعم بحكي عن الدين , عم احكي عن الحياة الاجتماعية هون شبه معدومة
طبعاَ هالحكي بالمانيا , بالنسبة لايطاليا , اسبانيا , اليونان ففي حياة اجتماعية بس مين بدو يسكن هنيك ؟ معروف اعلى رواتب هي رواتب المانيا ف بدل
لا يسكن بايطاليا يروح ع اي دولة تانية برا الاتحاد برأيي الا اذا كان هو شخصياَ بحب الدولة نفسها هاد شي تاني

هون اللغة تعتبر عائق عند كتيرين , و حتى لو لقيت شغل بالانجليزي عندك حد معين للترقية بالشغل بعدها رح توقف حتى لو كنت فلهوي زمان بمجالك , بيحكولك بدنا مستوى لغة و هالشي عم احكي من تجربة من صديق الي هندي هو و هو عبقري بمجالو و عم يشتغل بالانجليزي هو وصل لمنصب وماعاد بيقدر انو يترقى اكتر من هيك مع انو بيقدر لو معو لغة المانية

و مسألة تعديل الشهادات هون كتير معقد و طويل و محتاج تعمل امتحانات خاصة مجالك لحتى يتأكدوا انو شهادتك بتطابق المعايير الالمانية يعني حتى لو معك شهادة مانك خالص خاصةَ لو كنت طبيب او مهندس

يعني من الاخر نحن مو بالجنة كل بلد الها سلبيات و ايجابيات ف هون الواحد بدو يعرف شو يختار , بدو استقرار ؟ يجي اوروبا , بدو مصاري و يبني ثروة ؟ يروح للخليج او امريكا

و لازم ياخد بعين الاعتبار سلبيات هالدول قبل ما يشوف ايجابياتها لان كتير ناس بتنغر بالايجابيات و تتناسى حرفياَ السلبيات او تتغاضى النظر عنها

 

[e97]

2- لماذا هي القارة الحلم للعيش فيها؟
برئي اوربا مثل البصلة ممكن تزين طعم الاكل لكنها بالنهاية بصلة
ممكن تأكل اكل بدون بصل لكنك لن تأكل بصل بدون اكل

 

[Dr.Saki~☆]

01-05-2024 | s h a ɗ o w

شكراً لردك المميز | 2024 - 4 - 30 | S A K Y
السلام عليكم ورحمة الله وبركاته
كيف حالك اخ عبدالله
اتمنى ان تكون بخير دائما

موضوع مشوق و طرحت أسئلة عديدة ما لها جواب عندي قعدت افكر بكذا سؤال بس ما لقيتلهم أي جواب قارة اوربا الاعلام دائما مسلط عليها الضوء و بيذكر ايجابياتها و بزينها و بيعطيها اكتر من حجمها ولو دققنا مو كل الدول الاوربية مسلط عليها الضوء

الاعلام روج على ان اوربا بلد الحريات و الثقافات والحضارات والتطور مع ان لو نرجع لماضيها كانت سوداوية العنصرية و الفساد والوسخ كله اساسه من عندهم حتى حاضرهم ما بيختلف كتير عن اصلهم بس الاعلام ما بيذكر كلشي
اوربا قارة الحلم لأن انزرع بمخي من انا صغيرة الجانب المشرق عن اوربا وحتى لما اعرف عن اي سلبي قارن بدولنا العربية و وما اعطيه اهمية
​

لماذا نحب قراءة التاريخ عن أوربا والعصور الوسطى التي تلهب الخيال؟​

لأن عندهم تاريخ مليان قصص فيها من الغرابة و تاريخهم منسمع عنه اسود وفي فضول لازم نقرأ عنه وخاصة عن الدول يلي كانت مستعمرة دولنا ​

لماذا اللغات الأوربية جميلٌ وقعها على الأذن أكثر من باقي لغات الأرض؟​

خاصة الفرنسية هنن معصبين و عم يههدو بالفرنسي كأنهم عن يتغزلو بس السبب الفعلي لتعلم الانجليزي هو ان متطلبات العمل دائما اللغة الانجليزية ​

لماذا نحب مشاهدة مباريات المنتخبات الأوربية ونتعصب لها أكثر من المواطنين الأوربيين أنفسهم​

مع ان مو من متابعين الرياضة بس بحس حسب اللاعبين يعني متل كريستيانو و ميسي لأن كانو ضمن اندية اوربية كان دائما في تعصب لريال مدريد و برشلونة بس بعد انتقالهم ما عاد شفت نفس التعصب القديم ​

لماذا نحب قراءة الروايات الأوربية القديمة والحديثة.. ونبجل الكُتاب الانجليز والألمان والفرنسيين؟​

في مثل بقول مغني الحي لا يطرب حسيت هاد جواب هالسؤال ​

لماذا يحب الشاب مواصفات الفتاة الأوربية الشقراء.. وتحب الفتاة مواصفات الشاب الأوربي الأشقر​

هاد السؤال ما لقيتله جواب ابدا بس ممكن ان نحنا شعب بحب كلشي مميز ومختلف عن الباقي و كون هي المواصفات مو كتير سائدة فمنفضلها ​

لماذا يأخذ الطباخيين وصفات من أطباق أوربية عريقة..​

بسبب الاعلام ضل يزرع ان الاوربيين راقيين قام صار الاطباق الاوربية تدل على الاكابرية و الرقي ​

لماذا يبدو الأوربيين أكثر حضارة منا؟​

الاعلام اعيد و اكرر ​

لماذا نتمنى الدراسة الجامعية في إحدى دول أوربا؟​

مع ان في جامعات عربية عريقة بس منفضل الاجنبية ما بعرف السبب ​

لماذا معظم المخترعين من قارة أوربا؟​

لااا هاد السؤال غلط لأن اصل اغلب الاختراعات اما فرعونية او بابلية او عربية ​

وأخيرا حتى المناظر الخلابة والخضرة وجبال الألب تتمتع بها قارة أوربا.. كم هي محضوضة هذه القارة ^-^​

حتى الدول العربية فيها مناظر طبيعية احلى من الموجود بأوربا بس مظلومة اعلاميا

يعطيك العافية على موضوعك ما شاء الله مواضيعك دائما ذات محتوى مرتب و جميل ​