الختم الفضي الجو بده فتوش😔❤️ (2 زائر)

[RO-CHAN]

​

الله يعطيك الف عافية
29\4\2024 - Sandra​

هاااي
شلونكم يا قوم
بعد زماااااااان حاسة بدي محو امية

بصراحة من بعد الاعتزال ما تخيلت ارجع اعمل شي بس هيك لما شفت الفعالية والطبخ ما قدرت اقاوم روح الشيف اللي جواتي

فقلت يلاا بطل عليكم طلة خفيفة لطيفة مثلي

طبعا لا اخفيكم من بين الخيارات اللي اعطتنا اياها الحلوة ساندرا كنت بدي اعمل الوصفة الأسهل بنظري "الكولسلو" بدهاش صنعة يعني
بس ما لقيتهم عنا غير بقولوا بدنا نعمل فتوش قلت يلا فتوش فتوش اجت و الله جابها

المهم وبلا طول سيرة نبدأ



المقادير

خيار
بندورة
خس
جرجير
بصل اخضر
بقلة
خبز


للدريسنج :

ملح
ليمون
زيت زيتون
دبس الرمان
نعنع يابس
سماق
فلفل اسود





طريقة التحضير




نقطع الخضار تقطيعة متوسطة بهالشكل و بنحطهم ع جنب

بنقطع الخبز مربعات متوسطة كمان وبنقليهم بزيت غزير الناس الصحية فيكن تحمصوه بالفرن

هلا بنجهز الدريسنج


نص ليمونة + ملعقتين زيت زيتون +نص ملعقة ملح أو حسب الرغبة ، رشة فلفل و نعنع و سماق +ملعقتين كبار دبس الرمان منخلطهم منيح بصحن صغير و بعدين بنحط الخبز المحمص فوق الخضار المقطعة بعد ما نخلطهم سوا و بنوزع الدريسنج فوقهم وبالعافية


وهي الصورة النهائية

اه نسيت اقلكم اني زينتها برمان ع الوجه


طبعاً الوصفة بسيطة كثير و ما بتغلب بنوب بس فيها تفاوت بانواع الخضار المستعملة و بعض التفاصيل الثانية فعادي فيكن تستغنوا عن اي شي غير متوفر هي بجميع احوالها زاكية انا هاي طريقتي ان شاء الله تكونوا حبيتوا

اكيد صابكم صدمة من المقدمة الغريبة المنفصلة عن الواقع

بس هذا الموضوع اله قصة
السنة اللي فاتت كانت @S a n d r a عاملة فعالية للطبخ -أه منشنتك عشان اوجعلك ضميرك على المجهود الرهيب اللي تكدس -
وبعدها اختفت الفعالية في ظروف غامضة
بس أنا كنت متحمسة كثير فقبل ما تختفي كنت مجهزته و ظل عندي أمل ترجع تقلنا يلا شاركوا بس ما حصل
فهلأ لما جيت اطلعه للنور حسيت المقدمة متعوب عليها فما هانلي الغيها < برااا
وبس والله -شرحت قصة حياتي-


باااي ​

 

[Miss Marple]

27-04-2024 | s h a ɗ o w

السلام عليكم ورحمة الله وبركاته
اوه واخيرا تحققت امنيتي وعاصرت موضوعا لكِ ​

بصراحة من بعد الاعتزال ما تخيلت ارجع اعمل شي بس هيك لما شفت الفعالية والطبخ ما قدرت اقاوم روح الشيف اللي جواتي

اجمل شيف واجمل من عاد بعد اعتزال 🩷
بس فكرة الفعالية جميلة اعجبتني، متأكدة انك كنت بتفوزي فيها واصلا ممكن لغوها عشان الكل كان متخوف من مواهبك في الطبخ ولا احد مستعد يواجهك، لا لوم عليهم ​

السنة اللي فاتت كانت @S a n d r a عاملة فعالية للطبخ

@S a n d r a فكرة الفعالية رائعة جدا لو تقدري ترجعيها ونكتشف مواهبنا في الطبخ وبالمرة يزيد نشاط القسم ​

المقادير

خيار
بندورة
خس
جرجير
بصل اخضر
بقلة
خبز

جميل كل المقادير متوفرة عندي ما عدا البصل الاخضر اعتقد مش موجود، وبالنسبة للجرجير والبقلة فأنا ما عرفتهم ولا أعرف ماذا تسميتهم عندنا بالجزائر، لكن بما انك عدتِ حديثا بعد غياب لن اتعبك بالسؤال سأتجه لجوجل يجاوبني 🩷​

للدريسنج :

ملح
ليمون
زيت زيتون
دبس الرمان
نعنع يابس
سماق
فلفل اسود

ما عندي دبس رمان، ونفس الشيء لا أعلم ماذا يكون السماق سأبحث عنه وآمل ان يكون شيء موجود عندي.​

نقطع الخضار تقطيعة متوسطة بهالشكل و بنحطهم ع جنب

ما شاء الله محترفة بالتقطيع وشكلهم وألوانهم جميلة تفتح النفس ​

بنقطع الخبز مربعات متوسطة كمان وبنقليهم بزيت غزير الناس الصحية فيكن تحمصوه بالفرن

ما نوعية الخبز المستعمل؟ خبز الباغيت او خبز التورتيلا او خبز التوست؟ أيهم يكون استخدامه أفضل؟ + زيت غزير يعني نستخدم كمية كبيرة من الزيت؟ ​

نص ليمونة + ملعقتين زيت زيتون +نص ملعقة ملح أو حسب الرغبة ، رشة فلفل و نعنع و سماق +ملعقتين كبار دبس الرمان منخلطهم منيح بصحن صغير و بعدين بنحط الخبز المحمص فوق الخضار المقطعة بعد ما نخلطهم سوا و بنوزع الدريسنج فوقهم وبالعافية

نقدر نخلط الخضار مع الدريسنج وكأنه تتبيلة للخضار ثم تكون الخطوة الاخيرة وضع الخبز فوق الخضار؟ ​

وهي الصورة النهائية

وااااو حبيت شكل الطبق جميل جدا وتنوع الالوان فيه يفتح النفس والشهية وللامانة طبقك اجمل من طبق @A S T E R ولا هو الفتوش تختلف طريقة طبخه من شخص لآخر؟ لاني لاحظت هي مقطعة كل شيء بشكل رقيق جدا على عكسك

تعديل: طلع طبقها اسمه تبولة وانا كنت اظن الفتوش والتبولة شيء واحد.. معلش استر حقك علي ​

اه نسيت اقلكم اني زينتها برمان ع الوجه

والله اضافة جميلة حقاً، لكن حاليا غير متوفر الرمان هل اقدر استبدله بالزبيب الاسود؟ أو التوت؟ ​

طبعاً الوصفة بسيطة كثير و ما بتغلب بنوب بس فيها تفاوت بانواع الخضار المستعملة و بعض التفاصيل الثانية فعادي فيكن تستغنوا عن اي شي غير متوفر هي بجميع احوالها زاكية انا هاي طريقتي ان شاء الله تكونوا حبيتوا

الوصفة طلعت سهلة وبسيطة وانا دايما اسمع عن هذه الاكلة لكن ما توقعت انها تكون بهذه البساطة حسبت فيها تعقيدات، رح اجربها بما اننا داخلين على الصيف، لما اجربها رح ارسل لك صورتها ​

اكيد صابكم صدمة من المقدمة الغريبة المنفصلة عن الواقع

اكيد مش اكبر من صدمة رجوعك لنشر المواضيع 🩷​

وبس والله -شرحت قصة حياتي-

ومع ذلك حسيت الموضوع خفيف لطيف، لو انك فقط شرحتِ لنا قصة طبق الفتوش وموطنه الاصلي وتسميته ومين اكتشفه وكيف وليش وحطيتي لنا رمزيات وتواقيع للطماطم والخس، بس معلش المرة الجاية

شكراً على الوصفة، ان شاء الله اجربها قريباً، بإنتظار جديد وصفاتك شيف رو ​

 

[YAFA]

شكرًا لمروركِ فاتي -
1\5\2024 - Sandra

-

السلام عليكم ورحمة الله
كيف الحال رو تشان
كيف اصارحك اني قريت نص العنوان و فكرت الموضوع عن المفتول
لاننا عطول نكرر جملة الجو بده مفتول بس هذا بالشتا اصلا < مضيعة رسمي ​

بدي اعمل الوصفة الأسهل بنظري "الكولسلو"​

الكولسلو فعلاً من ازكى السلطات بس ولا مرة سويناها بالبيت
بحسها من الاشياء اللي بتكون ازكى جاهزة
بعكس التبولة والفتوش مش زاكي الا شغل دار​

للدريسنج :

ملح
ليمون
زيت زيتون
دبس الرمان
نعنع يابس
سماق
فلفل اسود​

طبعاً هذا السبب لاننا بالبيت نضيف دريسنج بكرم زايد مش مثل برا
وانا احب الاشياء الحامضة كثير بالذات دبس الرمان الحب​

وبنقليهم بزيت غزير الناس الصحية فيكن تحمصوه بالفرن​

هو انا عادة من مشجعين المقلي ومن أعداء التحميص بس للامانة اخر مرة سويناها الخبز كان محمصّ بس عجبني وشكلنا بنعتمده لانه انظف واسهل من القلي
صورة الفتوش تبعك تشهي والرمان اضافة رهيبة كمان صحتين وهنا ع قلوبكم ​

فهلأ لما جيت اطلعه للنور حسيت المقدمة متعوب عليها فما هانلي​

وانا اجاني ايرور من جملتك بداية الموضوع وشو الفعالية اللي بتحكي عنها xd
كويس بالاخر نزلتيه ، رجعة خفيفة لطيفة فعلاً
نراكِ بمواضيع أخرى ان شاء الله
في امان الله ​

 

[Flora~✿]

01-05-2024 | s h a ɗ o w




يمي فتوش يفتح النفس

اهلين فيكِ رو تشان كيف حالكِ ؟ يارب بخير

ما شاء الله سلطة فتوش كتير طيبة تسلم ايدكِ يارب

بحبها لذيذ وطيبة كتير و ممكن نضيف لها أكثر من نوع خضار و نوع فيها
​

خيار
بندورة
خس
جرجير
بصل اخضر
بقلة
خبز​

نحن بنضيف لها جزر مبشور و البقلة غالبا نعملها لحالها زي سلطة السبانخ ويكون معها خيار مبشور و طماطم وبعدين نضيف لها زيت زيتون و سماق بحبها اكثر شيء لان كمان مافيها خضار كثير هههه ..

الفتوش حلو انه يمكن إضافة كذا شيء حتى كزبرة او بقدونس للطعم ولو بعدين راح تقلب تبولة بس البصل الاخضر والخس والجرجير كافي ورقيات وكلها لذيذة و مفيدة جدا
فيتامينات و حديد و ألياف مفيدة .. الورقيات حيل مهمه لجمال الشعر و البشرة
..
الخبز وقت التحميص احب اضافة بعض بهارات البيتزا او ايطاليه
تعطيها طعم ونكهة لذيذة يمي

​

ملح
ليمون
زيت زيتون
دبس الرمان
نعنع يابس
سماق
فلفل اسود​

النعناع المجفف لا نضيفه عادة للسلطات بل طازج وغالبا نخلطه مع سلطة اللبن
الفلفل الاسود!! غريب قليلًا لم استخدمه من قبله في تتبيل سلطة !

يمي دبس الرمان احبه حامض حلو و غالبا اذا اضفته استغني عن باقي مكونات التتبيلة زي الليمون و الملح

ما شاء الله كل القطع بحكم متساوي انا مايطلع معي هيك كل قطعة حجم حولت افكر بالاشياء اللي تنباع لتقطيع السلطات اللي نحط عليها الخضار وبعدين تتقفل وينقطع وهكذا شيء ..

ما شاء الله حتى الخبر متساوي القطع فنانه
اللي عندهم قلاية هوائية يستخدمونها للتحميص حلوة وسهلة و سريعة دقايق بس وتحمص الخبز

الشكل النهائي كتير طيب ولذيذ يمي
حبيت اضافة الرمان حلوة جدًا خصوصا اذا كان حامض يناسب للسلطة يخلي احب اكلها لاني مو مرة احبها لكن مع الإضافات اتقبلها واصير احبها ..

​

اكيد صابكم صدمة من المقدمة الغريبة المنفصلة عن الواقع​

جدًا قلت لحالي اي مسابقة هذي فجأة ماشفت عنها !!

​

عندي أمل ترجع تقلنا يلا شاركوا بس ما حصل
فهلأ لما جيت اطلعه للنور حسيت المقدمة متعوب عليها فما هانلي الغيها < برااا​

سعيدة إنك طلعتي الموضوع النور وشفنا الابداعات الحلوة
تسلم الانامل على الطرح الطيب
وننتظر المزيد من الابداعات
دمتِ بود ​

 

[S a n d r a]

أهلين آنسة رائعة
شو هيدا الجمال , موضوعين ورا بعض هيك انا قلبي بيتأثر بسرعة طيب
أولًا كيف حالك ؟شو اخباراتك؟ طمنينا عنك
ما بنسى أبدأ موضوع مسابقة الطبخ و الك حق علي فيها لانك اول وحدة سألتني عنها
و قتل لك واعديتك بوحدة مزبوطة عالآخر و منظمة و خبارات الطبخ مفتوحة أكثر و انا برضه حشارككم فيها
و بنصير نتنافس انا و انتي عاالأكثر مهارة , بس أكيد رو تشان حتفوز
​

طبعا لا اخفيكم من بين الخيارات اللي اعطتنا اياها الحلوة ساندرا كنت بدي اعمل الوصفة الأسهل بنظري "الكولسلو" بدهاش صنعة يعني

والله كنت معطيتكم خيارات من هبلي ولا كان تركتلكم المجال و ابدعتو بس قلت كيف حتكون مسابقة
المهم حنغير بقوانينها و بتشوفوها بحلة جديدة ان شاء الله

هلا بنجهز الدريسنج

قعدت ساعة - دقيقة - و انا بفكر شو الدريسنج , طلع التبهير او ما بعرف شو بنحكاله نسيت
أرجو انك تتلطفي علينا نحنا المساكين و ستخدمي مصطلحات بسيطة لأصحاب العقول البسيطة زيي

اه نسيت اقلكم اني زينتها برمان ع الوجه

كيف بتنسي هيك شغلى مهمة

السنة اللي فاتت كانت @S a n d r a عاملة فعالية للطبخ -أه منشنتك عشان اوجعلك ضميرك على المجهود الرهيب اللي تكدس -
وبعدها اختفت الفعالية في ظروف غامضة

حتى انا نسيت ليش اختفت


المهم الله يعطيكي الف الف عافية , شغل ايديكي مرتب و بجنن
لا تحرمينا من هيك طلات بتعجبني و بتأسر قلبي
في آمان الله

 

[A S T E R]

شكرًا لمروركِ أستورة -
13\5\2024 - Sandra

-


السلام عليكم ورحمة الله وبركاته

شلونك حب؟ شو اخبارك ؟

والله احلى مقدمة

لو كملتو المسابقة كان فزت اكيد

تعرفي عمري ما عملتو الفتوش
بس خلص من بعد ما تعملناها منك ..بدي اققى اعملها على طريقتك ان شاء الله
ما بعرف فيها مكون الجرجير ..بحب اعمل سلطة الجرجير زاكية كثير..اما الفتوش عمري ما ساويتها
عمره ما كان عندي فضول كيف تنعمل ههههه
خلص مكتفية بالسلطة العادية والتبولة يلي اتهمتني فيها ماربل انه زي الفتوش ترا بتتعب كثير شغل التبولة

المهم حبيت الوصفة الخفيفة اللطيفة ومكوناتها الزاكية
والتتبيلة شكلها رح تطلع زاكية مع المكونات خاصة دبس الرمان بجنن طعمه بالسلطات

الله يعطيك العافية عالموضوع الخفيف اللطيف يا لطيفة التون

والتنسيق والتصميم حلوين برضو يلمو ايدين الي صمم
في انتظار مواضيعك الجاية .
واخيرا رديت

في امان الله ​

 

[Dr.Saki~☆]

@Scaramouche

السلام عليكم ورحمة الله وبركاته
كيفك رو تشان
كأن هذا اول موضوع الك برد عليه
لازم ترجع المسابقة عشان نشوف وصفات جديدة

اصدمك واقلك ان عنا بيعتبروا الفتوش سلطة رمضانية و قليل نعملها بعد رمضان

منحط اي خضار منلاقيه زي البقدونس والنعنع و وجزر ما منتقيد بشي معين يلي متوفر منحطه بس الجرجير ما منحطه بالفتوش ولا حتى بالسلطة ما بعرف ليش بيعتبروه خضار منبوذ حتى قليل نلاقيه بالسوق

والفلفل الاسود ولا مرة حطيناه بالسلطة بدي اجربه

ما شاء لله الترتيب حتى الخبز مقطعتيه متساوي مارح اقلك اننا منقسمو بايدنا عشوائي و كل قطعة شكل

يعطيكي العافية على الاكلة الخفيفة اللذيذة ​