My comfort zone (4 زائر)

[Iwaizumi Hajime]

؛


Hey comrades
مين يصدق اني موجودة هنا من جديد
السبب تصاميم قولز وديمو احس رجعو داخلي حماس التصميم حق زمان
لي فترة متوقفة عن التصميم للاسف يمكن شيء سنتين او 3 بس يلا نجرب نرجع شوي شوي
× صراحة عجبتني فكرة القسم يعطيه العافية صاحب الفكرة
ححبيت ابدأ مدونة تصاميمي بتصاميم كنت سويتها وعجبتني اخر مرة قبل اوقف
- اظن كلهم كانو بفعالية اكمل التصميم لو ما خانتني الذاكرة


هذا اذكر كانت ادواته مش كتير بس رغم كذا النتيجة مرررة حبيتها








^ هالتصميم جنني النتيجة منجد رهيبة صراحة مو قادرة اتذكر كيف كانت الادوات
بس اتذكر وقتها حيرتي بين اللون الاحمر والوردي، الاحمر واقعي اكثر بس حتى الوردي كان طالع يجنن





هذا بعد ماذكر عن ادواته للاسف بس النتيجة بعد عجبتني





وننهي هالتدوينة بأجدد شيء سويته قبل يخرب فوتوشوبي
كانت ادوات من ديمو الرهيبة ، وقت شفت هالخامة اللي على اليمين جا ببالي بسرعة تشايلد
سلاحه اطرافه مدببة شوي نفسه فقلت ليش لا يلا نستعمل تشايلد موديل للتصميم

لي عودة بوقتٍ اخر قريبًا بإذن الله


​

 

[Iwaizumi Hajime]

احسني فتحت المعرض ونسيته
المهم بسبب فعالية القسم تذكرته وقررت اشارك شيء سويته وعجبني
بالنسبة للأدوات هنا، بعد الموسم الاخير وقريت المانجا بعد مو قادرة اتخطى اللي صاير واللي بيصير
نرجع للمستلزمات كانت مرررة لطيفة وجد تناسب ميتسوري
يعني حتى لو رندر ميتسوري مو موجود كنت بدور واحد لها واستعمله
هذي كانت النتيجة ربيعية تتطاير منها الفراشات -كف-



وهذي الكواليس



وبس هذا ما كان لدينا لهذا اليوم، نراكم بوقتٍ لاحق ​

 

[Iwaizumi Hajime]

​

يا ساتر ، سحبت على المعرض سحبة قوية -سنتين -
^ كنت اعاني وانا ادور عليه بالهيستوري حق مواضيعي
مثل ما يقولو اولويات الناس تتغير مؤخرًا اهتمامي الاساسي مُرتكز على الترجمة
anyways..
سبب تذكري للمعرض المسكين اني حبيت احفظ فيه الهيدر والفوتر حق موضوعي القادم قبل ما افرمت جهازي اليومين الجايين
نوعًا ما كان ببالي فكرة بس مدري لو هذا اللي كنت ابيه بالضبط (؟)، يمكن اعدل عليه بالمستقبل لو حسيت ودي اغير شيء
برفع البسد واحفظه على أحد مراكز الرفع تحسبًا لو حبيت اعدل شيء
وبس ادعوا لجهازي المسكين يرجع سليم مُعافى ، دُمتم بخير

​

 

[Iwaizumi Hajime]

.,

السلام عليكم ورحمة الله وبركاته
احم ادري معرضي هاجرته لي فترة بس صارت مصادفة kinda لطيفة وهي سبب رجعتي
بالعادة نادرًا لو دخلت القسم بصراحة -بالعادة ما ادخل اقسام خارج اقسام الانمي يعني-
بس جذبتني المشاركة لان هند كتبتها
وكانت فعالية الاسبوع الخاصة بالمعرض انو ندمج شخصيتين من انميات مختلفة سوا
وهنا كانت المصادفة، لانو حاليًا شغالة على موضوع مشابهة
-يعني ابغى اجمع بين شخصيات مختلفة بهيدر الموضوع-
موضوعي مكس ما بين انميات الشتاء والربيع سو كنت ابغى ادمج بين الفصلين وكذلك الشخصيات اللي اخترتها
هالشيء رجعني لايام تصاميم الستوكات -من زمااااان عنها-، صدق لي سنين ما استعملتها!
بس فرحت ان فكرة الموضوع رجعتني لها اشتقت للأحساس اللي اخذه وانا استعملها
احسني ارسم لوحة مع اني لا اجيد الرسم، المهم لا اطول عليكم
فكرة التصميم اتوقع قريبة لفكرة فعالية الاسبوع
حاولت ادمج مابين فصلي الشتاء والربيع وكذلك
شخصية روزي وهيناغكيو من انمي Agents of the Four Seasons: Dance of Spring
وشخصية هيلي وسوها من انمي Dark Moon: The Blood Altar
وهذي هي النتيجة اللي طلعت معي:



استعملت الكثيرر من الستوكات مع بعض الخامات البسيطة واضفت تأثير بسيط بالنهاية

وبالنسبة لفكرة الهيدر اللي بمشاركتي السابقة لسببٍ ما لما ما اكمل شيء افقد الشغف فيه واكنسله
^اتمنى بيوم من الايام ابطل هالعادة يا كثر الاشياء اللي كنسلتها بحياتي xD
واخرتها نزلت الموضوع مع هالهيدر، على الاقل حافظت على الخطوط والثيم حقها نفسه



وبس اراكم لاحقًا، بحاول اشيك فعاليات القسم من وقت للثاني لو تذكرت بإذن الله
​