ضيفتنا على كرسي الاعتراف | N A Y (1 زائر)

[YAFA]

السلام عليكم ورحمة الله وبركاته
كيف حالك ناي .؟ ان شاء الله تكوني بخير​

وعليكم السلام اهلاً هيرو نورت ​

كان الله بعونك على كرسي الاعتراف فرصه لنا مو كل مرة بتصح لنا فرصة نستجوبك
استعدي لببعض الاسئلة واعتذر لو في شئ مكرر هاد من كسلي اشوف شو سألوكي

​

عادي نرجع نجاوب ​

1 - ليش اخترت هذا الاسم​

اعرف الكل يفكره بمعنى الناي مو الموسيقى بس ما كنت
اقصد هالمعنى بس عاجبني ك لفظ وشكل​

2 - لو بدك تاخذي لون معين في المنتدى شو هو
​

اللون الحالي اشوفه من احلى الالوان والاسود كمان​

3 - لو بايدك تطردي اداري هون مين بتطردي ​

مشان انا انطرد بعد الاجابة؟ لا م في كلهم حلوين ​

4 - لغة بتحبيها و كثيير و بتتمنى تقدر تتكلمها​

احب التركية بس افهمها ، اسباني او ايطالي او كوري​

5 -مسلسلك المفضل​

ما احب اذكر مسلسلات مشان ما اكسب ذنب حد​

6 - فلمك المفضل​

ممكن نقول من الانمي فيلم يور نيم​

7 - انمي او مانجا مفضل عندك​

اتاك ​

8 - تحبين مجال الالعاب واذا نعم شو اكثر لعبة تحبيها​

حابة لقدام اجيب بلاستيشن او pc للالعاب
بلعب العاب الجوال مثل ببجي وانداون​

9 - أكلتك المُفضلة​

منسف​

10 - مصمم مُعجبه بتصاميمه​

كلهم تصاميمهم رهيبة بس اخر فترة
هيلر تعجبني تصاميمها منعشة ​

11 - أعز أصدقائك في المنتدى​

اللي اعرفهم من برا المنتدى بس حد عرفته هنا
لسا ما في حد بيني وبينه علاقة عميقة
بس في آستر اكثر حد اكلمه​

12 - من هو الشخص الذي تتمنى ان يكون بعدك في الإستضافة​

انت نتعرّف عليك
وسيلين​

13 -هل سبق وسجلتي بمنتدى تاني​

يب ووصلت الإدارة وسحبت xd​

14 - ما اكثر موقع تحبيه في عالم التواصل الاجتماعي​

تيليجرام ، انستا​

15 - اكثر عضو /ة تحبيه وتكرهيه بالمنتدى​

-تعمل حالها مش شايفة-​

16 - اكثر عضو /ة تشوفيه مجتهد فالمنتدى​

ديمو وزهراء وانا​

17 -هل تقرأي الكتب ؟ ماهي الكتب المفضلة لديك​

روايات يب ، في قلبي انثى عبريّة​

18 - رئيك في ان كنت تعرفني​

ماعندي تصوّر كبير عنك لان قليل أشوفك بالارجاء xd
بس أعرف مهتم بالألعاب والتصميم وهادىء وغالباً
مو اجتماعي كثير​

 

[Dr.Saki~☆]

السلام عليكم
كيفك ناي
نبلش بأسئلتي المعتادة

● كتاب غيرك بعد ما قرأتيه
● اسم شخصية خيالية من انمي او مسلسل فلم بتعجبك وبتحبي تقتبسي من حياتها
● فلم ندمتي انك ضيعتي وقتك فيه
●الأكلة يلي شاطرة فيها
●أعلى علامة جبتيها شو اسم المادة
●اقل علامة جبتيها شو اسم المادة
●اغنية بتضلي تسمعيها هي الفترة
●لو كنت فصل شو رح تكوني وليش
●لو عندك آلة الزمن رح تروحي المستقبل ولا ترجعي للماضي مع السبب

وشكرا

 

[YAFA]

السلام عليكم
كيفك ناي
نبلش بأسئلتي المعتادة

اهلاً ساكي ومبارك الرقابة

● كتاب غيرك بعد ما قرأتيه

فيه كتب غيرت طريقة تفكيري بس كانوا استماع مو قراءة وفينا نقول الكتب يلي تنزل بقناة اليوتيوب يلي اسمها دوباميكافين

● اسم شخصية خيالية من انمي او مسلسل فلم بتعجبك وبتحبي تقتبسي من حياتها

عقلي مقفلّ ما احس فيه xd

● فلم ندمتي انك ضيعتي وقتك فيه

spirited away ماعجبني

●الأكلة يلي شاطرة فيها

الاندومي

●أعلى علامة جبتيها شو اسم المادة

اخر سنة بالمدرسة جبت بمادة القرآن والحديث 148/150
بخصوص ما اتذكر علامات الجامعة أبداً

●اقل علامة جبتيها شو اسم المادة

اكيد كانت عالحافة 60/100 بس ما اذكر المادة

●اغنية بتضلي تسمعيها هي الفترة

محتوى مخفي: -

●لو كنت فصل شو رح تكوني وليش

الربيع ، الطف الفصول وفيه ايام دافية وايام باردة والاشجار والازهار تكون بأحلى شكل كذا فصل يفتح النفس

●لو عندك آلة الزمن رح تروحي المستقبل ولا ترجعي للماضي مع السبب

بروح للمستقبل حتى اعرف باخر حلقات من مسلسل حياتي شو حيصير معي واختصر الاعلانات اللي بعيشها حالياً

وشكرا

هلا فيك بأي وقت

 

[RO-CHAN]

يا هلا باللي منورة الكرسي
صراحة ما صارلي مجال اقرأ الاسئلة و اجاباتك
لهيك كنت مأجلة السؤال بس اذا بدي استنى لاقرأ بكون خلص الوقت
فبسأل واعذريني لو في شي تكرر
​

1. شو مجال دراستك و مجال عملك اللي بتعملي فيه او حابة تعملي فيه مستقبلاً ؟
2.طموحاتك و لوين حابة توصلي بالحياة ؟
3. غلطة بالنسبة لك لا تغتفر وما ممكن تسامحي فيها ؟
4. شي بتتمني تغيريه بحياتك لو اتيحت لك الفرصة؟
5. شخصية أثرت بحياتك أو تفكيرك ؟

وبس ان شاء الله ما ثقلنا عليك
وبرجع ان شاء الله اذا جد ببالي شي ​

 

[YAFA]

يا هلا باللي منورة الكرسي
صراحة ما صارلي مجال اقرأ الاسئلة و اجاباتك
لهيك كنت مأجلة السؤال بس اذا بدي استنى لاقرأ بكون خلص الوقت
فبسأل واعذريني لو في شي تكرر
​

اهلاً ب رو الجميلة ، عادي نكرر الجواب كمان ​

1. شو مجال دراستك و مجال عملك اللي بتعملي فيه او حابة تعملي فيه مستقبلاً ؟​

تخصصي خدمة اجتماعية ، المجال يلي عبالي اشتغله جرافيك لا تسأليني وين الربط xd​

2.طموحاتك و لوين حابة توصلي بالحياة ؟​

حياة مسالمة بدون الكائنات البشرية المزعجة وتدخلاتهم​

3. غلطة بالنسبة لك لا تغتفر وما ممكن تسامحي فيها ؟​

نوعية الناس اللي لما تصير مشكلة بينهم وبين حد يطلعوا اسرارهم او يتكلموا عن امور قديمة ويعايروا ولو ما صار هالشي معي بس شفته قدامي معناها حيجي يوم ويسويه معي كمان ، الفجور في الخصام ما اتقبله​

4. شي بتتمني تغيريه بحياتك لو اتيحت لك الفرصة؟​

المدينة يلي ساكنة فيها​

5. شخصية أثرت بحياتك أو تفكيرك ؟ ​

ما اتذكر حد معين له هالتأثير الكبير ، بس كان في صديق قديم شجعني لاصير شخص احسن بشوية امور دينية ودنيوية​

وبس ان شاء الله ما ثقلنا عليك
وبرجع ان شاء الله اذا جد ببالي شي ​

هلا فيك دائماً ​

 

[Ma Ya]

يمكن جيت متآخره ستيلا 🩷🩷
بس ح سآل اوككً

اسم ولد بتحبيه
اسم بنت بتحبيه
رايك بالتون بصراحه
يسلمو كتير الكم صبايا

 

[YAFA]

يمكن جيت متآخره ستيلا 🩷🩷
بس ح سآل اوككً

هلا مايا

اسم ولد بتحبيه

أوّاب

اسم بنت بتحبيه

يافا ، وتين

رايك بالتون بصراحه

مكان لطيف وحلو انه مستمر بتفاعله واجواءه كل هالسنين مع اختفاء
كل المنتديات الثانية ونظامه احلى من البقيّة

 

[الزمـردة]

السلام عليكم.
رجعت ثاني بمجموعة من الاسئلة . خلنا نقول ختماها مسك وكدة 《 لا متواضعة جدا تبارك الله عليها
1- اذكري شيء كنتي كنتي تتمنين انك تسويه بس ما سويتيه ، وبالاخير ندمتي انك ما عملتيه
2- ايش اكثر كلمة تسمعينها من الناس لمن يوصفون شخصيتك ؟
3- انتي من النوع اللي يطلب مساعدة لمن يحتاجها ، ولا ما تطلبين وتختاري انك تتورطين لحالك الين تحلين مشكلتك 《 ولو انو اقدر اتوقع الجواب بحكم انو نمطك infp
4- سؤال غريب شوي ، بس لو نجي للوحات الفنية المشهورة ، اي لوحة تختارين وليش ؟ 《 مثلا تقولين موناليزا وتوصفي سبب حبك واختيارك لها... الخ
5- شي يوم تخمستي لاكلة شهيرة ، ولما جربتيها خاب املك فيها لانها مو طيبة زي ما كنتي تتوقعين 《 انا شخصيا توهقت مع السوشي
6- ايش اخر درس تعلمتيه من الحياة
7- تعتبرين نفسم فراشة اجتماعية ولا زولة متوحدة ؟
8- تحبين النونوات ؟ 《 الاطفال الرضع

وهذي كانت اسئلتي البسيطة عشى تنبسطين وانتي تجاوبين عليها ​

 

[YAFA]

السلام عليكم.
رجعت ثاني بمجموعة من الاسئلة . خلنا نقول ختماها مسك وكدة 《 لا متواضعة جدا تبارك الله عليها​

هلا بحلوة الحلوات ​

1- اذكري شيء كنتي كنتي تتمنين انك تسويه بس ما سويتيه ، وبالاخير ندمتي انك ما عملتيه​

العاب مدن الملاهي اللي كنت اروحلهم كثير بس اخاف العبهم
مثل القطار والمقص ​

2- ايش اكثر كلمة تسمعينها من الناس لمن يوصفون شخصيتك ؟​

اكثر ثلاث شغلات بسمعها : لسانك طويل ، بتضحكّي ، ذوقك حلو​

3- انتي من النوع اللي يطلب مساعدة لمن يحتاجها ، ولا ما تطلبين وتختاري انك تتورطين لحالك الين تحلين مشكلتك 《 ولو انو اقدر اتوقع الجواب بحكم انو نمطك infp

​

انا لو تلاقيني غصت مع التماسيح اتصور سيلفي معهم ولا
اقول هيلب ​

4- سؤال غريب شوي ، بس لو نجي للوحات الفنية المشهورة ، اي لوحة تختارين وليش ؟ 《 مثلا تقولين موناليزا وتوصفي سبب حبك واختيارك لها... الخ

لوحة ڤان جوخ Starry Night #هنا < مش الأصلية بس هاي اللي عندي بالاستديو xd
تعجبني التفاصيل اللي فيها والنجوم اساساً من الاشياء
المفضلة عندي واقعاً ورسماً وكمان قصة اللوحة حلوة حسوي عنها موضوع الفترة الجاية ​

5- شي يوم تخمستي لاكلة شهيرة ، ولما جربتيها خاب املك فيها لانها مو طيبة
زي ما كنتي تتوقعين 《 انا شخصيا توهقت مع السوشي
​

السمك ، من يومي ما احبه وما كنت اجربه ولا اذكر طعمه بس
بيوم صارت عزومة كبيرة وكانت ع سمك مشوي من مطعم مشهور
ونوعية نسيت اسمها، المهم الله يعزّ النعمة ضلت معدتي قالبة منه​

6- ايش اخر درس تعلمتيه من الحياة​

خطة الله دائماً ما تكون أفضل من خطتك وكل شيء يحدث كما يجب ان يكون​

7- تعتبرين نفسم فراشة اجتماعية ولا زولة متوحدة ؟ ​

هنا قد قد تفكريني فراشة اجتماعيّة لكني زولة متوحدة بامتياز​

8- تحبين النونوات ؟ 《 الاطفال الرضع​

الرضّع يلي اعمارهم اشهر الجلسة يلي هم فيها بس تجيب لي توتر
لانهم حساسين بزيادة واذا ما تنفس واذا ما تحرك
وغلط ينحمل هيك والخ.. ولو ما اكون انا يلي حاملته اتوتر
احب شخصية الاطفال بعمر سنة ونص ل ٣ سنين يعني من بداية الكلام والمشي​

وهذي كانت اسئلتي البسيطة عشى تنبسطين وانتي تجاوبين عليها ​

اسئلة لطيفة مثلك​