ضيفتنا على كرسي الاعتراف | Dr.Saki~☆ (1 زائر)

[الزمـردة]

السلام عليكم ورحمة الله وبركاته
كيفكم ، عسى تكونون بخير يا رب
بالبداية احب اعتذر لساكي تشان على التأخير في تنزيل الموضوع ،
انضغطت بجد بالتصميم وموضوع المسابقة عشان كذا ما لحقت انزله
واعتذذر كمان للي كانو يستنون الموضوع ينزل يوم الثلاثاء
عاذ زي ما هو موضح بالعنوان ، ضيفتنا لليوم هي مراقبتنا اللطيفة دكتورة ساكي
ما اوصيكم عاد شعشعو الموضوع بأسئلتكم ولا تخلو شي بخاطركم
بس بالاول خلنا ناخذ لفة على قوانين القسم

1- هذا الموضوع مخصص للأسئلة فقط

2 - أي ردود دردشة أو عدم وجود أسئلة للضيف ستحذف

3 - عدم التدخل في الأمور الشخصية للضيف إلا إذا سمح بذلك

4 - التحلي بالأخلاق و الأسلوب اللطيف فهي مجرد لعبة

5 - حاولوا قدر الإمكان عدم تكرار الأسئلة حتى لا يشعر الضيف بالملل

6 - مدة استضافة الضيف أسبوع فقط من تاريخ فتح الموضوع و جلوسه على الكرسي

ببساطة كونو لطيفين ومراعيين ف أسئلتكم

< احترام القوانين واجب>

​

 

[خَوْد]

-



١- بتحبي الالعاب المحشوة بالقطن ؟ نفس الدببة او بنات صغانين ؟
٢- لو خيروكي بين هدية ١٠٠ يورو كاش او يوم كامل مع شخصك المفضل بمكان مُسلي مفس ملاهي و تكوني ذكريات شو بتختاري ؟ < لو انا بختار ١٠٠ و بكون ذكريات مع شخصي المفضل ع الرصيف

ترا شخصي المفضل قصدي اصدقاء مو شي تاني

٣- مادة بالمدرسة بتحبيها كتير ؟
٤- بتحبي تلبسي عدسات ملونة ؟
٥- شو ميولك بالاكل اكتر شي ؟ موالح ، حوامض ، حلو ، حار ؟
٦- بما انك دكتورة ، شو رأيك بفكرة الديدان بديل للبروتين الطبيعي ؟
٧- بتحبي تهتمي بزرع بالبيت ؟ الك خلق لهيك شي ؟
٨- كيف بتصنفي شخصيتك بشكل عام؟ فكاهية، جدية ، سلسة، صعبة ، حادة الخ ؟
٩- عندك فوبيا من شي و شو هو ؟
١٠- هواية كنتي تمارسيها وانتي صغيرة وتركتيها ونفسك ترجعيلها ؟ وشو هي ؟
١١- هل الشفاف يعتبر لون؟ < هن قالوا اي بس انا بقول لا ، انتي شو بتقولي ؟
١٢- انتي ادبية اكتر ولا علمية؟ يعني بتفضلي الفهم عن الحفظ ام العكس ؟
١٣- عندك اهتمام او ميول للسيارات؟
١٤- بتحبي عالم البنات الوردي او عالم الشباب الصاخب ؟
١٥- لما يصير عندك بيت مستقل ان شاء الله خاص فيكي شو اول اول شي بدك تجهزيه ؟ وليه ؟ < رح نعرف من هالسؤال شو اكتر جزء من البيت بتحبيه اكتر


هاد الي ببالي و متحمسة لاجوبتك
شكراً زمردة 🩵🩵

 

[الزمـردة]

هلااو
جيت بأسئلتي المتواضعة واللي بيني وبينك كانت ف خاطري من فترة
ف لازم استغل الفرصة
1- سبب اختيارك هذا اللقب
2- انتبهت انك تميلين للون الازرق وهالشي واضح جدا ف بروفايلك ، هي الازرق لونك المفضل
3- هل اسمك عنده علاقة بتخصصك ف حياتك الواقعية
4- كيف حتى سجلتي فالتون
5- اكيد كنتي حاطة اهداف لهذي السنة ، كم هدف حققتي لحد دلوقت ، اذكريهم لو عادي معاكي
6- ايش سر ساكي تشان لعيش حياة هادئة وببال مرتاح
^
اعتبريها نصيحة للاعضاء كمان
7- انتي ميالة للقراءة اكثر شي ولا المشاهدة، يعني لو نجيب رواية وفلم لنفس الرواية ايش تختاري منهم وليش

 

[Dr.Saki~☆]

اهلا اهلا بسيلين

بتحبي الالعاب المحشوة بالقطن ؟ نفس الدببة او بنات صغانين ؟

لاء مو كتير .
بحب اكتر الباربيات البلاستيك مشان لبسهم و مشط شعرهم

لو خيروكي بين هدية ١٠٠ يورو كاش او يوم كامل مع شخصك المفضل بمكان مُسلي مفس ملاهي و تكوني ذكريات شو بتختاري ؟ < لو انا بختار ١٠٠ و بكون ذكريات مع شخصي المفضل ع الرصيف

نفس رآيك بحط 100 يورو بجيبي

مادة بالمدرسة بتحبيها كتير ؟

كنت احب الرياضيات

بتحبي تلبسي عدسات ملونة ؟

لاء

شو ميولك بالاكل اكتر شي ؟ موالح ، حوامض ، حلو ، حار ؟

موالح شبسات و بزر و مكسرات

بما انك دكتورة ، شو رأيك بفكرة الديدان بديل للبروتين الطبيعي ؟

جملة بما انك دكتورة بوقت الامتحان فينا نتجنبها شوي صراحة شي بقرف حتى لو مطحون و مجفف

بتحبي تهتمي بزرع بالبيت ؟ الك خلق لهيك شي ؟

لاء مو كتير

كيف بتصنفي شخصيتك بشكل عام؟ فكاهية، جدية ، سلسة، صعبة ، حادة الخ ؟

سلسة و سهل التعامل معي

عندك فوبيا من شي و شو هو ؟

فوبيا المرضية لاء بس بخاف من الحشرات

هواية كنتي تمارسيها وانتي صغيرة وتركتيها ونفسك ترجعيلها ؟ وشو هي ؟

القراءة و المطالعة من لما دخلت الجامعة بطلت اقرأ من قبل كنت اخلص الرواية الطويلة بيومين

هل الشفاف يعتبر لون؟

وانا متلك بقول لاء

انتي ادبية اكتر ولا علمية؟ يعني بتفضلي الفهم عن الحفظ ام العكس ؟

الفهم و بكره الحفظ و دائما علاماتي بتروح بالامتحانات يلي بتعتمد على الحفظ يلي هي تعاريف و تعدادات

عندك اهتمام او ميول للسيارات؟

لاء بس حافظة اسماء الشركات المعروفة بدون ما احفظ شعاراتها

لما يصير عندك بيت مستقل ان شاء الله خاص فيكي شو اول اول شي بدك تجهزيه ؟ وليه ؟ < رح نعرف من هالسؤال شو اكتر جزء من البيت بتحبيه اكتر

طبعا رح اجهز غرفتي اول شي بعدين غرفة الضيوف

هاد الي ببالي و متحمسة لاجوبتك

شكرا لأسئلتك اللطيفة استمتعت فيها

 

[Dr.Saki~☆]

هلااو
جيت بأسئلتي المتواضعة واللي بيني وبينك كانت ف خاطري من فترة

اهلين و سهلين مشرفتنا الحلوة

سبب اختيارك هذا اللقب

لونه مناسب للون رتبتي حسيت لازم يكون الجواب عميق بس هي الحقيقة

انتبهت انك تميلين للون الازرق وهالشي واضح جدا ف بروفايلك ، هي الازرق لونك المفضل

انا ما كنت حب الازرق بس لون الرتب يلي انا فيها دائما من درجات الازرق فتعودت عليه
لوني المفضل الزهري و اكتشفت من فترة ان كتير لابقين الازرق و الزهري سوا

هل اسمك عنده علاقة بتخصصك ف حياتك الواقعية

اي تخصصي الجامعي طب

كيف حتى سجلتي فالتون

سجلت بالتون عشان اتابع قصة @ايدا-تشان عن كونان و هايبرا وهاد المنتدى الوحيد يلي سجلت فيه بحياتي

اكيد كنتي حاطة اهداف لهذي السنة ، كم هدف حققتي لحد دلوقت ، اذكريهم لو عادي معاكي

الهدف يلي حققته ان انحف شوي والحمدالله بلش وزني ينزل
و تاني هدف اني ارفع معدلي الدراسي بس اذا بقيوا الدكاترة يتنادلوا معنا ما رح يتحقق
اكمل حفظ قرآن في تقدم بس مو متل ما بدي
التزم بدوام المشفى بس لهلق ما رحت ولا يوم ان شاء الله بالعطلة << كذابة ما رح التزم ولا رح داوم بس لا تخبروا حدا
ارجع اقرأ بس كمان ما تحقق لهلق
اسجل كورس انجليزي و اقوي لغتي ولسا كمان
هدول يلي تذكرتهم هلق

ايش سر ساكي تشان لعيش حياة هادئة وببال مرتاح
^
اعتبريها نصيحة للاعضاء كمان

الرضا بالقضاء والقدر وما اندم على اخطاء قديمة خلص يلي صار صار يعني ما بقعد ابكي على اغلاطي وقول ياريت عملت كذا او يا ريت ما عملته لا خلص شو ما عملت ما فيني غير يلي صار + رايقة ما بعصب على اتفه الاسباب شي بصير بالرواق والهدوء ليش اخده بالعصبية و الصراخ

انتي ميالة للقراءة اكثر شي ولا المشاهدة، يعني لو نجيب رواية وفلم لنفس الرواية ايش تختاري منهم وليش

رح شوف الفلم اول اختصارا للوقت واذا جذبتني القصة بشوف الرواية اذا صار عندي وقت

شكرا زمردة نورتيني