الختم الذهبي جيل الطيبين vs جيل الألفية (2 زائر)

[ديسَمبر - ساما]

استفسار
بما أنه موضوع نقاشي
عادي انرد على كمان مرة على بعض النقاط على بعض التعليقات
ويكون جو نقاشي

نعم أي حدا فيه يرد على أي رد هنا و يناقشو مرة و مرتين مثل النقاش تمامًا

 

[YAFA]

@Emilyko ᰔ
30/7/2024

السلام عليكم ورحمة الله
كيف الحال استر عساكِ بخير
أنا شوي كنت بلاقي حالي مع الجيل الاول وشوي كنت بلاقي حالي مع الجيل الثاني
صحيح نظرتي لإنه أيام زمان كانت احلى بكثير -بوقت طفولتي- هي كانت السنين الأخيرة في
الحياة البسيطة اللي تسبق التطور والنت، شهدنا الحياة بدونه وكيف بدت معه لحد ما وصلنا لليوم
وصار شي لا غنى عنه، احنا مثل ما يقولوا "أنت أصغر من أن تحمل المسؤولية وحدك وأكبر من أن
تعود لمنزلك باكيًا" ، اتفق مع نقطة ان الاختلاف بيننا وبين الجيل اللي قبلنا اكبر والعلاقة معقدة
اكثر من يلي بيننا وبين الجيل الأصغر منا، اللي يضحك بالموضوع انه مثل ما الأكبر يشوفونا
عديمين فائدة نحن كمان نشوف الأصغر منا كذا<يعني كل واحد يتشاطر عالثاني، مشكلتي
مع تفكير البعض من الكبار إنه تقبل الاختلاف عندهم صفر ومو راضيين يقتنعوا انه الاختلاف
شي طبيعي، مثل ما احنا لازم نتقبل انه صار مطلوب منا نوفر أمور للجيل الاصغر ولو انها
ما كانت متوفرة لنا بصغرنا، الحياة تمشي بهذا النظام والمقارنات ما تزبط، لو نيجي لنقطة
كلام الأكبر منا ع ان حياتهم كانت أصعب هذا ما أشوف انه ممكن تحديده ، مثل عنا يلي شهدوا
بداية الاحتلال والتهجير والمجازر يلي صارت قبل الالفين وجيل اليوم كمان عم بشهد حروب وتهجير
في فلسطين وغير دول عربية، فهنا كمان ما في مقارنة لان الكل متبهدل، اما مشكلتي مع الجيل
الاصغر منا فهي مسؤولية الجيل يلي من نفس عمري بتعبير ادق لإنهم ما يفهموا بالتربية بأمانة
ما لقيت تعبير ثاني اقدر استخدمه غير هذا، كأنه الموضوع موضة ولا تسلية ولا هو لعبة مش بني
آدم، يلا نحب، يلا نتزوج، يلا نجيب ولد نسميه تيم، يلا نرمي قدامه جوال يلعب فيه ليكبر ونسجله
بالمدرسة..شو المتوقع تطلع شخصية هالولد بعد هيك؟ اهتماماتهم سخيفة ومتطلباتهم خيالية
ممكن لو جبت له جوال ب ٣ آلاف يقولك لا أنا طلبت اللي سعره ٥ آلاف ويرميه بوجهك،
هذا يرجع كمان للي يتزوجوا وهم عقليًا اصغر من تحمل هيك مسؤولية وحجة الأهل إنه ع
ايامهم الزواج بعمر صغير كان طبيعي، وهنا نرجع لنقطة اصرار الجيل الكبير ع المقارنة
طبعًا ما اشمل الكل لكن هيك الاغلب، بنظري أشوف الحياة عم تمشي باتجاه منحدر
للأسف وكلشي عم يصير اسوأ والمسؤولية ع الجيل الحالي أصعب أنها تخرج جيل يقدر
يتحمل اللي رح يتعرضله مستقبلاً بدون ما يضيع نفسه خلال هذا الطريق
يعطيك العافية عالموضوع النقاشي هذا كان عرضك جميل ، في أمان الله.​

 

[Sir Crocodile]

@Emilyko ᰔ
31/7/2024​

السلام عليكم و رحمة الله و بركاته
كيف الحال أستر؟ إن شاء الله تمام و بأفضل حال يا رب العالمين

فعلا مواضيعك جميلة جدا و كلها تضرب الوتر الحساس و تعالج مواضيع حساسة و متعلقة بنا جدا،. دائما أجد بأن هناك اختلافات و مقارنات عديدة بين جيل التسعينيات و التمانينات و بين جيل الألفية،. هناك من يستهزئ بالموضوع و يقوم بتصويره بأن الجيل القديم هو الأفضل و هو من عاش حياة أحسن و هناك من يعارض، كوني من جيل الألفية لا أعلم جيدا ما حدث و ما اختزلته الأجيال السابقة لكن دائما أبي يخبرني بأن الحياة كانت أيسط وبأن الناس كانت بريئة نوعا ما في العلاثات و فيالود الذي كان يرافق المنازل بين العائلات و صلة الرحم التي كانت لا تنقطع و الغلاء كان إشاعة في زماننهم،. وهذه كلها أمور تناقض زمننا الحالي الذي بات من الصعب التحدث مع بعضنا و هناك صعوبة بالغة في التقرب بين العائلة، تقوى النفاق و الأقنعة و أصبحت النوايا غارقة ولا تعلم نقائها من سوادها.

رغم توفر التكنولوجيا و تقدمها الشرس إلا أن حلاوة الأيام اندثرت و أصبحت لا تشعر بلذة الأياة لأن الوقت يجري بسرعة مخلفا ورائه ذكريات للنسيان صراحة فلو سألتني عن رأي سأفضل الجيل السابق لأني أود تجربة العيش في زمن والدي على سبيل المثال لكن لا أظن أني استطيع عيش تلات أيام بدون أنترنيت رح أضيع،. الملل مليون في زمتك يا أبوي ههههه

مجهود أقل ما يقال عنه جبار و خورافي و سلمت أناملك الذهبية و اختيارك لهذا الموضوع كان موفقا جدا لأنه مفيد و سيفيد العديد من الأشخاص في معرفة اشياء غافلة عن اذهانهم فجزاك الله خيرا.

بانتظار جديدك سواء في هذا القسم أو في أي قسم آخر مستقبلا بإذن الله و تمنياتي لك بالتوفيق و السداد يا رب العالمين

 

[ديسَمبر - ساما]

ترانيم - يوليو

​

السلام عليكم

كيفك استر الراقية ؟ إن شاء الله بخير و أمورك تمام
بحب انتقاءاتك للمواضيع و تغذيتك المنيحة لإلها من جهتين متضاربتين قبل طرح أسئلتك هالشي يدخل الواحد بدوامة مصارحة للذات قبل لا يشارك رأيو

فاللهم عجل بالنصر لأمة الإسلام على يد قادة عظماء كصلاح الدين ومحمد الفاتح يخرجون من أبناء الجيل القادم.

آمين يارب، ضاقت الصدور بما حملت

ماذا تعتقدون أنتم ؟

رح أتحاشى الرد على أول سؤال لأنو كلامي رح يكون نسخ لصق عن شو حكت @Meoω❀ يعطيها العافية
و كمان نسخ لصق عن كلمتك الختامية
في إشيا بالجيل الحالي رغم عيوبو بتبشر بالخير، و مافي جيل كامل مكمل كل جيل فيه و عليه

ما الذي سيحصل برأيكم ؟ وهل هذا يبشر بخير أم ينذر بشرّ ؟

من رأيي مافينا نحكم على الأحداث و المآلات المستقبلية مهما كان معنا معطيات، لأنو بين ليلة و ضحاها فيه الله يغير المستقبل، ما حدا فينا كان ناطر أحداث أكتوبر و ما يليها من عجز عربي و من خضوع للشعوب العربية و لجيل التسعينات ذات نفسو الي عاصر من المآسي ما فيه الكفاية ليفيض معو الكاس، بس ما انتفض لأنو جراح أمس لسى ما أندملت و ما فيه يتحمل تبعات قول لا لأنظمتو

لهيك هذا الجيل كمان رح تفصل في أمرو قضايا الأمة مستقبلًا و رح يظهر معدنو هل مطموس الدين و الهوية أو واعي بوضعو الدولي و بأنو بالنسبة للغرب لا مكان له في المستقبل

أنا عن نفسي في عندي أمل فيهم بأنهم رح يحملو كل تراكمات و خيبات الأجيال السابقة و يقولو لا، هالجيل من نقاط قوتو و ضعفو أنو جاي للدنيا خاسر (على المستوى العربي) حيث لا مستقبل و لا ظروف معيشية و إذلال فوقها، يعني آخرتها حتفقع معهم و ينتفضو
كمان هذا الجيل جريء و أقل خوفًا من باقي الأجيال

وهل من الممكن استدراك هذه الفجوة والتقريب بين الأجيال ؟ أم أنه أمر لا بد منه في كل زمان ومكان ؟

مابعرف بس يمكن بس ببلدي أو عندي أنو مافي فجوة بين جيل التسعينات و جيل الألفينات و كتير بتلاقي أصحاب من الجيلين، هذا الشي راجع لأنو جيل التسعينات عاصر كل هالتغييرات الي طرأت على مختلف المجالات و تبناها نوعًا ما مو بقدر جيل الألفينات يمكن، بس بيضلو مرن و ماسك الحبلين التطور و المُحافظة

وهل يوجد وسيلة تحد من زيادة تعلق الأجيال في التطور المستمر ؟ وتشبههم بما يرونه عند الغرب ؟

خلينا نعرف ليش الجيل الحالي مدهوش بالغرب، لأنو شايف الحياة المزرية الي عايشها مش حياة و بدو حياة حلوة زي الي بيتمتع فيه الأوروبيين و الغربيين عمومًا
لما تنهض الأمة العربية و ترجع لمجدها اقتصاديًا و علميًا رح نرجع لزمن كانو الأعاجم يتفاخرو لحفظهم لبعض المصطلحات العربية، و رح يبطل أولادنا مدهوشين بالغرب


بتمنى ردي ما كان ثقيل عليكي يا قمر
دمتِ في أمان الله وحفظه، و في انتظار جديدك ~