الختم الاداري غسيل الأموال | ?𝐇𝐨𝐰 𝐝𝐢𝐫𝐭𝐲 𝐜𝐚𝐧 𝐦𝐨𝐧𝐞𝐲 𝐛𝐞 (2 زائر)

[هَيام]

@Emilyko ᰔ
7/8/2024

السلام عليكم و رحمة الله و بركاته
كيف حالكِ ليليث؟ عساكِ بألف خير و عافية ..

كما توقعت؛ لقد كان موضوع فخم حقًا 🩵

قرأت بعض من إجابات التونيين و كانت من الفقرات الممتعة :3!
فكرة رائعة، و جسدت مدخل شيق للموضوع ​

ظهور العصابات والمافيات الكبيرة، أو الأصح خروجها لأرض الواقع وبداية الشعور بوجودها والاطلاع على بعض من جرائمها. ​

في الواقع .. يقال أن تلك العصابات لها كيان صلب جدًا و علاقات مع الحكومة في بعض الدول مثل روسيا و حتى اليابان!
لذلك قد تساعدهم تلك الدول في ارتكاب مثل هذه الجرائم!​

هذه الجماعات على تنفيذ هجمات وتهديد الأمن القومي والسلام الدولي.​

يبدو أن لها سلبيات أكثر مما كنت أعتقده!
و رغم ذلك مثل هذه الظاهرة في ازدياد! العالم حقًا في تدهور يوم بعد يوم ..​

لن يكون الأمر ناجحًا دون مساندة من باقي الأطراف سواء من الحكومة أو باقي المؤسسات المالية.​

كل الحلول التي ذكرتها منطقية جدًا، آمل أن يتم تطبيقها جميعًا ..
و لكن من الصعب تجسيدها بشكل كلي لأن الرشاوي - كما قلتِ - منتشرة جدًا في المؤسسات و الحكومات! و إن كانت متسترة - مع الأسف - في الدول العربية، فهي جزء من ثقافتهم في الدول الغربية!​

حتى اعتقاله في 1931 بتهمة التهرب الضريبي.​

لفت انتباهي أنه لم يتم اعتقاله بسبب أعمال العنف و الابتزاز ولا بسبب جرائمه الأخرى و لكن بسبب التهرب الضريبي؟!
أعتقد أن هذه فقط تجعلنا نفكر بمدى غموض هذا الجانب المظلم من العالم ..​

تمكّن لانسكي من تحويل أموال الجريمة إلى مشاريع شرعية، مما جعله هدفًا دائمًا للسلطات الفيدرالية.​

و هل تم اعتقاله في النهاية؟​

عند مقتله في 1993، ​

بابلو اسكوبار لازال هنالك من يتكلم عنه لحد الآن، و لكنه توفي سنة 93!
عندما سمعت عنه في البداية ظننته لازال حيًا بصراحة xD!​

رئيس وزراء ماليزيا السابق​

رئيس اندوليسيا و الآن ماليزيا؟ دول لم أتوقع أبدًا تورطها في هذه الجرائم بشكلٍ صريح!

يبدو أنني سأقوم بتحميل الكتب المقترحة، و كذا التقارير و البحوث .. لربما سألقي عليها نظرة لاحقًا لاكتشاف المزيد عن هذا الأمر! لم أكن مهتمة به كثيرًا بصراحة، و لكن موضوعكِ قد جعلني أكثر فضولًا حوله "3
بالطبع حتى الأفلام و الفيديوهات مفيدة كما يبدو، حتى البودكاست! سلمت يمناكِ على تنويع المصادر ليأخذ كلٌ منا ما يناسب مزاجه

التصميمات أيضًا جيدة جدًا، تناسب الموضوع كما قد أطفت لمسة أنيقة أكثر عليه .. ما راق لي:

يبدو أنكِ عزمت على توفير أكبر قدر ممكن على المصادر لنعرف أكثر عن الموضوع لآخر نفس فيه :3
ماشاء الله، مواضيعكِ ثرية بالمعلومات، تجعلنا نفتح أعيننا على الجانب الآخر من العالم، الأكثر عتمة، و نتعمق فيه قليلًا، نلتفت الى ذلك الواقع المغطى بستارٍ أنيق، أبدعتِ ​

الفرق هو أن الدولة عندما تصادر الأموال توزعها بشكل عادل وعقلاني على عدة مجالات، (طبعًا بعد قيامِها بتعويض للضحايا إن وجدوا أو قدموا شكايات وأدلة على تضررهم) منها تمويل المنظمات التي تكافح الجريمة وتمويل المشاريع التنموية كالبنيات التحتية على سبيل المثال، وما يتبقى من تلك الأموال يعود لخزينة الدولة.
في هذه الحالة، هذه الأموال لا تسبب خطرًا اقتصاديًا على البلد المعني، بل على العكس من ذلك، فهي تسد الخصاص وتعوض الجوانب الهزيلة والتي تحتاج لدعم وتمويل.​

كنت قد حضرت ردي بالفعل للموضوع، ثم فوجئتُ بأن سؤالي من الأسئلة التي كان لها فقرة خاصة بها ')
حقًا ممتنة لإجابتكِ على ما يثير فضولنا عنه، و جعلنا نتعرف جيدًا عليه، رائعة أنتِ يا ليليث

بالطبع كان التنسيق جيد أيضًا، و كذلك تصميم بينك، و هذا ما نتوقعه من تصاميمها المميزة دومًا 🩷

شكرًا لهذا الكم من المعلومات، سلمت يمناكِ!
اعذريني على مروري البسيط ..
دمتِ بحفظ المولى.​

 

[Passacaglia]

@Damian ᰔ
10/8/2024

-


و الله من اكتر المواضيع الي جذبوني !
ما توقعت ابداَ تطلعي بأفكار غريبة و جديدة بهل الطريقة !
و اخيراَ تحقق حلمي اني اعمل مسابقة و المشتركين يطلعوا افضل ما عندهم !
هالموضوع حرفياَ ختم كل شي الو علاقة بالشمولية , الجمالية و متعة القراءة !

و الله انا بحكيلك ياها بكل صدق انو سادة نفسي من كل شي
‎و قرفانة بشكل مو طبيعي " لسبب خارج المنتدى "
‎وهيك الشغف رايح وحالتي حالة لدرجة اني مسجلة غياب
‎بس لما شفت موضوعك هاد
‎حركتي فيني شعلة مو طبيعية و هيك شفتي لما البؤبؤ يتوسع لما يشوف شي حلو؟ هيك عيوني صارت !
‎هيك خليتي قلبي ينبض ( لا ولما شفت الموضوع كنت رايحة ع الجم تخيلي عاد فتحتي نفسي اني شيل اوزان )

و فوقها حرفياَ عدلتي يومي , معقول موضوع يعمل فيني هيك ؟ الو ابعاد مختلفة مانو تهويل للموضوع

‎بعشق مواضيعك وبشعق كل تفصيلة فيها لمساتك من اول موضوع شفتو الك و جذبتني الطريقة الي بتعملي فيها مواضيعك
‎افكارك بالفقرات شي مو خيالي والله تعدت الخيال !

‎حبيت فقرة اسئلة نفسي لاقيلا جواب هي اخر فقرة والله في اسئلة عنجد مثيرة للاهتمام حتى انا رح روح دورلا ع جواب
‎و حبيت اول فقرة كتير مع انها مو جديدة نوعاً ما ‎بس حبيت لان الموضوع محروف انك سألتي الاعضاء

بصراحة في منن ضحكت عليهن لان تفكيري كان نفسن انو منحطن بالغسالة و يعني بالنسبة لهيك محتوى
حسيت اول فقرة كتير مهمة و بتعرفي اديش هالموضوع جديد و بالاساس في ناس لسا ما بيعرفوا شو هو الغسيل
" انا لهلأ عم حاول افهم هالموضوع اخدت فكرة عامة "

‎و هاد كان موضوعي بالكواليس و قررت اني ما كملو لسبب معاق ف خليت يكون الو دور بالمسابقة
بس والله العظيم الموضوع الي ببالي ما كان رح يطلع ابدا ابدا بهل الجمال و الكمالية و الشمولية الي شفتها هون !!

لك حتى رافقة روابط لدورات و كتب ولله انا حتى مافكرت بهل الموضوع كلو

كتييير حبيت فكرة فقرة ( الدورات ) كتيير مفيدة و فكرة رهيبة و جديدة , اهنيكي عليها !

بشكل عام

‎مسموح انو نكرر فكرة بعض المواضيع لان بكون العضو التاني عندو افكار مختلفة يطرحها بموضوعو عن اول موضوع.
بس شفتي موضوعك؟ مستحيل حدا يفكر انو يطرح نفس الفكرة لان بالاساس شملتي كل شي يعني بالمختصر سكرتي ملف غسيل الاموال حرفياً

‎
انا لسا ما بلشت بالرد الحقيقي هاد كان بس احساسي و شو عمل فيني موضوعك !
برجع و بعيدلك انا ماعم هول بس عنجد انو الموضوع الو ابعاد مختلفة , نفس انك ذكرتيني بنفسي لما سوي موضوع من قلب و رب وماخلي شي فيه
و شي اني حاسة بال vibe تبعك من اول الموضوع لآخرو ! و هالشي ناااااااادر ما حس فيه ! و شي اني حسيت استمتاعك و انتي بتعملي الموضوع

---------


رح حاول قد ما اقدر اختصر ردي عن هالموضوع !

بالنسبة لهل الموضوع , اجت فكرتو من اختي , اختي هي ملهمتي بهل الفكرة
لأنها اخدت تصريح مكافحة غسيل الاموال اسمو CAMS = CERTIFIED ANTI MONEY LAUNDERING SPECIALIST
مع انو اختصاصها مختلف عن هاد بس شوفي الفضى شو بيعمل ؟
و ضلت تحكي عنو و تحكيلي عن حالاتو و انا ثار اهتمامي هالموضوع


المهم ليه ذكرت هالترخيص ؟ مو بس هالترخيص اي ترخيص بخص غسيل الاموال

لأن بمجرد ما تاخدي شهادتو حرفياَ مخك بينفتح عشر اضعاف لان بتصيري تشوفي الدنيا مختلفة طبعاَ بعد ما يهلكوكي بدراسة قضايا حقيقية و مختلفة و كتير تفاصيل جانبية , كيف ؟ و هي حالة كتير بسيطة , تخيلي مرة اختي ورجتني بروفايل واحد على الفيسبوك ضافها, و هالواحد كان متصور مع سيارات غالية بدون ما يكون في مصدر معروف من وين جاب هالسيارات , كان واضح انها مو اجار من كذا علامة و هي صارت تشرحلي , ف ابسط شي بتعرفي تفرقي بين الشخص الغني ( من مصدر معروف ) نفس انو بيملك شركة خاصة و الشركة بتقدري تبحثي عنها و تعرفي كم بتدخل على الاقل بشكل عام او لو كان من عيلة غنية معروفة او اي مصدر اخر, و بتعرفي اذا هالشخص مانو منيح و عم يروح بالطرق الملتوية و هي حالة كتييير سهل كشفها فما بالك الاشخاص الي حرفياَ بيعرفوا يخبوا هالشي بطرق معقدة ؟ فما رح تعرفيهم لحتى تتعمقي بالموضوع .

^ طبعاَ هالحكي بالمانيا سهل لأن الغني بكون مصدر ماله معروف كون انو هون الرقابة المالية كتير صارمة يعني مستحيل تلاقي واحد راكب
لامبو و هو عندو كشك الا لازم يكون عم يغسل او عندو مصدر دخل تاني مو مصرح عنو . بس لوصلك الصورة بشكل اوضح حتى لو عندو
3 كشوكة او 4 حتى ما بيوصل لمرحلة انو يشتري لامبو بالمانيا ف هون الغني مصدرو رح يكون حرفياَ واضح

بتصيري بتقفشي النصاب فوراَ و كتير بصير سهل لأن مخك صار مبرمج انو يقفشهم اساساَ
^ غسيل الاموال كتير الو علاقة بالنصب كمان مثلاَ ممكن لمستشار الضرائب ياخد ترخيض غسيل اموال ليمسك النصابين بالفواتير

في ناس عنجد ما بيعرفوا يفرقوا و انا منهم بالنصابين بشكل احترافي, ف اختي صارت تحكيلي و تشرحلي , بتحكيلي هالشخص مستحيل اتعرف عليه لأنو زبالة هيك حكت ليه زبالة ؟ لأنو بيغسل ف الغسيل سمعة مو منيحة لأن شو ما سوى الشخص و برر الغسيل معناه الحرفي دخل غير شرعي و من طرق مو منيحة لو منيحة كان ما صار غسيل بالاساس ! حتى لو كانت رشوة مو منيحة . و بيضرب سمعة الي حواليه ف تخيلي لو حدا تعرف او ارتبط بحدا بيغسل و هو بالاساس مابيعرف بكل هالموضوع و الله سمعة سيئة . بيحكوا ييييي هاد ماشي مع الي بيغسل < متل اييييي هاد ريحتو طالعة

ف شي جيد جدا انو الناس تتثقف بهل الموضوع ولو انو كتير معقد انا نفسي لما فتحت ويكابيديا مشان افهم قصتو شفت طول الصفحة اطول من حياتي

بس انو كمصطلح عام و اشهر طرقو بكفي مابدي اخد التصريح
​

٢• اعرف عميلك: تطبيق متطلبات "اعرف عميلك" أو (KYC) هو إجراء أساسي لكشف غسيل الأموال حيث أن المؤسسات المالية ملزمة بتحديد هوية عملائها والتحقق منها بشكل دقيق قبل فتح حساب أو إجراء معاملة مالية كبيرة. هذه الإجراءات تشمل جمع معلومات مفصلة عن العميل، مثل الوثائق الشخصية ومصادر الأموال، للتأكد من شرعية الأنشطة المالية.​

مثلاَ هالطريقة اختي اخدتها بالتصريح و شرحتلي عنها و طريقة شرحها كتير كان مثير للإهتمام
اضافة عن المذكور :
حكتلي انو هالطريقة اذا صارت بالبنك , بيجي مكافح غسيل الاموال و بكون هاد منصبو بالبنك و مهمتو انو يقابل هيك نوعية من العملاء
احد مهامو انو يكشف لغة الجسد الخاصة بالعميل بإختباره بمجموعة اسئلة , بعد ما يسالو الاسئلة بشوف لو صار في تفاعل بلغة جسدو
لو تأثر بسؤال , شك انو مكافح الغسيل عرف انو مصاريه مو تمام يعني في كذا اشارة ممكن تطلع من جسمو و هاد اكتر شي لفت نظري بالي
حكتو, طبعاَ هاد اضافة عن المكتوب

عرفت بعدها انو في تصريح جانبي بياخدو مكافح غسيل الاموال الو علاقة بلغة الجسد الخاصة بالموضوع هاد والو تصريح منفصل

- مثير للاهتمام -

و غسيل الاموال الو امثلة كتيييييرة ومعقدة جداً وفيها كتير ذكاء رح اذكر كم طريقة و للامانة قريت طرق كتيرة و معقدة جداً في منهم ما فهمتهم بالضبط كيف بصير بس رح اذكر ابسطها كإضافة مفيدة للموضوع ^^ :

‎1- الغسيل القائم على التجارة : و اقرب مثال لهل النوع هن مزادات الفن. قبل ما افهم هالموضوع كنت حرفياً استغرب ليه لوحة ما بتسوى 20 الف دولار بتنباع بمبالغ طائلة بتوصل لملايين الدولارات. كنت مفكرة لأنن بقدروا الفن طلع لا ومشان بسطها كتير وما ادخل بتفاصيل , المصاري الموسخة بيشتري فيها اللوحة و عادي لو المشتري رفع سعر اللوحة كتير دام انو بيقدر يدفع . و هيك تم تمويه مصدر هالمصاري بوضعها بلوحة . طبعاَ ما بكون عليه شبهة لأن هاد يعتبر تقدير للفن على اساس !

‎وللاسف مكافحي الغسيل كتير صعب يتتبعوا هالحركة لأن مزادات الفن خصوصيتها عالية و اغلبها اساساَ بتم بدون تشهير ( بس الاشخاص المعنيين بينبعتلم دعوة للمشاركة ) و كمان بيقدروا انهم ما يعلنوا لا اسم المشتري ولا البائع اذا تم الاتفاق مسبقاَ لهل الشي

2- الكازينوهات : وبصير هالشي عن طريق مبادلة المصاري الوسخة بفيشات الكازينو ( بكون شكلا نفس العملة بس خاصة بالكازينو ) و بعدها بعمل شوي عمليات مقامرة بسيطة او حتى بدون ما اعمل اي عمليات مقامرة بعدين بجي بسترجع هالمصاري ( من الفيشات ) و بحصل بالمقابل على كمبيالة او شيكات بنكية مسحوبة على حساب الكازينو

^ مصدومة صدمة عمري

3- الرواتب السوداء: ممكن يكون في شركة عندا موظفين مو مسجلين ( بدون عقد عمل رسمي ) و بتدفعلن الراتب كاش و بتم الدفع بإستخدام المصاري الوسخة

https://ae.linkedin.com/posts/mohammad-hadidi-cams-cco-396382150_غسل-الأموال-عبر-الفن-هو-عملية-يتم-فيها-activity-7218865077548941313-iOz5

^ هي صفحة لواحد مختص بالموضوع عم يشرح لأشهر حالات الغسل , و منها طريقة المزادات الفنية بالتفصيل الي مهتم يعرف يدخل و يشوف

للأمانة هالموضوع كتير ثار اهتمامي , و ترددت اعمل عنو موضوع لأن كتير محروف ومحدا رح يهتم بموضوع ناشف متل هيك بس انتي جبتيه بشكل كتير ممتع حرفياَ
جذبتني فقرة اهم الاسماء المرتبطة به , الوحيد الي عرفتو اكيد هو بابلو و ما استغربت كونو تاجر مخدات الباقين تم اضافتهم لمعلوماتي العامة


حبيت هالاقتباس كتير : الغسيل هو اعطاء الاوكسجين للجريمة

شو بدك بالحكي تصميم الهيدرات اكتر شي جذبني , رااائعين و رح اكشخ بوحدة منهم لانهم عنجد فخمين َ!
@P!NK مبدعة كعادتك ! تصميم الطقم رائع , رايق و فخم !

@N A Y الفواصل رهيبة و ناعمة !

@D A Я K يعطيكِ العافية على الرفع !


‎شكراً انك اسعدتيني و خليتي يومي يكون افضل
عسى ما ننحرم هالطلة المميزة يارب


- لو تعرفي ضليت اكتر من ساعة و انا اكتب هالرد و اتصلت بأختي لتأكد من بعض المعلومات كلو فددددى لموضوعك الفخم ! -

​

 

[فاتِي]

@Damian ᰔ
10/8/2024

السلام عليكم ورحمة الله
كيف الحال أيها الكائن الماروني الجميل

اخذت لك سكرين بالموضوع ذكريني أرسله لك يومًا ما إذا ما انحذف بالغلط xd
ايش هالموضوع الفخم يلي طلعت فيه صديقي المُبدع أهنيك بصراحة رغم إنه مو بعيد عنك
روزيتا تفوقت ع نفسها مرة ثانية وابدعت بتصميم هذا الطقم، أنيق جدًا ورائحته دولارات :$
بتقولي الحين ان الصور اختيارك بس ما رح امدحك صفي ع جنب، عنوان الموضوع جميل بأمانة
توقعت إنك رح تدخلي الإنجليزي بالنص، التقديم تبعك ذكرني بأسلوب مقدمات الكتب والمقالات
للأبد يعجبني أسلوبك الكتابي يا فتاة

، كانت فكرة جميلة اضافة اسئلة واجابات التونيين
بس ليه ما حطيتي جوابي الأول؟ أحاسبك بعدين، لكن أتقدم بالشكر للمسلسلات والأفلام
لإنه ع حسب ذاكرتي ما صادفني شي متعلق بغسيل الأموال غير فيهم ومنهم فهمت المبدأ تبعه
لفتني جواب ساندرا بالنص xd، بخصوص مصطلح التبييض والغسيل والفرق بينهم
هو هذا السؤال يلي كنت أفكر فيه وعرفت إنهم نفس المعنى، -لو في مسلسل حلو عن آل كابون
وسرقاتهم والاكشن يلي كان يصير رشحيلي ياه :$- التهرب الضريبي كان أحد المصطلحات
يلي عطول كنت اسمع فيها بس ما أعرف كيف تتم تمامًا وفهمت العملية الحين، اعجبني
تسلسل الفقرات وسهولة الأسلوب يلي تشرحي فيه كل هالأمور حتى ان قراءتها مو مملة ابدًا
قضية نورو ضحكتني يعني بعد شو جايين يقرروا أنهم يفرضوا قوانين بكير والله لو انتظروا يكملوا
ال 100 مليار سنويًا ويدخلوا جينيس ك أغبى دولة بالكوكب ، بس توقعت يكون شكل
آل كابون احلى من هيك عبالي بلاقي واحد اشقراني سايكو تحطمت آمالي، لفتني الفيلم
الكوري يلي يتكلم عن فريق كشف اللي يغسلوا الأموال أظن أنني رح أحطه بالقائمة،
متأكدة حيكون عمل عبقري كعادة الإنتاجات الكورية يلي افضلها عن الأمريكية فشكرًا لك
على إضافتها، التصاميم جميلة وأنيقة بعد بالذات الاقتباسات حبيت الجو العام تبعها
يعطيها العافية روزيتا، ويعطيك العافية انت كمان، ضلك نوري القسم بالعام بمواضيعك
الجميلة ولا تنسيه لإنك رحتي عالمقهى، في انتظار جديد مواضيعك بكل الأحوال عزيزتي
في أمان الله