@j u d i t h
1 / سبتمبر
السلام عليكم ورحمة الله
كيفك فيفي القمر ؟ إن شاء الله بخير و أمورك تمام
.png "At (154) ق6")
موضوعك جدًا منعش، و إجا بوقتو كمان!! بوقتو تمامًا
من زمان ما بكتب مواضيعي باللاب و بحب أكتبها بمذكرة الجوال كل ما إجتني رغبة و بأي مكان بفتحها و أسجل عليها، أنا مش من النوع الي يسجل يومياتو إلا لو كان في شي لازم يكتبو عشان ماينساه، يعني استعمال مذكرة الجوال الوحيد بالنسبة لي هو المحتويات الكتابية الي بنشرها
و بحب من فترة لفترة أغير تطبيق المذكرة عشان يتجددلي الشغف فالمواضيع و هيك، و تطبيقك هاد شكلو يفتح النفس على الكتابة و التدوين!
و أجمل مافيه أنو فينا نصمم صفحة ندون عليها، يعني مش حنمل منو و فينا نهيأ جو غير لكل تدوينة
هالاشي بيناسب سريعي الملل فاقدي الشغف مثلي
دحين راح اعرض عليكم بعض الصور اللي صممتها داخل التطبيق للكتابة عليها
وبعضها كتبت عليها
وتم حفظها لمشاركتها في اي مكان
هالفقرة أجمل فقرة بالموضوع بدون منازع!!!
رح أعطي انطباعاتي عن تصاميمك لأني ماقدرت أمر عليها مرور الكرام
بدايةً بهاد التصميم الي يشع أنوثة ! بتحسيه جامع التفاصيل الرقيقة لكل بنت و ذكرني بمذكرات زمان و بأغلفة مانغات الشوجو القديمة اشي بمنهى الأنوثة، حتى الصورة الي استعملتيها رجعتني لهاداك الزمن خصوصًا أني بحب رسم الأنمي و المانغا القديم كان جميل و مميز بتفاصيله
حسيت بنسمة من نسائم أيام الشتوية داعبتني مع هالتصميم و عم شم ريحة معجنات الوالدة و التراب المبلول
خليتيني أشتاق للشتوية فوق ما مشتاقتلها XD
هالتصميم ذكرني بقوالب canvas، جميل
الأولوان الباستيل! سرقتي قلبي هنا بتنسيقك لدرجات الألوان اللطيفة مع بعض!! هالتصميم قمة الانتعاش و الرقة
تنسيقك للألوان هنا كمان رهيييب الرمادي مع الأصفر و البني شي عسل حرفيًا
ليش كل تصاميمك عم تصيبني بالوتر الحساس! مالي لون مفضل بس لو سألتيني شو أكثر لون بيمثلني و برتاحلو فهو الأخضر بالتأكيد، تصميم فخم مع رندر بنوتة صينية
معاك عاشق لمسلسلات و قصص البلاط الصيني، هالتصميم فاز بقلبي رسميًا
باقي الإشكال راح ارفعها لمدونتي ..
الثيم هنا زابط بشكل! الرسائل الورقية مع أنمي فيوليت، هالتصميم أبدًا مو عشوائي!! بهنيك ع دقة التفاصيل
خلصت التصاميم بسرعة
كتير متحمسة أشوف بقيتهم بمدونتك
مشكورة على هالموضوع القمة فاللطافة و الي ما بتتخيلي كم كنت محتاجتو
و يعطيكي العافية ع توفير روابط التحميل
لا تحرمينا من هيك مواضيع بترد الروح، و دمتِ في أمان الله يا مبدعة ~
و المهام و اليوميات 
و يومياتي يوما ما 
.gif "At (133) ك3")
.gif "At (551) ش11")
