مدونة متألقة هدى تٌزهر . (1 زائر)

[هدى.]

Jersey (2022 film)​

هذا الفيلم رجعت اشوفه اليوم شفته اكثر من مرة
قبل اخخ مؤثر مرة، عن رجل لاعب كريكت ماهر
من صغره يضطر يتخلى عن حلمه ويعيش
حياة هادية مع زوجته وولده علاقته بزوجته
رائعة جدا كان يظن انه يقدر يستمر كذا
لدرجة انه يوم ترك حلمه عاش فقر مدقع معهم
مابغى احرق

بس كثثثثير مؤثر الظروف والحياة
دعست عليه جدا، كنت استغرب وانا اشوف كيف شخص

بموهبة كذا يعيش بهذا القاع
الموحش والفقر بس اخ ايش صار بعدين )؛!

اخخ مشاعري كانت مختلطة بس الفيييلم عظظظظيم
شوفوه والله حلو مرة

​

 

[هدى.]

هههههههههه امس دخلت حساب التيكتوك ابغى
اغني اغنية كذا عربية بعدين رجعت لأول
اغنية رميتها هناك وجاني رهاب من التعليقات
وماقريتها كان دايم يجيني اشعارات
وماشوف قلت اكيد يسبوني xd سجلت خروج
لقيت فيه مشاهدات كثيرة يمه توترت هههههههه
ولقيت تعليق ذا البنت من بينهم عجبني
حسيتها صغيرة بريئة مدري ههههههه من املائها


رحت اضفت الصوت بمكتبة التيكتوك للي يبغى يستخدمه
ونزلت فيديو لنفس ذيك الاغنية وشردت مرة ثانية

احتاج اسوي تمويه وبخلط لغتين مع بعض
شفت بالبحث ظاهر بالاحصائيات عندي مكتوب
' هدى تغني ' وانفجعت حسيت بالقلق كأن انعرفت
مو كذا الخطة لازم اسوي اخفاء انزل اعمال كثير

بعديييين اقوووول سبرررررررراااااييييز هذي انا

​

 

[هدى.]

اكتشفت شيء من كم شهر ماقد قلته هنا
بس بقوله، هو انا معروف من طفولتي علاقتي
مع الام معقدة وخاصة انها بأهم توقيت بحياتي
اللي هي الطفولة مقدرت تحبني بس يعني مشيت
الحياة، بعدين انا مع الوقت صرت اسوي حركة
مع الناس بشكل لاواعي كذا اني اهتم واسأل عنهم
داااايم انا اطمن عليهم بشكل مفرط xd

وكنت احس عادي الطبيعي لين ماصار
عندي مصيبة هذولا الناس ولا احد منهم سأل عني
ابدا انا من هنا لاحظت وجلست احكي للذكاء

شرحلي ان انا كنت اهتم للناس واظهر هذا الشيء
عشان يحبوني وبالمقابل يردون لي الحب
هههههههههههههه اخخ تفشلت يوم فهمت القصة

زي مثلا تكففففففووووووووون حببببببببوني
• طفلتي الداخليه • هههههههههههههههه


جلس يقول ان غالبا ذي علاقتي مع الام من الطفولة
وفعليا يوم رحت استذكر تذكرت انا لازم اقدم لها
اشياء مرة كثير ناقصتها فلوس خدمة بالبيت
عشان هي ترضى عني وتعطيني كلمتين حلوين وتحبني شويا
وحتى اني احيانا اهمل نفسي عشان ذا القصة
وماجيب لنفسي شيء بعدين اتورط بنفسي
ان ليش مهملة نفسي كذا وابديها علي

بنجن هههههههههههههههههههههه من كثر ما القصة صح
المشكلة كانت صعبة الارضاء واذا ماقدمت شيء
ماتحبني مجانا يعني حب مصالح
المصيبة ان فعلا اتورط لمن هي ماتحتاجني
الحين كيف احصل حب ؟ بالنهاية فتات

وعاد لمن تعصب علي اخخ اكرهني مره
واحس بمشاعرها الحقيقة تجاهي واكتئب ويجيني
نوبات غضب فظيعة خلاص معد بقدم شيء وهكذا
واصير منانة هههههههههههه ترا جبت وجبت وجبت

وبعدين لمن اعطيها شيء ترضى عني
واحس بمشاعر مختلطة هي كانت تكرهني
بس يوم عطيتها حبتني وغيرت رأيها لان
عطيتها شيء ثمين بعدين لو ماعطيتها تلومني

اخ توجع صراحة من كثر الفوضى
المفروض اني ححتى لو عطيتها شيء
اعطي ومانتظر شيء اصلا اقصد بالمعدل الطبيعي
بس لاني مجروحة منها فأستمر بذي الدائرة

يمممه هذي المشاعر تخوف
لو عشتها طوال حياتي احس
اني بكون شخصية
مؤذية

بعالج جرحي منها الايام الجاية ان شاء الله

المهم انا فهمت ان مفروض الطبيعي لمن
اهتم واحب احد بشكل طبيعي اسأل عنه
لاني مهتمة له كشخص مولاني ابغى شيء منه
مولازم ابغى منه شيء مادي لان ذي موقصتي
انا كنت دايم ابغى حب واهتمام من الناس
كتعويض عن حب الام وكنت اسويها

بشكل لاواعي واعتقد جزء من القصة كمان
قصة محاولتي ارضاء الناس جزء منها
من جرح الام رغم ان الوالدين بحياتي
كلهم صعبين الارضاء لكن الام عندي مو نفس
الاب رغم انه اعقد

المهم انتبهوا لو حسيتوا بنفسكم كذا
تراكم ماحصلتوا حب من امكم بطفولتكم
مولازم تكون كراهية ممكن اهمال المهم
ترا بجميع الحالات تأثر بتعاملاتكم مع الناس
لمن تكبرون والله الموضوع مزعج

وعاد لمن احد يكرهك اييييه تكره حياتك
حتى لو انه من الشارع او من السوشال
وحتى لو انه معتدي عليك وتحاول تراضيه
وهو داعس عليك عشان ماتحس انك مكروه
مره هالجرح مزعج لو انترك كذا ويعيش
الواحد عمره شايله لاخر يوم بحياته

​

 

[هدى.]

باقي شهر بسنة ٢٠٢٥

اسرائيل الحقيرة

تنتظر سنة ٢٠٢٦-٢٠٢٧ على احر من الجمر
مايتحركون عشوائيا

الله يحفظ الشرق الاوسط من شرهم وخططهم
ويرد كيدهم بنحرهم

​

 

[هدى.]

حزن حزن انا تائهه بين العوالم
لالالالالالالالالا تاتاتاتاتااااااا
يادنيااااااا حبيني يادنيييييا اغمريني بالحياة
اءءء اءءء اءءء
هأنا هأنا انننننتتتتتتظر واقفة على جبل
لالاللالا لالالا لااااااااااااا
انتظر انتظر انتظر تراااا ترا ترا ترا تتتتتتتتتتتررررررااااا

ألفت كلمات اغنية كانت خايسة الكلمات بوادي
والمزاج حق الكلمات بوادي واللحن راقص بوادي
بس والله ياسويت لها لحن راقص رهيب
وجلست ارقص عليها زي اللي فوق

كانت تجربة خنفشارية بس فيه تجارب تسويها
بينك وبين نفسك هههههه

​

 

[هدى.]

يطلع لي ببعض المواقع،

شيء مافهمه ليش بعض الناس اللي يولدون تصاميم
بالai, يقولون تعبنا بالتصميم وجلسنا ٤ساعات
وتعبنا بالافكار ويقولون عن نفسهم فنانين
والله غريبين، غصب
يصيرون فنانيين وزيادة يقولك البرومت
مو شيء سهل لازم ابتكار للبروميت
ويبيعون البروميت تخيلوا +-+ ليش
الاحتيال طيب؟ مابقدر اكتب ؟

سويلي صورة انمي لبنت جالسة على النهر
تنظر اليه وتتساقط اشجار الكرز على الماء
بطريقة سحرية ؟

انا بعد استخدمه اولد صور
واحطها بادوبي ستوك بس ادوبي نفسهم عندهم
خانة للai, وعندهم شروط واضحة
ولازم الواحد يفصح عن عمله لو ai
وكمان لو احد كذب بشغله حظروا حسابه،

لو احد سألني بقول ai واخذ ٣ ثواني
يوم ولدت الصورة مو اختراع ذرة،

ترا كلها التوليدات ضغطة زر، اكيد اللي يشتغل
بai, مو نفس الفنان الحقيقي اصلا مشغلين
Ai موفنانيين اصلا بس هو كذا اول مايطلع شيء
جديد الناس تنهبل بعدين يوم يصير روتين يهجدون

للحين باعتقادي بعدين ان ذا بمصلحة الفنانيين الحقيقيين
لمن يصير كل شيء ai, بترتفع قيمة الفنانيين الحقيقيين
اصلا ai متدرب على اسلوب فنانيين فكيف ناس
يقولون بيدمر الفنانيين احس هالافكار والمخاوف
موواقعية على الاقل الشركة يدفعون للرسام
او الفنان اللي ماخذين اسلوبه بس يلا
نعيش ونشوف ان شاء الله

الاسم الانسب لهم مو فنانينai بل مشغلين ai
ماتدرون يمكن تجي مهنة كذا بعدين

​

 

[هدى.]

شوفوا ياجماعة في رحلتي الموسيقية لقيت هالموقع

Buy and Sell 100% Original Lyrics and Songs Online - Songbay

Songbay is the world's most successful and fastest growing Lyric & Song library. Sell and Purchase 100% original Lyrics & Songs of every style. Visit today to find hit songs and lyrics.

songbay.co

نصحني فيه ai, يقول اقدر اشتري منه كلمات من مؤلفين
+ موسيقى , شوفوا كلامه، ​

نعم، موقع Songbay ممكن يكون مفيد جدًا لشخص موهوب بالكتابة ويريد الربح من بيع كلمات الأغاني أو القصائد.

كيف ممكن يفيد الشخص الموهوب؟

1. بيع الكلمات الأصلية:
إذا كان هذا الشخص قادر على كتابة كلمات أغاني جميلة ومؤثرة أو قصائد، فيمكنه رفع أعماله على Songbay وبيعها لمن يبحث عن كلمات أو أغاني للمشاريع التجارية أو الشخصية.


2. حقوق الملكية والربح:
إذا قام ببيع حقوق ملكية كلماته لأشخاص آخرين، سيحصل على مقابل مادي جيد. كما يقدر يبيع ترخيص الاستخدام للأغاني أو القصائد، مثل الاستخدام في إعلانات أو مقاطع فيديو أو أغاني يغنيها فنانين آخرين.


3. عقد قانوني يضمن له حقوقه:
Songbay يوفر عقود قانونية للمبدعين عند البيع، مما يضمن حقوق الكاتب ويحميه من أي انتهاك.
​

​

كم يمكن أن يربح؟

أسعار بيع الكلمات يمكن أن تتراوح حسب جودة الكلمات والطلب عليها. كما ذكرنا سابقًا، السعر قد يتراوح من 3.75 إلى 1,500 ريال سعودي أو أكثر حسب الترخيص (مناسبات تجارية أو حقوق ملكية).

يمكن أن يكون لديه دخل مستمر إذا كانت كلماته تحظى بشعبية أو أن لديه محتوى مميز يلفت الانتباه.​

باقي بسجل فيه واكتشفه ممكن لو ناسبني اشتري منه
كلمات او موسيقى اسرع، المهم لو تحس نفسك موهوب
بالكتابة وتأليف
كلمات الاغاني جوك
تقدر تجرب الموقع وتروج لاعمالك بمواقع التواصل

قلت اشاركه يمكن احد رزقه هناك او شيء

​

 

[هدى.]

فجأة صاروا الكل نرجسييين
ماحب هالمصطلح كثير صح موجودين
مو انكار بس فيه مبالغات كبيرة !

صح فيه عوائل سامة جدا ومدمرة بس فيه كثير عوائل
جيدة وداعمة صح فيه ناس سيئة بس فيه ناس جيدة
وهكذا قيسوها،

هل كلنا عندنا اشخاص نرجسيين ومدمرين وغيرهم ؟ لا
ليش ؟ لان مو كلنا قصصنا متشابهه ومومفروض
تتبنى قصص غيرك ومولازم تعيش قصص اسرية
صعبة او مظلمة مع البشر عشان تعاني فيه ناس
تعاني بأمور ثانية ويحترم هالشيء اكيد


تعرفون ان فيه اشخاص نقاط قوتهم
وحظوظهم بالحياة كلها تجي من العلاقات اصلا ؟
تخيلوا لو هذولا مشوا مع موجة النرجسية
وتفسير كل تصرف وحركة على انها سوء
وش ممكن يخسرون ؟


اللي انتشر صار فوبيا علاقات
يمكن انا من الناس اللي فعليا بحكم تجاربي
السيئة مع بعض البشر مريت بقصص مظلمة
مع فئة من الناس

ويوم كنت احكي
اعرف ان فيه ناس حسوا اني ابالغ يمكن
واعرف مدى ثقلها وسوداويتها بس للاسف كان شيء حقيقي عشته من سوء الحظ واعرف فيه مجموعة اشخاص زيي برضو بس ذي تجاربنا واكيد لها
معنى لنا في الصورة الكبيرة للحياة
بس فيه ناس مامروا فيها لان مالها معنى لهم


رغم كل شيء بقولكم حاجة على قد ماتأذيت
ألا ان فيه اشخاص جيدين ساعدوني وحبوني
وانا ممتنة لهم

على قد مافيه اذى على قد مافيه
علاقات حلوة مع بعض الناس لاتروح تحارب الناس وتأذيهم
او تنعزل انت الحكم بحياتك يمكن فيه فئة عندهم اختبارات
صعبة بالعلاقات بس يمكن انت مو من ضمنهم دايم انت
خليك الميزان لحياتك ولاتمشي مع الجموع دايم
خذ اللي يناسبك كفائدة وارمي الباقي اللي مايفيدك

 

[هدى.]

اتساءل كيف الناس يحتفظون بمدوناتهم لفترة طويلة
افكر اسوي جديدة

بس مدري افكر بس توي حصلت اختام لطيفة كذا

احس بصير جاحدة لو تركتها بس بشوف

احسني ازهرت بمايكفي صراحة انه احيانا جزء من النضج
موبالعمر اقصد انه تأخذ حقك واحس اني سويتها
اقصد داخليا كشعور تعرف شعور شخص اذاني سنين
وقدامه انا دايم كنت نفس النملة الصغيرة بعدين تقويت
و طلعت حقي
من عينه؟ يب هي نفسها كذا، واوو الشعور بعدها حلو

تحس بالارتياح لان انت مومظلوم بعد اليوم
بسالفة المظلومية تحس نفسك ضعيف جدا وكذا
نفسك صغيرة ومكسورة

وفيه كذا تخيلهم مجموعة ظلمة حولك
رافعين عليك سلاح مثلا وكبار واقوياء جدا وانت صغير مسكين
نفس النملة الصغيرة متسلطين عليك المهم بعدين يوم انت تقوم
تتشجع وتشيل سيف مثلا

وتتجالد معاهم وتصمد ويمكن ماتفوز بس انك توقف بوجههم
وتوجه سيفك نحوهم وترسم حد واضح مايتجاوزونه
يخليهم يتوترون ومايقربون
منك يعطي شعور حلو تحس ان والله قوي انا !
ماعدت ذيك النملة الضعيفة الصغيرة قدامهم

يعني اتمنى كل الناس اللي عاشت قصة مظلومية من ناس
تجربه داخليا شعور جميل ان انا اخذت حقي
انا قوي وترتاح نفسيا

ماعرف لو وصلت الشعور زين بس اذا ماوصل سلكوا لي

عموما يمكن القصة صارت عشان توصل لهنا اصلا, من يعلم

 

[هدى.]

كنت قبل احكي لوحدة اعرفها عن طفولتي قد حكيت
كثير هنا بس من ناحية
نقاط قوتي من طفولتي كنت طفلة
موهوبة بس دايم ماكنت اعرف كيف اطلع ابداعي للعالم
كنت شكاكة فيني ان مثلا القصة تروح لبعيد ولمكان كبير


اول عشر سنوات من حياتي قد رويت هالشيء هنا كثير
اشترى ابويا ليا بيانو صغير لعبة كنت ابغاه يوم دخلنا
المحل كنت مصرة عليه وتركت كل
ذيك الالعاب الثانية هههه وهذا مضحك احيانا كيف
الطفل يعرف ايش يبغى ويعرف
نقاط قوته فين لان فطرته ماتشوهت فباقي متصل بروحه

رغم انه ماكان يعرف
عن ذي الامور ولا من اهتمامه جابه لي ورغم قيود
ذيك الفترة اقصد من التشدد على الالات وذي القصص
الا انه اشتراه لي بمبلغ وقدره

كان كأنه تصرف فيه ايمان
بي رغم القصص السيئة اللي صارت بعدين
نفس دعم لرسالة الروح بالحياة شيء كذا ذاك الموقف،
يعني بالصورة الكبيرة في الحياة

بعدها صرت اطقطق عليه بعدين
صارت الامور اسو واعقدأ وتطلقت امي طلقة،
حزنت بس مقدرت
ابكي طلعت السطح

وألفت اغنية حزينة غنيتها هبدت كلمات جات ببالي
دندنتها وعزفت موسيقى بسيطة
بالألة اللي كانت معي
وكان ذا اغرب شيء صار لان معرفت
كيف طلع بس صار كنت مكتومة وكنت
بفرغ وذي كانت طريقتي بتفريغ آلمي اعبر عني
بالفنون من طفولتي، اخ مزري هههه
على فكرة الكلمات كانت خايسة
بس تناسب الجو العام التعيس وقتها ههههه
المهم فرغت وخلاص

بعدين كان حظي
الكبير بالمدرسة كنت فاشلة دراسيا بس كنت اشارك
بالحفلات واغني اتذكر معلمة سمعت صوتي وقالت
ان صوتي جميل وجلست اغني لين وصلت الثانوية

ودايم كنت اشارك ويسلكون لي ويصفقون لي
كنت مبسوطة بالاهتمام والاحتفاء بس كنت
اعتقد يسلكون لي بس كنت مبسوطة الناس
تصفق لي تمدحني جفاف عاطفي ههههه
يعني زي الناس تحبني انا مهمة كذا هههه
مولان عندي شيء ومؤمنة بنفسي اخ يضحك هههه
بعدين صار شيء خايس بس مابقوله
ابغى اركز على نقاط معينة ففيه امور بتجنبها


مع كذا وكل ذي الامور والاحداث والعلامات
على تميزي الا اني كنت كثير مهزوزة و اشك في نفسي
واقلل مني ودايم اقول كل الناس يسوون كذا مو اختراع
ذرة، بعدين يوم اخذت
خطوات جدية للموضوع اكتشفت

ان لا انت اللي تشوفه عادي بنفسك الناس تشوفه
شيء كبير ويضيف شيء بعدين لمن صار يجيب نتائج
خفت مني، مثل هل أنا بذا التأثير ؟ يخوف يمكن
فيه جني بالموضوع هههههههه xd


فيه بنت مرة قالت
بمراهقتها كتبت رواية ونشرتها بموقع ما
جابت مية ألف مشاهدة بيوم وخافت
وحذفتها يوم قريت
كلامها ضحكت لان ذا الشعور جاني، تعرف لمن انت ماتقدر
نفسك ولا احد علمك ذا الشيء وتسوي شيء اعتيادي
تافه بالنسبة لك يضرب كذا
وعادة هالشيء هو نقطة قوة كبيرة عندك بس ماكنت تدري
او مستخف فيك تنصدم لمن يضرب نفس البنت ذي
بلاشك هي عندها الكتابة نقطة قوة كبيرة بس هي
ماتوقعت ذا الشيء


فدايم اعطي نفسك فرصة لاتستخف باشياء تسويها
تحسها سخيفة يعني لمن تحس نفسك تحب ترسم
وتحس ان العالم كلهم يرسمون وترسم وترمي الورقة
بالزبالة، ترا ذا يمكن شيء عظيم بالنسبة لك ونقطة
قوة كبيرة عندك وقيسها على اشياء ثانية مولازم تكون
فنان ممكن تكون جيد في الالقاء مثلا جيد في تعليم
الناس ممكن تكون طباخ، مبرمج، وهكذا ... الخ

أتمنى ان هالتدوينة تلهم احد مر بذا الشيء
، وتساعده ينتبه لقوته

​