الختم الاداري Download all studio Ghibli movies || أود أن أصنع فيلمًا لأخبر الأطفال أنه من الجيدِ أن تكون على قيّد الحياة ⁦⁦✿⁠ (1 زائر)

[أجنحَة الحريّة]

السلام عليكم ورحمة الله وبركاته
هاي فير اوزين شو اخبارك ان شاء الله بخير يا مراحب بملكة الأنمي
منورة اقسامك العزيزة بموضوعك الجبار وذوقك المميز، هذا الفيلم سبق وتم ذكره أمامي مرات عدة
لكن لم يراودني الفضول اني إلقي نظرة عليه ويمكن سمعت قصته ونسيت، لكن الدخول وطريقة الإستقبال مذهلة
جلست اتأكد هدول رمزيات ولا قطعة وحدة؟ مسكت الصورة وحركتها لقيتها عدة قطع لكن ترتيبهم رهيب وراقي جداً
بسم الله أكيد هذا الموضوع شديد الخطورة! إذا بدايته هيك وبعدما عملت لفة كاملة على محتويات القائمة الواسعة للأفلام
فهمت معنى عنوان موضوعك ذو الأثر العميق واللي يخطف العين، هل هو اقتباس من احد الأفلام ام ابتكار من عندك؟
أهنيكي بقوة لو من خيالك لأنه طابق، نحنا بوقت لازم الأطفال يبقوا محافظين على عنصر البراءة فيهم بظل كل هالفساد
تلقيهم يفهموا بكل شيء اكتر مني ومنك وواعين ع اشياء، طب لو حدا بالمستقبل سألهم ع ايام طفولتهم، وينها؟
فموضوعك ما شاء الله تعبتي فيه كثير وحيكون موسوعة شامل لتغذية براءة الأطفال ودعمهم بالذكريات الحلوة اللي رح يحملوها معهم
فيلم المرسالة كيكي حلو ولطيف عن الإستقلال والنمو الشخصي مع مغامرات النضج حبيت نكهة الخيال فيها
ذكرتني بمود مسلسلي انميي المفصل دروب ريمي اللي يحصلوا ع الكرات ويحققوا الأمنيات مشان المتجر تبعهم أو شي زي هيك
أما انمي " عندما كانت ماري هناك " بالنظر لرسم الشخصيات واللمحة البسيطة المختصرة عن القصة اللي كتبتيها
حسيتها مزيج بين هايدي والبنت الشقراء وبين الحديقة السرية تبع الأسرار، كلهم فيهم جو من الحنين
فيلم قلعة هاول المتحركة شفت لقطات منها من قبل شي قريب من الملخص واستغربت من الفكرة، كانت البنت بتجنن
فجأة تصيبها لعنة تصير عجوز أما البطل الوسيم ومغامرات مع بعض، هذا الانعكاس الآخر لجميلة والوحش؟
من أغرب الأفكار اللي شفتها لذا أحسها طريفة، أما شكل البوستر تبع فيلم المخطوفة ذكرني بفيلم الحرب ع سبيستون اللي فيها أغنية " سيري يا فتاتي "
كان مؤثر جداً وتقريباً رسم الشخصية مشابه، موجود بقائمتك يا ترى ؟
يعطيكي العافية ع الموضوع المذهل متلك لا تحرمنيا من جديدك، فأنتي ما شاء الله كلما تغيبي ترجعيلنا بقنبلة تعويضية
أشوفك ع خير في وقت آخر، تشاو ي جميل ​