-بسم الله الرحمن الرحيم نبدا كتابة ! يا كثر افكاري وياكثر مدوناتي المسحوب عليها والسؤال ليش سحبت؟ لانها لاتعبر عني وهذي بعد احتمال تكون كرنجيةولاتعبر عني وهذا دليل صادق على اني كل عام اكتشف اني كنت غبية وبإختصار شخصيتي ماتعجبني للي مايعرفني رح احاول اكون واضحة معكم ماريي انسانة تحب الثرثرة والنقاشات .. احب اثبت رايي .. بس اذا شفت ان النقاش مالي اي علم بيه او ماعندي دلائل .. اهرب بس واخليهم يتناطحون
إنسانة تمقت العاطفة ولكنها في النهاية عاطفية جدا لأنها إنسانة ماري تحب النبات وكل مايتعلق بالنبات . تبغى تكون مزارعة ولا عالمة نبات بس هالشي مايمشي مع التقاليد للافس
وتحب الفضاء وكل مايتعلق بيه ووش يصير في الفضاء ....
وتبغى تكون عالمة فضاء ولا رائدة فضاء ولكن برضو مايمشي مع التقاليد
أمينة مكتبة.... ولا عندي مخبز خاص احلام....
أترك الحلم حلما .... ماري رسامة ومصممة ... مهووسة بالمجال الابداعي ..... يعني هذه هوايات فحسب ... في البداية كانت تقتل نفسها عشان مواهبها وهي ماتستمتع بيها اصلا . بس تبغى تكون احسن من الجميع بس اكتشفت انها مفهية ولازم تستمتع بالشي الي تسويه وبعدها يدها رح تتعود عليه وتصير جيدة فيه مدام انها مستمتعة بالشي الي تسويه فكل شيء على مايرام ياصاح تحب الناس الواعية والمثقفة والي يشاركونها نفس الاهتمامات .
أما اقرانها او ال class mates تحب تضيع بيهم الوقت او تطقطق ..
ماري لاتحب الثانوي ولا الجامعة وتتمنى فقط العودة الى المتوسط او الابتدائي وتشاهد كرتون نتورك وبراعم وجيم .. اجيال سبيستون في بيتها في سلام
ماري تكره الفانز او الفاندوم لأقصى درجة ممكنة!!! وعندما تحب عملا لاتسمي نفسها فان لأنها تعتقد ان الأمر أحمق !
بس ايييه ليه؟ لانها تعتقد ان الكلمة اصبحت كرنجية لسبب ما ربما بسبب اصحابها هي من النوع الي يندم على شي سواه وقد اندم على هذه التدوينة او فتح المدونة ولكنها تحتاج الى التهريج وتحتاج للعبث بمفاتيح اللوحة الالكترونية وتحتاج لافراغ الافكار لهذا فعلت هذا >:
ماري لديها اصدقاء رائعون لم تندم ابدا على التعرف عليهن
ماري تكره مواقع التواصل الاجتماعي جدًا جدًا
فقط لديها حسابات لانها تتحدث مع اصدقائها وترى اخبار هذا العالم الاحمق
ولكنها تحب الفايبر لانه هادئ وتحس انه عالق في حقبة 2015 3> وليس هبة ولطيف جدا و مليئ بالستكرز
تكره كونها انسان فوضوي ومرن
هذه كانت تدوينة اليوم ...
ايهشرايكم في التصميم؟ لي قرن ساحبة على الفوتوشوب والسبب يعود الى لابتوبي الاحمق الي يعلق كلما اصمم وهذا فقدني الشغف لاحظت اني تطورت بتنسيق الخطوط وصار جزئي المفضل في التصميم يهيهيهي نراكم لاحقا ~
هذه التدوينة هي عبارة عن مراجعة لمانجا كيميتسو اكاديمي ..فطبيعي يكون فيه حرق تمام؟ وممكن حتى حرق من الانمي نفسه في بعض التفاصيل
I REALLY WANNA TALK ABOUT THIS ورأيي العام والصريح في المانجا
تبغون الصراحة ؟ انا واقععةة بحبهااا جدا كيف بدأت القصة ؟ طبعا كنت ابحث في بنترست في ال 2024بالزبط المزبط والف الف فيه ... الى ان شفت صور مانجا .. حسبتها فان ارتس ... وقلت اييهه دهههه
فبديت ادخل في ذيك الصور وتطلعلي اقتراحات اخرى بنفس الرسم ... وقلت يمه دي مانجا ؟؟؟؟ طبعا الشخصية الي كانت تطلعلي وجه الكلب ذاك كايغاكو الي ماينطاق
هو والقانق حقه .. ولا زي مايسميهم هو 'اتباعي'
انيوايز ... من بحثت عن المانجا وقريتها وقعت بالحب حرفيا .... المانجا ثيرابي بالمعنى الحرفي .. وتمنيت لو اكتشفت ها الشي بوقت ابكر
هو انا كنت ادري ان فيه حياة مدرسية لكيميتسو وكان هالشي يظهر في الجزء الاول مابعد اغنية النهاية بس مكنت ادري وقتها ان فيه مانجا تشيبي
ومع الوقت اكتشفت انو فيه انميات كثيرة لها هالفكرة-تخفيف تروما عن محبي الاعمال- قصة المانجا تتحدث ببساطة عن يوميات شخصيات انمي كيميتسو المعروف جدا والغني عن التعريف . وحياتهم الطبيبعة الخالية من الدمار والبؤس .. عالم يسوده السلام بس فيه شوية مشاكل silly
ويدرسون في مدرسة حرفيا تضم اقسام ابتدائية .... ومتوسط وثانوية ... ناه ذولا حرفيا حققوا حلمي وهذا بسبب ثروة أوبوياشكي الشديدة . الرسم مش اسلوب الكاتبة . وانما طلبت من وحدة ترسم لها (نسيت اسم الرسامة)... بس القصة من اشرافها هي .. tbh الرسم كيوت جدا .. والقصص الي تصير معاهم تضضححكككك واحس بشعور بالدفئ والابتسامة تشق وجهي وانا أقرا كل صفحة
ذباتهم .. فصلاتهم ... حرفيا جدًا حبيتها واحسها جوي ... الكوميديا حقتهم مش تافهة XD وطبعا احساس جدا جميل انك تشوف مفضلينك كلهم عايشين ومبسوطين بدون اي تروما صح؟ نفس الشي عندي ... في المانجا ذي كلهم عايشين وكلهم مبسوطين .... ولدرجة اني ماابغى نهاية المانجا الاصلية ولكن اعتبر هذه هي النهاية 333>>>> احسن شي سواته الكاتبة والله
ايه وفي تدوينة اخرى رح اسولف لكم عن كيميتسو وليش احبه كذا
انيوايز خلنا ندخل في ادوار الشخصيات
الثلاثي الي شفتوهم قبل شوي في المحتوى المخفي البنت ساسومارو والولد ياهابا وهذو ظهروا في الموسم الاول من هجموا على بيت تامايو ويوشيرو وهذاك الكمونة كايغاكو على قولة فير يعتبرون جواسيس كيبوتسوجي موزان - والكمونة يبغى يصير زي موزان ويصير اعظم سياسي شافته البشرية
لأن موزان هدفه في المانجا ذي يسيطر على الاكاديمية وعلى مدينة كيميتسو .. هو سياسي شرير بس he is so silly i swear
وكوكشيبو هذا يعتبر ال bodyguard بتاع موزان والي يبغى يساعده فأهدافه اما ناكيمي البنت الي تعزف البيوا هي تعتبر جاسوسة كيبوتسوجي هي غريبة اطوار جدا ماتعرفها تحب موزان ولاتعرفها تطقطق عليه وتبي تفضحه
تخسي بس
والأقمار السفلى الي ظهروا بأخر حلقة مساعدين موزان الأذكياء جدا -الغباء يقطر وربنا مدري شلون متحملهم-
اما هذول هم سابيتو وماكومو الاشباح الي ساعدوا تانجيرو في الحلقات الاولى
وهم طلاب في المتوسط . وماكومو تدرس مع نيزكو and she is her bestie i love them i swear
تامايو ويوشيرو
يوشيرو طالب بالمتوسط وخاق على ممرضة المدرسة تامايو ناه
ويحب يقعد في عيادتها طول الوقت ويساعدها
بس تامايو ساحبة عليه وتعتبره زي ابنها الصغير اما القطة اسمها تشاتشامارو دايما تجي عند تانجيرو في الانمي وتاخذ عينات دماء من شياطين XD وهنا في المدرسة هي حيوان تامايو الاليف وهي قطة ذكية
كانروجييي ميتسوري الجميلةةة خريجة من كيميتسو اكاديمي وهي طالبة جامعية ... وهي مانجاكا تكتب وترسم وهي منظمة لنادي الفنون تعمل في دوام جزئي في مطعم البيتزا حق كاناموري وهذا شفناه في أرك قرية حدادي السيوف
وعندك الاخوة شاابانا .
غيوتارو وداكي (يومي) وهذول الاخوة يسوون مشاكل في المدرسة واثنينهم ثانوي وعلاقتهم الاخويةةة تجننن ويومي هي دلوعة اخوها وهو يسوي لها وش تبي .
وحرفيا كثير اولاد يبغون يواعدون يومي بسبب جمالها بس هي ساحبة عليهم وماتبي احد
من كانت تعمل بمطعم البيتزا هي وكاناو صارو صديقات (يدرسون مع بعض) اما شينوبو فهي تدرس مع غيوتارو وهي ذكية كعادتها فديتها بس
وعندها خبرة بالصيدلة اما عن كاناو فهي رياضية محترفة كل نوادي الرياضة يبغونها معهم وتحب تعزف على البيانو برضو
وهي من نادي النباتات والورود الي مسويته اختهم كاناي استاذة العلوم المحبوبة جدا من طرف الطلاب بسبب لطافتها وحسن تعاملها وهي رئيسة نادي الورود والنبات وفطنتها وحلاوتها والاخت الكبرى لشينوبو وكاناو و أوي وناهو وسومي وكيو
اما اوي كانزاكي فهي تدرس بالثانوي وتدرس مع كاناو ومعظم الوقت معها .. مشاركة في نادي الطبخ .. وتساعد في التنظيف وهالاشياء ومساعدة ماساتشيكا في المكتبة لانها تحب تقرأ روايات
ناهو هي الي مسوية ظفرات ولون butterfly hair clip حقها اخضر
وسومي هي الي شعرها ربطتين ولون butterfly hair clip ازرق اما الاخيرة فهي كيو ولون butterfly hair clip حقها احمر ولا وردي anyways they are so power puff girls
احبهم جدا لانهم كمية لطافة وشغفهم يتعدى السماء
يحبون شينوبو جدا ويبغون يصيرون زيها صيدليات محترفات
فيه فيكم الي ممكن ميعرف مين هو ماساتشيكا بس هو green flag i swear
وهو شخصية لسا مظهرتش في الانمي بس ظهر في المانجا وصديق مقرب جدا لسانيمي وهو الوحيد الي يفهمه
وهو أمين مكتبة في مدرسة كيميتسو
اما سانيمي ابو المصايب هذا يراسي استاذ الرياضيات الي الكل يخاف منه ويدعون مايجيبون صفر عنده
حرفيا تعامله مع الطلاب سيء ويرميهم من الشباك عادي جدا ماعنده مشكلة
توميوكا غيو استاذ الرياضة رغم انه هادي بس الا انه دايما سانيمي يشخصنها معاه
وهو يركض ورا الطلاب الغير ملتزمين حتى ولو لنهاية الارض المهم يمسكهم يجلدهم بعصا الخيزان حقه رينغوكو كيوجيرو استاذ التاريخ والي احسها بتكون حصة ممتعة معاه جدًا ومليئة بالحماس هيميجيما غيومي استاذ الجغرافيا
وعندك المبهرج اوزوي تنغن استاذ الفنية
وغوتو هذاك الكاكوشي الي ينقل قتلة الشياطين لقصر الفراشة عشان العلاج في الانمي هو استاذ الانجليزي
AND I SAW HIS FACE من تقرون كاغون يظهر ماابيش احرق عليكم بس هي ايز كيوت
اما شيطان الطبول فهو استاذ الموسيقى
وايغورو اوباناي استاذ الكيمياء وهو يواعد كانروجي ميتسوري اما هذاك غريب الاطوار هوتارو الي دايما مشخصنها مع تانجيرو من يكسر سيفه
فهو رئيس قسم المعدات المهم مسؤول عن المخزن في كيميتسو اكاديمي
اوبوياشكي كاغايا هو الرئيس المسؤول والمؤسس لكيميتسو اكاديمي وهو قريب كيبوتسوجي موزان
ومن يزور موزان موزان مايطييييققهههه حرفيا يحب يطقطق عليه وعلى خططه في السيطرة على العالم
وهو في غاية الثراء (ربي يرزقنا) متزوج من المديرة حقت الاكاديمية والي هي اماني الجميلة جدا تقريبا هي اعقل وحدة في المانجا دي الكل مب صاحي وعندهم اولادهم ذوك التوائم اربع بنات اما الي شعره اسود تراه ولد وكلهم يدرسون في الابتدائي
اولاااااااااااااااادددييي نيزكو وتانجيرووو كنننن
تانجيرو طالب ثانوي و اخته تدرس في المتوسط في الصباح يجرها تانجيرو عشان تجي للمدرسة وتحط خبزة بفمها
لانها تكون نص مصحصحة بس بعدها في وقت الغداء تبدأ تصحصح XD ذا الشي كان في الفصول الاولى المهم ال كامادو عندهم مخبز شهير في المدينة الكيميتسوية ويتم بإدارة أمهم كي كامادو واخوانه الصغار يدرسون في الابتدائي وروكتا صغير جدا اصغر واحد في العائلة مش متاكدة اذا يدرس او لا بس مااظن
التوأم توكيتو ويعتبرون توأم عبقري جدًا ويفهمون دروس الي اكبر منهم بمجرد شرح واحد عنها (هم يدرسون في المتوسط)
لان في مرة من المرات مويتشيرو درس جينيا في الرياضيات وجينيا حز بالخزي وقال شذا ورع يدرسني
المهم كيف نفرق بينهم؟ لاحظت في الاغلفة الملونة ان خصلات يويتشيرو الي على اليمين زرقاء اما مويتشيرو خصلاته تركوازية
يويتشيرو شوي عصبي . بس مويتشيرو كيوت وهادي
عندك دوما دايما زي الي نعرفه محتال وهو عبارة عن عراف ودايما يحذرو منه
اما ذيك البنت الكيوت فهي كويوكي شخصية من المانجا وهي زوجة هاكوجي
ايوةةة متزوجين ويدرسون في ثانوية كيميتسو علاقتهممم صحييةةة وجميلة جدا
كويوكي مناعتها ضعيفةةة ودايما يصيبها الزكام وهاكوجي مايقصر ويعتني فيها
هاكوجي يعتبر السينباي والكل يحترمه
هاكوجي هو نفسه اكازا القمر العلوي الثالث بس ذي هيئته البشرية
عجائب الاكاديمية وهي وحوش تكون في كيميتسو اكاديمي وتظهر معظم الوقت في الليل -يقدرون يظهرون في النهار برضو على عكس الانمي-
العجائب ذي هي غيوككو و هانتينغو .. يطلعون عشان يخوفون الطلاب
بس تقريبا محد يخاف منهم الا الشخصيات الجانبية والعاديين
المهم هم يضحكوني وربي والاساتذة مش مقصرين معاهم من يشوفونهم يتجولون في الارجاء يلقون عليهم تعويذة تطيرهم بعيد
مدير المتحف (تحف يصنعها بنفسه هو ويوريتشي)
وهو تقريبا تقريبا تجسيد لتانجيرو (رح ينلحس مخكم ) (لهيك في اول حلقة من الموسم الثالث حلم تانجيرو بيه من كان في غيبوبته هو ويوريتشي .. ذولا ذكرياته في الماضي البعيد . ... ) او نقول انه من احفاده تمام XD؟ لهذا الشبه بينهم كبيرررر بس سوميوشي عنده ponytail ومتزوج
الي ظهر بأول حلقة في ارك حدادي السيوف
اما يوريتشي العظمة الي نعرفه فهو مساعد لسوميوشي وهو قوي جدًا في كل حالاته
ومتزوج من يوتا
الطفلة الي عندها شريطة فشعرها اسمها "سومير" وتقريبااااا هي تجسيد لنيزكو في الانمي وهي وزوجة سوميوشي لو تلاحظون رح تلقون انهم يشبوهونها .
اما الورع معرفش اسمه بس اخ سومير
جميلةةة وكيوووتتهه وماافرق بينها وبين زوجة سوميوشي يشبهون بعض شوي
ذي اخت غيو الي ظهرت في الانمي كم من مرة .
وهي لطيفة جدًا ودايما مايدعوها غيو عشان ياكلوا اكلة غيو المفضلة مع بعضهم
وهي متزوجة وعندها محل للاكسوارات والعطور والشغلات النسائية
سوما هيناتسورو وماكيو دايما مع بعضهم ثلاثي خطير
يشتغلون في مقصف الاكاديمية
ابني الكاواي جدا وهو طالب ثانوية .. دايما يبي يكون الاول في صفه خاصة في مادة الرياضيات (عشان يبهر اخوه)
ربما اخوه مايبين له مشاعر ويقوله ناديني بأستاذ مش اخوي بس في البيت علاقتهم كيوت + واخوتهم الصغار الثانيين الي يدرسون بالابتدائي
----- اذا وصلت الى هذه النقطة فأنا فخورة بك ! ikr التدوينة طويييييييييييلة جدا . بس من زمان كان ودي اكتب رأيي عن ذي المانجا ... عشان احس براحة نفسية لاني احب النقاشات واحب اعبر عن رأيي الصريح في كل تفصيلة .. سواءا تطبيل او سخط وذم ربما ماذكرت شوي تفاصيل بس حاولت اذكر اهمشي
المانجا ذي جدا عاجبتني لانها لطيفة .. الكل عايش ومفضليني سعداء بحياتهم والرسم كيوت والاغلفةةةة جمممميييللةةة وتعقييممم جدا والتلوين simple ومشرققققق
اذا كنت تبي شي ترفيهي وكوميدي وكيوت فذي هي الخيار الاحسن
واذا كنت من تحب عمل كيميتسو طبعا لازم تقراها -اعتقد اني ساعتين وانا اكتب بدون كلل او ملل- في امان الله وحفظه ورعايته ~
مدري بس لاحظت مع الناس الواقعية انو دايما اول انطباع عني يكون المتكبرة ومدري وش شايفة نفسها احسن من الجميع يوم الاحد قاتلي خويتي الي انا معاها من المتوسط ليش انت متكبرة وكذا وجاني فلاش باك على وحدة في الثالث متوسط قالت لخويتي وحدة ثانية نفس الكلام . المهم سألتها وقتلها ليش تحسين كذا؟ قالت شخصيتك غير عنا وماتتقبلين المزاح ابد وتعصبين بسرعة وتبغين تثبتين نفسك انت الصحيحة ومع العلم ان خويتي ذي مرة طيبة وهوسها باستاذتها غريب جدا... وحسيت انو الغلط فيني ؟ مدري بس مزاحهم يلعب عنفسي ومااطيقه ودايما يحشرون الالفاظ النابية في حديثهم والامر استفزني بشكل .. وبسببهم لقيت نفسي اقول حتى بعضها!!!!! ماطقت نفسي حرفيا مش ذي انا انا مااقول كلام زي كذا! انا عاقلة ... ودايما يتغلغل فيني تأنيب الضمير .. ولا الاسوء من ذلك يتنمرون ويحشون على الخلق وانا مااحب هالشي حتى ولو كان الشخص اكرهه جدا ... بس المشكل صرت اوافقهم حتى في حشهم !!!! استغفرت ربي وقلت انا الي اعمله جدا جدا غلطططططط ومقدرش ومش مرتاحة معهم ابد .. ومن احاول اشرح لهم ان الي يسوونه غلط يتجاهلوني او يقولون لينا مرة جدية رح تقتلنا وفيه بنت كذا تمشي مع الاولاد بس هي هادية وتكره المواجهة .. حرفيا يتنمرون عليها .. ووحدة متدينة ومدري وش جلطت هالبنت بالتنمر . والبنت ذي صعدت لسطح المدرسة وقعدت تبكي .. قهرتني جدًا جدًا .. ولا هم ماكفاهم راحو ينشرون عنها اشاعات وقالوا انها بتنتحر ومدري وش ..حتى ولو انها غلطانة بالشي الي تسويه ليش التنمر طيب؟ انا عنفسي حاولت انصحها بس تجاهلت نصيحتي . بس المهم انا سويت الي علي 0: الله يهديها ...
بس في كثير يمشون ويا الاولاد ويواعدوهم .. ليش جت عليها هي بالذات ؟ لانها تتجاهل .. وتسكت ..وهادية .؟ انيوايز من اشوفهم غلطانين احاول اني اوريهم وجهة نظري لأني متأكدة مية بالمية انها صحيحة وأعصب اذا خالفوني بس شوية
بس اذا الموضوع ماادري بيه مااتدخل ! مش دايما افرض رايي واقلهم ان الماعز يطير !! احب اثبت الاشياء الصحيحة والي مثقفة فيها وحسيتني في طريق غلط وانا معهم مااطيقهم حاولت اني انصح خويتي بس خويتي مدري شفيها بس تستهبل مرة .
وانا من النوع الي مايطيق الإستهبال .. هو مش مااطيقه يعني انا عن نفسي استهبل بس هم تافهييين بزيادة عن اللزوم تمام؟
ومن ابغي ابادر معاهم انا يشخصونها معي او يتجاهلوني ... حرفيا ؟ احاول افتح سالفة معاهم وهم يتجاهلوني او يردون برد تسليكي
وسوالفهم بايخةة... وربي ... ونصها حش .. تعبت ...
وحرفيا انا ماانتمي لناس ماتفهم جوي ..اكتئبت شويتين هاليومين وماقدرت اني اكتم زيادة لاني تعبت .
حسيتني خيست وانا منعاشرتهم وغيرت من شخصيتي عشان ارضيهم ....صرت زيهم .. وماحبيت .... ماحبيت ....
ارضاء الناس غاية لاتدرك ......بس الحمد لله ادركت اني لازم مااعاشرهم زيادة عن اللزوم
اليوم كانو يسخرون من استاذة الاجتماعيات هم وكل الطلاب ومسويين شغب عظيم بالحصة وانا قهرتني بصراحة وتنرفزت من تصرفاتهم لانه ابدا ميضحك.. ليش مايتخيلوا لو امهم كانت بدالها ؟ اليوم صرخت صرخت وهم بس قضوها ضحك حسيت بحزن شديد عشانها .... مااحب الطلاب مااحب هالجيل ... باختصار انا في وعي . وهم في جهل ... ومن يكبرون يعرفون شكانو يسوون .
ابي ابلكهم في الانستا بس مش مستعدة لانهم يسألوني ليه وليه وليه ومدري
دايما اصارحهم بوش احس بس يتجاهلوني كاني قاعدة اهبد عليهم
الله يهديهم بس ........
ويفكني منهم
-احتمال احذف التدوينة ذي او ممكن اخليها عشان ارجع اقراها -
-احب ارجع اقرا تدويناتي مين زيي ؟
.gif "At (456) ب3")
.png "At (101) رك0")
.png "At (43) حز1")
احلام....
.gif "At (11) بكا000")
.gif "At (18) م9")
.gif "At (21) لا77")
.gif "At (423) ليش2")
.gif "At (418) حبي9")
.gif "At (395) عص2")
.gif "At (390) ذخ3")
لي قرن ساحبة على الفوتوشوب والسبب.gif "At (450) ز11")
.gif "At (209) ش2")
Kimetsu Gakuen
.gif "At (138) ه1")
.gif "At (48) ب1")
.png "At (124) ض000")
وهذا بسبب ثروة أوبوياشكي الشديدة .
.gif "At (448) ض2")
.gif "at1 ق1")
نيزكو وتانجيرووو كنننن
.png "ne (2) هم11")
.png "ne (1) هه4")
؟ قالت شخصيتك غير عنا وماتتقبلين المزاح ابد وتعصبين بسرعة وتبغين تثبتين نفسك انت الصحيحة ومع العلم ان خويتي ذي مرة طيبة .gif "At (546) ك22")
......بس الحمد لله ادركت اني لازم مااعاشرهم زيادة عن اللزوم
