مدونه شخص عالق ب 2015 (2 زائر)

[21-_-21Rayan]

للامانه من من طفولتي وحيد بس ماكان ذا الشي مأثر علي بالعكس خلاني اتعود وارتاح نفسيا صراحه لاني احب الوحيده اكثر لكن ماراح اكذب حلو ان يكون عندك اخويا رهيبن نفس جوك وتفكيرك يمكن لاني مالقيت ذولي الاشخاص ف صاير وحيد اكثر من اللازم بس لو حصلتهم ذولي الاشخاص بتعرف عليهم ولو صرنا اصحاب اكيد برحب فيهم وذا الي ابغاه بس اذا كانوا ناس مو جوي ولا نفس شخصيتي صراحه ماراح اجامل على حساب نفسي واقعد امثل اني مبسوط معهم ولا لا لاني احس اني ما انتمي لهم وذا الصدق بس للامانه في واحد تعرفت عليه بالمدرسه كان مره رهيب ونفس شخصيتي ف انا اصلا دايم كنت اقول لو مثلا حصلت صديق واحد بس رهيب مره ويكون رفيق دربي عادي ما احتاج اخويا غيره بس ماحصلت للامانه الى الان بس هذا الي بالمدرسه كانت شخصيته تشبهني شوي لكن عمرها ماكانت علاقتنا قويه او قريبه من بعض يعني ف ما تنواصل مع بعض او فعلا يكون صديقي القريب كانت شخصيته وشخصيتي متشابه بس ماكانت علاقتنا قويه او مقربه مره وتمنيت هذا يكون رفيق دربي بس الحمدلله وبس حاليا ماعندي احد بس مستقبلا لو حصلت ما اقول لا و الله واعلم يمكن احصل اخويا مره رهيبين ان شاء الله

 

[21-_-21Rayan]

يالله صاير مو قادر اكمل مقطع واحد لو مدته خمس دقايق والله موطبيعي تعفن دماغي ولا ادمان المقاطع القصيرة ذي لمده ثلاث سنوات هي السبب بس والله جنون حاذف تيك توك وانستا ومع ذالك مو قادر ارجع اتابع تطبيقي المفضل يوتيوب لمده طويله زي لما كنت صغير

 

[21-_-21Rayan]

اخخخ والله قاعد احاول من رمضان ٢٤ لكن باذن تضبط ذي المره المهم مره متحمس اذاكر قدرات وغير ان شاء الله السوني مو راضي يشتغل مدري وش فيه حاولت اكثر من مره عيا يضبط فكك كان ودي العب بلاستيشن شوي

 

[21-_-21Rayan]

والله مدري ليه بس احس متحمس للشتاء الله يمد علينا الصحة والعافية ويحفظنا من كل مرض يارب

 

[21-_-21Rayan]

ودي اتابع تيم فيصل

 

[21-_-21Rayan]

ويمكن اتابع مقاطع بندريتا القديمه حقت ١٧-١٨

 

[21-_-21Rayan]

حتى ai show

 

[21-_-21Rayan]

للامانه ماقد شفت انمي أجوائه حلوه ومحمسه زي ديث نوت انا لو جاني شخص قالي وش تنصحني باول انمي ابدا فيه بدون تفكير بعطيه ديث نوت

 

[21-_-21Rayan]

ايبككككك روكيززززززز

 

[21-_-21Rayan]

لو برسم مستقبلا افكر ارسم ديد بول احسه مره بيطلع رهيب