بيت اسرة انمي تون (تم التجديد) 2026 النسخة 13 (8 زائر)

[Lightless]

كلمتني صديقتي اللي نقلت المدينة من سنة انها جات جدة وتبغى تشوفني
انبسطت ورحبت فيها
شوية اتذكرت صديقتي اللي برضو كلمتني من فترة نتقابل واعتذرت منها
واتذكرت صحبتي اللي نقلت من مكة لجدة قرييب
واتذكرت قريبتي اللي لحالها هنا
وعزمت كل الناس

 

[Lightless]

حمدلله ساعتي البيولوجية صحتني بدري عشان اعيش روتيني واتفرج انمياتي واروق
من الاشياء الحلوة في حياتي اني مو مضطرة اقلب البيت ولا اسوي شيء لانه اول باول كل شيء في مكانه ونظيف يعني المطلوب بس اتجهز وكمان حجيب كل شيء من برا وقررت اريح اليوم

 

[سُكر]

نعسانه ومشعارفه اكمل نوم

 

[Lightless]

لحظة ندم ليه صاحية من بدري
بس والله مبسوطة

 

[سُكر]

لحظة ندم ليه صاحية من بدري
بس والله مبسوطة

اخر النهار الندم الحقيقي

 

[الزمـردة]

الوالدة حشت قطتي لحم ، القطعة بحجم راسي وعطتها كثير الين استفرغت - اكرمكم الله -
وقطتي مكريشة تبلع على طول ما تتعب حالها وتمضغ
بس حسيت بالحزن عليها خاصة لما صاحت قبل ما تستفرغ ، فكرت حصللها شي

 

[الزمـردة]

بعد ما اكلت 6 بساكيت وطاحت عيني عالصحن الفاضي ، لقيت دودة منسدحة على طولها هناك
ولو اني ما اتكلم لغة الديدان بس حسيتها عاملة مني اضحوكة وقاعدة تسخر مني
ياخي شذا اليوم الزفت عليا وعلى قطتي !
طبعا عملت دراما وحسيت بالقرف واصل لحده معايا بس بالاخير استرجعت رباطة جأشي وقلت عايدي اللي ما يقتل يسمّن 🫠

 

[Lightless]

بالعادة هاليُوم يعتبر يوم جمعة عائلية لكن آخر الفترات صار فيه تفاوت وماصار الكُل يجي بنفس اليوم
وأنا قررت أعتذر عن الحضور اليوم عشان الجمعة اللي في بيتي
و عمات بنتي مرره وحشتهم لإنه مايجو بيت العآيلة إلا يوم واحد بالأسبوع وزوجي أخذها وراح
عندي الآن مرره مشاعر غريبة ومُتضاربة
لإنه ترا بنتي ماعمره أحد أهتم فيها ولا مسكها غيري وماعمره أنفصلنا عن بعض من ساعة ما ولدتها لإني قررت وقتها أتعرف على هالمخلوقة وأفهملها بدل ما أتعود على مُساعدة الآخرين وأتكل عليهم ، فحقيقي صار بيننا تعلق فظيع وترابط المُهم مشاعري مررره متضاربة بس جالسة أقول عادي ياساره حتروح شوية وترجع اصلًا ماحتطول
جلست أتجهز وأترتب وأبخر البيت و أتوقعت حنبسط وأنا جالسة أسوي روتيني لحالي وشوية أخذ مساحة قبل مايجو الضيوف لكن للأسف فيه غصة بحلقي وأحسني مو مبسوطة مرة
أتعودت على إزعاجها ووجودها وحسها وتخريبها على مدار اليوم والساعة والدقيقة ​

 

[ISOL]

​

 

[ISOL]

​