الختم الاداري Ransom Note Art | Photoshop Collection (1 زائر)

[RITSU]

يوليو

-

السلام عليكم ورحمه الله وبركاته
كيف الحال يا مبدعتنا وجميلتنا هنوده وسام باحسن وافضل حال يارب
اخ ياهنوده وش هالجمال ياربي تكفين ع فكره داخله الموضوع وانا متاكده مليون من مليون
اني راح اشوف موضوع اسطوري مستحيل ادخل لك موضوع اصلا وماانبهر واتامل كل شي فيه من الجمال والابداع
والله العظيم ان لي فتره كذا وودي اجمع من هالاشكال بالذات الحروف والارقام
بس صراحه كنت متعيجزه اجمع تعرفين المصمم الجرافيك يقضي حياته كلها تجميع ادوات ههههههههه
حقيقي وفرتي علي جهد ووقت عظيم ودي اجي لبيتكم بس واشكرك بنفسي مو مزح اتكلم جد
وياليت اي موضوع لك تاني ترسلين لي دعوه بليز لان لولا ماشفته بالاعلان فوق ماكان عرفت ان فيه هالابداع الرهيب بالتون
وياسلام ع الكميه رهيبه رهيبه ماشاء الله عدد ضخم يشرح الصدر حملت كل شي من الحماس
وماقصرتي بالنماذج حطيتي كل شي بضمير ياحلوك بس هنوده
احس كذا وانت تفكرين تنزلين موضوع لازم تدلعينا وتبسطينا ياحظنا فيك بس
كل شي يجنن بالموضوع بدون مبالغه حبيت كل شي وطبعا هذا شي متعودين عليه
قلت لك فوق ان اول ماشفت اسمك ع الموضوع تاكدت انه بيكون خنفشاري واسطوري
وبالنسبه لمعلومه النشا التاريخيه صدمه اذكر هالشي كنت اشوفه بالافلام حركه المجرمين والقصاصات
بس ماكنت ادري ان هالشي اخذوه لفكره التصميم وااو
انا شخصيا اعشق هالنوع من التصاميم احسه من جد يخلي المصمم كانه ماسك لوحه ويخربش فيها بكل حريه
وبالنهايه هالخربشات تطلع بنتيجه جماليه وفنانه
من جمال الموضوع ماودي اخرج منه شكرا لك هنوده عسانا ما ننحرم منك ولا من جمال مواضيعك
يعطيك الف الف عافيه
​

 

[M O O N]

-

وعليكم السلام ورحمة الله وبركاته ~
هند يا هند ، يا فنانة يا رهييييبة
كيف نشكر ربنا على نعمة وجودك؟ وعطاءك وإبداعك؟؟

هالفترة مرة راجع لي شغف التصميم وعندي كثيييير أفكار بس باقي انفذها
ولي يومين أفكر بستايل مثل الموجود بهالموضوع أخذ جولة بحثًا عن الإلهام.. لكن ربي يسرني للشيء اللي أنا فعلًا أدور عليه (:
انبسسسسسسسطت مرة! كأني طايحة على كنز

صراحة ما كنت عارفة غير (فن الكولاج) بس . بدون ما استوعب ان له تصنيفات أو شيء
فالتعريف بالبداية مرة أعجبني وألهمني ، فعلًا فيه فرق كبير بين الفنان الفاهم ومستوعب كل تفاصيله وبين غيره

بإذن الله بطبخ التصميم اللي ببالي بهالفكرة وأشاركك النتيجة
< ولو عندك انستا يصير تشوفيه منشور هناك أحلى وأحلى

تنسيق الموضوع شيء يشرح الصدر من الحلاوة والجمال .. وقفت كثير أتأمل تنسيق الألوان تبارك الله ~
عدد الملحقات مرة كبير ! أقدر هذا الجهد الكبير .. أنا وأنا قاعدة أحملها مو متحملة من كثر ما الشبكة رافعة ضغطي
كيف انت وأنت ترفعينهم
+ انبسطت كثير على تسمية الملحقات بالنماذج اللي تخصهم.. يمكن انه تصرف عادي وبسيط بالنسبة لك
بس يساعدنا كثير نتطور ونتعلم وتتوسع معرفتنا ~

++ موضوع انك كنت حابة تسوين الملحقات بنفسك.. خلانا نطمع
الآن ايش يرضينا غير اننا فعلًا نشوف حاجة بإبداعك ؟؟ بليز تصرفي
مهما كان فيه ملحقات حلوة.. ما حتكون بحلاوة اللي تسويها !

انبسطت على الخطوط وتمنيييت مرة ان فيه خطوط عربية
كل شيء اخترتيه رائع ومميز ~ شكرًا كثير
الله يعطيك العافية ويبارك بجهودك ويكثر إبداعك
دمتِ بخير وعافية !