الختم الذهبي من يقتل الضحية مرتين ؟ | نقطة نقاشية . (1 زائر)

[Lightless]

السَلامُ عليكُم ورحمة الله وبركاته
إيش الأخبار يارب إنكم في أحسن حال ..
مَوضوع حسااااس وتقريبًا طول حياتي أشوف نفس هالظاهرة تتكرر بمختلف المعاني والأماكن والشخصيات والعوائل
ونفس ظاهرة الناس الظالمين إللي أخذوا حقوق غيرهم .. تلقى الناس ماتروح تمسك الظالمين وتردعهم عن الظلم .. لاا!! تروح للضحايا وتقلهم أتنازلوا وأعفوا و ... من هالكلام
وأي ضحية تُلام لكن للأسف لو الضحية ما أتكلمت معناه ماكان فيه إنسان مصدر أمان في حياتها .. لإن الطبيعي الناس تلجأ للأشخاص إللي تشعر معاهم بأمان وممكن تتكلم عندهم .. واصلًا موضوع إنها تُلام هذا أكبر دليل
انا من الحياة إللي عشتها والتجارب إللي شفتها مو كل الناس عائلتهم بمعناها الصحيح ( عائلة ) كثير عوائل تفتقر لأبسط الأشياء وهُو الإحتواء والإهتمام وللأسف إنهم بيأثروا على نفسية البيت كامل وماحيكون فيه أمان أو ثقة
يوووه وأنا أكتب أتذكرت قصص كثير صارتلي وصارت لغيري وحضرتها .. الله يسامحك
لكن حقيقة وفعلًا المفروض التفكير هذا يتغير .. الضحية مولازم نسألها ونشوف أجوبتها عشان نقول ( ضحية ) .. بالنهاية دام تم الإعتداء عليها أو التعرض لها بأي شكل من الأشكال فهي ضحية ماتحتاج تأكيد من البشر وماتحتاج تلام وهذول إللي يجو يشتطروا عالضحية أتمنى يوفروا طاقتهم ويروحوا للجاني ويلوموه ويضعوا كلّ ذي موضعٍ موضعه.
بعض البشر يميلوا أحيانًا للوهم بالسيطرة=الأمان يعني لمّا يقع الضرر دايمًا يحاول عقلهم يختلق أسباب و يبرر وقوع المصيبة عشان يوهم نفسه بإنه هذا ما حيصير طول ما إني ما أسوي الشيء الفلاني .هذا الهروب من مواجهة الجاني يوقع الظلم مرة ثانية على الضحية ويخليها تشيل وزر أفعال ما سوتها وهذا دبل ظلم جاء عليها : (
يلا أجاوب عالأسئلة

هل سبق و أن شاهدتم موقفا شعرتم فيه بأن الناس ركزوا مع الضحية أكثر من الجاني ؟

كثيييير وهي للأسف ظاهرة مكررة ومؤسفة. بعض المجتمعات ( نفسي أقول كلها بس التعميم لايصح برضه ) يهرب من مواجهة المذنب الحقيقي ويفضل تسليط مجهره على الضحية وتحميلها مسؤولية الإعتداء أو التعرض الذي تم عليها ..
وردي بكل بساطة : لأن مواجهة الجاني تتطلب شجاعة بينما لوم الضعيف أسهل للهروب من الواقع > ومؤمنة إن كل إنسان يتجه للضحية ضععييف

كيف يمكن لنا أن نناقش المشكلة بدون أن نلوم الضحية ؟

بأن نضع كل ذي موضع موضعه ولا نحاول البحث عن أعذار واهية للمعتدي .. لأن المعتدي مُعتدي ولايوجد تبرير .. و الضحية لا تحتاج إلى إثبات أنها بريئة!! ودورنا الحقيقي هو الاحتواء والاستماع بدل توجيه الأسئلة الهجومية والاستجوابات

هل يمكن أن تكون العائلة سببا في هدم الإنسان ؟ ، أكثر من مساعدته و جعله ينموا بشكل سليم ؟

نعم .. وبكل أسف أقولها.. ليست كل عائلة تسمى عائلة بالمعنى الحقيقي
ومرات الأهل يهدموا أشياء مستحيل تنبني ثاني لإنها كانت المفروض تجي منهم هُم بس وأطفالهم يعانوا بسبب أبسط الأشياء إنهم غير مصدقين ، إنهم وضع شك ، إنهم مو كفاية .. الإنسان حتى لو كبر وتقبل وتعايش مع إللي عاشه مع أهله لكن الندبة موجودة موجودة
الأهل يا يهدموا أطفالهم يا يبنوهم بإختصار
شُكرًا لطرحك المميز كالمعتاد
بالتوفيق