MAKE SOME NOISE (1 زائر)

الحالة
مغلق و غير مفتوح للمزيد من الردود.

S E L E N E

The human mind is a graveyard
إنضم
12 مايو 2019
رقم العضوية
9970
المشاركات
6,444
الحلول
13
مستوى التفاعل
31,654
النقاط
1,752
أوسمتــي
49
العمر
29
الإقامة
Deutschland
توناتي
17,990
الجنس
أنثى
LV
12
 
-






رجعتلكم يا جميلين ش1 طبعا لاني نادر ما يصادفني موقف احكي عنو او يوميات . بالعادة كل الايام
بتتكرر ض0 اكيد الاغلب نفسي ه1 ف حابة احكيلكم عن ماضيي الجميل ض0 .



*

لما كان عمري 17 كنت كتير حب اسمع راب عربي مع اني قبل ما كنت من محبين الاغاني العربية ابدا كان
كل ميولي للانجليزي بس بتعرفوا المراهقة و ايامها ش1 تعرفت ع واحد صدف انو هو بغني راب و هو الي
عرفني ع هل العالم ما بكذب عليكم الراب العربي حلو بس الناس الي فيه مو مناح هن الي مخلينو
وسخ بحركاتهم و كلامهم
< عصبته1 طبعا مو الكل في ناس و النعم فيهم ولليوم فرحانة اني عرفتهم ق1



*


المهم اني دخلت عالم الراب العربي بالمنتديات من سنة 2011 لسنة 2016 و كنت تقريبا مسجلة بأغلب منتديات
الراب وقتها , طبعا هلأ ضل موقع او تنين منهم و الباقي تسكر للأسف . واول منتدى راب تسجلت فيه كان وكر
العصفور
لما دخلت المنتدى كان ما يقارب 5000 عضوية مسجلة و انصدمت من هالكم الهائل من المسجلين ه1
ف رحت و سجلت و بلشت اتعرف ع هالعالم و اكتر منتديات كنت مشاركة فيها كان منتدى فانس راب لاني كان
المدير صديقي شخصيا ولا ما كنت دخلته ه1ه1ه1 < كل هالمنتديات الي ذكرتها تسكرت و راحت الذكريات
بكا00


*

لما دخلت هالمجال تعلمت كتير اشياء بتخص الراب متلا كيف بقيم اداء الرابر من اغنيتو ؟
من ناحية الفلو يعني كيف بيلحق اللحن كل لحن الو طريقة غناء معينة او من ناحية قوة الكلمات و القوافي
كلما كانت القوافي صعبة او غريبة كلما كانت احلى او وضوح الصوت ما يكون اللحن طاغي ع الصوت
او قوة الهندسة الصوتية طريقة لعب الرابر بحركات الصوت و تغييرها . و اشياء اخرى . ف هل شي كتير
عطاني خبرة بهل المجال لدرجة كنت ادخل و ابدي رأيي بالرابرية ه1ه1ه1 و عرفت الفرق بين
الاغاني الهادفة و الدسات ك مصطلح انو الاولى تهدف لموضوع معين اما الدس بكون متل حرب كلمات
والي بكون دسو اقوى هو الي بفوز < كأنها معركةه1ه1ه1 و كانت اكتر نوعية دسات كنت حبها هي
الي لما الرابر يمسخر واحد بإستخدام الكناية او التشبيه بدون سب كنت حس هالنوعية من الدسات اقوى من الدسات
الي بكون فيها سب لانو السب حسيت بنزل من مستوى الرابر و سهل اما التشبيه و الكناية اصعب ولانها بدها تفكير
و استخدام تشبيهات قوية ض1



*

كونت صداقات كتير قوية بمجال الراب مع اغلب الي بغنوا او مع المصممين الكبار و كان في بالمنتديات نظام الروابط
بتنحط تحت عضويتي بتبين اي قروب راب بشجع وهيك و كان عنجد حلو و تحديات و خاصتا لما يعملوا مسابقات
و بطولات كان حماس ش1 . من هالناس الي كنت اعرفهم MJ شخص كتير والنعم فيه حتى عقليته مختلفة 360 درجة
عن الي بعالم الراب و Deep Raw هالانسان مبدع بحق هو لبناني الاصل ولكن مولود و عايش بالكويت انسان خلوق جداَ
و ماعليه حراكات الرابرية الماكرة الي اغلب الرابرية يتصفوا فيها ض2 اكتر شي حبيت بأغانيه انو كان يدمج الانجليزي بالعربي
بشكل كتير احترافي و عندو كم من غنية بس بالانجليزي حتى من حلاوة اغانيه ما خطر ببالي انو هو عربي الاصل ض2
حتى لقبو حلو عرف يختاره صح ش1 .


^ تخيلوا انو هاد عربي واات77 عرفتوا سبب اعجابي فيه عنجد انو موهوب بكل شي كلمات و الاداء واختياره للالحان ش1



*

من الرابرز الي كنت اسمعلهم اكتر شي كنت اعشق سايندروم لأنو فلسطيني و اغانيه كانت بلهجتنا بتعرفوا لهجة
السوريين و الفلسطينيين متقاربة نوعا ما ف كنت حس بسهولة اني افهم الكلام او اني غني مع الغنية عكس اذا
كانت بكلمات اماراتية . هاد غير انو هالشخص فعلا فعلا ترك بصمة بعالم الراب لحد اليوم . هاد غير انو كان
يشيب راس كل رابر خليجي و كان الكل يعملو مليون حساب اذا كان بأي بطولة ه1 يعني كان حامل اسم
بلاد الشام ككٌل وقتها و كان عندو كتير جماهير من سوريا الاردن و فلسطين ش1



*

اكتر البومات الي من كتر ما سمعتهم حفظتهم صم البوم الشمس توقع هالالبوم دمار شامل خاصتاَ اغنيته الشمس
توقع كانت الكلمات كتير بتشبهني و قريبة من قلبي و هالانسان بيعرف كيف يوصل احساسه بكلماته و صوته .


^ اغنية الشمس توقع رهييييبة و بتعطي حماس لششخص لما يكون محبط ش1ش1ق1
كتير بنصحكم تسمعوا للالبوم كل اغانيه حلوة ش1.



*

البوم جنون و عبقرية كان البوم طفولتي فينكن تحكوا هيك ش1 كان اول البوم بسمعلو لرابر معين و كتير حلو الالبوم
يعني مافي غنية وحدة مو حلوة كل اغاني الالبوم كانت و مازالت المفضلة لدي . اغنية الليموناتي كتير عجبتني مع
انو نادر ما لاقي رابر ساكن بالامارات و بيحكي عن السياسة و اغنية حلم مدفون اغنية من عمق كلماتها بتخليك تدمع
و اغنية كيف انسى صحيح الاداء مقارنة ب اليوم كتير مختلف بس انا اكتر شي بيلفت نظري بالاغنية الكلمات و
كلماتها كتير حلوة و خاصتا مستعمل تشابيه كتير حلوة . اغنية صوت من الظلمة هي كانت فعلا شي خيااالي اعتقد
كان اخد فكرة الاغنية من ايمينيم و هي انو بكون في صوتين بالغنية صوت واحد شرير وواحد تاني و الي هو الرابر

نفسه و انو على اساس هالنفس الشريرة الي خلتو يشتهر و يصير عندو فلوس و بيوت و هيك و بيجي صوت الرابر
بيحكي لا و اتركني < حسيت اني دخلت بالجو ه1 > و بصير صوت الشر هو الي يحكي و يشرحلو . عنجد انو الاغنية كتير
حلوة خاصتا طريقة تمثيلو بالصوت بأول الاغنية بتحسسك كأنها حقيقة جد !



طبعا كتير ناس صاروا يحكولو انو هو من الليموناتي بعد ما نزل هالاغنية لأنو صوت الشر كان بمثابة صوت الليموناتي لانو
نفس الفكرة كانت . الليموناتي لحتى تدخلها و تصير منهم لازم تبيع روحك للشيطان و بعدين بيشهرك بيعطيك فلوس ف
صار حديث الموسم وقتها ض0 مع انو هو مو هيك كانت مجرد اغنية بس اشتهر من وراها بسبب هالموضوع ه1

< المواضيع السخيفة بتشهر الواحد مع انو هو ما كان حاط
ببالو انو رح يشتهر بسبب هالموضوع لانو ما كان مخططلو
من الاساس ه1


^ انترو لالبوم جنون و عبقرية كانت عنجد فكرة مبتكرة وقتها و كتير حبيت طريقة دخوله للالبوم ش1
بنصحكم تسمعوا الالبوم دمار ش1

و كان سايندروم مع قروب دا السيز و كنت حب كل القروب حتى كانت عندي رسومات لما كنت 17 سنة من حبي
الهم . بعض من رسوماتي ض0 .



^ رسمة غبية بعرف بس هي قديييمة عليها غبرة لأسماء الرابرية الي كانوا ب Da Alcz ش1
وكان لقبي وانا صغيرة COOL CAT ه1ه1ه1ه1


و كانت اغنية من اغانيهم اغنية همي مكتوم هالاغنية انتشرت انتشار واسع على اد مانها حلوة و خاصتا بارت
ثري باكو الي كان بقروبهم كان مشهور بستايل الميدوسيت الي هو يحكي مجموعة كلمات دفعة وحدة و بنفس واحد
كان يعطي روح للأغنية ش1 .


^ الفديو انا صممتو سنة 2012 ض0 لأغنية رهييييبة ش1

هاد غير طريقة انتقائهم لاسمهم بالبطولات و كان اشهر اسم اختاروه هو 666 طبعا هاد رمز الشيطان بس كانت
حركة حلوة متل فرض هيبة و خوف للمشتركين . حتى طريقة لفظهم للاسم بالاغاني كان كتير حلو كانوا يحكوها
تلت ستات < يعني بنته1ه1ه1 كنوع من المسخرة للخصم او تربل 6 كان كتير حلو اختيار الاسم و عبقري ش1

^ طبعا مافيني اعرضلكم غنية من اغانيهم بالبطولة لأنها اغاني دسات يعني كلام عيب و هيك ه1



*

كنت اسمع لسلوم انجل كان عندو كم من غنية حلوة

في غنية اسمها ليالي الشوق الها اكتر من جزء بس اكتر جزء حبيتو هو الجزء التاني هي الغنية غبية تقريبا ه1
بس لانها تحمل ذكريات طفولتي ض0


*

و كنت اسمع لرابر قطري كان لقبو سفاح الدوحة بس للأسف اعتزل و كنت كتير حب طريقتو بالغناء و اكتر شي
كان مايل عليه هو الاغاني الرومنسية كتير حبيت طريقة كتابتو للكلمات و طريقة تشبيهو بعض مما كتب ..

ابي اتكلم عن ذيك الي بقلبي سكن حبها . . ابي اتكلم عن الي لندن ظلمت من بعدها

لاني هو كان يدرس بلندن كان اقرب شي الو ف خلى التشبيه بلندن ش1 كان عشقي الاول و الاخير وللأسف اغلب
اغانيه راحت اغلبها من اليوتيوب . .


^ كانت من اجمل اغانيه رهييييبة :(ق1 .


*

و مغني اسمو ريفو كان كتير رومنسي ب اغانيه كان هو مايل اكتر للكورسات من انو يغني راب كانت اغلب اغانيه
متل غناء عادي بس كانت النتيجة كتير حلوة و لحد هلأ انا عم اسمع اغنية ما اتمنى فرقاج الاغنية قديمة
من سنة 2012


^ بكا00بكا00بكا00بكا00بكا00بكا00



*

من المغنيين الي عم اسمعلهم هلأ مغني كويتي اسمو VORTEX قسما بربي هالرابر مو طبيعي يخربيتو شو
انو رهيب ه1 كل غنية سمعتها الو كانت شي خرااااافي و اكتر اكتر شي عجبني فيه انو هو الي بصور فديو كليباته
عنجد بحترم هالنوعية من المواهب ش1

من اكتر الاغاني الي حبيتها لفورتيكس :


^ الكورس رهييييييييييييب ش1


^ اللحن رهييييب بخليك لا ارادي ترقص ه1ه1 و الكورس حلو كتير و مضحك ه1
مقطع فورتكس التاني ش1ق1 .

و كان كتير يذكر كلمة دوامة ب أغانيه لاني كان اسم قروبو و حبيت طريقة ذكرها بكل اغنية من اغانيه ش1


*

طبعا عالم الراب عالم ضخم مو صغير مارح اقدر اختصر هالعالم برد واحد بس حطيت القمة من الاغاني
و المغنيين الي حبيتهم ش1 طبعا ما بخفي عليكم راب العربي كتير تطور من 2011 ل 2019 ان كان من
نوعية الالحان او بالاداء او بفكرة الاغاني بشكل عام . صاروا الرابرية كتير متفتحين يتطلعوا ع الشغل الاجنبي
و يحاولوا يطلعوا شي حلو بالراب العربي ش1 . رابرية غنت بالانجليزي و بالعربي و الاتنين ابدعوا ش1

و للأسف كتير خففت سماع الراب العربي لاكتر من سبب من هالاسباب اني عم حاول اعطي فرصة لباقي
انواع الاغاني اني حبها بتعرفوا اني بمسك فن معين بضل عليه لحتى مل منو ه1ه1ه1

ان شاء الله تكونوا استمتعتوا معي بهل فقرة ش1 نراكم بتدوينات اخرى ق1



 
الحالة
مغلق و غير مفتوح للمزيد من الردود.

المتواجدون في هذا الموضوع

المواضيع المتشابهة
كاتب الموضوع العنوان المنتدى الردود التاريخ
S E L E N E فخر المدونين Make Some NOISE مجتمع المدونين ☕ 193
S some people make just مجتمع المدونين ☕ 16
R E E M Dream big , work hard and make it happen مجتمع المدونين ☕ 39

المواضيع المتشابهة

أعلى أسفل