الختم الاداري From Milli's Kitchen (1 زائر)

[Milli]

-
-
-
السلام عليكم
مرحباً يا اعضاء وزوار انمي توون
ها انا التقيكم من جديد في فصول الطبخ التي بدأت بالدونات
وستنتهي هنا بــ 11 وصفة لذيييذة
فيها ماهو موضح بالصور وفيها يلي صلحتها قبل لا تصير هالمسابقة
وما صورت الخطوات لكن النتيجة موجودة وبحاول بكل جهد
اوصل لكم الطريقة من غير صور للخطوات ..
المهم !! اكيد فيه بعضكم بيقول ليه ما نزلتي كل وصفة لوحدها
بس صراحة نزلتهم بهذه الطريقة لسببين الأول تعبت
من كثر ما افتح مواضيع
قلت خلي الجهد واحد والسبب الأهم ..
هو تعبكم في الردود على الطبخات خلي هالموضوع
يجمع كل شيء حابه انزله وأعتقد
انه الموضوع الأخير صراحة في هالقسم ..
خلونا على السريع نستذكر الوصفات يلي شاركتكم فيها
الدونات
البيتزاء
السنبون
رز الصيادية
سمك مشوي
لحم مشوي
شوربة ربيان
ملفوف
تورتة التخرج الخاصه بي
بروستد دجاج
خبز البرجر بالبطاطس
بطاطا مقلية
فطائر شاي
كعكة التمر
---
واللحين اتركم مع الوصفات الشهية واللذيذة

 

[Milli]

رز الصيادية فيكم طبعا الكل ماخذ انه ضروري يطبخ بسمك
وهذا غلط يكفي تضيف بهارات السمك وخلاص كفيت وفيت الحكمة بس في الطعم
اول شغله بصل وطبعا كميتي يلي مصلحتها لعائلتي يعني كبيرة

يقطع لشرائح رفيعة

ثم في زيت شوي كثير ونبدأ نحمسه لوحده

ونستمر في التحريك لحدما يصير لونه معنا كذا لا تقولون محترق لا ابدا
حتى الطعم ما يأثر فيه

بعدها نفرغ البصل في الخلاط مع موية ساخنه ونتأكد انه البصل انطحن صح

ثم انفرغ الخلاط بالقدر ونضيف ملعقة سكر ملعقة فلفل اسود
ملعقة بهارات السمك ملعقة قرفه وملح حسب الرغبه

ثم بعد ما يغلي الخليط نفرغ الرز يلي انغسل مسبقا واتنقع لنصف ساعه
ونضيف الكمية المناسبة من الموية يلي يحتاجها الرز

ضروري تتذوقين المرق إذا فيه مرارة تضيفي زيادة سكر
والملح كمان تنتبهين عليه

بعد ما يخلص يطلع معنا كذا يزين حسب الرغبة وبالعافيه..

 

[Milli]

السمك المشوي صراحة بالقوة جبت صور لأنه هو واللحم المشوي
مافيه شيء ينشرح من كثر ماهو بسيط
السمك يلي اشتغلت عليه كنعد وهذا شوي يتأخر في النضج
عندكم السلمون سريييع النضج بس يصلح اكثر كقلي لأنه يغمس في طحين
يحمي لحم السمك الهش بس لمن بنشوى بيتقطع معك
المهم انا اخترت الكنعد ..

هذا هو بعد ما يغسل ويتبل والتتبيلة على كيفكم
الشيء يلي حابين تتذوقون نكهته مع السمك ضيفوه مع التتبيله
الصورة جودتها ضعيفة لأنها بالأصل فديوا بس حولتها لـ gif

وخلاص بعد ما ينضج معكم ويطلع لونه تمام
يصير جهز وبالعافيه عليكم

 

[Milli]

همممممم اللحمه المشوية
اول شيء تجهزون اللحمه وتقطعونها بطريقة تسمح للحرارة تاصلها من كل جوانبها
والأفضل تختارون الأجزاء الطرية ويلي تنجح بسرعة في الذبيحة
مثل لحم الجنب طبعا اللحم ما يتّبّل ابدا لأنه تحترق معك التتبيله واللحم لسى ما استوى
لأنه يتأخر بالنجاح مو مثل السمك
عشان كذا بس اكتفيت اني غمسته بزيت زيتون وملح وفلفل اسود وبس
ثم انجهز فحمنا ونتأكد انه اشتغل كله قبل لا نوزع اللحمه

وهذه هي اللحمه على الفحم وبالمناسبة ضرووري يكون التقليب مستمر للحم
عشان ما يحترق من غير ما ينجح .

وهذا هو في صحن التقديم وبالعاافيه يارب
ولا تنسون تتذوقون اللحمه المشوية مع العسل دمااار

​

 

[Milli]

شوربة الربيان من ألذّ الشوربات يلي اتذوقها صراحة
وراح اصلحها معكم خطوة بخطوة
اولاً نجيب الربيان ونغسله كويس بمويه ساده من غير إضافات

بعدها نحمس بصل لحدما يذبل كويس

ثم نضيف الربيان على البصل ونقلبهم لحدما تاخذ لون ذهبي

ثم نضيف كريمة طبخ وملح والبهارات المناسبة

ونخليها تطبخ لحدما يثقل القوام تبع الشوربة وما تاخذ وقت صراحة

واخر خطوة البقدونس لها لمسه جباارة صراحة يفرق في الطعم بشكل كبير
بس ما نضيفه إلا بعد ما نطفي النار عن الشوربة لأنه بسرعه يذبل

وهذي هي وبالعافيه يااارب

 

[Milli]

تولاي4
هذا الملفوف عشق لا ينتهي وربي ما اشوف فيه
ويلي يقهر شغله شوي ياخذ وقت والمصيبة يخلص في خمس دقااايق والله مو عدل
وللأسف هو يلي ما صورت خطواته
بس راح اوضح لكم منيح كيف نصلح الملفوف
اول شغله اختيار الملفوف ضرووري يكون الأختيار موفق وهي اتباع الشروط التاليه
اولا تكون اوراقة كبييره ثانيا تكون العروق يلي فيه ناعمه مو قاسيه
وثالثا يكون الملفوف الأبيض على اخضر مو الموف
بعدها يقطع ويسلق بموية وملح بس الورق نفسه ثم تغسل بموية بارده
وبعدها نجهز الحشوة يلي هي رز مصري بس يغسل من غير ما ينقع او يطبخ
لأنه راح يطبخ مع الملفوف وهذا الشيء كافي له
مع الرز بصل طمام فلفل بارد بألوانه بقدونس كزبرة نعناع يلي حابين تضيفونه
ثم نلف الورقة كويس تماما مثل ما يلف ورق العنب ويصف في قدر عادي ثم يضغط بصحن
ويسكب عليه موية مع صلصة طماطم وحبة مرق
وتقريبا نص ساعه ويكون جاهز وعليكم بالعاااافيه
--

 

[Milli]

هذه تورتة التخرج تبعي من صنع يدي
كان شعور جميييييييييييل جدا وانا اصنعها بس للأسف ما صورت خطواتها
وللأسف ايضا خطواته صعببه ومعقدة جدا
شوفوا معي بالأول الكيكة الأسفنجية وصلحت 3 طبقات عشان تجي معي بالأرتفاع هذا
بعدها الحشوة وكانت بالفراولة
بعدها اشتغلت على الكريمة البيضاء يلي غلفت فيها التورته
ثم الطبقة السائله اللماعه يلي فوق ، اخذت معي 9 ساعات لتحظيرها
وهذا غلط مني المفترض مصلحه الكيك الأسفنجي من قبل عشان بس
اشتغل على الزينه بس يالله يوم وعدى وكان من اجمل الأيام
همممممممم
مافيه امل اشرحها لكم من غير صور توضيحيه
بس حبيت اشاركم جميلتي هذه

وشايفين كيف التورته جايه من فوق بشكل بيضاوي صح
ما كان عندي قالب من هالشكل وأنا راكبه راسي إلا وابيه بيضاوي من فوق
واصلحها بصينية دائريه وابدا اقص فيها من فوق لحدما طلع معي هالشكل
بعدها غطيتها بالكريمة البيضاء ثم سكبت عليها هالطبقة الأخيرة
وزينتها بفراوله وشكولاتة بيضاء خام وفستق مبروش يعني
مو ناعم وغرست فيها هالعباره اللطيفة

 

[Milli]

البروستد من ألذ الأطباق عند خواني بس كثييير مشبعه سعرات
ومع هذا نزلتها لكم .. بالأول الدجاج قصيته من الظهر ثم غسلته ونظفته

ثم غمسته بدقيق وملح وبهارات بابريكا وفلفل اسود
ثم في حليب ثم رجعته من جديد في الدقيق عشان يكسب طبقة مقرمشه ممتازه
ثم في الفريزر لنصف ساعه او ساعه عشان يمسك عليه

وبعدها نكون مجهزين زيت حرارته كويسه ونغمس فيها الدجاجه كامله
طبعا انا ما قصصتها لأن كميتي كبيرة مصلحه 3 دجاجات وما راح اجلس امسك جزء جزء لوحده
فختصار لي اخلص شغل منها وهي كامله وبس اخلصها اقصصها واقدمها

ونقلبها بأستمرار عشان ما تحترق معنا

وبس خلصتها وهي حاره اغمسها في بطاطس دوريتوز حار حلو الأزرق اكون مكسرته تكسير خشن
واقصص الدجاجه لأجزاء وهي حاره اغمسها فيه ويطلع معنا كذا مرررررره لذيذ ومقرمش .
وبالعافيه عليكم

​

 

[Milli]

هذا خبز البرجر بالبطاطس دوم نشتريه جاهز من برى
بس حبيت هالمره اصلحه وصراحة طلع بيرفكت بالأول العجينه
كوبين طحين وملح وملون طعام اصفر وملعقة خميرة وملعقة سكر وكوب مويه دافيه
وتعجن كوييييييس وتترك ترتاح لنصف ساعه

بعدها نشكلها بالجحم يلي نشوفه مناسب ثم نرش سمسم طبعا مو شرط

وتطلع معنا كذا ونحشيها بالحشوة يلي تعجبكم
وصراحه طلعت شهيه وطرية بشكل كبيير

هذه حشوتي دجاج مع جزر وبهارات صحيحه

وما انسى البيض نص استواء والجبنه وتطلع بنهاية كذا

شوفوا معي من الداخل كيف شهيهه .. وبالعافيه يارب

 

[Milli]

بطاطا مقليه هذه الوصفه اخذتها من @Mr.Z
مو منه حرفيا ماله بالطبخ من واحد يعرفه ونقلها لي وانا مباشرة اعشق التطبيق
وخلصتها وطلع له نكهه خاصه مو نفس البطاطا المبرده يلي تكون جاهزة للقلي ابدا
فحبيت اشاركم الطريقة

يقصص البطاطا بطريقة رفيعة وللمعلومية البطاطا يلي يجي لونها فاتح بعد التقشير
هذه مناسبة للقلي ويلي غامقة لطبخ ما تنفع ابدا في زيت لسببين الأول تشرب زيت
والثاني ما تقرمش مهما جلست بالزيت .

بعده نغسله بمويه ساده لحدما تصير معنا المويه صافي لونها

ثم الملح و بهارات مثل البابريكا الفلفل و ثوم بودرة وملون طعام اصفر

نوزعهم منيييييح على كل البطاطا

ثم في زيت تكون حرارته مناسبة

وهذا هو في النهاية مرره الطعم رهيييب ..
وبالعافيه عليكم