مدونة مميزة Lights will guide you home ♦ Batool In the city (1 زائر)

[Nαncy ☀]

بسم الله الرحمن الرحيم،
السلام عليكم ورحمة الله وبركاته،
كيف الحال أيها المدونون؟ من زمان يخي عن
قسم المدونات المعشوق الابدي ،
طبعاً اليوم بفتتح مدونتي الجديده والمختلفه والكشخه بإذن الله ث0
طبعاً كان عندي مدونة سابقاً حقت خباله وبعدها الغيتها
وسوينا مدونتنا الجماعيه بعدها الغيناها وكل وحده تقريباً بتدوّن لحالها
شسمه، طبعاً بما أني وحدة هذاره فمستحيل استغني عن مدونة اقرقر فيها
ولله الحمد اليوم تسنى لي أني اسوي مدونة جديده ، امم، مايحتاج اعرف بنفسي
بس بتكلم عن نفسي شوي، اسمي بَتول ، عمري الهجري 16، وعمري الميلادي 15
ميلادي الهجري في 21-7-1419 وميلادي الميلادي في 11-11-1998 ،
شسمه يعني قريب واصير ف اثنينهم 16 ، باختصار وبكل صراحه انا وحده خبله
وتحب الخبلان ، أحب اتابع الخبلان اللي مثلي مثل كاي مان وونق ، و لوك تشونق
سايمون بييرو ، يعني باختصار المهابيل حقين اليوتيوب ، أنا وحدة تحب تتفنن ف الاشياء
نفس اللي يسمونه الاجانب DIY ، أحب اتابع فيديوهات الـ DIY اللي هي عبارة عن تفننات في الاشياء
وكذا وصنعها وترتيبهها وتنسيقها بنفسك، وطبعاً كلمة DIY اختصار لكلمة Do it yourself ، اللي معناها
اصنعه بنفسك، امم، أكثر وحدة اتابعهها ف اليوتيوب وحده اسمها آن لي، أو آنيرو شاين، <شدراني لها مية اسم
هذا ذي وحده فنانة تسوي أشياء تهبل، امم، من المغنيين ما اسمع
لهم واجد ولله الحمد، كل واحد على اغنيتين تقريباً ، <انا مالي دخل ف اللي يسوي معاهم حفلة تعارف ويسمع لهم
ترى كلّن ذنبه على جنبه، ، أحب المسلسلات والتي هي عشقي الابدي المؤبد $_$ ، اتابع مسلسلات من جنسيات
متعدده منها الكوريه وشسمه افلام الانميشن احبهم بعد، مثل آيس ايج و أوبن سيزون وكورالاين، أحب اللعب طبعاً
ألعب أي لعبة سواءاً حلوه - كاشخه - مخيسه - سخيفه - تافهه، إيزي نو بروبلم، أهم شي لعب
اممم، احب التصوير اللي هو عشق معشوق، مستواي فيه ولله الحمد مرضي، ونفس الشي بالنسبه للتصميم
اوقات اتحمس لواحد منهم اكثر من الثاني ويقل حماسي ف الثاني ، سبحان الله
امممم، طبعاً واكيداً احب اليوتيوب، احب بعض المشاهير اللي فيه، خصوصاً البنات،
لآني استفيد منهم ومن عبقريتهم ، وآحب اشوف دروس تصميم او تصوير ف اليوتيوب
حتى لو اني ماراح اطبقها اهم شي ازيد خبراتي وكذا، أحب الموسيقى
خصوصاً الكلاسيكيه - الآوبيرا - الغيتار الكلاسيكي،
شسمه ادري بتطّنزون علي لاني اسمع اوبيرا بس يخي احب اسمعها
احب اسمع موسيقات بيتهوفن ، وموتسارت وفانجيليس ، وفي واحد اسمه جون كلارك
هذا يعزف عً الغيتار الكلاسيكي احب اسمع حقينه ، امم، انا وحده اعششق الميوزيك من زمان
فما اقدر انفصل عنها حتى لو الشي ذا يزعج الاخرين، ^^ السنه الماضيه ف اسبوع الاختبارات
كان ضغط وماكان فيه مجال اسمع شي ف اللاب ولا ف الجوال، احس نفسيتي تعبت، اخلاقي شانت،
وكله احس اني طفشانه، إلى أن فتحت اللاب وشغلت شي اسمعه و على طول حسيت اني
سعيده وذا ، لآني شخصه منسجمهه مع الميوزيك ، تفتح نفسيتي، وإيه، بقول لكم
الشي اللي يخليني دايماً اسمع ميوزيك، لآني اقعد بروحي ف الغرفه فلما تكون الغرفه هدوء
وكذا اوقاات اقعد اوسوس واخاف فلما اشغل لي شي ارتاح نفسياً وانشغل فيه عن الوسواس
أنا انسانه احب اتغلب على نقاط ضعفي، واحب اتغلب على مخاوفي، احب اسوي اشياء خطيره وشجاعه ،
أحب القراءه ، بس موب حيل، حسب المزاج، أوقات اشتهي اقرأ روايه ولا كتاب ولا شي ،
روايتي المفضله هي a child called it للمؤلف dave pelzer ، وحالياً اقرأ الجزء الثاني
اللي اسمه the lost boy ، أحب اسلوبه وكذا، وخصوصاً انه يتكلم عن ظلم أم واب لطفلهم وكذا
وكيف هالولد عانى من طفولته وعاش اشد الآلام وكذا وكيف تحمل من اجل البقاء وهكذا،
ايه صح، احب بعد لما اتابع فلم ولا مسلسل اطلع عيوبه احاول اني اتعلم النقد
خصوصاً الاخطاء حقت المخرجين وكذا ، أنه مثلاً هم الحين دخلوا بنايه، بس فلان ما دخل وياهم
يوم جاؤوا يطلعون طلع وياهم شلون ذي بعد، <توني شايفتها ف مسلسل
طبعاً هم فريق شرطه وكذا يعني المفروض يدخلون مع بعض كلهم، بس هنا نقص واحد بسبب الفهاوه
أحب الاحلام العجيبه وكذا، مرة حلمت اني شفت القمر والشمس اثنينهم مع بعض ف السطح والمنظر
خقه خقه يخي _ نزلت بجيب الكاميرا الا انقطع الحلم، اصلاً عادي، ، يعني ع الاقل
اصور ف الحلم يخي < ، المهم يخي جريدتي اليوم شطولها خلاص بكتفي هنا..
أراكم قريباً .. Subscribe

في أمان الله..
​

​

[/TBL]

​

 

[Nαncy ☀]

[TBL="http://i847.photobucket.com/albums/ab37/StarLi9ht/for%20my%20posts/Batool-in-the-city_zps91af56d9.png"]

























[/TBL][TBL="http://i847.photobucket.com/albums/ab37/StarLi9ht/for%20my%20posts/Batool-in-the-city-b_zps5ee92d26.png"]

هلا بكم ..
اليوم انا فرحانه ومستانسه وشوي اسوي حفله عشان خذت كامل
ف الاختبار ، شسوي يخي الدفاره ذابحتني ،
المهم، بقول لكم قصة صارت من اسبوع فأكثر تقريباً، كنا جايين من
الفسحه، ودخلنا الفصول، تقريباً مرت حصه كامله بعد الفسحه عاد مدري
أيش درسنا فيها يمقن احياء يمقن لا المهم بعدها جات لنا أبلة النحو،
واحنى قاعدين مدري شكنا نتناقش فيه او شيء وهذره وخرابيطه، والا نسمع صوت
اللي مو متعود عليه يقول هذا مكيف منفجر ولا حاقه ، ارتاعت كل ابو المدرسه منه
هالصوت ، س9 ، كل المعلمات والبنات والفصول ووو الكل طلعوا الساحه يشوفون ششصاير
، فيه ناس طبعاً استغلوا الوضع عشان شسمه يدورون ، المهم في حالةٍ من الاكشن
والرعب، خرج الجميع قائلين : يمه - بسم الله- شصاير.. الخ ، ويطلون،
ثم بعد دقايق عاد الجميع إلى أماكنهم ، بعدها اتضح أن الفاعل هو بنات أولى ثانوي
الخبلات جايبين ألعاب ناريه ف المدرسه، يخي لو انهم لسى بمتوسط قلنا لسى الخبال
ماطلع من عقولهم، بس المشكله انهم دخلوا الثانوي متى بيحسونن على عقولهم؟؟! ><"
روّعوا 99% من السكان الابرياء ف المدرسه وطيروا قلوبهم ، المهم،
يعني شالبقاره اجيب العاب ناريه ف مدرسه؟ وين قاعدين ف الشارع مثلاً؟ :/
يعني مدري شيحسون ذليه، الله يخلف بنعمة العقل ، المهم بعدين يمقن
المدرسه خذت اجراءاتها وذا ومشى الحال، بس صراحه ودي رحت للبنات البقرات ذليه
عشان اكفخهم واقول لهم انتوا يً البقر طيرتوا قلوبنا على بالنا مكيف شب يً الخايسين،
بس شسمه ترى تفكيرنا حيل راح بعيد يوم فكرنا جذا ، لآنه اساساً لو
مكيف خربان ماراح يتركوننه يضل ف مكانه اكيد بيشيلونه، المهم فيه ناس مدري
شلون خيالهم عبقري يقولون انا فكرت بنت طبت من فوق لتحت الله الله
شالبنت اللي وزنها وزن شاحنة هاللي طيحتها بتسووي كله هالصوت
المهم يً جماعه ترى قوانين المدارس اوقات صح يصير مالها لزوم وبس تشديد عً الطلاب
بس أكيد ان فيه منها منفعه ، وإلا ماحطوها، يعني اتقوا الله يخي روعتوا البنات
حرام المسلم يروع اخيه المسلم، تدرون ان فيه ناس قلوبهم ضعيفه مجرد خوف بسيط
ممكن يؤدي بهم إلى الوفاه ولا السكته القلبيه لا قدر الله؟ يعني ومدرسه فيها بنات
بالمئات اعدادهم، وفيه منهم اللي مريض بالسكري ، مرضى السكري حاله حساسه
وحرجه أقل خوف يؤثر على صحتهم ، يعني صراحه اللي تسوي كذا أكيد
وحده ماعندها وعي ولا ثقافه، ولا شنو تجيب العاب ناريه ف مدرسه؟ طب واذا حصل
حريق لا قدر الله؟ انتي اللي بتتحملين المسؤوليه؟ ولا اهلج اللي مو مكفيهم راتبهم؟
يعني ناس بدون تفكير صراحه ، ولا اللي يتحججون ان المدارس الاجنبيه فيها كذا
وكذا وومدارسنا لا، يعني بالعقل، مدارسهم غير عن مدارسنا، سواءاً من ناحية
البناء والانظمه وووو.. الخ، المهم، ترى الالتزام بالانظمه مو دليل انك شخص
خواف ولا جبان، بالعكس دليل انك شخص واعي وحكيم ويعرف الاختيار الصح

>فآصل إعلاني :
​

​

أنين ، الله يبارك فيج، تصدقين كنت بقيم مدونتج بس مارضى قليل الحياء
& إيه اكييد ، مع ان تقييمج ناقص عً قولتج الا اني راضيه فيه كذا ف بحطه عادي
ميموري، إييه اكيد نورت بنوري المشرق <طرآق! ، أفى عليك أصلاً ذي مدونة خبلان ومالها
ف العاقلين ابداً يعني تأكد انه الخبال يسري فيها مثل السرطان < طيري
آنسه ياروه ، تصلمين ، إن شاء الله تصير كشخه صج ، شرف لي طبعاً ، & لاتقلدين
جوكر، هذا تحدي صج ولا غيران اني اقدر اكتب هذره واجد <طيري!
المهم التحدي شكله مشوق نشوف نجرب .
مشكورين جداً عً التقييمات، انتظرت الوقت اللي
ادون فيه عشان ارد عً تقييماتكم الرآئعه حمستوني والله ،

​

> عدنا ، يخي من الحصه الاولى وانا فيني النوم وعيوني ترامش

مجرد تغميضة 5 ثواني بتخليني ارقد

، <صاحبتكم سهرانه عً الجوال تشاهد
احس روحي متبهدله ويبي لي طق عشان اصحصح ، يمكن ارقد شوي يمكن لا.. أشوفكم بعدين ..

​

[/TBL]

​

​

 

[Nαncy ☀]

[TBL="http://i847.photobucket.com/albums/ab37/StarLi9ht/for%20my%20posts/Batool-in-the-city_zps91af56d9.png"]

























[/TBL][TBL="http://i847.photobucket.com/albums/ab37/StarLi9ht/for%20my%20posts/Batool-in-the-city-b_zps5ee92d26.png"]

هلا بكم ..

إجآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآزه
وناسه يخي حمآس *^* ماعندي طاقه كافيه للاحتفال بالاجازه
بس مساعه نططت لمن قلت بس ، المهم اجازة اليوم الوطني كانت
شي رآئع مع انها يوم واحد فقط، اليوم داومت عشان اختبار الكيمياء،
وعشان الانشاء بعد، الآبله الهبلا قامت تقول اللي بتغيب كأنها غابت عن الاختبار
وهذره خرابيطه وقامت تقول بعد اللي بتغيب بخليها تكتب قدامي، :×
عاد انا م احب اكتب ف الحصه لآنه مايصير عندي وقت وكذا وتشتيت وقلق د1
فخلاص قررت اني امس بقعد عً اللاب وبفتح الوورد وبشوف لي موضوع مناسب
وببحث عنه ف النت وتعريفه وخرابيطه واكتب عنه لمن اشبع، ثم أطبعه أو اكتبه
بيدي، بس شسمه يخي ماصار لي خلق قعدت اشوف فيديوهات كالعاده
شفت ربع حلقة مسلسل ، وأيش بعد؟ قعدت آكل واجد امس يخي ،
أمس كله أجوع، بس وناسه قعدت الصبح وفطرت فطور سنع يعدل المزآج ح9 ،
وشربت دآناو أمس بعد *^* داناو على خوخ مدري مشمش مدري شسمه، المهم ذي
الفاكهه الصفرا الكروية الكبيره وفيها احمر شوي، هي يًا خوخه يًا مشمشه، للحين م افرّق صراحه
المهم، طعمه لذيذ يخي، طبعاً اختي جايبته وقالت لنا عادي شربوا منه اذا تبون، فما شربت
واجد، شربت شوي قد كاس صغير تقريباً عشان شهيتي لا اكثر ، شسمه بعد
إيه ، ف الليل تعشينا بروستد روبيان يمي، أعشق الروبيان ه6 ، وذا بعد، بعدين
اسم اني خلاص بكتب وذا ، بس اني لسى م اخترت موضوع معين، روبيوه ساعدتني
ف اختيار مواضيع مناسبه بس يخي انا م اثبت لين آخر شي اخترت الفقر
وكتبت عنه، تصدقون كنت بكتب عن الارهاب، بس خفت تنط لي صوره تجيب لي
سكته قلبيه لا سمح الله ، المهم قلت خل اكتب عن الفقر وكذا، بديت سويت مقدمه
حليوه ف الوورد، بديت بالعننوان الاول ، ثم قمت اتعشى طبعاً، بعدين مدري ليش م
رجعت اكمل ، هو انا كنت ابحث عن مقالات استخرج منها وكذا وافهمها وآخذ
منها معلومات وكذا، وكنت بعد ابي احصائيات بس للاسف م حصلت شي دقيق،
فخلاص يخي تكسلت اكمل ورحت انسدحت عً هذا الشسمه، المسند اللي حاطته
ف الداعوس مابين مكتبة الغرفه ومابين درج الدولاب يخي داعوس جميل، وشسمه
هالداعوس طبعاً اشاهد فيه مسلسلات ، مدري ليش بس احب اندعس فيه واشاهد
وعشان هو بعد يم فيش الكهربا ف إذا بيخلص شحن الجوال اشحن واشاهد إيزي
المهم حطيت راسي عً المسند وكنت ف البداية بذاكر الكيمياء، قلت خل اذاكر قبل دام
انه الحصه الاولى وبعدين الانشاء اسويه لأنه الحصه الاخيره وكذا ويمدي حتى ف الفسحه
ولا قبل الفجر اسهر عليه، المهم ، حسيت اني مو قادره اتحمل البروده مدري ليش مع
اني انا اللي كنت محتره وشغلت المكيف ، بس يخي بارد هو د1 ، المهم عجبني جو
الغرفه خذت البطانيه وانسدحت عً المسند وخمده ، جلست عقب الفجر بشوي
بعد الصلاه كملت السبات قلت خلاص بذاكر الكيميا عً آخر لحظظه
يعني كذا الساعه ستة الا دقيقه اقعد اذاكره ، المهم انسدحت حسيت براحه يخي
غمضت عيوني بدون م انام ولله الحمد عشان م اسحب عً المذاكره، خذت قسط كافي
من التسدح اختيه قامت تقول ليه انتبهي رقبتج تتعور وذا، انا احس بالعكس
والله شي مريح هالمسند ، خصوصاً اني لبست جاكيتي الديباج، وانخشيت
بالبطانيه يخي شعور لامثيل له ع5 ، بعد م اخذت قسط كافي من الراحه، والتسدح، قمت
بكشتي قعدت اذاكر الكيميا ، طبعاً هو كان يمي عشاني كنت بذاكر وذا، بس
شسمه رقدت عنه فصار يمي ، فتحت هالكتاب قلت بسم الله قعدت اذاكر ، ذاكرت من
الدفتر بعد، بعدين شغلت وضعية الطوارئ وقمت اسرع وانا اتجهز للمدرسه ، كنت
بعد بكتب المقدمه اللي كتبتها ف الوورد ف الدفتر بس شفت الوقت مايمدي قلت يً الله
معليه يمكن اتذكرها وذا، وسكرت اللابتوب، رحت المدرسه وتوكلت، اختبرت الكيميا
كان سهل جداً، اختبار سخيف اصلاً ، وشسمه بعدين ف الفسحه بغيت اتقطع من
الجوع ، رحت شريت لي فطيره بسرعه وقعدت افطر واكتب حق الانشاء، بعدين نقلته
ف الورقه الكبيره عشان يطلع مرتب مو ثلاث ورقات حق دفتر وعفيسه ،
يوم جات الابله عطيتها انشاءها المخيس ، والحمدلله يخي اني تغلبت عً نفسي
وكتبت هالانشاء، كنت متصيعبته بس يوم بديت اكتبه حسيته شي سهل ومهضوم
بديت الحين اثق أكثر بمهاراتي ف الكتابه اني اقدر اكتب الشي اللي ابيه او اللي
مجبوره اكتبه، الحمدلله، وشسمه، إن شاء الله الانشاء الجاي يطلع اسهل من ذا يخي
م اشتهي انا اكتب جريده @_@ ، جريدة هذره اي بس جريدة خرابيط حق
المدرسه لا ._." ، الإجازه ذي اللي بتجي حقت الحج بتكون من اجمل الاجازات يخي،
اجازة 18 يوم، الله ، وناسه، ابوي يقول ان احنى بنسافر، بس إن شاء الله نسافر
وإن شاء الله م نسافر <تعقدت من السفر خلاص ،

>فآصل إعلاني

:
​

ترآنيم، الله يبارك فيج يً جميله، نورتيني ،
تويكس، يً حيا الله التويكس، تعآلي آكلج ، هذا نورج الجميل *^*
ههههههههههه ، متابتعج شرف لي واللهٍ
وطبعاً أنا من متابعينج، وترى لاتطاوعين روحج تصيرين نباتيه
موب زين ينقص الدم وذا ترى فقر الدم معانآة T^T
شكراً عً التقييمات الجميله مثلكم ،
​

> عدنا ، شسمه، مًا يندرى باجر نداوم ولا م نداوم :× ، صديقتي تقول بتداوم وتستأذن
شكلي بسوي مثلها، يخي ما ابي انقص من اولها، أبي نسبة حيل قويه، واقوى من حقت
متوسط مالت المصطفيين ، مًا يندرى، عاد انا اكره حصص الفراغ عشان كذا فكرت اغيب،
بس مدري يمكن اداوم نص دوام واستأذن، بالكثير يعني للحصه الخامسه كذا، إذا اليووم
ما درسنا الا رياضيات، شلون بآجر ، الله يعين، يارب تهديني وتخليني اغيب، آمين يارب، ، نكتفي بهذا القدر..
أشوفكم بعدين ..

​

[/TBL]

​

​

 

[Nαncy ☀]

[TBL="http://i847.photobucket.com/albums/ab37/StarLi9ht/for%20my%20posts/Batool-in-the-city_zps91af56d9.png"]

























[/TBL][TBL="http://i847.photobucket.com/albums/ab37/StarLi9ht/for%20my%20posts/Batool-in-the-city-b_zps5ee92d26.png"]

يً هلا بكم ..

من زمان عن مدونتي ياخي، في اشياء واجد بمخي ادونها بس الكسل
مقطعني ، إلى أن جاء الوقت اللي انضغطت وما اقدر ادون :×
كله مني ومن كسلي ، شسمه بقول لكم بعض السواليف،
أول شي قريت هذا المقال مدري الموضوع مدري شيسمونه ،
وعجبني ههنا : http://e3jaz.way2allah.com/modules.php?name=News&file=article&sid=76
^يتكلم عن شسمه فيديو منتشر ف اليوتيوب عً اساس انه ناسا مخبيته
مدري شنهو انه نسبه ذهبيه ف الكعبه ووووو الخ، انا كنت ذاك السنه
بشاهده بس سحبت مدري ليش بس الحين قريت عنه ف البدايه انا
عن نفسي ما احب اللي يقول كشف حقيقة كذا وكذا لاني هنا احس كل واحد
يتكلم عشان مصلحته وذا يعني شغلانة فلوس وكذا :× بس مدري احس هنا اقتنعت
بالكلام انه الفيديو ذا ماله اصل وكذا وفيه تناقضات، خصوصاً ان الارقام مش دقيقه
فأحس انه صحيح كلامهم ان الفيديو ذا مفبرك، بس الله اعلم، يعني مافيه مانع
نقراه ونشوف شيقول وكذا لو اقتنعنا فيه اوكيه لو ما اقتنعنا فيه نكون شفنا كلام صاحبه
وبس ث0، السالفه الثانيه، يخي احس الثانويه بجد هي شي ممتع وجميل وكذا صح
انه مش مثل متوسط وابتدائي ترفيه ونحس انفسنا بزران مدللين XD يعني مو بزران
بس انه يعني صح انه ما عاد الوضع نفس متوسط مرفهين ما ورانا الا
هالكتب السهله ذي نحفظها وننقشها ف الورقه وانتهينا *^* ، لكن مو كرف ذاك
الزوود يعني، كلها هالكم حصه نحضرها ونستوعبها واذا ما استوعبناها لزوم يحصل
إيفنت يخلينا نفرفش XD يخي حياة الثانويه جميله ، بس الناس تكرهها ظلم *^*
اليوم علينا اختبار حديث، والابله ماشاء الله مثالية، بدون نظير.. :/
المهم قعدنا نحفظ ف هالامثله ومدري شنهو وخصائص يخي شطول المنهج ><"
اربع دروس وبيالله اشتهينا نذاكرهم :× المهم قعدنا نراجع ف الفسحه ،
وبعدين رياضيات حصتين ورا بعض ، هذا الشي مايشكل مشكله حالياً بما اني
تخطيت ازمة الصداع المزمن خلاص وماعاد الرياضيات يصدعني
بس الشي اللي فرحانه فيه ان ابلة الرياضيات خلصت الدرس القديم وبقت 5 دقايق
وتبي تبتدي ف الدرس الجديد بس قلنا لها نبي نذاكر ورضيت واللهٍ
أول مرة اشوف ابلة رياضيات تخلينا نذاكر ، المهم يعني شسمه اصلن
مما احب ناخذ بداية درس كذا عً الطاير بـ اخر 5 دقايق احس اني ما استوعب :×
حتى لو استوعبت انسى كل شي لانه عً السريع بيكون الشرح، فأحسن ان احنا
راجعننا وكذا، المهم بعدها بشوي قامت بنت تعلق علي وانا اذاكر اني لازم
أأشر بالسبابة بطريقه معينه ، يخي ما كنتوا معانا الشكل يفطس
متنا من الضحك انا وهي وبنت ثانيه ، يخي مدري ليش تلقائي كذا
حتى انا لاحظت على نفسي اني أأشر دايماً بالسبابه ذي لاجيت اذاكر
المهم شسمه بعدين حسينا ريلاكسييشن لانه ضحكنا وكذا ف خف القلق مال الاختبار
المهم وانا قاعده مبسطه عً ليز ملح وخل واذاكر إيزي ، المهم بعدين
ذاكرنا واختبرنا وخذت انا درجه زينه وكذا والحمدلله ، بس صديقاتي الثنتين ذليه
ما بعد تصحح لهم وكذا، المهم ان اليوم يخي جميل جداً
أنا احب الايام اللي اضحك فيها واجد يخي احس السعاده تكمن ف الضحك
المهم شسمه، كنت بقول شي ثالث بس نسيته الله ياخذ ابليسكم <وشدخل ابليسنا
ايييييييييييييييه صح ذكرت ، سويت من فترة خلفية حق جوالي وعجبتني، يعني
مع اني احسها مو كلش كلش، لكن عجبتني يعني وذا شوفوها اذا كويسه
وعجبتكم استخدموها وصوروا ورسلوا لي اذا ما اعجبتكم عطوني 50 تون
هي ذي الخلفيه : http://i847.photobucket.com/albums/ab37/StarLi9ht/other/Batool-in-the-city_zpsf8e007ae.png~original
^دقة : 1280 × 768 ، وتصلح للي اقل من كذا، عشان تعرفون دقة جوالاتكم
أو لابتوباتكم بس دخلوا الرابط ذا : http://screenresolution.org/ ويطلع لكم بالاخضر العريض ث0
طبعاً ادري بيتبادر لذهنكم اني علقت عً عنوان مدونتي اي نعم صادقين
ناويه بعد اسوي تصاميم ثانيه بنفس العنوان XD < لزوم البياخه، بس يخي متحمسه لاني
شسمه طبعاً كالعاده كل مرة اسوي فيها تصميم احس بشعور اللي get ready for the next battle XD
احس اني مسويه انجاز يخي ، عارفه ان الشي ذا فوق مستواي <رحم
الله امرءاً عرف قدر نفسه ، امزح اصلاً مافي شي فوق مستواي وغصبن XP
عندي قرقر زياده طبعاً بس مو الحين ، لمن ارتب كلمات كذا على بعضها
واجي اهذر فوق روسكم XD ، إلى اللقاء يً اصدقاء <طفوله متاخره
لا صبروا ذكرت شي بحطها الخلفيه ف الانستقرام، وبس خلصت <انقلعي

مع السلامه ..

​

[/TBL]

​

​

 

[Nαncy ☀]

[TBL="http://i847.photobucket.com/albums/ab37/StarLi9ht/for%20my%20posts/Batool-in-the-city_zps91af56d9.png"]

























[/TBL][TBL="http://i847.photobucket.com/albums/ab37/StarLi9ht/for%20my%20posts/Batool-in-the-city-b_zps5ee92d26.png"]

يً هلا بكم ..

تذكرون بالتدوينة السابقه قلت لكم اني بحط حاقه ف الانستقرام؟
أبشركم لسى مااحطيتها أصلن يخي انا ماني وحده تحط وتسوي
أنا بس اتفرج واشاهد، مشوار احط شي ف الانستقرام XD ، طبعاً
اوقات اغتر بنفسي واقول ان شغلي احسن من غيري بس ما اثبت
هالشي للاخرين عشان كذا يعني شسمه، موهبتي خفيه وذا ث0 <انقلعي بس :/
شسمه ، اكره حاقه ف الدونيا لما تكون كل يوم تتكلم مع حد وتسولف معاه وكذا
وهذره وسواليف وحماس وضحك، لما ييجي الوقت اللي يجتمع مع الناس اللي يحس
انه فيهم زود عنك يتكبر عليك ويحقرك وشسمه، يطنشك لاتكلمت، كأنه بس
يتكلم معاك عشان انه ما لاقى حد بالمستوى يتكلم معاه وكذا وطفشان
آي هيت يو آي دسلايك يو ><" ،، مش أول مرة ، إلى الجحيم ، بغيت اتحلطم بس ث0
شسمه، طبعاً اختبار البقرات، قصدي القدرات سجلت فيه ذاك اليوم ورقي وشسمه
تأخرنا عن التسديد وراح علينا التسجيل، بعديها شسمه ف البدايه كسلت افتح الموقع
ثاني واسجل من جديد لأنه قايلين لي التسجيل مقفل (الزميلات) والموقع ماشاء الله
عليه يفحط بسرعه يفتح زي ما انتوا عارفين ، <ترى ما احب استخدم هالفيس وانا معصبه بس مالقيت غيره
شسمه بعد اسبوع شفت بنت قامت تقول انها توها مسجله وكذا و ع الكمبيوتر
وقالت لي بعض المميزات - اسم انه - وذا، المهم قلت خلاص بسجل
ع الكمبيوتر اريح لي من هالتظليل ، بعدها سجلت وكذا ومشى حال التسديد وذا،
اممممم، طبعاً ذاكرت كتاب واحد بس يجي قد كتاب الرياضيات تقريباً بس اطول شوي
وطبعاً هو خربوطي مافيه غير كم من مايسمى استراتيجيات :× واختبارات تجريبيه
مالها داعي بس مضيعة وقت ><" طبعاً ذاكرته وانا مكسله عنه فيه اسئله
جننتني حتى الحل حقهم مو مفهوم كتاب ابقر اصلن كتاب مليء بالبقاره مثل وجه
اللي ألّفه، المصيبه ان الكل يمدح فيه، على ايش مادري ><" ، المهم وصلت تقريباً
9 اختبارات العاشر سحبت عليه يخي يجيب الهم كله مسائل مخيسه متعفنه تصدع الراس
ولاتنفهم ولاتجي ف الاختبار اصلن ، المهم بعدين قلت بذاكر غيره، شريت كتاب
كبيييييييييييييييييييييير حيل كبير، والكل يقول انه الاسئله اللي فيه تيجي ف الاختبار الصدق >=)
قلت خلاص بذاكره وذا بس طبعاً ذاكرت قلييييييييل يمقن 20 صفحه بس وسحبت XD
تصفحت كم من تجميع تصفحت كم من كتاب عن اللفظي شفت بعض الفيديوهات
حق الحل والخراط ذا، ويعني، شفت بعض المسائل حاولت احلهم وهكذا، اممم طبعاً الكتاب
الاأولي ذاك ما استفدت منه شي قلت حق الحلويات ف القروب بس خبلات ماصدقوا
المهم تكيسلت اذاكر وكذا وبالموت بطلوع الروح ذاكرت كم من تجميع للفظي طبعاً
الكمي حيييييييييييل اهملته صراحه مالي خلق اغث نفسي آخر شيء
جاء يوم الاختبار طبعاً كونت محدده يوم بعيد اسم عشان اذاكر وذا
اصلن يبغالي احدد موعد بعد سنه مو بعد شهرين بس عشان لعل وعسى اذاكر
المهم طبعاً قبل يوم الاختبار تهاوشت كذا ع البارد مع ابلة الانشاء الكريهه بيس اوف ##،
قلت لها تعدل درجتي هالكريهه وقعدت اجادل فيها اجادل فيها قهرتني لانها كل مرة
تقول ناقشوني بعدين بس عشان الأباطرة اللي مو مهتمين بالماده توهم يسلمون ><"
آخر شي تقول لي عدلي موضوعج وجيبيه بكره! قلت لها شنو بكره؟ بكره عندي اختبار
قدرات كيف بحضر بالله؟ ._. وسمعوا شتقول هالنشبه تقول عطيه بنت تجيبه وصليه
بيتها وتجيبه ، كييييييييييييييييييييييف؟ وانا الوحيده بالفصل اللي ساكنه بالمنطقه ذي
وهم كلهم بمنطقه ثانيه، وحتى لو شدراني عن بيوتهم انا ، يعني ماشاء الله جابت حل
عبقري حضرة جنابها وقسم انها بغت تجلطني فيختني >< آخر شي قامت تقول عطيه
الحارس الصبح ويدخله حق ابله فلتانه ومدري ايه ، وعلى حظج اذا م سكر النظام،
جعل تتسكر مدري شنهو خلاص بقه ودي اكفخها تكفيخ، المهم رجعت البيت عصبت طبعاً XD
بدلت ملابسي تخيلتها قدامي وقعدت اكفخ بالهواء اسم هذا اهيه
يخي انا كذا لازم اكفخ الهوا ولا بالمخده ولا الدفتر ولا الدولاب عشان اتخيلهم
كذا الجلطات دولت يموتون تكفيخ قدامي بعدين اتخيلهم يقولون آآآآآآآآآه ووجههم
غبي <حيوانه ادري بس يخي ماقدر لازم اتخيل كذا عشان يطفى غضبي
المهم قعدت اتحلطم ع كل الابلات يم امي قعدت اقول لها عن ابلة الكيمياء
اللي ماتعرف الماده عشان تعرف تشرحها، وابلة الانقلش اللي مسويه فيها هاا
وهي ولا شيء - عاد ذي اكرهها وبشده بيس اوف شت ><- وقعدت اقول لها
عن ابلة الانشاء النشبه ذي وقسم كأنها تتحداني هالكريهه آخر شي خنقتني العبره
وكذا بس ماصحت يعني بس كان ودي شي قدامي اكفخ به بس كلهم مواعين مايصلح
تكفخني امي بعدين ، المهم رحت كلمت روبيانه، بعدين جات اختي بنص المكالمه
خذت فاصل اعلاني قالت لي تبين شي اساعدج فيه ف المواد وكذا؟ قلت لها
ايه بوريج الانشاء الخربطه ذا وابيج تشوفين اذا فيه اخطاء وكذا، بس بعد شوي،
كملت المكالمه مع روبيانه بعدين قفلنا الخط، قمت قلت حق اختي تساعدني تشوف الاخطاء
عدلنا ورتبنا وخذت الدفتر هي واستقعدت له وفصفصته وكتبت لي بعض التعديلات وذا
وبعدين رحت الصاله وكذا وأبوي قال لي اذا م فهمتي عً الابله خليها تعيد الشرح م يخالف
قلت له المشكله تشرح كله نفس الشي يعني لو بتعيد بتعيد نفس الاسلوب مافي فايده
وتحس انها مو فاهمه الماده يعني سألناها مرة عن شي وتحيرت فيه مو عارفه الجواب!
^بجد صار كذا يوم ._. > وشسمه قام يقول، ماتعرف ذي.. المفروض يخلونها حق متوسط
المهم بعدين اختي قالت لي عنندج مشكله مع شرح الانجليزي؟ قلت لها الابله صراحه
شرحها مب شي وكذا وقلت لها يعني عن الاحداث قعدت تقول لي عن ابله كانت تدرسهم
ونصحتني اروح لها تفهمني عادي وكذا وقالت لي بعد اشوف ف النت ادور شروح وكذا
ويعني هنا شوي انطفى غضبي يوم شفت الكل معاي *^* ع1، اممم، حصلت اختي
حساب يوتيوب يشرح منهج الكيمياء، وارسلته لي جزاها الله خير ث0
قلت بشوفه وكذا يمقن استفيد منه، >طبعاً الكلام ده كله ليلة الخميس الاسبوع الماضي،
رحت انام، الصبح قعدت اعدل موضوع الانشاء وفطرت جاء وقت الخروج استعديت
لبست عباتي وطلعت عطيت ابوي الموضوع يسلمه للحارس وكذا والسالفه الطويله ذي
ومشينا طبعاً الطريق طويل بس وناسه ابوي يسرع <هذا همها
المهم يعني حسيت اني رايحه رحله وكذا استانست والله بشوفة الشوارع والاماكن
طبعاً لأنه نادر نطلع وكذا فحتى روحة المستشفى احبها ، المهم طبعاً وصلنا الجامعه
والمفروض ندخل من بوابه رقم 3 عشان عً طول المبنى قدامنا، بس شسمه صارت
هالبوابه يميننا وعديناها رحنا سيده شفنا بوابه اربعه دخلنا كذا وشفت الباصات الحكوميه
حقت الجامعه مكتوب عليها " أبو سرهد" طبعاً سامعه من خواتي انه هذا اسمهم
بس لازم اقول لكم عشان تضحكون - اذا مايضحك محد طلب رايك لو
سمحت - شسمه هذا نسيت ، امممم هذا شسمه، امم ايه صح ،
ابوي سأل هذا اللي يسمونه كنترول ، وين بوابه 3؟ قال له بوابه 3 حق القدرات؟
إيه رح ...الخ المهم رجعنا وذا ورحنا البوابه الثلاثه ذي ودخلنا شفنا المبنى
بس مالقينا مدخل البنات ملبدينه بعدين جاء هذا الامن مدري شسمه
وقال حق ابوي خل تنزل وكذا وتروح مناك وذا روحت ودخلت طبعاً دخلت وكذا
وسويت الاجراءات اللازمه المهم لما دخلت القاعه امم اول شي
الطاوله صغيره ياخي مالقيت مكان احط فيه السبوره المسوده ذي، طبعاً
عطونا سبوره مسوده وقلم بالموت ينمسح وماي ومنديل المهم وكذا
اللفظي حسيته سهل ينقال ، بعدين صار كمي في اشياء اقول لكم ماتعبت
نفسي اني افكر بطريقة حلها في اشياء لا عرفت استنتجها وكذا
بس بعدين بدل م اقسم ع 2 قسمت عً 4 والله قهر وفي اشياء واشياء
وطبعاً عقلي يقول الله ياخذك يً مؤلف الكتاب ، بعديها في سؤال
ماقبل الاخير كان احصاء طولت ف اللي قبله كذا بالتالي كنت بحله الا يخلص
الوقت عادي اصلن باقي سؤال ونص ، <كنت تقريباً عرفت طريقة الحل
المهم جينا للفظي ثانيه هالمره فيه صعوبه شوي قعدت اخربط فيه بعدين خفت اشكك
وكذا مالي خلق اراجعه لذلك سلمت القسم ع طول، بعدين جاء الكمي الثاني صراحه
م اذكر ايش كان فيه بس اكيد انه خايس مثل الي حط اسئلته
آخر شي قلت بخلي الوقت اللي بقى كذا على ما اشرب ماي وذا عشان مايروح
للقسم اللي بعده بسرعه لانه في وقت بين الاقسام كذا اسم استراحه
بس مايمديك تشرب ماي بعدين تفاجأت انه خلاص خلصت الاختبار والله ناسيه
اننه بس اربع اقسام آخر شي مسحت هالسبوره المخيسه ذي شلت عفستي
ورفعت يدي عشان تيجي المراقبه تطلعني طلعت دقيت على ابوي لبست عباتي
قعدت العب ف الجوال بعدين مشينا وكذا، وإلى الان ما ادري ايش صار ف الانشاء
بس قلعه هي الغلطانه مو انا XP هي اللي اخرتني والله :/ المهم الاسبوع الجاي
تطلع نتيجتي يعني لاتتأملون واجد ترى اغلب الكمي حليته عشوائي
بس نصيحه اخويه انسانيه مني لاتقربون من كتاب اسم انه للقدرات ومؤلفه
واحد اسمه فهد البابطين، تراه والله ماراح تستفيدون منه شيء! راح تبدؤون
تلعنون فيه وتسبون وانتوا تختبرون انا وصديقاتي مجربين والله انه خرطي!
وكل اللي فيه مايجي بالاختبار وحتى الاستراتيجيات الخربطات دولت ماراح
تستفيد منها الا قلييييييييييييل لانه مايمديك تستخدمها ويعني تدربوا عً الضرب
والجمع ذهني وكذا الله يوفق الجميع يارب، صديقتي مصرية وتقول مايقبلونها
ف جامعات مصر الا اذا جابت ف القدرات 98 فما فوق ، عاد تعالي جيبي
هالنسبه والله مشوار، وسمعت يعني سواءا صدق او كذب انه اللي يجيب 95
ف القدرات يقولون له انت اكيد غاش ويلغون اختباره الله اعلم، بس يولون
انا ما راح ادخل تخصص ابقر يبي بس بالارقام راح ادخل تخصص يعطي
كل ذي حق حقه نظ1 امزح يعني بدخل تخصص كويس كذا وينحب والحياه ايزي
عنده مايبي اوفر نيردز واجد قرقر ، بقوم اكل كيكه معاهم
وانتوا اذا قريتوا هالكلام ذا كله ورا بعض بدون فاصل قولوا لي بس عشان
اعطيكم جوائز

مع السلامه ..

​

[/TBL]

​

​

 

[Nαncy ☀]

[TBL="http://i847.photobucket.com/albums/ab37/StarLi9ht/for%20my%20posts/Batool-in-the-city_zps91af56d9.png"]

























[/TBL][TBL="http://i847.photobucket.com/albums/ab37/StarLi9ht/for%20my%20posts/Batool-in-the-city-b_zps5ee92d26.png"]

"
حركات رزان صايره مصطفى

والله ي رزان على هالدفاره شكلج خطير

أقول بس قومي اغربي عن وجهي

، أنا اصلاً ماذاكرت ولا مثال ف الرياضيات غير اليوم

والله توني مخلصة الفصل الاول ولسى باقيلي 3 فصول والاثنين الاخيرين طوال

وكتاب الحديث ماذاكرت منه غير صفحه، والاخوان دولت اثنينهم علينا يوم الاحد

ياخي والله مافيني اجتهد واجد

اصلن زين مني اليوم صورت الجدول رحت عشان
اخذ تعريف اني طالبه ومن هالخراط عشان بسوي لي بطاقه وصورت الجدول بردّه ،
زين ماتكاسلت عن اصوره

، والله ي حبيبتي انا اخر وحده تأثر عً نفسيتهاا الاختبارات
اصل انا ف المتوسط ماكنت اذاكر الرياضيات كويس حق النهائي اذاكره من فوق لفوق عً قولهم

متى تهذبت؟ وقت الثانوي عشان المواد شكثرها والمعلومه يمديها تطير ولا وقاعده احاتي
يمكن تنزل نسبتي وكذا لان المواد ماني فاهمتها وبنفس الوقت قاعده العب وكل يوم احمل لعبه

ناقص بس البلايستيشن العب فيه بس زين ابوي شاله ولا جان حتى اليوم مافتحت الرياضيات

لا وسمعي ، قاعده اقول حق اخوي : علي متى تنزل اللعبه الجديده؟ يقول لي مدري ف 2015
قلت له ايه هذا احنا ف 2015 يعني خلاص ف الاجازه تقول حق اختي تشتريها

<والله حتى
ماا احاتي غير الاجازه واللعب

انا عارفه انه مذاكرتي ذي متأخره ومدري يمكن ينقصني شي
ومايمدي ارجع له ولا مايمديني اراجع وكذا بس ياخي مافيني اهتم اكثر من كذا

اصلن لو لا
انه البنات اليوم قاعدين يعطوني مسائل عشان افهّمهم ولا ما كنت فتحت الكتاب ولا التفتت عليه

ولي عين اتابع مسلسلات وافلام، توني امس نمت الساعه 12 عشان قاعده اتابع فلم
وبعدين ترى حماس الاختبارات تحسين انج خلاص بتخلصين وكذا وأصلن بيبقالي بس سنة ونص واتخرج
من الثانويه بالعكس حماس الاختبارات

<طراقات، ، بس شوفي يعني انا م اقول لج اني مو مهتمه
بالعكس شوفيني امس مدري متى، من الصبح فتحت كتب تبسيط الانقلش وقعدت اتعلم القاعدات وذا
وخططت يعني انه بفتح موقع يساعدني وهكذا بس بعدين ياخي مو الحين

، والكيمياء بشوف
فيديوهات بس بعدين الله اعلم متى ، بس رزان أمانه حلفي لي انج قاعده تذاكرين دلوقتي ومقابله
الكتب ياخي ما اتخيل ابد مستحيل اتخيل

*تنحاش..*

^واااو كتبت جريده، بقتبسها وبحطها ف المدونة

، رزان ياخي انتي فتحتي لي باب كنت منتظرته
ينفتح عشان اسولف واهذر فيه لين اشبع

"​

^تخيلوا يوم الاحد اكتب جرايد كذا ف الرياضيات
جان الابله تجيب لي جريدة اليوم وتجلدني فيها
والله انا مالي دخل في اشياء ما فهمتها ومافيني افهمها اذا جابتها
ترى مو ذنبي بقعد اكتب لها جرايد وكلهم خطأ
اسمعوا فيه شي مخيس ف كتابنا اسمه "كتابة الداله المتعددة التعريف"
هذا الشي ياخي مافيني مافيني افهمه زين، قاعده اقراه
واقراه عشرين مره وكل مرة احس اني اتلخبط زياده ياخي خلاص
مايبغى يدخل فتحت الدفتر لقيت كل القرقر الحوسه اللي
ف الكتاب مختصر ومرتب ف الدفتر فهمت نص الطريقه نسوي معادلة
المستقيم والخراط ذا، بس فيه بعدين نحط اكبر واصغر والخياس ذا
مالي خلقه سحبت عليه ، ياخي انتوا شفيكم هي ماراح تجيب شي
معقد ف الاختبار هالكثر فأنا ليش اتعب نفسي؟
بس بجد إن شاء الله ماتجيبه ياخي حاولت حيل اني افهمه وللحين
احس متخربطه فيه، ترى لاتطالعوني كذا ._. ، لأنه في بنات ادهى
مني اشياء بسيطه وماتحتاج وقاعدين يسألوني عنها ويقولون تخربط
الله يهداهم بس الشي الخايس يفهمونه زين والسهل يتخربطون فيه
انا ماعندي مانع انهم يتخربطون ف السهل ، بس ياخي الخايس
كذا احس انه مستواي العقلي سيء مقارنة بهم بس اكيد
مو كذا لأنه هم متخربطين ف السهل يعني وضعهم مو احسن مني
ماترتاح النففسيه الا بعد اختبار الرياضيات تحس انه خلاص اكلت
المنهج وانهضم وخلاص نسيت طعمه XD < الا صح بكيفي XP
الله يسهل عً كل اللي يختبرون ويوفقهم، اختبارنا الكيمياء يوم خميس
بقاره والاحياء اربعاء الله يعين ._."

مع السلامه ..

​

[/TBL]

​

​

 

[Nαncy ☀]

[TBL="http://i847.photobucket.com/albums/ab37/StarLi9ht/for%20my%20posts/Batool-in-the-city_zps91af56d9.png"]

























[/TBL][TBL="http://i847.photobucket.com/albums/ab37/StarLi9ht/for%20my%20posts/Batool-in-the-city-b_zps5ee92d26.png"]

يً هلاا بكم ، شخباركم؟ ش احوالكم؟ ث0
عساكم طيبين ومأجزين ومرتاحين ث0،
الحمدلله جات الاجازه وبدأت فترة النقاهه
ياخي المدرسه حيل تعب رغم انها جميله ووفيها ربع وكذا
بس تعب ياخي، وذاء في مواد والله م اقول غير حسبي الله
عً الابلات اللي يدرّسونا اياها، تخيلوا أبلتنا تقول ماراح احط
اسئلة اختباركم ! وتخلي ابلة الفصول الثانيه تحط وأهلاً برأس السنه مو
بس العيد # أمزح والله عاد كلّن يخزن ف هالذمه
اللي عنده يوم القيامه نصفي الحساب :ر كلّن يجني على نفسه
واحنا مو ملزومين نسامح حد لا عشانه ولا عشان اخلاقه ولا عشان
يكسر الخاطر، درجات ثانويه ذي مو درجات متوسط ، ._."
عً الاقل ابلة الرياضيات فيه غير ابلتنا معلمتين ثنتين يدرسون الفصول
الثانيه، وفصلنا بس تدرسه ابلتنا ماتدرس فصل آخر من ثاني، تدرس
ثالث لأنه، وبالرغم من ذلك حطت الاسئله مع الابلتين الثانين شوفوا
تحمل المسؤوليه شوفوا الذمه والضمير مو # ماراح احط اسئلة اختباركم ._.
جعلج الاسئله اللي ماتعرفين جوابها -.- المهم قلعتهم هم الخسرانين
احنا اللي هنكسب >=) شسمه، طبعاً عطّلت من أمس، الثلاثاء
آخر اختبار ووكان فقه وزي الميّ ، يحليل الفقه من يوم يومه
سهل وقميل *^* وكله عن البيع والشراء والربا والمعاملات حقات
سهله والشرح واضح مفهوم الحمدلله، الرياضيات طبعاً ذاكرته كله الحمدلله
واللي سحبت عليه كان واضح انه ماراح يجي لأنه فلسفات
وشسمه طبعاً انا مذاكره بس استعجلت ف سؤال وما حللت للنهايه
حللت للنص بس نسيت انه السالفه فيها تكعيب وخرطي ، مو مهم،
الكيمياء اظن قلت لكم مو متذكره جابت لنا سؤال نسوي تمثيل لويس
طبعاً فهمته لما قرأته من الكتاب ، طلع انه شرح الابله اللي مخبصني -.-
عاد شسمه كان فيه هيدروجين مع بورون، الهيدروجين معروف انه 1
بس البورون انا حطيت العدد الذري 6 بدل 5 لأني ناسيه ياخي حفظناه
بالمتوسط ونسينا مفروض يجيبون صوديوم ولا فلور عً الاقل -.-
المهم حليت كله صح وعرفت وذا وإن شاء الله مايحاسبوني على هالعدد
الذري ذا لأنه مفروض هم يكتبونه اساساً، جابوا سؤال عن مساهمات
العلماء ف الجدول الدوري والخرابيط ذا انا ماذاكرته عدل لأني عارفه
اني بالنهايه بخبص فيه ياخي كلهم مثل بعض خمنت الاجابه
وإن شاء الله صح ث0 <الوضع إيزي يً قماعه ، وذا الأدب
عارفه اني بنسى مميزات القصايد لان كل قصيده لها مميزات وععاطفه وخياس
وذاكرته عً الطاير لأني ضامنه اني بنساه ليش اضيع وقت
وبس ياخي تولي الاختبارات عً قولتهم :
"هذا الترم برعاية : # خبص المهم تخلص! " <صديقتي معلقه
عً الشعار ذا ، كله تحطه رمزيه ف البي بي بس صادقه
ياخي م الومها اصلن يادوب فهمنا الكيمياء المتعفن ذا
ولسه الأحياء سوينا فيه حفلات رأس السنه الهجريه مدري الميلاديه

>فآصل إعلاني

:

أمول، ويك ولا ويكند أقول جب أيها الخونه معطلين قبلنا ولا شهر كامل بعد حسبي الله
ليلي ، هههههههههههههههه أيوه كذا الشطورين اللي يرفعون المعننويات أصل انا حتى ف الواتس جرايد
رشا،، اسمج على اسم ابلة التوحيد ث0 حياج الله ي قميله منوره بتقييمج حبيت لو اشوف تعليقج عً مدونتي بالتقيييم
شيروه، يً لبيه *^* هي دي الناس اللي بتفهم، اتعلموا منها ، ياخي والله ان شيرو حقتنا كنز نورتي
عاد بعض الناس بحرف الغين قيمناهم بمدونتهم وقلنالهم يقيمووننا وسحبوا
يعرفون انفسهم رواعي السحبات *مسدس*

^

يً الله مع السلامه ماعندي سووالف سنعه ..​

[/TBL]

​

​

 

[Nαncy ☀]

[TBL="http://i847.photobucket.com/albums/ab37/StarLi9ht/for%20my%20posts/Batool-in-the-city_zps91af56d9.png"]

































[/TBL][TBL="http://i847.photobucket.com/albums/ab37/StarLi9ht/for%20my%20posts/Batool-in-the-city-b_zps5ee92d26.png"]

يوم الجمعه الماضي، الساعه الرابعه مسااءاً،
فقدت واحد من أعز الناس عندي ، خالي -رحمة الله عليه
كان يعطينا اهتمام كان يمازحنا ويحببنا في نفسه
كانت لنا ذكريات كثيره معاه حتى وصلنا لمرحلة صعب
مانبكي لما نتذكره، الله يتغممده برحمته الواسعه،
ماكان في عمر كبير، لكنه ماتحمل المرض
رحمه الله وأعطاه خير جزاء لما صبر على بلاءه
..

​

[/TBL]

​

​

 

[Nαncy ☀]

[TBL="http://i847.photobucket.com/albums/ab37/StarLi9ht/for%20my%20posts/Batool-in-the-city_zps91af56d9.png"]

































[/TBL][TBL="http://i847.photobucket.com/albums/ab37/StarLi9ht/for%20my%20posts/Batool-in-the-city-b_zps5ee92d26.png"]

سلامٌ عليكم..
جيت خصيصاً عشان اتكلم عن بعض الاشياء
اللي تنرفزني وتخليني اكره نفسي، من اليوم انا ببتدي
حساب جديد، ماراح افتح صفحه جديده، بفتح دفتر جديد!
كل شي فيني لازم يتغير، أقدر اغير من نفسي ممو ما اقدر!
ومو هذي طبيعتي خلقه م اتغير! ومو مجبوره اصير شخصه مثاليه
واعامل غيري بأحسن معامله!، وأحسن معامله مو معناها اني اصير
مثل كذا! زمن : "مساكين" ، "حرام يكسرون الخاطر" " بالغت
في الجد معاهم" . هذا كله من الماضي ومن الذكريات المنسيه !
عدوي اللدود هو تأنيب الضمير والاعتذار لناس ماتحترم الضمير
والاعتذار، عدوي اللدود أني اكون الشخص اللي غيره يحبونه كذا!
أنا شخصه ماراح تعجبه شخصيتي غيري! لأني أنا مثل اللي انا ابيه!
م راح امثل مثل اللي ينطلب مني أو مراعاة لغيري، أنا م عاد عندي اعصاب
هاديه لمثل النوعيات ذي! اللي يحب نفخة الراس وانا مالي خلق
بيخسرني واللي ما يعرف قيمتي نفس الشيء ، اللي يغثني ويغتاض
لما اغتث منه أو اتضايق شخص مايحب الا نفسه ، أكذب على نفسي
ليه؟! الكذب حرام حتى عً النفس ! المجامله بحرمها على نفسي
كل حاقه ف نفسي بسلمها كاش واللي يزعل من غلطه محد اجبره يخطئ!
حركة لما نكون مبسوطين نضحك مع بعض وحتى عً حساب غيرنا
ولما يزعل فلان هو غلطان ليش يزعل هذي ماعاد امشيها!
أنا ماعاد ابغى اكون احسن من غيري واسامح! اللي يغلط ياخذ جزاؤه والسلام،
انا بجد مللت من المجامله والمرااعاه حق ناس اساساً مغتره بنفسها
ومصدقه عمرها ومايحق لها تزعل اساساً من الحقيقه ..~
حتى لو يكرهني كل الناس ماراح اتراجع عن قراري سئمت من
التبرير وسئمت من التسامح وسئمت من "طيبة القلب"
اللي مو مرتب اموره ولا يمشي عدل ماني مستعده اراعي حد =)

^كذا بكون اللي يحترمني ويقدرني احترمه واقدره غير كذا مايمشي
انا ماعاد الصديقه المهرجه المضحكه الساخره 24 ساعه، أنا إنسانه
لي وقت ازعل فيه ولي وقت اضحك فيه ولي احترام بعد! ^_^3

وأخيراً فاصل اعلاني
TEARS STREAMS,
DOWN YOUR FACE,
I PROMISE YOU I WILL
LEARN FROM MA MISTAKES!
^العشششششششششق المؤبد بتوعي ث0
لما اتضايق اقولها تلقائي
​

[/TBL]

​

​

 

[Nαncy ☀]

[TBL="[URL]http://i847.photobucket.com/albums/ab37/StarLi9ht/for%20my%20posts/Batool-in-the-city_zps91af56d9.png[/URL]"]

































[/TBL][TBL="[URL]http://i847.photobucket.com/albums/ab37/StarLi9ht/for%20my%20posts/Batool-in-the-city-b_zps5ee92d26.png[/URL]"]




​

​

سلامٌ عليكم..

الشخص اللي ما احبه ، ما احب انه
يحصل على شيء مشابه للي عندي،
أو يوصل مستوى مثلي أو حتى يكون ناجح،
مو حسد، بس عندي إيمان أني شخصه عظيمه
ولي مكانتي ف المجتمع فكبريائي يمنعني اني
ارضى لفلان اللي م اشتهيه انه يوصل لي
ناس واجد تحسسني اني مغروره وناس ثانيه تحسسني
اني عاجزه وغيري يعرف اكثر مني، بس هذا مو غلططهم
غلطي انا اني ظنيت أن حب الذات غرور، يقول لك
عشان تحب الناس وتخلي الناس يحبونك بالأول لازم انت
تحب نفسك، وعلشان تحب نفسك لازم تعترف بمهاراتك
وقدرتك وتصرح فيها مو تقول فلان مغرور مصدق عمره
يرز نفسه يقول عن مهاراته، لأن اساساً لما انت ماتصرح
بالنعمه اللي عندك ماراح تحس فيها وممكن تحس انها مو عندك ث0
بديت اقرأ كتاب اسمه "ماتشعر به يمكنك علاجه" المؤلف اسمه
جون جراي، هو نفسه اللي ألف "الرجال من المريخ والنساء من الزهره"
لسه باقي لي مشوار مع الكتاب ، حالياً خلصت منه كم فصل
بس بصراحه لاقيت تأثيره على نفسي اعجبني3، في ف الكتاب
أن الشخص يخفي شخصيته بشخصيات مزيفه ، من ضمن الشخصيات
ذي انك تمثل دور الشخص الغاضب اللي بسرعه يحكم ويغضب
وهذا 100% مو جزء من شخصيتك لكن انت تخاف تعرض شخصيتك
الحقيقيه، وممكن تمثل الشخص الناقد اللي يعيب عً الاخرين
لأنك تحس بنقص داخلك، وفيه بعد الشخص اللطيف، باختصار
هو اللي مايعرف يقول لا وطول الوقت يمسح جوخ ويراعي غيره
وذا بس بالمقابل هو ماراح يتلقى شي < عً فكره شخصيه تعيسه
جداً ذي -.- ، المهم قعدت اطبق بعض الشخصيات عً بنات
فصلنا وعلى نفسي وبعد على اهلي واخواني مو عشاني
اظنهم سيئين لا بس عشان اقرب المفهوم لنفسي، =)
المهم يقول لك لما تظهر بشخصيتك الحقيقيه وتتصرف على سجيتك
بدون تمثيل لاتتوقع ان الناس تكرهك بالعكس بيحبوك أكثر لأنك صادق ث0
>ترى ناسيه الفيسات ذكروني بفيساتي ياخي <
المهم أنصح كل شخص مثلي أو مو مثلي أنصح العالم كله
بقراءة هذا الكتاب لا صج يعني اقرؤوه مفيد وهكذا
المشكله الكتب اللي اقرأها ودي بس اوريها الناس اللي يتصرفون
بشكل منافي لها وأعلمهم شعور مخيس
تذكرت شي، في ناس مره قالت لي اني انظر لغيري نظرة الاحتقار
واني انظر للناس انهم اغبياء، انصدمت صدمة العمر من هالكلام
وقتها بس ممكن عشان شخصيتي ماكانت واضحه للاخرين
ويمكن كانوا الاشخاص هم موو واضحين لي، عموماً انا مايهمني
راي الاخرين فيني ، ممكن تحسون ان الكلمه ذي كل الناس تقولها
وهي مو صحيحه بس انا صج م يهمني راي غيري فيني،
وأوقات احس بكراهيه تجاه اللي يسوي انه يبدي رايه فيني، لأن شخصيتي
لي مو لغيري قايز اكتشفت اني صج حاده وقت المواجهه
واني أعوّر -متعوب عليها- بس م الومني بالعكس
اصلاً هذي نقطة قوه XP ، ماتدرون يمكن بعدين احتاج
القوه ذي ، صبروا قبل ما اتكلم عن الغبار كان ودي ابرهن
علمياً اني ما احتقر احد، بس نسيت الكلام اللي بقوله
المهم اننه جاء الغبار والاجازه ماراح تيجي،
وزير التعليم مافي امل يعطينا اجازات لنا الله
شكلي بداوم كل يوم بكمامه #أصلاً_احنا_ نحب_الدراسه
يً الله بروح اطلع موضوع حق ملف التدبير -.-
~
​

>فآصل إعلاني

:
"

أنا بس اتفرج واشاهد، مشوار احط شي ف الانستقرام XD ، طبعاً
اوقات اغتر بنفسي واقول ان شغلي احسن من غيري بس ما اثبت
هالشي للاخرين عشان كذا يعني شسمه، موهبتي خفيه وذا

<انقلعي بس :/
"
^طلع كلامي صحيح اللهم ان ذا مو غرور



​

​

​

[/TBL]
​