مدونة مميزة Lights will guide you home ♦ Batool In the city (2 زائر)

[Nαncy ☀]

رد: Batool .. In the city!

[TBL="http://i847.photobucket.com/albums/ab37/StarLi9ht/4Blog/Batool---Lights_zpsqmfiqnfb.png"]

































[/TBL][TBL="http://i847.photobucket.com/albums/ab37/StarLi9ht/4Blog/Batool---Lights-B_zpse4ljpnwa.png"]

Happy Birth day to me! < قمة الوقاحه
طبعاً حبيت اقول لكم إني اليوم وأخيراً صار عمري الميلادي متساوي مع الهجري
واللي هو 17 سنه .. فيعني حبيت أحط بعض الذكريات هنا ف مدونتي
http://i847.photobucket.com/albums/ab37/StarLi9ht/Never-Happend-before_zps8w5s3gzd.jpg

^طبعاً دخلت قوقل قلت شالسالفه ، ميلاد مخترع الكيك مثلاً؟
بعدها عرفت اني أهم من مخترع الكيك بالنسبه للعالم > اعترفوا -.-
واللي يؤكد ذلك أنه حتى فيسبوك قال لي إني أهم من مخترع البالونات بعد

بس بصراحه وبدون كذب ، أحلى معايدات، حصلت عليها من ناس أهم
من جوجل وفيسبوك ومخترع الكيك وحتى مخترع البالونات

^ God bless you ALL MY Friends , That was so touching
Und es gibt vielen andere , Aber ich kann nicht bringe alle. *^*

أيوه والحين بروح اتلزق ف صديقاتي من سويسرا وألمانيا
اخليهم يقولون لي كل عام وانا بخير #محد يلمح لكم ، أبد ض2


.

~




​

[/TBL]​

 

[Nαncy ☀]

رد: Lights will guide you home ♦ Batool In the city

[TBL="http://i847.photobucket.com/albums/ab37/StarLi9ht/4Blog/Batool---Lights_zpsqmfiqnfb.png"]

































[/TBL][TBL="http://i847.photobucket.com/albums/ab37/StarLi9ht/4Blog/Batool---Lights-B_zpse4ljpnwa.png"]

روبيااااااااااااااااااان ماهذا يختي، صديقتي الصدوق *^*
ثانكيو ، دانكه ، غراثياس ، شييه شيه، كوماوا، أريغاتو ، _ شكراً بكل اللغات يختي *^*

مو عارفه أوصف شعوري ع4ي
وحتى أنا مين قدي.. روبيانه تسوي لي إهداء

روبيان من أقرب أعضاء شلة الكانديز لي دايماً معاي يخي مثل اللزقه
وهذي نقطة إيجابيه أحبها فيها ، إنه حتى لو اني فاهمه السالفه
غلط ماتتركني لوحدي ح9


&وصلتني بعض الرسائل اللطيفه من إسراء والآنسه هتلر

^ وانتٍ بخير إسراء-تونه آمين يارب وانتِ كذلك، أسعدني تعليقج ، الله يخليج

^ هتلر مايحتاج اقول لج هذا اني حاطه تاريخ ميلادي ف أول صفحه بالمدونة
مفروض تحفظونه زي أساميكم واضح اصلاً بس مايخالف
لأنج سميتي نفسج هتلر طمعاً في توناتي فأنا سأشفق عليج هالمره وماراح آمرهم بتعذيبج

هههاي ..أقوى كف!

بس والله تهنئتج جميله وهابي دايز فور يو #مو عارفه ترد


^ حابه أعتذر لروبيانه لأني ما استخدمت إهدائها إلا متأخر بس شسوي كله من المدرسه :×
وبعد رغيده سوت لي إهداءات ماقصرت *^* بس أنا نسيت أحطهم بالتوقيع
لأن يوم تصممهم كنت مسافره بحطهم قريباً إن شاء الله..

وفي ناس ثانيه أبغى أكتب عنهم بس ماعندي جرأه كافيه
خلاص ناخذ بريك من الكتابه عن الناس وبعد فتره نكتب عن شخص ثاني


.

~
​

[/TBL]

​

 

[Nαncy ☀]

رد: Lights will guide you home ♦ Batool In the city

[TBL="http://i847.photobucket.com/albums/ab37/StarLi9ht/4Blog/Batool---Lights_zpsqmfiqnfb.png"]

































[/TBL][TBL="http://i847.photobucket.com/albums/ab37/StarLi9ht/4Blog/Batool---Lights-B_zpse4ljpnwa.png"]

اليوم وصلني إهداء من إنسانه لطيفه جداً *^*

^ مانكا، هل تعلمين كم إنك إنسانه مؤثرة يختي؟ T^T
بجد فرحت وانبسطت بالاهداء, أنا إنسانه تعشق الاهداءات
وللأسف ماقدرت أقيمج، فقلت خل اكتب هنا منها
يظل الاهداء محفوظ ذكرى بعد
مانكا مره قلتِ لي إنج تعتبريني رئيسة مميزه *^*
ذاك اليوم تأثرت بس ماعرفت أعبر ، بس منجد سعيده اني
تعرفت على إنسانه مثلج ..



إيه,, اليوم حابه اتكلم عن بعض المواقف اللي تخليني
أحس اني غبيه ودفشه وللأسف في ناس تحس اني
أعامل الناس انهم اغبياء، الله يسامحكم
طب أنا نفسي غبيه كيف بعامل الناس انهم اغبياء

المهم مره من المرات كنت مستعجله وبنام على طول
حسب ظني كنت معانده نفسي أبي انام علشان م اذاكر أو شي
المهم على طول انسدحت على السرير ، وكان اللحاف عالق
تحت رجلي تقريباً المهم تخيلوا كنت أسحبه بقوووووه
تدرون انه مشوار أرفع رجلي المهم آخر شي فلتت يدي
وارتدت على وجهي، ذيك اللحظه مثل مايقولون "انصمطت"!
يعني خلاص تجمدت ف مكاني على نفس الوضعيه ماسكه وجهي
وأحاول امسك اعصابي، حسيت اني شوي وانفجر إما أصيح أو أعصب
استغربت حيل مكان الضربه كان يؤلم حييييييييييييييييييييييييييييل،
قعدت اقول لنفسي ليش كذا يألم لهالدرجه ×_× المهم بعد ما
حسيت اني سكنت شوي، رفعت يدي الا اشوف الدماء تسيل
جرحت روحي بظفري تخيلوا! مع انه ماكان طويل ولا شي
بس لأنه الضربه قويه لأني كنت اسحب اللحاف بقوه
المهم قعدت اطالع ف الجرح والله يخوف كأني مقشّره وجهي بسكينه
نزلت تحت أشحت لزقه ويوم حصلت لزقت جزء كبير من وجهي مع
ان الجرح كانت مساحته صغيره بس انا يخي مستعجله ولأنه كان
ينزف يعني فما ابي يوصخني -.-

إي والله، فهذا يعني موقف من واقع الحياه، يدل إن الإنسان ساعات
يصير كائن مضحك لدرجه كبيره في موقف ثاني كنت بقوله بس
نسيت أيش كان .معليه، لما اذكره اقوله..

في أمان الله..

​

[/TBL]

​

 

[Nαncy ☀]

رد: Lights will guide you home ♦ Batool In the city

[TBL="http://i847.photobucket.com/albums/ab37/StarLi9ht/4Blog/Batool---Lights_zpsqmfiqnfb.png"]

































[/TBL][TBL="http://i847.photobucket.com/albums/ab37/StarLi9ht/4Blog/Batool---Lights-B_zpse4ljpnwa.png"]

السلام عليكم ..
حبيت أقرقر شوي ف المدونة بما إني من زمان ماكتبت شي

قريت قبل فتره أن "الشغاف" يطلق على النسيج المبطن للقلب
مدري ليش فجأه حبيت هالكلمه ، حسيتها حيل معبره،
أحب أتأمل في معنى الكلمه وأحس ببلاغة معناها ع8
حتى في اللغات الأجنبيه أحاول أفرق بين الكلمات اللي لها
نفس المعنى من حيث قوة دلالتها على المعنى وما إلى ذلك
للأسف الناس تعتبر اللي يهتم بالهوايات والمواهب شخص فاضي
وعنده وقت -_- بينما سبحان الله ف الاجازه أنا أحس باكتئاب يخي
أحس إني مخلوقه عشان أدرس واتعلم عشان كذا أحب
أتعلم لغات عشان أحرر شغفي بالتعلم منجد أحب أتعلم *^*

طبعاً التعلم يختلف عن الدراسه بفرق بسيط إب6
الدراسه أحياناً تفرض علينا دراسة أشياء مانحبها ×_×
على سبيل المثال المدرسه ندرس فيها حاسب ورياضيات
ونحو وإنجلش هالاشياء ذي أنا احبها، ومع ذلك مجبورين
ندرس فيها مواد ثانيه مثل الكيمياء والذي أكرهه بشده يخي
ما أحب هاالماده ولا اتعب نفسي استوعبها غير لما أذاكر
بالنسبه لي الفيزياء صراحه أسهل من الكيمياء عً الاقل الفيزياء
كلها أشياء منقطية ومفهومه ومن واقع الحياة، الكيمياء تصلح بس
للي يحبون القنبله النوويه وذي الاشياء

الأحياء بالنسبه لي نص ونص، يعني تجيبون لي موضوع
خارجي عن الأحياء عادي أقرأه وافهمه واحبه نو بروبلم.
لكن أدرس منهج عن الخليه والحيوانات والخرابيط ذي
بصراحه ما اتحمل -_- خصوصاً مع معلمه مغروره واخلاقها
تبن وشايفه نفسها، فوق كذا صوتها حتى النمله ماتسمعه ><"
يخي أنا أتكلم بصوت عالي = أسمع بس الصوت العالي
تجيبون لي معلمه لا ناديتها قالت نعم بصوت شدته 20 ديسيبل
واذا ماسمعتها وناديتها ثانيه تتنرفز مايمشي الحال
كم أكره أبلة الاحياء المريضه المغروره الأنانيه ف2

إي نعم، جات فترة المذاكره ولازم أبذل جهدي كالعاده ك5
صديقاتي اللي كرهتهم حالياً وجاتني أزمه بسببهم وياليتني
ماعرفت خلقتهم ينظرون لي ويحكمون علي بالظاهر، أني
إنسانه ماتهتم بالدراسه وكل هذا من غرورهم بعملهم، يفكرون
محد يذاكر كثرهم جعلهم البلاء! الحمدلله أنا إنسانه ما أتكبر
على الآخرين مهما عملت أعرف إني ناقصه ولا أصل
إلى الكمال فالكمال لله وحده! لكن أنا أبذل جهدي ولا أرائي
الناس في عملي وآمل من الله أن يعطيني على قدر ما أستحق إ
الحمدلله ماعمري قلت ماراح أذاكر وبعتمد على الغش وخلاص
وبقعد العب وانسى الدراسه، دايماً أتحمل مسؤوليتي ^_^3
مثلاً لو غبت عن المدرسه أكيد بفتح الكتاب وأحاول أفهم الدرس ي
وأنصح الكل إنهم يطبقون هالشيء عشان يتعودون
يحسون إنهم مسؤولين عن هالشيء ومو بس إجباري عليهم ؛)


كل اللي يعانون من مثل هالنوعيه أنصحكم تتخلون عنها
لأنهم مايسألون عنكم ولا شيء ولايقوللون شخباركم فوق
كذا مافرقت معاهم غبتوا يوم أو يومين، غبتوا عشان ظرف
ولا عشان حادث ولا عشان متتوا ولا عشان مالكم مزاج
ولا عشان تراعون حالتكم النفسيه ، ذولي ناس مالهم قيمه
أبداً وإن شاء الله يجي اليوم اللي يعرفون فيه مقدار خسارتهم آ3


بالنسبه لي أغلى ما أملك صحتي النفسيه وصحتي الجسديه
ولو خاب ظني في ناس ماراح يخيبني ربي إ
مهما كانت الصعاب اللي نواجهها في الحياه، في الآخره الله
بيجازينا بأجر الصبر على المصائب ج4 ، فيه ناس بجد
ماتخاف الله في لسانها ولا في نظرتها للآخرين، ماتراعي ممكن
فلان يزعل، ومن جد تحس أنك عطيتها وجه زياده عن اللزوم،
ترى إذا احنا نعطيكم وجه إنما يدل على محبتتنا وصفاء نيتنا
تجاهكم وراحتنا لكم ، أما أنتوا للأسف تفكرون إنكم مستغنين
عن كل هالأشياء وهدفكم أناني جداً ، لكن حسبنا هو الله ونعم الوكيل

> وصدق لسان معلمتنا لما قالت مو أي أحد يوصل للصداقه
الحقيقيه، لازم تختبر الصديق وتحطه بمواقف تكشف لك
إن كان صادق معاك أو أن مابداخله نظره عدم اكتراث لك..


مهما بدا صديقك وكأنه إنسان سعيد وكوميدي ومو شايل هم
اعلم أنه لايظهر نفسه بهالمظهر أمامك إلا لأنه يحبك ويقدّرك ..
بالمقابل فلتُقدّر كتمانه لعدم رغبته في تعكير مزاجك وإدخالك
في دوامة مشكلاته ء6

انتهيت للآن، ادعوا لي أتوفق بالامتحانات، وفقكم الله جميعاً،
في أمان الله..

​

[/TBL]

​

 

[Nαncy ☀]

رد: Lights will guide you home ♦ Batool In the city

[TBL="http://i847.photobucket.com/albums/ab37/StarLi9ht/4Blog/Batool---Lights_zpsqmfiqnfb.png"]

































[/TBL][TBL="http://i847.photobucket.com/albums/ab37/StarLi9ht/4Blog/Batool---Lights-B_zpse4ljpnwa.png"]

​

السلام عليكم ..

حمآآآآآآآآآآآآآآآآآآآآآآآآآآآآآآآآآآآآآآآآآآآآآآىىىس
صلحنا السوني والله حماااااااااااااااااااااااااااااس ع5ع5
كنت متحطمه لأن جات الإجازه والسوني خربان
بس احين الحمدلله تصلح وبنلعب فيه بكره الصباح ت5

إيه ، طبعاً الشاشة حقت الصاله اختربت واستوت معتمه
فاضطريننا ناخذ شاشة المجلس ونحطها ف الصاله
واللي هي نفسها اللي نلعب فيها السوني... فخلاص الحين
مافيه شاشه نلعب فيها سوني يعني عناد لنا بس إن شاء
الله بنلعب كل صباح بما أن أبوي يصير برا البيت ومحد يهتم للتلفزيون
بنحتله ونلعب ف الصالة! يخي بنغزو الصاله بالسوني
أتخيل من صباح الله خير طاخ طيخ طووخ أصوات المسدسات
ف الصاله يخي اشتقت حق ذا لاست أوف اس .. انحذف حفظي
فيها بسبب خراب السوني يقطع شرّه من زمان مالعبتها
وكنت ناويه أختمها طبعاً أدري أن اخوي بيقول حتى هو يبي
يختمها عشان حفظه انحذف بس مابخليه يلعب فيها طول الوقت
أنا أولى لأني من زمان أبي أختمها واغير ملابس إيلي


منجد فرحتي اليوم ثمينه لعودة السوني بالسلامه
أحس خلاص بطير من الفرحه تقول جايبين لي سوني فور
على هالفرحه اللي فيني بالمناسبه .. إن شاء الله بحاول
في أمي أنها تشتري لي سوني 4 مدري ليش بس تأملت
شوي إنها توقف معاي وتشتريه لي لأنه أبوي مستحيل
يقبل وده أصلاً يتخلص من السوني حقنا إيه وفجأه
اشتقت للألعاب اللي أنا أساساً ماكنت أحبهم مثل Kill zone
هاللعبه ماكنت أحبها بس الحين اشتقت العبها عً الPSP
جزء الPSP كان حيل حلو .. فإن شاء الله بلعبها وبصلح
ال PSP بعد #كم شي خربان ف بيتنا؟



للأسف مع أني اجتهدت مثل كل سنة لكن نتيجتي ما أرضتني
بس أيش اسوي يمكن الحين فهمت شعور غيري اللي مهما ذاكروا
ياخذون نسب ضعيفه .. بس إن شاء الله الترم الثاني تكون نسبتي
أفضل وحتى لو ماكانت أفضل أهم شي صحتي النفسيه مايسوى
أدمر نفسيتي عشان درجات وبالنهايه يمكن أحصل على وظيفه ويمكن لا ^_^1

هدفي الوحيد دخول الجامعه وتجربة الحياة الجامعيه
وأني ما أكون أغلب الوقت داخل البيت لأن هالشي ألاحظ
أن تأثيره حيل سلبي -_-.. الواحد يحس بالفراغ لما يظل
شهور ف البيت من غير دوام أو سفر أو حتى خروج للتسوق ك7
مثلما تؤثر المدرسة على النفس فإن البيت بعد يؤثر، تحس
أن حياتك بلا هدف وتتراكم عليك الأفكار السلبيه .. لهذا السبب
أنا أكره الإجازات الطويله ..

استمتعوا بالإجازه ولاتنسوا تستفيدوا من كل لحظه فيها..
تعلموا لغه ثانيه.. جربوا تجربه جديده.. مارسوا مهارة أول
مرة تمارسونها بتحسون أنكم قضيتوا أفضل إجازه وأنها ماكانت
قصيره كما تبدو ء9

انتهيت للآن، أراكم لاحقاً ، في أمان الله..

​

[/TBL]

​

 

[Nαncy ☀]

رد: Lights will guide you home ♦ Batool In the city

[TBL="http://i847.photobucket.com/albums/ab37/StarLi9ht/4Blog/Batool---Lights_zpsqmfiqnfb.png"]






























[/TBL][TBL="http://i847.photobucket.com/albums/ab37/StarLi9ht/4Blog/Batool---Lights-B_zpse4ljpnwa.png"]

السلآم عليكم ..
من زمان عن مدونتي يً لبى وحشتني اللي تطير الهم T^T
^كأني أتكلم عن آدميه

شسمه من زمان أبي اسولف فيها بس يخي الاختبارات
والسفر والنوم هذي العوامل الثلاثه خربت علي كل مخططاتي
حسبي الله .. المهم اسمعوا.. البارحة شفت حلم يخوووووف
شفت اني رحت غرفة غسيل الملابس .. مو لأني بغسل ملابس
لسبب ثاني نسيته المهم دخلت واشوف واحد يقول "وووووووو"
ويطالع فيني بنظرات مخيفة ومستفزه ويحط ملابسه في الغساله
ويظل يطالعني وبعدين حط طفاية الحريق في الغساله وانحشت عنه
هههههههههههههههههههههههههههههههههههههههه

والله المنظر يخوف حيييييييييل وفي الحلم حلمت أني
كنت حلمانه وجلست من النوم ونزلت الدرج كآآمل من غرفتي فوق
إلى تحت للصالة > لأني مرة في الحقيقة شفت كابوس ويوم جلست
تذكرته وخفت ولبست حجاب وعلى طول نزلت لتحت ×_×
وقتها ما مشطت شعري حتى عشان كذا لبست الحجاب
ولا بيتنا مافيه أحد غريب المهم هذا اقول لكم عاد
هالمره حلمت اني حلمانه وصحيت ونزلت .. بس ماصحيت
صج يعني صحيت في الحلم اللي فهم فهم واللي مافهم قلعته

يعني حلمانه اني حلمت وصحيت.. المهم عادد .. بعدين في
الحلم قعدت اتذكر وأفكر بالحلم اللي بداخله الليي عن ذاك المخيف وقعدت
احاول اشتت هالفكره لأنها تخوف حيل وبعدين سويت أشياء ثانيه
وطويل الحلم ومخربط شوي وحلمت بعد أنه بسوي عشاء لخواتيي
وثنتين من عماتي - وحده منهم م اطيقها- المهم حسيت بقلق
في الحلم لأن وهقه مافيه شي اطبخه تقريبًا والكل نايمين
بس أنا علي اطبخ لهم عشاء واجلسهم بعد خير

بالنهايه م طبخت صارت اشياء ثانيه.. المهم الشي الثاني
اللي كان مقلقني أتوقع أنه هالعمه في الواقع كله تنتقد
ومايعجبها العجب كلشي تعيب عليه.. استغفر الله اذا طبخنا
مرق ورز تقول ماله داعي تطبخون مرق كان حطيتوا عليه
الرز خساره تخلون المرق .. أيش تبغى يخي احنا نحب المرق >_<2

المهم أتوقع هالحلم نابع من قلق عندي
يعني في أشياء تقلقنا في الحياة الواقعية ومهما حاولنا نعبر
عنها صعب نتغلب عليها.. ف يقول لك عشان تتغلب على
القلق ممكن تطبق استراتيجية مواجهة القلق بحيث انك
تتخيل هالموقف أو تواجهه في الواقع عشان مايقلقك مره ثانيه
المهم حسيت أنه عقلي قاعد يطبق علي استراتيجيات على كيفه وانا نايمه
عاد أهم شي في الحلم أنه الرجال حط طفاية الحريق في الغساله *ضحكه جوهنميه*
والله مدري ليش حطها ما أمداني افكر فيها من الخوف
وكمان شفت غرفة اختي في غير مكانها اللي بالواقع ففي خبيصه شوي
بس يمكن الطفاية دخلت بالحلم لأنها في الواقع محطوطه في الغرفه
بحيث أول ماتدخل تشوفها طبعاً أنا اللي حاطتها بهالمكان
لأنه هم حاطينها مع عفسه فلو حصل شي - لا سمح الله-
يمدينا نجيب المطافي أسرع من نطلعها من مكانها



هذي سالفتنا لليوم نشوفكم في تدوينة جديده
ولاتنسوا اللايك والسبسكرايب
مع السلامه ح9




​

[/TBL]

​

 

[Nαncy ☀]

رد: Lights will guide you home ♦ Batool In the city

[TBL="http://i847.photobucket.com/albums/ab37/StarLi9ht/4Blog/Batool---Lights_zpsqmfiqnfb.png"]






























[/TBL][TBL="http://i847.photobucket.com/albums/ab37/StarLi9ht/4Blog/Batool---Lights-B_zpse4ljpnwa.png"]

حسبي الله ونعم الوكيل ..
هذي آخرة اللي يثق في ناس ماتستاهل
ناس ماتفكر إلا بمصلحتها ومن تصير مشكلة
بسيطة تقلب عليك وتقفل أخلاقها وتطول لسان
بس الشرهه مو عليهم على اللي يصادقهم ويعطيهم وجه
مايستاهلونه .. بس عشان صارت مشكله بينهم وبين وحده
ولا ثنتين يحطون حرتهم في الباقي .. منجد قلة حياء !
خلود ورغد .. ماتوقعتها منكم خسارة الوقت اللي ضيعته معاكم !



​

[/TBL]

​

 

[Nαncy ☀]

رد: Lights will guide you home ♦ Batool In the city

[TBL="http://i847.photobucket.com/albums/ab37/StarLi9ht/4Blog/Batool---Lights_zpsqmfiqnfb.png"]






























[/TBL][TBL="http://i847.photobucket.com/albums/ab37/StarLi9ht/4Blog/Batool---Lights-B_zpse4ljpnwa.png"]

السلام عليكم...

> فآصل إعلآني كبيير .. ر4

ههههههههههههههههههههههههههههههههههههههههه
هههههههههههههههههههههههههههههههههههههههه
مً قدرت امسك نفسي عن الضحك، من أول التدوينة ضحك!
يً جماعة ترى التدوينة اللي فوق تابعه للمقلب التحشيشي
واللي مالحق عليه يروح يدخل الموضوع من هوون

أنا قلت للبنات تعالوا نوصل السالفة للمدونات ..
بس روبي قالت يمكن محد يفتح مدونتها، وبعدين
انشغلنا بمضاربتنا أنا ورغد تقول رجال عصابات
مشتبكين ببعض .. ولازم كل كلمة نعلق عليها

^ حيل يختي لا وأهم شي كاتبة بالأسود أسم
اني زعلانة وكذا جاء على بالي اكتب بالاحمر بس
قلت مشوار أعدل -كسولة لأبعد حد -

^لحظه لحظه!.. بذمتج ليليان .. عمرج شفتي وحده معصبة وتحط خلفيه ؟
الصراحه مً دعاني قلبي أشوه المدونة وما أحط الخلفيه وعشان حضرة
جنابي كسولة يً ليليان -قصدي عادل - نسيت وتكاسلت أوضح السالفة
بالمدونة لين جاء الوقت المناسب ومقلبتكم مرة ثانيه

وأهم حاجة جالسين أنا ورغد وخلود ورحاب ونفتري على بعضنا البعض
وخلود كلش على طول ينعرف أنها لعّابة عشان كذا زين أنها ماجات من البدايه
كان انفضحنا تخيلوا جالسة تقول لي : "واضح انه مالك بالسالفة
بس منقهرة عشان قلت لك أبو الهول.. أنتٍ أبو الهول وانحرقي "
بالله الكلام مً يحسس أن السالفة لعب؟

ونهاية الفلم اللي متت عليها من الضحك لاسي مع روبي
لاسي نكبة عً اساس بتدعم الخير وبتوقف بوجه الشر قامت
تقول لروبي ماله داعي تسوون دوشه بالنهايه أنا وروبي
انقلبنا ضدها وصارت هي زعيمة الأشرار

وقسم بالله ذاك اليوم ضحكت لين شبعت وصدع راسي

بس بصراحه حسيت بالذنب تجاه رسالة مانكا يوم صددقت المقلب
حسيت أني وحدتن نذلة يخي لعبنا بشعور الأعضاء لعب
منجد نستاهل حظر .. لا ويوم تعبنا وخلاص مً فينا نكمل
جلسنا نتضارب بالقروب على الحظر قلت لهم إذا انحظرتوا
بدوني مً راح اشارك بمقالبكم مرة ثانيه

وبالأخير ماحصلنا لون الحظر بسبب المخرجة خلود لأنها من الحماس
راحت كشفت كل الخطة بالموضوع بس يً الله خيرها بغيرها
المرة الجايه بنلعب عليكم اسبوع كامل يًا الله على ما نقول لكم
مقلبناكم .. للأمانة ماكان هالمقلب سهل.. يعني بالنسبة
لرغد تقول كلام صعب ، حتى هي حاولت ترد عليه عشان
تغششني وماعرفت والتدوينة اللي فوق شفتوها
كيف قصيرة لأني ماعرفت أيش أشلخ على خلود ورغد
حسيت هالتدوينتين ذولي فاصل إعلاني كبير
يعوض النقص في المدونة فيه تقاييم وااجد من زمان
مً حطيتها بحطها إن شاء الله في الردود الجايه.. شر8


نشوفكم على خير ..




​

[/TBL]

​

 

[Nαncy ☀]

رد: Lights will guide you home ♦ Batool In the city

[TBL="http://i847.photobucket.com/albums/ab37/StarLi9ht/4Blog/Batool---Lights_zpsqmfiqnfb.png"]






























[/TBL][TBL="http://i847.photobucket.com/albums/ab37/StarLi9ht/4Blog/Batool---Lights-B_zpse4ljpnwa.png"]

السلام عليكم...
اليوم تخيلوا نمت من بداية الليل وجلست الساعه 11 ص5
والله انها نومه جميله.. ما ألومهم اللي يقولون نوّموا الاطفال
من حينهم عشان ياخذون سربوتة الليل مدري بعوضه الليل مدري شسمها
الصراحه النوم حلو ببداية الليل .. أحلى من نومة مابعد صلاة الفجر حتى

يوم طلعت من غرفتي شميت ريحة المبيد الحشري متجمعه
في المدخل بسبب مروحة الشفط عاد زكام وفليت! انحشرت
المهم نزلت معصبه لأن يوم اطلع للدرَج شميت الريحه قويه أ3
قلت عز الله ما اختنق الببغاء! تخيلوا الببغاء تحت وهم هالفليت
معبين المكان منه وقسم بالله جلست اهذر واتحلطم صراحه نسيت
ايش كنت اقول من الغيظ قلت والله لأذب الفليت في الزباله
وبس تشترون غيره وااذبه بعد! -ترى صج ذبيته -

إذا أحنا مو متحملين الفليت... فما بالك بالحيوانات ن3
تخيلوا قعدوا يقولون لي شفنا صرصور في غرفة علي
ورشينا -_- حتى لو ياخي.. شدعوه صرصور ماتعرفون تطقونه؟ ف5
بس زين جاء على بالي أفتح نافذة الدرج عشان تروح الريحه
وماينحشر الببغاء .. الحمدلله اني جلست ذاك الوقت ح1

المهم بقول لكم سالفه.. ليلة السبت .. كانت وحده تستعد
عشان يوم السبت بتختبر تحصيلي.. قالت لي ادعي لي اختباري
بكره .. قلت لها "إن شاء الله تصير الأسئله سهله !"
يعني حتى لو صارت الأسئله سهله فيه احتمال انها تحل غلط
تخيلوا انتقمت منها عشانها مره استخفت فيني وقلت لها
"بس إذا تبتي وما احتقرتي الآخرين الله بيوفقج ويعطيج الدرجه اللي تبينها"
وقسم بالله شاطره انا ف الانتقامات تستاهل وقسم بالله
لأنها نذله.. على كيفها فلانه مجتهده وفلانه لا.. تفكيرها
يصير سطحي ومتحجر أحياناً .. عشان كذا أحب أدقها بالكلام ..
بس تراني ما اكرهها يعني هي طيبه ساعات.. فعادي أمشي معاها

الحين بنتقم من بنت ثانيه وبحش فيها ..
استغفر الله هالبنت أحياناً تنرفزني .. تخيلوا كلّه تعلق علي.. مرة
تقول لي انتي تضغطين عً الكلام ومدري أيش ولاتسوين أصوات
ومدري أيش والله قهرتني تمزح بدفاشه ولا تراعي شعوري حتى..
عاد أنا أكره هالحركات! أكره البنت اللي تمشي وتعلق.. يخي
خلاص انشغلي بنفسج.. حسستني انها مثاليه وكلش.. عاد اللي
كذا ما أسامحهم للأبد .. اللي يعلق عليّا ولا يستخف فيني
أظل حاطّه ببالي موقف منه .. حتى لو تكلمت معاه بطريقه
عاديه وصرنا صحبات وكذا.. لو حصل واعتذر أفكر أسامحه
أو لا بس أنا آدميه أعرف قدر نفسي وما اقول
اني أحسن وحده في الكلام.. بس سبحان الله كل آدمي
والطريقه اللي تعلم يتكلم فيها من وهو طفل.. يمكن أهلي يتكلمون
كذا فأنتي لما تقولين لي زي كذا معناها ماتحترميني ولا تحترمين
أهلي.. بس ماهمتني .. هي اللي خسرت تقديري لها ه5

أنا أحب الناس على مراتب.. إذا وصلت مرحلة الكره
اعرف انك مسوي شي عظيم خصوصاً اللي
يقرب صوب تربيتي وأخلاقي والله ما اسامحه اللي
يقول عني كذا.. لو يعتذر يوم كامل !.. فعلشان كذا
أنا حبيت أعلمكم أني عندي جانب عنيف ويحب الانتقام
وعندي جانب شرس ويحب الهوشات وعندي
جانب منطقي وعقلاني ومايقبل بالإهانه ^_^3
فلتتخذوا الحيطة والحجر وجميع سبل السلامه!

المهم بقول لكم سالفه ثانيه.. في وحده مره
مدري أيش السبب بس هي كذا نشبت لي وسوت لي
حركات بس أنا ما حبيت أتخانق معاها لأنها
مثل ماقلت لكم ماوصلت مرتبة الهواش يعني صح
وتّرتني بس ما استفزتني حيل فبعدين تصالحنا ووقفنا
الحرب وصرنا صحبات وكذا.. وهي بعد آدميه محترمه
ماتستخف بالاخرين أو تحسسهم بالإهانه فعادي ح1
وبعد فيه وحده كنت كل يوم أتهاوش معاها في الكيك
وحيل كنا نقول كلام يزعل بس بعدين يخي صرنا
حيل قريبات من بعض ومافي زيّنا ! ق9

من كثر الحش حسيت مدونتي The burn book
والله يبغى لي اسمي المدونة كذا يوم من الأيام
بس مثل ماقلت لكم أنا ماني حقوده بالعكس ياما تنازلت
وتغاضيت .. بس أكيد فيه حدود للتنازل! والمزح بعد
له حدود ... وحدوده الأدب والاحترام ياي2


إن شاء الله استمتعتوا بالتعرف على شخصيتي ث0 - >> مع أني
أشك في ذلك ، يوماً سعيداً ونشوفكم على خير ..

​

[/TBL]

​

 

[Nαncy ☀]

رد: Lights will guide you home ♦ Batool In the city

[TBL="http://i847.photobucket.com/albums/ab37/StarLi9ht/4Blog/Batool---Lights_zpsqmfiqnfb.png"]






























[/TBL][TBL="http://i847.photobucket.com/albums/ab37/StarLi9ht/4Blog/Batool---Lights-B_zpse4ljpnwa.png"]

السلام عليكم...

People are meant to be loved and things are meant to be used.
The reason why the world is in chaos, is because things are being
loved and people are being used

قبل شوي كنت فاتحه فيديو باليوتيوب.. وشفت هالمقولة
ف التعليقات.. صراحه من أبلغ الكلمات اللي قريتها .. قلبي3

للأسف هالأيام نشوف الناس تتعلق وتحب الأشياء الجميله
وتقول سعادة على حاجه شرتها بفلوس من ملابس من تحف
من ساعات من ذهب وغيرها من الماديات.. وتنسى أن
السعادة تكون برفقة الأهل.. تنسى أن السعاده بأصدقاء الخير.. ت4

هالأيام كثر الاهتمام بالمظاهر وقل الاهتمام بالجوهر والباطن .. ث0
اللي تصادق فلانة عشانها شاطره.. واللي تقول ذولي زميلاتي يعني
مو أصدقائي فيه فرق.. واللي تسلم على أحد دون أحد وتذكر أحد
وتنسى الباقي .. أ3 مع أنه بالعكس المفروض الواحد يكثر من الأخلّاء
لأن الدنيا ماتاخذ منها معاك غير عملك ثم أهلك وأصدقائك إن كانوا بالجنة ،
ماتاخذ لاجوال جديد ولا درجة 10 من 10 ولا 50 مليون ولا غيرها ذ8


هالتدوينة قصيره لأن ما في ببالي كلام أقوله ث0
أمس دقينا سوالف أنا وجوهانة ونسينا الهم .. أحب لما
يصير زي كذا.. مع أني كنت قلقانة أمس إلا أن السوالف
طيرت الزهق والقلق وكل شي موب زين


نراكم في تدوينة لاحقة .. مع السلامة، ونشوفكم على خير




​

[/TBL]

​