مدونة مميزة Lights will guide you home ♦ Batool In the city (2 زائر)

[Nαncy ☀]

رد: Batool .. In the city!

[TBL="http://i847.photobucket.com/albums/ab37/StarLi9ht/for%20my%20posts/Batool-in-the-city_zps91af56d9.png"]

































[/TBL][TBL="http://i847.photobucket.com/albums/ab37/StarLi9ht/for%20my%20posts/Batool-in-the-city-b_zps5ee92d26.png"]

كلهم سووا ترقية إلى وندوز 10
إلا آنه .

^عبارة نانسي المشهورة والحكيمه .


السلام عليكم

اليوم وأخيراً انتهت أزمة الانترنت ف بيتنا ،
طبعاً كنا اوقات نشبك على شبكة اخوي والتي مايوصلنا
منها الا القليل لأنها في شقته نفتح شوي نشيك على الالعاب
اذا استوى الاكل شلناه قبل مايعفن <نلعب Bakery story
^عاد هذا إذا فتحت اللعبه -.- ، حيل ضعيفة الاشاره
ومايمدينا نفتح من كمبيوتر ولا شيء .. وطول الوقت كنت أحاتي
متى أسوي ترقية ، ولحد الحين ماني عارفه كيف اسوي ترقيه، مو جايب لي
اشعار، اصلا انتوا تغشون -.- ، المهم لعبت نانسي درو، وحملت
التغشيشه برصيدي ، عاد الجزء اللي انا العبه الحين هو السادس
هالجزء سخيف شوي، يعني ممل، ومافيه Ned Nickerson
صديق نانسي، و الهاردي بويز مايجون الا بعدين نقدر نتصل عليهم
طبعاً الهاردي بويز هم Frank Hardy و Joe Hardy
جو هاردي تعجبني شخصيته خبل ويضحكنا يسوي جو ف اللعبه <اسم ع مسمى
فرانك هاردي مب حيل ، انا ماعجبني اللي ف المسلسل فكرهته شوي
نِد نكرسون بعد يعجنبي مسلّي ف اللعبه نتصل عليه وكذا
بس مارفن وجورج فين مدري ويش عايلتها ذي
دولت الثنائي البنتين ماحبيتهم حيل، قرقر واجد هم
المهم، لاتعلمون ابوي اني استخدمت بيانات ! تراه مانعني
بس انا ما اطاوع .. # النميمه حرآم




~

>فآصل إعلاني :

هو مو بس الاولاد، حتى اللي مايحبون المشاوير مثلي، يعني مشوار اقول هذا فوشي وهذا ماجنتا ومدري ويش
أجل امي تسمي البرتقالي اصفر والوردي تسميه احمر < على حسب معرفتها
المشكله كل هالقوارير ذي مانشربها بس تاخذ مساحه ووقت تنظيف XD.
# بالمناسبة ، شكلنا بنسوي مسابقه مين يكتب هذره اكثر آنا ولا انت
مدونتك جرآئديه، مثلي أوّل كله هذره ف المدونات ، .

​

​

[/TBL]
​

 

[Nαncy ☀]

رد: Batool .. In the city!

[TBL="http://i847.photobucket.com/albums/ab37/StarLi9ht/for%20my%20posts/Batool-in-the-city_zps91af56d9.png"]

































[/TBL][TBL="http://i847.photobucket.com/albums/ab37/StarLi9ht/for%20my%20posts/Batool-in-the-city-b_zps5ee92d26.png"]

السلام عليكم
ريحة الطبخ والبصل انتشرت ف غرفتي الموقره
كله من هالجيران المزعجين ><" حتى يوم كنت ساكنه
بالدور الآرضي كنت اشم ريحة طبخهم شايعه ف الغرفه
حسبي الله يزعجون جيرانهم ، مايدرون ان الجيره فيها حقوق غ0
والله بجد لاعت جبدي كأني طابخه ف الغرفه وشذا شيحسون -.-
هذا احنا نطبخ ببصل بس عاد مو زي كذا نخلي الريحه تزعج غيرنا:/
وبهاراتنا ع الاقل ريحتها زوينه دولت لا شكلهم مايحطون اشياء تنكه أكلهم وتخليه مافيه ريحه ><
منجد ازعاج تقل يطبخون ف السطح على هالريحه المركزه -.-

أرشش عطر اخلص الغرشه ف الغرفه ومب فايد بجد نرفزوني ، الله يهديهم :$
ماعلينا منهم الله يهديهم ويسامحهم :×

أمس نزلت موضوعي عن نانسي درو، حسيت بالانجاز يوم خلصته
بس كان سهل علي شوي لأن اغلب الاشياء أنا عارفتها خ7
بس اللي تعبني صج فقرة اجزاء اللعبه ف1 بجد جلست اكرف
اترجم القصه من موقع المطور واحاول ما اكرر الكلمات
بجد تعبت وزهقت وانا اسويه ، بس زين بحصل ثروات من وراه ه0
وصلتني تقييمات حيل حلوه وومشجعه على الموضوع، بجد فرحت فيها
طبعاً احتفظت فيها بجهازي، انا دايماً احفظ التقييمات احسها
شيء صادق ومميز ه6 ولآنها تعجبني حتى لو كانت فاضيه

يً الله بروح انفذ طلبات وكالتي، أجمع فلوس وكنوز وثروات ص1.



~

​

[/TBL]
​

 

[Nαncy ☀]

رد: Batool .. In the city!

[TBL="http://i847.photobucket.com/albums/ab37/StarLi9ht/for%20my%20posts/Batool-in-the-city_zps91af56d9.png"]

































[/TBL][TBL="http://i847.photobucket.com/albums/ab37/StarLi9ht/for%20my%20posts/Batool-in-the-city-b_zps5ee92d26.png"]

تعجبني صور الببغاوات، أحسها تجيب لي استرخاء
نفسي من الهموم والمشاكل ، مجرد أشوف ببغاء
أبتسم، أحب الببغاوات، ، وأحب ببغائي الموقّر قبل
أي ببغاء ثاني ، هالمخلوق مسوي جوّ
سعيد ف بيتنا، إذا البيت كله فيه طاقه سلبيه، فهذا
مصدر طردها بإذن الله وتحويلها إلى إيجابيه ..



السلام عليكم.. ت8
اليوم تكلمت عن الببغاء لأني بعلّمكم قاعده مهمه جدّاً
ومفيده ف اللغه، وفي تعلم جميع اللغات بإذن الله ث0
وطبعاً مو جايه اقول لكم ان الهمه والعزيمه ولاتدخلون دورات
وروحوا افعلوا كذا ولا كذا، ومن هالكلام ، لآ..
بإذن الله راح أقول لكم كلام عملي، وهو يشمل نقطه بسيطه
من تعلم وتحدث اللغه، لكنه بيأثر تأثير كبير ومفيد جداً
الالتفات له،

طبعاً وأكيداً النقطه اللي بتكلم عنها هي "النبرة الصوتيه"
أكيد كلكم لاحظتوا أنه لما تتكلمون مع احد ويردّ عليكم
تقدرون تحددون إذا كان هو متضايق ، أو رد عليكم بطريقه
سيّئه ، أو إذا كان مبسوط ورد عليكم بأخلاق حسنه،
وهذا أبداً مايستدعي انكم تسمعون كل كلمه قالها وتعرفونها
ومعناهها، مجرد أنكم تحسون ف نبرته وصوته ارتفاع
أو انخفاض ، أو نبرة واحد مو مشتهي يكلمك، واخلاقه قافله
أو نبرة واحد حيل متحمس وياك ، وأبداً مايحتاج
يكون أسلوبهم لطيف أو غير لطيف عشان تحدد هالشيء
تقدر تتعرف على مزاجهم من نبرة الصوت اللي يردون عليك فيها ض5

طيب أيش علاقة هذا باللغه؟ هذا هو محور حديثنا
أمس كنت أبحث عن شيء ف اللغه الألمانيه ، انصدمت
يوم شفت مواقع عربيه وصفحات ف الفيسبوك، بصراحه
كنت اتعلم من مواقع انجليزيه لأني حبيت أتعلم من كورس ف تطبيق
دولينجو، وأعزز معلوماتي من المواقع الانجليزيه لأني لما ابحث عن
دروس ماكان يطلع لي بالعربي، المهم سُررت جداَ لما لقيت مواقع عربية ر6
ومن خلال البحث لقيت موضوع "تعلم صيغة الأمر في اللغه الألمانيه"
وكنت ناويه أتعلمها من زمان لأنه الكورس مال دولينجو طويل
ويبغى لي وقت على ما أوصل لصيغة الأمر ، فدخلت وقرأت الموضوع

لاقيت ف الشرح أن صيغة الامر تتشابه مع صيغة السؤال التقريري! (نعم / لا)
والفرق مابينهم يكمن في نبرة الصوت و في علامة الاستفهام وعلامة التعجب
فلما تتكلم مع أحد تعرف إذا هو يأمرك ولا يسألك من نبرة صوته،

Schreiben Sie den text!
هنا نلفظ الجمله بنبرة عاليه ف البدايه ومنخفضه ف النهايه عند التحدث لللإدلال على الامر!

Schreiben Sie den text?
هنا نلفظ كلمة den text بنبرة أوضح من نبرة Schreiben
ويكون الفعل باين من طريقة لفظك له أنك تسأل!

مثال بالعربية:
اكتب النص!
نلفظ اكتب بطريقة الملوك والقاده المتأمّرين

هل/ أَكتُبُ النص؟
^جبت كلمة أكتب لأن كثيرين يلخبطون مابينهما،
بغض النظر أن الفعل الأمر همزته همزة وصل، والمضارع قطع،
صيغة السؤال لابد يكون المسؤول عنه هو اللي فيه نبرة أعلى!

مثال باللغه الإنجليزيه
Clean the house!
^من الواضح أن كلين بتكون أعلى نبرة

What is your name?
^هذا ابسط مثال واقربه للواقع
عشان تتذكرون كيف انسألتوه وتقارنون
وهالامثله حطيتها عشان تقرأونها بصوتكم
وتحاولون تطبقون رفع النبره وتشوفون مدى استيعابكم له!

نيجي إلى نقطه ثانيه، بما أني جبت اللغه الانجليزيه
على الطاري، قلت خليني أفيدكم بشي فيها س5
مرة أختي قالت لي عن نقطه تعلمتها هي ف معهد ،
لما يسألونك
Do you drink tea or coffee?
هذا السؤال له احتمالين، وطريقتين للاجابه حسب الاحتمال!

الاحتمال الأول!
أنهم يقصدون انهم يعرضون عليك أن تشرب، سواءاً شاي أو قهوه
وهنا عليك الإجابه بنعم أو لا!
أيش يدل أنهم يقصدون هالشيء؟ لما يلفظون "tea or coffee"
بنفس النبره بينما "drink" يلفظونها بنبرة أعلى وأوضح
Do you DRINK tea or coffee?
^طبقها بصوتك دلوقتٍ ،
الاجابه أكيد بتكون إما: نعم أو لا، وعاد لك أسلوبك في الاجابه،
Yes, please!,
No, Thank you
على حسب المزاج تبي تشرب ولا لا

الاحتمال الثاني!
أنهم يقصدون أنك بتشرب معاهم بالفعل،
بس يبون يخيرونك هل انت تريد شاي أم قهوه؟
فهنا راح يسألونك بحيث يعطون كلمة "tea" نبرة معينة
وكلمة "coffee" نبرة أخرى، وكلمة "drink" بتكون نبره عاديه

Do you drink TEA? Or coffee?
^وطبعاً هذي الصياغه بس عشان أقرب الفهم
ولا بتكون الكتابة هي نفسها اللي باللون الكحلي فوق ث0

نيجي لمثال باللغه العربيه ونختم معاه
هالمره بجيب المثال بالعاميه وانتوا متأكده أنكم
راح تفهمون قصدي ، لما أقول ،

تبغين؟ شاي ولا قهوه؟
تبغين شاي؟ ولاقهوه؟

علماً بأن ف الفصحى لما نكتب
هل تريد شاياً أم قهوه؟ <هذي دائماً معناهاا
التخيير، لأنه فيها كلمة "أم"
ولما نكتب
تريد شاياً أو قهوه؟
^فهذي اللي معناها التقرير عن الفعل نفسه


إن شاء الله ما اكون تفلسفت بزياده
وتكونوا فههمتوا قصدي، بس ضروري جداً
أنكم تجربونها بصوتكم عشان توصلون للهدف
الي بغيت أوصله لكم ت9


انتهت الدروس الخاصه




~

>فآصل إعلاني :

أيوه أمول، جهازي ويندوز 7 مع الاسف،
علشان كذا بسوي ترقيه، أهلكني كل شوي يخترع لي
مشكله من عقله
+ إذا عجبتكم دروسي الخاصه ف اللغات
فأنا لا أمانع من المساعده أي شرح ولا فلسفات
وقاعدات أنا بالخدمه
& هالتدوينة أُهديها لروبيانتي اللذيذه سمانثا


​

[/TBL]
​

 

[Nαncy ☀]

رد: Batool .. In the city!

[TBL="http://i847.photobucket.com/albums/ab37/StarLi9ht/for%20my%20posts/Batool-in-the-city_zps91af56d9.png"]

































[/TBL][TBL="http://i847.photobucket.com/albums/ab37/StarLi9ht/for%20my%20posts/Batool-in-the-city-b_zps5ee92d26.png"]

السلام عليكم..

هالايام احس عندي فرط الشهيه
سبحان الله كله ابي آكل وبسرعه اجوع، قمت اشك
بنفسي ، كله من الدكتوره عطتني فاتح شهيه
تبي تزيد وزني مالت عليها ، بس افتح محادثه مع
جهينه يجيني شعور غريب بالرغبه الشديده بالاكل
بجد احس هالايام ممو كافيني الاكل أبي آكل واجد
صرت متوحشه ، هذا غير عن الاكل اللي يجي
مع المشاهده، ذا مايعتبر أكل طبعاً لآنه غالباً حَب >مال همتارو
ولا كورن فليكس ودايماً يكون مع شاي، فينهضم بسرعه
بجد احس الشاي فاتح شهيه درجه أولى يخليك ماتحس بالشبع أبداً
طبعاً انا الحين، ومن زمان ساحبه عليه فاتح الشهيه ذاك
ومارحت اصلا حق موعد الدكتوره المعفن لا وجايبة
لي حقنه دمويه ومتوحشه تقول لي خذيها كل 3 ايام
اغربي عن ويهي، سحبت عليها ووتهاوشت مع امي بعد
امي مصرة اني اخذ هالحقنه، بس يخي مابي والله انها تعور
قال فيتامين ب قال ، ، أخذت أول وحده بس
والباقي سحبت عليهم واليوم رميت العلبه ف الزباله <قميتها 13 ريال بس ماتسوى
المهم اليوم رحت السوق وخسرت امي فلوس واجد
يخي ليش كذا اسعارهم حيل غاليه <ولسه ضافه نص السوق ف غرفتها
تخيلوا لو اروح سنتر بوينت -اسم محل مشهور عندنا- هذا اسعاره
معقوله صح انها مو رخيصه بس على شي يسوى وقماشاتهم كويسه
ماتخترب بسرعه ومايزهق منها الواحد بسرعه، مو مثل اللي شريت الحين
بس شنسوي لازمم نشتري اشياء ماتسوى، كله من هالمدرسه
تخيلوا فيه محلات مسوين نفس المرييول القديم بس قاصين الاكمام
حقينه -.- وموديلاتهم معفنه وخايسه، انا قلت بلبس تنوره وقميص
اصلا الاساسي تنوره وقميص للثانويه بس هم مدري مين قال لهم البسوا كذا
:× ، والله اشتقت حق صديقاتي ف المدرسه، هم ثلاثه بس
لآن اغلب صديقاتي مالين مصالح مالت عليهم بس ح3
الثلاثه دولت هم الحقيقيين المهم دولت الثلاثه لما اصير معاهم
اصير بتول حقت البيت والهياط والخباله، اصير غير رسميه فجأه
هذا لاني حسيتهم قريبين من عقليتي بشده
ومن ضمنهم صديقتي ذيك اللي قلت انها مصرة أن ليو
ولد مش بنت ، هالبنت جننتني اقول لها ليو بنت
وشفناها لابسه فستان لا مو مصدقه اعمل لك ايه علشان تسدئي؟

بس وخلاص كذا،
ماعندي فاصل بعدين بسوي فاصل



~
​

[/TBL]​

 

[Nαncy ☀]

رد: Batool .. In the city!

[TBL="http://i847.photobucket.com/albums/ab37/StarLi9ht/for%20my%20posts/Batool-in-the-city_zps91af56d9.png"]

































[/TBL][TBL="http://i847.photobucket.com/albums/ab37/StarLi9ht/for%20my%20posts/Batool-in-the-city-b_zps5ee92d26.png"]

هلا والله..

جايه اليوم أقرقر عشان أغير من أجوائي النفسيه
تدرون شنو الشي اللي بجد مايعجبني؟
# معاملة الجميع بنفس الاسلوب.
^هذا مو يعني انه الاسلوب يكون سيء!
لما يكون سيء هذي أرحم شوي
أما لما يجي حد يعامل كل الناس بنفس الطريقه
يسوي انه حبوب وطيب معاهم ومدري أيش
لدرجه اتحمس وافكر هالشخصه ذي انا لي
مرتبة شرف عندها ومن اصدقائها المفضلين
وفجأه كذا هي تفضل شخص على كيفها انه
هذا صديقتي المفضله والبقيه كذا يحسون انهم ولا شي
أبداً أبداً هالنوعيه من البشر ماتعجبني على الاطلاق د1د1

إذا عندج صديقه مفضله، حتى لوكانت الاسباب
مجهوله، عامليها من البدايه بتفضيل ولطافه أكثر
مو بعدين كذا فجأه تقلبين علينا علشان هالصديقه الملائكيه ذي إب0

ولا فجأه ينصدم الواحد منهم انه ولا شيء بالنسبه
لهم ولا له تاريخ ولا أساطير ولاأمجاد ولا بطولات عندهم
بالرغم من كل معاملتهم اللي تشبه المجامله وقسم بالله
اللي يحس ف نفسه مثل كذا لايقرب مني
#أمزح ، قربوا مني بس يً ريت نكون عادلين مع الاصدقاء ك6

ليس من العدل أني أعامل صديقتي الموقره اللي أحس
انها أفضل الناس عندي والملائكيه وماا ارضى حد يغلط عليها
بمعامله طيوبه ومجاملاتيه واعامل صديقتي الثانيه اللي انا
ف الواقع ما اشتهيها بس ي الله خن نزيد عدد فيها
بننفس المعامله واحسسهم انهم كلاهما ناس عظماء عندي
وبعدين فجأه لو واحده منهم وهي الادنى مكانة عندي
أخطأت وكل الناس خطاؤون ، وخير الخطائين التوابين،
أروح أشهر سيفي بوجهها واعطيها كلام يخليها تكرهني
بسببه بس علشان ماتغلط على الآنسه الملائكيه المفضله عندي،
وحتى لو ملائكيّتي ذي ليست خاليه من الخطأ،

سالفه انصر اخاك ظالماً أو مظلوماً للاسف هالنوع مايطبقونها
انصر اخاك الظالم بنصحه والمظلوم بالدفاع عنه، مو
إعبد صديقك المفضل ظالماً أو مظلوماً

منجد والله

>لحظه ذكرت شي قالته أنين الذكرى مره
هو ماله علاقه بس ابي اقوله عن نفسي
مره قلتي يً أنين أن العرب كانوا جهله وماعندهم حضاره
وكلامج كان خطأ العرب كانت عندهم علوم وثقافات
طب وعلمم وجوه وكهانه ومدري ايش،
فالمراد بالجهل ضد الحلم وليس ضد العلم، هاالعباره
ياما علقت علينا أبلة الأدب من كثر ماحفظناها زي اسماءنا
عاد لايطول نقاشنا ترى ماعندي براهين واجد بس اني
مقتنعه بهالبرهان وهو كافي لي ح6



~

>فآصل إعلاني :
> فقرتكم المفضله ما اشتقتوا لها ؟ <انقلعي!

^
ذكرتني بأيام ابتدائي، فيه ببغاء دخل مزرعتنا
المهم لقاه اخوي A وجابه البيت وبعدين مات من البرد مسكين
وانا صجيت الدنيا صياح وقصوا علي قالوا لي بنشتري لج غيره
عاد على حظي اخوي Y شرا واحد لما دخلت 2 متوسط
+ أهم شي اختصرت اسامي اخواني عشان ماياخذون مساحه

^
أمول حتى انا اموت بسنتر بوينت حطي ناروتو يتسوق فيه
وانتد عاد انتوا الاولاد شهيتكم تيجي ببلاش ماتسألون عن شي *فيس ينحاش*

^
رينو ، من ذوقج والله، شجعتيني بجد ،
هالطقم بالذات كنت أحسّه عفره بس انا عاجبني سبحان الله ،
ويند، زين والله، أجل أنا احس مدونتي كلها حلطمه
ترانيم خفينا علينا يً بصمت، عوايدج تتابعين بنشره إخباريه مليئه بالهذره


​

​

[/TBL]​

 

[Nαncy ☀]

رد: Batool .. In the city!

[TBL="http://i847.photobucket.com/albums/ab37/StarLi9ht/for%20my%20posts/Batool-in-the-city_zps91af56d9.png"]

































[/TBL][TBL="http://i847.photobucket.com/albums/ab37/StarLi9ht/for%20my%20posts/Batool-in-the-city-b_zps5ee92d26.png"]

^ههههههههههههههههههههههههههههههههاي
كل ذا علشان هو يحب هورانج *لاحظو الشعر نفس هورانج*
أذكر ذاك الفيديو يوم جين يتحول إلى شيطان ويتقاتل مع هورانج
كان فيديو رعب على وقته أخوي الاصغر مسكين شاف
هالفيديو ف المنام تعقد منه بس جد كانت نظرات جين تخوف وعيونه الوحشيه ذيك

هالنكته الجميله من بنت خالي حاطتها ف الفيس
مره عاد توني افهمها شفتوا شلون

شخصياتي المفضله بتكن هم ليو وأليسا ولارس وشاو يو ، قلبي5
في شخصيات بعد احبهم بس مو المفضلين وهم باندا
وكوما شوي يعجبني وجين يعجبني وليلي احب حركاتها قويه
وأسكا بعد كانت قويه بس الحين مب حيل اعرف لها
جون كازاما تعجبني بعد قويه حيل!! فرحت انها رجعت
ف تكن تاق 2 إب6 همم كازويا عجبتني قصته كسر خاطري
تدرون احنا ف بيتنا لاجينا نشتم شي نقول عنه كازويا؟
لأن نكره شكل كازويا مقرف بشكل ولا القلب اللي بجبهته ذيك
وعبارته الشهيره اللي مااذكر معناها "كسا ما كا" >كنا نتطنز نقول سمكه
هيهاتشي أبو شعر أجنحه جات فتره ألعب فيه بس كذا أستهبل

تكن هي لعبه خالده وتحفه فنيه ع8



~

>فآصل إعلاني :
> بالنسبه لتعليقج أنين الذكرى ماراح احطه لانه جلطني
بس بقول لج : انا اتكلم عن الجاهليه وليس عصر الاسلام
نقطة على السطر.

​

​

[/TBL]​

 

[Nαncy ☀]

رد: Batool .. In the city!

[TBL="http://i847.photobucket.com/albums/ab37/StarLi9ht/for%20my%20posts/Batool-in-the-city_zps91af56d9.png"]

































[/TBL][TBL="http://i847.photobucket.com/albums/ab37/StarLi9ht/for%20my%20posts/Batool-in-the-city-b_zps5ee92d26.png"]

> أفف، اليوم سهرت علشان اذاكر الاحياء السخيف أ5
شربت قهوه بعد رغم آثارها الصحيه السلبيه علي
بس مضطره علشان اقدر اكمل ×.× ، المهم
يخي هذره واجد هالكتاب مدري شالهدف من وراءه،
خليه وخرابيط >< واندوبلازميه، والعضيات
والله سماجه الاحياء وشي ماله داعي من بين المواد -.-
المهم إن شاء الله اليوم أجيب درجات عدله
أحس اني زهقت ومالي خلق اذاكر أسئلة التقويم
بذاكرهم ف الفسحه

عادي عندي أذاكر رياضيات، إنجليزي، حاسب
فيزياء كيمياء أي شيء، إلا الأحياء!
أكرهه >< هو انا افتكيت من الجغرافيا علشان ابتلي
بالاحياء ولا أيه؟

لا عاد تخيلوا أبلتنا تتفلسف من اول يوم
وتقول يً بنات احنا مانبي طريقة التلقين
لان هذا الجيل يبي اهو يتعلم وخرابيط خرابيط
لين اخر شي تقول انا ادري الحين انكم مو معي
والهدف انه نخلي البنت تستنتج ، بصراحه
مادري وشدخل ذا ف ذا تفكر يعني احنا
مثل جيل المترفين ولا أسوأ حالاً أنه مانفهم شي
وعقولنا كله مفهيه تفكير غبي وسخيف ويستحقر
قدراتنا العقليه وذ يور سلف يو كريزي!

المهم جات على بالي سالفه، ذاك اليوم
قعدت اسولف مع صديقتي اللي تموت بالبلايستيشن
أقول لها في ناس يفكرون ان الالعاب تسيطر على عقول
اللي يلعبون وتخليهم كله مفهين وهذا اللي ف الالعاب هذا داعش
^تفكير ف قمة المدري ش اقول! المهم قامت تقول
إييه هذا امي تقول كذا، تقول تخلين اخوج يلعب، تخربينه

بصراحه يعني تسيطر على العقول يمكن نمشيها لكم
ان كنا من المتحيزين مثلكم، أما اللي ف الالعاب هذا داعش
ذي قويه عاد # ودي أصدق، بس قويه قويه ،

وفيه ناس يفكرون ان المسلسلات والالعاب والانميات
كلها مضيعه للوقت وفيه ناس تفكر الالعاب بس للبزران ف2
وناس وناس وناس وتفكيرات تنزل للمستوى الأدنى،
لكن بصراحه الدراسات أثبتت أن الالعاب تقوي مهارات التعلم
لاتنكرون عاد ث0 وشسمه بعد هذا نفر آينشتاين في يقول أن لازم
يكون فيه لعب مو بس شغل شغل واجد واهد نفر
وبعد ترى المسلسلات والالعاب ذي غالباً نتعلم منها
فكرة معينه تخليناا نغير طريقة تفكيرنا، مثلاً أنا
شفت ف مسلسل أن لما تشوف شخصين وتبي تتأكد
إذا هم يعرفون بعض ولا لا ، عطهم كاسين ماي
وشوف اذا يشربون بنفس الوقت معناها يعرفون بعض
ومرة شفت أنه لما نخلي خصمنا يسخر مننا ونظهر
بمظهر الحمقى أمامه ماراح يبذل جهده في مواجهتنا
لذلك هيخسر أمامنا ، بالله مو ذي الاشياء الحكيمه لزوم وضروري نتعلمها؟
ترى أنا احب استفيد من كل شيء، مرة مثلا
شفت انه لما تشوف شخص مطعون لاتسحب
السكين ممكن يزداد الوضع سوءاً
وفي الالعاب دايماً يكون فيه استراتيجيات للخروج من
المواقف الصعبه مثلا هو يجيك ركض متحمس
تقوم تطعنه مو حاس فيك تجيه من وراء وتخنقه
مو تقول له السلام عليكم وتخليه يقتلك
بعيد عنك وصعب تخلص عليه برصاصه ابحث عن أقرب برميل واطلق عليه
أو مثلاً واحد ماسك رهينه تطلق عليه نار ف نقطة ضعفه
وهي غالباً الكتف من وراء علشان يترك سلاحه تلقائي وتهرب الرهينه
قريب حيل منك خليك شجاع واضربه بالسلاح اللي عندك خليه يتألم على اصول
^استراتيجيات عنف ذولي ، حشى

المهم عاد اقتنعتوا ولا لا كل الاشياء الترفيهيه مفيده
واللي يشاهد/ يلعب بس للترفيه هذا هو اللي يضيع وقته
مفروض يشغل حواسه السته ويتعلم من اللي قاعد يشوفه


أراكم في قرقر ثاني، مابكتب فاصل لآن مالي خلق تعبت من الاحياء



~




​

[/TBL]​

 

[Nαncy ☀]

رد: Batool .. In the city!

[TBL="http://i847.photobucket.com/albums/ab37/StarLi9ht/for%20my%20posts/Batool-in-the-city_zps91af56d9.png"]

































[/TBL][TBL="http://i847.photobucket.com/albums/ab37/StarLi9ht/for%20my%20posts/Batool-in-the-city-b_zps5ee92d26.png"]

> شفتوا بداية التدوينه السابقه؟
هيهيهي، نفس الوضع ، سهرت عشان اختبار
الحديث وافحط جبدتي بالاخير مافيه اختبار لآن ماعلينا
الله ينتقم من ابلة الحديث ، لعبت علينا نتعب على الفاضي -.-

حبيت أبارك حق روبيانه مدونتها الجديده بعد دهور من السحب
على القديمه ه6 .

إيه صح، يوم الاربعا لعبنا لعبه سخيفه وتهاوشنا منها
كانت مجرد مزحه، تعرفون لما احد يصافحك كذا وفجأه
يهز يدك بقوه يخلي يدك تألمك؟ نفس الحركه ، وتسويها صديقتي
عاد حتى انا ماسلمت من مزاحي قمت وعطيتها كف خفيف
كذا من قبيل المزاح ، تدرون أيش سوت؟

مسكتني وجابت أغضب وجه لها وقعدت تقول
إن ماخليتيني أضربك لأسوي الحركه نفسها مره ثانيه
وانا اضحك عادي الدنيا ممزح بس هي كان حيل باين انها جاده

انزين وبعدين سوت الانتقام حقها وانتهت السالفه ببياخه
وسماجه، عاد انا ماجاز لي أنه لما سوت لي الحركه أنا قبلتها
منها، لكن لما ضربتها بمزح ماقبلت مني المزح ، وضربتني كانتقام
واليوم جات تقول لي ليش ومدري شنو، قلت لها انتي ضربتي كانتقام
حتى مو قاعده تضحكين ع الاقل انا ضحكت، قامت تقول انتي تبين
تفهمينها كذا وبكيفج، وبعدين مشت، أنا حسيت حركتها
كأنها ماتبي أمزح وياها بهالشكل، عاد انا كل مزحي معاها زي كذا
حسيت بشي مدري شلون، أني مرفوضه وحركتها أهانتني صراحه
كان عً الاقل خذت الامور بمزح يعني، وبعدين همها الأخير
تطلع نفسها براءه وانا اللي فهمت على كيفي وعصبت وزعلت
وانا الغلطانه، هذا دليل اللي مايبي يعتذر أو مايبي من الاساس
يتصالح، يبي بس يهين ويحسسك انه مستغني ومدري ايش . د0

استغربت حيل تصرفها ، بس ما ذليت نفسي ! رحت
حق صديقتي ذييك اللي تشبهني وتتكلم انجلش وتلعب سوني! #اهم حاجه
وقعدت اسولف وياها، وانبسطنا ، أنا احب الاصدقاء اللي مايكون بيني
وبينهم ذكريات سيئه، ج4 أفضل من اللي حتى المزح مايقبله
شخص محادثتي معاه قليله لكنها مليئه بالايجاب أفضل
بمليون مره من شخص كل يوم يسيء ولايعتذر، ولايعترف
بخطئه على الأقل!


أراكم في قرقر ثاني، والفاصل برفعه بعد شوي



~




​

[/TBL]​

 

[Nαncy ☀]

رد: Batool .. In the city!

[TBL="http://i847.photobucket.com/albums/ab37/StarLi9ht/for%20my%20posts/Batool-in-the-city_zps91af56d9.png"]

































[/TBL][TBL="http://i847.photobucket.com/albums/ab37/StarLi9ht/for%20my%20posts/Batool-in-the-city-b_zps5ee92d26.png"]

لحد الحين ماوصل هالفاصل

> تقريباً هالاسبوعين أكثر أسبوعين مريت فيهم بضغط
نفسي عصيب جداً ولازلت صامده ومقاومهه واحس نفسي قويه
بجد مستغربه من نفسي بس الحمدلله صراحه ماحسيت بتوتر كبير
تجي فترات احس بتوتر يخليني ما اعرف ايش ابي بالضبط
احس اني ابي اختفي من الدنيا فتره وبعدين لما يتعدل الوضع ارجع
احس اني حيل متفشله من نفسي واحتقر نفسي، مين مر بهالشعور ؟
شعور صعب والله ماراح تفهمونه الا اذا جربتوه، الله يبعده
عن الجميع

بقول لكم الاشياء اللي هامتني هالحين،
أول شي سالفة ذاك اليوم، لحد الحين أثر السالفه مستمر،
أنا قررت وقلت لنفسي سالفه سخيفه وماتستاهل، وسويت انجاز
رحت مع صديقاتي وهم مجتمعين كلهم من ضمنهم ذيك البنت،
بس هي ماغيرت من نفسها وظلت حاقده تخيلوا تتكلم ولا كأني
موجوده ف المكان حتى لاتكلمت ماتطالعني، بس مرة بالغلط طالعت
انزين انا تصرفت طبيعيه وهذا قراري، انتهت فترة الزعل
إي نعم، أنا ازعل فتره بس بعدين أسامح، قلبي كبير قد الحوت

شي ثاني حصل اليوم هو موقف أبلة الرياضيات اللي كل الصفات
السيئه تجتمع فيها، حيل احرجتني، كنت بختبر فيزياء مع فصل 3/4
عشان الابله رفضت تختبرني ف الحصه، ومو بس انا في 2 غيري
يبغون يختبرون، طيب الابله قالت السلام عليكم ودرعمت بنص الدرس
حيل ترددت وماعرفت اقول لها بس بعدين كافحت ومسكت الحاسبه والقلم
ورحت لها واقول لها: أبله! أبله ، أبله ، قلت لها فوق الخمس مرات
ولا ردت ولا حتى التفتت علي ولا نظرت لي، أهانتني بما فيه الكفايه
حتى ماتقول نعم، ثم قالت : بتروحين حق ابله سلوى؟ لا!!
حيل انزعجت من هالكلمتين صراحه تصرف في أرذل مستويات الأدب!
أهانتني وحسيتها عنصريه منها، قلت لها لا بروح حق ابله رباب
# أكيد مايأثر لو قلت لا أو ماقلت، بس ما ابي اكون ذليله بكلمتها الخايسه ذي
رجعت مكاني متفشله ومنحرجه وانزعجت ، حيل انقهرت ليش هالمعامله؟
على أيش بالضبط؟ وتخيلوا اكتشف انها مطلعه وحده ثانيه تختبر! شفتوا
التحيز شلون؟ رحت لأبله رباب بنهاية الحصه مارضت تختبرني لأن
مفروض اختبر مع الفصل هم خلصوا خلاص ايش الفايده؟
كلمنا ابلتنا "سلوى" وقالت يوم الاحد اختبركم قلنا لها ذاكرنا
والخطأ من ابلة الرياضيات، ومافي فايده، بس حسبي الله
إن نقصت واحد بالمئه من الدرجه الكامله بحط اللوم عليها
وعلى اسلوبها السافل! قهرتني وقسم بالله، والله ما اخليها بحالها
بكلم المديره عنها :| أكره نوعها بقوه،
I Hate you the MOST! ><"

انزين نجي للشي الثالث وهو طبعاً الاختبارات والسفر
اللي خرب جدولي كله ، ومايحتاج اتكلم في هالشي


بقول لكم الشيء اللي مخليني صامده ومبسوطه
في عندنا توأم كوميدي بالفصل ، يونسون والله،
ما احبهم كإعجاب مثل البعض! لكن لأن حيل شخصيتينهم جميلتين
ويسألون عن غيرهم ويهتمون لأمره كأنه شي يخصهم هم حيل طيبين ^_^1
وبقول لكم سالفه فقعت عليها ضحك يوم صارت
ف النشاط قالت لنا الابله أيش تبون يكون نشاطكم؟
قلنا العادات والتقاليد، عاد مجموعتنا عشان التوأم قلنا بنسوي
عن الهند، وفي مجموعه خذوا اليابان -كان ودي وياهم بس ماحصل -
، وفي مجموعتين تهاوشوا على كوريا ، انزين
قامت وحده من التوأم تمزح - اساميهم زينب وزهراء- زهراء قالت:
أنا عندي حل! ناس يسوون عن كوريا الجنوبيه وناس عن الشماليه !
وقسم بالله ضحكت ضحك مب طبيعي ذيك اللحظه

عاد من زمان بغيت اكتب لكم هاللحظه عشان تصير خالده
سواءاً تضحك ولا ما تضحك أهم شي انها ضحكتكني موت بوقتها

.

~




​

[/TBL]​

 

[Nαncy ☀]

رد: Batool .. In the city!

[TBL="http://i847.photobucket.com/albums/ab37/StarLi9ht/for%20my%20posts/Batool-in-the-city_zps91af56d9.png"]

































[/TBL][TBL="http://i847.photobucket.com/albums/ab37/StarLi9ht/for%20my%20posts/Batool-in-the-city-b_zps5ee92d26.png"]

من الفضاوة سويت لي خلفيه حق اللابتوب ث0
مقاسها 1366 × 768 للي يبغاها من هنا أو هنا

^سويت امتدادين أبي أقارن بين الأفضل، لأنه مره
سويت خلفيه وطلع الأفضل لها امتداد JPEG أتوقع بسبب الباترن
كان يطلع مغبش على امتداد PNG إب6

بصراحه الواحد من الروقان يقعد يبدّع، سواءاً من الناحيه الايجابيه أو التوهّقيه
ذاك اليوم قلت حق كورا غيري اسمج إلى هتلر واخليه على حسابي واعطيج 50 تون،
المشكله عادي عندها قبلت بالاسم بس عشان التون وانا اللي توهقت

في الصفحه الجايه بغير الخلفيه احس زهقت منها

> فاصل إعلاني :

دايموند: حياج الله، حبيت أشوف تعليقج على التدوينات بعد ع8
وآنتد: مافيني شي بس لأني أحب نمط الألعاب القديمه
يعني الألعاب حقت النمط الجديد مثل كيل زون وأنشارتد خذت وقت على ماتقبلتهم
فللحين أحس اني أفضل النمط القديم ، بالرغم من ذلك عجبني الجديد ي
جين كازاما أحبه بس ما اعرف ألعب فيه صعب
ههههه عجبني ال"Slang" ، ذكرتني ب جو هاردي، صاحب السلانقات .

لج

كنت بأحطلج تقييم بس دست أنتر ورآحلك مقطوع

بأتهآوش هنآ اذن
"أنآ أشوف أنُ الصديق الحقيقي هو الي نتهآوش معآه مو الي
نتكلم معآه بطيبه ولو كنآ نجآمله كتير فلـآزم يعرف أنه
مو مهم بقدر الشخص الي نتهآوش معآه

وإلـآ ذي مشكلته
ليش يعطي لنفسه أهميه زآيده

بعدين الصديق بالأفعآل مو
بالأفوآل يعني لو هذول الصديقتين اثنينهن محتآجآت مسآعده
مني أكيد رح أسآعد الي أفضلهآ وبكذآ تعرف أهميتهآ عندي

"

ترانيم: خطأ فادح منج إنج تتهاوشين ويّاي
ماتدرين أني أكبر نشبه عملاقه في العالم؟
نرجع لسالفتنا، خطأ كلامج، الصديق الحقيقي هو
اللي مانتذكر إننا بحياتنا تخانقنا وياه إ
بالرغم من إنه تهاوشنا معاه مره أو ثنتين، إلا أن إإيجابياته
غطت على سلبياته فلم تعد الذكريات السلبيه معاه موجوده!
ودايماً نيته صادقه معانا ف هو مايبحث عن التصرف اللي يرضيه فقط
بل اللي يرضيه ويرضي صديقه من جميع النواحي ،
اللي كثير نتهاوش وياه مهما كانت المحبه اللي بقلوبنا له
لازالت هناك ثغره أمنية فيها، نبدأ نتحسس من بعض تصرفاته
أقل شي ممكن يؤثر على علاقتنا لأن فيها ثغر ومش مصمتة ومحكمة الإغلاق!
هذي نقطة، النقطه الثانيه صح بالأفعال وهذا اللي كنت أقصده
لما أتهاوش مع صديقتي ما أبي صديقتي الثانيه اللي طول الوقت
تقول لي أحسن كلام تتخلى عني في هالنقطة بفعلها اللي هو وقفتها
مع طرف واحد فقط! هذا يسمونه ازدواجية المعايير!
إن الخطأ مقبول من طرف واحد فقط ومرفوض قطعياً من الطرف الثاني!
وإذا ساعدتي اللي تفضلينها انتي موتبينين لها قيمتها
بل تبينين عدم أهمية الثانيه عندج، إذا تفضلين بنت على الأخرى
فضليها في شي ثاني مو شي حساس مثل الخناقه والسوالف القابله للكبران !
أتمنى وضحت الفكره، ويمكن ماراح توضح لج إلا بعد ما تجربينها
أو بما إن أعمارنا الحين متفارقه يمكن لاكبرتي تتوسع معرفتج فيها ث7
إنتهى النقاش، واستمتعت اني وضحت فكرتي بصراحه ك5.

هارونا: تسلمين يً ئلبي ء6،
وعادي شوفي انا اللي صرت متأخره بالرد عً التعليق

​

.

~




​

[/TBL]​