فخر المدونين كن قوياً ،، فالحياة تميت الضعيف قهراً (1 زائر)

[A S T E R]

​

كان في كلام ببالي لما شفت التدوينة كاملة، وحبيت أعلق عليها اذا ما عندك مانع ​

ليه ليكون فيه مانع ؟
كثير انبسطت انك قرأتِ الكلام كله وعلقتِ عليه @أجنحَة الحريّة

وهيني قلت رح أشرحلك أكثر حتى تفهمي المقصود من الكلام
​

ممكن تشوفي الاتفاقية تحريض، لكن انا بشوفها حلول إنسانية لكثير قضايا تكسر القلب، اذا فكرنا بأسباب بعض القوانين.​

انا ما راجعت كلامي الي كتبته قبل سنوات بس بتوقع شرحت الاتفاقية وماهيتها ومين القائم عليها واهدافهم الواضحة للعيان
هم ولا مرة بخافو علينا وعلى مصلحتنا وعلى حقوقنا
زي ما حكيت هم بس بستغلو مثل هذه الحوادث التي تصدر من اشخاص ضعاف نفوس وضعاف ايمان لحتى يهاجموا الاسلام ويقولو بدنا قوانين جديدة لتحرر المرأة
المرأة لا تريد تحرير ولا قانون يحميها ،
ولو على كلامهم بدهم يحمونا كان بعترضوا على الاحداث التي تصير بحق الاسيرات !!
سواء عند الاحتلال او عند السلطة
طب ليش هالجماعات لا تهب غير بس يكون الي عامل التعنيف بس زوج او اب وغيره؟
اما لو كانت الدولة او اليهود ، والله ما بتلاقيلهم صوت ولا بقولو المرأة معنفة وبدنا نسن قوانين ضد السلطة ؟!!
عادي بضربو النساء وبسلموهن للاحتلال كمان
هو هاد ما اسمه عنف ؟
​

هاد هو مسمى " العلمانية " لما الدولة تنفصل عن الدين وتحط قوانين وأحكام بغض النظر عن كل الأديان المتنوعة بشعبها
والمسيحين عانوا منها قبلنا بسنوات كتييرة، لما بدت العلمانية عندهم بالغرب وكانوا يعملوا نفس ردة الفعل عنا، فـ هالحركات مو ع الإسلام بس​

مية بالمية كلامك ، ا
لعلمانية فصل الدين عن الحياة وصحيح الغرب بس نهض أقصوا الكنيسة وخلو الناس بس تتعبد بالكنيسة
ورح احكيلك شي ، حاليا تعرفي لشو بهدفوا ؟
انه خلص تصير مجتمعاتنا علمانية بحتة ويصير الواحد يفوت يصلي بالمسجد وبس يطلع منه يعمل شو ما بدو ،
لهيك بدهم يوصلونا بهاي القوانين
او انه البنت تعمل شو ما بدها
​

أعظم دولة كانت وستبقى هي الدولة الإسلامية، وان الإسلام رتب حياتنا كلنا من الضياع وأكرم المرأة
وأعزها بعدما كانت البنت يتم وأدها من صغرها، وتاريخ الكرة الأرضية كامل يذكر كتير من العنصرية
والظلم ضدها من كل بقاع الارض، فــ هو الوحيد اللي عزها​

وبحب ابشرك رح ترجع الدولة الإسلامية لانه هو وعد من الله والرسول بالأدلة
ورح ترجع للمرأة حقوقها ، ومش بس المرأة ، اي شخص حقه ضايع
​

بس الإسلام بالوقت الحالي هلأ وينو فينا؟
صار عند فئة كبيرة مجرد لقب منورثه، واننا مسلمين - رفع عتب وتقاليد-
اخذناها من اهالينا اللي الله اعلم كيف تلقوها هل بطريقة سليمة ولا غلط بغلط؟!
وما بيعرفو بالدين غير الأشياء اللي بتعجبهم بس [ مثنى وثلاث ورباع ]
[ والرجال قوامون على النساء] ، [ وللذكر مثل حظ الانثتين ]
وهالثلاث امور مفسرينهم وفهمانينهم غلط، ومن هنا بدأت المشكلة​

صحيح اتفق معك ،،
للأسف فئه كبيرة جدا بعيدة كل البعد عن الدين ، بتلاقيهم في كل دولة من دولنا
وبتلاقي الفهم السطحي للآيات والاحاديث وتفسيرها على هواهم
ولكن يا اختي ،
هل الحل بأن نسن قوانين تخالف شريعتنا من اجل حل المشكلة ؟
لا طبعاً

لأنهم هم بالبداية بخلوها انه عشان يحموا المرأة وبالبداية بظهروا بعض الامور عشان تجر وراها الويلات بعد ما يشوفوا الناس تقبلت اول كم قانون
بعدها بصيرو ينفذوا كل القوانين لحتى تتمرد المرأة على زوجها واخوها وغيره

بس والله الخير موجود في الأمة الاسلامية ودايما نشوف امثال الآباء الي بحبه بناتهم وبخافوا عليهن او اخوة او ازواج
وعلى العكس كثير بنشوف ازواج مظلومين مع نسائهم ،
ما بدنا ننكر هالشي ، وما حد يقول انهم قلال ، صدقوني كثار كثير بس الإعلام عنا موجه حسب ما يخدم مصالحهم وبركزوا على قضايا المرأة وما بركزوا على قضايا الرجال ، لو هم فعلا بخافوا على مجتمعاتنا المفروض يسنوا قوانين تحمي كل الفئات مش بس النساء ،
بس هي واضحة اهدافهم
بس بدهم يطلقوا العنان للنساء في مجتمعاتنا لتتمرد وينتشر الانحلال ،
لماذا ؟ لأن المرأة هي اساس المجتمع لانها هي صانعة الأجيال ، لما يخربوها بخرب المجتمع
​

وهي النوعية، بحياتهم مارح يعزوا المرأة، يفهم انه ملك على الأرض والنساء خلقوا ليكونوا عبيد عنده
يبدل بينهم كذا مرة عن لهو وليس عن سترة، وناسي شروط اذا كان عنده القدرة ليأمنهم، او ليعدل حتى ولن يعدل..
واذا قرفت عيشتها معه وطلبت الطلاق، يطلع عيونها وما يطلق لحتى تتنازل عن المتقدم والمتأخر
وتسامحه بكل شي امام المحكمة، وقتها يعوفها..

وفي منهم اللي ما يقدم لـ عرضه شي، ولا يشوفوا منه خير يتركهم يدبروا اكلهم وشربهم ولبسهم لحالهم
لكن يبقى براسه انه رجال وان رقبتهم بيده يخنق ويرخي بمزاجه وعليهم طاعته، هذا اذا ما تطرقنا للتعنيف
والجرائم اللي عم تصير من طرف [ الأهل او الزوج ] فما بالك من طرف مجتمع وغريب؟
فـ في منهم مجبورين يطلعوا يشتغلوا رغم وجود رجال عندهم، وبراتب مزري ومعاملة مقرفة
وإهانة كونها امرأة وهي تحاول تعيل حالها وتثبت نفسها​

زي ما حكيتلك ما بنكر وجود هذا االكلام في كافة مجتمعاتنا بس شو دخل الدين ،؟
هون هو السؤال ، الخلل في الاشخاص مش بالاحكام الشرعية العادلة
تعرفي شو الحل ؟
الحل ببساطة انه تكون قوانين صارمة عند الطلاق ،
انه يضلهم ورراه لياخذوا النفقة من الرجل ، وعن التعنيف ، انه يحبسوهم
بكل بساطة ، بس مش انه يحطولنا قانون مخالف لحكمنا الشرعي عشان يحمونا ؟
وطبعا مش اي وحدة تحكي جوزي ضربني تتصدق لانه في كثير كذب بحدث ومبالغة
​

ولهاد اليوم في عائلات بتحرم بناتها من حق التعلم! وبيتم تعليم الطفل انه يقول لإخته " مكانك بالمطبخ! "
او كزعل الأهل لما تجيهم بنت وهم يفضلوا الولد، ويفضلوا الأحفاد من طرف اولادهم الذكور اكثر من الإناث
والعنصرية مستمرة، في قبائل مسلمة عنا يعملوا كل تعاليم الدين إلا الورثة! ما يعطوا البنت عشان ما يستفيد زوجها
فـ هل التزموا بدينهم والوصايا؟ هل حدا عم يعمل فيها؟ إلا من رحم ربي

لولا الإنحطاط اللي وصلت لها البشرية والأشكال المريضة، ما كنا وصلنا لهون​

بخصوص التعليم ، هو خطأ انه يحرموها بس لانها بنت
بس هو بشكل عام ، الرجل بحق له انه يمنع زوجته او بنته او اخته انها تتعلم لانه بخاف عليها مثلا
او ممكن هو شايف ما بلزم
عادي جدا
لانه بالنهاية التعيلم مش شيء اساسي ،
وبما انه خروجها من المنزل يتطلب الاذن من وليها فلازم تطيعه اكيد يا سلوى حتى لو حابة تتعلم ما فيها شي تطيع في هاد الامر
ما تعرفي حادثة المرأة الي مرض ابوها وزوجها بجاهد ، فبعثت للرسول تستأذنه تطلع تزوره فقلها الرسول عليه الصلاة والسلام لا
بعدها توفى ابوها وبعثت تستأذن انه تروح عشان توفى وكمان قلها الرسول تقعد ببيتها
مع اني متأكدة انه الصحابي ما كان رح يمانع انه الرسول بحاله يأذن لمرته بالخروج
ولكن ،،
أتعلمي الحكمة من هذا الموقف والي لازم كل نساء المسلمين تفهمه لانه نساء اليوم بصراحة - بخزو - في هذي الشغلة ،
ولما الزلمة يقولها ممنوع تروحي هذا المشوار تقيم الدنيا وتقعدها وتجبرو يوافق او تطلع غصب عنه !!
هل هكذا الإسلام علمنا ؟
هذا الموقف بعلمنا ااهمية اخذ الإذن من الزوج او الاب او الاخ ،، مين ما كان وليها
وعليها طاعته اذا قلها لا
واذا قلها ممنوع تتعلمي عادي بحقله

ومثل هذه الافكار المزروعة في عقول البنات من ناحية حق التعليم ، هي من اثار النسوية والافكار الي جاءت من الغرب
ما تفكروا اني ضد التعليم ، لا طبعاً ، بس في اشي اسمه حكم شرعي
واذا الوحدة ابوها او زوجها مو مقصر فيها ومانعها من امر معين سواء تعليم او غيره ، وين المشكلة ؟

وبخصوص التعليم بالوقت الحالي ،
كلنا اخذنا اثم حتى وان كنا مجبورين وانه فش جامعات غير مختلطة
الجامعات في ظل الدولة الاسلامية غير مختلطة
والاختلاط فقط لحاجة يقرها الشرع واذا بدكم بفصلها هذه الحاجات ولكن التعليم مش من ضمنها
لهيك كلنا اثمين انه تعلمنا في جامعات مختلطة ، ولكن نسأل الله ان يغفر لنا وان ينفع بنا في علمنا
ولازم طبعا الي بدو يدخل التعليم يلتزم الاحكام الشرعية وهو بالجامعة ،
ولكن ،
هل بتشوفو التزام يا جماعة ؟
قلة الادب مش طبيعية في الجامعات سواء مع زملائهن او اساتذتهن،، الا من رحم ربي
فبصراحة انه الاب يمنع بنته من التعليم في هذه الايام حتى وان كان يعلم بأنها لن تخطئ ولكن حفاظاً عليها من هذا المستنقع ،، فيحق له ذلك طبعا
​

ممكن ما يكونوا ضد الإسلام، لكن ضد اللي عم يشوهوه!

فـ انا مع ان البنت تأمن مستقبلها وتحمل مسؤولية نفسها، وما تحط أملها وإنقاذ حياتها بـ الزواج إلا من رجل حقيقي!
عنده دين وخلق، ما يكون زواج عشوائي لأي حد خوفاً من العنوسة او مشان يستر عليها ويرعاها​

لا يا اختي ولا مرة ضد الي عم يشوهوه ،
هم ضد احكام الاسلام وبدهم يخلو الناس تستسيغ مثل هذه الاحكام البعيدة كل البعد عن ديننا
مش غلط البنت تشتغل ومش حرام ، ولكن في حدود
بس الاتفاقية ما فيها حدود
​

فــ انا مع قانون المساواة كـ دعم وتعزيز لها بالعمل، لاننا بالزمن الحاضر صارت مضطرة لهالشي
من هي وعمرها 16 سنة! تدرس وتشتغل متل الشب تماماً ومو بإرادتها..

ومع قانون عدم زواج القاصرات، لإنو لساتن اطفال ومو عارفين كيف يكونوا مسؤولين عن نفسهم
حتى يحملوا مسؤولية عيلة كاملة وتندفن حياتها عالآخر ولا عاشت منها شي كـ حرة بدون مسؤولية
وتجي تلاقي اللي بالثلاثينات ما يتزوج إلا وحدة بعمر 14 او 15 سنة ويقول بلسانه بالحرف الواحد
" هذا العمر أفضل أربيها ع كيفي " ع شان يأسس شخصيتها وعقليتها ع كيفه
وتصير بعدين البنت مطلقة ومعاناة ثانية من المجتمع القذر ولسا حياتها ما بدأت
هي الفئة معاناتهم أصعب ​

المرأة ولا مرة بتصير احسن بس تتساوى مع الرجل
احنا مخلوقين غير عن الرجال وطبيعة جسمنا تختلف عن الرجال
وربنا اعلم فينا انه ما جعل عمل المرأة الاساسي خارج البيت
بل جعل ذلك للرجل ،
والمرأة ام وربة بيت وعرض يجب ان يصان ،
وأباح لها ان تخرج وتعمل وتتعلم ولكن اذا اخذت الاذن من وليها مع الالتزام بضوابط الشرع في الخارج
ومش اي عمل بناسبها
بس هم في قوانينهم ، بدهم يحطوا انه عادي المرأة تعمل بالاعمال الشافة زيها زي الرجل ، امانطالله ؟!
​

بعيداً عن الدولة، انا عيلتي رفضت كل مين تقدم لي بدون النظر للمسألة حتى
يقولوا " ما نزوجها تحت سن ال 18 " وانا شاكرة جداً لهم، لان كل سنة عم تختلف أفكاري عن اللي قبلها
هل ازعل واقول نصيبي راح عليي؟ لأ لان ديني علمني ايمان ان نصيبك بالدنيا حتاخذه ولو بعد خمسين سنة
وان الرزق قدر مكتوبلك حيوصلك كامل قبل مماتك..​

كل أهل اكيد هم حرين متى يزوجوا ابنتهم
ولكن أن يتم تحديد سن للزواج فهو حرام شرعاً
ما في سن محدد للزواج
انا عندي بنات وما بعرف متى رح زوجهم ، وما بفكر بالموضوع
بس القصد ، انا ما بقول للناس زوجوا بناتكم بكير
بس الفكرة انه حرام يتم التحديد
زي كيف حرام تحديد وقطع النسل؟
كمان حرام تحديد سن معينة للزواج
الي بدو يزوج بنته ع 17 وست اشهر مثلا ، ممنوع ؟
اما الي بدو يزوجها ع 18 عادي صار؟
قوانينهم مش منطقية اصلا
في ناس بزبط معها يتزوجوا
انتِ مبسوطة ما تزوجت بهالعمر بس غيرك ممكن هي قادرة
لا انا ولا قانون بحدد هالشي
البنت بتحدد هالشي واذا هي راضية ليش يجي قانون يمنعها تتزوج وهو حلالها ؟

وهم حددوا هذا القانون لحتى يصعبوها على الناس مش حماية للبنات
اما انها تصاحب عادي
مهو هذا من قوانينهم انها تصاحب وهي تحت سن 18 عادي وانها تعمل علاقة كمان برضو عادي وانها تجهض لو حملت وهو اقل من 18 برضو عادي
مهو لو بدك توافقي على جزء من القوانين وتقولي انا غير موافقة مع القوانين الثانية هذا غلط
احنا بنرفض كل الاتفاقية على بعضها لانها واضح قديش مسمومة وتهدف الى انحلال المجتمع بغض النظر عن محاولاتهم لتجميلها
​

بالأخير بقول اني مع ان المرأة تتخذ قراراتها لإنها حياتها، لكن ما اقول تحرر!
اللي يكون تمرد ويتحرروا من لباسهم قبل مبادئهم..
وانو ما بدها حدا يقول لها خفضي صوتك او لا تضحكي بصوت عالي
بدها تتخلص من انوثتها حتى بحركاتها، يمكن لو بقدرتها تتحول رح تعملها
هذا النوع اللي عم احكي عنه، عقليتهم غريبة، ضعاف نفوس، ويستغلوا الفرصة
نحنا بدنا القوانين تساعدنا بس مو تخربنا

اما من ناحية قانون اللي تزني يزوجوها، والزواج بدون موافقة الأهل، وزواج المرأة بدون عدة
فـ عند الناس تبقى بينهم وبين نفسهم، ويتم معاملتهم كملحدين وبلا دين اذا قبلانين هالشي ع حالهم

لكن الإجهاض يبقى جريمة وما في شي يبررلها ويشفعلها أبداً، هي قتل روح
طيب يجيبوه ويعطو الطفل لـ عيلة حلمها يكون عندها اطفال!​

زي ما حكيتلك اخت سلوى ، بس بدنا نرفض شي بنرفضه جملة وتفصيلاً
للحتى ما نسمحلهم يلعبو بعقول بناتنا ونسائنا
​

قصة الفيمنست وحركات البنات المبالغ فيها صارت تعمل ردة فعل عنيفة من المجتمع
والعايلة الشرقية صارت يصيبها ذعر اذا وحدة من بناتهم فكرت تتخذ قرار خاص فيها
وتدافع عن رغبتها بشي معين، يتم عزلها فوراً وتشديد عليها خوفاً لا تتطور افكارها بتمرد

باختصار عالم لازمه إعادة تشغيل
انا ليه اليوم كلامي مظلم ؟​

مهي لانها مبالغ فيها وهم شغالين على قدم وساق من اجل غرس افكارهم الي بتخزي
وصدقيني نجحوا جزئياً
ما بتشوفي كيف البنات هالأيام ؟
كيف كثير لباسهم بخزي وبعيد عن الدين؟ ليش؟ لأنها تتمرد على اهلها وما بدها تلبس صح
وغير اللبس فيه كثير امور صارت موجودة بعقل البنات مخالفة لعقيدتنا وشريعتنا
كل هذا بصير بسبب عدم تطبيق شرع الله في الأرض كما كان في السابق

زي ما تفضلتِ العالم عنجد بدو عادة ضبط مصنع مش بس اعادة تشغيل ههههههههههه
بالنهاية هذه الاتفاقية وشبيهتها اتفاقية حقوق الطفل او اتفاقية حماية الاسرة ،
كلها اتفاقيات يعملوا على تطبيقها عندنا في فلسطين وغير فلسطين لحتى ينحل المجتمع مش عشان بحبونا او خايفين علينا
لو بحبونا وخايفين علينا كان بوقفوا معنا بس تصير حروب عنا وقتل بحق النساء والاطفال ، تسمعولهم حس؟ طبعا لا ، لأنه مش هدفهم الحماية

ولكن نرجع ونقول " ويمكرون ويمكر الله والله خير الماكرين "
وان شاء الله ربنا بشغلهم بأنفسهم ويبعدوا عن مجتمعاتنا
هم عارفين لو تركونا بحالنا وما عملوا مثل هيك حركات سواء اتفاقية النساء او الطفل او السموم الي بدسوها في مناهج التعليم
كان بلاقونا رجعنا خير امة زي زمان وصحينا عحالنا ورجع الحكم بما انزل الله
هم هاد هاجس عندهم وخايفين منه وعارفين امة الاسلام فيها الخير
طبعا كلامي بناء على كثير امور بتابعها باستمرار من شخصيات عندهم ومتابعة تصريحاتهم

بتمنى انه الصورة وصلت اختي
وجد أسعدتيني بكلامك
كثير بحب انه حد يعلق على كلام مهم طرحته

 

[A S T E R]

خربشات تونية



مواقف بسيطة ،،، تصنع يومك



كلما فقدت الأمل في أن ألقى الكلمة الحلوة ،

تستوقفني بعض الكلمات والمواقف من أشخاص لا أعرفهم ، أو لنقل بالكاد أعرفهم

لا أدري إن كنت أبالغ في وصفي لهذا الأمر ولكنه بالفعل له أثر عظيم في النفس

كلمة واحدة كفيلة بأن تصنع يومك ،،

وتجعل منك كتلة مفعمة بالحيوية والإيجابية

مديح لكلامك ، لشخصك ، لعملك

كلمة شكر وامتنان وتقدير لما تفعله

كلها تترك أثراً فينا لا ينسى

خاصة لو كانت نابعة من القلب

هناك فرقاً بين الكلام الطيب النابع من القلب

والنفاق الواضح والمجاملات الزائدة

لا أفضل التجريح نهائياً حتى وإن كان الكلام صحيحاً ، فالأفضل السكوت

كل هذا الكلام استحضرني عندما تابعتني اختي @Miss Marple

وقرأت كل كلمة في مدونتي

سعدت كثيراً عندما رأيتها بأنها قرأتها وفرحت من كل قلبي أكثر عندما رأيت تقييماتها ،

ولا أدري إن كنت حساسة هذه الفترة ولكنني تأثرت بذلك ،، ها هو كلامها

هنا

صدقاً يا مارو لن تتصوري مقدار سعادتي بك وبكلامك وبمعرفتك أيضاً

في ذلك اليوم الذي قرأت فيه كلامك ، أنتِ من صنعتِ يومي ، لأني أذكر وقتها كنت متضايقة من أمر ما

وكنت أريد أن أكتب مباشرة في المدونة ولكن لم يسعني ذلك غير اليوم

شكراً من القلب على هذا الكلام العذب

شكراً لك وشكراً لكل شخص يتمتع بنفسية مثلها ،

لا تتردد في قول الكلام الحسن

كان من المقرر أن أكتب التدوينة وبعد ذلك أنشر موضوعي عن الكلمة الطيبة ، ولكنني نشرت الموضوع أولاً

سبحان الله رأيت موضوعي مكتوب عندي في الجهاز ولكنني لم أنشره فقلت في نفسي أنني سأنشره

وبعد ذلك قرأت كلام مارو عن مدونتي ، فابتسمت وقلت تزامن هذا الموقف مع نيتي أن أنشر هذا الموضوع

حفظك الله ورعاك ووفقك لما يحب ويرضى

أنتِ انسانة تستحق كل الحب والاحترام

طبعاً كل الشكر لكم جميعاً على متابعتكم وقرائتكم وتقييماتكم المفرحة لقلبي نفراً نفراً ،
أسعدكم الرحمن كما تسعدوني

​

 

[A S T E R]

تابع لفعالية الأسبوع
​

فعالية الاسبوع

أي شخصية خارقة كنت تتمنى أن تصبح مثلها عندما كنت صغيراً؟ وما سبب حبك لها او امنيتك هذه؟ حدثنا عنها
لأجعل السؤال بنطاق أوسع يمكنك اعتبار الشخصية من كرتون او انمي او فيلم او شخص واقعي تمنيت من صغرك ان تكون مثله
​

حبيت الفعالية

رجعنا لذكريات الطفولة

فيه عدة شخصيات كنت احب أكون مثلهم او انه اكون معاهم

من مسلسلات الانمي الي تابعتها
كنت احب كرتون كنا نشوفو على القناة الاسرائيلية المحلية
بحكم ما كان عنا ستالايت وكنا بس عالقنوات المحلية اليهودية او قنوات مدينتنا

كانت تعرض انميات مدبلجة للغة العبرية
وكنا انا واخوتي وخواتي مدمنين عليها واحنا صغار
وكنا نفهم عليها طبعا لأنه نفهم لغتهم
فكان في مسلسل يعرض بيحكي عن عيلة حيوانات لونهم ابيض
بتوقع الا تعرفوهم بس انا حافظة اسمهم بالعبري
كان اسمه
-مشباخت مومين - معناها عائلة مومين

ياالله شو كنت احب هالكرتون ،، بعشقو عشق مو طبيعي وكنت ما بتمنى كون محل حدا معين
بس كنت احب اني اكون معاهم بالكرتون
عفكرة الدبلجة العبرية كثييييير احلى من الدبلجة العربية
انا من كم سنة بس عرفت انه الو نسخة عربية
بعرفش وين لمحتها

السبب انه كل حلقة من حلقاتهم فيها مغامرات
وانا انسانة تعشق المغامرات
خاصة لما تبقى مغامرات خطيرة قال يعني
احلى شي بس يجي الوحش ،، نسيت اسمها هههههههههههههه ياالله شو كنت احبها
بنساش صوتها وهي تحكي - انا رح ارجع انا رح ارجع - طبعا بالعبري بتحكيها
صوتها كان يرن رن ولهسا برن براسي


ومن الانميات الي كنت احبها وانو اكون مثلها

طبعا العشق العشق انمي كونان بالنسبة الي
فكنت احب شخصية هيجي وكازوها
ياالله شو كنت اكيف عالحلقات الي يكونو فيها
ليش بحب كازوها
هيك لانها شاطبة وهبلة زيي


وكثير شخصيات من كونان كنت احبها بس حبيت احكي عن كازوها
اه كمان ام سينشي بموت عليها

من الافلام الي تابعناها مليون شخصية حبيتهم


بس رح اذكر مثال على شخصية حبيت كون مثلها
او معها
وهي شخصية اليزابيث بينيت من فيلم كبرياء وتحامل للممثلة تارهيبة الي بحبها كثير وهي كيرا نايتلي
الي بعرفوني منيح تتذكرو كيف كانو كل رمزياتي اصلا لكيرا نايتلي من كثر ما بحبها

شخصيتها كثير بتجنن ، هو اصلا الفيلم مقتبس من رواية للكاتبة المشهورة جين اوستن
ليش حبيتها ، لأنه في كثير جوانب في شخصية اليزابيث تتشبهني
وفيه جوانب اخرى العكس مني لهيك حبيتها
اهم صغة انها ما تخجل تحكي رأيها حتى لو تم معارضتها
وما بهمها تحكي شو الي بقلبها
هاد احلى شي في هالشخصية الرائعة
تعرفو تذكرتوا الفيلم ولازم ارجع عيدوا
شفته من سنين ولهسا متذكرتو ، وهو من الافلام يلي بس تشوفها ما تمل تعيدها


وبس هيك
سي يو في تدوينات قادمة

​

 

[A S T E R]

​

بحثت عن الكرتون ورأيت فيه شخصية بدون رأس.. متأكدة هذا كان للاطفال ​

ناسيها الشخصية الي بدون رأس
ولا قصدك عن البنت الي مخفية ؟
تخافيش برجعلها شكلها كامل ههههههههههههههههه
طبعا للأطفال
مكنتيش تشوفينا واحنا نتابعو
عدناه مليون مرة
بحثت ولقيتو بالانجلش

حبيت ارجع واحطلكم شارة البداية الي لقيتها
ياالله شو بعشقها
بس حافظتها بالعبري انا

وهاي الحلقة موجودة الوحش الي اسمه الجغوك

ياالله مش قادرة متت ضحك وانا اتصفح بالحلقات بالانجليزي
تذكرتهم كلهم
عفكرة هو في ناحية كوميدية كثير ههههههههههههههه

يا الله شو حلو

​

 

[A S T E R]

بدي احكيلكم هسا عن موقف اليوم عملتو في البنات


حابة أخليكم تضحكوا علي

مع اني اعتقد رح تضحكوا وتحكوا عني شوفو هالهبلة



بتوقع المعظم بيعرف اختي الي حكيت عنها سواء هون او بموضوع خاص فيها اسمها سوار وعمرها صار 13 سنة وهي متلازمة داون
فهي دايما تيجي عندي من حبها الي طبعا لأني ربيتها بمصغرها

فكانت عندي وتحكي مع بناتي وانا واقفة بالمطبخ بطبخ
وبناتي اجو عندي قاعدين
الا همي سوار وبناتي ما بعرف شو كانوا يحكو سوا ويتناقروا طبعا
فسوار قالت اسماء مهي اختي اصلا -بدها تشوف حالها فيي -
وبناتي صارن يحكين بنعرف انها اختك اصلا
وهي اسماء اختك تبقى امنا ،، انتِ شو دخلك ؟
طبعا اقولكم ملاحظة ، بناتي وسوار كثير بحبو بعض ،، بس تعرفو الا الصغار يتناقروا

فأنا خلص أجاني العقل اتهبل على بناتي وقلتلهم بلهجة جدية
انا لا مش أمكم
لو تشوفو ردة فعلهم كيف انصدموا وصارو يحكولي لا ،، امبلا انتِ ماما
قلتلهم لا انتو مش بناتي ،، وانا مش أمكم
ورواء طبعاً ترمقني نظرات استخفاف فيي - انه شو تتهبلي انتِ ؟ -
وانا ضليت احكي لا
ومسك صارت تسأل طب وين أمنا يعني اذا انتِ مش امنا ، قلتلهم مش موجودة ، بعيدة
مسك كملت وقالت وبابا يعني مش أبونا ؟
قلتلهم امبلا ابوكم بس انا مش أمكم هههههههههههههههههههههه

بعدها مسك قالت بابا ولدتو تيتا وانتِ ولدتك تيتا الثانية ،، واحنا انتِ ولدتينا ، يعني انتِ أمنا

قلتلهم لا مش أمكم ،، طبعاً ما تتصوروا كيف مسكت حالي

بعدها صاروا يحكولي طيب احنا بدنا نروح فوق عند تيتا ،، قلتلهم لا ممنوع
حكولي منتي ما بدك ايانا وانتِ مش أمنا ،، اذن بدنا نروح عند تيتا نقعد ونعمل الي بدنا اياه ،، هاد رواء حكت هيك
طبعاا حكت هيك وهي باستخفاف فيي

بعدها قلتللهن خلص بمزح معكن ، طبعاً أنا أمكم وحبيباتي كلكم وسوسو اختي حبيبتي

صاروا يضحكوا عليي

بس انا بعدها فرطت عحالي ، الي بسمعني بقول هاي أم بنص عقل تحكي مع ولادها هيك

حسيت حالي عمري 15 سنة وتذكرت حالي أيامها
مرة هيك موقف شبيه فيه
كنت أتهبل على ولد صغير
كان عمره 3 سنين وانا 15
هو ابن جيراننا وأهله أصحاب أهلي ،
وكان دايما هو أخته الصغيرة يجو عنا ويقعدوا بالساعات ، ضلو هيك مدة 3 سنين يمكن
تعلقوا فينا كثير وحبونا ،، لحد ما خلص نقلوا على بيت ثاني وأبعدوا عنا
بس أيامنا معاهم لا تنتسى

احد المواقف شبيه بالموقف مع بناتي
فتت على الحمام بعيد عنكم عشان أتوضأ وبس طلعت كان وجهي مبلول وشوي شعري
فلما طلعت مسكت البشكير عشان أنشف
إلا هو حمودة -اسمه محمد وكنا ندلعو حمودة - صار يحكيلي ، شو مالك ؟
ليش هيك مبلول وجهك وشعرك ؟
فأنا خطرلي أتهبل عليه
قلتله كنت في الحمام وسقطت في المجاري بعيد عنكم وقعدت أنادي عليكم تنقذوني وما سمعتوني
ناديتك وانت ما رديت ليش؟ صرت اعيط
وهو طبعا انفصم وصدق طبعا لأنه كثير صغير وحتى زعل كثير عليي
قلي عنجد سقطتي في المجاري ؟
قلتله اه هناك كنت مش شايفني مبلولة ؟
قلتله وانت دايما عامل حالك بطل وما انقذتني
وهو زعل وصار بدو يشوف وين سقطت
وعنجد صدقني لحد ما دخلت اختي عالخط ونزعتها علي وتحكيلو تردش عليها هاي تتمسخر عليك
وتقنعوا انه كذب
بعدها فجأة صار يقول انتِ يا أسماء حطيتِ عقلك في الزبالة ؟
من يومها لحد هسا نستعمل مصطلح حمودة - حطيتِ عقلك في الزبالة -

يا الله بس أتذكر هالموقف وغيرها من مواقفي معه ومع أخته
حالياً أعمارهم صارت
محمد 17 سنة وأخته مي 16 سنة
الأيام بسرعة وكبروا وصاروا شباب
ياالله شو كنت أعشقهم عشق ، ولحد هسا بحبهم كثير
وهم كانوا يفضلوني اكثر وحدة من بين اهلي
بس اشوفهم بنصدم كيف مرت الايام بسرعة ، بحس ايامي معهم كانت مبارح


بس عنجد اني خالصة بحس حالي أحياناً
زمان هيك كنت 24 ساعة
بس هالأيام لا اختلفت كثير مش شوي
حتى هذا الموقف مع بناتي قليل لأعمل هيك معهم
قال يعني عقلت شويتين

خلص بكفي حكي ، طولنا عليكم
حبيت احكيلكم الموقفين عشان تضحكوا معي

​

 

[A S T E R]

​

فعالية شهر أغسطس

ما هو أهم درس تعلمته في حياتك أو من خلال تجاربك الشخصية؟​

لنأخذ نفس عميق

بعد مرور ثلاثون عاماً على وجودي في هذه الحياة ،

أعتقد أن أهم درس تعلمته هو عدم تبرير مواقفك للناس – طبعاً شرط أن لا تكون أفعالك تخالف شرع الله - ،

عدم الخوض في نقاشات عقيمة لا طائل منها ولن تخرج منها سوى عليل القلب بسبب اسلوب الطرف المقابل والاتهامات التي يوجهونها إليك ،

لذا فالتجاهل في هذه االحياة نعمة عظيمة لمن يتقنها ،

ليس كل شيء يحتاج منا بذل مجهود لأجله ، فطالما أنت لم تغضب ربك فاعلم أنك على الطريق الصحيح ،

ومن هنا سأذكر نفسي وإياكم بضرورة محاسبة انفسنا كل يوم وكل لحظة وعند كل محنة ،

هل قمت بعمل يغضب الله ورسوله ؟

فمحاسبة النفس تجعل منا على اتصال دائم بالله وتملأ القلب طمأنينة لأنك تستشعر وجوده في كل لحظة وكل حين ،
وهذا من أعظم الأمور التي يجب أن ترافقنا نحن كمسلمين .

درس آخر تعلمته وكان بمثابة صفعة بالنسبة لي وهو أن لا تثق بأحد نهاااائياً ، سوى والدتك ، حفظ الله لنا أمهاتنا ،
-الباقي كب عالزبالة ما حد بنوثق فيه –



هدول اهم دروس تعلمتها ، طبعاً فيه أكثر ولكن بكتفي بهذا القدر

​

 

[A S T E R]

فعالية الإسبوع

شيء تكرهه ولا يمكنك إمساك نفسك عن انتقاده، ما هو بالنسبة لك؟​

سؤال جميل ،

لو كان الناس يحتملون بعضهم البعض لانتقدت الكثير من الأفعال التي لا تعجبني وأمقتها ،

ولكن بما أننا في مجتمع أصبح يكره ولا يتقبل النقد –البناء طبعاً-
فلا أنتقد أي تصرف من أي شخص إلا اذا كان يفعل حراماً ،
غير ذلك لا أتدخل ولا أعلق ولا أنتقد ، أكتفي بالصمت

ولكن إن رأيت تصرفاً من شخص أعرفه ويعرفني ويفعل حراماً فمن باب النصح فقط ومن باب أنه شخص يهمني أنصحه وأذكره ، من منطلق الاية
{ وَذَكِّرْ فَإِنَّ الذِّكْرَى تَنْفَعُ الْمُؤْمِنِينَ }

لا أستطيع السكوت عن قول الحلال والحرام وتذكير من هم حولي به

ولكن سأحيطكم علماً بأنه حتى الامر بالمعروف والنهي عن المنكر أصبح ثقيلاً على الناس ولا يطيقونه

-والشاطر الي يقول دع الخلق للخالق – !
أنصدم من كمية الجهل عند الناس في هذا الامر وأنهم يستهينون به !

والأدهى والأمر من ذلك أنك عندما تنصحهم وخاصة النساء ،

يعتقدن بأن تصرفي هذا تكبراً وتعالياً مني ، أو أنني أقصد به أن أظهر نفسي !!!

مع انني والحمد لله نيتي فقط هي لله ولأنني لا أستطيع السكوت عن الحق وطرح ما لدي سواء من حكم شرعي أو من أي فكرة أحملها ،

ولكنني في النهاية أدعو دائماً للجميع بالهداية ، وأدعو لنفسي اللهم الثبات الثبات على الحق .

في أمان الله

​

 

[A S T E R]

​

فعالية الاسبوع
ممكن تشوفه سؤال عفوي لكن رح يوضح طريقة تفكيرك وطموحاتك
اذا ربحت جائزة اليانصيب، ماذا ستفعل بالأموال؟
​

بس فتت موضوع الفعاليات وشفت هاد الفعالية حبيت اشارك فيها ما بعرف لو رح تنحسب لي او لا
بس حبيت اطرح رأيي ولو رح تكون كنقاش مش كفعالية لاني متأخرة
صراحة بشهر سبعة غبت ، كنت كثيييير مشغولة ومش فاضية
وشهر ثمانة نفس الشي
وحاليا بلشت مدارس البنات ، بس فيه شوية نظام وفي شوية وقت معي نطل هون
كيفكم الجميع ؟ أخباركم ؟ ان شاء الله اموركم طيبة ؟

نيجي للسؤال

اول اشي خطر ببالي اذا ربحت جائزة او صار معي مصاري كثير
انه اشتري ارض كبيرة بمنطقة حلوة ونبني عليها بيت كبير .. بس مو فيلا
عمرو ما كان نفسي ببيت فيلا او اشي هيك فخم
ما في احلى من البساطة ..بس انه هيك بفكر في اولادي مستقبلاً انه لازم اتركلهم شي وراي

والشغلة الثانية الي نعملها هي نبلش مشروع انا وزوجي
ويكون مشترك بيننا ونشتغل فيه سوا ويكونوا بناتنا معنا ونورثهم البزنس ..بس ما ا بعرف ايش بالتحديد
هي تيجي المصاري بعدين بنفكر بفكرة

شغلة ثانية حابة اعملها وهي كمان مع عيلتي انه نطلع نسافر سوا ونشوف الدنيا
أولاً هيك نتعرف على اماكن ثانية
وكمان عشان الواحد يقوي ايمانه
تعرفو ياالله شو نفسي اروح هاي الاماكن الجبلية او الغابات او المحيطات واتأمل الطبيعة ،،
كثير هاد الشي رح يخلي النفس تتعلق بخالقها اكثر وتزيد ايمانه ،، ان شاالله نحقق هالشي بيوم من الايام


وخلص بس هيك بكفي

بس بالنهاية نرجع للواقع

الحمد لله رب العالمين انا راضية في حياتي كما هي حتى وإن بتمر ورح تمر فترات علينا صعبة
ولكني كلي ايمان ورضى بالموجود وما في بقلبي اي ذرة سخط او تذمر او عقدة نقص
او انه اشوف الناس واحسد واغار
الحمد لله الحمد لله ما عندي هاي النفسية بالمرة
وهيك الصح في كل انسان مسلم انه يكون راضي

( وَلَا تَمُدَّنَّ عَيْنَيْكَ إِلَى مَا مَتَّعْنَا بِهِ أَزْوَاجًا مِنْهُمْ زَهْرَةَ الْحَيَاةِ الدُّنْيَا لِنَفْتِنَهُمْ فِيهِ وَرِزْقُ رَبِّكَ خَيْرٌ وَأَبْقَى ﴾
بالنهاية الايمان بأن الرزق بإيد الله
احنا علينا السعي والاخذ بالأسباب بس الرزق على الله ولازم نرضى ونحمد الله في كل وقت وفي كل حين
لاني عايشة في مجتمع النساء وبشوف وبسمع كثييير عن النساء وطريقة تفكيرهن
وكيف المعظم كلهم همهم بس شو يجيبو لبيوتهم ويعملو زي بعض
حتى لو جوزها بنتحر بالشغل بتجننو انها بدها تعمل الشغلة الي عملتها فلانة
وغير انه لاحقات الموضة وغيرها وكله فوق طاقة ازواجهن
طبعا ما بحكي عن الناس الي حالتهم مرتاحة ومعاهم ،هدول عادي يجيبو ،،
بحكي عن الناس االي حالتهم عادي او اقل من عادية بس مرهقة نفسها وزوجها بهالماديات لحتى توصل للكمال يلي هو اصلا مش كمال!!

ما في احلى من القناعة والنفس الراضية
والله بتيجي الراحة للنفس لما الواحد يقنع نفسه بهالشي
والله كثير مرات بس ابقى اشتغل بالبيت
او اضب كم غرض بسيط جبتهم للبيت - مثل اغراض للثلاجة-
بكون والله مبسوطة كثير واتفرج عالبيت واقول الله يرضى عليك يا محمد وببعتلو وبحكيلو يسلمو عالاغراض
او بس اشوفو بحكيلو طول اليوم وانا اتطلع عالبيت ومبسوطة فيه ..الله يرزقك
خلص الواحد يرضى ويقنع برتاح
ومش غلط الواحد يدعي ربنا يرزقه اكثر عادي
بس المهم النفسية تكون سوية من الداخل


وبس هيك ،، لعيت كثير



سي يو

​

 

[A S T E R]

​

فعالية شهر سبتمبر


من ناحية تطوير المهارات، لا بد ان لديك خطة، صحيح؟ ما نوع هذا الهدف الذي تسعى لتحقيقه؟
مثال للأهداف تعلم لغة، او مصلحة ما كالوافير الخياط المبرمج، تعلم ع برنامج ووووو...
عدد لا نهائي من الاهداف تختلف من شخص لآخر! ألقي لنا الضوء على أهدافك​

السلام عليكم


بالطبع ، لكل شخص منا لديه هدف في هذه الحياة ،

إلى جانب ابتغاء مرضاة الله في كل أمر ،

نمتلك أهدافاً وأحلاماً وتطلعات نحو المستقبل ،

ونأمل بأن ننجح ونصل إليها ،

بالنسبة لي ،
وأعتقد بأنني أجبت على هذا السؤال هنا ،
أذكر بأنهم طرحوا مثل هذا السؤال في فعالية

ولكن سأرجع وأقول بأن هدفي الحالي وكل طاقتي به ،

هو أن أربي بناتي تربية صالحة وأن يكنّ من الصالحات النافعات لأمتهن ،
وأن يكنّ مميزات ومؤثرات ، عسى الله أن يوفقني في هذا الهدف وأن يصبحن كما أحب وأكثر

الهدف الآخر هو ،

ذكرت أيضاً قبل ذلك بأني أعطي فتيات أعمارهن 15 عاماً دروساً دينية ،
مضت ثلاث سنوات أعتقد منذ أول مرة بدأت معهن
والحمد لله متفائلة جداً هذه الفترة ، خاصة بأنني انتقلت معهن إلى مرحلة أخرى ،
ولمست منهن الاهتمام بالمواضيع التي نتناولها ، ويكفي بأنهن يحضرن في كل مرة ولا يعتذرن ،
عكس ما كنّ عليه في السابق من كثرة الغياب ،
ولكن ، الآن أصبح الأمر مختلفاً ،
لذلك هدفي هو أن أكون مصدر قدوتهن في كل شيء ،
وأن أصقل شخصياتهن بالشكل الذي يحبه الله ورسوله وبتفكير راقي بعيد كل البعد عن سخافات هذا الجيل ،
ادعوا لي بالتوفيق في هذا الأمر .

الهدف الثالث الذي أضعه نصب عيني ولكني لن أطبقه إلا بعدما يكبرن بناتي ، حوالي بعد 10 سنين
ولكني لا أستطيع ذكره بالتفصيل ، ولكنه أمر يتطلب الخروج من المنزل والسفر ،
لذلك قلت أنني وضعته بعدما يكبروا ، وسيكون كله لله ومن أجل فكرة ،
ولكنني سأدعو الله الثبات على هذا الطريق الذي أراه النور في حياتي لأنه جعلني أفكر في كل الامور من منطلق آخر وليس بشكل سطحي ،
الله يهدينا لما يحب ويرضى ويثبتنا دائما وأبداً

​

 

[A S T E R]

​

فعالية الإسبوع


لنفترض انك صانع محتوى ع السوشيل ميديا كـ يوتيوب مثلاً، ما نوع محتواك سيكون؟
وماهي الفئة التي تستهدفها؟ حدثنا عن فكرتك او نظرتك بهذا المجال
​

بالبداية لا أحب هذا المجال كله ،

يعني حتى لو كان لدي الوقت والوسيلة أن أصنع محتوى على أي موقع تواصل فإنه لا يستهويني هذا الأمر

ولكن سأجيب وأقول بأنه لو دخلت هذا المجال فرضاً ،

فإن محتواي سيكون تحفيزي ونشر الطاقة الإيجابية ، لأني أمقت السلبية وأكرهها ،

وطبعاً سيكون المحتوى فيه الجانب الديني وتذكير الناس بكل ما هو خير ،

وطرح أسئلة مهمة على المتابعين وتلقي الإجابات عليها والنقاش في أي موضوع ، يعني كحلقة نقاشية ،

وأيضاً تلقي الأسئلة والإجابة عليها سواء كانت مشاكل أو غيرها ، لأنني من الناس التي تحب سماع مشاكل الآخرين،

والرد عليهم بذكر الجانب المشرق والتشجيع المستمر لهم ، وأن أكون مؤثرة بشكل إيجابي بشكل عام على الناس

أما الفئة التي سأستهدفها ، لا يوجد فئة محددة فكلامي سيكون مفيد لكافة الأعمار ،

لأنني سأذكرهم دائماً بالجانب الديني في كل أمر أو قضية نناقشها ،،
هكذا بهذه البساطة ،
لا أدري إن أوصلت لكم الفكرة بالشكل الصحيح ، ولكن هذا ما تبادر لذهني اول ما قرأت السؤال

​