فخر المدونين الريفُ صوتك و المدائن صوتهم ، أنت الهدوء و كلهم إزعاج ! (19 زائر)

[RELENA]

اليوم كم على الحرب ما اعرف ما عدت اعد ..
كل اللي اعرفه اننا تعبنا .. استهلكنا .. تم استنزافنا بلكامل .لو في تعبير أفضل كنت عبرت بس اللسان خلاص صار عاجز عن التعبير حتى ..

كل يوم قهر جديد كل يوم عم نقول متى دورنا
معقول ننتهي كلنا و نموت كلنا بلدور و بالتدريج ..
و العالم كله عم يشاهد مرة يستنكر مرة يزعل مرة يبكي بس بدون تحرك ؟
معقول وصلنا للنهاية ؟

عم اشوف طائرات المساعدات اللي تيجي الصبح اول مرة بلحرب اشوف طيارة عادية بسماء غزة غير الطائرات الحربية و الاستطلاع اللي تعودنا نشوفها
شكلها مختلف و صوتها مزعج بس ما توصل لازعاج الزنانة اكيد

عم اشوفهم و انقهر و اقول يا ربي يقدروا يدخلوا مجالنا الجوي يرموا مساعدات لكن ما يقدروا يجوا يساعدونا كمسلمين و كعرب و كإخوة ؟

يا الله القهر اللي فينا مين يداويه ..​

 

[RELENA]

‏يقول أبو عبيدة بن الجراح مواسياً عُمر بن الخطاب _رضي الله عنهما:
"هوِّن عليك فما هي إلا دنيا فأيامٌ ونَمضِي؛ فلا تحزن فكل ما فيها مُتعِب، وكل من فيها مُتعَب، الحَمدللّٰه أنَّها ليسَت دَارَنا ولا دِيارَنَا وأنّ المُستقر بجوارِ رَبِّ العَالمين، الحمدلله أنها دُنيا وسَتنقضي، وعسَانا فى الجنة نأنَس ويُؤنَسُ بنا، لبَّيك إنَّ العيشَ عيشُ الآخرة.
​

 

[RELENA]

‏من جباليا إلى رفح الى السودان، اللهم ما لنا سواك ..

كيف بتناموا الليل يا عرب
يا رب كيف بيناموا ؟ ​

 

[RELENA]

242 يوم
﴿سَلَامٌ عَلَيْكُم بِمَا صَبَرْتُمْ ۚ فَنِعْمَ عُقْبَىٰ الدَّارِ﴾​

 

[RELENA]

بالوقت الفاضي الكبير معنا بلحرب
صار فرصة أكبر اني أرسم .. و لحسن حظي انني قبل ما نطلع من بيتنا بدقايق قررت اخذ كمية من ادوات الرسم معي
المشكلة بمود الرسم مع القهر اللي نحنا فيه مهما حاولت ارسم امور ما تعبر عن القهر الا اني الاقي نفسي ارسم اشياء لها علاقة بلحرب
رغم اني اهرب للرسم من الوضع السيء لكن الوضع السيء أبى أن يفارقني

هالرسمة كانت زيت على ورق مخصص للمائي و بفراشي مائية
لاني طلعت من البيت بدون ما اخذ فراشي الزيتي
رسمها حرفيا كان معاناة مع قلة الامكانات و الادوات المو مناسبة لكن الحمد لله انتهيت منها ع خير سوري ع الحجم الكبير .

​

 

[RELENA]

اللي صار امبارح
بيأكد لي امور كتيرة انا كنت عرفاها مسبقا
و فعليا فعليا بتمنى الموت اليوم قبل بكرة حتى ما أعيش بهالعالم الوسخ
278 شخص استشهد و اكثر من 600 اصابة كلها اعاقات دائمة و بتر مش مجزرة
كلمة مجزرة صارت قليلة على اللي يصير و الله العظيم نقطة دم وحدة من كل شخص امبارح استشهد اطهر من أطهر واحد عايش ع هالكوكب
بس الواحد شو يقول عن عالم وسخ و شعوب وسخة و حكام اوسخ

حتقولوا ليش تسبي الشعوب ولكم حسبي الله و هو نعم الوكيل
ربنا يتولاكم كل واحد شاف اللي صار امبارح و ما تحرك
حسبي الله و هو نعم الوكيل
بالفلسطينين الخيخة و السعوديين و الاماراتيين و كل شعب باقي مع حكومة وسخة و ساكتة
ربنا يأخركم لأجل يوصلكم لقعر جهنم أبدين فيها مؤبدين بإذن الله
حسبي الله و هو نعم الوكيل ربنا ينتقم من كل عربي شايف و ساكت

و الظلم اللي يصير ما يتحرك فيه أضعف الايمان و هو القول او الدعاء
ربنا ينتقم منكم جميعا

مو بس عشانا و لا عشان اللي بيصير فينا
حتى السودان و اللي بيصير فيه اشنع و أسوأ من اللي يصير بغزة بتكتم عالمي غير معقول
كل انسان لاهي بحياته و الأمة و المسلمين حولكم بينبادوا و يقتلوا و ينبتروا و يجوعوا بينظلموا ظلم ما يعلم فيه الا رب العباد
ولكم الأكل و الشرب و التنفس حرام علي لو شفت جاري موجوع و مكلوم و مظلوم و مقهور

بإذن الله انتقام ربنا جاي من كل من صمت و كل من تخاذل و لا استثني منكم أحد
ربنا ينتقم منكم جميعا بهالأيام المباركة

ربنا لا يسامح أي شخص تخاذل مين ما كان يكون حاكم او من ضمن الشعب

عالم وسخ يا رب خلصنا منه عن قريب
​

 

[RELENA]

قبل يومين كان ب وردي سورة فاطر .. أنا من زمان أقول الشي اللي يطبطب ع قلبي هو القرآن و و الله هو يمكن سبب الصبر اللي نحنا فيه على كل هالبلاء .. ​

وقت بديت بالسورة كنت كتير متضايقة و بجد ما في شي متحملته من كثر القهر اللي بقلبي و التفكير اللي ما كان يجيب نتيجة لكل اللي يصير
و للكلام اللي ادخل و اقرأه من عرب و مسلمين متلنا متلهم
كل من يرخص بدمنا و يشوف أرواحنا بدون فائدة او يتعامى او يطلع مبررات لنفسه و لأهله و لعيلته و لبلده و لحاكمه
شفت من هالعينات كتير و الله لدرجة لا تصدق كأنهم يهود مو عرب و لا مسلمين
بس وقت قرأت هالآية راحة كبيرة غمرتني الحمد لله انه ربنا متل ما ابتلانا أعطانا الصبر
و انه يعلم اللي تخفيه قلوبنا و يعلم دواها و يسوقنا لهالدواء بدون ما نعرف
يا رب لك الحمد على كل شي يا رب لك الحمد على كل شي ​

﴿ أَفَمَن زُيِّنَ لَهُ سُوءُ عَمَلِهِ فَرَآهُ حَسَنًا ۖ فَإِنَّ اللَّهَ يُضِلُّ مَن يَشَاءُ وَيَهْدِي مَن يَشَاءُ ۖ فَلَا تَذْهَبْ نَفْسُكَ عَلَيْهِمْ حَسَرَاتٍ ۚ إِنَّ اللَّهَ عَلِيمٌ بِمَا يَصْنَعُونَ﴾​

[ سورة فاطر: 8]​

​

 

[RELENA]

بعد اجتماع الخونة اليوم صار كل شي مكشوف على العلن
للناس اللي كانت عم تتعامى
من بداية الحرب و نحنا نقول حرب اسرائيل على المقاومة ما جت الا من تأييد عربي و بتحالف من حكام عرب
الشي كان واضضح من البداية و هلئ صار ع المكشوف بدون خجل

يتفقوا على اللي من دينهم حسبنا الله و هو نعم الوكيل في الشعوب اللي تاركة هيك حكام تحكمها

و الله كاس المرارة رح يمر ع الجميع بس الصبر يا اهل الصبر
و الموت للمتخاذلين جميعا

ناس تتبجح بكل وقاحة و هي تاكل و تشرب على حساب دمنا و أطفالنا الحمد لله انه في آخرة و في حساب

" ‏هذه حربنا كلنا، ومن تخلف عنها، من حاكم أو محكوم، فعقابه مر، التاريخ لا يرحم الناس مثل الناس… سيلحقون العار بأسمائهم فيبقى في أبنائهم بقاء الدهر…. وكم من أسرة مالكة تخسر ملكها اليوم وهي لا تدري… وسيتحول اسمها سِبة وعارا بعد أن كان فخراً، عن قريب…
هل يعرف الحكام أنهم عار؟ أم لم تربهم أمهاتهم بما يكفي ليعرفوا؟ "
- تميم البرغوثي


يا تكون مسلم مع المقاومة
او تكون كافر مع اسرائيل

ما في رمادي يا أبيض يا أسود


يا أمة العار ​

 

[RELENA]

‏٢٥٠ يوم ..
ولم ندرك غير حقيقية واحدة،
أن أطفال غزَّة أهلكهم العطش والعرب لديهم النيل والفرات، وطغي الجوع وبلاد العرب مليئة بالولائم والإحتفالات،
خبتم وخابت مساعيكم.

فَـ إلي ديان يوم الدين نمضي، وعند اللّٰه تجتمع الخصوم ..​

 

[RELENA]

‏حتى لا يأتي أحد يوم القيامة ويقول يارب؛ لم أكن أعلم !!
ها نحن نخبركم ونحن في أيام الله المباركة، غزة تموت من الجوع !!
اللهم إني بلغت، اللهم فاشهد !!
- مقتبس

بهاليوم من كل سنة الفرحة اللي فينا ما حد يوصفها و نحنا نحضر للعيد
نحضر الذبائح الشوكولاتة .. الصيام .. الأكل .. الملابس
حسبنا الله و هو نعم الوكيل سرقوا فرحتنا
سرقوا الفرحة من كل بيت بغزة
حسبنا الله و هو نعم الوكيل ​