فخر المدونين الريفُ صوتك و المدائن صوتهم ، أنت الهدوء و كلهم إزعاج ! (4 زائر)

[RELENA]

يا رب ضاقت كتير​

 

[RELENA]

طلعونا من بيوتنا و قالوا انزحوا لجنوب وادي غزة
قصفونا ومن تحت القصف طلعنا و تحت الرصاص بلسيارات هربنا
لما طلعنا قصفونا و نحنا بنطلع ع شارع صلاح الدين
ما اكتفوا بطلعتنا من بيوتنا قصفوا بيوتنا و هي فاضية
قالوا جنوب الوادي منطقة آمنة انزحوا عليها
نزحنا عليها راحوا قصفونا بلبيوت اللي نزحنا عليها بجنوب الوادي
طلعت امريكا و قالت لا نرى اي اهداف الا بلمناطق المحددة للاخلاء و لن نتوقف عن امداد اسرائيل بالسلاح
اول شهرين كان الشهداء و المصابين عادي بندفنوا بمقابر
بالشهر الثالث المقابر امتلت بلكامل و صار الشهداء يندفنوا على الطرقات
او تحت البيوت اللي انقصفوا فيها لانو ما في امكانيات ترفع الردم و تطلع الجثث و صار قبر هو بيتك او المكان اللي انقصفت فيه
ما اكتفوا بدخول الشمال قرروا يدخلوا الجنوب و الحرب اللي كانوا مقررينها ست شهور مدت لشهور و شهور
قصفونا بلشمال و بالجنوب و بالوسط و الشرق و الغرب
طلعنا من البيوت و نزحنا ع الخيم
قصفونا بلخيم قصفوا الاسعافات اللي كانت تيجي و تسعفنا
قصفوا الدفاع المدني اللي كان يجي و يطفي النار او يطلع المصابين من تحت الردم
الناس ماتت مدعوسة
محروقة
جوعانة
مريضة
موبوئة
مقطعة
و بالاخير الناس تبخرت اتبخروا
جثثهم تبخرت ما عاد لها وجود حتى قطعة لحم وحدة منهم ما موجودة

مسكوا الردم و الخيم و الناس و الجثث فيها و جرفوها للبحر
شنقوا زوج و زوجته و حرقوهم
اطلقوا الكلاب المسعورة على شخص مريض بلاهة منغولية
و الكلاب اكلته و امه بلغرفة جنبه مكتفينها تسمع صراخ ابنها
اطلقوا الكلاب على مسنة لا تقدر على الحركة
ذبحوا بطون الحوامل و دعسوهم بالدبابات
اغتصبوا النساء امام رجالهم و اطفالهم
قتلوا الاهل امام اطفالهم
و اغتصبوا الرجال بلمعتقلات و تم تسجيل اكثر من 46 حالة وفاة و اغلبهم من الاغتصابات و الضرب
جوعوا المعتقلين بغزة
اوقفوهم على اطراف اصابعهم لايام لحد ما تم بتر اقدامهم من شدة الألم
قصفوا الخيام بمراكز الايواء
قصفوا المدارس اللي هي مراكز ايواء
قصفوا المساجد و الكنائس
قصفوا الابراج على ساكينيها و المصابين تحت الردم بقيوا يصرخوا و يستنجدوا لحد ما ماتوا تحت الردم لانه ما في امكانيات تطلعهم من تحت الردم
اعدموا الطفلة هند مع اختها و عائلة اقاربهم بأكثر من 15 رصاصة و هي على الخط مع الهلال الاحمر لساعات طويلة و لا قدروا ينقذوها على مسمع و مرأى من العالم اجمع


هذا بإختصار اللي سوه اليهود فينا
لو كانت التدوينة توجع قلبك من مجرد قراءة
فنحنا عشنا و رأينا أكثر من هيك بكثير بل اضعاف مضاعفة للأبد

و كله على مرأى و مسمع من العالم
و الكل ساكت
​

 

[RELENA]

TikTok - Make Your Day

أقل رد لكم وسخ فلسطيني

بتذكر خلال الشهور الي راحت بلحرب
لما بدؤوا يدخلوا بضاعة دجاج و فواكه للجنوب عن طريق دولة الاحتلال بعد انقطاع طوويل
دخلوها بكراتين لونها اصفر و اخضر
مرسوم عليها خريطة فلسطين مع هضبة الجولان كلها تحت تعبير دولة الاحتلال
بإستثناء غزة كانت خارج الخارطة
يعني ما معتبرينها من ضمن فلسطين حتى لانهم ما قادرين يسيطروا عليها
و لا رح يسيطروا عليها
و كل الخزعبلات اللي جالس النتن يضحك فيها ع شعبه
رح تنتهي بخضوعه لصفقة تمسح له كل افعاله
لو يجي يعدد انجازاته ع غزة يقول نحنا سيطرنا على محور نيتساريم و محور فلادلفيا

اللي هم فعليا يوميا بياكلوا فيه ضرب و بيجوا يقولوا تم القضاء على حماس هههههه و الله الواحد ما عارف شو يقول
سنة كاملة حرب بدون اي انجازات
و النهاية صفقة ذكرت بأول يوم بلحرب
بس المماطلة و القتل و الابادة بدمهم
شعب متربي على هالشي مو بيدهم

و الخيانة و الخنوع بالعرب بردو بدمهم مو بيدهم

و ان شاء الله كلها رح تتحرر​

 

[RELENA]

الناس اللي بباقي العالم و باقي الدول
عايشة معانا ع نفس الكوكب ؟
بيفتحوا نت و بيشوفوا شو بيصير او لاء ؟
طيب المسلمين هل هم متأكدين انهم بيتبعوا ملة المسلمين و بيتبعوا القرآن الكريم و السنة و تعاليمهم ؟

بالله بس عشان اكون عارفة يعني لاني خلاص بعد هيك في شك كبير بموضوعكم يعني

TikTok - Make Your Day

​

 

[RELENA]

TikTok - Make Your Day

انتهى الكلام بعد هيك​

 

[RELENA]

و الله بعد اكثر من عام على حرب غزة
ما حسيت بكمية قهر و وجع قد هالكم يوم
بكل مرة كنت أحاول اتأقلم اتعايش اجادل و احارب بهالحرب
عشان لقمة الخبز بلبداية و الماء
وبعدها النزوح و بعدها قلة المواد الغذائية و بعدها انعدام اللحوم انعدام الطحين انعدام ادنى مقومات الحياة

كنا جالسين بس نحارب و نبحث و نبتكر اي شي يعوضنا عن اي شي تاني خسرناه من ملابس من ادوات من اكل من اي اساسيات كنا معتادين عليها

من بداية الحرب و نحنا نحارب لنعيش لانو ربنا مد بعمرنا ايام زيادة و ما استشهدنا مع اللي استشهدوا

و رغم كل يوم وجع عشناه و كل شي فقدناه و كل قهر شفناه

ما حسيت بالقهر هذا اللي احسه الأن

احساس قديش لنا ننشر نستجدي النخوة و العروبة و اهل الاسلام انهم يحتشدوا يساعدوا اخوانهم المسلمين المرابطين اللي يقتلوا بكل حين

لكن و الله ما اجابوا النداء

يا عالم و الله هالحياة ما عليها العين
انت اللي جالس من وراء الشاشة تشوف كلامي و تمر عنه مرور الكرام و تزعل بس على حالنا حتى انت قادر تسوي لكنك اكتفيت بلحزن و صمتت

و الله و هذا يمين احاسب عليه كلكم ستسألون ماذا فعلتم !

حاسة بإني نفضت يدي خلاص وقت الجدال انتهى وقت تعلم و ترسيخ القيم و المبادئ للي عنده قيم و مبادئ انتهى وقت تذكير كل انسان مسلم بأولى اولوياته انتهى و حتى وقت النداء انتهى

كلكم شهود كلكم شهود
جميعكم رأيتم و صمتم و هنا كل شي انتهى

الأمر متروك لله منذ البداية لكن ربنا عم يعطيكم فرصة متل ما نحنا عم نعطيكم فرصة

لكنكم نيام .. رح يجي يوم و تقول لنفسك يا ليتني سويت
يا ليت ما صمتت ..

حسبنا الله و هو نعم الوكيل .​

 

[RELENA]

مدري ليه السوشيال ميديا كلها تتكلم عن واحد يتكلم عن نساء غزة بأمور سيئة
ما اعرف مين هو او شو قال و لا ليش قال و لا أريد أعرف حتى
بس اعرف و متأكدة من أي بلد هو و اللي متأكدة منه اكثر انه أهل هالبلد ما حينبذوه و يطردوه متله متل غيره كثير تطاولوا ع اهل غزة و ع الدين حتى و عادي عندهم يعيشوا و ضمن مجتمعهم واحد حقير متل هيك

انا عن نفسي لي سنة كاملة ما نزعت الحجاب عن راسي الا وقت النوم
حتى التواليت الله يعزكم ندخله بحجاب
و غيري ناس حتى بوقت النوم تلبس الحجاب لانو تخاف تموت مو مستورة
او يطلعوها من تحت الانقاض مو متغطية
انا كنت اخاف ادخل اخذ شاور على مدار اكثر من سنة لاني اخاف اموت و انا استحم

مدري الناس الحقيرة متى تخرس و متى مجتمعها ينبذها حتى ما تتجرأ على غيرها بس هيهات

عَنْ أَبِى هُرَيْرَةَ رضي الله عنه عَنِ النَّبِيِّ صلى الله عليه وسلم قَالَ: "اجْتَنِبُوا السَّبْعَ الْمُوبِقَاتِ". قَالُوا يَا رَسُولَ اللَّهِ، وَمَا هُنَّ قَالَ: "الشِّرْكُ بِاللَّهِ، وَالسِّحْرُ، وَقَتْلُ النَّفْسِ الَّتِي حَرَّمَ اللَّهُ إِلاَّ بِالْحَقِّ، وَأَكْلُ الرِّبَا، وَأَكْلُ مَالِ الْيَتِيمِ، وَالتَّوَلِّي يَوْمَ الزَّحْفِ، وَقَذْفُ الْمُحْصَنَاتِ الْمُؤْمِنَاتِ الْغَافِلاَتِ"​

 

[RELENA]

بعد صلاة العشاء اليوم
بدأت اقرأ الورد اليومي كانت عندي سورة الصافات .. و كمان قررت اقرأ سورة الكهف بما انو بكرة الجمعة
فجأة الدنيا قامت و ما قعدت هون بمخيم النصيرات المخيم الجديد
اللي من اول الحرب ما ذقنا بهالمكان لو لثانية راحة بال
من كل شي عنا رعب
من الكواد من النسف من الدبابات من البوارج و من الطيران الحربي و الزنانة من كل شي جربنا الموت هنا

لكن و الله و لا شي من هالخوف هاد كلو متل صوت الصاروخ اللي يضربوه و خصوصا لو هالصاروخ نازل جمبك

المكان هنا مرعب لكن ما في مكان تاني نروح له حرفيا نحنا مو بأمان و لا بأي بقعة على ارض غزة

اليوم نسفوا مربع كامل و انا بنهاية سورة الكهف .. و لما جاء الاسعاف قرروا يكملوا ع المربع الباقي و يقصفوا بيت ناس يقربوا لنا
انت تخيل بس انو ناس شفتها قبل بيوم و كنت جالس معها ثاني يوم يجي خبر استشهادها و هالناس حرفيا مالها بأي شي يخص المقاومة
بس هيك جاء ع بال اليهود تقصفهم

و كل شهيد له قصة تدمي القلب كأنه كل قصة تقولك ليش ربنا يختارهم و ليش ربنا يصطفيهم و نحنا الباقيين يا حسرة علينا مدري ليه باقيين حتى نزعل على هذا و هذا و نقول يا رب تحسن خاتمتنا

ما اعرف القهر هاد لمتى يكمل بس و الله اليقين بقلوبنا انه فرج الله قريب مهما نحسه تأخر مهما يكون تأخر نعرف انه قريب
انا اعرف ممكن اليوم أكون عم أكتب
و بأي وقت أموت .. انا من داخلي مو مسامحة حد خذلنا
مو مسامحة اي حد استهزئ بدمنا و لا مسامحة اي حد مسلم ما وقف بصفنا

يا الله انت تعلم كمية الرعب اللي بقلوبنا من كل اللي شفناه و سمعناه و لو هالشي ع قدنا نحنا كبار و نتحمل .. بس الاطفال و رعبها ما يتحملوا
يا الله وحدك تعلم مهما تكلمنا ما نوصف الكلمات و الشعور ما يوصل لو نقطة من بحر اللي نشوفه

يا رب تعبنا و نحنا نحكي امام عالم اصم ابكم و أعمي

يا الله انتقم

 

[RELENA]

TikTok - Make Your Day

لاحظ شدة الانفجار و هو نازل على خيمة و أكيد هالصاروخ يكون مسح معاه مخيم كامل مو بس هالخيمة

من الشغلات العجيبة اللي وصلنالها خلال هالحرب
انو لو صار انفجار صاروخ سواء كنا بخيمة او بيت دايما
نحمد ربنا لو الصاروخ نازل ع أرض فارغة او شي غير مبني
لأنو لو نازل على بيت
يعني قوة الانفجار تتمدد و الأضرار المحيطة تكون جدا كبيرة
يعني مو بكفي انشطار الصاروخ و شظاياه اللي بتكون جميعها قاتلة
كمان بلوكات الأسمنت و الحجارة اللي تتطاير من انلجار الصاروح توصل لأماكن كتير بعيدة ممكن تقتل اي حد ماشي
اوتهدم اي خيمة
و لو نازل على خيمة فهو حيحرق جمبه ما لا يقل عن 50 خيمة بلحظة وحدة

اسرائيل تقول اهدافها محددة بس طبعا ما يفرق معها المئة اللي يموتوا مع الهدف المحدد

ان شاء الله ما حد يعيش هالمشاهد ​

 

[RELENA]

يا الله كمية الألم اللي فينا تفوق الوصف و تفوق الكلام
يا رب رحمتك يا أرحم الراحمين

يا رب أفرغ علينا صبرا و ثبت أقدامنا و انصرنا على القوم الكافرين .. ​