مدونة فخمة Like a collection of paradoxes (2 زائر)

[الزمـردة]

It's like I cast a spell I don't know how to break
A curse I can't forgive and can't erase
I live with my mistakes that cost me you?
Hey, so won't you tell me what to say?
You won't come back to me, when I cry out your name

My tears are freezing as I cry
Beneath a winter's morning sky
Calloused fingers gripping tight?
To the mess you left behind
We've never been apart I know, and now it ends with me alone
As I turn the final page, you go.

If all of you is all I'm left
I promise you I won't forget
I'll see you in the light of dawn
The day I'm fin'lly moving on
There's no goodbye for you and I
You're somewhere watching at my side You're always here with me
_

​

 

[الزمـردة]

هذي الايام حتكون زفته بحكم انو النت رح ينقطع فترة امتحان البكالوريا. الله يوفق الجميع فالامتحان هذا ، وان شاء الله بيكونو من الناجحين المتميزين.
لسا اتذكر فرحة البكالوريا كانها البارح ، الله لا يحرم مؤمن من الفرحة ذي.
انك تتعب وتدرس وتسهر وبالاخير تنجح ،وربي فرحة مافي مثلها . لما تشوف جهودك كلها اثمرت.
...
اليوم كان ممل لانو كل المواقع ما تشتغل وحتى اليوتوب كان يشتغل ويتقطع ،
وربي معاناة بسبب هذو بتوع البكالوريا
عشان كذا لو يجيني خبر ان حد من اللي اعرفهم رسب بالامتحان -لا قدر الله - انا بذات نفسي بروح لهم واخنقهم بايديا الاثنين ​

 

[الزمـردة]

مؤخرا دخلت عالم الكيبوب من بابه الواسع
^ مهو واضح ي طنط من صورتك يعني ما يحتاج لها ون تو
بس في شي زاعجني بصراحة ، ومدري اذا تكلمت عالموضوع هذا ولالا بس " كما تدين تدان "
اذكر زمان كنت اضحك على الناس اللي تحب الايدولز الكوريين واتوقع اغلبكم عنده العقلية ذي ، وهي انهم يعتبرون الايدول نسوان ، " وااء عامل حلق ب خشمه ، واو حالق باطه واااء عامل مناكير ، وااااء مدري وشو " .
الزبدة انهم بيحكمو على اشكالهم وميولهم ويتنمرون عليهم وكذا
وصديقتي الحين كل ما تشوفني حاطة صورة سكيز بتقولي نسوان وكذا.
وانا اتكلم عن عشرة 10 سنين
هو مش مفروض الاصحاب بيشجعون بعض مهما كان قرار صاحبهم ؟ ولا انا فاهمة الفرندشيب غلط
ع قد ما انا احبها بس الشغلة ذي صارت تزعجني مؤخرا وانا مابي اخرب الصداقة بسبب تصرفها ذا ، يختشي اذا انتي جوك هنود وتحبين الراجل اللي صدره كانه كنافة محروقة من كثر الشعر .. ذا شي يعنيك انتي وانا مليش دخل.
وانا يختشي احب الكوري ذا واشوفه مرجله. وش حاااااارقك يختاااي
هو انا احبها بس في نفس الوقت مش عارفة شلون اخليها توقف تصرفاتها ذي عشان كذا انصحوني بالله

هو انا كنت كذا ، هو شي ما احس بالعار منه.
انا انسان ارتكبت اغلاط كثير بحياتي وبيجوز اني لسا اغلط الحين ، واغلاطي رح تستمر حتى فالمستقبل. بس اللي يخليني افتخر بنفسي هو تعلمي من اغلاطي.
انا اتعلمت ما احكم على الناس من مظاهرهم واشكالهم .
وفعلا خليت فكري منفتح ولقيت نفسي اتابع اللي برمزيتي ذا عشان حبيت شخصيته وعفويته 《 طبعا شكله ماله دخل ابد v.v يعني ما اغرتني عضلاته ووسامته وغمازاته v.v لااا ابد
نوو بس فعلا حبيته هو وحبيت ورعانه السبعة
متابعتهم تسعدني .
بكون قاتلني الروتين وبس افتح فيديو من فيديوهاتهم القى نفسي اضحك على فهاوتهم من غير ما انتبه على نفسي. وهذا شي احسني افتقدته.
اني القى شي يسد الفراغ اللي احس فيه.
Strauy kids ك فرقة احسهم underrated برغم انو عندهم شعبية وجمهور محترم بس انا زول طماع وما يرضى بالقليل 《 واو سخية وبتحب الخير لغيرها
_
تدويناتي كالعادة ما عندهم خاتمة لائقة واحس ما عندهم هدف
مجرد افكار عشوائية اكتبها
مثل العادة اقول يمكن ارجع لها بعد سنوات طويلة واضحك على الافكار ذي ، وصدقوني لما اقرا كتاباتي القديمة دايما اضحك على نفسي ​

 

[الزمـردة]

امس تابعت مسلسل كوري واسمه
Weak hero class 1
مع انو قصتو تنرفز وموضوعها التنمر.
بس حبيت كيف انو لاول مرة اللي يتعرض للتنمر ما يسكت على متنمرينه ويرد لهم الصاع صاعين
وهو فعلا كذا ، اذا سكتت على المتنمر رح يحس انو هو المسيطر وما رح يوقف بالعكس كل مرة بيزود ف مرضه حبة.
بس بطلنا ذا ما قصر ابد برد حرتي وحرة كل من تابع المسلسل
بس ياخي ذا ثاني مسلسل كوري اتابعه الا وفيه متنمرين بالمدرسة.
لو ذي فعلا حياتهم المدرسية ف كوريا يا عزتي للورعان الضعيفين اللي ينجلدون وساكتين
تخيلون ستيلا طالبة ف ثانوية ماشية وهي تتمختر بزيها الجميل الا وتجي بنت تتنمر عليا . وربي لالعنها والعن اللي خلفونها.
شي يوم شفتو مكنسة بشرية ؟ اي والله لامسكها من ابو شعراتها واكنس بيها ابو المدرسة 《 احه تحمست البنت
^
ومنه نستقبل اول مخالفة ،ونقول الوووو
-
نرجع لمسلسنا
هو مسلسل قصير بس متقن من جميع النواحي لو نتكلم على التصوير والشخصيات.
بتحس انو كل دور لابق على كل شخصية
وفي شخصية بالمسلسل ذا مثلت في مسلسل ثاني ، اسمه kim so gyeom وكان دوره فالمسلسلين دور واحد متنمر غثيث يرفع ابو الضغط
خلوني اكره الراجل وهو مسكين زول بيمثل ويسترزق بس.
احس ان ذا دليل على اتقانه للدور صح ؟
بس ياخي الحين اقتنعت ان وجهه وجه واحد متنمر لو اشوفه بدراما رومنسية ما رح ابلع دوره
-
طبعا المسلسل خلاني اعيش كل المشاعر ، الحزن ، الشفقة ، الغضب ، الفرحة ..
وهذا شي اساسي في كل شغلة اتابعها ، لو ما يخليني اتأثر عادي جدا اوقف متابعة فالمنتصف مهما كانت القصة مشوقة.
طبعا عندي انتقاد وحيد ، وهو انو المسلسل خلص ف cliffhanger.. مش عارفة اشرحها بس هو وقف في نقطة مشوقة.
بس الجانب المشرق فالسالفة انو تم تأكيد انو المسلسل حيكون له جزء ثاني.
ومنه انصح بمتابعته.
​

 

[الزمـردة]

امس ابتديت بمتابعة المسلسل الكوري
All of us are dead
وكان بتوصية من ناس كثيرة 《 طزز قال ناس كثيرة
والله عار عليكم لو صدقتو ان نفر متوحد مثلي عنده علاقات كثيرة 《 هو فالصح انا اعرف منطقة كاملة والمنطقة كلها تعرفني .. لدرجة انو مرات اطلع وتجي ناس تسلم علي ..
وانا اقوم اسلم وابوس واحظن وانا وربي ما عارفة حتى اسمهم لدرجة استحي من نفسي 🫣
بس بصراحة علاقاتي كلها سطحية.
الزبدة كالعادة انشغلت بالثرثرة ونسيت وين وصلت وايش جاية اقول
زمهرنا يا عبسي
^ تطلع فوق تقرا عشان تعرف وين وصلت ..
ايوة ، ثلاث اصحاب اقترحو علي المسلسل ذا .. وصراحة من زمان وهو في قائمة الانتظار حقي 《 من سنة عشان اكون دقيقة
بس ياخي انا انسان بيحب يعمل الاشياء بمزاجه ..
وامس وين حسيت انو الوقت المناسب عشان ابلش فيه .
واول فكرة جت ببالي هو "مسلسل فاشل وما يسوى بصلة "
وصراحة الوم twd ، لانو قارنت المسلسل بسلسلة تود.
مثل ما ذكرت فالتدوينة اللي قبل ذي .
اذا المسلسل او الفلم اللي اتابعه ما يخليني اعيش كومة من المشاعر ، فالبنسبة لي اعتبره فاشل.
وفعلا مع انو all of us are dead دموي ، وفيه ناس تموت .. ما حسيت لا بالخوف ولا بالرعب. ولا بالحزن مع انو شخصيتي اللي حبيتها تعرضت للعدوى وبشكل ينرفز . بس مشاعر الحزن ما وصلت لي ، صح حسيت بشوية غضب. بس يعتبر طفيف جدا. مقارنة ب تود اللي خلاني اعيش بحالة من الرعب في اول موسمين.
رعب ، وتشويق ، وكلوستروفوبيا ، وحزن ، وغضب.
يخليك تتعلق بكل الشخصيات ، ويكون في الف سبب لكل حتة مشاعر تحس بيها.
بس ياخي مسلسل الكوري ذا ماخلانيش احس ولا حتى بحتة مشعرورة وحدة
العيب في المسلسل ولا فيني ؟ معقولة مشاعري باضت ؟ * تشهق بدرامية *
انا الحين فالحلقة الخامسة اتوقع ، وما انكر انو عندي فضول اعرف نهاية المسلسل كيف حتكون.
ياخي ابو النكبة اللي اخترع الفايرس احس بتجي من وراه بلاوي حمرة.
لما شفته يمشي بشكل عادي حتى بعد ما تحول. قلت هييل ناه ذا ما يجي من وراه خير.
الاخ ماشي متحزم وحسب تحليلاتي حاسة انو رايح المدرسة ومعاه جيش من الزومبي.
عشان يكسر الكمبيوتر وما يكون فيه امل يطلعو ترياق.
بحكم انو عنده منطق معاق. ف احسه رح يجيب ابو العيد ويجيب معاه باقي الاعياد وحتى عيد الشجرة بيجيبه معاهم
..
يمكن ارجع بعد ما اخلص المسلسل واحط تحليلي النهائي ​

 

[الزمـردة]

" اما إن كنت من الاساطير المخضرمين اللذين انتهوا من حروب الدراسة والاختبارات منذ سنوات
حدثنا عن ذكرياتك، هل تشعر بالحنين لأجواء كهذه؟"

-
هذا المقطع يعنيني وجاية اعلق عليه بحكم اني مشاركة فالفعالية الاسبوعية حق مجتمع المدونين
ولو اني ما انهيت الدراسة من سنين طويلة.
انما تخرجت قبل سنة بالضبط. وفعلا انتهيت من حروب الدراسة والاختبارات ... بس معاناتي كانت اعمق من كدة .
اغلب الناس تحكي عن الجامعة وكيف انها تجربة ممتعة وكيف انهم تعرفو على اصحاب فيها وامتدت علاقتهم لما بعد التخرج . وبصراحة i can't relate
تجربتي كانت اقل ما يقال عنها " جحيمية "
وما اظن انو المشكل فيني او في شخصيتي ، لانو بالعكس في كل المراحل الدراسية كان سهل علي اني اكون صداقات والحمد لله لين اليوم يحبوني وبس يشوفوني فالطريق يعطوني من وقتهم ويسألون عني وعن احوالي . بس اتوقع لانو الكل فالسن هذاك عقله بريء ومافي عنده مبدأ الانانية ونفسي نفسي مثل الجامعة.
دفعتي كانت اسوء دفعة وهذا بشهادة الكليات الثانية ، بعيدا عن انو كلية اللغات وخاصة قسم اللغة الانجليزية معروف بمشاكله وسمعته اللي تخزي
بس في فرق انك تعيش موقف واحد وحش مع الدفعة ، وفي فرق بين انك تدرس معاهم 5 سنين كاملة ، فالحمد لله اللي عطاني الجهد وخاصة النفسي عشان اكمل دراستي واتخرج بالرغم من المنكر اللي كنت اشوفه من الطلاب .
ورح اعطيكم الاسباب ، دفعتي فيها ناس لو تسألها عن درس فجأة الكل يصير ما يدري ولا عنده الدرس وتلقاهم يحلفون ويتكتفون انو ما عارفين حتى المنهج رايح فين
بس سبحان الله ايام النتايج تلقاهم كلهمناجحين.
-
(من كتم علماً يعلمه ألجمه يوم القيامة بلجام من نار)
-
طبعا هم وين والدين وين :/
يخافون يعطون الدروس لحد وبالاخر هالحد يتفوق عليهم. انا واعوذ بالله من كلمة انا كنت حتى لما ايأس من مادة واشوف حد يبحث عن دروس اعطيهم حسابي وابعثلهم كل الدروس. اقل شي اخذه هو دعوة الخير منهم وذا اضعف الايمان .
- اول ثلاث سنين بالجامعة صبرت فيها على اذى بعد الطلاب واللي للاسف كنت اعتبرهم اصحاب . بس اخر سنتين سحبت نفسي منهم وصرت مثل المتوحدين ادخل ادرس واقعد وحدي وبس اخلص المحاضرات اطلع ركض . لما تشوف شخط او شخطاية فالعشرينات ما توزن كلامها وتتعمد تجرح اللي قدامها بلسانها ف على الدنيا السلام . اعتزالهم افضل من اني اتحمل على حساب نفسيتي. ولو انهم جميعا بشر تغطيهم العيوب بس الجمل ما يشوف حدبته ويقوم يعاير البعير .. او زي ما اقول انا
الشي اللي خلاني اتطمن انو الغلط مش مني هو انو 3 من الناس هذو اعتذرولي من فترة قريبة.
وصراحة انا احترمهم على الشي ذا ..
بس مو كل الاغلاط نسامح ونغفرها .
وحتى لو سامحنا .. التسامح مو شرط اني ارجع ادخلهم حياتي
Like i forgive you , but stay the hell away from me
-
بعيدا عن الدفعة المجنونة اللي كنت فيها ، في مشكل ثاني وهو الاساتذة والدكاترة فالجامعة اغلبهم كانو نرجسيين بشكل مو طبيعي لدرجة انهم يشوفون الطالب على شكل رجل كهف ما يعرف شي . والدليل انو نص كلامهم غلط لا من ناحية القواعد ولا من ناحية النطق. ولا جيت تصلح لهم الغلط يشخصنونها معاك ، ف الحل الوحيد كان السكوت والابتسام بتكلف وانا الطم داخليا
لا وفوق ذا تلقى حقك متاكل وما يعطونك علامتك الكاملة.
بس الحمد لله تخرجنا بفضل الله ثم بجهدنا الخاص.
ومحدش عنده فضل علينا ي عبسي
-
طبعا ما اشعر بالحنين للجامعة لانها في عيني بؤرة للفساد والعياذ بالله . بس الحمد لله لا حال يدوم ، تخرجنا وانتهى المشوار ، طلعت من الجامعة خاسرة ناس بس الحمد لله كسبت راحة نفسي وخذيت منها دروس كثيرة وعبر.
ولو على العوض ، الحمد لله تعوضنا باللي احسن منهم ، الله يحفظهم ويطيب عشرتنا

صح حياتي الجامعة كانت صعبة بس ما انكر انو في عندي حنين للمراحل السابقة مثل الثانوية والمتوسطة ، كانت ايام جميلة جدا والفضل يرجع للاصحاب وحتى الاساتذة جميعا الله يحفظهم وين ما كانو.
والى هنا تنتهي التدوينة.
مع انو صرت ما احب اشارك تفاصيل حياتي عالنت
بس هالمرة عملت استثناء ​

 

[الزمـردة]

Made in the abyss
انا واثقة انو الاسم موب غريب عليكم
هو انمي قديما نوعا ما ، ولسنين طويلة كنت رافضة اتابعه.
والسبب بيجيب الجلطة
كنت فاكرة انو الشخصيات حقه تشيبي
عشان كذا حكمت عليه من شكل الشخصيات وفكرت انو انمي طفولي وتافه.
والغلط مني مرات احكم على الكتاب من عنوانه
بس مع الوقت الانسان يتغير وتتغير نظرته للامور.
انا شخصيا احس انو صرت منفتحة لتجربة اشياء جديدة كنت رافضتها من قبل
عشان كذا قررت اعطي هالانمي فرصة واتفرجه. 《 من الاخر حسيت بالفراغ ولسبب ما اسم الانمي صار يجي ببالي كثير هالفترة عشان كذا قررت اتابعه .
وللامانة اول جزء كان حلو جدا حبيته بكل تفاصيله. شدتني القصة والاحداث وصار عندي فضول اعرف المزيد عن الهاوية.
كنت دايما افكر اني منجذبة لانميات الشونين ، بس الانمي ذا خلاني اتذكر حبي للفنتازيا.
الانيميشن حقه جميلة جدا بالنسبة لانمي قديم.
الاوستات حقه قصة ثانية خاصة هذي

كل ما اسمعها عيوني تدمع وما اعرف السبب.
ربما لانو الموسيقى مربوطة بالاوقات الحزينة فالانمي ، وربما لاني اتذكر الهاوية ولعنتها. ربما لاني اتذكر معاناة ابطال الانمي مثل ريغو وريكو وفابوتا وامها .
صراحة حسدت ريكو على شجاعتها لاستكشاف الهاوية برغم معرفتها من الثمن اللي رح تدفعو. بس رغم ذلك غامرت وانطلقت فالرحلة. لو كنت انا مكانها ما كنت رح اغامر ، واتوقع انو ذا طبعي . ما احب اعمل شي لو كان عندي ولو ذرة شك انو رح يرجع علي بنتائج سلبية.
ولو كنت ريكو اتوقع كنت رح اندم على رحلتي ، رغم شجاعتها بس هي راحت عشان تدور امها فالهاوية وبالاخير تكتشف انو امها ماتت وما تقدر ترجع السطح لاصحابها. مع انو هي اصلا كانت عارفة انو امها مستحيل حية بس ظلت تطارد وهم ..
-
بس في غلط ارتكبتو وهو اني تابعت الانمي بس وما كنت منتبهة انو نزلت افلام له. عشان كذا كنت احس انو فيه حلقات ناقصة وانو في احداث صارت وكنت الوم الاستوديو انو حذف احداث زي طبع بعض الاستوديوهات اللي تهمل احداث من المانغا . بس ما كنت ادري انو نازلة 3 افلام للانمي . يا ريتني عملت ريسرش قبل ما ابتدي المتابعة
وهذا الغلط خلى التجربة تخرب علي وخلاني اكمل الانمي بدافع الفضول لا اكثر عشان اعرف النهاية .
وللامانة الجزء الثاني احداثه كانت غريبة جدا علي وصراحة لعبت على نفسي وما قدرت استصيغها. بالنسبة لي -وهذا رأيي الشخصي - الاحداث الاخيرة خربت اساس القصة وهو انو ريكو تكمل رحلتها فالبحث عن امها ، احسهم اهملو ريكو جدا وصارت شخصية ثانوية فالجزء الثاني . تمنيت كذلك لو انهم حطو معلومات عن كيف تمت صناعة ريغو. بس مرة ثانية يمكن العتب عليا عشان ما تابعت الافلام . ويمكن الجواب لاستفساراتي يمكن بالفلام اللي ما تابعتها.
فالجزء الثاني صحيح انهم جابو قصة الناس الاصليين اللي نزلو للهاوية ، بس تمنيت كذلك لو انهم علمونا شلون تواجدت الهاوية من الاساس .
تقييمي للانمي ككل 6\10
هو صح انمي سوداوي نوعا ما بس بالنسبة لي مليان علامات استفهام وفي كم سؤال ببالي ما لقيت له جواب عشان كذا عطيته هذا التقييم.
بس هذا رأيي وذوقي انا الشخصي.
ورغم ذلك انصح بمتابعته لان احداثه مثيرة للاهتمام فعلا
ومهما الواحد حاول يحزر الاحداث .. تحليلاته ما رح تصيب ​

 

[الزمـردة]

River flows in you
مقطوعة عشقتها من اول مرة سمعتها صدفة فاليوتوب
ولقيت نفسي اتردد عليها كلما ضاق خاطري
وكل ما مرجحتني الحياة
ولسنوات بقيت اتردد عليها واسمعها بدون ما امل منها .
ما اعرف ايش السر فيها ، بس سماعها يخليني احس ببعض الهدوء والسلام.
اللي عمل هذي الماستربيس انسان احس انو عنده مشاعر جياشة .. حتى قدر يطلعها على هذا الشكل.
تمنيت لو كان فيه معهد للموسيقى قريب مني عشان اتعلم العزف على البيانو والقيتار ..
هذا الحلم يرافقني منذ طفولتي وما رح اتخلى عنه ..
ولو تجيني فرصة اني اتعلم العزف رح اعملها حتى لو كنت في اخر سنوات حياتي وانا عجوز طاعنة فالسن. واول مقطوعة ودي اتعلم عزفها هي نفسها اللي ذكرتها فوق.
صحيح ما قدرت احقق هالحلم بس فيه تطبيق بيرفكت بيانو
صحيح انو ما في بينه مقارنة وبين البيانو الحقيقي . بس حقيقة انو يصنع موسيقى جيدة ما اقدر انكرها. يخليك تحس انك تعزف من جد. ويخليك تعيش تجربة شبه واقعية :/
كنت احمله واحفظ بعض المقطوعات من اليوتوب واروح له واعزف
واول مقطوعة حفظتها وتعلمتها على التطبيق كانت
river flows in you
وكل ليلة تقريبا ادخل التطبيق واعزفها وانا اقهقه زي المجانين وانا اتخيل نفسي في حفلة وجمهور يتفرج عليا ويصفق 《 العقل ماش ي عبسي
بس اي دونت كير لو ضحك الجني اللي معاي بالغرفة على خبالي .. انا استمتع بهذي الاشياء
وفرحت اكثر لما لقيت هذا الرييل فجأة قدامي

LoveSKZ on Instagram: "He a crazy one... But are we as crazy as him for loving him? 😏 #bangchan #straykids #skz #maniac #sclass #5star #2023 #kpop #idol #handsome #loveskz #piano"

827 likes, 0 comments - stays_luv_skz on June 26, 2023: "He a crazy one... But are we as crazy as him for loving him? 😏 #bangchan #straykids #skz #maniac #sclass #5star #2023 #kpop #idol #handsome #loveskz #piano".

www.instagram.com

في اول ثواني واضح جدا انو تشاني يعزف المقطوعة اللي احبها ولو عزفها بطريقة فوضاوية ونقريبا مش واضحة .
بس اللي اسعدني هو وجوه التشابه اللي بيني وبين فناني المفضل.
حقيقة انو بيحب هذي المعزوفة لحالها خلته يكبر بعيني اكبر لان احس انو مو كل الناس تعرفها وتفهم لها.
كل مرة اكتشف عن تشاني شغلة وبالصدفة اكون انا بعد احب نفس الشي .
وهالشي خلاني افكر لو التقينا بعالم موازي .. هل كنا رح نتفق بسبب اوجه التشابه اللي بيننا ؟ ​

 

[الزمـردة]

قبل كم يوم ولأول مرة في حياتي قررت اطبخ فاصوليا بيضاء ،لان من يوم العيد وانا في مجاعة بصراحة

《 معاكم زول ما ياكل لحم الخروف ولا ياكل طبخ الخروف ولا يحب الخروف ك حيوان هو وريحته اللي تسد النفس

وطبعا انا ولا يوم شفت حد يطبخ فاصوليا قدامي وحتى امي تطبخها ف وقت نومي ف ما قد شفت شلون تنطبخ وولا يوم سئلت شلون تنطبخ
يعني اعتمدت اعتماد كلي على مقولة " لا تسأل مجرب ولا تسأل حكيم .. خبص لحالك والله كريم "
بس احب اسوي كذا .. وهو اني اشتغل على شي بدون ما اقرا التعليمات واشتغل بناءً على منطقي وايش بيقول..
حتى لما اشتري غرض يحتاج تركيب ارمي كتيب التعليمات واعتبر الموضوع لازل او احجية.. يعني احسني اتحول لطفل صغير يحب الاستكشاف

مثلا انا انا اعرف البقوليات لازم لها تنقع مدة ليلة كاملة فالماء .. بس انا نقعتها مدة 24 ساعة لان فكرت انو كلما طالت مدة النقع كل ما انطبخت اسرع 《 خوش ذكاء عندك يا ستيلا
واعرف بعد انو البقوليات ما لازم لها تنطبخ فالملح لانو قريت مرة انو الملح بيقسيها ويطول مدة طبخها
ف انا غليتها بدون ملح ولما فعصت فصولياية و انفعصت معايا بسهولة عرفت انها جهزت
ومنه ابتديت المرحلة الثانية اللي هي التبهير .. وكانت عندي فكرة عن بهارات الفاصوليا
ويال المفاجأة النتيجة طلعت طيبة جدا
لدرجة انو اخوي اللي ما يعجبه شي عجبته ومدحها بعد
ابويا قال لي من اليوم انتي اطبخيها لنا
بس انا زول كسول يتخلى على منصب طباخ الفاصوليا ويرفضه لان وبصراحة طبخها ياخذ وقت وانا مليش مزاج لهالشي.
بس صراحة افتخر بنفسي جدا اني جربت سويت شي جديد بدون اي وصفة
وكانت تجربة حلوة.​

 

[الزمـردة]

جميعنا نملك خيال، مهما كان حدوده ضيق أم واسع
لكنه وبلا ادنى شك يعيننا على مرارة الواقع! ويضيف ألواناً على صفحتنا الرمادية
لو كان بيدك اختراع شخصية خيالية، لـ حكاية، او لتمثيلية درامية!
او حتى ان يكون صديق من خيالك تحدثه بدلاً من مخاطبة نفسك! حدد النوع..
وأخبرنا كيف ستكون هذه الشخصية؟ صفها لنا شكلاً وروحاً وطبعاً!
وما الشيء الذي جعلك تختار هكذا صفات ؟
_
شخصيتي المفضلة هي زاراكي كينباتشي
ودايما اتمنى لو كان عندي البال الواسع حتى اعمل سايد ستوري لهذي الشخصية العظيمة من انمي بليتش. بس للاسف انا نفر كسول وتخلى عن الكتابة من سنين طويلة
بالرغم من انو شخصية زاراكي ما تتعاشر زي ما نقول ب لهجتنا 《 ياخي جوي واجوائي الشخصيات اللي كدا
بس دايما اتخيل لو عنده شخصية تكون مثل مرساة له .. وتخلي عنده توازن بين تعطشه للنزال .. وبنفس الوقت تخليه يعرف حدوده .. بمعنى انو يهتم لنفسه عشان في حد رح يحزن لو اتأذى

شخصيتي اسمها أوي ميراي .. ومعنى الاسم هو المستقبل الأزرق .. الاسم اخترته عشوائي لأن "أوي " واللي معناه الازرق واللي هو لوني المفضل
" ميراي " هو المستقبل ..
ما رح اقول سبب اختياري لاسم ميراي الحين ..بس رح اشرح السبب لما اتكلم عن ماضي الشخصية
الحين نجي لشكلها .. ميراي عندها شعر اشقر كيرلي طويل وعيون زمردية كبيرة .. وجسمها مو انوثي اوفر زي رسم شخصيات بليتش
ياخي اشوف ان الانمي مرات يبالغ في رسم البنات يعني لو نوصف ميراي نقول انها شخصية طفولية قلبا وقالبا . 》 تشبه شخصية ميتسوري نوعا ما بس اذكى منها
_
لو نرجع لماضي ميراي وهي طفلة ف انا حبيت اعطيها ماضي درامي ونقدر نقول انها عاشت حياة بائسة اول ما راحت لعالم الارواح .. من جوع وفقر وبعد كانو في ناس يبحثون عنها عشان يبيعونها ك خادمة فالقصور اللي ب سيريتي ف كانت تنضرب وفالاخير تهرب منهم وهذي كانت حياتها 》مدري ليه الفكرة جت على بالي بس it is what it is
ف مرة من المراة وهي هاربة من الناس هذو شافها زاراكي .. وكلنا نعرف انو زاراكي ما يفلت فرصة انه ينازل ناس ف راح انقذها منهم بدون ما يعطيها وجه لان كل اللي كان يهتم له هو القتال ..
ميراي اللي كانت تكره اسمها لانو حياتها كانت بائسة ف كانت تحس انو من السخرية يكون اسمها معناه المستقبل بس مافي اي اشارة تدل على انو رح يكون عندها اي مستقبل حلو .. بس كل ذا تغير لما التقت منقذها .. وهنا تبدأ رحلتها فالبحث عن زاراكي عشان تشكره ولما تعرف انو صار قائد للفرقة ال 11 تقرر نتنظم للفرقة الرابعة واللي تتخصص فالعلاج بس بعدين تنظم للفرقة اللي قائدها كينباتشي ..
اسلوبها فالقتال يعتمد اكثر شي على القتال النفسي اكثر من القتال الجسدي .. لانها متمكنة في فن الغينجتسو 》 لازم اسرق قدرات ايتاشي هنا
ف عشان كذا نزالاتها مع خصومها تاخذ وقت بس بالاخير تفوز بسهولة بعد ما تضعف خصمها نفسيا .
بالرغم من انو اسلوبها عكس اسلوب قائدها اللي تعتبره قدوة لها .. بس زاراكي رح يعترف بيها بالاخير بسبب قوتها وذكائها وبنفس الوقت لانها تعالجه في نزالته حتى تستمر لوقت اطول.
معلومة عن ميراي : ما تحب تنادي قائدها "كينباتشي " واللي هو اللقب اللي يفخر بيه... لانو في اول لقاء لهم شافت رحمة زاراكي . لانو انقذها من الناس اللي عذبوها. القائد في نظرها شخص طيب مهما اظهر من قسوة عشان كذا ما تحب تناديه بلقب كينباتشي.
بالنهاية ميراي تحترم قائدها احترام كبير وممكن تعمل اي شي عشان تردله جميله .
-
وهذي هي شخصيتي الخيالية اللي اخترتها لفعالية المدونين .
لانو فالانمي دايما نلقى شخصيتين مختلفتين .. مثل الشمس والقمر وانا حبيت اختار ميراي حتى تكون شمس زاراكي كينباتشي.
واللي يضحك على خيالي رح اجي لغرفته فالليل واغتاله وقت نومه ​