- إنضم
- 12 مايو 2019
- رقم العضوية
- 9970
- المشاركات
- 7,198
- الحلول
- 13
- مستوى التفاعل
- 34,897
- النقاط
- 2,075
- أوسمتــي
- 54
- العمر
- 30
- الإقامة
- Deutschland
- توناتي
- 10,150
- الجنس
- أنثى
LV
13
اليوم قررت اني احكي عن مغامرتي بالجية ع المانيا مع اني وربي كنت كاتبة كلام طويل من سنة ع اساس اني نزلو بالمدونة و ترددت وحفظتو بالورشة وبعدين حذفتو
.gif "At (136) ه2")
بس قلت ليه ما احكي لانو فيها اشياء حلوة و مو حلوة .gif "At (48) ب1")
.gif "at1 ق1")
هلأ هالتدوينة رح تكون طويلة و مابدي سويها ع جزئين ف الي بحب يتابع
.gif "At (209) ش2")
بأول شهر 7 سنة 2018 حكا بابا مهرب مشان يسوي اوراقي و انا ماكنت متوقعة انو الامور تصير بهل السرعة بعد 3 ايام بالضبط اتصل المهرب قال بكرا الصبح ساعة 4 طيارتها و انا شو ؟ وين بكرا الصبح ؟ بدي ودع رفقاتي بدي ودع الامارات و شوارعها كنت متعلقة فيها كتير . . ما كان عندي مجال اني فكر حتى بالتوديع يادوب كان عندي وقت اني رتب اموري و اشتري الاغراض الي لازمتلي
المهم سافرت و لسوء حظي كان مافي حجز الا بدرجة البزنس و ليه لسوء حظي ؟ رح اجيكم بالحكي
.gif "At (208) ض0")
. . طبعا انا ولا مرة سافرت برا الامارات لحالي و اخر مرة سافرت كانت بسنة 2010 يعني تجربتي بالسفر زيرو . و كنت خايفة يصير علي شي بالطريق او بالمطار . . و هون المصيبة اني كنت لحالي !لما وصلنا للمطار كان الحجر ذكي جدا عنجد كان المهرب حاجزلي على لبنان ترانزيت بتوقف بتركيا و بتعرفوا عن جديد صار نحن السوريين بدنا فيزا للبنان و بمطار دبي الي بشوف التذاكر شاف الحجز و استغرب حكالي انتي رايحة ع لبنان ؟ حكيتلو اي ( و انا ماكنت عارفة شو القصة بعدين عرفت ) حكالي كيف رايحة ع لبنان
و ماعندك فيزا ؟ حكيتلو مابعرف رفيقتي حجزتلي و سألني كم من مرة و انا تلبكت و خفت كتير قلت معقول تبين السفرة من اولها
اخر شي مشاني و دخلت و الله وكيلكم ما تهنيت بدرجة البزنس مع انها كانت اول مرة بفوت هالدرجة بس من كتر خوفي و حزني اني رح اترك الامارات و كل رفقاتي ماحسيت و استمتعت فيهاو وصلنا لتركيا و التبديل التاني بكون تاني يوم فضليت بالمطار شي 7 ساعات و الي ساعدني انو الي بيحجز بزنس على الخطوط التركية بيقدر يدخل على الجناح الخاص فيهم بالمطار و فتت و ارتحت هنيك و كان كل شي ببلاش و كنت اخد مي و عصاير و اطلع اتمشى برا ههههههههههههه
كان الجناح كتير حلو بس وربي ما استطعمت فيه من كتر الوحدة و الخوف .gif "At (110) :(")
. .المهم و اذ المهرب بيتصل بيحكيلي رح تلاقيكي بنت من جوا المطار رح تعطيكي جواز خديه منها وروحي للبوابة كذا مشان تطلعي و انا كنت خايفة تشوفني الكميرات بس مين كانت تخطر ببال حدا هالخطة ؟
كان جواز مغربي و رحت للبوابة و فعلا ختمولي الجواز و طلعت و صرت بتركيا مو نظامي
و انا حاسة بإحساس غريب بعمري ما توقعت سوي هيك وكل عمري كنت نظامية و لما دخلت تركيا عنجد انسحرت بجمالها كانت اول مرة بشوفهاو رحت شفت مساعد المهرب المهرب باليونان و بيعرف ناس بتركيا ف هو اخدني ع فندق متل هم قلبي لا هم قلبي كان رح يكون احلى متأكدة ههههههههههه
كان كتير وسخ بشكل اععععععع لان وقتها ما كان معي فلوس تكفي يحجزلي بفندق احسن من هاد ف هاد الي كان موجود . . ضليت هنيك يومين التالت اجا لعندي قال انو رح نجتمع بقروب و هو عرفني ع واحد قلي هو رح يساعدك بالطريق و ساعدوا بعض . . و فعلا صار هيك
بداية الرحلة
ركبنا بباص و كانوا الي معنا كتااار و كنا محشوكين حشك فيه
فكرت اني رح كون لحالي او بالكتير 3 معنا . . انصدمت لما عرفت انو معنا اكتر من 20 شخص ص0 ؟ و متل ما بتعرفوا كلما كتروا الاشخاص كلما كان اسوأ و كانت نسبة انو ننمسك اكبر و انا قلت يلا الله بيسترها معنا . . وصلنا ع نقطة بين حدود تركيا و اليونان كانت بتفصلها غابة . . نزلنا من هالسيارة و بلشت الرحلة كانت بتاريخ 24-7-2018 و لسوء الحظ البنت الي كانت قاعدة جمبي كانت مخطوبة و على اساس انها تروح ع الدنمارك لعند خطيبها و لسوء الحظ انها تخانقت معو و قررت لحالها ومافكرت فينا شو رح يصير فينا انو تسلم حالها للجيش الي ع الحدود و خربت خطتنا لانو كان ع اساس انو نمر بالحدود بليل مشان محدا يشوفنا و هيك اضطرينا انو نأجلها للصبح و اضطرينا كلنا ننام بالغابة بالطين و البرد و كانت تمطر و الحشرات كانت تاكلنا اكل و الله الله لا يعيشكم الي عشتو بهداك اليومطلع الصبح و نفخوا البلم لانو في نهر رح نمر فيه بس خلصوا رحنا ركض لهنيك و قبل ما نوصل للنهر كان في حقلين واحد ناشف والتاني كانت المي فيه بتوصل للكاحل و بتعرفوا شو ؟ كان في مي مع طين اقسم بالله هالموقف مستحيل انساه كل عمري و هلأ عم احكيلكم اياه كأنو هلأ عم بصير . .
كنت حاملة شنتة فيها وزن 7 كيلو و دخلت بهل الحقل و لازم اركض كيف رح اركض و في مي بتوصل للكاحل مع طين ؟ و كان الطين يسحب رجلي لجوا و كان الشوز يطلع من رجلي من قوة الطين و انا ما قدرت و كان الحقل كبير وطويل و مابقدر اني اركض لوصل للجهة التانية و لازم الحق قبل ما توصل سيارة المراقبة الي انا شفتها قبل ما انزل و انا هون شفت عزرائيل قدامي ص0 فعلا فعلا كان اكتر موقف بخوف بحياتي خفت حدا منن يشوفني و كنت لحالي و الكلب الي كان معي على اساس يساعدني سحب علي و مشى للنهاية و فعليا انا كنت لحالي بالحقل !
ماعرفت شو ادعي ماعرفت شو احكي . . حسيت بهديك اللحظة اني شايفة شريط حياتي قدامي من لان قلبي كان رح يوقف من التعب و الخوف و كنت عم ابكيييي والله كانت حالتي حالة
و بفضل الله قدرت اني اوصل للجهة التانية و كان في جبل عالي من كتر التعب ماقدرت اطلعو الله يخلي واحد مد ايدو يساعدني وبعدين تخبينا بين الشجر كانوا يجيبوا دفعة دفعة لانو البلم ما بساعنا كلنا و اجت دفعتي و طلعت فيه و وقتها كان النهر سريع و هايج لما قربنا من الضفة التانية صاحب البلم ما كان يقدر يمسك بشي مشان يوقف البلم و انا خفت قلت لوين اخدنا هاد
قمت انا مديت ايدي و مسكت جذع شجرة كانت طالعة و وقف البلم و نزلناوصلنا منطقة هي منطقة حدودية الفاصلة بين هنغاريا و تركيا و اليونان كانت الساعة 7 الصبح نمنا فيها للمسا
و بلشنا نمشي و وقتها كان معي ساعة عيرت الساعة من وقت ما بدينا مشي لوقت ما قربنا نوصل بالضبط شي 5 ساعات و نص مشي بدون توقف ! تخيلوا ! 5 ساعات ص0 و كنت لابسة عدسات و عدساتي كانوا بعيني من لما طلعنا ع البر كملت فيهم 4 ايام وكانت عيني نااااشفة و بطلت شوف فيها و كانت الدنيا ليل انعيمت رسميا وقتها !
كنا نمر بين الحقول التابعة للجيش اليوناني الحلو بالموضوع انو كنا نمر بين حقول دوار الشمس و حقول الذرة كانت كبييييييييرة و كتييرة
و القمر كان بدر وقتها كان عم بضويلنا الطريق .png "At (39) ش1")
لولا القمر الله وكيلكم ما كنت شفت شي . . مافي مكان الا و مشونا فيه بين سكك القطار لبين الغابات ل عالرمل ل ع الحصى كل مكان و رجلي فعليا انتهت و التهبت من كتر المشي ! وضهري انتهى من حمل الشنتة !
وصلنا للمنظقة قبل الاخيرة و هي المنظقة الي تخليت عنها عن جاكيتي المفضل لأنو اضطررنا انو ننام بالغابة للصبح و المنطقة الي اختاروها جدا سيئة كانت مستنقع ناشف تقريبا و كانت رطبة و الارض كانت مبلولة و كان في طين و حشرات ليقول الرحمن بس . . و الله يخلي واحد كان معو بخاف الحشرات بخو على ايدي و رجلي و مع هيك الحشرات اكلتني اكل و البرد موتني وماقدرت لا نام و لا اتدفى و حطيت الجاكيت تحتي و الجاكيت صار كلو مي و اضطريت اني كبو بوقتها و زعلت < هو عندك وقت تزعلي ع شي
صار الصبح واذ واحد بيحكي في واحد من العساكر بالمنطقة ف خلونا نغير المنطقة بسرعة رحنا لمنطقة والي هي الاخيرة هي المنطقة كانت حلوة ومقبولة ع الاقل كانت ناشفة
ضلينا هنيك للمسا و كان وقتها بكمل اليوم الرابع بالغابة و كل هاد بسبب هديك البنت الغبية لولاها كنا ما كملنا 3 ايام . . و المي خلصت من عنا ف راحوا الشباب جابوا مي من النهر و كانت اول مرة بشرب فيها مي من النهر ع اد ما كنت عطشانة كنت شايفتها مي زمزم و الله كانت طيبة و مو موسخة كتير يعني ماشي الحال احسن من بلا و هلأ اجا دور شو؟ السيارة الي رح تاخدنا لمنطقة باليونان اسمها سالونيك طبعا نحن هلأ صرنا باليونان خلص بس بالمناطق الخارجية و شو فكرت انا ؟ انو رح ارتاح اخيرا سيارة رح اقعد فيها لبين ما نوصل هههههههههههههههههههههههه
خيالي كان واسع ما شاء الله . . المهم رح حاول اوصفلكم الي صار وقتها . . كان بليل تمام . . و كانت وقتها السما عم تمطر مطر غزيييييير مع برق و رعد . . قالولنا نركض للكوخ الي هنيك و رجعنا لنفس موقف الحقل كانت الارض شبعانة مي من المطر و صاير طين و الطين كان يسحب رجلي و كالعادة كنت اخر وحدة
و بهل المسافة بين ما كنا قاعدين و بين الكوخ كان ممكن الرعد يضرب الارض و يخلي كل هالعالم نصير رماد الله وكيلكم اني انتبهت على هالشغلة و كنت خايفة من هالشغلة انو يضرب الرعد الارض و نروح فيها و كانت السما كأنها غضبانة و زعلانة يعني شايفين هاليوم الممطر الكئيب ؟ هيك كانت السما وقتها . . و وصلنا الكوخ و من كتر ما كنا عطشانين كان الكوخ يسرب مي المطر من السقف و كانوا يحطوا تمن و يشربوا منو 
متخيلين اديش كنا عطشانين بعدين اجت السيارة و الله لا يورجيكم السيارة كيف كانت , كانت باص صغير بدون كراسي و نحن كلنا اكتر ن 20 شخص لازم توسعنا الله وكليكم صرنا نفس الغنم كلنا فوق بعض و انا بهل الطريق صرت ابكي بكييي من قهري على الي عم بصير فيني . . على ذل اللجوء و التهريب و على كيف كنت وكيف صارت حالتي و كنت ابكي الله يسترها معنا وما ننمسك . . ياويلي شو بكيت بهداك اليوم و انا عم ادعي دعاء يوسف . . و كانت عم تمطر ليقول الرحمن بس . .
و واحد من المهربين قال انو رح ياخدونا على جبل قريب من هون لانو في دوريات معباية الشوارع ف قالوا مشان يضمنوا محدا يمسكنا . . رحنا ع الجبل و الحلو انو كان في زعتر اخضر كانت ريحتو قوية . . و بتعرفوا زعتر الاخضر بنمو ع الجبال . . والله وانا بنص مصيبتي فكرت اني اخدلي شوي لامي
< لما حكيتلا الموقف بعيد فرطت ضحك علي وصلنا تقريبا لفوق و طلعنا مشي لفوق مشان ننام للصبح . . و كان بررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررد ليقول الرحمن بس لانو جبل و عالي و كانت عم تمطر و تيابنا تعبت مي من المطر والله تجمدنا من البرد للصبح بس الحمد الله صار الصبح و كأن الله حاسس فينا طلعلنا الشمس و كان قوييية قوية قوية الشباب نشروا تيابكم و انا تيابي نشفت بدون تنشيف من قوتها
و طلعنا بالسيارة وكملنا طريقتناشي 4 ساعات و نحن فوق بعض بالسيارة لحتى وصلنا سالونيك و قبل ما طلعنا من الغابة بدلنا تيابنا لتياب مرتبة مشان ماحدا يشك فينا لما نوصل سالونيك و انا بنطلوني من ورا كان لونو ابيض من قعدة السيارة
وصلنا سالونيك وكنت مع شبين تعرفت عليهم هنيك و ضلوا معي لحتى وصلت اثينا و قبل ما نوصل اثينا رحنا نشتري تياب انا شتريت بجامة وبدلت تيابي و رحنا على سوبر ماركت واول شي شفتو هو قنينة مي و عصير برتقال ما كنت جوعانة ع قد ما كنت عطشانة والله بتذكر وقتها اني شربت قنينة المي بأقل من 10 ثواني و عصير البرتقال نفسو و رحنا على منطقة السياحية بسالونيك وكان وقتها تاريخ 27-7-2018 و كان يوم الجمعة و بتعرفوا تاني يوم عطلة عندهم و كان زحمةةة و رحنا تمشينا و اكلنا باستا كانت اول وجبة فعلية من 4 ايام متخيلين ؟بعدين رحنا حجزنا بالباص لأثينا و كان بدها الرحلة 5 ساعات لتوصل اثينا و ماحسيت فيها لاني نمت نومة مريحة بالباص لانو مانمت نفس العالم من 4 ايام وصلت اثينا و كان المهرب الي اسمو عصام ( ورح بلش من هلأ ناديه بهل الاسم لاني بكره كلمة مهرب
) . . و كان عم يستناني عند المحطة و نزلت و تقابلنا و اخدني على مطعم اكلت منيح و بعدين اخدني ع بقالة شترالي اكلات مشان اكلها بالفندق و بعدين اخدني ع فندق . .على قولتو انو هو حجزلي بهل الفندق مشان ارتاح فيه لاني هو بيعرف كيف كان الطريق و كان غالي ف الله يكتر خيرو و يجبر بخاطرو لعصام
كان الحجز ب 100 يورو باليوم متخيلين ؟ لما دخلت الغرفة والله ما بعرف شو احكيلكم حاسة رح ابكي بعد شوي من كتر ما حسيت بالنعمة وقتها الي هي نعمة البيت !رحت دايركت تحممت حمام ساخن الله وكيلكم راسي جبصن من كتر ما كنت اعرق و ابرد و بتعرفوا العرق بصير قشرة و برجع اعرق و ببرد و راسي التهب بهل السفرة و بتعرفوا الشعر الدهني لازم يتحمم كل يومين ل 3 كحد اقصى و لما وصلت الفندق تحممت حمام كان احلى حمام بكل حياتي راحة مو طبيعية والله انو البيت نعمة !!
و لما شلحت البنطلون الله لا يورجيكم شو شفت
كل رجلي فيهم دم و حبوب و تقشير من الحشرات وصورت فديو و لحد هلا عندي ياه مشان يذكرني بهل الشي وما انساه وفوق هاد كان عندي دم ميت من كتر الخوف الي مريت فيه و اكلت و شربت مي ليقول الرحمن بس لاني من كتر ما تعقدت بالطريق من العطش صرت شوف المي باحلامي شربت شربت شربت لانفزرت
و حطيت القنينة جمب راسي كمان و اهم شي اني اكلت يعني شبعانة و شربانة مي مزبوط و متحممة منيح و بمي سخنة و مو نايمة منيح من 4 ايام و هو عصام قلي نامي لحتى حكيكيكانت الساعة 5 الصبح اقسم بربي هاللحظة ما بنساها لانها مارح تتكرر
اني نمت من ساعة 5 الصبح للساعة 8 بليل يعني 15 ساعة نوم ولما صحيت حسيت كأني انولدت من جديد من كتر التعب وربي وربي ااااخخخخ شو احكي بس ؟ بهداك الوقت كل شي كنت شايفتو نعمة !!و لما فتحت الموبايل مشان شوف الساعة انصدمت فكرت ساعة الموبايل خربانة
ماتوقعت اني نمت كل هاد حتى ضليت كم دقيقة لحتى استوعبت الموقف قلت خييييبة معقول كل هاد نوم و لما فتحت السناب تشات تبعي شفت كل رفقاتي عن بعيدوني وانا مستغربة ليه؟ ف انتبهت بعدها انو صار تاريخ 28-7 عيد ميلادي
و انا وقتها ماعرفت اضحك ولا ابكي من الفرحة انو على هالصدفة بعدين صرت اطلع مع هالشبينن وخلوني قابل تقريبا كل القروب الي كان معنا و كان في بنات فيه و كنا نجتمع بشي كافيه و نعقد فصرنا رفقات وبعدها عصام خلاني روح لجزيرة اسمها كوس مشان اطلع من هنيك عندهم كان مطار كتير صغير و كيوت
. . ركبت بباخرة كبيرة وفخمة و هي اساسا باخرة سياحية بتوصل اثينا باكل الجزر . . وكان فيها فندق و فيها باركن للسيارات من تحت وكانت فعلا باخرة ضخمة . . كانت تطلع منها شاحنات كبييرة و كنت استغرب كيف كانت تساعها . . كان وقتها معي جوار و هوية و شهادة سواقة كندية طلعت ع الطيارة كانت طالعة على المانيا و لما وصلت المانيا ما كان في ولا حاجز تفتيش استغربت والله و عرفت نعمة الاتحاد الاوروبي لما وصلت مطار هامبورغ ضليت امشي لحتى صرت بشوارع المانيا هيك بدون اي ختم او تفتيش كل هاد لاني جاية من اليونان لاني كانت الرقابة هنيك مشددة مشان هيك مو حاطين شي بألمانياراحوا استقبلوني بنت خالتي و زوجها و رحت لعندهم تعشينا و حكينا و نمت للصبح حجزولي بباص لمقاطعة زارلاند وكانت مدة الرحلة 12 ساعة ولما وصلت زاربروكن و شفت ماما يالله حسيييت كل الحمل راح عن ككتافي و كل التعب راااح ولا كأني حسيت بشي والله هديك اللحظة ما بتتنسى الله وكيلكم الام نعمة نعمة . .
و بعد بشهر لحتى سلمت حالي وصلت المانيا تاريخ 3-9-2018 و سملت حالي بشهر 10 وكل هاد كنت عم استنى لتنتهي الاقامة الاماراتية من جوازي لاني كان بدي سلم جوازي كمان . . و فعلا رحت سلمت حالي و بصموني وكل شي و اخدوا اقوالي بالمحكمة و طلع القرار اني كون حماية بألمانيا مو لاجئة طبعا اللجوء افضل و اضمن بس شي احسن من شي . .
و هينا نحن هههههههووووووووووونننننننننن
.png "ne (12) هي11")
كلما مر بموقف صعب هون او حس اني بدي استسلم بتذكر هالرحلة و بهون علي كل شي باللي عم بمر فيه هون . . بسبب هالرحلة صرت متمسكة باحلامي اكتر اني حققها وانو مافي شي رح يوقف بوجهي من مصاعب . . لان اكتر من هالمصاعب الي واجهتها شو رح يكون في ؟الله يوفق كل شخص ساعدني بهل الرحلة و الاكتر عصام لأنو اواني و طعماني و شربني وكان رفيقي بهل الرحلة ولحد هلا بتواصل معو لأنو كان شخص كتير طيب و منيح وماكان خبيث نفس باقي المهربين
و لما اخواتي التنين طلعوا كمان تقابلوا معو و صار رفيق للعيلة
. .فقرة الصور
هون لما كنت بالطيارة هي كانت وجبتي
لما وصلت اسطنبول هي كانت اطلالة الفندق الزبالة الي كنت فيه
وهون لما وصلنا سالونيك هي هية الوجبة الي طلبتا الباستا
هي تذكرة الباص لأثينا
هي وجبة كنت مدمنة عليها باثينا حتى نسيت اسما عبارة عن شيش طاووق مع بطاطا
و بحطوا معها ليمون لذيييييييييييذة
و هي تذكرة الباخرة لجزيرة كوس
هون لما كنت برا الباخرة صورت هالمنظر طبعا عندي كتير فديوات بس مابعرف كيف حطهم هون
كتير كان حلو المنظر وهادي
. . 
هون لما زبطت وطلعت بالطيارة طبعا الصورة مو كتير واضحة لاني خفت حدا يشوفني وانا عم صورها ويشك فيني
للعلم انو هي كانت المحاولة الخامسة 
لما وصلت مطار هامبورغ وقتها جد جد ماكنت مصدقة اني وصلت
هون صورة لستوري السناب الستوري ما كمل 24 ساعة و الله حقق امنيتي اني وصل المانيا
هون واحد كان متابع معي ضحكني تعليقو
ماباقي غير وصل الدنمارك 
هي بمكتب الهجرة لما سلمت حالي
هاد اول معاش الي باخدو من الدولة
.
.png "At (116) حز88")
ترددت مع انو في بعضهم حكولي انو الاعلام.gif "At (138) ه1")
